تجمع للحوامل ياريت كل واحدة حامل تدخل وتشاركنا

[نسمة الريحان 0]

عليكم السلام ورحمة الله وبركاته

 

أم احمد العلوانى

 

جزاكى الله خيرا

 

ربنا يخليلك احمد ويباركلك فيه

[نسمة الريحان 0]

حبيبتى انين السحر

 

السلام عليكم ورحمة الله وبركاته

 

مبارك الحمل ياغالية واعانك عليه واتمه الله عليك

 

عرفت من شريط الحمل اننا زى بعض في مدة الحمل

 

ربنا يكملك علي خير

 

كنت كمان زيك في الخجل من الحمل

 

اول ماعرفت انى حامل ماعرفتش اقول لحد الخبر

 

رغم ان كل العيلة مستنية الخبر ده

 

وكل اللي يسألنى وبدعيلي بالحمل

 

ارد واقول ربنا ييسر ونفسي اقوله انى حامل وبرضه مكسوفة ومش عارفه

 

وحتى زوجى كمان كان كده

 

الشيخ اللي بيحفظه سأله علي الحمل وكده

 

اتكسف ورد عليه "ربنا ييسر"

 

بس اول واحد عرف انى حامل كان بابا بس بعتله رساله علي الموبايل

 

بس كنت فرحانة فرحة مجنون

 

الحمد لله ربنا يكملنا علي خير يارب

[حنيني إلى بلادي 0]

السلام عليكــم ورحمـة الله وبركاتــه

 

كيفكم جميعاً يا غاليات ؟؟؟؟؟؟ يا رب تكونو بخير.. أنا الحمد لله ماشي الحال عندي ..... بس يا ريتني أولد على خير يا رب .. ما بعرفش أدخل ارد عشان ما بعرفش أقعد من آلام الظهر وبعملها إبر صينية عشان عظمي ما بيستحملش الوزن التقيل وكمان رجلي الشمال ما بقدرش أدوس عليها الدكتورة قالت ممكن عشان الجنين ضاغط على عصب وربنا ييسر كل عسير..

 

ياريتني أكون ولدت يا سجودي انا دخلت التاسع من كام يوم .... ..انا تقريبا الأكبر لأني بقيت كرنبة هههههههههه مش عارفة أشيل نفسي ....وما تقلقيش من الولادة في السعودية كل الناس عندنا بتقول انها افضل من مصر لما جربو .. كانو بينزلو عند أهلهم ولما اضطرو زيك كدا قالو يارتنا كنا ولدنا هنا من الاول ربنا يكرمنا جميعا بالولادة الميسرة.

 

جزاكن الله خيرا على السؤال عني يا أم رقية ربنا يطمنك دايما وأم أحمد ونسمة الريحان .... وحمدالله على سلامتك يا كنوز ... فينك سيرة ما عدتي تدخلي انتي كمان زمانك دخلتي التاسع؟؟؟

كيف نهلة وأم عمر ومريم ؟؟؟؟؟؟؟؟

 

ويا ريت اللي يعرف أخبار الدكتورة مسلمة وصفة الصفوة يطمنا عليهم ..

 

مبارك للحوامل الجدد..... تعيشو وتاخدو غيرها ههههههههههه .......وبقولكم اتمتعو بالحمل و الله شيء جميل جدا ورائع بس ما تسيبوش التعب ينغصه عليكم ..

[** أم يحيى ** 104]

شكرا لك اختي راجية الله يسعدك والله فرحتلك من قلبي رغم اني لا اعرفك و اتصور الفرحة لي حسيتها مني رزقك الله . واسال الله ان يرزقني ويرزق الاخوات المحرومات الذرية الصالحة ,هو طلع النخيل هو نفسو حبوب اللقاح و ايش بيسموه بالمغرب,,ادعوا لي يا اخوات بظهر الغيب

[شذى الهمة 331]

كيفكم يا غاليات

وحشتوني وحبيت أطمن عليكم

في الحقيقة انا فعلا ببقى فاكراكم واحدة واحدة وببقى شايلة همكم وتعبكم

ربنا يهون عليا وعليكم

 

أنا راجعت الطبيبة أمس وطمنتني بس قالتلي حجم الجنين قليل وغالبا هيتولد أقل من ثلاثة كيلو

مش عارفة هشيله إزاي ده

وبعدين كان نفسي يشد حيله علشان يستحمل اللي هيعمله فيه عمر

بحاول آكل على قد ما أقدر اليومين دول

دعواتكم

وأوصي الحوامل الجدد ياكلوا كويس وما يستسلموش للوحم والترجيع بس ارجع وأقول بيبقى غصب عن الواحد فعلا موضوع الترجيع ده

بس عامل النفسية مهم قوي

 

أم عمر ومريم

وحشاني انتي دخلتي السادس صح

شوفتي انا فاكرة ازاي

 

حنيني

متحاوليش بإذن الله هنعملها سوا

أنا الأول كان نفسي أولد في اول يوم في التاسع

بعد ما عرفت حجم الجنين عايزة اولد في آخر يوم

ربنا يتملك بخير يارب

 

سالي عفوك يارب

اسأل الله ان يرزقك الذرية الصالحة عاجلا غير آجل يارب

[أم اللؤلؤ المكنون 4]

السلام عليكم ورحمة الله وبركاته [

font=Tahoma].............................................[/font] أعذريني أختي الحبيبة سجودي نسيت أذكر أسمك كتير بكون علي الكمبيوتر وشيله أحمد أو برضع الأنسه مريومه فالتمسي لي العذر ويعلم ربي إني بتبعكم بالقراءه ولا أستطيع الكتابة إلا أن يشاء الله أدعوا لي ربي يهدي أحمدلحسن غرته تعباني لدرجة إني لوحبيت اقبل مريم لازم ميكنش موجود أو حتي ألعبها صعععععععععععععب الله يهدي وجزاكم الله خيرآ أختي نسمة الريحان علي الدعاءولك مثل ربي ييسر لكن الحمل والولاده ويريكم عجائب تيسيره وقدرته ويتم لكم النفاس علي خير أمييين

تم تعديل 1 نوفمبر, 2010 بواسطة أم أحمد العلواني

[ام عمر ومريم 3]

السلام عليكم ورحمة الله وبركاته

كيفكن يا بنات عامكلين ايه

ربنا يكمل حملنا على خير يارب ويقومنا بالسلامه اللهم اميييييييييييييين

انا الحمد لله بخير وعملت تحاليل وكله كويس ما عدا الالتهابات لسه موجوده واعطتنى مضاد حيوى عشانه وربنا يعافى عننا يااارب

ام رقيه كيف حالك حبيبتى عامله ايه وازى روكا انتى فى الكام دلوقتى

 

ام عمر ربنا معاكى حبيبتى متقلقيش من الوزن انا مريم كانت كده ونزلت صغيرة مع الرضاعه ولما تاكل بكرة يكبر ان شاء الله ويسهلك امرك يارب ويالنسبه للولادة عندك كتير ولدوا فى الغربه بل بيقولوا انها احسن وانضف هو العيب ان مفيش حد معاكى بس ربنا ثم جوزك وابنك ربنا يخليهم يااارب وساعتها هتلاقى كذا واحدة معاكى وربنا يقومك بالسلامه ويسهلهالك يااارب انا فعلا فى السادس ياام عمر ادعيلنا فى الولادة ان ربنا ييسرلينا امرنا يارب

 

فطوووووووومه اين انتى اختفيتى تانى ليه تعالى طمنينا عليكى

 

حنينى لبلادى ربنا معاكى حبيبتى انا عارفه الشعور التقل ده انا فى السادس وبشعربيه عامله زى الواحدة الكبيرة فى السن ولما تشوفينى امشى عامله زى الكورة هههههههههههههههه ربنا يكملها على خير وتقومى بالف سلامه

 

نهله ام بلال شفاكى الله وعفاكى حبيبتى انا برده بعانى من الالتهابات واتكرر ليه العلاج ايضا لتانى مرة والحمد لله على كل حال

 

نسمة الريحان منورانا حبيبتى ربنا معاكوا يارب ويكملكوا على خير اللهم اميين

اميمه وام اسامه وانين السحر كيف حالكم ياغاليات

 

ليتيسيا وسيرة اوعى تكونى عملتيها وصفوة الصفوة فينكم غايبين عننا ليه

 

درصوفه عامله ايه ياجميل واخبار سلمى ايه معاكى

 

كنووووووز الدنيا كيف حالك ياغاليه

 

سهوووووووومه عامله ايه حبيبتى فى البرد معلش اكيد البرتقال هو اللى بيسسب تهيج معدتك ربنا يعافى عنك يارب اشربى اشياء دافيه احسن وان شاء الله تتعافى يارب

 

 

ام يونس ازيك عامله ايه وكيف حال البنوته

 

 

حبيبه قلبى عبوووووووووووده ربنا يصلح حالك يارب ويرزقك الزوج الصالح يارب اللهم امين والله انتى العسل وجميله ربنا يخليكى يارب على كلامك الرقيق جزاكى الله كل خير ياغاليه

 

 

ام احمد علوانى ربنا يخليهم ليكى وتفرحى بيهم يارب احمد ومريم معلش هما الاولاد كده ربنا معاكى حبيبتى ويحفظهم ليكى يارررب

احبكن فى الله جميعاااااااا

[ام روتى 4]

أنا راجعت الطبيبة أمس وطمنتني بس قالتلي حجم الجنين قليل وغالبا هيتولد أقل من ثلاثة كيلو

مش عارفة هشيله إزاي ده

وبعدين كان نفسي يشد حيله علشان يستحمل اللي هيعمله فيه عمر

بحاول آكل على قد ما أقدر اليومين دول

دعواتكم

 

ربنا يكملك على خير حبيبتى

 

ومتقلقيش من الولادة هنا فى السعودية انا ولدت مرتين هنا ودى الثالثة إن شاء الله

 

ربنا يكرمك بدكتورة شاطرة وتخاف ربنا إن شاء الله

 

وبالنسبة لحجم البيبى متقلقيش بردو اوقات السونار مش بيطلع صح

 

انا فى بنتى الأخيرة جاء ميعاد الولادة والدكتورة قالتلى دى وزنها 2.5 كيلو ومش حينفع اولدك دلوقتى

 

وبعدين راجعت شافت التخطيط وقالتلى لا دة انتى لازم اولدك اليوم

 

والحمد لله ولدتها 3 كيلو و200جرام ربنا ييسرلك يارب وتقومى بالسلامة

 

وكل الحومل ياااااااااااااااارب ويرزق كل محروم

[ام رميساء و جنى 16]

السلام عليكم ورحمة الله وبركاته

 

كيفكم اخواتي الحوامل اسال الله العظيم ان تكونو جميها في احسن صحة

 

بنوتة مسلمة تسلمي حبيبتي على سؤالك الي فرحني كثيييير والله ويارب ييسر امرك انت وعبودة وتلحقو بينا عاجلا غير اجل

 

اختي سجودي فعلا انا وقفت اكل البرتقال بس رغم كدة الترجيع موجود يعني مثل ما قلتي بيرجع في الفترة الاخيرة

 

اسال الله العظيم ان ييسر ولادتك انت وحنيني وكلنا يارب

 

نعم اختي سالي فانا مغربية مثلك طلع النخيل عندنا في المغرب ايضا اسمه طلع النخيل اسالي عنه العطارين الكبار ويارب يفرح قلبك انت وكل محروم يارب

 

ام عمر ومريم وحشاني جداا اخبارك ايه تخيلي اني لسا صاحيا من دور البرد من يومين والنهاردة قمت ولسا بتحرك في البيت حسيت انو بيرجعلي تاني لانو الجو بارد وانا ما كنتش لابسا كويس يارب يبعدو عني يارب لانو فعلا بهدلني الحمدلله

 

الاخوات الباقيين اسما باسم عاملين ايه والمبتدئات الله يعينكم ويصبركم على ايام الوحم ويثبت حملكم ويارب

[أم يـونـس 12]

كيف حالكم ياغاليات إسما إسما ؟؟

 

أنا الحمد لله بخير ياغاليات ... فقط أحس نفسي ثقلت والله المستعان

ولم يتيسر لي بعد أن ألقى الطبيبة قرابة الشهرين الآن ,, لكن ربي ييسر وألقاها يوم الأربعاء .. والخميس عندي تحاليل السكر ربنا ييسر

أعذروني والله مش قادرة أرد على كل اخت إسما إسما .. لكن أنا متابعة لكم بالقراءة دوما الحمد لله وبالدعاء ..

يسّر الله لنـا جميعا يارب

[daughterofislam89 10]

حبيبات قلبى وحشتووووووووووووووونى

انا معاكم يا ام عمر ومريومة هو انا اقدر اغيب عنكم

بس انا مبعرفش ادخل الايام دى الصبح اوى لان زوجى وردية ليل فبيبقى موجود الصبح وبتطبخ وكدة

لكن بليل ببقى فاضية

اخواتى الحبيبات اسما باسم سلامى لكن

انا الحمدلله بخير

بس حاسة بتقل فظيييييييييييييييييييع وحاسة انى كعورت وبقيت بحس انى همدانة جدا هل ده طبيعى؟

[ام رحمة السلفية 12]

السلام عليكــم ورحمـة الله وبركاتــة ،،

 

كيف حالكنّ جميعاً

انا متابعة اخبار الجميع حتى لو مش بكتب رد والله انا سعيدة بفترة الحمل بسبب

تجمعنا الطيب

 

فطومة حقيقى انت بتعملى انتعاش رائع فى التجمع

جزاكِ الله خير على طريقة الزبادى حتنفعنا ان شاء الله وقت ما ناكل الاطفال

لانها حتكون انظف واضمن

عايزة اقولك ان رجعت انام كتير جداً وبصحى بصعوبة علشان اصلى

ذى الاول بالظبط غير انى بحس ان كل جسمى بيوجعنى وانا نايمة

وخصوصا ظهرى ودخول الحمام ربنا يخفف عنا

 

سهام ام رميساء كيف حالك متقلقيش انا كمان حسيت ان الوحم بيرجع فى الشهور الاخيرة

ذى الاولى بس فعلاً اخف ربنا يتم حملنا على خير

 

حنينى الى بلادى كيف حالك انا الحمد لله بخير شفاكِ الله وعفاكِ وانا كمان الم ظهرى زاد

خصوصا وانا نايمة ربنا يخفف عنا ويتم حملنا وولادتنا على خير

 

ام عمر ومريم شفاكِ الله وعفاكِ والله انا مش عارفة ايه حكاية الالتهاب ده

ربنا يعفى عنا

 

ام رقية فينك وحشتينى ممكن تدخلى كل يوم تسجلى حضور سريع علشان نطمن عليكِ

بجد بقلق عليكِ ربنا ييسر امرك ويتم حملك على خير وبوسيلى رقية

 

سجودى ماتقلقيش ان شاء الله فى الاسابيع الباقية الوزن يزيد ويبقى كويس ان شاء الله

 

درصاف كيف حالك وحال سلمى اسأل الله ان ينتظم نومها ربنا يباركلك فيها

وياترا كبرت شوية ولا لسه صغيرة وهدمها اكبر منها

 

ام احمد ومريم كيف حالك الله يهديلك احمد وربنا يباركلك فيهم

 

ام يونس ان شاء الله ربنا ييسرلك امرك وتقدرى تزورى الطبيبة اظن شهرين كتير المتابعة المستمرة افضل

ربنا ييسر امرك

 

نسمة الريحان كيف حالك اسأل الله ان يتم حملك على خير

اميمة وانين السحر وسديم كيف حالكنّ اسأل الله ان ي عنكنّ فترة الوحام

 

عندى سؤال انا بحس بالم فى حلمات صدرى ومش بدهن اى شئ وخايفة جدا

من التشققات البعد الولادة ومن الرضاعة فى حاجة المفوض اعملها من دلوقتى لانى نسيت اسأل

الدكتورة عن كريم او اى شئ

[أم يـونـس 12]

نهلة نفتقدك والله ياغالية .. ربنا ييسر لك ويخفف عنك يارب

المشكلة أن المفروض أن هناك متابعة كل شهر .. لكن للأسف الطبيبة غالبا ما تكون مشغولة ولا تحضر فيتأجل الموعد أسبوع في كل مرة والحمد لله على كل حال

المفروض تدهني ياغالية حتى تقل التشققات ما أمكن .. حتى ولو بزيت زيتون أو زيت اللوز وهذا أفضل حتى من الكريمات والله أعلم

وهذا الألم عادي بسبب التمدد لكن لازم الإحتياك من التشققات ما أمكن .. أعرف أن أمر الدهن ممل كل مرة لكن لازم : )

 

وبجد نفتقد الغالية أم رقية أسأل الله أن تكون في خير حال

تم تعديل 1 نوفمبر, 2010 بواسطة أم يـونـس

[ام رميساء و جنى 16]

جزاك الله خيرا اختي نهلة فعلا الوحم رجع مو مصل الاول بس رجعت اللوعة والترجيع الصباح الحمدلله والله يتمملنا على خير

 

اختي ام يونس كيف حالك انت باي شهر الان وهل هذا اول حملك

[daughterofislam89 10]

نهولة حبيبتى

وحشتينى اوى

ربنا يبارك فيكى يارب

اسال الله ان يقر عينك برؤية زوجك قريبا

حبيبتى انا كنت بدهن من نفسى قبل ما اسال الدكتورة من الشهر الخامس بانثينول كانت اختى وبنت عمى صيدلية قالتلى عليه لانه ملطف

ولما سالت الدكتورة قالتلى ممكن ادهن كمان الكريم اللى هى كتبتهولى عشان ادهنه على بطنى عشان علامات الحمل بينفع فى الصدر اللى هو revi2

 

سهومة وحشانى عاملة ايه

انا اشعر من الخامس تقريبا بزيادة الحموضة وتزداد مع الحمل شهرا بشهر بل يوما بيوم*__*

 

ام يونس الجميلة

طمنينا عليكى ربنا يثبتلك حملك يارب

انتى فى الشهر الكام

[ام رحمة السلفية 12]

السلام عليكــم ورحمـة الله وبركاتــة ،،

 

ام يونس الحبيبة ربنا يبارك فيكِ ويسرلك ان شاء الله الزيارة القادمة تجدى الطبيبة

انا الحمد لله معنديش تشققات لكن انا خايفة منها بعد الولادة وان شاء الله احاول استمر بدهان زيت الزيتون

بس الالم البشعر بيه هو البيخلينى اخاف من الالم بعد الولادة مع الرضاعة ربنا ييسر الامر ان شاء الله

 

فطومة جزاكِ الله خير على احلى دعوة ياريت كل ماتفتكرينى تدعيلى ان ربنا يجمع شملى بزوجى قريباً

كيف حالك

انا مطلبتش من الدكتورة تكتبلى اى شئ علشان علمات الحمل على البطن انا كنت بقول

بعد الولادة ان شاء الله بس الزيارة القادمة باذن الله حقولها

والحوضة دى شئ صعب اوى ربنا يخفف عنك وعن الجميع

 

ام رميساء ربنا يخفف عنك حقيقى ترجيع الصبح صعب لكن الحمد لله نحتسب الاجر

وان شاء الله لما نشوف بناتنا الحلوين ننسى اى الم ربنا يتم حملنا على خير

 

فطومة اعملى حسابك فى عرايس كتير ان شاء الله للاستاذ عمر ربنا يتم حملنا على خير ونفرح بشوفتهم

[*أم رقية* 473]

السلام عليكــم ورحمـة الله وبركاتــة ،،

 

تسجيل حضور

 

عذرا منكن يا غاليات وجزاكن الله خيرا على السؤال

 

 

لى عودة للرد بأذن الله

[daughterofislam89 10]

يا سلام يا نهولة انا وعمر تحت امركم

وانا حماة طيبة والله خالص وعايزة ادلع زوجات اولادى ان شاء الله *__*

وبعدين مش عايزين نزعل حد يا جماعة فى التجمع فى ماشاء الله بنات كتير اصغر منه والشرع بيقول 4 ولا ايه *___*

بدعيلك ياحبيبة قلبى والله من غير ما تقولى

 

ام روكة طمنينا عليكى يا حبيبتى وسلميلى على روكا كتيييييييييييييييييييير

[شذى الهمة 331]

إزيكم يا حلوات

أنا حاسة بمغص بيروح وييجي بس بحس أنه متركز في الجنب الشمال أكثر منه في المنتصف

مش عارفة ده إيه ؟

ممكن يكون برد صح

دعواتكم

[daughterofislam89 10]

ازيك يا حلوة انتى

انتى بتشجعى نفسك وتقولى برد خايفة يكون طلق ولا ايه

اسال الله لكِ ساعة سهلة ان شاء الله فى اى وقت كانت :)

[daughterofislam89 10]

ازيك يا حلوة انتى

انتى بتشجعى نفسك وتقولى برد خايفة يكون طلق ولا ايه

اسال الله لكِ ساعة سهلة ان شاء الله فى اى وقت كانت :)

[كنوز الدنيا 0]

السلام عليكم ورحمة الله وبركاته،،

اخباركم ايه يا حوامل؟

ان شاء الله تكونو بخير يا رب

انا الحمدلله كويسه بس هوه وجع الظهر والحمووووووووووووضه

الدكتوره كتبتلى على دواء للحموضه بس طعمه :blush: الله المستعان

ووجع الظهر قالتلى طبيعى بس بجد ممكن اخد الدواءالحموضه وميعملش مفعول

وهوه دواء شرب وقالتلى لما تحسى بالحموضه خذيه

معلقتين كبار :oops:

الحمد لله على كل حال

التامن فعلا بيمر ببطى فظيييع

وانا حاسه انى خلاص تعبت

ربنا ييسر لنا جميعا

وسلامى لكل اخت اسما بأسم

 

ولى سؤال هو فعلا الجنين لما يكبر منعرفش نوعه ايه ؟

وجزاكم الله كل خير

تم تعديل 2 نوفمبر, 2010 بواسطة كنوز الدنيا

[أم يـونـس 12]

بوركتنّ يا غاليـات ..

ربي يخفف علينا جميعا ياارب

 

أنا غدا إن شاء الله أدخل الشهر السابع .. وربنـا يستر

أم عمر .. صدقت ياغالية ..لكن بجد الثقل ده خلااص.. احنا المشكل بدأ عندنا الثلج و البرد فحتى أخرج أتمشى لازم ألبس ملابس و معطف بيوزن وزني عشان البرد : )) فتخيلي شكلي ومشيتي بقى : ))

 

كنوز حيا الله ياغالية .. ربي يخفف عنك يارب

صحيح الحموضة مشكل والله المستعان .. وأنا الأشياء الباردة يجعلها تزيد ولا تنقص الحمد لله .. أنا كذلك أفكر آخذ حبوب لها وربنا ييسر مافيه الخير

بخصوص الجنين لا أظن والله أعلم .. أذكر في الأول عندما قمت بعمل أول أشعة للجنين لم تظهر البنت جيدا فقالت لنا أنه في الأشعة الأخيرة التي قرب الولادة ستظهر بوضوح أكثر إن شاء الله .. فأظن لما يكبر الجنين تصير الإمكانية من الرؤية أوضح و نسبة واقعيتها عالية

 

سجودي .. أم عمر .. ربنا ييسر لك ياغالية .. طمنينا عنك دوما متى تيسّر لك

أسأل الله ان يرزقك ولادة سهلة يسيرة .. وأن يحفظ لكِ ابنك وجنينك ويحفظك من كل سوء يارب

 

أم رقية .. ننتظرك ياغالية ..

 

نهلة .. أظن والله أعلم التشققات تكون خلال الحمل و ليس بعد الولادة .. بعد الولادة ممكن تقصدين الترهلات وهذه بشوية رياضة يصير الأمر كماكان نووعا ما .. لكن مع ذلك لا تتهاوني في الدهان بأي شيء متوفر لك حاليا ..

 

فاطمة الغالية .. اللهم آمين يارب .. الحمد لله أدينا بنتكيف مع التطورات : )

 

راجية .. نعم ياغالية هذا أول حمل لي الحمد لله .. وكما ذكرت أعلاه باذن الله غدا أول يوم لي في السابع

سبحان الله تقريبا مواعيدنا جميعا متقاربة .. نسأل الله أن يمنّ علينا بولادة سهلة يسيرة يارب

[ام عمر ومريم 3]

السلام عليكم اذيكوا يا بنات عاملين ايه

ام عمر سجودى لله ده طلق بيروح وبيجى ياام عمر ربنا معاكى حبيبتى يارب وييسرحالك اللهم امييييييييييييين هيه دى تفاسيح الولادة ياام عمر عليكى بالتمر والمشي وربنا معاكى يارب

 

نهوله والله معرفش ايه الالتهابات دى مع انى عمرها ماجتنى نهائى والا فى عمر ومريم والا من غير حمل بس ده بيقولوا زيادة الاملاح بتعمل كده اسال الله العظيم ان يشفينا ويعفو عنا يااااارب بالنسبه لتشققات الحمل فيه كريك جمييييييييييييل اوى هنا هو بزبدة الكاكو بس مش عارفه مسموح اقول اسمه والا لا بس ممتاز جدا والله وعليكى بزيت الزيتون ايضا ممتاز وربنا يقومك بالسلامه يااارب

 

ام رقيه شفاكى الله وعفاكى الفسلامه عليكى حبيبتى عامله ايه وروكا اخبارها ايه معلش يا ام رقيه كله يهون عشان خاطر اولادنا

 

سهوووووووووومه عامله ايه والله انا برده بقالى يومين بحس ان الوحم رجع تانى وجع فى بطنى من فوق جامد اوى وبحس انى عاوزة اتقئ بس مبتقياش وعلى فكرة ده برد هو اللى عامل فينا كده لان الجو هنا مازال حر ربنا يرحمنا يارب مع المكيفات مخلينا نتعب اوى والله المستعان

 

كنوز الدنيا حاولى حبيبتى انك تشربى حليب ساقع وزبادى احسن من الدواء انا عارفه مفيش حاجه بتاثر بس هنعمل ايه احسن من الدواء وربنا يهونها علينا يارب

 

فطوووووووووووومه منورانا يا جميل والله انتوا من اولها هتتخانقوا على الراجل بعد كده يحلف ماهو طالع هههههههه انتوا هتحملوه مسئوليه من اولها خليه يشم نفسه لما يطلع الاول

 

ام يونس ربنا معاكى حبيبتى انا بشعر بالتقل ده فعلا بالذات امبارح خرجت من حوالى شهر مخرجتش عشان اجيب طلبات البيت مع ان زوجى كان معايا بس كنت ماشيه زى الكورة وعامله زى الست العجوزة من رجلى وظهرى كل ده معلش من الحمل وبيروح باذن الله وان شاء الله تقابلى الدكتورة بتاعتك قريب وتطمنى باذن الله

 

اين باقى البنات سيييرة وليتيسيا وصفوة الصفوة اللى مش باينه خااالص ربنا يطمنا عليها يااارب وانين السحر ونسمه الريحان واميمه المتفائله وام اسامه ربنا يكملنا على خير جميعا ويرزقنا اطفال اصحاء معافييييييييييين اللهم امييييييييييييين

[ღأم عبدالله ღ 30]

السلام عليكــم ورحمـة الله وبركاتــة ،،

هلا بكل الغاليات واعذروني علي التقصير فالنت عندي بطبييئ

الحمد لله انا بخير وذهبت للطبيبة امس وطمنتني

سلامي للجميع.

[وسط][/وسط]