تجمع للحوامل ياريت كل واحدة حامل تدخل وتشاركنا

[محبة لربها، ادعوا لي بالثبات 72]

حمدا لله على سلامتك ام الشهداء وحشتينا ومبارك الحمل حبيبتى

 

يسورة هههههه الصباع ال11 هههههه

 

اشروقة مش هاتكبرى ابدا يا مشاكسة

 

بنت ام عبد بادعى لك ويعلم ربنا حبيبتى

 

المغربية سامحينى عاملة ايه حبيبتى

 

كالسحاب الغالية كيفك يا غالية

 

يعلم ربنا انى لما احط خدى على المخدة بافكر فيكوا واقول يا ترى عاملين ايه

 

نفسى اشوفكوا فى الجنة...اكيد شكلكوا يخض هههههه باهزر

[( أم رحمة ) 0]

السلام عليكــم ورحمـة الله وبركاتــة ،،

 

مبارك أم الشهداء انضمامكِ للتجمع

 

توكلت على خالقي ومولاي,,,

الحمد لله انكِ طمئنتينا عليكي

 

بنت أم عبد’’’

ربنا ييسرلكِ أمورك ويهون عليكِ ويجعله في ميزان حسناتكِ

 

وأشرقتِ السماء,,,

جزاكِ الله خيرا على السؤال

 

المغربية’’

الحمد لله أن نفسيتك تحسنت ربنا يتمم حملكِ على خير ويرزقكِ طفل سليم معافي

 

سلامي لجميع الاخوات :icon16:

[*أم رقية* 473]

السلام عليكم ورحمة الله وبركاته،،

 

جزاكن الله خيرا حبيباتى على سؤالكم عنى

 

النت عندى بيفصل كتير ومش عارفة اتواصل

 

انا نفسي اكون المدة دية معاكم بحب التجمع اوى وزعلانة انى قبت اسيبة بس لا مفر

والله ما بلاقى حد اتكلم ونشيل هم بعض زى هنا

 

اشرقت ماشاء الله عليك الرجل مرة واحدة وزقتيها كمان ههههههههههههههه موتنى من الضحك

 

أم عبد عاملة اية دلوقتى حبيبتى اعانك الله ويسر حالك بالى مشغول عليكى اوى

تعرفى انا كمان فيا اللى فيكى النهاردة جانى طلق هيموتنى والالم شديدة زكمان الالم زاد على رجلى مش عارفة لية والله كنت حاسة انى مش قادرة اقف خالص وضرب فى بطنى وظهرى تذكرتك وقعدت ادعى ليا وليكى

ذهبت للطبيبة قالت ان الرحم مفتوح قيراط واحد مش عارفة يعنى اية قيراط بس الله المستعان وقالت مش هنستعجل لان باقى لى 10 ايام وانهى التاسع ربنا يجعلنا الالمنا فى ميزان حسناتنا بكتب وحاسة بتقل فظيع

 

أم يوسف بجد قلقانة عليكى اوى بالله عليك طمنينى عليك دايما متعرفيش انت غالية عندى ازاى

 

المغربية الحمد لله ان نفسيتك افضل لان النفسية هى اللى بتتعب ان شاء الله تكونى انت والجنين بصحة وعافية

 

ام يونس وويبا بردة قلقانة عليكوا اوى عملتوا اية

 

يسرا ومحبة التاجمع بينور بمشاركتكم

 

ام عمر وخال كيف حال خالد الان اسأل الله ان يشفيه ويعافية

 

ياريت مكنش نسيت حد

 

دعواتكم حبايبى على قد ما انا عايزة اولد تعبت بقى بس بجد مش عايزة اسيب التجمع

 

سبحان الله جمعنا على محبيتة من غير منعرف بعض

 

بجد بجد بحبمن جميعا فى الله

أم الاشبال وام عبد الله مبارك حبيباتى

 

اميمة كيف حالك

 

سندس محمود اختفت مش عارفة لية

 

فاطمة الزهراء وجهاد كيف الحال

 

ام محمد فلسطين كيف حالك واخبار الوحم

 

سديم شفاكِ الله وعفاك

 

انونة مفيش اخبار عنها يارب يكون المانع خير وحشتنى اوى

[أم يـونـس 12]

السلام عليكم ورحمة الله وبركاته

حياكنّ الله غالياتي .. كيف حالكنّ واحدة واحدة .. أسأل الله أن تكنّ جميعا بخير ..

أما عني فكذلك أتممت الموعد المحدد للولادة منذ أسبوع واختفى عندي الطلق و الألم ولتوه رجع اليوم لكن طلق كاذب فقط والحمد لله على كل حال ..

الطبيبة وجدت أني فتحت 2 سم و مستغربة من تأخر الولادة لأن جل الظروف مهيئة .. والحمد لله الحكيم

غدا إن شاء الله أنتظر اتصال المستشفى إن كانت غرفة فارغة حتى أذهب وأبدأ الطلق الصناعي واللهَ نسأل التيسير

حاولت شرب مغلي النعناع والقرفة ، الينسون والبابونج و البقاء في الماء الساخن .. لكن سبحان الله أشربهم عند وجود ألم لكن أول ما أشرب يختفي كل شيء :mrgreen:

 

فالله نسأل التيسير والخير حيث كان .. بنت أم عبد يسّر الله لكِ ياغالية

كان الله في عونك ياغالية .. حاولت أن أجرب أمر الخروع لكن لم أتجرأ صراحة والله المستعان

فرّج الله علينا جميعا ورزقنا ولادة سهلة طبيعية يسيرة يارب

 

أم رقيـة شهّلي يلا دورك بعدنا باذن الله : ) أنا كذلك الأسابيع الثلاثة الأولى في التاسع كان عندي طلق يومي لكن أول ما دخلت الرابع اختفى كل شيء سبحان الله

 

الغاليات جميعا أسأل الله أن ييسر لكنّ ويتم عليكنّ بخير .. متابعة لأخباركنّ عن بعد وأتمنى لو هناك خبر عن أنين أراها غابت تماما : (

[*أم رقية* 473]

ام يونس اسأل الله ان ييسر ولادتك حبيبتى لاتتخيلى مدى سعادتى بمشاركتك وحشتينى جدااااااااااااااااااا

 

والله بكتبلك وفيا الم فظيع الحمد لله

 

اسأل الله ان ييسر لنا جميعا

[بنت ام عبد 151]

السلام عليكم ورحمة الله وبركاته،،

الحبيبات ام رقية وام يونس يسر الله عليكن يا غاليات ورزقني واياكن ولادت سهلة ميسرة .

الغاليات كالسحاب وجهاد جزاكن الله خيرا علي دعواتكن واتم الله حملكن علي خير يا حبيبات

سجودي الحبيبة سامحيني مقصرة معك في السؤال عن خالد ,اسال الله ان يشفيه ويعافيه .

محبة الغالية اعانك الله غاليتي ,وجزاك الله خيرا .

يسرا الحبيبة :جزاك الله خيرا علي اهتمامك دائماً

ومعذرة ان كنت نسيت اي اخت سألت علي ولم اشكرها

جزاكن الله خيرا يا اغلي الاخوات ويعلم ربي كم اسعد بمشاعركن الطيبة واتقوي بها علي الامر , واسال الله ان يقدر لنا جميعا الخير حيث كان.

[بنت ام عبد 151]

السلام عليكم ورحمة الله وبركاته،،

الغالية ام رقية : تقريباً تقصد بالقيراط سم والله اعلم

عموما الولادة بتحدث عند 10سم وفيه بعض الطبيبات بيقولوا علي 1سم اصبع واحد والادق بالسم وعموماً هي اشياء تقريبية تختلف حسب حجم اليد

عليك بالمشي يا غالية ان كان بامكانك فصراحة مشكلتي هي الجلوس الدائم في البيت وتعذر المشي امشي في وضع مستقيم لتساعدي علي زيادة اختراق الراس للحوض وحركات الرجل اثناء المشي بتفتح الرحم اكثر صدقيني الطبيبة اليوم قالت لي احسن رياضة لتسهيل الامر هي المشي وهذا ما ينقصني والله المستعان

[***أم محمد*** 8]

ام يونس ...ام رقية ....بنت ام عبد ...........حتولدوني بدري هههههههه

امسكو في ايدين بعض و خدوها مشي ....او سبق احسن

يارب ادخل كمان في اقرب وقت و تكونو ولدتو كلكم

[شذى الهمة 331]

السلام عليكم ورحمة الله وبركاته

وحشني كثير وجزاكم الله خيرا على دعواتكم لخالد بس شدوا حيلكم شوية في الدعاء

الدكتور قالي غالبا الحالة بتاعته مش هتخف قبل مايتم سنتين وبنعمل اللي علينا علشان ماتوصلش لست سنوات

وعلشان نقلل النوبات

ربنا يخفف عنه يارب وأنا بدأت أأقلم نفسي مع تعبه

الحمدلله ابتلاء أخف من ابتلاءات كتيرة

بنت أم عبد

ربنا ييسرلك يارب الولادة وتييجي البنوتة بالسلامة

كان مفروض تعملي عمرة الأسبوع اللي فات كنتي هتولدي في السعي :)

أنا بحس وأنا بسعى إني هولد حتى لو مش حامل

طمنينا عليكي باستمرار وقلبي معاكي وبدعيلك وتبقى أسهل ولادة عندك

تعرفي ماما وهي بتود أخويا الغير وكان تاسع بيبي بفضل الله

كانت خايفة مع إن ده مش عادتها المهم كان جارتنا في امتياز طب قالتلها تعالي معايا لأني خايفة

راحت معاها ولقت الدكتورة بتولد قيصري لواحدة في مستشفى تانية

المهم كانت خلاص ولادة ومينفعش تنتظر لأن رجل البيبي بدأت في الخروج وكان برجله يعني لازم قيصري

المهم مكنش في إلا دكتور راجل والممرضات دخلوه يقنعها أول ماشافته صرخت فيه إن يخرج ونادت جارتنا الدكتورة وولدت لوحدها وسبحان الله كان والدي ناوي يسميه عيسى

وقالتلي افتكرت إن السيدة مريم ولدت سيدنا عيسى لوحدها وكل واحد له نصيب من اسمه

والدكتورة لما جت اتعصبت ومبقتش مصدقة إنه اتولد برجله من غير ما يجراله حاجة

بس فعلا ماما من النوع اللي عندها قوة إيمان رهيب واستعانة بالله

ربنا يلهمك الدعاء يارب ويهون عليكي الألم

ناوية تسمي بنوتك إيه ؟

 

أم رقية

شدي حيلك ياقمر واتغذي كويس علشان تعرفي تولدي

فكرتيني بنفسي طول الحمل بيجيلي طلق مبكر خصوصا من أول السادس وبيشتد جدا في الثامن

وأول ما أدخل التاسع يختفي تماما ولا كأن في حاجة

مش عارفة العيال بتوع اليومين دول بيعملوا فينا كده ليه

 

أم محمد

أخبارك إيه ؟ وأخبار الوحم معاكي ؟ خلصتي الثلاث شهور ولا لسه

ملكيش دعوة بالعيال اللي في التاسع دول أحسن تولدي بدري

وأنا في التاسع عملت في نفسي عملة واتفرجت على فيديوا جراحة قيصرية

كنت هموت على نفسي وقعدت أعيط :)

 

أفتقد أنونة معانا في التجمع

وأشرقت السماء

أخبارك إيه ؟ وأحسن شئ هو الحمل علشان محدش يقولنا بتعملوا إيه طول النهار

النت سئ عندي أنا كمان للأسف وبيقطع كل شوية

على فكرة أنا من كتر ما بدخل التجمع بقالي فترة عندي وحم زي الحمل وغممان ودوخة

بقول لزوجي قالي امشي من وشي :mrgreen: والله أنزلك مصر

 

توكلت على خالقي ومولاي

عاملة إيه دلوقتي ؟ على فكرة لما بيحصل موقف والواحدة حامل بيتضاعف داخلها جدا

وهناك حالات نادرة من اكتئاب الحمل بتكون شديدة جداااااااا فخلي بالك ولا تستسلمي

حاولي تنامي على قدر المستطاع

في أحد الشيوخ كان بيقول إن الحامل بترزق النوم وده نعمه من ربنا

[شذى الهمة 331]

\أم يونس

ربنا يقومك يارب بألف سلامة ويرزقك الذرية الصالحة

احنا هنستنى درصاف تطمنا

 

جهاد

اخبار صحتك ايه حبيبتي؟

وبقيتي في الشهر الكام؟

 

كالسحاب

شفاكي الله وعافاكي

أخبار البرد ايه دلوقتي طمنينا عليكي

[وأشرقت السماء 1565]

السلام عليكــم ورحمـة الله وبركاتــة ،،

 

هييييييييه برده محدش ولد شكلى هاولد قبلكم ولا إييييييييييييييييه

شدوا حيلكم يا بنات واحد اتنين هب هوب

بنت أم عبد وأم رقية وأم يونس

القلق بقى ثلاثة ربنا معاكم حبيباتى وتقوموا بألف سلامة شدوا حيلكم شوية

حبيبتى بنت أم عبد ليه حبيبتى مش بتمشى طب امشى فى الشقة رايح جاى وربنا يسهلها من عنده عاملة إيه دلوقتى ربنا ييسرها عليكى

أعرف واحدة صاحبتى أول ما حست بوجع بسيط وكانت بالليل فتحت شبابيك الشقة وفضلت تنضف فى الشقة وجمعت كل ستائر الشقة وغسلت مع إنها كانت غسلاها وفضلت راحة جاية وطبخت لنفسها وخلصت وبعدين نادت لحماتها وقالتلها خلاويص إلحقينى

 

والتانية ساكنة فى بلد جنب بلد أهلها تبعد عنها مواصلات ربع ساعة زوجها قالها تعالى نروح مشى طبعا كانت هتجنن أروح مشى كل المسافة دى وبالفعل مشت لحد ما وصلت على باب البيت زوجها أخدها على الدكتورة وما شاء الله نصف ساعة وكانت والدة

 

ربنا يرزقكم ولادة سهلة ميسرة ويقر أعينكم برؤية أجنتكم سليمة معافاة

 

حبيبتى سموءة

وحشتينى ولا تحرمينا من طلتك الغالية وطالما مش هتدفعى الغرامة هعمل لكم طابور ذنب كله يقف ويرفع إيديه ويدور وجهه إلى الحيطة

أظن كدة الدفع أحسن) صح )

 

حبيبتى أم محمد

واضح فعلا إنك مش هتدفعى يالا روحى جنب سمكة على الحيطة ومتكلموش بعض

 

حبيبتى سجودة

ههههه دلوقتى زوجك فعلا هينزلك مصر بجد

الصفحة دى أساسا عدوى حتى بالإيحاء لما كنت بدخلها فى الأول كنت بحس فعلا بالأعراض وكل شوية أعمل اختبار هههه

ربنا يبارك لكى فى أبنائك ويشفى خلودة شفاءا لا يغادر سقما عاجلا غير آجل

 

حبيبتى سديم

شفاكى الله وعافاكى حبيبتى طمنينا عليكى دايما ولا تغيبى أنا هاعفيكى من الغرامة (واسطة بقى ) بس اوعى تقولى للبنات أصل يضربونى

ولو اتأخرتى تانى هاذنبك معاهم

 

حبيبتى أم الشهداء

منورة وحمدا لله على سلامتك

قبل ما تسجلى معانا فى التجمع حبيبتى فيه مصاريف ورسوم بتدفع أولا

إدفعى وبعدين ادخلى ماشى

أتم الله حملك على خير ورزقكى ذرية طيبة معافاة

 

حبيبتى جهاد

جزانا وإياكى يا غالية

 

فين عائشة وأم جنا وأميمة إللى بتدخل ومش بتكتب هاذنبها المرة الجاية

أنونة قلقانة عليها جدا ربى يشفيها ويسلمها وجنينها من أى سوء

أم يوسف فينك يا بنتى تعالى بقى طمنينا عليكى

أم أسامة وويبا وسندس وفاطمة وبقية الحوامل

والأمهات إللى ولدوا لازم يدخلوا يسجلوا حضور وما يتركونا لوحدنا

[***أم محمد*** 8]

أم محمد

أخبارك إيه ؟ وأخبار الوحم معاكي ؟ خلصتي الثلاث شهور ولا لسه

ملكيش دعوة بالعيال اللي في التاسع دول أحسن تولدي بدري

وأنا في التاسع عملت في نفسي عملة واتفرجت على فيديوا جراحة قيصرية

كنت هموت على نفسي وقعدت أعيط :)

 

سجودة ام عمر انا الحمد لله بس الوحم بخليني عصبية ولابسة وجهي بالمقلوب

انقلب حالي راسا على عقب الحمد لله

مش مستحملة اعمل اي شي و لا اطبخ و لا اشم اي رائحة جميلة اوكريهة

احيانا اضطر وضع كمامة عند الطبخ

الحمد لله على كل حال

شواخبار خلودي ان شاء الله احسن

[***أم محمد*** 8]

حبيبتى أم محمد

واضح فعلا إنك مش هتدفعى يالا روحى جنب سمكة على الحيطة ومتكلموش بعض

 

ههههه.........جزاك الله خيرا بتخليني اضحك رغم التعب الي انا فيه

[***أم محمد*** 8]

احس بشد اخر البطن خصوصا مكان القيصرية ......انا الان في بداية الثالث

[*أم رقية* 473]

ام محمد واشرقت اضحك الله سنكما

 

والله بالرغم ان جوايا حزن رهيب موتونى من الضحك حسيت انى مجنونة لسة عمالة اعيط ودلوقتى ضحكتى ^______________^

 

 

 

ام عبد الله حاولى تمشى فى الشقة حبيبتى واتحركى كتير عارفة ان الحركة صعبة بس مش اصعب من الالم الولادة

انا بحاول امشى بس مش كتير لان مفيش حد يخرج معايا

 

ربنا يرزقنا جميعا ولادة سهلة وميسرة

 

سجودى معك حق انا كنت خايفة اولد فى السابع ولا التامن ادينى دخلت فى التاسع ولسة زى ما انا انا باقيلى 10 ايام بس شكلى هعملها اليومين دول الالم فظيع وزايد على رجلى اوى

 

هقولك على شئ مفرح بالنسبة لى انا الحمد لله حتى الان الدكتورة قالتلى هولد طبيبعى لان القيصرى فى المرحلة دية صعب لانى عندى دوالى كتيييييييير وتقريبا فى منها فى الرحم فدة خطر مع القيصرى وخصوصا ان الدم مش بيوصل للقلب كويس

 

بس الحمد لله الدكتورة قالتلى كل شئ كويس بفضل الله والولادة حتى الان طبيعى

 

 

 

باقى الاخوات فييييييييييييين انونة وويبا وحشتونى

 

 

والله انا بحس هنا انى فرحانة اوى ومش بلاقى الاهتمام دة مع حد تانى غير أمى ربنا ميحرمننيش من صحبتكم

[*أم رقية* 473]

ازيك يا ام يوسف عاملة اية دلوقتى حبيبتى

[وأشرقت السماء 1565]

احس بشد اخر البطن خصوصا مكان القيصرية ......انا الان في بداية الثالث

 

معلش حبيبتى أم محمد ده وضع طبيعى لأن الرحم بيبتدى يكبر فباتالى بيأثر على الجرح وبعدين شدى حيلك شوية لسة بدرى وبنا ييسر لكى حبيبتى ويعافيكى من أى سوء

(هو إحنا هنتلكك ولا إيه يا إما تقفى عند الحيطة يا إما تدفعى وبما إنك تعبانة يبقى تدفعى أحسن يا بنتى الصحة لا تقدر بثمن )

 

حبيبتى أم رقية

 

ربنا معاكى يا غالية إمشى كتيير وربنا ييسرها من عنده

معلش هى فعلا الأمومة مش بالساهل فرج الله كربكم وهمكم ورزقكم ولادة سهلة ميسرة

وتقومولنا بألف سلامة

 

حبيبتى بنت أم عبد

 

أخبارك إيه حبيبتى وعاملة إيه النهاردة إيه رأيك أذنبك مع سمكة وأم محمد يمكن النونو يخاف وينزل

ربنا يسهلها عليكى حبيبتى

طمنينا عليكى

[*أم رقية* 473]

حبيبتى أم رقية

 

ربنا معاكى يا غالية إمشى كتيير وربنا ييسرها من عنده

معلش هى فعلا الأمومة مش بالساهل فرج الله كربكم وهمكم ورزقكم ولادة سهلة ميسرة

وتقومولنا بألف سلامة

 

والله حبيبتى انا نفسي اتمشى كتير لانى كمان زهقت من قعدتى لوحدى بس للاسف معنديش اخوات خاااااااالص عشان حد يمشى معايا

وبالنسبة للامومة هى فعلا مش بالساهل هى اللى رقية عمالة فية دة شوية

 

انت اية اخبارك رحتى للطبيبة تانى ولا لسة واية اخبار النونو

[*أم رقية* 473]

ام عبد وام يونس ياريت تسجيل حضور على طووووووووووووووووووول كفاية قلق انا مش عارفة هولد من التعب اللى جوايا ولا من قلقى عليكم

[المغربية 1 3]

السلام عليكم ورحمة الله وبركاته

 

كيف حالكن يا غاليات ان شاء الله تكونوا بخير أتم الله حملنا واياكن على خير

 

جزى الله خيرا كل أخت سألت عني

 

بالنسبة لأخباري الحمد لله أحسن نوعا ما مع وسواس دائم الله المستعان أتعبت أمي به سامحني الله.

اعذروا قلة دخولي لأسباب خاصة .

والطبيبة قالت لي أقوم بعمل بعض التحاليل وان شاء الله نشوف النتائج يارب يكون خير يارب

[بنت ام عبد 151]

السلام عليكم ورحمة الله وبركاته،،

حبيبتى بنت أم عبد

 

أخبارك إيه حبيبتى وعاملة إيه النهاردة إيه رأيك أذنبك مع سمكة وأم محمد يمكن النونو يخاف وينزل

ربنا يسهلها عليكى حبيبتى

طمنينا عليكى

أضحك الله سنك اشرقت الحبيبة ,لو حيحل المشكلة موافقة بدون تردد الله المستعان

ام عبد وام يونس ياريت تسجيل حضور على طووووووووووووووووووول كفاية قلق انا مش عارفة هولد من التعب اللى جوايا ولا من قلقى عليكم

حااااااااضر يا ام رقية انا موجودة ونسأل الله التيسير

[بنت ام عبد 151]

السلام عليكم ورحمة الله وبركاته،،

بنت أم عبد

ربنا ييسرلك يارب الولادة وتييجي البنوتة بالسلامة

كان مفروض تعملي عمرة الأسبوع اللي فات كنتي هتولدي في السعي :)

أنا بحس وأنا بسعى إني هولد حتى لو مش حامل

طمنينا عليكي باستمرار وقلبي معاكي وبدعيلك وتبقى أسهل ولادة عندك

تعرفي ماما وهي بتود أخويا الغير وكان تاسع بيبي بفضل الله

كانت خايفة مع إن ده مش عادتها المهم كان جارتنا في امتياز طب قالتلها تعالي معايا لأني خايفة

راحت معاها ولقت الدكتورة بتولد قيصري لواحدة في مستشفى تانية

المهم كانت خلاص ولادة ومينفعش تنتظر لأن رجل البيبي بدأت في الخروج وكان برجله يعني لازم قيصري

المهم مكنش في إلا دكتور راجل والممرضات دخلوه يقنعها أول ماشافته صرخت فيه إن يخرج ونادت جارتنا الدكتورة وولدت لوحدها وسبحان الله كان والدي ناوي يسميه عيسى

وقالتلي افتكرت إن السيدة مريم ولدت سيدنا عيسى لوحدها وكل واحد له نصيب من اسمه

والدكتورة لما جت اتعصبت ومبقتش مصدقة إنه اتولد برجله من غير ما يجراله حاجة

بس فعلا ماما من النوع اللي عندها قوة إيمان رهيب واستعانة بالله

ربنا يلهمك الدعاء يارب ويهون عليكي الألم

ناوية تسمي بنوتك إيه ؟

عندك حق يا سجودي فعلاً في حاجة اعمل عمرة المشكلة ان زوجي كان مشغول خميس وجمعة حتي وعدني بالخروج ولم نخرج ,والان في منتصف الاسبوع وعنده دوام يومياً ودوامه فترتين ولا يعود الا العاشرة او بعدها الله المستعان

بارك الله في الوالدة وزادها يقيناً وايماناً ,نسال الله الثبات في هذة اللحظات العصيبة

عموماً نفسي أسمي النونة آسية لكن زوجي رافض وصراحة بترك له الاختيار في النهاية

[بنت ام عبد 151]

ام يونس ...ام رقية ....بنت ام عبد ...........حتولدوني بدري هههههههه

امسكو في ايدين بعض و خدوها مشي ....او سبق احسن

يارب ادخل كمان في اقرب وقت و تكونو ولدتو كلكم

اضحك الله سنك يا ام محمد ويسر امرك يا غالية

[وأشرقت السماء 1565]

 

السلام عليكــم ورحمـة الله وبركاتــة ،،

 

انت اية اخبارك رحتى للطبيبة تانى ولا لسة واية اخبار النونو

 

الحمد لله حبيبتى أم رقية بخير حال

أنا لسة ما رحت للطبيبة وبإذن الله أروح الأسبوع القادم إن لم يحدث طارئ

يسر الله لكى وعليكى حبيبتى

 

 

لو حيحل المشكلة موافقة بدون تردد الله المستعان

 

طيب كويس إنك موافقة روحى أقفى جنب أم محمد وخليكى بعيد عن سمكة علشان عارفة إنكم مش هتبطلوا كلام

وارفعى قدمك اليمين لفوق

شوفتى تذنيبة تمام

ربنا معاكى حبيبتى وييسر عليكى

قوليلى أخدتى شربة الخروع ولا لسة

 

 

بالنسبة لأخباري الحمد لله أحسن نوعا ما مع وسواس دائم الله المستعان أتعبت أمي به سامحني الله.

اعذروا قلة دخولي لأسباب خاصة .

 

حبيبتى عائشة إن شاء الله خير وبعدين لا تأزمى نفسك حبيبتى وتشغلى نفسك بالوساوس إن شاء الله ما تشوفى إلا الخير كله

طيب ممكن نعذر قلة الدخول بس بعد ما تدفعى الغرامة

 

 

[بنت ام عبد 151]

السلام عليكم ورحمة الله وبركاته،،

المغربية (عائش الحبيبة )هوني علي نفسك غاليتي ,باذن الله يحدث لكِ كل خير

بصي انا بحجزك لتمارين رياضية عقب الولادة باذن الله لشد البطن واعادة الرشاقة أوعي تهربي ^___^