مدمج )كيف فطمتى طفلك من الرضاعه

[شذى الهمة 331]

الفطام وما أدراك ما الفطام

ابني فطمته من عام وإلى الآن لم ينسى لي هذا الموقف ومن يومها وطباعه متغيرة جدا للأسوأ طبعا

سمعت في شريط الشيخ المقدم أن الطفل يجب فطامه من وقت اتمامه الستة أشهر تدريجيا حتى يتم فطامه على العامين

وقد بدات بذلك فعلا

وكان يأكل كل شئ ماعدا السمك والبيض بسبب الحساسية

ولما تم السنة بدأ يستسهل الرضاعة ويغلبني في الأكل وكنت أقول بسبب التسنين

ووصل إلى أنه لا يقبل إلا الزبادي

طول النهار مفيش غير زبادي وأي أكل ثاني يرفضه تماما

ولكن لما قررت الفطام فعلا بدأت قبلها بشهر لكي أمنع الرضاعة بالنهار تماما وهو للأسف قد انتبه أني أمنعه الرضاعة بالنهار

وهذا الشئ عصبه وظل يمتنع عن الأكل تماما وسبحان الله كان ينتظر الليل لكي يرضع ويظل طوال الليل يقوم ليرضع كنت أحس بعناده عن الأكل

ثم بعد ذلك قررت فطامه نهائيا وكان عمره وقتها سنة ونصف

فحطيت بلاستر طبي على صدري وكل ما يطلبه أقول له واو وأريه البلاستر

في الأول صدق وبعدها بدأنا في مرحلة الضرب والتلطيش والصراخ

أنا نفسي أتعجب من مثابرته وعناده وكنت أستبدله بعلب العصير بالفاكهة طول النهار وطول الليل كل ما يطلب

ولكن ظلت المعاناة عشرة أيام وأحسست أنه لا يمل من طلبه ولا نسيانه

فوضعت معجون أسنان على الحلمة وأعطيتها له

وهنا قرف مني ومن صدري وأحسست أنه ىفعلا انصدم

وأحس بالندم على ذلك ولكن الوضع وقتها لا يحتمل خصوصا مع تحجر اللبن في صدري وسخونة جسمي وكأني مريضة

وأكثر شئ نفع معي هو الحمام الدافئ والتشفيط البسيط حتى جف اللبن

 

لكن للأسف كنت أراه وأنا نائمة يحاول أن يرضع من فوق الملابس وبعدها يضربنا ويمشي

وأحيانا يضع يده ويطلبه صراحة

ظل هكذا أكثر من ستة أشهر وبعدها سكت ولكني أحس دائما أنه مفتقد للحنان

لا أدري لماذا ؟

هل فطمته مبكرا أم الصدمة بسبب معجون الأسنان

وطبعا زاد الأمر سوءا بعد ولادتي فتكون معركة وأنا برضع الصغير وأحيانا يحاول ينزعه من فمه

ويقولي هو مش عايز

ولا أنسى أول مرة رآني في المستشفى برضع الصغير وكنت لسه والدة وأبوه جابه معاه في الزيارة

لقيت وجهه اصفر واخضر وحسيت أنه هيغمى عليه وبعدها بكى وصمم يمشي

وفعلا أبوه اضطر أنه يروح بيه

 

للأسف أكثر شئ بيضايقني هو احساسي أنه مفتقد للحنان مع إني حنونة جدا معه وكذلك والده

ولا أضربه ممكن والده بيضربه بسيط

أحس أنه من الفطام لأن هذا الإحساس لم أراه إلا بعد الفطام

[يسرا عبد الرحمن 718]

هههههههههههههههه والله اضحكتنى اختى سجودى لله

دا مش فطام دى كانت معركه كان الله فى عونك

 

عموما حبيبتى المشكله مش فى الفطام المشكله فى ابنك لان الولد بيكون مرتبط بالام فى السن ده جدا

فهو مش موضوع ان الباشا ابنك جعان لاءه اعتقد ان موضوع ان الرضاعه دى الشىء الوحيد اللى بتربطه بيكى على حد تفكيره

 

ابنى عبد الرحمن كانت رضاعته من صدرى قليله جدا وخاصة بعد ان تم سنه لان اللبن كان عندى ضعيف جدا لكن سبحان الله عندما فطمته وجدته متاثر بالرغم من ان رضاعته كانت قليله لكن تحسى ان موضوع ارتباط بيكى مش باللبن او الرضاعه نفسها

 

ولما ولدت اخته وكنت ارضعها كان بيعمل زى ابنك بالظبط كان يقول لى هى مش عايزه تاكل ومش عايزنى ارضعها

لكن مع الوقت بعد ما كان انف فى اكله اصبح ياكل علشان يقلدها لما تاكل

 

وعلى فكره شعور ابنك ده كله سببه الغيره من اخوه مش اكثر حتى مهما كانت درجة اهتمامك بيه بردوا لازم حيغير

والله انا باشفق على الابن الاول ليس بسبب الفطام لكن لانه فى الاول بيكون مدلل لوحده لم يشاركه احد فى حبكم ليه وفجاه يجد شخص اخر يشاركه كل هذه الاشياء

 

ولو تلاحظى قبل انجابك ابنك الثانى انه اذا راى والده يضع فقط يده على كتفك يغضب ويغير هو هكذا الطفل الاول وخاصة الولد بيكون شديد الارتباط بامه

تعالى شوفى بنتى فطمتها لما اتمت سنه وسبع شهور وسبحان الله فطامها كان سهل جدا وتجديها حتى الان مرتبطه بوالدها جدا على عكس عبد الرحمن مازال مرتبط بى اكثر بالرغم من والده بيلعب معاه وبيدلعو لكن سبحان الله تجديه مرتبط بى اكثر واما ضرتى لينه العكس

 

ولا تحزنى حبيبتى انا مش عارفه كان عمره اد ايه لما فطمتيه لكن كان مسيره فى اى يوم انه يتفطم وبعدين كنت اسمع ان الفطام وهو صغير افضل حتى لا يرتبط بالرضاعه اكثر ووقتها الفطام حيكون اصعب

 

واحساسه بانه مفتقد الحنان ليس بسبب الفطام بل من اخوه الذى شاركه هذا الاحساس

 

اعانك الله عليه اختى وربنا يبارك لكى فى اولادك وحمدا لله على سلامتك

[ام حفص 6]

السلام عليكم ورحمة الله وبركاته،،

جزاكِ الله خيرا اختى يسرا حقيقى استفدت من الموضوع كثيرا

الحمد لله لم اشعر بأى تعب فى فطام ابنتى بل انا من تعبت لانى فطمتها رغما عنى وذلك لحملى قدر الله وما شاء فعل

فقد فطمتها 11شهروهى لم ترتبط كثيرا بالرضاعةلانى كنت ادخل لها الطعام من الشهر الخامس كما كتبت اختى الهام فى النصائح

وهذا ما يجب على كل ام ان تفعله من الشهر السادس ان ادخالها الطعام الصلب لابنها تدريجيا سيسهل عليها الفطام بعد ذلك

وطبعا دى مش قاعدة طبعا لان فى اطفال بيبقوا مترتبطين بأمهاتهم جدا ودا طبعا العامل الاساسى فيه هى الام

لانى هيا الى بتساعد فى تكوين شخصية ابنها فى هذه المرحلة من حيث العناد والاستقلاليةو.....

 

بالنسبة لاختى سجودى لله

كان الله فى عونك اختى

بس عارفه فين الغلط

ولما تم السنة بدأ يستسهل الرضاعة ويغلبني في الأكل وكنت أقول بسبب التسنين

 

بلاخص الاطفال فى هذا العمر عندما تبدأى معهم مرحلة جديدة سواء فى الاكل اوالحمام اوعدم ارضاعه ليلااو...................

لايجب ان تتوقفى وترجعى

ايه المشكله انه يغلبك فى الاكل سيبيه يجوع وصدقينى غصب عنه هيأكل واى اكل انتى عاملاه لازم تبقى حازمة شوية فى الجزئية دى بعد كده هتلاقى ان شاء الله نتايج هتفرحك فعلا

ولازم تعرفى انك لازم تلاقى صعوبات فى هذه الفترة فلا تخليه هو الى يتغلب عليكِ بتصرفه الخاطىء ويعود عليكِ انتى بالضرر بعد كده وهذا ماتشعرين به الان

بل ان حنانك الزائد له هو ما فعل به هذا صدقينى اختى هذا عن تجربة تعلمت فيها الكثير

 

اانتى عارفه انا بعمل ايه مع اخوها الى بيرضع دلوقتى بسيبه يعيط من الجوع شوية وابنى بقا فظيع لما بيعيط من الجوع

واتعمد انها تبقى جنبه وانا بعيد عشان تحس بألمه(قال يعنى كبيرة)وطبعا احنا لازم نعامل الاطفال على انهم اذكياء فعلا فعلا هما ممكن يدركوا اشياء لا يمكن ان نصدق انهم وصلوا الى هذا الفهم

المهم بعد لما اسيبها جنبه اقولها اي دا صفوان بيعيط ليه عايز ياكل هم شوية بشوية بقت هيا الى تيجى تقولى ماما صفوان هما بعد ماكانت بتعمل معايا نفس الى بيعمله معاكى ابنك والله وزياده

 

ملحوظة مهمه لازم تعلميه يحب اخوه الصغير ودا يرجع لذكائك انت ودا الى هيخليك شعور الندم دا يروح من عندك

واتعلمى طبعا من اخطائك مع الطفل الاول انا بعتبره حقل التجارب بتاعتنا

 

الى كل من تتعجل فطام ابنتها او ابنها بدون سبب او عذر مرضى والله ي أخواتى ما حزنت مثل حزنى على فطام ابنتى رغم انى لم اكن ارضعها الا مرتين فى اليوم قدر الله وما شاء فعل وكنت انوى ان ارضعها حتى وانا حامل

رغم كلام الجميع لانى كنت سمعت عن قصة لاحدى نساء النصارى تسمى على ما اتذكر جدامة بنت وهب الأسدية أنها قالت: سمعت رسول الله صلى الله عليه وسلم يقول لقد هممت أن أنهى عن الغيلة(هو لبن الحامل اخواتى) حتى ذكرت أن الروم وفارس يصنعون ذلك فلا يضر أولادهم

 

فكنت ادعو الله ان كان خيرا ان اكمل رضاعتها فيسره لى وان لم يكن فاجعل لى الخير الكثير فى غيره

فسبحان الله الله من الشهر الرابع لم اجد عندى لبن حتى ارضعها وفى هذا الوقت فطمتها

 

لكن سبحان الله بعد ان فطمتها انهالت عليها الاوجاع لاول مرة من سنه من عمرها لم يأتيها نزله معويةاتتها بعد الفطام والدكتور قال لى هذا من الفطام فى هذا الوقت المبكر يقلل المناعة ووله اضرار كثيرة

الله المستعان

وطبعا دى فترة وبتعدى لازم تضعى هذا فى تفكيرك دائما عندما تجدى اى صعاب

[ام البخارى ومسلم 0]

جزاكى الله خيرا انا ربنا ييسرى الامر فى الفطام ادعولى ابنى عنده سنه واربع شهور

[يسرا عبد الرحمن 718]

ربنا يبارك فيكى اختى ام حفص

وفعلا مثلما قلتى ان لازم ندخل الطعام لاطفالنا من الشهر الخامس او السادس علشان يتعود على تناول بعض الاطعمه الاخرى غير لبن الرضاعه

وطبعا زى ما قلتى ان لازم الطفل يجوع علشان ياكل انا كنت باعمل مع ولادى كده ومش بيهمهم حياكلوا ايه المهم يسدوا جوعهم وخلاص

 

وكنت باعمل مثلك باترك بنتى الصغيره وهى بترضع تبكى لما تكون جائعه لغاية ما ياتى لى اخوها ويقول لى ماما لينه جعانه اكليها حرام وسبحان الله كان بيجوع بالايحاء زيها علشان يقلدها

 

وفعلا الفطام المبكروخاصة قبل سنه بيجعل الطفل مناعته ضعيفه وممكن يعرضه لا قدر الله لكثير من الامراض وخاصة السكر الوراثى

 

جزاكى الله اختى خيرا على مشاركتك الطيبه وجعل الله الاستفاده من تجربتك فى ميزان حسناتك

[يسرا عبد الرحمن 718]

وانت من اهل الجزاء اختى فى الله ام البخارى ومسلم

وانتظرى اختى بعد فصل الشتاء وافطميه لكن ممكن تمهدى له من الان وفى الربيع ان شاء الله افطميه الا لو لم تكونى مستعجله على الفطام

 

واسخيرى الله قبل الفطام واساليه ان يعينك فهو خير معين وان شاء الله تستفيدى من تجارب الامهات فى الفطام

 

ونورتى الموضوع يا حبيبه

[شذى الهمة 331]

يسرا الحبيبة

جزاكم الله خيرا على ردك وأنا فطمت ابني وهو عنده سنة ونصف وبعدها بشهرين حملت

 

أم حفص

كلامك صح مية في المية

أنا فعلا كنت حنونة معه بزيادة لأنه كان عنده اكزيما شديدة في جسمه كله ورأسه وكنت بحسس عليه علشان صعبان عليا

غير إني مغتربة فبنقضي اليوم كله مع بعض ماوراناش حاجة

 

بس موضوع إني أسيب النونو يعيط من الجوع هو لما بيلاقيه بيعيط يصرخ فيه ويقوله اسكت التاني يصرخ زيادة من الخضة

ومرة دخلت الأوضة لقيته نايم جنبه ومديله صباعه والتاني عمال يمص فيه :biggrin:

بس فعلا بحس انه بيحبه وعايز يلعب معاه

لما مثلا بيخرج أو يشتري لعبة أقوله تعالى احكي للنون انته جبت إيه وفعلا بيقعد يكلمه ويحكي

بس بعيد عنك لما بتجيله الحالة ويفتكر الغيرة

اليوم ضربه في صدره وهو جنبي كان قلبي هيقف من شدة الضربة

ربنا يحفظ أولادنا جميعا يارب

[وأشرقت السماء 1565]

حبيبتى أم ياسر

شفاكى الله وعافاكى وأعانكى أنتى وابنتك

 

والله أنا ما لقيت حل جميل غير الدعاء فيه سحر عجيب

الحمد لله أنا كنت متوقعة إن ابنى هيتأثر أكثر من كدة وكنت خايفة عليه جدا

والله يا جماعة أنا ما كنت بستسهل الرضاعة أنا كنت أسيبه يجوع خالص ومع ذلك برده مكنش ياكل لازم يرضع ويفضل يبكى وجسمه يزرق لحد ما يرضع

المهم الموضوع كان صعب بس الحمد لله غير ما كنت متوقعة

يعنى أول يوم فطام نزل السلم ووقع وحاجبه اتفتح وكان جرح عميق ونزف دم كتير جدا وبصراحة كنت هاضعف وأديهوله تانى بس مسكت نفسى وفضلت أدعى ربنا وأبكى على منظره

وكنت دايما بعوضه بالعصاير والشيبسى أنا عارفة إن الشيبسى غلط بس دى الحاجة الوحيدة إللى أكلها وقتها وهكذا طول النهار

وكنت أشغله طول اليوم ولا أجعله ينام بالنهار خالص وأحاول أأكله قبل ما ينام على طول عشان يشبع والحمد لله مرة يقوم يشرب مية أو عصير

ومرة يقوم يفضل يصرخ ويرفس بإيديه ورجليه وجسمه كله يبقى أزرق وصراحة كنت بتخض من منظره ومكنش يخلى باباه يشيله وأنا طبعا كنت تعبانه جدا وحرارتى مرتفعة وكنت أشيله وأمشى بيه فى الشقة طول الليل

بس الحمد لله يوم بعد يوم بينسى والحمد لله ابتدى ياكل كويس يعنى أول أسبوع هو الصعب جدا بعد كدة الموضوع بيهدى

 

بصراحة أنا كنت عارفة معلومة بس أظنها بعد كلامكم خاطئة

أنه المفروض لا أشفط اللبن لأن كلما نزلتيه عاد مرة أخرى وبالتالى لن ينشف

والله كنت بسيبه لحد ما كانت روحى بتطلع من التعب لحد ما ينشف لوحده

 

جزاكم الله كل الخير موضوع مهم جدا ومفيد

تم تعديل 18 ديسمبر, 2010 بواسطة وأشرقت السماء

[يسرا عبد الرحمن 718]

لا حول ولا قوة الا بالله

بصى اختى سجودى لله سن ابنك كان كويس جدا فى الفطام يعن ما اتفطمش قبل سنه

ولازم تعرفى ان سنه ده سن الغيره هو صغير ومش فاهم حاجه الا ان فى شخص جديد فى البيت شاركه فى مكانه وفى حب الام والاب بعد ما كان لوحده

 

وصدقينى كل الامهات مرت عليهم نفس المرحله

انا ولدت بنتى وعبد الرحمن كان عنده سنتين بالظبط ومش عايزه اقولك اد ايه هو كان متازم نفسيا بالرغم من اننا لم نقل من حبنا ليه بل بالعكس كنا بنزيد من اهتمامنا له لكن الغيره مفيش فايده فيها

والله ياما ضرب اخته وهى لسه بيبى من الحاجات اللى كان بيعملها ولسه فاكراها ان مره كانت نايمه على السرير وكنا لسه راجعين من الخروج وفجاه شفته ضرب لينه حته الم على وجهها لدرجة انى حسيت انه كان على خدى انا من صوت الضربه والمسكينه ظلت تبكى لما اكتفت من البكا

ومن المواقف بردوكنت فى المطبخ وهى نائمه وهو فى غرفه المعيشه وفجاه سمعت صوتها بيبكى بحرقه وكانت غرفتها قريبه من المطبخ جدا واسرعت لها وجدت الباشا عبد الرحمن شد من تحت راسها المخده وهى نايمه فاتفجعت منه

ومره بردو عضها من صباعها وهكذا وهو مش عمره دلوقتى 4 سنين ونصف لكن مافيش فايده فى الغيره واصبحت منهم هما الاثنين

والله لو احدهم دخل الحمام التانى مش بيحب يعمل غير فى نفس الوقت اللى بيعمل فيه اخوه او اخته وهكذا

 

وبالرغم كما قلتى بيحبو بعض جدا لكن حقول ايه هو طبع سىء فى الاطفال لكن عليكى دائما كما تفعلى تقربيهم ببعض وتجعليه يلاعب اخوه لكن عينك عليه دائما لا تتركيهم مع بعض ابدا وربنا يسترها معاكى ويعينك عليهم هى فتره صعبه شويه لكن بحكمتك واكتساب الخبرات من الاخرين حتعديها ان شاء الله وتصبح ذكرى لكى

والله المستعان

[يسرا عبد الرحمن 718]

اختى اشرقت السماء انا فاهمه ما مريتى بيه من عذاب ايام الفطام

وفعلا الشيبسى غلط لكن الام المهم عندها ياكل وخلاص او تقول ياكل اى حاجه ولما يتعود حاكله الاطعمه المفيده كل ام ومعانتها مع اطفالها بتختلف من ام لاخرى

 

وبالنسبه لموضوع شفط اللبن فكما قالت الغاليه بنت ام عبد انك تشفطى قليلا وبعد ساعه اشفطى مره اخرى لكن قليلا ايضا لكن لا تستمرى فى الشفط لمده طويله

انا كنت اعتقد مثلك فى امر شفط اللبن وسبحان الله فعلا من المشاركات بنستفيد اكثر

ربنا يبارك فى كل الامهات اللى شاركوا بتجاربهم لنعرف جميعا ما فعلناه من اخطاء اثناء الفطام وما هو الصحيح الذى فعلناه

فعلا جزاكن الله جميعا الف خير

[شذى الهمة 331]

أشرقت السماء

فعلا الدعاء له مفعول سحري

في كل شئ لأن الواحد بيبقى حيران ومش عارف يعمل إيه

 

بصراحة أنا كنت عارفة معلومة بس أظنها بعد كلامكم خاطئة

أنه المفروض لا أشفط اللبن لأن كلما نزلتيه عاد مرة أخرى وبالتالى لن ينشف

والله كنت بسيبه لحد ما كانت روحى بتطلع من التعب لحد ما ينشف لوحده

 

كلامك صح الواحد ما يشفطش لأن الشفط زي رضاعة الطفل

لكن لو احتاج الأمر بتشفطي كمية بسيطة جدا كل فترة علشان الغدد تقفل

أنا كنت بشفط مرة في اليوم لما يبدأ جسمي يسخن وارتعش

بخاف من احتقان الثدي

 

جزاكم الله خيرا يايسرا

كلامك جميل

بارك الله فيكي

تم تعديل 18 ديسمبر, 2010 بواسطة سجودى لله فقط

[* قدوتي عائشة* 60]

السلام عليكــم ورحمـة الله وبركاتــة ،،

 

بارك الله فيكن يا اخوات و جزى الله خيرا كل من أفادتني بخبرتها

 

أنا أوقفت الرضاعة من أربعة أيام الحمد لله بالنسبة لأبنتي ابتدت تاكل من أكلنا و الحمد لله المشكلة فقط أنها ترفض الحليب و لو أني أحطلها عليه شكلاطة

 

بالنسبة للثدي فلم آخذ أي شيء و أنا أشطفه مرة واحدة فقط ليلا قبل النوم و كمية بسيطة يعني حتى أتفادى الاحتقان فقط

 

بارك الله فيكن ياغاليات و جزاكن الله الجنة

 

[يسرا عبد الرحمن 718]

حمدا لله حبيبتى قدوتى عائشه

مبارك عليكى الفطام يا غاليه والحمد لله انه مر بسلام

لو تقدرى تقولى للاخوات ايه الخطوات اللى استخدمتيها فى الفطام السريع يكون جزاكى الله خيرا

 

وبالنسبه لامر منع ابنتك عن شرب اللبن

اعملى شاى خفيف جدا واكثرى فيه من اللبن واجعليها تشربه وهو دافىء

وممكن تصنعى لها عصير موز باللبن وضعى عليه ليمونه حتى لا يسود لون الموز

وممكن ايضا عصير جوافه بالبن ايضا مع الليمون

وممكن عصير فراوله باللبن

انا افعل هذا مع ابنى لانه لا يحب شرب اللبن بدون اضافات ان شاء الله حيعجبها اى نوع من هؤلاء وحتشربه جربى كل مره حاجه واجعلى اختها الاكبر تشربه امامها علشان تقلدها

وممكن تبدلى لها كوب اللبن بالزبادى

وربنا يبارك لكى فيهم وشفاكى الله وعفاكى

[جويرية 3 57]

السلام عليكم حبيباتى ..

 

سؤالى كما هو واضح من العنوان .. متى فطمتى طفلكـ عن الرضاعه الطبيعيه..؟

 

 

احكيلنا تجربتكـ فى الفطام لنستفيد منكـ وما هو الوقت المناسب للفطام ..؟

[أزفـــ الرحيل ـــ 20]

السلام عليكم ورحمة الله وبركاته

 

بالنسبة لى انا فطمت اولادى لما كان الواحد منهم عمره سنة ونصف

 

طبعا باكون مليت من موضوع الرضاعة وكمان بيكون اللبن قليل جدا

 

وببدأ أعود الطفل على الاعتماد على التغذية على الطعام فقط !

 

فكرتينى بأيام القلق والازعاج :icon15: لانها مرحلة صعبة شوية

[يسرا عبد الرحمن 718]

السلام عليكم ورحمة الله وبركاته

 

بالنسبة لى انا فطمت اولادى لما كان الواحد منهم عمره سنة ونصف

 

طبعا باكون مليت من موضوع الرضاعة وكمان بيكون اللبن قليل جدا

 

وببدأ أعود الطفل على الاعتماد على التغذية على الطعام فقط !

 

فكرتينى بأيام القلق والازعاج :wacko: لانها مرحلة صعبة شوية

وعليكم السلام ورحمة الله وبركاته

اهلا بيكى يا حبيبه

معك حق حبيبتى لما بيتم الطفل سنه ونصف بيكون لبن الثدى قليل جدا ولا يكفيه كوجبه تشبعه ويجب ادخال الطعام له كمسانده الى ان يتم الفطام

جزاك الله خيرا ونورتى الموضوع

[جويرية 3 57]

جزاكى الله خيرا اختى الحبيبة ازف الرحيل

على مشاركتك الجميلة

[يسرا عبد الرحمن 718]

للرفع وجزاكن الله خيرا

[درصاف 73]

جزاكِ الله خيراً يا يسرا الحبيبة..

استفدت من موضوعك كثيراً رغم أني لازلت لا أفكر في الفطام الآن..

فقط أحيانا لمّا أغضب من كثرة رضاعة ابنتي ورفضها للأكل وكثرة استيقاظها في الليل أقول مفيش حل غير الفطام..

لكن استفدت من موضوعكِ في أشياء أخرى..

أسأل الله أن يبارك فيكِ وفي أبنائكِ وأن يرزقكِ برهم..

[يسرا عبد الرحمن 718]

جزاكِ الله خيراً يا يسرا الحبيبة..

استفدت من موضوعك كثيراً رغم أني لازلت لا أفكر في الفطام الآن..

فقط أحيانا لمّا أغضب من كثرة رضاعة ابنتي ورفضها للأكل وكثرة استيقاظها في الليل أقول مفيش حل غير الفطام..

لكن استفدت من موضوعكِ في أشياء أخرى..

أسأل الله أن يبارك فيكِ وفي أبنائكِ وأن يرزقكِ برهم..

اهلييييييين اختى الحبيبه درصاف

وانت من اهل الجزاء يا حبيبه

ههههههههههههه هما الاطفال هكذا من كثرة رضاعتهم وخصوصا عندما يتموا العام يجعلوك تفكرى فى الفطام حتى لو لم تكونى ناويه تفطمى

الحمد لله حبيبتى اسعدتينى باستفادتك اسعدك ربى ببنوتك فى الدارين وهداها لكى

اللهم امين

جزاك الله خيرا على الدعاء ولك بمثل ما دعوت ان شاء الله

واى استفسار حبيبتى فى اى امر يخص طفلتك قوليه ولا تترددى

احبك فى الله

[درصاف 73]

اللهم آمين يارب ((:

ربي يسعدك ياغالية ويرضى عليكِ..

أنا فعلا عندي أسئلة بخصوص سلمى بنتي وضعتها في هذه الصفحة، ياريت تدخلي تفيديني ):

https://akhawat.islamway.net/forum/index.ph...0&start=300

[أمة_الرحمن 90]

لي عودة ان شاء الله

لما اقرر افطم بنتي ^_^

لا بس ان شاء الله ارجع اقرا لانه شكله موضوع مفيد

[أم يوسف حبيبي 0]

السلام عليكناخواتي الغاليات

احب اقولكم على تجربتي عشان تستفيد الامهات منها وخصوصا اني فطمت يوسف لوحدي علشان انا مغتربة ومحبتش افطمه لما ننزل مصر علشان الحر

1-اولا من وهو عنده 5شهور ابتديت ادخله اكل بسيط جنب الرضاعة يعني كوسة مسلوقة ومهروسه تفاح مهروس ممكن فى الاول معلقتين في اليوم وكل يوم ازود الكمية بسيط وكل اسبوع بدخل صنف اكل جديد لما اتأكد انه اتعود على القديم .

2-لما قرب على سنة ابتديت اكله من اكلنا يعني شوربة ورز خضار ورز وكنت بقطلعه اللحمه والفراخ صغير جدا كل ده والرضاعة مستمرة وبصراحة مكنتش محددة عدد مرات الرضاعة في اليوم.

3-لما وصل سنة ونص ابتديت اقلله الرضاعة بالنهار يعني خمس رضعات وبعدين 4 وبعدين 3 وده كان اقل حاجه وبالليل كان بيقوم مرتين او تلاته يرضع.

4-لما وصل سنة و8شهور ابتدى يتعود على الرضاعة اكبر لدرجة ان صدري اتجرح ونزل دم ومن ساعاتها قررت اني افطمه.

5- اخترت يوم اجازة زوجي علشان انا لوحدي واشتريت عصاير كتيييير وكل ما يشاور على صدري اشربه عصير ولماجه الليل كان في حفلة محترمه ههههههههههه طراخ وعياط تقريبا منمناش غير 3ساعات والحمد لله تاني يوم بقى احسن وكنت بحاول اني موصلهوش لمرحلة الجوع ولما كان يجي الليل كنت بطفي انوار الشقة اوطبطب عليه لحد ما ينام والحمد لله عدت على خير .

6-نسيت اقولكم اني قبل ما اقرر افطمه رحت للدكتورة وادتني الدوا اللي بينشف اللبن والحمد هون عليا كتير .

اسفة اني طولت عليكو بس حبيت انقلكم تجربتي وقبل كل شئ

عليكي بالدعاء فعلا والاستعانة بالله وخلى عندك يقين في الله انه هيهون عليكي الفطام واصبري على ابنك لانه طبيعي انه هيعيط كتير وممكن كمان يبقى عصبي شويه

وربنا يعينكم :)

[يسرا عبد الرحمن 718]

اللهم آمين يارب ((:

ربي يسعدك ياغالية ويرضى عليكِ..

أنا فعلا عندي أسئلة بخصوص سلمى بنتي وضعتها في هذه الصفحة، ياريت تدخلي تفيديني ):

https://akhawat.islamway.net/forum/index.ph...0&start=300

جزاك الله خيرا اختى الحبيبه ولك بمثل ما دعوت ان شاء الله

ان شاء الله ارى الرابط وارد عليكى هناك ربما افيدك باذن الله

[يسرا عبد الرحمن 718]

لي عودة ان شاء الله

لما اقرر افطم بنتي ^_^

لا بس ان شاء الله ارجع اقرا لانه شكله موضوع مفيد

اهلين اختى امة الرحمن

فى انتظارك اختى الحبيبه

جزاك الله خيرا

اسال الله ان ييسر لك الامور كلها