**متميز ** بطاطس مقلية بشكل جديد .... لذيذة للعشاء

[حنين مسلمة 34]

 

 

السلام عليكــم ورحمـة الله وبركاتــة ،،

 

أخواتى الحبيبات اليوم معانا أكلة بطاطس جديدة وجميلة إن شاء الله تعجبكم ...

 

المقادير :

 

هقولكم على المطلوب أما الكميات حددوها على حسب حاجتكم ..

 

بطاطس - بيض - دقيق - خلطة تتبيل (عبارة عن بقسماط مخلوط عليه فيجيتار وتستحب تكون حارة قليلا بتكون ألذ بتبل بيها البانيه والبوفتيك )

ملح وفلفل أسود وكمون - زيت للقلية

الطريقة :

 

أولا نسلق البطاطس كويس وبعدين نقشرها ونهرسها :

 

ونضع عليها الملح وقليل من الفلفل الأسود وقليل من الكمون وظبطى الطعم على حسب رغبتك

 

وبعد كده نبدأ نعمل أصابع من البطاطس المهروسة زى أصابع الكفتة بس مش مفرغة من الوسط (خليها متوسطة الحجم)

 

بعد كده نضرب البيض كويس ونضع شوية دقيق أبيض فى طبق وفى طبق آخر خلطة التتبيل

 

ونبدأ بعد كده نمسك صابع من البطاطس نضعه فى الدقيق أولا وبعد كده فى البيض وبعد كده فى خلطة التتبيل

ودى صورتها بعد التتبيل

 

نجهز الزيت ويكون مقدوح كويس وكمان الطاسة تكون عميقة بحيث الزيت يغطى البطاطس

فى الصورة مش مغطيها كويس ويستحسن يغطيها عشان بتتفتح لوحدها وممكن تتهرى منك

وقلبيها وهى فى الزيت باستمرار مش تستنى لما تحمر قوى عشان تقلبيها

 

وبالهنا والشفا :)

تم تعديل 21 يناير, 2011 بواسطة مسلمة مجاهدة
تمييز الموضوع

[محبة لربها، ادعوا لي بالثبات 72]

تجنن وشكلها وااااااااااااااو

 

اطعمك الله من ثمار الجنة

[** الفقيرة الى الله ** 985]

و عليكم السلام ورحمة الله وبركاته

رائعة اللهم بارك ... شهيتيني 

متعودة أعملها بس بتفتح معايا و انا بقليها يا ترى إيه السبب ؟؟؟

جزاكِ الله خيرا يا غالية

[♥ أمـ نـادية ♥ 4]

تسلم الايادى

 

وسهلة وشكلها شهى

 

بإذن الله اجربها واقولك على النتيجة

[ام زينة و ميسان 13]

ما شاء الله شكلها لذيذ جدا سامت يداك

دائما ما أنفذها لكن بإضافه بسيطه وهي إن كان عندك بواقي فراخ مثلا ربع فرخه فصصيه و قطعيه قطع صغيره ثم إضربيه بالكبه أو الخلاط مع البطاطس ثم أضيفي لها القليل من الدقيق حبه حبه و هي في الخلاط حتي تتماسك و تعرفي تتطلعيها و بعدين نفذي باقي الخطوات هتكون رائعه و إقتصاديه جدا و مفيده

سلمت يداك حبيبتي جوزيت خيرا

[رحيل القمر 1]

ايه الحظ الرائع ده يعني ماشوفش الموضوع الا وانا همووووووت من الجوع ليه كدا؟؟

ليه قولوا لي ليه وكمان الوقت التاخر والتتبيله مش جهزه

 

ابعتي لي اي حاجه عبر بريد الطعام قبل كدا ((وهو في بريد طعام اصلا )) اه في ومين قال للجعنين فقط

[مسلمة مجاهدة 353]

وعليكم السلام ورحمة الله وبركاته

 

جميلة جدا

 

سلم ايديكِ

 

لكنها ابدا ما تنفع مع الريجيم!!!!!

 

:mrgreen:

 

بوركتي

[حنين مسلمة 34]

السلام عليكــم ورحمـة الله وبركاتــة ،،

 

حبياتى ردودكنّ أسعدتنى بارك الله فيكنّ ...

 

اطعمك الله من ثمار الجنة

اللهم آمين وكل المسلمين والمسلمات

 

متعودة أعملها بس بتفتح معايا و انا بقليها يا ترى إيه السبب ؟؟؟

أنا ساعات بتفتح معايا مع كثرة عمايلها لقيت أفضل شيء إنها تكون مش سميكة يعنى زى سمك إصبع اليد وكمان الزيت يكون ساخن جدا ويغطيها تماما وأول ما تيجي تتفح فى الطاسة اقلبيها بسرعة الزيت هينشف الجزء اللى كان هيتفتح عشان كده قلت حاولوا تقلبوها كل دقيقتين تقريبا حتى تتعرض كلها للنار فى نفس الوقت ... جربى وقوليلى النتيجة ... ومتنسيش نصيبى :)

 

بإذن الله اجربها واقولك على النتيجة

هستناكِ بسمة الحبيبة

[حنين مسلمة 34]

السلام عليكــم ورحمـة الله وبركاتــة ،،

دائما ما أنفذها لكن بإضافه بسيطه وهي إن كان عندك بواقي فراخ مثلا ربع فرخه فصصيه و قطعيه قطع صغيره ثم إضربيه بالكبه أو الخلاط مع البطاطس ثم أضيفي لها القليل من الدقيق حبه حبه و هي في الخلاط حتي تتماسك و تعرفي تتطلعيها و بعدين نفذي باقي الخطوات هتكون رائعه و إقتصاديه جدا و مفيده

بإذن الله أجرب طريقتك ... ليا أختى كانت برده بتحشيها تونة بس ما كانت بتعجبنى التونة مع البطاطس وبفضل البطاطس فقط ... بإذن الله أجربها مع الفراخ شكلها هتكون لذيذة بإذن الله

 

ايه الحظ الرائع ده يعني ماشوفش الموضوع الا وانا همووووووت من الجوع ليه كدا؟؟

ليه قولوا لي ليه وكمان الوقت التاخر والتتبيله مش جهزه

 

ابعتي لي اي حاجه عبر بريد الطعام قبل كدا ((وهو في بريد طعام اصلا )) اه في ومين قال للجعنين فقط

معلش يا قمر لو كان فيه بريد فعلا لبعتلك :) هههههههههه

 

وعليكم السلام ورحمة الله وبركاته

 

جميلة جدا

 

سلم ايديكِ

 

لكنها ابدا ما تنفع مع الريجيم!!!!!

 

:icon15:

 

بوركتي

آه الرجيم ... لا تنفع فعلا ... بس ممكن تجربيها مرات قليلة مش تأثر بإذن الله

 

جزاكنّ الله خيرا على المرور يا حبيبات

تم تعديل 25 ديسمبر, 2010 بواسطة ((أم عبد الملك))

[محبة عائشة رضي الله عنها 0]

و عليكم السلام و رحمة الله وبركاته

 

ام عبدالملك جزاك الله خيرا

انا جربتها و طلعت جميلة

يلا كده اعملي لنا حاجات تانيه علشان انا يادوب بتعلم و شكلك معلمة شاطرة

[* أم أروى * 0]

السلام عليكــم ورحمـة الله وبركاتــة ،،

جميلة جدا ولسة عاملاها النهاردة

ممكن كمان تضيفي علي البطاطس لحمة مفرومة ومعصجة وبقدونس

[**أم مختار** 10]

جميلة فعلا بارك الله فيكى

 

هاعملها للولاد ان شاء الله

[صاحبه القلب الطيب 12]

يممممممممممممم شهيه حبيبتى تسلمين شهيه مووووت

 

وان شاء الله اضيفها ل.......... هههه

 

غدا تفهمين لكن اعدك ان اجربها

 

وعلى فكره طقم الاكروبال بتاعك اخو بتاعى بالظبط

[محبة النبي عليه الصلاة والسلام 6]

جوعتيني

بس مكسلة أجرب دلوقتي :closedeyes:

[@hasby alah@ 2]

جزاكِ الله خيرا يا غالية

[امانى جميلة 0]

ما شاء الله اختى تسلم ايديكى

[حنين مسلمة 34]

وعليكنّ السلام ورحمة الله وبركاته

 

بجد فرحت إنها عجبتكم

 

أختى محبة عائشة رضي الله عنها ... بالهنا والشفا ... وياللا شيدى حيلك عشان نتعلم منك قريب :)

 

أختى "ساجدة لربى" ... ما شاء الله اقتراحك جميل ... وأنا كمان لسه عملاها مع أمى من يومين تقريبا .. بس أمى عملت إضافات جديدة: جبن شيدر مبشور + والبطاطس تكون مسلوقة وبعدين نبشرها مش نهرسها + بقدونس + فلفل مقطع رفيع ... بس كانت هايلة وجميلة ..

 

أختى **أم مختار** ... ياللا عايزين نشوف النتيجة ..

 

أختى صاحبة القلب الطيب ... هستنى تجربتك بس لازم تعرفينى قصدك ... هتضيفيها لإيه ؟؟؟ بتألفى كتاب ولا إيه ؟؟ ... أما طقم الأكروبال فممكن يكونوا ولاد عم مش لازم يكونوا أخوات :mrgreen: ...

 

أختى محبة النبي عليه الصلاة والسلام ... ياللا مفيش كسل .. عايزين ناكل ...

 

أختى @hasby alah@ ... وإياكِ يا حبيبة ... بارك الله فيكِ على مرورك الجميل ..

 

أختى امانى جميلة ...ربنا يبارك فيكِ ويسعدك ...

تم تعديل 13 يناير, 2011 بواسطة ((أم عبد الملك))

[(سجى الليل) 65]

بارك الله فيكِ ام عبد الملك الحبيبة

 

جربتها وكانت راااائعة وأضفت للبطاطس جبن

 

صراحة عجبتني كتير

 

سلمت يمناك

[jojo 0]

سلمت يمناك

شكلها بيشهي الا اني مفهمتش ولا حاجة من غير البيض و البطاطس ههههههههههه

انا مغربية

[بنت ام عبد 151]

تسلم الايادى

 

وسهلة وشكلها شهى

 

بإذن الله اجربها واقولك على النتيجة

[جورى محمد 1]

يسلمن يديك

يمييييييي

[*لقاء* 1]

رائعة

 

تسلم ايدك يا قمر

[المتفائلة (ريفيّة) 979]

ماشاء الله

شكلها راائع وأنا كثير أحب البطاطس

لكن للأسف أفشل كثيرا في تحضير هذه الوصفة تفتح معي أثناء قليها

وبإذن الله أجرب نصيحتكِ

وسلمت الأيادي

[ام حفصة الوديعة 0]

ياسلاااااااااااام أكيد طبق لذييييييييييييذ ويشجع على تطبيقه في اقرب وقت

جزاك الله خيرا أختي الكريمة

[omjana 6]

مسلمة جزاكى الله خيرا

 

 

ويستحب كمان انك تحطيها نص ساعة فى الفريزر او التلاجة عشان تريح ومتفكش

 

وكمان تضيفى على البطاطس نفسها شوية بقسماط عشان تتماسك زيادة

 

وانا بعملها بس حاولى تضيفيلها بقدونس قليل وبشر بصل ان شاء الله تعجبك

تم تعديل 22 مارس, 2011 بواسطة omjana