♥ஓتجمع للمصرياااات ..للمتابعة والمشاركة فى احداث مصر من الثوره وحتى الان♥ஓ

[ღشـــهـــرزادღ 19]

د.حسام ابو البخاري: يا أطهر من فى مصر يا شباب ميدان التحرير وميدان الاربعين يا شباب الاسكندريةويا شباب المنصورة ويا شباب الصعيد اقول لكم انكم على الحق اصبروا وصابروا ورابطوا واثبتوا ولا يغرنكم تصريحات البعض ولوم البعض فكل هؤلاء سيلحقوا بنا عما قريب ان شاء الله .

 

:(

[بنوته مسلمه مصريه 458]

رصد| عاجل| الجزيره مباشر مصر | رئيس حزب الوفد يطالب بانتخاب لجنه تأسيسيه و انتخابات رئاسه عاجله. #rnn

[*اريج الايمان* 46]

رصد|الجزيرة | البلتاجى نقدم اعتذار لميدان التحرير على تأخرنا ونعلن نزولنا اليوم كممثلين للقوى السياسيه مع ممثلي ل 25 قوى سياسيه

[*اريج الايمان* 46]

رصد | المنصورة | المتظاهرين الان يتوجهون لمديرية الامن , للتظاهر امامها احتجاجا على اعمال العنف ضد المتظاهرين في التحرير

[*ميمونة* 104]

الأهالي ينتظرون أمام مشرحة زينهم لاستلام جثث موتاهم

وقد زاد عدد القتلي الي 35 قتيل

والله منظر لا استطيع وصفه بشء

لا حول ولا قوه الا بالله

اللهم عليك بالظالم

 

حسبنا الله ونعم الوكيل

 

اللهم لطفك ونصرك

اللهم لطفك ونصرك

[*ميمونة* 104]

مين الي بيعمل كل ده بمصر

؟؟؟؟

 

الامن المركزي هو اللي بيعمل كدا

 

والجيش واقف يتفرج

[أم زيــــاد 881]

مين الي بيعمل كل ده بمصر

؟؟؟؟

[أم زيــــاد 881]

مهو الجيش واقف مستني الاوامر

مش حيتصرف لوحده كده

لازم يستلم اوامر من طنطاوي والقيادات الكبيرة

انا شايفة انه ممكن يحصل انقلاب ضد طنطاوي لتهدئة الاموووور تاني

اساسا كان لازم يروح من زمااان

من ايام مبااارك

تم تعديل 21 نوفمبر, 2011 بواسطة أم زيــــاد

[ღشـــهـــرزادღ 19]

ائتلاف دعم المسلمين الجدد

من الأمور الظريفة:: كل ما أمشي في الميدان ألاقي واحد يقوللي هو فين الشيخ حازم باستنكار, فأشاور له على مكانه وأقوله: نازل بمراته وأولاده حتى الأطفال منهم, فينظر في الأرض ويمشي

[أم زيــــاد 881]

انا بقلق جدا لما بتحصل مشاكل بمصر عشان مصر اساس للعالم العربي

لو تضيع حنضيع كلناااااا

[بنوته مسلمه مصريه 458]

وياريت لو حد فهم هم نازلين ولا لأ يقولى

[ღشـــهـــرزادღ 19]

الجبهة السلفية | أفاد شباب الجبهة السلفية بالمنصورة أن إحدى المسيرات التي تجوب شوارع المنصورة تم الاعتداء عليها من قبل قوات الأمن بشكل عنيف وذلك أثناء قربها من مديرية أمن الدقهلية حيث انهال على المتظاهرين وابل من القنابل المسيلة للدموع مما أدى الى تراجع المسيرة، وهي في طريقها الآن إلى مبنى المحافظة.

 

رصد | ميدان التحرير | مراسلنا : مواجهات شديدة و اطلاق رصاص مطاطي و قنابل مسيلة للدموع بشارع محمد محمود ..وذكر مراسلنا ان هناك حالة اختناق بالغاز كل 5 دقائق و ان المستشفيات الميدانية الثلاث غير كافية لاستيعاب الإصابات.

[أم زيــــاد 881]

تم طرد البلتاجي من ميدان التحرير على يد المتظاهرين

[يسرا عبد الرحمن 718]

مهو الجيش واقف مستني الاوامر

مش حيتصرف لوحده كده

لازم يستلم اوامر من طنطاوي والقيادات الكبيرة

انا شايفة انه ممكن يحصل انقلاب ضد طنطاوي لتهدئة الاموووور تاني

اساسا كان لازم يروح من زمااان

من ايام مبااارك

تصدقى يا سهام ان عندى نفس الاحساس

ولسه كنت بقول لزوجى هذا الكلام ان ممكن يحصل انقلاب من الجيش نفسه على طنطاوى لانه خربها

[ღشـــهـــرزادღ 19]

وياريت لو حد فهم هم نازلين ولا لأ يقولى

 

حبيبتي الشباب السلفي وناس من الإخوان لم ينتظروا قرارات أو غيره وتواجدوا منذ الاعتداء على إخوانهم المسلمين

وائتلاف دعم المسلمين الجدد كان من ضمن المعتصمين أصلا..

[بنوته مسلمه مصريه 458]

الحكمه

حزب النور نازل التحرير مع الاخوان

باذن الله 25 قوي سياسيه

اللهم لك الحمد

 

نحمد الله ولانقول كذا وكذا نرجو ذلك

ياريت لو حد تأكد من الموضوع يقولنا

مش وقت تخاذل

أخواتنا بيضربوا وبيموتوا واحنا لسه بنظر وبنقول بيانات

[بنوته مسلمه مصريه 458]

بهة السلفية | مسيرة حاشدة تنظمها الجبهة السلفية دخلت منذ قليل إلى ميدان التحرير، وقد أعلن شباب الجبهة تمركزهم فى مداخل الميدان لتأمينه وحمايته من أي اعتداء.

[أم زيــــاد 881]

ايوا يا يسرا

ان شاء الله نشوف ظابط جدع كده يقلب الاموووور

طنطاوي كفاية عليييه

[أبرار الجنة 3]

سبحان الله

مصر تسير عكس مصار الثـــوره تماما

يعني ولا حصلنا تونـــس

ولا حتي حصلنا ليبيــــا

لكي الله يامصــــــــــــــــــــــــر

[أم زيــــاد 881]

البارح سمعت راجل من الشارع المصري

بيقوووووووول : الشعب المصري محتاج رااااااااجل شديد عشان ما تنفع غير الشدة معانا

 

 

وانا بقول الشعوب عندنا محتاجة شدة وحكمة

 

لاننا شعوب لو ترك لنا الحبل غير مشدود بنخرب الدنياااا

اتعودنا على كده

[*أم رقية* 473]

تعبت جدا من اللي بيحصل

 

حسبي الله ونعم الوكيل

[*أم رقية* 473]

مناوشات بين المتظاهرين

وبين محمد البلتاجي في التحرير ,, والمتظاهرين يقوموا بطرده من الميدان احتجاجاً علي موقف قيادات الإخوان

 

لا حول ولا قوة الا بالله من رأيي مرحبا بمن ينضم احنا عايزين زيادة مش مناوشات

 

العتاب بعدين مش دلوقتي

 

اما ن موقف السلفيين عموما هما اكثر ناس في الميدان ومع ذلك يصدر بيانات منهم ارى انها ليست في مصلحتهم

نواياهم طيبة وينزلون مع الناس اذا لماذا هذة البيانات

 

امس كان في تطاول فظيع انا لا اريده لعلمائنا

 

وان قلت انا تخاذل من قبل فما كنت اقصد شئ غير عدم نصرتهم لاخوانهم

فالكثرة دائما تغلب الشجاعة

والله المستعان

[حفصة أحمد 40]

حسبي الله ونعم الوكيل ..

اين الرجال في مصر الذين يخافون حقا على البلد ؟؟

لا تقولولي النخبة ولا غير النخبة ، انا بسأل عن علمائنا فين كلمتهم وتوعيتهم في اللي بيحصل ؟؟

 

ورأي أنا هو ان مفيش اي حد يقول رأيه ف اي حاجة إلا بعد ما نسمع كلمة من العلماء توعينا ، مش ننزل بقى ولا مننزلش لا ، كلمة تقولنا نعمل ايه ؟ ونتصرف اذاي ؟

الواحد قلبه وجعه والله ومش فاهمة حاجة ، اللي ف الميدان ف العاصمة وف كل حتة ف مصر ربنا معاهم لأن الدماء في الاسلام غالية جدا سواء صاحبها سلفي او اخواني او اي تيار ..

 

يارب سلم سلم .

[دعاء الكروان3294 196]

السلام عليكــم ورحمـة الله وبركاتــة

يا جماعة هما في ميدان التحرير ليه ؟؟

مفيش مطلب محدد !!

 

 

 

 

ياريت تقولولي رأي العلماء في الموضوع

[~ماريا~ 1340]

اختي انتي تعرفي ان فيه مشايخ كتير غيرت رايها ونزلت الميدان

وفيه ناس عادين جداااا نزلو اليوم مش تابعين لاي شيء نزلو بس

لمجرد انهم شافو الموتي وهم ملقون علي الزباله

الموضوع مش موضوع شيخ يقول او ميقلش

المناظر الي بنشفها لوحدها تكفي ان الكل ينزل