صفحة تطبيقات الاخوات فى ☀ ☀دوره الطبخ العبقرية لكل انثى ذكية☀ ☀

[صاحبه القلب الطيب 12]

السلام عليكــم ورحمـة الله وبركاتــة ،،

 

حياكِ الله ام حبيبة

اشتقتلك كتير

انا متابعة معاكن الدورة الرائعة وبطبق بفضل الله

الحمد لله عاد زوجى ورجعت لبيتى ومعنديش نت وده سبب تقصيرى فى تقديم التقارير

فى حاجات صورتها وحاجات لا بكون مستعجله وانسى

هل اقدم تقرير عن كل حلقه لوحدها ولا اضيف تطبيقاتى لكل الفات جملة

ولا اخر درس فقط؟؟

 

بنتظر ردك وان شاء الله زيارتى القادمة اضيف التقارير

 

 

هلا يانهله والله قلت انتى اختفيتى فين ؟؟وحشانى جداا ..اشتاقت لكى الجنه

مبارك عودة ابو رحمة ..يسر الله امركم ياغالية

فرحتلك كتير :tongue:

 

وطبعا عاوزين كل التطبيقاااااااااااااات..

بالانتظار

 

 

ورينا الروائع :closedeyes:

[صاحبه القلب الطيب 12]

ام زنية وميسان

 

 

تسلم الايادى

 

شكلها جميل جدااا والخضار يفتح النفس اووووى

 

مبارك التميز ...تستحقية ياغالية

 

وان شاء الله عندما نجمع الدورة فى موضوع منفصل ستجدى صور اكلاتك واكلات الاخوات وعليها اسمائكم

 

الف هنا

[زهرتى الغالية 84]

تطبيقى فى صوانى الفرن وكذلك فى المكرونات

 

قبل النضج

 

البيتزا

 

 

مكرونة بالباشميل

 

 

 

صينيه البطاطس البيوريه باللحمه المفرومه

 

 

 

 

بعد النضج

 

 

 

 

تم تعديل 12 مايو, 2011 بواسطة زهرتى الغالية

[صاحبه القلب الطيب 12]

اهلا بالحبيبيه \زهرتى الغالية

 

من فترة لم تظهرى

 

كنتى مختفية عشان تجمعى كل الصوانى بأه هههههههه

 

تسلم ايدكى حبيبتى ..جميله ولو ان ما قلنا البيتزا

 

قولى لنا طريقتك لعلنا نستفيد

 

فى ملحوظه صغيرة ..شكلك مش بتحبى تحمرى الوش اوى .صح ؟؟؟؟؟

 

على فكرة احسك شطوورة اوى فى المطبخ ..والمحشى بتاعك لسه فاكرااه

 

 

تسلم الايادى

[ام زينة و ميسان 13]

سلمت يا أم حبيبة من كل سوء

الخضار كان سوتيه و الحم كان سهل حقا لم يأخذ وقت و كان شهيا

بارك الله بك و بوقتك غاليتي و التميز الحقيقي لك و لكل من قامت على هذه الدورة

متابعة معك دوما

[زهرتى الغالية 84]

اهلا بالحبيبيه \زهرتى الغالية

 

من فترة لم تظهرى

 

كنتى مختفية عشان تجمعى كل الصوانى بأه هههههههه

 

تسلم ايدكى حبيبتى ..جميله ولو ان ما قلنا البيتزا

 

قولى لنا طريقتك لعلنا نستفيد

 

فى ملحوظه صغيرة ..شكلك مش بتحبى تحمرى الوش اوى .صح ؟؟؟؟؟

 

على فكرة احسك شطوورة اوى فى المطبخ ..والمحشى بتاعك لسه فاكرااه

 

 

تسلم الايادى

 

 

حبيبتى فى الله 'صاحبه القلب الطيب'

 

جزاكم الله خيرا على المجاملة الرقيقة

كنت مشغولة الفترة الماضية ولكنى بفضل الله

 

عقدت العزم على أن اعمل الثلاثة مرة واحدة

 

للتنويع بالاضافة الى توفير الغاز

 

لان من مبدئى طالما اشعلت الفرن يكون على الاقل لصنفين بدل من صنف واحد

يعنى ممكن اعمل كيك مع مكرونة باللبن أو أعمل مخبوزات

 

بالنسبة لتحمير الوجه ليس فى كل الاوقات يعنى على حسب الاستعجال

 

ممكن أحمر أو لا المهم على الاقل يكون اخذ لون ولو خفيف

 

أما بالنسبة للبيتزا

المقادير

 

دقيق + بيكنج + خميرة + قليل من الملح +قليل من الزيت

 

أعجنها ولكن اجعلها طرية لكى تكون هشه

 

واتركها تخمر على مهل

 

أكون مجهزة الخلطة

 

بصلة مقطعة صغيرة + فلفل أخضر أو أحمر أو الاثنين حار وغير حار + زيتون +طماطم+ توابل + جبنة رومى " ممكن تونة أو لا " على حسب الرغبة

ممكن لو يوجد جمبرى أو لحمة مفرومة

 

على حسب نوع البيتزا او على حسب الموجود عندى

 

أتبل الكل

 

بصلة مقطعة صغيرة + فلفل أخضر أو أحمر أو الاثنين حار وغير حار +طماطم+ توابل

 

وأتركهم على نار هادئة

أدهن القارب بقليل من الزيت

 

أفرد العجينة لتتمدد لفترة

 

واضعها فى الفرن

 

وبالهنا والشفاء

 

ممكن أعزمك على محشى لو حبيتى

 

تنورى

 

على فكرة زوجى الحمد لله أعطانى 10/10

[ام زينة و ميسان 13]

السلام عليكــم ورحمـة الله وبركاتــة ،،

قمت بعمل الباميا لكن بطريقتي أضع الثوم و الفلفل الأخضر بعد الباميا ما تاخذ غلوة و بتكون رائعة

[في سبيل الله> 0]

السلام عليكم ورحمة الله وبركاته،،

اشتقت لكنّ يا حبيبات و اشتقت ((( اتفرج )))) على صور الاكلات الحلوووووووووة

ابلة صاحبة القلب الطيب

اعذري لي غيابي والله مشغولة جدا واجهز للسفر وترك الشقة ،، حتى الاكل !!! تطبخ لي صديقتي ( الله بيحنن عليّ ) :unsure:

على كل حال ولو تأخرت كتييير بس بكفي اني صرت اعمل طبخات واوقف في المطبخ وادعيلك ولكل الاخوات اللي فتحوا نفسي للطبخ وبديت اتخلص من عقدتي ،،

ان شاء الله اتابع معكن ولو من بعيد لبعيد

وابارك للمتميزات في الدورة من كل قلبي

واحب اقول لاتفكرو الاكل ( طبخنا واكلنا )) !!!!!!!!!!!!!!

والله جمال الطبخة لمّا افكر مين اللي رح يشاركيني فيها وإلا.....

والله ما في طعم للأكل ،، بدون المشاركة

رأي الشخصي ،، عن تجربة

بعد اذن الحبيبات

صاحبة القلب الطيب ومسلمة مجاهدة

في حفظ الله يا حبيبات

[ام رحمة السلفية 12]

السلام عليكــم ورحمـة الله وبركاتــة ،،

 

ام حبيبة من فضلك ممكن تقوليلى ارفع الصور اذاى

بدخل على موقع رفع الصور وبرفع الصورة بيطلعلى كذا رابط كل م اجرب واحد

مايظبطش معايا اعمل ايه

[** أم المنذر ** 66]

السلام عليكــم ورحمـة الله وبركاتــه ،،

 

صاحبة القلب الطيب حبيبتي و الله أنا شطورة و مجتهدة بس من بداية الدورة و أنا أموري متخربشة و مش عارفة أطبق كويس :unsure:

 

بس عملت صينية الدجاج و الخضار

 

الخضار كانت بروكلي و جزر و بندورة (طماطم)

 

و طلعت شهية

وعملت معكرونة بس كانت سلطة

 

سلقتها وحطيت عليها مايونيز و ليمون و ملح و ماء و قطعت مخلل مشكل (طرشي) و ليمون و خلطتهم مع بعض طلعت رهيييييييييييييييييييبة

 

و عندي مشاركة:

 

صينية البامية

 

بما إنو الدرس كان فيه وصفات البامية

 

أنا عملتها الأسبوع الماضي خصوصي مشان أصورها و أوريكم ياها بس للأسف موبايلي خلص شحن البطارية تاعتو و كنت ناسية الشاحن عند دار حماي

 

المكونات:

لحمة عجل راس عصفور/// بامية (الصراحة أنا بستعمل المجمدة أكتر مش عارفة ليه)/// بندورة/// بصل/// مرق لحم أو ماء فيه مكعب ماجي///بهارات///ملح// زيت زيتون

 

الطريقة:

1-سلق اللحمة لحد ما تستوي

2- قلي البامية لحد ما تحمر شوية

3- تقطيع البندورة قطع متوسطة ثم تبهر و تملح

4- تقطيع البصل قطع صغيرة ثم يشوح بزيت الزيتون

 

في صينية بايركس توضع اللحمة طبقة ثم البامية طبقة فوقها ثم البندورة ثم البصل

 

إن كان بقي مع البصل زيت زيتون نوزعه على الصينية و إن لم يبق نصب القليل من زيت الزيتون على كامل الصينية

 

نضع القليل من مرق اللحم

 

نغلف الصينية بالقصدير و نضعها بالفرن

 

بعد الاستواء نحمرها حتى يصبح لون البصل ذهبي

 

و يمممممممممممممممم على الطعم

 

 

و عندي نفس سؤال سارة محمد إنو لو ما غسلناش اللحمة مش بتكون وسخة و بتوسخ المرق؟؟؟

 

و بالمناسبة مبارك لكل المتميزات و خصوصي سارة محمد أسئلتها بتفيدني كتير و لو مكنتوش اخترتوها كنت زعلت منكم :closedeyes:

[ساره أم حمزه 1041]

وعليكم السلام ورحمة الله وبركاته

وانتى كمان وحشتينى وهتوحشينى إن شاء الله اختى الغاليه فى سبيل الله

ربنا يقويكِ وييسرلك الامور

 

وعليكم السلام ورحمة الله وبركاته

نهله لما بيعملك كذا رابط بيكون من بينهم رابط مباشر بتعرفيه بيكون اخره

jpg او jpe او jfif او ....... او بيبقوا كاتبين جنبه رابط مباشر

تاخدى كوبى وتيجى هنا تضغطى على الايقوونه دى

وتضغطى الرابط paste

وبتظهر الصورة لما بتبعتى الرد إن شاء الله

مش عارفه افدتك كده ولا ايه

 

وعليكم السلام ورحمة الله وبركاته

الله يبارك فيك اختى ام المنذر ( :

فرحتينى اسعدك الله فى الدنيا والاخره

جزاك الله خيرا

 

ام حبيبه انا عملت محشى البصل الحمد لله

وهابقى اكتبلك التقرير إن شاء الله

لان الان هاروح اعمل صيبنيه البطاطس باللحمه المفرومه إن شاء الله

[صاحبه القلب الطيب 12]

عذرا كل ما اكتب رد يطيييييييير

[ساره أم حمزه 1041]

السلام عليكم

تطبيق محشى البصل

الحمد لله

الظاهر انى نسيت انا عملت ايه من كتر الطريقه هههههه

انا خرطت بصل اثنين تقريبا وغسلتهم وغسلت طاسه

وحطيت فيها 3 او اكثر ملاعق كبيرة زيت وحطيت البصل حمرته

وبعدين حطيت 2 باكو صلصله جاهزة وحطيت ملح وكمون وكزبرة ومش فاكره زعفران ولا ايه بالظبط

عشان مكنش عندنا فلفل

وامى كانت وقفالى طبعا عشان مقادير البهارات

وغسلت حله وحطيت فيها نصف كيلو رز مش فاكره كيلو ولا نصف

وغسلته بس الغلطه اللى مش هكررها تانى إن شاء الله

انى سبت فى الرز ميه فلما حطيت عليه الخلطه الميه هى اللى بقت فيها الصلصه

بقت حمره لكن الخلطه نفسها لما احطها فى البصل مش حمره طبعا اوى

لان الصلصه اتوزعت فى الميه

حطيت على الارز الخلطه وخرطت الخضره معلش كانت شبت وبقدونس لان ده اللى اشتراه بس

وغسلتهم فى المصفى وحطيتهم على الارز والخلطه وقلبت

وبعدين عملت 6 بصلات عملتلهم زى ماقلتلى قطعت لحد نص المركز

وغسلته وحطيتهم فى حله بها ماء يغطى البصل وغطيت عليهم وسبتها تغلى والبصل تفكك

وطلعته امى عملته تحت الحنفيه عشان يبقى بارد عليا وانا بفككه

وفردت طبقه طبقه وحشيت ولفيت زى ماعلمتينا وحطيت فى قاع الحله شويه من الخلطه وبعدين رصيت عليهم

البصل اللى بحشيه وفى الاخر حطيت ميه عليه لان معنديش مرق كنت بعمل بالليل

وسبته سرب الميه ووطيت عليه وبس كده

طعمه حلو ما شاء الله ( :

[ساره أم حمزه 1041]

السلام عليكم

الحمد لله طبقت صينية البطاطس باللحمه المفرومه

جبت بطاطس كانت امى سلقاها وانا جبتها

قشرتها وهرستها بس محطيتش حليب لانها كانت ناعمه ما شاء الله

وجبت طاسه حطيت فيها 3 ملاعق كبيرة زيت وفرمت بصل

وحطيته فى الطاسه وقلبت هو بقى لونه اصفر كده وبدأ منه يلزق فى الطاسه

ففضيت اللحمه المفرومه عليه وقلبت وحطيت معلقه اوزياده ملح وامى حطت

كمون وكزبرة وحاجه كمان

واللحمه اتعملت بسرعه ما شاء الله جيت اوطى عليها راحت النار انطفت فاخدتها وخلاص

لانها شكلها معموله

وجبت صينيه ، معندناش بايريكس وحطيت فيها زيت ورشيت دقيق بدل البقسماط لان معندناش

هههههه وحطيت طبقه بطاطس وفوقها طبقه اللحمه المفرومه وفوقها طبقه بطاطس

بس فضل حته صغيره متغطتش بطاطس لان مكفتش البطاطس لان الصيبينه كبيره

وكنت نفسى احط بيضه مخفوقه ، قدّر الله وما شاء فعل فوجئت ان مفيش بيض ولا فى سمنه بلدى حطيت على الطبقه سمنه

تانيه وخلاص وامى حطتها فى الفرن

لسه مدقتهاش فرننا شكله بايظ بيهبب

الحمد لله

 

لسه بقى اعمل لسان عصفور إن شاء الله

[ساره أم حمزه 1041]

الحمد لله ذقت البطاطس باللحمه المفرومه طعمها حلو والدقيق اللى كان فى القاع اتحمر ومخليها طعمها احلى

حتى اتمنيت انى كنت احط اكثر الحمد لله قدّر الله وما شاء فعل

لكن متحمرتش من فوق بسبب الفرن مش مظبوط

[زهرتى الغالية 84]

السلام عليكــم ورحمـة الله وبركاتــة ،،

 

البسارة على طرقتى

 

تشكيلة خضار

 

 

بعد الطهى

 

 

تم تعديل 16 مايو, 2011 بواسطة زهرتى الغالية

[صاحبه القلب الطيب 12]

ام زنيه وميسان

 

طبق الباميه جميل جدااا ما شاء الله تسلم ايدك وعذرا كل ما اكتب لكى ردا يضيع الله المستعان

وقصدك ان بعد ما تعملى التسبيكة تفرمى الفلفل والتوم وتضعيهم بالنهايه

 

 

زهرتى الغاليه

 

تطبيقاتك كلها ررررررررررائعه ما شاء الله

وتستحقى 11 من 10

ربنا يبارك بزوجك وبيكى وبابنك ورزقك حج بيته وايانا

[صاحبه القلب الطيب 12]

السلام عليكم ورحمة الله وبركاته،،

اشتقت لكنّ يا حبيبات و اشتقت ((( اتفرج )))) على صور الاكلات الحلوووووووووة

ابلة صاحبة القلب الطيب

اعذري لي غيابي والله مشغولة جدا واجهز للسفر وترك الشقة ،، حتى الاكل !!! تطبخ لي صديقتي ( الله بيحنن عليّ ) :P

على كل حال ولو تأخرت كتييير بس بكفي اني صرت اعمل طبخات واوقف في المطبخ وادعيلك ولكل الاخوات اللي فتحوا نفسي للطبخ وبديت اتخلص من عقدتي ،،

ان شاء الله اتابع معكن ولو من بعيد لبعيد

وابارك للمتميزات في الدورة من كل قلبي

واحب اقول لاتفكرو الاكل ( طبخنا واكلنا )) !!!!!!!!!!!!!!

والله جمال الطبخة لمّا افكر مين اللي رح يشاركيني فيها وإلا.....

والله ما في طعم للأكل ،، بدون المشاركة

رأي الشخصي ،، عن تجربة

بعد اذن الحبيبات

صاحبة القلب الطيب ومسلمة مجاهدة

في حفظ الله يا حبيبات

 

هلا اهل سوريا الحلوين

ربنا يفرج على بلدكم الكرب ياغالية

 

وطبعا تيجى تنورى تتفرجى وتضعى مشاركاتك كمان .ربنا يبارك فيكى وفى صاحبتك

 

وطبعا كلامك عندك حق فيه الاهم من الاكله الصحبة التى حول الاكلة

 

ربنا ينور طريقتك ويرزقك بالصحبة الصالحة غاليتى

 

[صاحبه القلب الطيب 12]

نهوله

 

السلام عليكــم ورحمـة الله وبركاتــة ،،

 

ام حبيبة من فضلك ممكن تقوليلى ارفع الصور اذاى

بدخل على موقع رفع الصور وبرفع الصورة بيطلعلى كذا رابط كل م اجرب واحد

مايظبطش معايا اعمل ايه

 

اهلا ياحبيبتى

 

بصى فى طريقتان

ادخلى على موقع الرفع واختارى الصورة هتطلعلك رابط خدى منها كود المنتديات (بيكون مكتوب كده ) وضعيه بخانه اضافه صورة هنا

 

طريقه تانيه

 

انك من خانه اضافه رد جديد هنا ترفقى الصور بتاعتك

من browse ثم تحميل (وبهذا يرفق الملفات بالرد)

ننتظر الصور بشووق نهله

[عزتي نقابي 1]

عذراااا

اصبحت متابعه فقط

الامتحانات علي الابواب

وليس لدي وقت للطهي

[صاحبه القلب الطيب 12]

لا عليكى ياغاليه

 

ربنا يوفقك وينجحك بتفوق

 

وبعد الامتحانات طبقى

 

ما بقى لدينا الكثير

[زهرتى الغالية 84]

تطبيقى مع الجمبرى

 

لسان عصفور بالجمبرى أ جمبرى بلسان عصفور

 

ممكن يكون ناشف مثل الصور أو يكون شوربة لسان عصفور

 

 

 

 

 

 

[صاحبه القلب الطيب 12]

ما شاء الله عليكى زهرتى الحبيبه

 

يعنى كده طبقتى 2 فى 1

 

اللهم بارك

 

فعلا شطوورة

 

 

تسلم الايادى ياغالية

 

وشكله شهى لعشاق الجمبرى

 

انتظرك بدرس الاسماك

[~ماريا~ 1340]

اخيرا

هجبلكو تطبيقي

 

اولا

الجمبري المسلوق ومعاه كابوريا

انا بغسل الجمبري كويس جداااااا

وبعدين احطه في حله كبيره وفيها مايه واحط معاه بصله ترنشات وفلفل اخضر ترنشات وثوم كتيييييييييييييييييييييير

وكمون وملح ولو حبه تضيفي طمطمايه بس انا ما بحب

واتركها تستوي علي النار

الشوربه بتاعتها بتبقي توووووووحفه

 

ثانيا: الجمبري بالمكرونه

انا بطبخ المكرونه الاسبجتي بالصلصه بتاعتها الحمرا

وهي عباره عن بصله صغننه جدااا وفلفل اخضر مبشور واشوحهم في الزيت وبعدين احط الطماط واتركها تتسبك

وبعدين احط المكرونه

وباجي بقي علي الجمبري واقشره واغسله ثم اجيب بصل ترنشات وفلفل اخضر ترنشاتواسويهم علي النار حتي يدبلو تماما

ثم بحط الجمبري عليهم وازود شويه مايه والكمون والملح

واتركها ليستوي الجمبري وبعدين بجيب ورق الالومنيوه واقصه علي قد الطبق واضع فيه كميه من المكرونه وكميه من الجمبري بالصوص بتاعه واقفل

الورقه واحطها في صينيه في الفرن

لمده نص ساعه

تم تعديل 17 مايو, 2011 بواسطة مـــاريـــا

[~ماريا~ 1340]

ودا الجمبري المشوي

بس انا ما بحطه بالاستيك لان ماعندي شوايه بحطه في الفرن

وكتيييييييييييييييير طيب

 

بحط طبقه بصل وطبقه فلفل اخضر وطبقه طماطم

وبعدين الجمبري وهكزا

واحط الملح والكمون واتركهم في الفرن مع التقليب كل فتره