درس(4)المحاشى بأنواعها فى ☀ ☀دورةالطبخ العبقريةلكل انثى ذكية☀ ☀

[صاحبه القلب الطيب 12]

وعليكم السلام ورحمة الله وبركاته

جزاك الله خيرا جعله الله فى ميزان حستانك ( :

 

 

اللهم امين

بصى

خلطة الحشو

مع التقليب وطبعا نكون طفينا النار فاحنا مش بنسوى الرز هنا

احنا كل ده على النار ؟

ولا البصل بس اللى يتخمر ونكمل فى حلة من النار بقيت المقادير

ممكن توضحيلى اكثر معلش ^ـ^

 

اه على النار لحد ما تسبكى الصلصة بس وبعدين لما تيجى تحطى الرز والخضرة تطفى النار فى ورق العنب

ملحوظه لا تجعلى حشوتك مصلصله حتى تتمكنى من الحشو بسهوله وعدم فك الاطراف او عدم تسويته على النار

انتى قصدك مصلصله يعنى محطش فيها صلصله ولا طماطم ؟فى الخلطه بتاعت ورق العنب ؟

قصدى مصلصة على الحشوه بصفه عامة يعنى تكون مليانة طماطم اوووى اوووى بحيث متعرفيش تلفى الورق او يعجن منك وانتى بتسوية

يعنى يكون الطماطم فى المعقول

 

وحينما يتشرب المحشى الشوربه المضاف اليها زيت زيتون ومكعب ماجى وليمون (حسب الرغبه )نوطى النار حتى يتردد ثم نتذوقه للتأكد من تسويته

هى الشوربة دى جات امتى ولا منين؟ ( :

 

الشوربة ديه عندك اكيد بتاعت فراخ او لحمه

اومال هتسوى المحشى ازاى !

 

لسه مقرأتش الباقى

 

بانتظارك

 

 

 

أم سجدة

 

تسلم الايادى الجمال دة الحلوة دىىىى ولما احنا كدة هناكل صوابعنا هنشتغل بايه ههههههههههههههههههههههههههههههههههههه

 

لالالا كلوا الصور بس متاكلوش صوابعكوا عشان تطبقوا بيها ههههههههه

 

رأيت تطبيقك ياغالية واسعدنى جدا ردك ..جعل الله لنا نصيب من دعوات زوجك

[ساره أم حمزه 1041]

اه على النار لحد ما تسبكى الصلصة بس وبعدين لما تيجى تحطى الرز والخضرة تطفى النار

ربنا يستر واعرف اطبقه

انا اصلا وانا صغيره كنت باكل المحشى لكن كان عروقه اللى فى ورقه العروف الصغيره دى

بتبقى هتقف فى زورى فكنت بشيل الورق واكل الرز

وبعدين منعته خالص لكن الايام دى رجعت اكله تانى بحب اللى متحمر فى طاسه جدااا

قصدى مصلصة على الحشوه بصفه عامة يعنى تكون مليانة طماطم اوووى اوووى بحيث متعرفيش تلفى الورق او يعجن منك وانتى بتسوية

يعنى يكون الطماطم فى المعقول

ااه ماشى جزاك الله خيرا

الشوربة ديه عندك اكيد بتاعت فراخ او لحمه

اومال هتسوى المحشى ازاى !

اقولك انا استغربت ليه

لان امى مش بتعمل فراخ ولا لحمه مع المحشى ( :

فمش بيبقى فى شوربه

اعمل الميه بدالها امى بتعمل كده

[ساره أم حمزه 1041]

انا حاسه انهم صعبين ياربى

لما ببقى كده بحس ان دماغى هينفجر ، الحمد لله

بصى انا لو عملتهم مش عايزة اخيط ولا احط خله

عايزة اسيبها مفتوحه والرز ينزل تبقى حلوه هههههه ماشى ؟

 

الكراسه خلصت ( :

هاكتب فى كراسة تانيه إن شاء الله

الدروس التانيه

[الاء القدوس 18]

الاكل جميل لكن لا آكل اغلبه

الانواع التي آكلها ليس متاح لي ان اعملها هنا في البيت لاني لم اذهب بيتي بعد

كما انني لا نطبخ هذه الاصناف في بلادنا يعني لن يسمح اهلي بذلك

افضل ان تضيفوا شيء يتناسب مع جميع البلدان كما طلبت منكن سابقا لاني احس اني دور تحتكر و تقتصر على المصريات دون غيرهن قد تكون هذه الاكلا متداولة في بلدان اخرى لكن نحن لا

و بالتالي لن اتمكن من التطبيق

تمنيت لو كانت الدورة يعني عامة ونتعلم اشياء يستطيع الجميع القيام بها و ايضا تعلم الحلويات فهذه لا باس بها حتى لو لم تكن متداولة

آسفة على الإطالة لكن احببت ان اشير على هذه النقطة المهمة بالنسبة لي

[صاحبه القلب الطيب 12]

تمنيت لو كانت الدورة يعني عامة ونتعلم اشياء يستطيع الجميع القيام بها و ايضا تعلم الحلويات فهذه لا باس بها حتى لو لم تكن متداولة

 

معذرة ياغالية ولكن فعلا الاكلات معظمها للمصريات وللبلدانت المشابهه لهم فى الاكل

لانى وببساطة مصرية ولا اعرف شئ عن باقى اكلات الدول الاخرى ولكن هناك اشياء مشتركة بينا كتييييييييييييير

 

وكنا ننوى عمل ملفات عن اهم اكلات كل بلد ربنا ييسر لنا امرنا ونقوم به حتى تنتهى تلك الملفات

 

لا تزعلى ياغالية

الستى مغربيه ؟

[الاء القدوس 18]

نعم حبيبتي مغربية

و اريد ايضا اكلات بلدي تعرف و تصبح مشهورة لانها حقا جميلة و لذيذه

ممكن تستعيني بالمشرفات الحبيبات كالمتفائلة ، مودة و رحمة اظن انهن سيتمكن من إعطاءك معلومات عن اكلنا

يا ريت لو كنت في بيتي فانا اود فعلا تطبيق درس المحاشي خصوصا الحمام و الكوسة لكن ما باليد حيلة

[قطر الندى2 1]

وعليكم السلام ورحمة الله وبركاته

ملف قمة تشكرين عليه ياصاحبة القلب الطيب وجزاك الله خير الجزاء وأم رقية على هذا المجهود الطيب

بعد اذنك لدي بعض الاسئلة:

ماهي خضرة المحشي

وهل خلطة اللحمة الفرومة تطهى مثل الاولى؟

هل تقدم أصابع ااكرنب مع مرقه الذي استوى فيه ؟

وبارك الله فيك

أسأل الله أن يوفقني للتطبيق هذا الدرس اللذيذ

في أمان الله.

[بسمه العمر 4]

السلام عليكــم ورحمـة الله وبركاتــة ،،

 

طبعا انا مش مشتركه بس حبيت ادخل واشوف الطريقة ................( متطفله بقى )

ما شاء الله طريقتك فى الطبخ نفس طريقتنا بس فى حاجه صغيرة مختلفة اولا خضرة المحشي مش بنضع فيها بقدونس وكده المحشي بيكون اطعم جربيها :icon15:

كمان فى محشي الفلفل بنضع رشة ملح صغيرة جدا فى قرن الفلفل قبل ما نضع الحشو به

 

 

الى الاخوات غير المصريات وخاصة الاخت الاء القدوس ان شاء الله لما تجربي الاكل المصري هتحبيه ممكن تعرفى الطريقة الوقتى وبعدين ان شاء الله تجربيها ( لانه لذيذ وخاصة محشى ورق العنب - والباذنجان والفلفل :icon15: :icon15: )

 

على فكرة لم اتناول اكل مغربى قبل كده بس بنشوفوه على قنوات الطبخ شكله لذيذ وبقترح عليكي انك تعملى موضوع جديد فيه اكلات مغربية

[امة الله حنان 0]

اهلا اهلا بحنان صاحبةالا بداعات

ايوة هنتريأ أهو

 

بس كده طبق ورق عنب وحمام يكونوا عندك فى الحال ..هى الصور مش واضحة ولا أية ياجماعة

يا استاذة الكلام ده كان اول امس الديلافيرى عندكم متاخر اوى :angry:

اللهم أمين ياغالية

واضح انك شطورة ...ومنتظرين اخبار الممبار لسه واكلاة عن امى من كام يوم وكان تحفةةة

تسلملك ويبارك لكى فى عمرها امك الغاليه

ولاحرمك ابدا من ابداعاتها

 

لا تنسى صورة لنا من الطبق

ليه الفضايح دى مش كفايه الكشرى

 

ربنا يبارك فيكم على هذا المجهود الرائع

[ساره أم حمزه 1041]

ههههههه

أمة الله حنان انتى كلامك مصرى لكن عرفت انك مغربيه هو صح كده ؟ ولاانتى مصريه ؟

 

ام حبيبه انا فى صور مش بتفتح عندى يعنى بيبقى كانها مربع صغير اللى فيه اكس ( :

[صاحبه القلب الطيب 12]

ساره

 

ربنا يستر واعرف اطبقه

انا اصلا وانا صغيره كنت باكل المحشى لكن كان عروقه اللى فى ورقه العروف الصغيره دى

بتبقى هتقف فى زورى فكنت بشيل الورق واكل الرز

وبعدين منعته خالص لكن الايام دى رجعت اكله تانى بحب اللى متحمر فى طاسه جدااا

 

ان شاء الله تعرفى ..وفعلا بيكون جميل ومقرمش

 

اقولك انا استغربت ليه

لان امى مش بتعمل فراخ ولا لحمه مع المحشى ( :

فمش بيبقى فى شوربه

اعمل الميه بدالها امى بتعمل كده

 

براحتك حبيببتى ..بس لو هتعمليه بمياه خلى معها مكعب ماجى حتى يعطى لها طعم

 

انا حاسه انهم صعبين ياربى

لما ببقى كده بحس ان دماغى هينفجر ، الحمد لله

بصى انا لو عملتهم مش عايزة اخيط ولا احط خله

عايزة اسيبها مفتوحه والرز ينزل تبقى حلوه هههههه ماشى

 

عشان اول مره بس بس مع التكرار هيكونوا سهلين وطبعا خلى حد يساعدك

 

بصى بالخله اسهل ..انا كنت زيك كده بس بالخله سهله

 

الكراسه خلصت ( :

هاكتب فى كراسة تانيه إن شاء الله

الدروس التانيه

 

ههههههههه ولسه !

[صاحبه القلب الطيب 12]

نعم حبيبتي مغربية

و اريد ايضا اكلات بلدي تعرف و تصبح مشهورة لانها حقا جميلة و لذيذه

ممكن تستعيني بالمشرفات الحبيبات كالمتفائلة ، مودة و رحمة اظن انهن سيتمكن من إعطاءك معلومات عن اكلنا

يا ريت لو كنت في بيتي فانا اود فعلا تطبيق درس المحاشي خصوصا الحمام و الكوسة لكن ما باليد حيلة

 

 

ان شاء الله حبيبتى اعدك ان اعرض فكرتك واتمنا ان تلقى قبولا فسبق عرضتها ولم تجد اهتمام اوووى

 

وحاولى تطبقى ما يتوفر لديكى او على الاقل احفظى الوصفات القريبه لكى وحينما تتاح الفرصه قومى بعملها

[صاحبه القلب الطيب 12]

وعليكم السلام ورحمة الله وبركاته

ملف قمة تشكرين عليه ياصاحبة القلب الطيب وجزاك الله خير الجزاء وأم رقية على هذا المجهود الطيب

 

الله يكرمك ده من زوقك :closedeyes:

 

بعد اذنك لدي بعض الاسئلة:

ماهي خضرة المحشي

البقدونس والكزبرة والشبت

وهل خلطة اللحمة الفرومة تطهى مثل الاولى؟

نعم ياغاليه

هل تقدم أصابع ااكرنب مع مرقه الذي استوى فيه ؟

اى مرق تقصدين حبيبتى ..ان كان المرق الذى سوينا به المحشى فهو اساسا يتشربه حتى تمام السواء

وبارك الله فيك

أسأل الله أن يوفقني للتطبيق هذا الدرس اللذيذ

في أمان الله

 

منتظره تطبيقك واى شئ تفضلى .

[صاحبه القلب الطيب 12]

بسمه العمر

جميل اسمك

 

 

طبعا انا مش مشتركه بس حبيت ادخل واشوف الطريقة ................( متطفله بقى )

ما شاء الله طريقتك فى الطبخ نفس طريقتنا بس فى حاجه صغيرة مختلفة اولا خضرة المحشي مش بنضع فيها بقدونس وكده المحشي بيكون اطعم جربيها

كمان فى محشي الفلفل بنضع رشة ملح صغيرة جدا فى قرن الفلفل قبل ما نضع الحشو به

 

فين التطفل ده ...زدع انتى تنورى ؟؟

ملاحظات تمام التمام وان شاء الله اجربها

بس قصدك الخضرة تكون عباره عن شبت وبقدونس ؟؟بس

 

وبالنسبة لما وضع الملح ؟؟

 

تسلمين على المداخله الجميلة

[صاحبه القلب الطيب 12]

اهلا اهلا بحنان صاحبةالا بداعات

ايوة هنتريأ أهو

 

 

لا والله اطلاقا ..يابنتى خلى عندك ثقه بنفسك :closedeyes:

 

بس كده طبق ورق عنب وحمام يكونوا عندك فى الحال ..هى الصور مش واضحة ولا أية ياجماعة

يا استاذة الكلام ده كان اول امس الديلافيرى عندكم متاخر اوى :angry:

 

ههههه معلشى الردود اللهم بارك كتير والوقت ضيق .التمسوا لى العذر :icon_eek:

 

اللهم أمين ياغالية

واضح انك شطورة ...ومنتظرين اخبار الممبار لسه واكلاة عن امى من كام يوم وكان تحفةةة

تسلملك ويبارك لكى فى عمرها امك الغاليه

ولاحرمك ابدا من ابداعاتها

 

امين

 

لا تنسى صورة لنا من الطبق

ليه الفضايح دى مش كفايه الكشرى

 

بالعكس كان جميل جدااا :tongue:

 

ربنا يبارك فيكم على هذا المجهود الرائع

 

ربنا يكرمك

[بنت ام عبد 151]

السلام عليكم ورحمة الله وبركاته،،

بارك الله فيكِ صحوبة وفي الأخوات المشاركات واحب اضيف إضافة بسيطة تعلمتها من فترة قصيرة من أختي وهوبعد أستواء التسبيكة (طماطم مع البصل والتوابل)وقبل أضافة الخضرة نضع الارز المغسول ونقلب الخليط علي النار الهادئة دقائق مجرد تشويح بسيط وفائدته أن الارز يتشرب الصلصة ويكون المحشي مفلفل كمان, يعني فائدتين لا تجدي سائل في الحشوة وأرز مفلفل مش معجن وبعد إنزال الارز من علي النار نضيف الخضرة ونبدا في الحشو يارب أكون افدتكم بس صراحة وجدتها طريقة جميلة والمحشي بيكون مميز وبلف ورق العنب مثلك بالضبط يا صحوبة

[امة الله حنان 0]

أمة الله حنان

انتى كلامك مصرى لكن عرفت انك مغربيه هو صح كده ؟ ولاانتى

مصريه ؟

 

ازيك يا سارة عامله ايه ؟

انا احب المغرب جدا وكل اهلها ما شاء الله بهم طيبه وسكينه ادامها الله عليهم

ولكننا بلديات اى مصريه ولله الحمد

انا متبعاكى شدى حيلك والحقى اتعلمى قبل ما تبقى زينا وما تعرفيش تعملى كشرى :closedeyes:

 

وجزاك الله خيرا ام حبيبه على التشجيع بارك الله فيك وانا كنت بهزر معاكى شويه

 

 

جزاك الله خيرا بنت ام عبد على الاضافه انا ماما بتعمله كدة بس بتكون كمان حطت الخضرة وتشوحه شويه لنفس الاسباب

معلش اتحشرت من غير لازمه

تم تعديل 24 أبريل, 2011 بواسطة امة الله حنان

[بنت ام عبد 151]

السلام عليكم ورحمة الله وبركاته،،

جزاك الله خيرا بنت ام عبد على الاضافه انا ماما بتعمله كدة بس بتكون كمان حطت الخضرة وتشوحه شويه لنفس الاسباب

معلش اتحشرت من غير لازمه

بارك الله في والدتك حبيبتي حنان (كيفك يا غالية ؟؟؟ أراك غبت فترة عن المنتدي عودا حميدا يا غالية ,عموماً الافضل تكون الخضرة من غير تشويح لسببين

احتفاظ بقيمتها وتكون لونها اخضر لأن التشويح بيجعلها صفراء والمعلومة دي من أختي أصغر مني لكن اللهم بارك شطورة وعليها برام أرز رائع وعلي فكرة أحمسكم أختي لم تتعلم الطهي الا بعد الزواج لكن عندما نضع هدف ونستعين بالله اولاً بإذن الله نجد توفيق وتقدم

بالتوفيق حبيباتي ولا تنسين استحضار النية وهي إطعام الطعام وفي نوايا كثيرة ولا نسييتي يا حنان حملة ام جويرية (بارك الله فيها وفي صحتها ) اتذكر أني تعرفت عليك في هذا الموضوع ,أحبك في الله يا غالية

[امة الله حنان 0]

بارك الله فيك بنت ام عبد

وان شاء الله اقول لامى على موضوع الخضرة وربنا يبارك لك فى اختك وقوليلها تعملى برام ارز لى مخصوص وبايباى للرجيم

انا ما كنتش بدخل لان الموقع لم يكن يفتح معى طول الفترة الماضيه وانا فرحانه جدا انك لسه فاكرانى وربنا يشفى الغاليه ام جويريه فقد كان موضوعها ومشاركتك فيها سبب فى استحضارى نوايا جديده بارك اللهم فيكما

احبك الله الذى احببتنى فيه وانا اشهد الله انك كنت قدوة لى مرات عديدة زادك الله من فضله

 

 

معلش ام حبيبه خرجنا شويه عن الموضوع سامحينا

تم تعديل 25 أبريل, 2011 بواسطة امة الله حنان

[بسمه العمر 4]

السلام عليكــم ورحمـة الله وبركاتــة ،،

جزاك الله خيرا اختى (( صاحبة القلب الطيب )) ده المنتدى منور بك انتى

 

بالنسبه

بس قصدك الخضرة تكون عباره عن شبت وبقدونس ؟؟بس

قصدي اننا بنضع للمحشى شبت وكزبرة بس

وبالنسبة لما وضع الملح ؟؟

لان الفلفل بيكون مسكر شويه فالملح لمعادلة الطعام لاننا لو موضعناش ملح هيكون عادب قليلا عن باقى المحاشي الموجوده معاه (( لاحظيها بعدين ))

 

ونسيت اقولك اننا فى محشى الباذنجان بعد ما نزيل قلبه ونغسله بقلي الباذنجان فى الزيت (( بحيث يدبل بس مش يكون محمر يعنى دقيقة وارفعيه ))

[عزتي نقابي 1]

ماشاء الله

وصفات رائعه وبالتفصيل

الحمد لله انا بعرف اعملهم كلهم

ماعدا طريقة البصل جديده عليا كنت بخليه زي الكوسه كدا بيبقي محفور من الوسط واحشيه بس هحاول اجرب الطريقه دي حاسه انه هيتكسر مني

الله المستعان

كمان الفراخ اول مره اعرف الطريقه دي

 

انتظروا تطبيقي

[ساره أم حمزه 1041]

عشان اول مره بس بس مع التكرار هيكونوا سهلين وطبعا خلى حد يساعدك

 

بصى بالخله اسهل ..انا كنت زيك كده بس بالخله سهله

يارب يكون سهل عليا ، انا بسأل امى فى الحجات اللى عايزة اعرفها وانا بعمل

بس حلوه برضه

 

ههههههههه ولسه !

ههههههههه ماشى إن شاء الله

 

ازيك يا سارة عامله ايه ؟

انا احب المغرب جدا وكل اهلها ما شاء الله بهم طيبه وسكينه ادامها الله عليهم

ولكننا بلديات اى مصريه ولله الحمد

انا متبعاكى شدى حيلك والحقى اتعلمى قبل ما تبقى زينا وما تعرفيش تعملى كشرى

الحمد لله ازيك أمة الله حنان

نعم الله يبارك فيهم ، اهلا بيك وبأهل مصر ( :

ماشى إن شاء الله ( :

هههههه

 

استنينى ام حبيبه لسه معندناش لاكرنب ولا بصل إلا بصلتين تقريبا

إن شاء الله

[في سبيل الله> 0]

السلام عليكم ورحمة الله وبركاته

الملف هاد يحتاج دراسة حقيقية ،، بارك الله جهودك وجهود كل المتعاونات ،، أبلة صاحبة القلب الطيب

يعني ممكن اعرف اطبخ محشي ؟؟؟؟؟؟؟؟؟؟؟؟؟ :tongue: :ohmy: :ohmy: :wub:

رح جرب واكتب التطبيق

[صاحبه القلب الطيب 12]

السلام عليكم ورحمة الله وبركاته،،

بارك الله فيكِ صحوبة وفي الأخوات المشاركات واحب اضيف إضافة بسيطة تعلمتها من فترة قصيرة من أختي وهوبعد أستواء التسبيكة (طماطم مع البصل والتوابل)وقبل أضافة الخضرة نضع الارز المغسول ونقلب الخليط علي النار الهادئة دقائق مجرد تشويح بسيط وفائدته أن الارز يتشرب الصلصة ويكون المحشي مفلفل كمان, يعني فائدتين لا تجدي سائل في الحشوة وأرز مفلفل مش معجن وبعد إنزال الارز من علي النار نضيف الخضرة ونبدا في الحشو يارب أكون افدتكم بس صراحة وجدتها طريقة جميلة والمحشي بيكون مميز وبلف ورق العنب مثلك بالضبط يا صحوبة

 

هلا وغلا

 

 

بنت ام عبد هنا يامرحبا يامرحبا

كم سعدت لرؤيه اسمك

وايوا كده عاوزاكى دايما تنورينا عشان تستفيد من ها العقلية :cry:

 

وبالنسبة لاضافتك فعلا عندك حق انا فعلا بعملها بس لما احس ان الخلطة مصلصله زيادة وفى الغالب فعلا بيتخلى اى سائل يروح من الخلطة والرز جوه المحشى يكون مفلفل .؟......بالطبع افدتينا

 

وعلى فكرة طريقه لف ورق العنب ديه جميله اووى مش بحبة يكون مفتوح من الطرفين

 

تسلمى ياغالية على المرور القيم :icon15:

[صاحبه القلب الطيب 12]

 

امه الله حنان

 

ولكننا بلديات اى مصريه ولله الحمد

انا متبعاكى شدى حيلك والحقى اتعلمى قبل ما تبقى زينا وما تعرفيش تعملى كشرى

 

:cry: :icon15:

 

وجزاك الله خيرا ام حبيبه على التشجيع بارك الله فيك وانا كنت بهزر معاكى شويه

 

:smile:

 

 

جزاك الله خيرا بنت ام عبد على الاضافه انا ماما بتعمله كدة بس بتكون كمان حطت الخضرة وتشوحه شويه لنفس الاسباب

معلش اتحشرت من غير لازمه د

 

 

ياستى اتحشرى براحتك وما لكيش دعوة :huh:

 

 

معلش ام حبيبه خرجنا شويه عن الموضوع سامحينا

 

لا ياحبيبتى ولا يهمك طالما مع بنت ام عبد فمسموح لكى هههههههه :laugh:

وبالتأكيد الكل راح يستفيد