عزتي نقابي 1 أرسلي تقرير عن المشاركة قامت بالمشاركة 29 أبريل, 2011 السلام عليكم ورحمة الله وبركاته انا كمان جيت اقولكو علي ايه ولا ايه ولا ايه؟؟ مبدعه بقي :mrgreen: شاورما فراخ+سلطه خضراء +طحينه الشاورما نقطع الفراخ شرائح سواء كانت صدور او اوراك ونتتبلها ليمون وملح وفلفل وقرفه ونتركها علي جنب نقطع البصل شرائح والفلفل الالوان شرائح ولو حبينا نضيف مشروم ممكن نضع ملعقتين زيت في الطاسه ونضع الفراخ نسويها 3\4 سوا بعدين نضع البصل بعدين الفلفل الالوان ونتركها تسوي ثم نضع المشروم الشرائح قبل رفعها من علي النار بدقيقتين تقدم مع الرقاق او الخبز الشامي السلطه الخضراء بصراحه مش بحب اقطع السلطه قطع صغيره علشان مش تفقد قيمتها الغذائيه وكمان شكلها هيبقي احلي مكوناتها خيار _طماطم _خس_ فلفل اخضر واحمر_جزر نقطع الخيار والجزر اصابع متساويه والطماطم يفضل تكون شيري(صغيره)ونوضع بدون تقطيع لو كبيره شوي ممكن نقطعها ارباع نقطع الفلف شرائح قريبه من حجم الخيار والجزر لمراعاة التناسق نضع الخس في الطبق وتضع فوقه واحده من الجزر ثم الخيار ثم الفلفل الاحمر ثم الاخضر ونكمل الطبق هكذا علي الحافه الدائريه نضع في الوسط الطماطم نتبلها بملح وفلفل وليمون وزيت زيتون عند التقديم الطحينه كوب طحينه _فص ثوم مفروم _بقدونس مفروم _خل وعصير ليمون _ملح _ماء ساخن نضيف الماء الساخن الي الطحينه حتي نحصل علي القوام المطلوب ثم نضيف عصير الليمون والخل ثم باقي المكونات وتزين بورقتين من البقدونس علي الوجه بالف هنا شارك هذه المشاركه رابط المشاركه شارك
**نور الهدي** 0 أرسلي تقرير عن المشاركة قامت بالمشاركة 29 أبريل, 2011 (معدل) السلام عليكم ورحمة الله وبركاته،، انا بعمل شاورما الفراخ بس بضيف فى التتبيله زعتر وتوابل فراخ ومبستخد مش قرفه وبتطلع طعم وريحه توحفه وبعمل معاها رز وسلطه خضراءوبطاطس محمره تم تعديل 29 أبريل, 2011 بواسطة **نور الهدي** شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 29 أبريل, 2011 السلام عليكــم ورحمـة الله وبركاتــة ،، كيف حالكم والف حد الله على السلامه :closedeyes: اشكركم جميعا وارجو منكم الاستمرار ولكن كل مره وجبه وياريت يامنال تقولىلنا طريقة اللحم البارد والفراخ الرستو شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 29 أبريل, 2011 يا سيدي يا سيدي علي الاكلات ايوه كده كل واحده تطلع المستخبي منال قولي كل الي انت قولتيه متبخليش علينا يسرا مشكوره يا غاليه ولما اخلطهم علي بعض بيتحطو علي اي اكله ولا اكلات معينه؟؟ عزتي نقابي واااااااااااااااااااااااااااو رائعه اكلاتك كتير حلو بموت في الطحينه بعملها كدا برضو نور الهدي حلو الزعتر مع الفراخ بيدي طعم حلو شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 29 أبريل, 2011 طيب انا اعمل السمك المقلي والبطاطس المحمره والرز الصيديه بعمل الرز كالاتي بحمر بصله كبيره بيكون لونها بني وبعدين اضيف عليها شويه سمك مقطعين قطع صغيره وبيكونو نيين طبعا وارش الملح والكمون والفلفل واشوحهم شويه وبعدين اضيف الرز واقلب دقيقتين ثم الماء واترك الرز حتي يستوي شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 29 أبريل, 2011 تسلم ايديك شكله بيبقى حلو شكلك استاذه :closedeyes: شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 29 أبريل, 2011 بيبقي جميل جدااا بس مو استازه ولا شيء لما ابص للبنات هنا بحس اني ما بعرف في الطبخ شيء هههههههههههه شارك هذه المشاركه رابط المشاركه شارك
ام بدور 2 أرسلي تقرير عن المشاركة قامت بالمشاركة 30 أبريل, 2011 (معدل) وانا اقول وين البنات اتاري الاخوات ام جوجو و ماريا عاملين جو طبخ ونفخ وانا ما اعرف طيب يا ستي انتي وهي انا عندي طريقه لعمل الرز هي الوالدة الله يطول بعمرها تعملها وطبعا زوجي كل مره يقول روحي تعلمي طريقه عمل الرز اللي تعمله عمتي وامي كل ما نروح تقول زوجك يحب هالرز نعمله عشان خاطره المهم تحطي ماء فالنار تاخدي سنوت او كمون احنه نقول سنوت وقرفا اعواد وقرنفل كم حبه وتضيفيهم على الماء بعد ما يبدا الماء يغلي تضيفي مكعبين ماجي او حسب الرغبه بعدين تزودي الملح على حسب الرغبه وتضيفي الرز طبعا بعد ما يغلي الماء كويس خالص ثم تضيفي خضار مشكله على حسب الرغبه وتحطي الى ان يبدا يستوي الرز والافضل انك ما تكثري بالماء وتزودي بالراحات لو احتاج الامر وطبعا عالاخير تحطي سمن بلدي عالرز وتكوني على جنب مقطعه بصل شرائح وتقليه بالزيت الى ان يصير احمر ولو حبيتي تقلي بطاطس يكون حلو وبعد ما يستوي الرز وقبل التقديم ترشي البصل المحمر والبطاطس على الوش وتقدميه مع دجاج او سمك مشوي او حسب الرغبه وبالهناوالشفاء تم تعديل 30 أبريل, 2011 بواسطة ام بدور البدوی شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 30 أبريل, 2011 والله تسلم ايد الوالده يا ام بدور بس القرفه ممكن احطها عيدان صح مش مطحونه؟؟ ولازم الخضار في الرز ولا مش شرط شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 30 أبريل, 2011 انا بعمل علي الغدا بطاطس باللحمه المفرومه دي طريقه جديده وهي كالاتي بتجيبي كيلو بطاطس مسلوقه ونهرسها ونص كيلو لحمه مفرومه ومتعصجه طبعا وبيضه ونص كوب حليب دافئ نص كوب بقصمات جبنه موتزاريلا نهرس البطاطس ونضيف لها البيضه والبقصمات وناتي بصينيه وندهنها زيتثم بالبقصمات وبعدين نحط طبقه بطاطس وعليها طبقه اللحمه وبعدين طبقه البطاطس ثم نقطع الصينيه ونضيف اللبن بعد اضافه الملح والفلفل ثم نضع الجبنه وندخلها الفرن لمده20 دقيقه وتاكلوها وهي سخنه ومعاها العصير شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 30 أبريل, 2011 تسلم ايديك يا ام بدور وربنا يخلى الوالدة حلوة صنية البطاطس يا ماريا بس لما بتيجى تطلعيها بتبقى قطعه واحده ولا... انا بعمل على الغداء كفتة بطاطس ومسقعه وجلاش وبقلى فليه اوكبده شرائح المسقعه باعملها بطريقة حلوة بقلى باذنجان عروس صغير واحشيه باللحم المفروم المعصجه واعمل تسبيكة وارص الباذنجان المحشى فى صينيه واضع فوقها التسبيكة وتاخد غلوة اما كفتة البطاطس فهى بطاطس مسلوقة ثلاثة ارباع ومهروسه وعليها بقدونس مفروم وبيضة وتوابل وبعدين اكورها واحشيها فى النص باللحم المعصج واكورها فى البقسماط وتحمر فى زيت غزير شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 30 أبريل, 2011 تسلم ايدك ام جوجو اما بالنسبه لصنيه البطاطس انت اساسا بتقطعيها قبل ما تدخليها الفرن وبعد ما تطلعيها بتعيدي علي التقطيع تاني شارك هذه المشاركه رابط المشاركه شارك
ام بدور 2 أرسلي تقرير عن المشاركة قامت بالمشاركة 1 مايو, 2011 والله تسلم ايد الوالده يا ام بدور طب وايدي مش انا اللي احط واشيل وماما بس بتامر اعملي كدا وضيفي الشيف خخخخخالله يسلمك يا غاليه بس القرفه ممكن احطها عيدان صح مش مطحونه؟؟ ايوا عيدان في الطبخه كل شي صحيح مش مطحون وهو السر في حلاه الطبخه ولازم الخضار في الرز ولا مش شرط لا مو شرط ممكن الاستغناء عنه بس انا بصراحه احب اضيفه عالرز خصوصا جزر مقطع مكعبات وحبات بازلاء وبطاطا احيانا اقطعها مكعبات ايضا تسلم ايديك يا ام بدور وربنا يخلى الوالدة يا رب آمين وتسلمي عالمرور شارك هذه المشاركه رابط المشاركه شارك
ام بدور 2 أرسلي تقرير عن المشاركة قامت بالمشاركة 1 مايو, 2011 انا اعمل فطائر عالعشاء احيانا واول ما اعملها عن قريب ان شاء الله حنزل لكم بعض الصور بس اليوم بخبركم الطريقه فقط اولا الحشوه حسب الرغبه واي شي جبنه لحمه دجاج خضار سبانخ اللي تحبوه انا اكثر شي اعملها بالدجاج عشان يحبوه كثير بالبيت او جبن نادرا اعمله باللحم نيجي للعجينه 4 اكواب طحين ربع فنجان سكر ملعقة صغيره ملح ملعقه وربع خميره فوريه 2 بيضه كوب ونص حليب سائل للعجن (لو مو متوفر ممكن الاستعانه بصديق خخخخ) اقصد حليب باودر تضيفي له ماء مقدار كوب ونص ربع كوب زيت اولا تخلطي النواشف المواد الناشفه طحين وسكر وخميره والملح مع بعض بعدها تضيفي الزيت في النواشف وتخلطيهم كويس ثم تضيفي البيض وكمان تنخلط كويس ومش كل شويه اقول تخلطيهم كويس ما انتو ستات بيوت وتعرفوا انه لازم العجينه تنخلط كويس خخخخخ المهم اخر حاجه تضيفي الحليب بالتدريخ وطبعا تخلطي كويس واوعوا تحطوا ماء احنه مش بنضيف المايه خالص احنه بنعجن بالحليب خدوا بالكم معايا وبعد ما عملنا العجينه وجهزت معانا وبعد العجن المسكينه بقت تعبانه خالص فنسيبها ترتاح عشان وراها خبز وشغل فادوها ربع ساعه ترتاح وبعد ما ارتاحت فوقوها من نومها مش حتنام طول اليوم الاولاد والزوج بيستنوا اكل ناخد الست عجينه وناخد قطع صغيره ونكورها وبعدين نفردها زي ما عمنا قاعد يعمل ونسيبها بعد كدا وبعد ما فردنا كل القطع المكوره ناخد دايره وحده وندهنا بالزيت ونحط فوقيها وحده ثانيه وبعدين نحط الحشوه ونلفها على بعض الخطوه ديه عاوزه صوره وبعدين نقطعها ونحطها فالصينيه الفرن وندهن الوش بالبيض ونرش عالوش الحبه السودا ا>ا عاوزين وممكن ما تحطوش الحبه السودا وبعد ما نخلص كل وحده ندخلها الفرن لحد ما تتحمر ونطلعها وناكلها وخلاص مستنين ايه انا اليوم لو قدرت حعملها للعشاء واجيب لكم الصور بكره طيب يا حلوين شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 1 مايو, 2011 من عيونى يسورة ***** ماريا ركزوا كويس المقلوبة المقادير لحم مسلوق ــــــــ شرائح باذنجان مقلى بدون أى توابل عليه ــــــ أرز مغسول ومنقوع فى الماء لمدة ساعة على الأقل بصلة مبشورة ومتبله بالملح والبهرات المشكلة وكزبرة ناشفة وفلفل أسود الطريقة يوضع شرائح الباذنجان فى قاع الوعاء ويبطن من كل ناحية على القاع ثم نضع اللحم نصفى الأرز من الماء ونخلطه مع البصلة المتبله مع ملعقة سمن بلدى ثم نضعه على اللحم والباذنجان ونضع عيار المرقة لكل كوب أرز كوب ونصف مرق ( اوعى تقلبى الخليط وإلا سينهرى الباذنجان وتبوظ الطبخة ) ونضعه على النار حتى يتشرب المرق ثم نهدى النار ونضع الشياطة تحت الوعاء ونتركه حتى يتم نضجه ثم نقلب الوعاء فى طبق التقديم وبالهناء والشفاء ــــــــــــــــــــــــــــــــــــــــــــــــــــــــــــــــــــــ الفراخ الرستو فرخة بيضاء مقطعة إلى أربع نية طبعاً 2 بصلة متوسطة أو بصلة كبيره مقطعة شرائح بهارات ـــ فلفل أسود ـــ 1 ملعقة صغيرة ملح ـ ـــ زنجبيل ــ روز مارى ـــ كزبرة ناشفة ــ ثمرة فلفل أخضر مقطعة ـــ ثمرة طماطم مقطعة ـــــ عصير 2 ليمونة نخلط الجميع جيداً مع ملعقتين من الزيت ثم نضع الخليط على الفراخ ونتركها لتتشرب منه على الأقل ساعتين ولو وضعناها فى الثلاجة قبلها بيوم يكون أحسن ثم نضعها بالخلطة فى صينية وتوضع فى فرن ساخن وهى مغطاة بغطاء أو ورق الفويل لمدة نصف ساعة ثم نكشف الغطاء ونتركها حتى يحمر وجه الفراخ وتتشرب جميع ما تحتها من الماء وبالهنا والشفاء أى أوامر يا حلوات لما تعملوها قلولى رأيكم أموووووووووووووووووووة شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 1 مايو, 2011 ام بدور تسلم ايدك وبعدين انا قلت تسلم ايد الوالده لانها الاهم ولا ايه؟؟؟ عندك اي مانع لكدا ولا ايه اروح اقولها علي طول والله ههههههههههههههههه منال اي انا اعمل الفراخ كدا والله بس هي بس الاسماء الغريبه دي ههههههههههههههههههههه راح اجرب المقلوبه واقولك يا جميل شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 1 مايو, 2011 اللحم البارد علشان خاطر أم جومانة أسفة لم أرى طلبك إلا الآن تجيبى عرق لحم سليم على بعضه فصوص رأس ثوم مقشرة بصلة ـــــ بهارات ـ ملح ــــ فلفل ــــــــ زنجبيل ـ عصير ليمون ـ عود ريحان لو فيه ثم نضرب هذه المجموعة فى الخلاط مع نصف كوب ماء الطريقة تحضرى عرق اللحم ثم تعملى حفرة فى وسطه بالطول ثم تضعى فصوص الثوم بالترتيب فوق بعض ثم تلفيه جيداً بخيط وجمدى أوى وانتى بتلفى الخيط عليه علشان الثوم لا يخرج من قلبه ثم تضعى ملعقتين من الزيت فى وعاء وتشوحى فيه العرق ثم تضعى عليه التتبيلة التى ضربت فى الخلاط وتهدى النار وتتركيه حتى ينضج وطبعاً تضعى غطاء على الوعاء وكلما قل الماء قبل النضج ضعى القليل حتى ينضج ثم تتركيه يبرد وتفكى الخيط وتقطعيه إلى حلقات ثم ترشى الصوص الناتج منه على الحلقات وبالهنا والشفا وده ممكن يتاكل مع مكرونة أو سندويتشات مع طرنشات الطماطم والبصل وبالهنا شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 1 مايو, 2011 ايه عرق اللحمه دا؟؟ شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 1 مايو, 2011 تسلم ايديك يا ام بدور على الفطائر فى انتظارالصور تسلم ايديك يا منال على الاكلات الشهية انشاء الله نجربها عرق اللحم ياماريا يباع عند الجزار هو اسمه كده شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 2 مايو, 2011 السلام عليكــم ورحمـة الله وبركاتــة ،، كيف حالكم؟ انابعمل على الغداء بصاره وباذنجان مخلل وبصل اخضر حد يعرف حاجه بتتقدم بجانب البصارة تانى؟ شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 2 مايو, 2011 لا علي ما اظن انه كدا بس انا بعمل علي العشا بطاطس محمره وبيض بالبصل والخضار وبيفي بالبيض وجبنه ومخلل وخيار شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 5 مايو, 2011 :wub: حلو العشا ده ويرضى جميع الاطراف انا باعمل على الغداء محشى كرنب او محاشى مشكله(باذنجان ابيض واسود وكوسه وورق عنب) وملوخيه وفراخ وشوربه 8-) فين الاخوات ؟عايزين تفاعل شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 6 مايو, 2011 انا بعمل علي البغدا كشري اصفر وبطاطس محمره وبتنجان محمر وسلطه وبيض وفلفل اخضر مشوي شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 6 مايو, 2011 ايه هو الكشرى الاصفر؟تقصدين كشرى بالعدس الاصفر وبعدين فينك يا بينتى لسه كنت هاسال عليكى شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 6 مايو, 2011 انا هون حبيبتي بس كنت مشغوله شوي بس ايوه العدس الاصفر تعرفي ان فيه ناس كتير متعرفوش انا عن نفسي محبوش ههههههههههههههه شارك هذه المشاركه رابط المشاركه شارك
