۩ §¤ ملتقــــ الطيِّــبــآت ـــى~ ¤§ ۩

[حياة إسلامية 135]

السلام عليكم

اشتقت لكن كثيييييييييييييرا ...

كيف الحال يا طيبات :mrgreen:

 

مازال تجهزو و لا بطلتو

عموما طبعا لازم تكون النية في التجهيز بانه نستغل وقتنا برمضان و ما نضيعه بكتابة لائحات المشتريات او التسوق الطويل

 

أنا بدأت أجهز الجدول الرمضاني و رح أنزله بحول الله ... باقي شوي أفكر و أملأ بعض الفراغات :)

رورو ... أنا ما نعرفش شربة الشرق الجاري كيما قلتي ... تنعمل بالفريك ؟؟؟

 

أصلا هاد العام ما خزنا كثير من الخضار لانه عادة نجمد خاصة الفلفل ... و بالموسم متواجد بكثرة

فبدأنا بتجميد القليل من اللحم للاسبوع الاول فقط

و هاد الموسم جرى انقراض الليمون فاضطرينا ندبر كمية و جمدنا العصير في حاويات مكعبات الثلج ...

ووو .. هاد ما اتذكر مشوشة حاليا .. رح اشوف الفريزر و اقولكم :tongue:

[مسلمة مجاهدة 353]

ممكن فرم كمية من البقدونس والنعنع (من غير غسل)

 

ازاي يا جميل من غير غسل؟؟

بتغسليهم بعد التقطيع؟؟

لو كدا بتفقد كللللل قيمتها الغذائيه

 

ولو سمحتي قوليلنا علي طريقة الاسبرينج رول :icon15:

 

 

بجد بتفقد كل الغذا؟؟

 

هو فعلا بغسلهم بعد الفرم ولو بدي احضر كمية من قبل فلو غسلتهم مش حيبقوا بحالة جيدة وفورا حيبيلوا!!

 

اما السبرينج رول للأسف ولا مرة عملته والمفروض انو كانت تيجي صديقتي ونعمله سويا وتعلمني كيف لكن ما صار نصيب ... :(

 

[زهرة نسرين 246]

هيا وينكم؟

اختفيتو كلكم

[اللوتس رآجية الجنة 471]

السلام عليكم

ممممممممممممم ملتقى الكيبات تم احتلاله من قبل الجزائريات هههههههههههه فين البقية لازم نعمل اشهار للموضوع يا جماعة

 

اسلامية

 

هو بالدات سوربة فريك واختنا هدى حاطة الطريقة هنا في المنتدى

 

والليمون نحن ايضا عندنا انقراش للليمون وعصرناه في الشتاء وجمدناه

 

لي عودة يا قمرات انتن

 

رمضان كريم

[* قدوتي عائشة* 60]

السلام عليكــم ورحمـة الله وبركاتــة ،،

 

اسلامية راني نستنى في الجدول

 

أنا الجدول الذي حضرته وصل لليوم 14 و توقف تعبت

 

راني نستنى باش ننقل برك

 

:blink:

[زهرة نسرين 246]

هاجر حطيلنا الجدول نتاعك من فضلك

[حياة إسلامية 135]

السلام عليكــم ورحمـة الله وبركاتــة ،،

 

أحضرت الجدول ... وحدة ما تعاندني ... :lol:

 

احنا الحمد لله برمضان لا يوجد تكلفة من أحد .. حتى الأكل ما يكون به أصناف كثيرة

 

قنوعين ما شاء الله عليهم ... لكن متطلبين في النوع بحد ذاته طبعا ...

 

احنا برمضان كأقصى شي ممكن نعمل صنفين .. الطاجين يعني الطبق الرئيسي و معاه طبق جانبي جراتان او شي معجنات

 

و السلطة كللللللللللللل يوم طبعا و نعمل نوعين من السلطة ..

 

و معاها اجباري الاوردوفر .. يعني وين مكتوب سلطة هي اوردوفر و معاها شي آخر مثلا فلفل أو أرز ...

 

أما بخصوص الحلويات ... فالعائلة ما تحب أبدا الحلويات .. أحيانا أنا فقط آكل منها القليل

 

لكن نضطر طبعا نعمل شي .. لاني شخصيا أحب أكل منها بالصحور و أيضا اذا جاو ضيوف أو جيران

 

فما رح نحطلهم الشاي وحده .. :)

 

المهم يعني كل وحدة تعمل جدولها حسب اللي تشوفه مناسب

 

مثلا بجدولي طيلة رمضان نعمل الشوربة يوم بيوم .. و ممكن نعمل شوربة الفريك او شوربة خضار

 

من جهة أخرى البوراك .. في بعض العائلات يعملوه كلللل يوم .. احنا لا .. نكثر منه لكن مش كل يوم ممكن مرتين بالاسبوع

 

و بخصوص الحلويات مثل ما تشوفو حطيتها بالأخير ... يعني نعمل ممكن نوعين بالاسبوع فقط

 

فيه من يعملو الحلويات كل يوم ... لكانت كارثة ... عندي طبعا :mrgreen: .. لاننا ما نتناولها كتير

 

المهم هاهو الجدول .. و اللي ينقل يعاود السنة :lol:

 

علقتو على باب الثلاجة ... و دوك نعمل واحد آخر للاسبوعين الأخيرين :)

 

تم تعديل 30 يوليو, 2011 بواسطة إسـلامية

[حياة إسلامية 135]

اختي هاجر .. باقيين نستناو الجدول ديالك ... انا ايضا خصوني أسبوعين

 

بيعيلي شويه ... بلا ما تفيق آنيساتي :mrgreen:

[* قدوتي عائشة* 60]

السلام عليكــم ورحمـة الله وبركاتــة ،،

 

اسلامية حبيبتي...

اختي هاجر .. باقيين نستناو الجدول ديالك ... انا ايضا خصوني أسبوعين

 

بيعيلي شويه ... بلا ما تفيق آنيساتي

:lol:

 

 

ههههههههههه والو متحلميش انت شفتي معلمة تكوبيي :mrgreen: لوكان يفيقولي التلاميذ اتاعي راحت عليا :lol:

سأضعه لك في أقرب فرصة ان شاء الله

نسرين حبيبتي...

هاجر حطيلنا الجدول نتاعك من فضلك

 

حاضر استاذة من عينيا راهو كامل مخربش دوك نصلحوا كيما اسلامية و نحطو

[زهرة نسرين 246]

راكي طولتي هاجر

اسلامية من فضلك اعطيني طريقة مضمونة لقلب اللوز

[* قدوتي عائشة* 60]

السلام عليكــم ورحمـة الله وبركاتــة ،،

 

راني هنا نسرين البارح كان راسي يوجعني رقدت بكري :rolleyes:

 

أنا أيضا أضم طلبي لطلبك ...اسلامية نريد طريقة جيدة للقلب اللوز عييت من كامل الطرق اللي جربتها و ماعجبتنيش

 

 

اما بالنسبة للجدول فسأضعه لكن قبل هذا أريد التوضيح أنني لم أضع طبق الشوربة لأنه مفروغ منه...كذلك نحن في البيت تقريبا ألغينا الطبق الرئيسي كنت دايما نطيب و نعاود ندخلو في الثلاجة هكذاك(ياكلو غير اللحم و يخلو الباقي :closedeyes: ) فغيرته بالفطائر و طبخات ناشفة الا أحيانا

 

و حبيت نقول لأسلامية رانا تفاهمنا على طاجين الزيتون :wink: في اليوم الأول بقات غير نسرين

 

 

تكلمت كثيرا و ها هو الجدول و أي سؤال أو استفسار على الطبخة أنا هنا :unsure:

 

[زهرة نسرين 246]

اوكي ماشي مشكل نبداو بطاجين الزيتون

هاجر ابعثيلي وصفة الفطائر و اذا ممكن صورة لها و كذلك السوشون سوفلي في اقرب وقت

 

اسلامسة واش هو القاضي و رباعته؟

[* قدوتي عائشة* 60]

السلام عليكــم ورحمـة الله وبركاتــة ،،

اوكي ماشي مشكل نبداو بطاجين الزيتون

هاجر ابعثيلي وصفة الفطائر و اذا ممكن صورة لها و كذلك السوشون سوفلي في اقرب وقت

 

اسلامسة واش هو القاضي و رباعته؟

 

بالنسبة للفطائر فالعجينة اما بريزي أو أي عجينة تفضلينها و عادة أنوع فيها مرات بالحم المرحي أو بالسبانخ أو بالطون

 

ساعطيك طريقة الفطائر بالسبانخ و هي المفضلة لدي

 

عجينة بريزي

 

سبانخ قطعيها و اغسليها جيدا و ضعيها في قدر مع القليل من الزيت الساخنة و الثوم المسكرفجة ,الكمون,الفلفل الأسود و الملح و اتركي الكل يطهى تحت نار هادئة لمدة 15أو 20دقيقة دون وضع الماء(ايتوفي) كي يطيب أنزعيه من النار و أضيفي بيض مغلي و مقطع قطع صغيرة و زيتون مقطع و الطونة و الجبن المبشور.

 

ابسطي نصف عجينة بريزي في قوالب التارت الصغيرة ثم وزعي الحشوة

اطلي الأطراف ببياض البيض و غطيه بالعجينة الباقية مع الحرص على قرص الأصراف جيدا

اثقبيه بالفرشاة و ادهنيه بصفار البيض و دخليه الفرن الساخن

 

و شهية طيبة

 

بالنسبة للشوسون سوفلي

 

أنا أستعمل عجينة العشر دقائقو الحشو كالتالي:

حضري صلصة طماطم عادية مثل صلصة البيتزا و من جهة أخرى حضري تشكتوكة بالبصل و الطماطم فقط

 

حلي العجينة و اطليها بطبقة رقيقة من الصلصة و حطيلها طبقة من التشكتشوكة+شرائح باتي+فطر مشوح من قبل في الزيت+زيتون أخضر منزوع النوى+جبن مبشور و فقسي داخلها حبة البيض ثم أغلقي جيدا الأطراف و اطهيها في فرن ساخن

 

 

و طبع الحشو يبقى دائما مسألة ذوق

 

 

و مازالني نستنى فالقلب اللوز

[* قدوتي عائشة* 60]

السلام عليكــم ورحمـة الله وبركاتــة ،،

 

راني لقيتلك يا نسرين صورة طبق الأصل للشوسون سوفلي

 

 

 

و هذه بالنسبة لفطائر السبانخ لكن هذه مزينة

 

[زهرة نسرين 246]

شكرا جزيلا هاجر

راني رايحة للمارشي

نشري لي مول نتاع لي تارت ماعنديش

[* قدوتي عائشة* 60]

السلام عليكــم ورحمـة الله وبركاتــة ،،

 

شكرا جزيلا هاجر

راني رايحة للمارشي

نشري لي مول نتاع لي تارت ماعنديش

 

بالتوفيق حبيبتي و ماتنسايش الحشيش ...أنا راني غير نوصي و يا درى اذا يتفكرو و لا نطيب شربة صامطة :tongue:

[حياة إسلامية 135]

السلام عليكــم ورحمـة الله وبركاتــة ،،

 

اه خلاص امالا بصحتنا طاجين الزيتون ..

 

مازال الجدول تع نسرين :ohmy: و رورو

 

أنا ممكن نحط اليوم بحول الله موضوع مفصل عن الفطائر ... للاستفادة

 

كان من المفروض ينحط مع الدورة .. لكن أحاول أضعه بدل أم حبيبة لانها غائبة يسر الله لها ...

 

نسرينو .. القاضي و رباعتو هي وصفة تع المطبخ التقليدي العاصمي ... تع زمااااان

 

دوك نحوسلك الوصفة ... هو اذا شفتيه .. عبارة عن دجاج مطبوخ في المرق تحطيه في مول

 

و تزيدي عليه المرقة بالحمص و تفقسي عليه البيض و تدخليه للفرن حتى يطيب البيض و ينشف شويه

 

بنييين :tongue:

 

بخصوص قلب اللوز .. حطيت الوصفة سألتني عليها أم محمد ما جربتهاش لكن جربتها بنت عمتي و قاتلي هايلة

[حياة إسلامية 135]

أم ياسر .. ممكن تقولينا كيفاش تديري أعشاش البطاطا ... تقصدي هاديك المسكرفجة و لا طريقة أخرى

 

و ايضا البريوش المالح

 

يا ناس قالولي الحشيش انقرض كيما القارص

[* قدوتي عائشة* 60]

السلام عليكــم ورحمـة الله وبركاتــة ،،

 

أم ياسر .. ممكن تقولينا كيفاش تديري أعشاش البطاطا ... تقصدي هاديك المسكرفجة و لا طريقة أخرى

 

و ايضا البريوش المالح

 

يا ناس قالولي الحشيش انقرض كيما القارص

 

 

شفتي و الله غير انقرض الحشيش تعرفي بصح غير في النواحي انتاعنا ربما في مناطق أخرى يكون متواجد و القارص خلاص استسلمت للامر الواقع و انني سأحرم من الشاربات في رمضان

 

 

أعشاش البطاطا ليست المسكرفجة و لا أعرف هذه الطريقة

 

طريقتي بسيطة تغلي حوالي 1 كغ البطاطا و تقطريها ثم ترحيها بالمولينيت ثم أضيفي لها 2بيضات و 100غ زبدة و 80غ فرينة و الملح و الفلفل الأسود

اخلطي حتى الحصول على مزيج متجانس و أملس و أدخليها لابوش آدوي و شكلي بها بها أعشاش فوق صينية مرشوشة بالفرينة و شكلي حفرة في الوسط ثم أطليها بصفار البيض و اطهيها في فرن ساخن جدا مدة 10 دقائق

و لما تتحمر أخرجيها و املئي الحفرة بما تريدين مثلا بشاورما أو لحم مرحي أو جبن و تونة مثل ما تريدين و ممكن بماسيدوان

 

البريوش المالح

 

العجينة:250غ فرينة-سنة ثوم-نصف ملعقة ملح-ملعقة كبيرة من خميرة الخبز-ملعقة كبيرة سكر-60غ زبدة ذايبة-ملعقة حليب بودرة-ماء دافيء للعجن

 

اخلطي ملعقتان فرينة مع الخميرو و السكر و ملعقتان ماء دافيء أخلطي الكل و دعيه يخمر

 

من جهة أخرى ضعي باقي الفرينة و الملح و البيض و مسحوق الحليب و أخلطي

أضيفي الخميرة و بللي بالماء الدافيء عند العجن ...اعجنيها ثم امزجيها بالزبدة الدافئة و واصلي العجن

غطيها و اتركيها ترتاح و عندما تخمر تخلصي من النفخ

 

حمسي بصلة مفرومة مع الثوم و الملح و الفلفل الأسود و خليها حتى يذبل جيدا ..أضيفي الفطر و الزيتون المقطع و الجبن و التونة أو ما تشائين

 

خذي كرات صغيرة من العجينة احشيها بهذا الحشو و ضعيها في قوالب صغيرة الخاصة بالمادلين اطليها بصفار البيض ثم دعيها تختمر مرة أخرى و اطهيها لما تخرج رشيها بالجبن المبشور

 

و شهية طيبة

[* قدوتي عائشة* 60]

السلام عليكــم ورحمـة الله وبركاتــه ،،

 

يا بنات اليوم وجدت لحم لحلو حتى أتهنى منه كل الشهر

 

 

و قشرت البصل و لو أني سرقت منه شوية طيبت بيه العشا

 

 

 

نسرين مازل ما وليتيش مالمارشي....يادرى اذا لقيتي لحشيش :wacko:

 

 

[حياة إسلامية 135]

السلام عليكــم ورحمـة الله وبركاتــة ،،

 

ييييييي شهيتيني بللحم لحلو ... الله يبارك ... جزاك الله خيرا على الوصفات راااائعة شكرا لك

 

لوكان نقوللكم .... جات اليوم ضيفة .. شافت الجدول ديالي ... اداتهولي :(

 

ماكاش كيفاش نقوللها لالا و ما كانش الوقت نعاود نكتبه .. مزيا حطيته هنا :)

 

هاهي وصفة قلب اللوز

 

المقادير

 

كيلو سميد خشن

 

كيلو الا ربع سكر = 750 غ

 

كوب شاي ماء زهر

 

ملعقة كبيرة و نصف سمن

الطريقة

اخلطي بايدك جيدا السميد مع السمن حتى يندمج جيدا

 

ضيفي السكر ثم ماء الزهر .. و اخلطيهم

 

بللي بالماء بالرش بواسطة اليد و ما تعجنيييييييييييييييييييش مش حتى يصير عجينة

 

شوفي الصورة يكون مفتت يعني مش عجينة

 

حطيه بصينية مدهونة و اعملي سطحه أملس

 

اتركيه مدة طويلة نوعا ما يعني من الصبح للمساء او من الليل للصبح

 

بعدها المسيه بايدك بشويييييييييش لو حستيه اتشرب كثير و نشف

 

رشيه من فوق بشوية ماء

 

تاكدي من ان السطح املس مرري السكين على شكل مربعات و اعملي من فوق لوز

 

دخليه للفرن على درجة 180 حتى تشوفي ان الاطراف بداو بالاحمرار

 

اشعلي الشواية من فوق ليصير لونه بني غامق

 

أثناء طبخه في الفرن حضري الشاربات

 

هي تكون خفيفة مش مثل العسيلة

 

حطي على النار لتر ماء مع 350 غ سكر يغلو لمدة 16 دقيقة

 

بعدها ضيفيلهم ليمون شرائح و شوييييييييييي شب حتى يذوب

 

اتركيها تبرد

 

لما تخرجي قلب اللوز افرغي عليه الشربات و هي باردة لتغطيه كليا

 

و اتركيه يبرد و بعدها قطعيه

 

 

 

 

[زهرة نسرين 246]

رحت للمارشي و تالمو كاين الغاشي ما شريتش لي مولي زوجي تقلق

الحشيش انا الحمد لله غارسته في الدار هو و النعناع و المعدنوس

لكن شفته طابلات طابلات في المارشي

اليوم راني نخمم في الجدول نتاعي

حابة يكون فيه تنوع لكن بدون تبذير

اذا كملته غدوى راني نحطو

البصل حطيتيه في الفريزر و لا في الثلاجة عادي؟

انا ثان حضرت اللحم الحلو منذ قليل برك و حتى البوراك

[عزتي نقابي 1]

ايه يا جماعه؟؟

الموضوع احتكروه اخواننا الجزائريين ولا ايه؟؟

تخيلو كنت فاكراكو كلكو مصريين!!

عموما ما فهمتش ولا كلمه من الصفحه كلها

[ندى الورود 11]

السلام عليكــم ورحمـة الله وبركاتــة ،،

 

ماشاء الله راه منور الملتقى

صح رمضانكم تصوموا بالصحة

[هـــدى 147]

السلام عليكم ورحمة الله وبركاته،،

 

جداولكم روووووووووعة ماشاء الله تبارك الله ^_^

 

اسلامية حابة نجرب قبل اللوز وياوييييييييييييلك اذا كانت وصفتك مدرحة ههههههههه ^^

 

ياك يجي بنين سور ؟ ندير فيك كونفيانس ؟؟؟ باسكو لوكان ما يجيش بنين غير جيك سنيوة للسبيطار تاكليها قع ^_*

 

بارك الله فيكن : )