قلب اللوز : من الحلويات الجزائرية الرمضانية

[هـــدى 147]

قلب اللوز

 

الطريقة منقولة وهذا تطبيقي :)

 

المقادير :

 

*/لكيلو من السميد الخشن

 

*/كيلو سكر

 

*/ 300 غ الزبدة

 

*/ ماء زهر

 

*/ 2 ليمون

 

*/كمية من اللوز مطحون متوسط للحشو

 

*/ حبات من اللوز للتزيين و يمكن تعويض اللوز بالكاوكاو ( الفول السوداني)

 

الطريقة :

 

نبدأ بوضع السميد في إناء كبير نضيف له نصف كمية السكر+ السمن و نحكه باليد جيدا حتى يتداخل الزبدة مع السميد نبدأ برش ماء

 

الزهر على الخليط و لكن من دون اغراقه أو عجنه لأن المراد أنه لما نضعه في المول يتثبت عليه من دون أي يكون عجينة,

 

تقسم الكمية لنصفين و تاخذي مول الفرن دائري أو مستطيل ,

 

تحطي عليه نصف الكمية و بسمك 7ملم أو أقل يوزع فوقه اللوز المطحون

 

و اللى يكون مبلل قليلا في ماء الزهر و يعاد وضع النصف المتبقي من خليط السميد ,

 

يسوى السطح جيدا باليد و يقطع بالسكين لمستطيلات و يزين كل مستطيل بحبة لوز و يدخل إلى

 

الفرن لينضج من تحت و لما تحمر الجوانب طفي الفرن من تحت و اشعلي من فوق حتى يحمر ,

 

 

من جهة أخرى يتم تحضير الشربات بالسكر المتبقى بحيث يكون المكيال كالتالي:

 

لـ 500 غ من السكر نضع لتر ماء و نضيف شرائح من الليمون و يترك فوق النار ليغلي بحيث يذوب السكر

 

و تنقص الكمية يعني مالازم تكون الشربات سميكة, و بالتحديد يترك 15 دقيقة من بدأ الغليان

 

و يترك ليبرد و لما تخرجي الحلوى من الفرن ضعي 2 ملاعق

 

من ماء الزهر فوق الشربات الفاترة و ضعيها على قلب اللوز الساخن و اتركيه يتشربها و قدميه قطع في صحن التقديم مع الشاي

 

وهاهو تطبيقي ^^

 

 

 

 

 

 

وبالهنا والشفا ^_^

[محبة لربها، ادعوا لي بالثبات 72]

تسلم ايديك حبيبتى دى بسبوسة؟

[ندى الورود 11]

السلام عليكــم ورحمـة الله وبركاتــة ،،

 

ماشاء الله اللهم مابارك خرجلك يهبل بصح تحملينى لاخاطر رح نجربو ان شاء الله

 

نوعية السميد من فضلك

 

وعلى حساب مافهمت انك ماخليتيهش يبات

 

محبة الغالية هذه تشبه البسبوسة فى الشكل فقط فالبسبوسة مكونة من البيض والحليب وغيره لكن هذه لا

[* قدوتي عائشة* 60]

السلام عليكــم ورحمـة الله وبركاتــة ،،

 

هدى نجيك مالآخر...خرجلك كيما تع برة :icon15:

 

شكله جميل جدا

 

[* سمر * 2]

ما شاء الله

روووووووعة تسلم الأيادي :icon15: :biggrin:

وصحتين وهنا على قلبكم

[** الفقيرة الى الله ** 985]

وعليكم السلام ورحمة الله وبركاته

 

صح بنين مي ماشي كيما تاع برا يشبهلو شوية :icon15:

كليت زوج مورسوات مي صغار ^^

 

ندى وأم ياسر جربوه ما راح تندمو =)

ندى هي ما خلاتوش يبات مي دارتو مع العصر وطيباتو مع صلاة العشاء

وما دارتلوش اللور لداخل ما نحبوهش محشي

يعني سميد في سميد

يعطيك الصحة ^_^

تم تعديل 4 أغسطس, 2011 بواسطة ** الفقيرة الى الله **

[هـــدى 147]

تسلم ايديك حبيبتى دى بسبوسة؟

الله يسلمك يالغالية :)

 

اممممممممم تشبهها ولذيذة مثلها وطرية لكن هادي اقتصادية مافيها لا بيض ولا حليب ^^

[هـــدى 147]

السلام عليكــم ورحمـة الله وبركاتــة ،،

 

ماشاء الله اللهم مابارك خرجلك يهبل بصح تحملينى لاخاطر رح نجربو ان شاء الله

 

نوعية السميد من فضلك

 

وعلى حساب مافهمت انك ماخليتيهش يبات

 

محبة الغالية هذه تشبه البسبوسة فى الشكل فقط فالبسبوسة مكونة من البيض والحليب وغيره لكن هذه لا

على راسي اسألي كيما تحبي ^^

امممممممم انا درت سميد متوسط لكن يفضضضضضضضل ديري سميد خشن باش يجي افضضضضضضل ..

ايه درتو مور العصر وطيبتو على 9 ونص هكاك ..

 

طيب جربيه ورديلنا خبر ^_*

[هـــدى 147]

السلام عليكــم ورحمـة الله وبركاتــة ،،

 

هدى نجيك مالآخر...خرجلك كيما تع برة :unsure:

 

شكله جميل جدا

 

اممممممممممم شوفي انا عجبني والله وجا طررررررري كيما نحبو انا سواسوا ^^

 

غلطة برك لي درتها درت سميد متوسط ولازم ديري سميد خشن باش يجيك من داخل متفرق مليح

 

جربيه ماتندميش والله انا كنت خاااااااااايفة لكن الوصفة هاديك عجبتني فوور :))

 

[هـــدى 147]

ما شاء الله

روووووووعة تسلم الأيادي :unsure: :icon15:

وصحتين وهنا على قلبكم

الله يسلمك يالغالية :))

 

أسعدني مرورك :rolleyes:

[...ياسمين... 903]

السلام عليكم ورحمة الله وبركاته

 

تَطبيقِك شَكلَه مَحروق يَا هُدَى :unsure:

أمزَح مَعَك يَا حَبيبَة

 

سَلِمَت يَدَاكِ عَلَى الوَصفَة الجَميلَة يا جَميلَة

جَزاكِ اللهُ خَيراً

:)

[هـــدى 147]

وعليكم السلام ورحمة الله وبركاته

 

صح بنين مي ماشي كيما تاع برا يشبهلو شوية :unsure:

كليت زوج مورسوات مي صغار ^^

 

ندى وأم ياسر جربوه ما راح تندمو =)

ندى هي ما خلاتوش يبات مي دارتو مع العصر وطيباتو مع صلاة العشاء

وما دارتلوش اللور لداخل ما نحبوهش محشي

يعني سميد في سميد

يعطيك الصحة ^_^

 

صار يشبهلو شوية :rolleyes:

 

شكرا على المرور والأكل :icon15: [وسط][/وسط]

[ندى الورود 11]

السلام عليكــم ورحمـة الله وبركاتــة ،،

 

ربى يحفظك ياغالية بصح مازال سؤال :unsure:

 

الزبدة ولا مارغرين او شحال درجة الفرن

[هـــدى 147]

السلام عليكم ورحمة الله وبركاته

 

تَطبيقِك شَكلَه مَحروق يَا هُدَى :unsure:

أمزَح مَعَك يَا حَبيبَة

 

سَلِمَت يَدَاكِ عَلَى الوَصفَة الجَميلَة يا جَميلَة

جَزاكِ اللهُ خَيراً

:)

ههههههههههههه لا والله مش محروق هادا مش بسبوسة ولونو يكون كذا يعني لاااااااااازم يتحمر ^^

 

بارك الله فيك غاليتي على المرور الجميل : )

[هـــدى 147]

السلام عليكــم ورحمـة الله وبركاتــة ،،

 

ربى يحفظك ياغالية بصح مازال سؤال :unsure:

 

الزبدة ولا مارغرين او شحال درجة الفرن

 

شوفي اذا كان عندك زبدة بزاف ههههههههههههه ديريها لكنها غالية يا بنت بلادي ^^

 

انا درت بالسمن .. درجة الفرن 180 ..

 

وبالتوفيق : )

[ندى الورود 11]

السلام عليكــم ورحمـة الله وبركاتــة ،،

 

هههههههههههههههههههههههه

 

اضحك الله سنك ياغالية وصدقا انك خفيفة الظل

 

تسمى الزبدة خير تعرفى علاه رانى نسقسي ونعاود باش ندير قاع اللى علي راكى فاهمة جربتو

 

العام اللى فات وخرجلى تضربيه على الحيط يرجعلك

 

ان شاء الله نسييه اليوم ونردلك الخبر

[هـــدى 147]

السلام عليكــم ورحمـة الله وبركاتــة ،،

 

هههههههههههههههههههههههه

 

اضحك الله سنك ياغالية وصدقا انك خفيفة الظل

 

تسمى الزبدة خير تعرفى علاه رانى نسقسي ونعاود باش ندير قاع اللى علي راكى فاهمة جربتو

 

العام اللى فات وخرجلى تضربيه على الحيط يرجعلك

 

ان شاء الله نسييه اليوم ونردلك الخبر

 

ههههههه وانت ايضا ^^ ربي يحفظك

شوفي السمن مليح ماتخافيش بلا ماتخسري الزبدة ههههههههه :)

امممممممم انا خرجلي طررررررررري والله كيما نحبو ولكن شوفي ماديريهش في سنيوة حتى فالاخير يعني كي تخليه يرتاح راح ينشف شوية زيديلو شوية ما باش يولي طرييي بصح ما يكونش معجن اومبعد ديريه فالسنيوة وقسميه وديرو لوز ملفوق اذا عندك ..

امممممم تاني شوفي كي ديري شاربات عاودي دخليه للفور وهو طافي باش يتشرب مليييييييح مليح ياك وشربيه بزاف ماتخافيش باش مايجيش يابس ^^ اممممم النصيحة هادي قريتها في كتاب la cuisine Algérienne

 

وبالتوفيق ان شاء الله جيبيلنا ندوقو :unsure:

[ندى الورود 11]

السلام عليكــم ورحمـة الله وبركاتــة ،،

 

شوفى هدى رانى جربته بصح كانت اخطاء من طرفى

درت كمية قليلة بالنسبة لمقاس السينية جا بزاف رقيق

وثانى الزبدة اللى درت فيه مدتلو بنة مشى مليحة

 

وكثرت الشاربات جا حلو بزاف بصح كيما قلتى جا طري وعمرى ماكنت حاسبة انو يخرجلى بهاديك الطراوة بصح ان شاء الله نعاوده لاخاطر باين

الوصفة نتاعو مليحة تسمى الاخطاء نتاوعى

ان شاء الله كى نعاوده نردلك الخبر صحيتى وربى يحفظك

[هـــدى 147]

السلام عليكــم ورحمـة الله وبركاتــة ،،

 

شوفى هدى رانى جربته بصح كانت اخطاء من طرفى

درت كمية قليلة بالنسبة لمقاس السينية جا بزاف رقيق

وثانى الزبدة اللى درت فيه مدتلو بنة مشى مليحة

 

وكثرت الشاربات جا حلو بزاف بصح كيما قلتى جا طري وعمرى ماكنت حاسبة انو يخرجلى بهاديك الطراوة بصح ان شاء الله نعاوده لاخاطر باين

الوصفة نتاعو مليحة تسمى الاخطاء نتاوعى

ان شاء الله كى نعاوده نردلك الخبر صحيتى وربى يحفظك

 

^_______________^ فرحت لانك جربتيه ^^

اممممممم انا جاني نورمال ماشي خشين كيما تاع برا رقيق باش ما يقهمش ^^

ههههههههههههه قتلك ديري السمن وانت تخسري فالزبدة شفتي :unsure: حبيتي يخرجلك كيما تاع برا ؟ واش عمبالك يديرولك زبدة ؟ ياو يديرو السمن الا ماشي كاش حاجة اقل الله اعلم :unsure: هههههههه

امممممم كي درتي شربات رجعتيه للفرن ؟؟؟

ايا مليح الحمد لله لي عجبك :))

 

ايا كي تعاودي ان شاء الله يخرجلك فووووووووور مي جيبيلي التطبيق دبري راسك :smile:

 

سعدت بمرورك : )

[* قدوتي عائشة* 60]

السلام عليكــم ورحمـة الله وبركاتــة ،،

 

ما تقدريش تعرفي شحال راني حايبة نطبقو يا هدى بصح راني خايفة

 

المرة اللي فاتت أعطيت لعجوزتي شوية قعدت 3 أيام و ردتهولي قاتلي اذا تاكلوه انتما خير مللي يقعد عندي يفسد باطل

 

:closedeyes:

 

د أنا تهزأت

 

على حساب كلامك و كلام ندى نتشجع و نديرو و الله يجعل خير

 

بصح هذه المرة مانمدلهاش :mrgreen: شريرة

[هـــدى 147]

السلام عليكــم ورحمـة الله وبركاتــة ،،

 

ما تقدريش تعرفي شحال راني حايبة نطبقو يا هدى بصح راني خايفة

 

المرة اللي فاتت أعطيت لعجوزتي شوية قعدت 3 أيام و ردتهولي قاتلي اذا تاكلوه انتما خير مللي يقعد عندي يفسد باطل

 

:closedeyes:

 

د أنا تهزأت

 

على حساب كلامك و كلام ندى نتشجع و نديرو و الله يجعل خير

 

بصح هذه المرة مانمدلهاش :closedeyes: شريرة

ههههههههههههههههههههه معليش معليش ماتزعفيش :tongue:

مليح بصح بالاكي ديري كيلو كيما المرة الماضية :mrgreen: ديري غير 250 غ يكفي واذا عجبك كي يخلاص عاوديه :wink:

ههههههه لالا ان شاء الله يجي بنييييين وتبعتيلها وتشكرك :mrgreen:

 

ماتنسايش تقوليلي النتيجة :rolleyes:

[حياة إسلامية 135]

السلام عليكم

 

ممممممممم .. راه يبان تووووووووحفة الله يبارك

 

فكرتيني فدوك ليامات اهئ

 

اعاد الله علينا رمضان اعواما عديدة

 

بارك الله فيك هدى

[~ماريا~ 1340]

جميله ما شاء الله

عندنا اسمها البسبوسه يا بسبوسه انت

هههههههه

تسلم ايدك حبيبتي

[مينة الجزائرية 0]

قلب اللوز والزلابية متعوضهم حتى حاجة بارك الله فيك

خرجلك هايل

انا نخاف نسييه ويطيحلي المورال

 

يعطيك الصحة