عايزه اشتغل مدرسة في حضانه ومعندش اى خبره للتدريس

[بسبوووسه 0]

السلام عليكم ورحمة الله وبركاته

اولا كل سنة وانتم طيبين

 

بعد اذنكم انا كنت محتاجه مساعداتكم

انا بدور علي شغل في كذا حضانه محتاجين مدرسات يعنى تقريبا ممكن علي اول الاسبوع الجاى ممكن اشتغل وتقريبا هدرس عربي وحساب

بس انا خريجه اداب ومليش علاقه خااااااالص بالتدريس , ومعرفش اوصل المعلومه ازاى ولا اعمل اييه بالظبط

فياريت تساعدونى

حاولت اعمل سيرش عالنت مثلا اشوف برنامج كامل للمدرسات ازاى اتعامل كمان مع الاطفال بس فشلت ومش لاقيت اللى انا عايزاه

 

كل اللى طلباه

انى ازاى اتعامل معاهم واخليهم يحبونى مثلا بس يخافو منى في نفس الوقت

وازاى يبقي يومى معاهم يعنى هيبقي معايا كتاب ادرس منه , كل درس ازاى اشرحه وازاى اعلم كل طفل وايه شكل الواجب مثلا اللى هديهلهم

وازاى اعاقب طفل لو غلط بحيث ان مفيش حد من اهله تانى يوم يجي يدينى علقه حلوة :mrgreen:

وتانى يوم مثلا اسالهم علي اللى فات ولا ايه

واول مااجى الحصه ادخل في الدرس علي طول ولا اهزر شويه معاهم ولا ايه

واستعين بإيه اجيبه عشان ارسخ المعلومه

 

 

من الاخر نفسي اعرف الحصه هيبقي شكلها ايه وادرسلهم ازاى

 

 

 

ربنا يكرمكم ساعدونى لحسن انا ابيض خااالص وخايفه معرفش اعمل حاجه ومستمرش في الشغل وانا محتاجاه اوى

وكمان انا مش بعرف اتعامل مع حد وحلو اوى حكايه الشغل مع الاطفال دى لان دوول الوحيدين اللى اعرف اتعامل معاهم

وياريت لو حد يعرف حضانه عايزين مدرسات بمرتب كويس ياريت يقولى علي مكانها (انا من حلوان في القاهرة) لانى باذن الله بعد بكرة الاتنين يعنى هنزل ادور في حلوان وربنا يكرم

:closedeyes:

تم تعديل 3 سبتمبر, 2011 بواسطة بسبوووسه

[(ميرفت) 205]

و عليكــم السلام ورحمـة الله وبركاتــة ،،

 

حياكِ الله أختي بسبوسة

و كل عام و أنتِ بخير و تقبل الله منا و منكم

 

بداية يا غالية أحب أن أوضح ان العمل مع الأطفال في هذه الفئة العمرية يحتاج لدراسة خصائص هذه الفئة

و فهم طبيعة طريقة التفكير الخاصة بهم و كما انه يحتاج لدورات تدريبية

و بما انك تحملي تخصص آخر لماذا فكرتي بالعمل مع هذه الفئة تحديداً؟؟

سامحيني على التدخل و لكني بصراحة مقتنعة أن سن الروضة من أصعب المراحل العمرية و هو سن بناء

و ليس صحيح ما يُشاع ان العمل معهم سهل و لا يحتاج لشيء

 

فإذا أرادت المعلمة أن تتقن عملها و ترضي الله فتجد انها مطلوب منها الكثير الكثير

سأحاول الاجابة عن تساؤلاتك أختي و أرجو ألا أكون ضايقتك

و ربنا يوفقك و يختار لك الأفضل

[خُـزَامَى 1492]

وعليكم السلام ورحمة الله وبركاته،،

 

معليش لكن سؤال كيف قدمتي لشغل ماتعرفيه

وايضا كيف تم قبولك وانت ماتعرفي كيفية الامور؟

[بسبوووسه 0]

اخواتى ميرفت وزهرة الخزامى

جزاكم الله خير لاهتمامكم

 

بصوا معنديش اى خبره لاى شغل تانى ومعرفش اتعامل مع حد لانى بتكسف جدا ومعنديش المهارة انى ااخد وادى في الكلام مع اى حد

والفئه الوحيده اللى اعرف واحب انى اتعامل معاها هى الاطفال

واللى خريجين اداب علي فكرة بيدرسوا في مدارس عادى جدا فيه منهم اللى عنده المهارده انه يوصل المعلومه للطلاب وفيه منهم اللى اخد قرص عشان يقدر يعمل كده

وانا معنديش القدرة انى اوصل المعلومه او معرفش ايه الالتزامات اللى تككون عليا اثناء تدريسي للطلاب , وكمان مينفعش ااخد قرص زى اللى اخدو , عشان كده دخلت تساعدونى اذا كان فيه مواقع تشرح اللى انا عايزاه او ممكن يكون فيكم معلمه اطفال تساعدنى وتفهمنى

بس هو ده كل الموضوع

ولو مكنتش محتاجه للشغل مكنتش اساسا خرجت من بيتى

واسفه اذا كان طلبي ازعج حد

[خُـزَامَى 1492]

وعليكم السلام ورحمة الله وبركاته،،

 

مافي ازعاج ابدا ياحبيبة

بل انا من تعتذر ان كنت ضايقتك بكلامي

 

اعتقد في كتب او اشياء بتفيدك فتشي او اسالي عنها وان شاء الله تلقي الجواب

اسال الله ان ييسر لك امرك

[{ الــهـــا م } 81]

وعليكم السلام ورحمة الله وبركاته،،

 

حياكِ الله بسبوسة

 

نووووووووورتِ آمال المستقبل

 

اعذري الاخوات في ردهم عليكِ لانها فترة مهمة فعلاَ اوضح لكِ الامر ببساطة انه لما نريد بناء بيت او عمارة ما هي اهم مرحلة فيها ؟

اكيد الاساس يعني بنحفر ونضع اسمنت وزلط ورمل وخرصانه وبعدها ندك الارض ، عمل فترة طويلة الى ان تظهر الاعمدة وبعدها يكون الامر هين

 

صح ، كذلك الطفل مرحلة الطفولة هي مرحلة البناء وتكوين الاساس ، كل ما كان صحيح كل ما نجح تأسيسة ليتحمل ما ينتظره في المستقبل ...

 

عموماً بسبوسة الامر يأتي بالخبرة بعد العمل لسنوات مع الاطفال بجانب الدراسة لتتعلمي طريقة التدريس وحل ما يقابلك من مشكلات

 

فكل طفل حالة بعينه يحتاج متابعة خاصة فستواجهي الطفل العنيد وكذلك الخجول وكذلك الحساس وغيرهم فلكل واحد طريقة لمعاملته

 

مثال الطفل العدواني ولديه حركة زائدة لابد من البحث عن سبب ذلك هل اهله في البيت كذلك ام يجلس امام كرتون فترات طويلة ويقلد ام ..

 

فالامر ليس بالهين ، غير ان الاطفال في هذه الفترة الابلة او المس في نظرهم لا تخطيء فكلامها وتصرفاتها وافعالها كلها صحيحة

 

يعني يسمعوا كلامها دون الام ،فانت بالنسبة لهم قدوة ، غير انك ستتعاملي مع اولياء الامور باختلافهم

 

ومطلوب منك غير شغل وقتهم باللعب ان يتعلموا مثلا اناشيد وآداب معينه وقصص مفيدة :

https://akhawat.islamway.net/forum/index.php?showtopic=266752

 

بارك الله فيكِ

[بسبوووسه 0]

جزاكى الله خير اختى زهرة الخزامى

 

اختى الهام

الرابط في منتهى الروووووووووووعه هو ده اللى كان نفسي اوصله

انا اعرف اتعامل مع الاطفال وبحب اعرف كل اللى اقدر اساعدهم بيه والله انا فاهمه كلامك وانتى عندك حق طبعا الاطفال هما الاساس وسنهم ده اخطر سن لان اللى بيوصلهم في المرحله دى بيترسخ في اذهانهم وعلي اساسها بردو بتتشكل تصرفاتهم ولو مكنتش حطه في باللى الامور دى مكنتش اساسا اهتميت انى اجمع اكبر قدر من المعلومات عنهم وعن احسن طريقه لتوصيل المعلومه واحسن الاشياء واهمها لتزويدهم بيها

ربنا يكرمك يااااااااارب ياإلهام

 

بس ليا سؤال .. انتى كده تقريبا قسمتى اليوم او الاسبوع هل مثلا هيبقي في يوم مثلا اعلمهم أ ب واليوم التانى حديث واليوم التالت ادب من الاداب الاسلاميه وهكذا ... ولا اليوم لوحده اقسمه لتعليمهم أ ب , ثم الحديث ثم اعملهم ادب من الاداب الاسلاميه وهكذا....

فهمتينى .؟ ياترى ايه هى الطريقه اللى هتبقي خفيفه ليهم واحسن عشان يستوعبو كويس ومش يحسو بالملل كمان

اصل معظم الحضانات اللى شوفتها مكنش فيها تعليم دين يعنى مفيش تعليم انى قبل مااكل اقول بسم الله ولما اخلص اقول الحمد لله والكلام ده مكنش فيه وكل التدريس بيبقي 1 2 و ا ب و a b c

مش اكتر من كده ,, انا بقي عايزهه فعلا اديهم كمان اللى في الرابط اللى انتى حتطيه ,, فياريت تساعدينى في انى ازاى اقسم الدروس دى كلها وهل هتبقي التقسيم علي مدار اليوم ولا الاسبوع

 

وبجد جزاكى الله كل خير علي ارشادك ياالهام

وجزاكم الله خير زهرة الخزامى وميرفت علي ملاحظاتهم الطيبه

[*اريج الايمان* 46]

حياك الله اختى بسبوسه

انا اعمل فى حضانة

ولكنى اتعامل مع اصعب سن وهو سن 3 سنوات

ولكى تعملى مع هذا السن فيجب عليكى ان تعرفى طريقة تفكيرهم وكمان لازم تنزلى لسنهم علشان تقدرى تتعاملى معاهم

االاطفال فى الاول ما بيكونوا متقبلينك لانهم اول مره بيشوفوكى فلازم تتقربى منهم وتلاعبيهم وتقدرى تكسبيهم بشراء الحلويات اواللعب معهم

اما بالنسبة للتدريس فانا بجذبهم بالاناشيد يعنى الحروف والارقام وبيوصلهم المعلومة اسرع واحسن

وبالنسبة للقران والسور بتعدى عليهم السورة مرة واتنين وتلاته وكمان بتفسريها كانها حدوته وده هيوصلهم السورة اسرع وهيستفيدو

وان شاء الله مع الوقت راح تتعودى

ومثل ما قلتلك الاخت الهام انك بتشديهم بالاناشيد

بالتوفيق باذن الله

[*اريج الايمان* 46]

جزاكى الله خير اختى زهرة الخزامى

 

 

بس ليا سؤال .. انتى كده تقريبا قسمتى اليوم او الاسبوع هل مثلا هيبقي في يوم مثلا اعلمهم أ ب واليوم التانى حديث واليوم التالت ادب من الاداب الاسلاميه وهكذا ... ولا اليوم لوحده اقسمه لتعليمهم أ ب , ثم الحديث ثم اعملهم ادب من الاداب الاسلاميه وهكذا....

فهمتينى .؟ ياترى ايه هى الطريقه اللى هتبقي خفيفه ليهم واحسن عشان يستوعبو كويس ومش يحسو بالملل كمان

اصل معظم الحضانات اللى شوفتها مكنش فيها تعليم دين يعنى مفيش تعليم انى قبل مااكل اقول بسم الله ولما اخلص اقول الحمد لله والكلام ده مكنش فيه وكل التدريس بيبقي 1 2 و ا ب و a b c

مش اكتر من كده ,, انا بقي عايزهه فعلا اديهم كمان اللى في الرابط اللى انتى حتطيه ,, فياريت تساعدينى في انى ازاى اقسم الدروس دى كلها وهل هتبقي التقسيم علي مدار اليوم ولا الاسبوع

 

وبجد جزاكى الله كل خير علي ارشادك ياالهام

وجزاكم الله خير زهرة الخزامى وميرفت علي ملاحظاتهم الطيبه

 

بعد اذن الغالية الهام ان اقوم بالرد

بالنسبه للتقسيم فده بيكون من ادارة الحضانه نفسها بمعنى بيكون لك جدول بتمشى عليه

انا عندى فى الحضانة بنقول الاداب مع الادعية واحيانا مثلا فى الفسحه يعنى اا بيطلعوا الاكل اقولهم قبل ما ناكل يا عصافيرى بنقول ايه نقول بسم الله

وفيه نشيد بقوله لهم

قبل ما ناكل بسم الله

فبل ما نشرب بسم الله

قبل ما نجرى بسم الله

قبل ما نلعب بسم الله

بسم الله بسم الله احلى كلام اتعلمناه

ارجو ان اكون افدتك

تم تعديل 5 سبتمبر, 2011 بواسطة *اريج الايمان*

[المشتاقة للنقاب أريج 30]

السلام عليكم ورحمة الله وبركاته ..

حياك الله حبيبة بسبوسة =)

 

أحكيلك من تجربة شخصية ..

من شهرين تطوعت في مدرسة ابتدائي ..

وبقيت متعاونة مع أستاذة حقيقية =)" يعني هي أصلا بدرس الفصل يلي كنت انا فيه متعاونة "

 

وطبعا المدرسة فتحت فقط للترفيه عن الطلاب ..

ونطلعوهم من أجواء الحرب يلي عندنا ..

يعني ماكانش فيه دروس وامتحانات ..

كان عندهم حساب بسيط جدا وإملاء وتلوين وطبعا لعب في ساحة المدرسة =)

أنا طيبة جدا مع الأطفال يلي كانوا حوالي 6 إلى 7 سنوات ..

الشي يلي خلاهم يدلعوا عليا .. وكل حاجة يطلبوها مني ويحكولي ..

ولو حد فيهم زعل يجيلي أول وحدة ..

لدرجة الأستاذة قالتلي ما تفكريش تدرسي ولا تبقي أستاذة في المدرسة نهائي ..

والحمدلله أنا تخصصي بعيد عن التدريس =)

 

يعني بصراحة .. لازم تاخدي نصايح من ناس شطرة جدا ..

والله يوفقك ويسرك أمرك يا حبيبتي =)

 

تم تعديل 5 سبتمبر, 2011 بواسطة المشتاقة للنقاب أريج

[بسبوووسه 0]

اخواتى في الله اريج الايمان والمشتاقه للنقاب

ربنا يكرمكم يااارب لاهتمامكم

استفدت من كلامكم وحطيته في الاعتبار

جزاكم الله كل الخير :icon15:

[(ميرفت) 205]

طيب طمنينا عنك أختي هل تم تعيينك ؟؟؟

لنبدأ الجد ^^

[بسبوووسه 0]

انا روحت الحضانه وهما رحبوا بيا والاخوات هناك ماشاء الله عليهم وفيه منهم كان هيعلمنى بس للاسف الحضانه بعيده اوى اوى عن بيتى وكمان مش لها مواصلات الا التاكسي ولما روحتها فضلت ساعه ماشيه ومرتبها ضعيف جدا..يعنى لسه جارى البحث عن حضانه تانيه :blush:

[(ميرفت) 205]

نعم البُعد عن البيت مشكلة مع عدم توفر المواصلات

سيطير الراتب على المواصلات حينها

 

بإذن الله تجدي طلبك

ربنا يوفقك أختي

[بسبوووسه 0]

فعلا عندك حق

بجد ربنا يكرمك لمتابعتلك ليا

جزاكى الله خير اختى الغاليه :mrgreen: