مفاجأه* فطير مشلتت *فى المنتدى ومن مطبخى وبالصور بس متقولوش لحد!!

[صاحبه القلب الطيب 12]

 

السلام عليكــم ورحمـة الله وبركاتــة ،،

 

اخواتى الحبيبات

 

 

شوفت وصفه جميله وسهله للفطير المشلتت اللى كان معقدنى صراحه وطبعا كنا بنشتريه وكان نفسى اعرف بيتعمل ازاى ؟لحد ما شوفت الوصفه وعملته وطلع جميل وطعمه جميل جداا

فقلت طبعا لازم تشاركونى الوصفه وان شاء الله تستفيدوا منها زى ما انا استفدت

بس هى حاجه كده على ادى مش زى برة .وهى اهداء لماريا لانها طلبتها منى ولكل الاخواااااااات طبعا بس اتمنا يعجبكوا :(لو الصور مش واضحة فعشان الاضاءة معلش )rolleyes:

ده شكله

 

المقادير

 

(دقيق ومياه وزيت اساس )

 

حوالى 1\2 كليو دقيق يعملك فطيرة حلوة كما بالصورة

(الكليو بيعمل فطرتين كبار وممكن 3 لو صغرتى العجينه )

 

مج مياه بتاخدى منه حسب الحاجه

ذره ملح

 

ملحوظه (لو عايزة الفطير مسكر شويه مش حادق دوبى معلقتين سكر فى المياه مش فى الدقيق )

 

هتحتاجى زيت وسمنه (مش كتير )

 

 

الطريقه

 

بتحطى المياه شويه بشويه صغيرة لحد ما تعجن معاكى على كميه الدقيق ديه

 

 

وتبقا عاملة زى السفجنه بالشكل ده .متزوديش المياه

ولو زدات منك زودى دقيق .وبعدين رشى تحتها زيت وفوقها زيت

 

 

تسيبها ترتاح من نص ساعه لساعه وكل ما ارتاحت اكتر كل ما ادت نتيجة كويسه .هتلقياها اتفردت معاكى بالشكل ده

 

وبعدين تفرديها بايدك بس ببصى ببطن ايدك مش بصوابعك ومن النص لبرة هتلاقيها فردت معاكى كده وطبعا ترشى تحتها زيت وفوقها

 

تم تعديل 1 نوفمبر, 2011 بواسطة صاحبه القلب الطيب

[صاحبه القلب الطيب 12]

الخطوة اللى بعدها مهمه بس معرفتش اصورها لان طبعا ايدى مش فاضيه

هتشدى من كل طرف كويس اوووى لحد ما ترق معاكى من كل الجوانب وحاسبى تتقطع وبعدين هتقفلى ازاى

كل جمب على بعضه يعنى الطرف الشمال كله اتنيه لحد نص العجينه والطرف اليمين كذلك وبعدين اقلبى من الجنب اليمين على الجمب الشمال لحد ما تقفل معاكى بالشكل ده وطبعا مع كل تنيه ترشى زيت وفى نص العجينه تحطى قطع سمنة واهم شئ زودى الزيت عشان تكون مورقه وتطبقيها زى الظرف

 

 

بعدين حطيها فى الصينيه وسيبها ترتاح كمان شوية حتلاقيها وانتى بتفرديها معاكى بالشكل ده

 

 

 

وبعدين تدخليها الفرن المستخن من قبلها حوالى 10 دقايق على درجه حراره 220 وتحطيها على الرف الاوسط لحد ما تحمر من تحت واول ما تحمر شغلى الشوايه يدوب تاخد وش احمر فى ثانيه (بتاخد حوالى 1\2 ساعه على حسب فرنك )

ملحوظه (عشان تكون طريه حطى صينيه فى ماء على الرف الصاج هتطلع بخار وتدى طرواه للعجينة )

واول ما تطلعيها رشى كام معلقه مياه لو ناشفه شويه وغطيها 5 دقايق والف هنا

 

وده من تحت متحمرة ازاى

 

 

وديه قطعه مورقه لخاطر عيونكم

 

والف هنا وشفا .

 

ويارب تعجبكوا الطريقه وهى محاوله بسيطة على ادى :unsure:

 

لا تنسونى من صالح دعواتكن حبيباتى :mrgreen: :icon15:

[موده واخاء 417]

الله يا انجى بموت فه يارب يسلم عمرك يارب

ماشاء الله تحفففففففففففففة

[صاحبه القلب الطيب 12]

موده

 

بجد عجبك .طيب الحمد لله

 

اظنك استاذة فى عمايله

 

انا كنت يادوب بجرب والحمد لله طلع طعمه حلو

[~ماريا~ 1340]

شطووووووووووره يا انجي

منتي شغاله اهو

هههههههههههههههه

تسلمي حبيبتي

كتيير شكله حلو

ان شاء الله هجربه واقولك وان شاء الله يظبط معايا المره دي

تسلميلي يا غاليه

[~ أم العبادلة ~ 1903]

السلام عليكم ورحمة الله وبركاته،،

 

أخيرا

من زمان وانا مستنياكِ تنزلي الطريقة لاننا بنحبه ومش بنلاقيه هنا

ان شاء الله لما ايدي تخف هجربه ويا ر يطلع حلو معايا

[أم مصعب2 1]

السلام عليكم ورحمة الله وبركاته،،

 

شكلها يممي ....تسلم يدك

[حياة إسلامية 135]

ام حبيبة .. تسلم اديك

 

ايوووووووه .... هو ده اللي كان ناقص فطير مشلتت

 

أصل كتير من الاخوات بتسأل عنه

 

جزاك الله خير و بارك فيك :)

[ام روتى 4]

[بنت ام عبد 151]

السلام عليكم ورحمة الله وبركاته،،

سلمت الأيادي يا أنوج شكله جميل مثلك يا حبوبة

بصي انا كنت فتحت موضوع عن الفطير هنا في الساحة كنت بسأل عن سبب انه بيطلع معي جاف شوية مش طري

واستفدت كتير من الردود ونفذت النصائح وطلع معي روووووووووووعة

من ضمن النصائح انك ترجعيه تاني مثل الكورة أثناء عمل الطبقات (الخطوة التي لم تصور ) يعني لفي أكثر لحد ما تحوليه لكرة تمام

وبعد ذلك ضعيه يرتاح في الثلاجة ثلث ساعة (ممكن بره عندكم اصل الجو عندنا حر جداااااا) وبعدين تخرجيه تفرديه بايديك في صينية الخبز وممكن تزودي سمن او زيت

المقصد تبططيه بايدك في الصينية وتكملي مثل ما فعلت (كنت باتركه مفرود كده مثلك فكان بينشف مني بس صراحة الخطوة دي فرقت معي

عموما هي نصائح الحبيبات وأشرقت السماء والاخت ام حفص

3

[~ أم العبادلة ~ 1903]

موضوع بنوتة

https://akhawat.islamway.net/forum/index.ph...=272116&hl=

[صاحبه القلب الطيب 12]

شطووووووووووره يا انجي

منتي شغاله اهو

هههههههههههههههه

تسلمي حبيبتي

كتيير شكله حلو

ان شاء الله هجربه واقولك وان شاء الله يظبط معايا المره دي

تسلميلي يا غاليه

 

 

اهلا ماريا

 

والله انا عملته مخصوص عشانك مش عشان ناكله ولا حاجه

هههههههه ... واهو بنحاول بس دعواتك

 

 

اه جربيه وراح يعجبك كتير

حاولى تخليه رقيق قدر الامكان ديه اهم حاجه

وكترى الزيت بس مش اووى يعنى وانخلى الدقيق

 

ومستنيه طبق فطير عال العال

قريب جداااااااااااااااااااااااااا :icon15:

[صاحبه القلب الطيب 12]

السلام عليكم ورحمة الله وبركاته،،

 

أخيرا

من زمان وانا مستنياكِ تنزلي الطريقة لاننا بنحبه ومش بنلاقيه هنا

ان شاء الله لما ايدي تخف هجربه ويا ر يطلع حلو معايا

 

بجد والله

 

طيب ليه مش بتقولى ولا اعرف

يابنتى ديه اول مرة اعمله

والبركه فى الست غاليه ههههه

 

وربنا يشيفكى وتعمليه هو والمش قرررررررريب

 

وان شاء الله يطلع حلو مثلك :icon15:

[~ماريا~ 1340]

ههههههههههههههههههههه

ان شاء الله

مشكلتي بقي

انه مش بيبقي رقيق

مع اني بقعد اشد واشد ومفيش فايده

بازن الله اجربه

[صاحبه القلب الطيب 12]

السلام عليكم ورحمة الله وبركاته،،

 

شكلها يممي ....تسلم يدك

 

اتفضلى حبيبتى

 

الفطيره كلها ليكى طبعااااااا

[صاحبه القلب الطيب 12]

ام حبيبة .. تسلم اديك

 

ايوووووووه .... هو ده اللي كان ناقص فطير مشلتت

 

أصل كتير من الاخوات بتسأل عنه

 

جزاك الله خير و بارك فيك :)

 

 

هههههه ما انا بقول كده برضو

 

تعرفى اخر حاجه كان ممكن اتوقع انى اعملها لكن الحمد لله ربك بيكرم

 

 

وفعلا كتير بيسألوا عليه وانا كنت منهم

 

تسلمين حبيبتى

 

وياريت يكون عجبك

[صاحبه القلب الطيب 12]

 

الله يسلمك حبيبتى

 

:icon15:

 

نورتى

[صاحبه القلب الطيب 12]

السلام عليكم ورحمة الله وبركاته،،

سلمت الأيادي يا أنوج شكله جميل مثلك يا حبوبة

بصي انا كنت فتحت موضوع عن الفطير هنا في الساحة كنت بسأل عن سبب انه بيطلع معي جاف شوية مش طري

واستفدت كتير من الردود ونفذت النصائح وطلع معي روووووووووووعة

من ضمن النصائح انك ترجعيه تاني مثل الكورة أثناء عمل الطبقات (الخطوة التي لم تصور ) يعني لفي أكثر لحد ما تحوليه لكرة تمام

وبعد ذلك ضعيه يرتاح في الثلاجة ثلث ساعة (ممكن بره عندكم اصل الجو عندنا حر جداااااا) وبعدين تخرجيه تفرديه بايديك في صينية الخبز وممكن تزودي سمن او زيت

المقصد تبططيه بايدك في الصينية وتكملي مثل ما فعلت (كنت باتركه مفرود كده مثلك فكان بينشف مني بس صراحة الخطوة دي فرقت معي

عموما هي نصائح الحبيبات وأشرقت السماء والاخت ام حفص

3

 

اهلا بالحبيبه بنت ام عبد

 

على فكرة قبل ما اعمله شوفت موضوعك واستفدت كتير من النصايح صراحه

 

وفكرة الكورة ديه حلوة .انا اعدت اتخيل لحد ما وصلت ان شاء الله اجربها

 

وعلى فكرة فكرة المياه فى صينيه على الرف الصاج برضو بتخليه طرى وجميل

وطبعا تغطيه بعد ما يطلع

 

مشكوورة حبيبتى انتى وكل الحبايب

وطبعا لازم يطلع معكى رووعه مش انتى اللى عملاه هههه

 

 

نورتى ياغالية

وربنا يرجع اشرقت بالسلامة

[هدى عبد الناصر 28]

هههههههههههههههههههههههههههههههه

موضع جميل اجربه ان شاء الله بس يارب يطلع حلو زى عميلك حبيبتى

[أم زيــــاد 881]

يعطيك الصحة

[هـــدى 147]

السلام عليكم ورحمة الله وبركاته،،

 

جمييييييييييييييييييييييييييييييل جدا ماشاء الله ^_^

هو فطير مصري بس كان نفسي أجربو وباذن الله أجربو واذوق فطيركم >>>> إذا طلع حلو وعرفت اصنعو هههههه ^^

 

جزاك الله خيرا انجي طريقة جميلة : )

وفطيرك روووعة بيشهي بس قوليلي فيه سكر ؟ اذا مافيه مافي داعي تبعتيلي :dry:

[مسلمة مجاهدة 353]

وعليكم السلام ورحمة الله وبركاته

 

جوزيتي خيرا انجي على الوصفة

 

لكن لم أفهم هو عبارة عن عجين بس! ويتاكل هكذا او في شي بجانبه / معه؟

 

[في جنة الله أحيا 103]

ام حبيبة .. تسلم اديك

[~ أم العبادلة ~ 1903]

طيب يا ريت يا انجي كل ما تتعملي حاجة وتكون طريقتها بسيطة، تعرفينا علشان نتعلم معاكِ

[~ أم العبادلة ~ 1903]

مسلمة نعم يا غالية هو عجين فقط مثل الخبز لكن طعمه مختلف

 

ممكن تعمليه بدون حشو وممكن تحشيه بسكر او كاستر

 

بس عادة بيكون بدون حشو ويؤكل مع الجبنة المملحة او العسل الاسود بالطحينة