هبة نور 2043 أرسلي تقرير عن المشاركة قامت بالمشاركة 25 نوفمبر, 2012 بت يا هنيي انتي يابت يا هنيي نعمين ياما روحي يابت هاتيلي جالوصين طين من قدام الدار وناوليني قالب سكر طين ايه ياما . وماله ومال السكر من الاساس يابت يا هبلي هعمل مربي طين مربى طين ايه بس ياما حرام عليكي . انتي عايزة تموتينا مسمومين ولا ايه انتي يابت يا مقصوفة الرقبي مش شوفتي الست في التلافزيون بتقول هاتو ورقة وقلم عشان اديلكو طريقة مربى الطين ياما قصدها مربى تين بس هي كانت مزكومي انتي يابت بتسمعي احسن مني ولا احسن مني . هعمل مربى طين يعني هعمل مربى طين واني مالي ان شالله تعملي مربي سباخ انتي حرة ياما ياما الحقي ياما في ايه يا واد يا خليفي الحقي ياما ابويي وهو بيجري بالحمار على مية وعشرين خبط في حمار عم عويس واتقلب في الترعي هو والحمار يالهوي والحمار جراله حاجة يا ولا ؟ ياما انتي خايفة على الحمار ومش خايفة على ابويي ياواد طمني ايه اللي حصل الحمدلله ياما عم عويس طلعه من الترعة يعني الحمدلله فاق وسمعته بودانك بينهق ؟ ياما هو مين بس اللي بينهق . اني قصدي على ابويي واني قصدي ع الحمار ياولا . عامل ايه دلوقتي طلعوه هو كمان من الترعة وزي الفل الف حمد والف شكر . وابوك كويس ياولا وانتي ياما يهمك ابويي طبعا ياولا ابوك مهم عندي عشان بيحمي الحمار وبيفسحه في الغيط شارك هذه المشاركه رابط المشاركه شارك
أم جهاد ومريم 205 أرسلي تقرير عن المشاركة قامت بالمشاركة 25 نوفمبر, 2012 جميلة حكايات الكفر دى يا هبة والله ضحكتينا وأنا فى أزمة ربنا يسترك خدى اللى فى الميدان غطسيهم فى الترعة يمكن يفوقوا ....وعجبى 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 نوفمبر, 2012 تن تن تن خالة ستيتي افتحي يا خالة ستيتي انتي مين يابت يللي برا اني بهيجي عايزة ايه يابت يا بهيجي جاية افرحك يا خالة . اني جالي عريس بركة يابت بركة وده لقتوه فين لقيناه ايه بس ياخالة . هو شبشب ولا بولغة . دي راجل ملو هدومه ايوة يابت اني فاهمي اني قصدي يعني تعرفوه منين يبقى ابن عمة خالة مرات اخو جوز عمتي يالهوي . ايه الشبكة الملخفنة دي . طيب يعني سألتو عليه نسأل عليه ليه يابت مش جواز ونسب ياخالة اصل بصراحي احني خايفين نسال عليه لحسن يطلع مش كويس تقومي تتجوزيه على عماكي يابت ؟ المهم اتجوز وخلاص يا خالة . نفسي يبقالي دار زي بقيت الخلق يابت انتي بعاميلك دي هتفرجي عليكي الخلق . اسألوا على الشجرة الكريمة اللي اتفرع منهي الأبعد خلاص ياخلة حاضر هنسأل وأمرنا لله . بس لو طلع مش كويس اني مش هسامحك ليوم الدين امشي يابت جاك خابط في نفوخك شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 نوفمبر, 2012 جميلة حكايات الكفر دى يا هبة والله ضحكتينا وأنا فى أزمة ربنا يسترك خدى اللى فى الميدان غطسيهم فى الترعة يمكن يفوقوا ....وعجبى دول يا ضنايي ماينفعش معاهم ترعيي دول عايزين محيط يبلعهم ونرتاح من خلقهم وعجبي برضو هو انتي تقربي لصلاح جاهين شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 25 نوفمبر, 2012 منور يا بو نعجه والله زمان هههههههههههههههههههههههههههههههههه من المصايب الي بتحصل او اسباب الطلاق الكتير ان الواحده بتفرح بالشبكه والشقه والفلوس واول ما تشوف دول بتنسي تسال عن الشخص ويمكن يكون بن ستين في سبعين بس الفلوس بتعمي يا امي وبعد كدا يجي الندم شارك هذه المشاركه رابط المشاركه شارك
أم جهاد ومريم 205 أرسلي تقرير عن المشاركة قامت بالمشاركة 25 نوفمبر, 2012 والله انتوا عثل عثل عثل .... كمان يا هبة ..[يعنى هاتِ ما عندك ] شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 نوفمبر, 2012 خالة ستيتي يادي الغولب على خالة ستيتي . هو اني كل ماامشي في حتي الاقي عفاريت تطلعلي وتقول ياخالة ستيتي ياخالة ستيتي . انتي مين يابت اني مسعدة سلامة الشوف ياخالة الله يسلمك يختي . مالك يابت يامسعدة تخنتي على تخنك وبقيتي شبه فحل الجاموس كدي العز بقى ياخالة عقبال عندك . اصل اني جبت غسالة من ام كهربي واترحمت من الغسيل وقطمة الوسط وماله الطشت يابت ماتجبيليش سيرته ياخالة تاني مرة طيب خلاص ابعتيهولي يابت احط فيه خزين البصل ماكانش ينعز يا خالة . امي خدته تستحما فيه طيب يختي وماله ياكشي تنضف الله يخليكي ياخالة . انتي رايحة فين ياخالة وانتي مالك يابت ماتخليكي في حالك وتبطلي الطبع المنيل دي توشكري يا خالة ستيتي . فوتك بعافيي الله يعافيكي يا أم اويئ شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 25 نوفمبر, 2012 هههههههههههههههههههه ازيك يا خاله ستيته اشمعنى أنا يعني مندهش عليكي وحشتيني يا خاله فينك من زمان شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 25 نوفمبر, 2012 هههههههههههههههههههه ازيك يا خاله ستيته اشمعنى أنا يعني مندهش عليكي وحشتيني يا خاله فينك من زمان شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 25 نوفمبر, 2012 شوفتي أدي العيال واللي عوزينهم كتبت الرد راح باعتهولي عشرين مره هههههههههههه شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 25 نوفمبر, 2012 شوفتي أدي العيال واللي عوزينهم كتبت الرد راح باعتهولي عشرين مره هههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 27 نوفمبر, 2012 اندهي يا بت يا ام حمادي وماله حريم فاضيي ماوراهاش الا اللت والعجن والنده على الخلق من غير لازمي قومي يابت زغطي البط بدل القعدي ع المسطبي يا غندوري شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 27 نوفمبر, 2012 زنوبي انتي يا وليي يللي اسمك زنوبيي عايز ايه يا مسعود هتغدينا ايه النهاردي قرنبيط هو انتي يا بت مش مأكلانا قرنبيط امبارح واول امبارح واول اول امبارح ايوة يا مسعود وان شاء الله هناكل قرنبيط بكرة وبعده وبعد بعده وبعد بعد بعده الله يهدك . ايه الآذية دي يا وش الاذيي يوه ما انت عارف اني بتوحم عليه يا راجل ونفسي فيه بقالك اسبوع بتاكلي منه ولسة ماكرهتهوش اني مااكرهش القرنبيط عشان دي نعمة من عند ربنا يعني هي اللحمة والخضار مش نعمة يابت خلي اللحمي لما نشتاق لهي نبقى ناكلها يا وليي هو انتي لسة مااشتاقتيش للحمي لا لسي . بالإذن هروح احط القرنبيط في الدقيق والبض واقليه طب والله لو عملتي قرنبيط لكون مالي الطشت دقيق وبيض وادهنك بيه واحطك في الفرن انت راجل بتتبطر ع النعميي وبكرة القرنبيط يخفى من وشك للابد وتقول ولا يوم من ايامك يا قرنبيط ياوليي يا وليي الست الشاطري تعمل الاكل اللي جوزها بيحبه وتراضيه مش كل يوم تأكله على مزاجهي ماشي يا مسعود بس ذنب الواد في رقبتك . هيطلع في وشه قرنبيطي ابقي حطيها في البيض واقليها يا وش السعد حريم عايزة كسر دماغيتهي شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 27 نوفمبر, 2012 النهاردي صباحيي البت انصاف والواد فتوح اسم الله عليهي بت شاطري وناصحي وطيبة وبنت حلال تستاهل اخدلها زيارة واروح ابارك واهني اما اروح الاول املا السبت من خيرات ربنا واروح لها على طول حتى يكونوا صحيوا من النوم ربنا يهنيهم صباحيي مباركي يا مراتي يا حبيبتي الله يبارك فيك يا جوزي يا نن عيني الله يابت على كلامك اللي زي الشهد انت كلامك احلى يا فتوح ان شاء الله يابت هتشوفي معايي الهنا كله والسعد كله اللي عمرك ما شوفتيه في حياتك اني عارفي ياخويي وكفايي انك جانبي يا ضي عيني واد يا فتووووووووووووووووووووووح اصحي ياولا وصحي المحروسيي نامسيتكو كحلي استر يارب هي امي عايزة ايه ع الصبح افتح ياخويي شوفهي يمكن عايزاك في حاجيي صباح الخير ياما يسعد صباحك يا ضنايي . يلا بالسلامة ع الغيط شوف مصالحك غيط ايه ياما . اني عريس مااني عارفة ياواد انك عريس . هو اني قولتلك انت عروسي طيب ولما انتي عارفي اني عريس يبقى ازاي هروح الغيط نهار صبحيتي امال ناوي تبلط جنب ست الحسن والجمال ولا ايه يا ولا . يلا انجر بلا مياعة رجالي والله ياما ماليكي حق في عمايلك دي اني مفتريي يا عين امك وعشان تشوف الافترا على اصوله صحي المحروسي عشان تروح تملا القلل من الترعي صباح الخير يا حماتي اهلا يا غندورة . يلا يختي ورانا عجين وخبيز وطبيخ وتنضيف . وعشان تعرفي اني حما مافيش في حنيي قلبي هخليكي تريحي عشر دقايق بين كل مهمي واختهيي يا حماتي اني عروسة يادي المرار ياولاد . هو يقولي اني عريس وهي تقولي اني عروسة . هو اني قولتيلكو اني مش مصدقاكو امرك يا ما . يلا يا انصاف البسي وروحي املي القلل معلش حقك عليي اييييييييييييه حاضر ياخويي يوه . مين اللي بتملا القلل ع اليامة التانيي دي . ياندامتي . انصاف ! ايه يابت . سايبة عريسك ورايحة تملي قلل يا هطلي حكم القوي ع الضعيف يا خالة ستيتي مين يابت اللي حكم عليكي الحكم الظالم دي هتكون مين غير حماتي يوه يوه يوه . هي اتهبلت ولا اتهبلت الست دي . اني رايحالهي اسود عيشتهي 1 شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 27 نوفمبر, 2012 ^___^ عودا حميدا :)) شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 28 نوفمبر, 2012 (معدل) ^ـــــــــــــــــــــــ^ عودا حميدا يا خالة ستيتة. فعلا يحدث الكثير من هذا وخصوصا في الريف. لكن عجبتني أوي أنصاف وعقلها وحكمتها . أيوة كدة هي دي الستات. ممكن تتعب في الأول آه ، لكن أكييييد هترتاح بعد كدة وتبقى ست البيت والكل في الكل. ربنا يكملك بعقلك يا أنصاف. تم تعديل 28 نوفمبر, 2012 بواسطة وأشرقت السماء شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 28 نوفمبر, 2012 والله بركه ياخاله ستيته اللى شفنا خلقتك تانى كنت فين ياارشانه د يه كلاته وسايبه الكفر من غير ما حد يشكمه ويفوقه من البلاوى اللى بيعملوهييه ديى وسايبه النساوين اللى عايزه حش رقابيها يبهدلوا فى البنات اللى ليسه عضمهم طرى زى البت انصاف الغلبانيه شفتى اللى انى شفته وسمعتى اللى انى سمعته ال تنزل الترعه يوم صبحيتها ال طب قولى تاكل البهايم تبقى تبقى مبلوعه شويه تحمى الحمار قولنا ماشى تعجن عجين حماتها اوكيه انما تروح الترعه اهو دهون اللى محدش يرضى بيه لاممكن يخت لاممكن اتمسى بقى بالخير وفوتك بعافيه ودعى الخلق للخالق هههههههههههههههه 2 شارك هذه المشاركه رابط المشاركه شارك
sara soror 87 أرسلي تقرير عن المشاركة قامت بالمشاركة 29 نوفمبر, 2012 ياااااااااااااااه جميلة الحكايات دي وكلام الريف أحلى مشكووووووووورة حبيبتي هبة على روح الدعابة اللي عندك ربي يجعل أيامك كلها فرح في فرح حتى لو مفهمتش بعض الكلمات المهم اني فهمت الخلاصة وضحكت هههههههه شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 1 ديسمبر, 2012 هههههههههههههههههههههههههههههههههههههههههههههههههه "ضحكة سريعة كدة لحد ما ارجع واعلق " عودا حميدا لنا نحن الاثنان يا هبه "هههههاصل انا عارفة محدش خد باله انى اختفيت الا انتى وسجودة " شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 1 ديسمبر, 2012 يختي يا الف اهلا وسهلا يا ست ام مريم يادي النور والسرور اللي ملا الكفر مين يا ضنايي اللي قالك ان اهل الكفر ماخدوش بالهم من غيابك لا يا ضي عيني دول خدو بالهم ونص وتلات تربع بس هما زي ماتقولي كدي يا عين خالتك ستيتي مابيحبوش يبعبروا عن شواعرهم عشان بيتكسفو يا كبد امهم وكمان همي حريم جوانيي يعني بيحبوا في صمت ودي سبب طفشان رجالتهم يا نن عيني شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 1 ديسمبر, 2012 ههههههههههههههههههههههه حريم جواني ولا براني ههههههههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 1 ديسمبر, 2012 بقولك ايه يا عتمان حوش امك عني لحسن احلف يمين لكون فايتالك الدار ومش قاعدالك فيهي جرا ايه يا فاكيهي . انتي اتهبلتي يا وليي . امي بقالها اسبوع بحاله عند اسماعيل اخويي ايوة يا خويي قاعدة عند اسماعيل صحيح لكن كل يوم تجيلي في المنام تنكد عليي احط المخدي على دماغي تجيلي تحت المخدي اتقلب على جنبي التاني الاقيهي في وشي وتقولي وراكي وراكي حتى لو نمتي في الزريبي . يرضيك عمايل امك يا عتمان يا وليي حرام عليكي . انتي بتحلمي بيهي عشان بتفكري فيهي افكر فيهيي بتاع ايه . شوفت منهي ايه حلو عشان افكر فيهيي . ال افتكرلك ايه يا بصلي وانتي كل قطمة بدمعة لمي لسانك يا وليي انتي . اني امي بصلي برضو يا عديمة الرباية حوش امك عني يا عتمان وقولهي اياك تجيلي في المنام تاني عشان مش هيحصل كويس . وهقول لامي يا سلام . وامك هتحوشهي من المنام ازاي على رأيك . هي حد قادر عليهي في اليقظي لما هنقدر عليهي في المنام شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 1 ديسمبر, 2012 يا مرحب بحبايب الكفر اللي منورينو زينة حريم البندر الست ام عمر والست ام حسين والست سارة سرور اللي اسمهي بيفكرني بيوم فرحي اسامي تجيب الفال الحسن ماشاء الله منورين يا حرايم يا جوانيي ههههههههههههههههههههههههه شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 1 ديسمبر, 2012 ههههههههههههههههههههههههههههههههه منور بيكي يا خاليه بس الست ام عتمان دي بالتاء مش بالثاء واصله جداا لدرجه انها بتجلهم في المنام يا اختي ههههههههههههههههه شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 1 ديسمبر, 2012 هههههههههههههههههه بتيجى فى المنام ....... الله يكون فى عونك يااختى لو كنت مكانك كنت غيرت الشقة بحالها يمكن طيفها بيسيبها بليل يتمشى هما ولا هنا شارك هذه المشاركه رابط المشاركه شارك
