حريم كفر أبو نعجة

[هبة عبد العظيم نور 2043]

بت يا هنيي انتي يابت يا هنيي

 

نعمين ياما

 

روحي يابت هاتيلي جالوصين طين من قدام الدار وناوليني قالب سكر

 

طين ايه ياما . وماله ومال السكر من الاساس

 

 

يابت يا هبلي هعمل مربي طين

 

مربى طين ايه بس ياما حرام عليكي . انتي عايزة تموتينا مسمومين ولا ايه

 

انتي يابت يا مقصوفة الرقبي مش شوفتي الست في التلافزيون بتقول هاتو ورقة وقلم عشان اديلكو طريقة مربى الطين

 

ياما قصدها مربى تين بس هي كانت مزكومي

 

انتي يابت بتسمعي احسن مني ولا احسن مني . هعمل مربى طين يعني هعمل مربى طين

 

واني مالي ان شالله تعملي مربي سباخ انتي حرة

 

 

 

 

ياما ياما الحقي ياما

 

في ايه يا واد يا خليفي

 

الحقي ياما ابويي وهو بيجري بالحمار على مية وعشرين خبط في حمار عم عويس واتقلب في الترعي هو والحمار

 

 

يالهوي والحمار جراله حاجة يا ولا ؟

 

ياما انتي خايفة على الحمار ومش خايفة على ابويي

 

ياواد طمني ايه اللي حصل

 

الحمدلله ياما عم عويس طلعه من الترعة

 

يعني الحمدلله فاق وسمعته بودانك بينهق ؟

ياما هو مين بس اللي بينهق . اني قصدي على ابويي

 

واني قصدي ع الحمار ياولا . عامل ايه دلوقتي

 

طلعوه هو كمان من الترعة وزي الفل

 

الف حمد والف شكر . وابوك كويس ياولا

 

وانتي ياما يهمك ابويي

 

طبعا ياولا ابوك مهم عندي عشان بيحمي الحمار وبيفسحه في الغيط

[أم جهاد ومريم 205]

جميلة حكايات الكفر دى يا هبة

 

 

والله ضحكتينا وأنا فى أزمة

 

 

ربنا يسترك خدى اللى فى الميدان غطسيهم فى الترعة يمكن يفوقوا ....وعجبى

[هبة عبد العظيم نور 2043]

تن تن تن

 

خالة ستيتي افتحي يا خالة ستيتي

 

انتي مين يابت يللي برا

 

اني بهيجي

 

عايزة ايه يابت يا بهيجي

 

جاية افرحك يا خالة . اني جالي عريس

 

بركة يابت بركة وده لقتوه فين

 

لقيناه ايه بس ياخالة . هو شبشب ولا بولغة . دي راجل ملو هدومه

 

ايوة يابت اني فاهمي اني قصدي يعني تعرفوه منين

 

يبقى ابن عمة خالة مرات اخو جوز عمتي

 

 

يالهوي . ايه الشبكة الملخفنة دي . طيب يعني سألتو عليه

 

نسأل عليه ليه

 

يابت مش جواز ونسب

 

ياخالة اصل بصراحي احني خايفين نسال عليه لحسن يطلع مش كويس

 

تقومي تتجوزيه على عماكي يابت ؟

 

المهم اتجوز وخلاص يا خالة . نفسي يبقالي دار زي بقيت الخلق

 

يابت انتي بعاميلك دي هتفرجي عليكي الخلق . اسألوا على الشجرة الكريمة اللي اتفرع منهي الأبعد

 

 

خلاص ياخلة حاضر هنسأل وأمرنا لله . بس لو طلع مش كويس اني مش هسامحك ليوم الدين

 

امشي يابت جاك خابط في نفوخك

[هبة عبد العظيم نور 2043]

جميلة حكايات الكفر دى يا هبة

 

 

والله ضحكتينا وأنا فى أزمة

 

 

ربنا يسترك خدى اللى فى الميدان غطسيهم فى الترعة يمكن يفوقوا ....وعجبى

 

دول يا ضنايي ماينفعش معاهم ترعيي

 

دول عايزين محيط يبلعهم ونرتاح من خلقهم

 

وعجبي برضو

 

هو انتي تقربي لصلاح جاهين

[~ماريا~ 1340]

منور يا بو نعجه

والله زمان

هههههههههههههههههههههههههههههههههه

 

من المصايب الي بتحصل او اسباب الطلاق الكتير

ان الواحده بتفرح بالشبكه والشقه والفلوس واول ما تشوف دول بتنسي تسال عن الشخص ويمكن يكون بن ستين في سبعين

بس الفلوس بتعمي يا امي

وبعد كدا يجي الندم

[أم جهاد ومريم 205]

والله انتوا عثل عثل عثل ....

 

 

كمان يا هبة ..[يعنى هاتِ ما عندك ]

[هبة عبد العظيم نور 2043]

خالة ستيتي

 

يادي الغولب على خالة ستيتي . هو اني كل ماامشي في حتي الاقي عفاريت تطلعلي وتقول ياخالة ستيتي ياخالة ستيتي . انتي مين يابت

 

اني مسعدة سلامة الشوف ياخالة

 

الله يسلمك يختي . مالك يابت يامسعدة تخنتي على تخنك وبقيتي شبه فحل الجاموس كدي

 

العز بقى ياخالة عقبال عندك . اصل اني جبت غسالة من ام كهربي واترحمت من الغسيل وقطمة الوسط

 

 

وماله الطشت يابت

 

ماتجبيليش سيرته ياخالة تاني مرة

 

طيب خلاص ابعتيهولي يابت احط فيه خزين البصل

 

ماكانش ينعز يا خالة . امي خدته تستحما فيه

 

طيب يختي وماله ياكشي تنضف

 

الله يخليكي ياخالة . انتي رايحة فين ياخالة

 

وانتي مالك يابت ماتخليكي في حالك وتبطلي الطبع المنيل دي

 

توشكري يا خالة ستيتي . فوتك بعافيي

 

الله يعافيكي يا أم اويئ

[دره بنقابي 55]

هههههههههههههههههههه

 

ازيك يا خاله ستيته اشمعنى أنا يعني مندهش عليكي

وحشتيني يا خاله فينك من زمان

[دره بنقابي 55]

هههههههههههههههههههه

 

ازيك يا خاله ستيته اشمعنى أنا يعني مندهش عليكي

وحشتيني يا خاله فينك من زمان

[دره بنقابي 55]

شوفتي أدي العيال واللي عوزينهم كتبت الرد راح باعتهولي عشرين مره هههههههههههه

[دره بنقابي 55]

شوفتي أدي العيال واللي عوزينهم كتبت الرد راح باعتهولي عشرين مره هههههههههههه

[هبة عبد العظيم نور 2043]

اندهي يا بت يا ام حمادي

 

وماله

 

حريم فاضيي ماوراهاش الا اللت والعجن والنده على الخلق من غير لازمي

 

قومي يابت زغطي البط بدل القعدي ع المسطبي يا غندوري

[هبة عبد العظيم نور 2043]

زنوبي

 

 

انتي يا وليي يللي اسمك زنوبيي

 

عايز ايه يا مسعود

 

 

هتغدينا ايه النهاردي

 

قرنبيط

 

هو انتي يا بت مش مأكلانا قرنبيط امبارح واول امبارح واول اول امبارح

 

ايوة يا مسعود وان شاء الله هناكل قرنبيط بكرة وبعده وبعد بعده وبعد بعد بعده

 

الله يهدك . ايه الآذية دي يا وش الاذيي

 

يوه ما انت عارف اني بتوحم عليه يا راجل ونفسي فيه

 

بقالك اسبوع بتاكلي منه ولسة ماكرهتهوش

 

اني مااكرهش القرنبيط عشان دي نعمة من عند ربنا

 

يعني هي اللحمة والخضار مش نعمة يابت

 

خلي اللحمي لما نشتاق لهي نبقى ناكلها

 

يا وليي هو انتي لسة مااشتاقتيش للحمي

 

لا لسي . بالإذن هروح احط القرنبيط في الدقيق والبض واقليه

 

طب والله لو عملتي قرنبيط لكون مالي الطشت دقيق وبيض وادهنك بيه واحطك في الفرن

 

انت راجل بتتبطر ع النعميي وبكرة القرنبيط يخفى من وشك للابد وتقول ولا يوم من ايامك يا قرنبيط

 

ياوليي يا وليي الست الشاطري تعمل الاكل اللي جوزها بيحبه وتراضيه مش كل يوم تأكله على مزاجهي

 

ماشي يا مسعود بس ذنب الواد في رقبتك . هيطلع في وشه قرنبيطي

 

ابقي حطيها في البيض واقليها يا وش السعد

 

حريم عايزة كسر دماغيتهي

[هبة عبد العظيم نور 2043]

النهاردي صباحيي البت انصاف والواد فتوح

 

اسم الله عليهي بت شاطري وناصحي وطيبة وبنت حلال تستاهل اخدلها زيارة واروح ابارك واهني

 

 

اما اروح الاول املا السبت من خيرات ربنا واروح لها على طول

 

حتى يكونوا صحيوا من النوم ربنا يهنيهم

 

 

 

 

 

 

 

 

 

 

 

صباحيي مباركي يا مراتي يا حبيبتي

 

الله يبارك فيك يا جوزي يا نن عيني

 

الله يابت على كلامك اللي زي الشهد

 

انت كلامك احلى يا فتوح

 

ان شاء الله يابت هتشوفي معايي الهنا كله والسعد كله اللي عمرك ما شوفتيه في حياتك

 

اني عارفي ياخويي وكفايي انك جانبي يا ضي عيني

 

 

 

 

واد يا فتووووووووووووووووووووووح اصحي ياولا وصحي المحروسيي نامسيتكو كحلي

 

 

استر يارب هي امي عايزة ايه ع الصبح

 

افتح ياخويي شوفهي يمكن عايزاك في حاجيي

 

صباح الخير ياما

 

يسعد صباحك يا ضنايي . يلا بالسلامة ع الغيط شوف مصالحك

 

غيط ايه ياما . اني عريس

 

مااني عارفة ياواد انك عريس . هو اني قولتلك انت عروسي

 

طيب ولما انتي عارفي اني عريس يبقى ازاي هروح الغيط نهار صبحيتي

 

امال ناوي تبلط جنب ست الحسن والجمال ولا ايه يا ولا . يلا انجر بلا مياعة رجالي

 

والله ياما ماليكي حق في عمايلك دي

 

اني مفتريي يا عين امك وعشان تشوف الافترا على اصوله صحي المحروسي عشان تروح تملا القلل

 

من الترعي

 

 

صباح الخير يا حماتي

 

اهلا يا غندورة . يلا يختي ورانا عجين وخبيز وطبيخ وتنضيف . وعشان تعرفي اني حما مافيش في حنيي قلبي هخليكي تريحي عشر دقايق بين كل مهمي واختهيي

 

يا حماتي اني عروسة

 

يادي المرار ياولاد . هو يقولي اني عريس وهي تقولي اني عروسة . هو اني قولتيلكو اني مش مصدقاكو

 

 

امرك يا ما . يلا يا انصاف البسي وروحي املي القلل معلش حقك عليي

 

اييييييييييييه حاضر ياخويي

 

 

 

 

 

 

 

 

 

 

 

 

 

 

يوه . مين اللي بتملا القلل ع اليامة التانيي دي . ياندامتي . انصاف !

 

ايه يابت . سايبة عريسك ورايحة تملي قلل يا هطلي

 

حكم القوي ع الضعيف يا خالة ستيتي

 

مين يابت اللي حكم عليكي الحكم الظالم دي

 

هتكون مين غير حماتي

 

يوه يوه يوه . هي اتهبلت ولا اتهبلت الست دي . اني رايحالهي اسود عيشتهي

[ساجدة للرحمن 2050]

^___^

عودا حميدا :))

[وأشرقت السماء 1565]

^ـــــــــــــــــــــــ^

 

عودا حميدا يا خالة ستيتة.

فعلا يحدث الكثير من هذا وخصوصا في الريف.

لكن عجبتني أوي أنصاف وعقلها وحكمتها . أيوة كدة هي دي الستات.

ممكن تتعب في الأول آه ، لكن أكييييد هترتاح بعد كدة وتبقى ست البيت والكل في الكل.

ربنا يكملك بعقلك يا أنصاف.

تم تعديل 28 نوفمبر, 2012 بواسطة وأشرقت السماء

[سماء الفردوس 305]

والله بركه ياخاله ستيته اللى شفنا خلقتك تانى

 

كنت فين ياارشانه د يه كلاته وسايبه الكفر من غير ما حد يشكمه ويفوقه من البلاوى اللى بيعملوهييه ديى

 

وسايبه النساوين اللى عايزه حش رقابيها يبهدلوا فى البنات اللى ليسه عضمهم طرى زى البت انصاف الغلبانيه

 

شفتى اللى انى شفته وسمعتى اللى انى سمعته ال تنزل الترعه يوم صبحيتها ال طب قولى تاكل البهايم تبقى

 

تبقى مبلوعه شويه تحمى الحمار قولنا ماشى تعجن عجين حماتها اوكيه انما تروح الترعه اهو دهون اللى محدش

 

يرضى بيه لاممكن يخت لاممكن اتمسى بقى بالخير وفوتك بعافيه ودعى الخلق للخالق هههههههههههههههه

[sara soror 87]

ياااااااااااااااه جميلة الحكايات دي وكلام الريف أحلى مشكووووووووورة حبيبتي هبة على روح الدعابة اللي عندك ربي يجعل أيامك كلها فرح في فرح

 

حتى لو مفهمتش بعض الكلمات المهم اني فهمت الخلاصة وضحكت هههههههه

[اتمنى رضاه 117]

هههههههههههههههههههههههههههههههههههههههههههههههههه "ضحكة سريعة كدة لحد ما ارجع واعلق "

 

 

عودا حميدا لنا نحن الاثنان يا هبه "هههههاصل انا عارفة محدش خد باله انى اختفيت الا انتى وسجودة "

[هبة عبد العظيم نور 2043]

يختي يا الف اهلا وسهلا يا ست ام مريم

 

يادي النور والسرور اللي ملا الكفر

 

مين يا ضنايي اللي قالك ان اهل الكفر ماخدوش بالهم من غيابك

 

لا يا ضي عيني

 

دول خدو بالهم ونص وتلات تربع

 

بس هما زي ماتقولي كدي يا عين خالتك ستيتي مابيحبوش يبعبروا عن شواعرهم عشان بيتكسفو يا كبد امهم

 

وكمان همي حريم جوانيي

 

يعني بيحبوا في صمت

 

ودي سبب طفشان رجالتهم يا نن عيني

[~ماريا~ 1340]

ههههههههههههههههههههههه

حريم جواني ولا براني

ههههههههههههههههه

[هبة عبد العظيم نور 2043]

بقولك ايه يا عتمان حوش امك عني لحسن احلف يمين لكون فايتالك الدار ومش قاعدالك فيهي

 

جرا ايه يا فاكيهي . انتي اتهبلتي يا وليي . امي بقالها اسبوع بحاله عند اسماعيل اخويي

 

ايوة يا خويي قاعدة عند اسماعيل صحيح لكن كل يوم تجيلي في المنام تنكد عليي

 

احط المخدي على دماغي تجيلي تحت المخدي

 

اتقلب على جنبي التاني الاقيهي في وشي وتقولي وراكي وراكي حتى لو نمتي في الزريبي . يرضيك عمايل امك يا عتمان

 

يا وليي حرام عليكي . انتي بتحلمي بيهي عشان بتفكري فيهي

 

افكر فيهيي بتاع ايه . شوفت منهي ايه حلو عشان افكر فيهيي . ال افتكرلك ايه يا بصلي وانتي كل قطمة بدمعة

 

لمي لسانك يا وليي انتي . اني امي بصلي برضو يا عديمة الرباية

 

حوش امك عني يا عتمان وقولهي اياك تجيلي في المنام تاني عشان مش هيحصل كويس . وهقول لامي

 

يا سلام . وامك هتحوشهي من المنام ازاي

 

على رأيك . هي حد قادر عليهي في اليقظي لما هنقدر عليهي في المنام

[هبة عبد العظيم نور 2043]

يا مرحب بحبايب الكفر اللي منورينو

 

زينة حريم البندر

 

الست ام عمر والست ام حسين والست سارة سرور اللي اسمهي بيفكرني بيوم فرحي

 

اسامي تجيب الفال الحسن ماشاء الله

 

منورين يا حرايم يا جوانيي ههههههههههههههههههههههههه

[~ماريا~ 1340]

ههههههههههههههههههههههههههههههههه

منور بيكي يا خاليه

بس الست ام عتمان دي بالتاء مش بالثاء

واصله جداا لدرجه انها بتجلهم في المنام يا اختي

ههههههههههههههههه

[اتمنى رضاه 117]

هههههههههههههههههه بتيجى فى المنام ....... الله يكون فى عونك يااختى لو كنت مكانك كنت غيرت الشقة بحالها يمكن طيفها بيسيبها بليل يتمشى هما ولا هنا