حريم كفر أبو نعجة

[هبة عبد العظيم نور 2042]

^___^

الله يبارك فيك هبهوب

تعرفي وأنا بقرأ حاسة إني شايفاهم وسمعاهم :)))

...

هذا التمرد ليس في الريف وحده وإنما أكثر ما تشاهدينه في المدن ..

فالفتاة الآن لا تحلم بفارس الأحلام على الحصان الأبيض

وإنما تحلم بالشاب صاحب السيارة آخر موديل وأرصدة البنوك الممتلئة

وتظل تحلم وتحلم وترفض حتى تجد نفسها وحيدة بلا أنيس أو ونيس

هدى الله بناتنا وبنات المسلمين

وجزاك الله خيرا يا غالية

 

 

يوه يوه يوه

 

شيفاهم وسمعاهم ازاي ياست

 

بسم الله الرحمن الرحيم

 

وانتي رامية ودانك في حجرهم ليه يعني ياست سجودة

 

 

 

والله يختي عندك

 

كلهن متمرمدات بيتمرمدوا على النعمة الله يهديهم ويصلح حالهم

[هبة عبد العظيم نور 2042]

...................................

 

والله يختي انتي بتحرجيني بكلامك الحلو

 

اني مش عارفة ارد عليكي اقول ايه

 

نورتي ياست ام عبد الرحمن

[هبة عبد العظيم نور 2042]

ما شاء الله عنك يا هبهوب هدا الدلع يا هبة

كيف بتقدري تألفي هذا الحوار

ولا إنتي معايشة ناس وبيكون هذا الحوار تقريبا

وكمان هل أنتي كاتبتيه على ورق أم ترتجلي الكلام إرتجالي يعني بكون الكلام بآخذ وقت حتى تفكري

 

أتحفتينا

 

اهلا وسهلا ياست قدوة منورانا والله يا قلب اختك

 

لا يا ضناي

 

دي كلام خيال في خيال

 

وارتجال كمان

 

مش بكتب على ورق

 

انا بحضر الفكرة في دماغي وبكتب على طول يا عين اختك

 

 

عجبتك الحكاوي ؟

 

ابقي تعالي اتسلي يا ضي عيني ما تقطعيش الزيارة

[هبة عبد العظيم نور 2042]

ياحلاوة الخضرا يا ولاد

[m.k.sanad 4]

يا مساء الخير والفل على الحلوة ام ستيتة

 

ليكى عليا يا ستى لما اجمع العنب اللى حدانا راح اجيب عداية هدية ليكى وبالهنا والشفا على قلبك

[ريحانة زوجي 63]

يا خالة ستيتة معندكيش عريس لمريم ههههههههههه لحسن دي قربت تجنني بس عريس ميزدش عن 5 سنين

أهو أخطب لبنتك خخخخخ

[هبة عبد العظيم نور 2042]

عواف يا إنصاف يا أم كدش

 

بقولك ايه يا مسعدة فوتيني في حالي

 

يوه مالك يختي شايلة طاجن ستك كدي

 

الحال نايم يختي ومش لاقية شغل وشكلي هقفل الكوافير بالضبة والمفتاح

 

ليه يختي بس كفالله الشر

 

الا ما في واحدة فيك يا كفر ابو نعجة تيجي وتقولي اصبغيلي شعري ولا اعمليلي تسريحة جديدة

 

يختي وهما يصبغوا شعرهم ليه ولا يسحرحوه ليه من أساسه

 

يوه . مش متجوزين وليهم رجالة ومن حق رجالتهم يشفوهم حلوين

 

يختي احنا رجالتنا راضين بينا وما اشتكوش من شعرنا المنكوش ما تتحشريش انتي

 

طب بقولك ايه يا مسعدة

 

نعمين يختي

 

اني يابت عايزاكي تقنعي الستات دول يجو عندي يهتمو بنفسهم شوية واني هديكي على كل راس تجبيهي نص جنيه بحاله

 

لأ يا انصاف زوديهم شويي يختي

 

خلاص هديكي خمسين قرش بحالها

 

اذا كان كدي معلش . انا هروح اجيبهوملك من قفاهم

 

مستنياكي يختي

 

 

 

 

 

 

 

 

عواف يابت يا خضرا

 

الله يعافيكي يا مسعدة

 

انتي يختي مش ناوية تغيري لون شعرك

 

اني لون شعري بيتغير لوحده الحمدلله

 

يوه . بيتغير لوحده ازاي

 

كان اسود ومنيل ودلوقتي ماشاء الله عمال يبيض وينور

 

يالهوي . وانتي ازاي ساكتة عليه يا خضرا . انتي ماتعرفيش ان الراجل لما مراته شعرها بيبيض بيغيرها باتنين صغيرين شعرهم اصفر

 

يا حومتي . طب واعمل ايه دلوقتي شوري علية

 

عليكي وعلى انصاف أم كدش هترجعك صبية تاني

 

صحيح يا مسعدي

 

اومال يختي اومال . روحي وانتي تشوفي

 

والله ما هكسفك يا مسعدة اني هروح دلوقتي حالا أهو

 

.

ادي أول خمسين قرش .

[~ماريا~ 1340]

ههههههههههههههههههههههههههههههههههههههههه

فين باقتها يا بنت دا انا خلاص اندمجت لقيتها خلصت

[أم عبدالرحمن وجنة 14]

انا اول مرة ارد على موضوعاتك ياهوبة لانى لسه مسجله بس متبعاك من زماااااااااااااااااااااان وببلغك تحيات على اسلوبك الاكثر من رائع

[هبة عبد العظيم نور 2042]

انا اول مرة ارد على موضوعاتك ياهوبة لانى لسه مسجله بس متبعاك من زماااااااااااااااااااااان وببلغك تحيات على اسلوبك الاكثر من رائع

 

 

يختي يا ألف مرحب بالست أم عبد الرحمن الغالية اللي نورت كفرنا

 

ازيك كدي

 

عاملة ايه يا عين اختك

 

الكفر نور بزيارتك يا عسلاية

[هبة عبد العظيم نور 2042]

عواف يا بت يا زبدة

 

الله يعافيكي يا مسعدي تعالي اشربي شاي

 

شاي ايه يختي . هو انتي ليكي نفس تشربي شاي وشعرك يقرف الكلب كدي

 

 

يوه ماله شعري يختي ماهو زي الفل أهو

 

فل ايه يا شيخة اتقي الله في الراجل اللي اتهف في نفوخه واتجوزك . دي شعرك خشن خشونية ما شوفتهاش على حجر رجلي . الله يكون في عون جوزك يا شيخة

 

 

طب واني اعمل ايه يعني نصيبي كدي

 

لا يختي ماتقوليش نصيب . ديه إهمال وقلة اعتني

 

طب اعمل ايه يعني دليني

 

عليكي وعلى إنصاف أم كدش هتخلي شعرك اللي يخوف دي زي الحرير

 

صحيح يا بت

 

اومال ايه هو اني هغشك ولا هغشك

 

خلاص يختي انا هلبس واروح لهي

 

 

ادي تاني خمسين قرش

 

 

 

 

 

 

 

تن تن تن

 

 

مييييييييييييييييييييييييييييييين

 

افتحي يا سكينة اني مسعدي

 

 

اهلا يا مسعدي ازيك يختي

 

بقولك ايه يابت

 

خير يختي

 

ماتجيبي سلايفك الاتنين وتيجو تغندورا روحكو وتعملوا تسريحات جديدي في شعركو عند انصاف

 

ليه يختي كفالله الشر

 

شر ايه ياست انتي . هو اني بقولك تعالوا اغرقوا في الترعي

 

اصل يختي كلام غريب . تسريح ايه وشعر ايه وانصاف ايه احنا مالنا ومال قلة الادب دي

 

يابت دي انصاف بتعمل حاجات حلوة اوي في الكاتوفير . الواحدة تخش عندهي بقشفهي وعبلهي تخرج فشر بتوع السيمي

 

يا حلاوة يا ولاد . طب استني الفكرة احلوت في دماغي تعالي خشي سلايفي بيعجنوا فطير مشلتت

 

 

مين اللي جه يابت يا سكيني

 

دي مسعدي ياحماتي

 

عايزة ايه يا مسعدي . ايه اللي جابك السعادي

 

ايه المقابلة المرعبة دي يا خالة

 

اصلهي جاية عشان تاخدنا نحلق عند انصاف

 

 

 

اهلا يا مسعدي

 

ازيك يا مسعدي

 

اهلا وسهلا ازيكو يا نساوين يا حلوين . جاية اخدكو الكاتوفير

 

 

تخديهم فين يا عقربة انتي

 

يصبغوا شعرهم ويعملوا تسريحة جديدي

 

امشي يابت من هني لحسن اقوم اهبدك اولة على دماغك

 

 

ليه كدي ياخالة

 

ليه كدي ياحماتي

 

اجري يابت انتي وهي كملوا عجين لقوم اعجنكو انتو التلاتي

 

ياحماتي طب هنخلص العجين والخبيز ونروح

 

يا سلام يختي وكوم الغسيل اللي جوا من هيغسله يا غندورة منك ليهي

 

لما نيجي هنغسلوه

 

هو انتو لو عتبتوا الكاروفين ديه حد هيعرف يكلمكو . ومش بعيد كمان نفسكو تكبر على العجين والخبيز وحلب البهايم وتعملوا هوانم

 

 

ليه يا خالة . نفسهم تكبر على ايه . دول هيروحو الكاتوفير مش هيسافروا بلاد برا

 

 

امشي يابت يا اروبة انتي وفارقينا الساعة دي وانتي يابت منك ليهي شوفوا اكوام الغسيل والهم التقيل اللي وراكو ولو جبتو سيرة المدعودء ديه تاني هقطعكو بسناني بلا قلة عقل حريم

 

 

ياحماتي حرام عليكي دي ظلم دي

 

طب ايه رأيكو اني موافقي تروحو الكاروفين وهستناكو بزفة كمان قدامه

 

ياحلاوي انتي وافقتي ياحماتي وكمان هتستنينا بزفة

 

اومال ايه كل واحدة فيكو تخرج من الكوافير هزفها على بيت ابوها ان شاء الله . اجري يابت شوفي اللي وراكي

 

 

يا شيخة حرام عليكي ضيعتي علية تلات خمسينات قرش منك لله

[اتمنى رضاه 117]

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

[اتمنى رضاه 117]

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

[~ماريا~ 1340]

متااااااااااااااااااااااااااابعه

:))

[ساجدة للرحمن 2049]

السلام عليكم ورحمة الله وبركاته

^___^

جميل أن تهتم المرأة بنفسها

ليس فقط من أجل زوجها ..وإنما لتسعد نفسها أولا

بورك فيك هبة الغالية

وأكيد نتابع معك :)

[اعتز بالاسلام 126]

متااااااااااااااااااااااااااابعه

[اعتز بالاسلام 126]

متااااااااااااااااااااااااااابعه

[sara soror 87]

ازيك يا خالة ستيتة وحشتينا والله

وانت يابنت يا مسعدة تعالي خديني فطريقك للكوافتيرة دي اصل بقالي زمان مرحتش ليهي ههههههههه

[دره بنقابي 55]

_{ازيك يا خاله ستيته وحشاني والله هي فين طنط مسعده دي متخليها تيجي تاخدنا في طريقها للكوفتيره وليها عندي خمسييييييييييييييييييييييييييييييييييييييييييييييييييييييييين قرش بحالهم}

[هبة عبد العظيم نور 2042]

اه ياني تعبت من اللف على نساوين الكفر

 

قطيعة تقطع كاتوفير انصاف على انصاف في ساعة واحدي

 

 

 

 

عواف يا خالة ستيتي

 

الله يعافيكي يا بت يا مسعدي تعالي مصي قصب

 

إيوا يا خالة انتي قاعدة تحت السجرة تمصي قصب وسايبة الكفر بحريمه ومروقة دماغك

 

اعوذ بالله من القر والحسد . وماله يابت لما اروق دماغي وامصلي كام عود قصب . وبعدين مالهم حريم الكفر

 

 

مش عايزين يروحو الكاتوفير يا خالة

 

كاتوفيه دا ايه يابت

 

كاتوفير انصاف ام كدش

 

يختي هي كانت انصاف من اساسه بتسرح شعرهي ولا بتستحمى عشان تسرح شعر النساوين

 

اني ماليش دعوة يا خالة بالكلام دي . هي قالتلي هتديني ع الراس خمسين قرش

 

راس كرنب ولا راس بصل يابت

 

يوه . لا يا خالة روس حريم الكفر

 

يا مصيبتي انتو ناوين تدبحوهم زي ريا وسكينة يابت يا رئيسة العصابة انتي

 

يا خالة ندبحهم ايه بس انا هاخدهم لانصاف تصبغلوهم شعرهم وتنضفهم زي بتوع البندر

 

اني يختي مش فاهمة حاجي وروحي شوفي مصالحك وفارقيني .طريقك اخضر

 

بقولك ايه يا خالة . ماتيجي تششوري شعرك وتركبي ليمبز عشان اخد خمسين قرش

 

خمسين عفريت ينططوكي يا قليلة الربايي . انتي يابت جاية تتمهزئي عليي وتقلي قيمتي

 

خلاص يا خالة خلاص . اني رايحة اكمل المسيرة

[هبة عبد العظيم نور 2042]

وبعدين

 

ايه الحل دلوقتي

 

هقعد الف على الحريم كدي وواحدة توافق وعشرة يقفلوا الباب في وشي

 

اني لازمن اشوف حل يجيبهم على ملا وشهم

 

اعمل ايه اعمل ايه اعمل ايه . إيوا خلاص لقيتهي

 

 

 

 

 

 

 

عواف يا بت يا بهاني

 

الله يعافيكي يا مسعدي

 

اسكتي يابت مش فيه لجنة كبيرة اوي من حريم البندر هتيجي تفتش على شعر وضوافر حريم الكفر

 

واللي شعرهي هيعجبهم هيفسحوهي في سفينة الفضاء ويودوها القمر تقعد عشرة تيام بلياليهم

 

يوه يوه يوه القمر نوبة واحدي

 

اومال يابت اومال اني هضحك عليكي ولا هغشك

 

يعني اني لو شعري عجبهم هروح القمر واتفسح براحتي

 

ايوا يابت ايوا

 

وهروح لوحدي ولا هاخد جوزي والعيال

 

لا يختي لوحدك دا ايه . هتروحي انتي وجوزك و عيالك اومال ايه

 

يا حلاوة يا ولاد . طب بس هسيب البهايم والبط والوز لمين عشان يراعيهم

 

يوه ما انتي هاتخديهم معاكي يابت

 

طب وامي وحماتي

 

جرا ايه يختي . انتي عايزة تطلعي القمر وتوقعيه فوق دماغنا ولا ايه

 

خلاص زي بعضه ابقى اخدهم نوبة تانيي

 

هو انتي فاكري يابت يا بهاني انهم هيرضو يسفركو القمر بشعرك المعفن دي

 

ماله شعري يختي

 

دانتي كل شعرة فوق دماغك مخاصمة اختهي وقاعدة في ركن لوحديهي

 

طب واصالحهم على بعض ازاي عشان انجح واروح القمر

 

عليكي وعلى انصاف يابت تهتم بشعرك وتسرحولك وتخليه حرير في حرير

 

 

حالا حالا هجري على انصاف . دي سفرية للقمر مش اي حاجي

 

 

ما تنسيش يابت تحضري البظابورط

 

ايوا حاضر اني فاهمي كل حاجة

 

 

لا اني لازمن ازود عمولتي واخليهي خمسة وخمسين قرش

[هبة عبد العظيم نور 2042]

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

 

اجري يابت الحقي اتوبيس القمر لحسن هيطلع

[هبة عبد العظيم نور 2042]

متااااااااااااااااااااااااااابعه

:))

 

متااااااااااااااااااااااااااابعه

:))

 

 

يا ام ضحكة جنان انتي يا حلوة ههههههههههه

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

هههههههههههههههههههههههه

 

 

وحشنى كلامك يا خاله والله

 

ايوة صح يا خاله المفروض الست ميننا تتهندم لجوزها وتروح عند الكوتفيرة او نجيب الحاجات اللى عن الكوتافيرة دية وتحطها فى بيتها وتبقى هى كوتافيرة نفسها علشات تخلى جوزهى سعيد بيها

 

اجري يابت الحقي اتوبيس القمر لحسن هيطلع

[هبة عبد العظيم نور 2042]

السلام عليكم ورحمة الله وبركاته

^___^

جميل أن تهتم المرأة بنفسها

ليس فقط من أجل زوجها ..وإنما لتسعد نفسها أولا

بورك فيك هبة الغالية

وأكيد نتابع معك :)

 

 

تنورينا يا ابلة سجودة يا كبيرة البندر

 

قوليلهم يا ابلة عشان مدوخين مسعدي

[هبة عبد العظيم نور 2042]

متااااااااااااااااااااااااااابعه

متااااااااااااااااااااااااااابعه

 

 

 

 

 

 

 

 

مش فاهمة ولا كلمي يا ست معتزة يختي

 

نورتي الكفر يا نضري

السلام عليكم ورحمة الله وبركاته

^___^

جميل أن تهتم المرأة بنفسها

ليس فقط من أجل زوجها ..وإنما لتسعد نفسها أولا

بورك فيك هبة الغالية

وأكيد نتابع معك :)

 

 

تنورينا يا ابلة سجودة يا كبيرة البندر

 

قوليلهم يا ابلة عشان مدوخين مسعدي