اذهبي الى المحتوى
~ أم العبادلة ~

مع قائمة طعام مأكولاتي مش هتحتاري بعد اليوم ^_^

المشاركات التي تم ترشيحها

السلام عليكم ورحمة الله وبركاته،

طبعا الكل تعب من هناكل ايه النهاردة

وأنا أولكم

جربت اعمل جدول فيه أكلات شهر كامل وكان جميل جدا ومريح للجيب والذهن

يعني موفر وفي نفس الوقت يريحني من التفكير

بس احنا ملينا من نفس الاكل وعايزين تغيير

فتعبت من التفكير اعمل ايه اعمل ايه خصوصا ان زوجي اليومين دول زاهد الأكل ومش قابل اي شيء وممكن يريح نفسه ويشتري اكل من بره وطبعا مكلف جدا

فقلت ليه ما اعملشي زي المطاعم واعمل قائمة اكلات بكل انواعها وكل يوم اعطيه القائمة يختار (حاجة ملوكي)

وطبعا بما انه هو اللي بيشتري حاجة البيت فما فيش شكوى من عدم توفر مكونات الاكلة والحمدلله اصبح الامر ممتع ومريح

فقلت اشارككم بقائمة مأكولاتي، طبعا في اكلات مستحيل نأكلها غير مرة بالسنة بس انا وضعت كل شيء خطر على بالي من اكلات بنحبها

وطبعا هتلاقوا اكلات ما ذكرتها

بس المهم النتيجة اكلات كثيييييييييييييييييييييييييرة جدا ومتنوعة

وممكن انت تستخدميها مع اهلك بدون ما يختاروا علشان ملا يختاروا شيء غير متوفر مكوناته

اتكلمنا كتير، تفضلوا الجدول

هتلاقوه مقسم كالتالي

افطار/عشاء

اسماك

لحوم مفرومة

لحوم

فراخ

طيور

سادة

طبيخ

قائمة الطعام.doc

  • معجبة 7

شارك هذه المشاركه


رابط المشاركه
شارك

السلام عليك ورحمة الله وبركاته

^__^

جميل اللهم بارك

أعجبتني الفكرة ,,والأكلات متنوعة

وممكن كل منا تقوم بإضافة أكلات أخرى محببة لها أو متعودة عليها

إن شاء الله أقوم بطباعتها والعمل بها ( مع أنني هذه الفترة بصراحة ما بقدر أعمل شيء )

الله ييسر

وجزاك الله خيرا

شارك هذه المشاركه


رابط المشاركه
شارك

هو انا مش عرفه أحمل الملف ازاي انا نزلته بس مش شغال

 

جزاك الله خيرا مقدما

شارك هذه المشاركه


رابط المشاركه
شارك

جمييييل جداا يا ام عبد المهيمن

 

ممكن تجربي

ساندوتش طعميه وعليها بيض وقطع بصل

 

وكمان ساندوتش بطاطس محمرة وعليها بيض مسلوق ورشة كمون

خطير دا

 

 

 

 

درة

لازم يكون عندك الاوفس علشان يشتغل

شارك هذه المشاركه


رابط المشاركه
شارك

بارك الله فيك حبيبتي

فكرة حلوة اوي

المأكولات بتاعتك موجودة بالملف المرفق؟

شارك هذه المشاركه


رابط المشاركه
شارك

فكرة رووعة بصراحة مميزة

بس إحنا عندنا كتير أشياء غير وأكلات مش موجودة بس أكلاتكم تحفة

تسلم إ يديكِ يا حبيبة ابدعتي بجد ^_^

شارك هذه المشاركه


رابط المشاركه
شارك

وعليكم السلام ورحمة الله وبركاته،

بورك فيكن يا غاليات والحلوات اللي مروا بدون رد يا ريت ما ينسوني بدعوة حلوة في ظهر الغيب

 

ساجدة

انا كمان هطبعها واغلفها بلاستيك زي المحلات علشان الاولاد ما يقطعهوش

هي بصراحة مريحة بس زوجي بدأ يزهق وقالي اختاري انت مرة بدل ما بختار انا كل يوم @[email protected]

 

درة

لو ما اشتغلشي عرفيني وانا انسخ لك الكلام هنا وانت انقليه عندك

 

ماريا

جميلة اقتراحاتك بس القولون ما بيستحمل طعية وبيض ولا طعمية وبصل : )

 

ام زياد

اظنها موجودة بالملف، ولا انا ضحكت عليكم ووضعت ملف فارغ ؟؟ : )

 

حواء

خلاص خدي الفكرة وغيري الاكلات

 

ليل المستغفرين

لا ما تخافي لاني كتبت وجبات وليس اكلات يعني الوجبة شاملة طبق رئيسي وسلطة وغيره

الافطار والعشاء فقط ممكن يسرح فيهم

 

مسلمة

ويسلم مرورك الجميل

شارك هذه المشاركه


رابط المشاركه
شارك

يا ريت فعلا حد متطوع ينسخه وينزله هنا في الصفحه هادعيله بظهر الغيب

 

فكره جميله فعلا ربنا يبارك فيكي

شارك هذه المشاركه


رابط المشاركه
شارك

فكرة رائهة اللهم بارك استفدت منها كثير ^^

شارك هذه المشاركه


رابط المشاركه
شارك

اللهم بارك ابدعتي يا حبيبة

افكر في تجريبها باذن الله

للمغربيات مثلي يمكنكن الاستعانة بهذه المدونة http://www.oumaymen.com/?p=4975

شارك هذه المشاركه


رابط المشاركه
شارك

سبحان الله ما تخيلت أبدًا الفكرة تعجبكم هكذا، ظنيتها فكرة عادية

طيب كويس اني وضعتها

للأخوات اللي مش عارفين يحملوا الملف، ها هي الأكلات ولما تضعوها في ملف الوورد خلوا بالصفحة عمودان حتى تظهر تماما مثل قائمة المطاعم

مثل هذه الصورة

post-35377-0-57134800-1346842367.jpg

post-35377-0-69453700-1346842378.jpg

 

وها هي الأكلات

 

الإفطار/العشاء:

  • ساندوتشات طعمية بالطماطم والخيار والطحينة
  • ساندوتشات فول
  • ساندوتشات بيض
  • ساندوتشات جبنة
  • ساندوتشات مربي/حلاوة
  • ساندوتشات شاورما
  • ساندوتشات كبدة
  • توست بالجبنة والطماطم/ قشطة ومربى
  • فول بالطحينة
  • فول بالخلطة (طحينة-طماطم-خيار-كمون –زيت- ليمون)
  • فول بالبيض المقلي/مسلوق
  • فول بالنقانق
  • فول بالتخديعة (ثوم وصلصة)
  • فول بالطماطم
  • بطاطس مهروسة
  • بطاطس محمروسة بالبقدونس
  • بطاطس مهروسة بالبقدونس ومحمرةبالبيض والبقسماط
  • بطاطس مهروسة بالبيض
  • بطاطس محمرة
  • بيض مسلوق
  • بيض مسلوق محمر بالسمنة
  • بيض مسلوق ومحمر مع النقانق
  • بيض مقلي / بيض عيون
  • بيض بالنقانق
  • بيض بالسجق
  • بيض بالبصل والطماطم والفلفل الاخضر
  • بيض بالطماطم
  • بيض بخلطة البيتزا (خضار ولحمة مفرومة)
  • عجة بيض
  • زبادي
  • عسل اسود بالطحينة
  • مربي/حلاوة
  • جبنة بيضاء
  • جبنة قديمة
  • جبنة قريش بالطماطم والخيار
  • جبنة صفراء (رومي/شيدر/...)
  • جبنة بالبطيخ
  • قشطة
  • طعمية
  • بليلة/ارز باللبن/تسقية لبن
  • قراقيش بالعجوة + حليب
  • فطير + عسل اسود + جبنة قديمة
  • بيتزا/
  • فطائر/كيك
  • مسقعة
  • رنجة
  • برجر
  • نقانق
  • عدس بشعيرية
  • تونة

 

 

الغذاء

 

اللحوم المفرومة:

  • كفتة الأرز + أرز بشعيرية + سلطة
  • صينية بطاطس محشية لحمة مفرومة + أرز بشعيرية + سلطة
  • ساندوتشات كفتة بالسلطة والطحينة + بطاطس محمرة + مخلل/جرجير
  • بسلة باللحمة المفرومة + أرز + سلطة
  • حواوشي + بطاطس محمرة + سلطة
  • مكرونة باللحمة المفرومة + بطاطس محمرة + سلطة
  • بيض مغلف باللحمة المفرومة + بطاطس مهروسة مغلفة باللحمة المفرومة + مكرونة + سلطة
  • صينية كفتة بالفرن تحتها شرائح بطاطس + مكرونة + سلطة
  • صينية رقاق باللحمة المفرومة + بطاطس محمرة + سلطة
  • سجق بالصلصة
  • صينية كوسة محشية لحمة مفرومة + ارز + سلطة
  • صينية قرنبيط باللحمة المفرومة + ارز + سلطة
  • مكرونة بشاميل + سلطة
  • صينية كرات الكفتة بالبطاطس + ارز + سلطة
  • صينية كرات الكفتة بالكوسة + ارز + سلطة
  • بطاطس بوريه (باللحمة المفرومة) + عيش + سلطة

فراخ:

  • أصابع الفراخ + بطاطس محمرة + مكرونة + سلطة
  • فراخ محمرة + أرز + طبيخ + سلطة
  • فراخ محمرة + ارز بالخضار + سلطة
  • فراخ مشوية (شواية/فرن) + شيش طاووق + عيش + سلطة
  • صينية فراخ بالبطاطس + ارز + سلطة
  • فراخ فيليه + بطاطس محمرة + مكرونة + سلطة
  • برجر فراخ (فيليه + فلفل اخضر + بصل + طحينة + طماطم) + بطاطس محمرة
  • مكرونة بصلصة صدور الفراخ + بطاطس محمرة + سلطة
  • فراخ بالبصل + ارز + خضار سوتيه + سلطة
  • كفتة فراخ بانيه + بطاطس محمرة + عيش برجر + شرائح خضار
  • صينية دجاج بالبطاطس والبازلاء + ارز + سلطة

طيور:

  • حمام محشي ارز/فريك + لسان العصفور + بطاطس محمرة + سلطة
  • طاجن أرز بالحمام + سلطة + لسان العصفور

اللحوم:

  • خضار سوتيه + لحمة محمرة + لسان العصفور + أرز معمر
  • محشي + لحمة مسلوقة + سلطة
  • أرز باللحمة + بطاطس محمرة + لسان العصفور + سلطة
  • أرز بالبسلة والجزر والبيض + لحمة محمرة + سلطة
  • لحمة مشوية بالفرن + بطاطس محمرة + عيش + سلطة شرائح + طحينة + بابا غنوج
  • ملوخية/سبانخ + شوربة لحم + أرز + سلطة
  • كباب حلة + بطاطس محمرة + أرز + سلطة
  • صينية بطاطس/خضار باللحمة + ارز معمر + سلطة
  • فتة ارز بالصلصة + لحمة محمرة + لسان العصفور + سلطة
  • بفتيك بالبيض والبقسماط + بطاطس محمرة + مكرونة/عيش + سلطة

أسماك:

  • سمك مقلي + أرز بني + سلطة
  • جمبري مشوح بالبصل والفلفل الأخضر + أرز بشوربة الجمبري + سلطة
  • سمك مشوي + جرجير + طحينة + عيش
  • صينية جمبري بالبصل والفلفل الأخضر + عيش + سلطة
  • كابوريا + عيش + طحينة
  • جمبري بالبيض والبقسماط + بطاطس محمرة + مكرونة + سلطة
  • شوربة المأكولات البحرية + سمك فيليه
  • كبسة السبيط + سبيط بالصلصة + سلطة خضراء
  • كفتة جمبري + بطاطس محمرة + مكرونة + سلطة
  • صينية سردين + عيش + جرجير
  • فسيخ/سردين/رنجة + عيش + بصل اخضر

سادة:

  • قرنبيط + سلطة + بطاطس محمرة + عيش
  • كشري + دقة + صلصة + سلطة
  • صينية حمص بالبيض + عيش/أرز + سلطة
  • مكرونة + بيض مسلوق + بطاطس محمرة + سلطة
  • شوربة عدس + عيش محمص + مخلل
  • فول بالصلصة/بالطحينة + عيش + بطاطس محمرة/مهروسة + فلفل اخضر + بيض مسلوق + جرجير
  • مسقعة + بطاطس محمرة + عيش + سلطة
  • عيش + جرجير + عجة بالبيض والخضار + باذنجان وفلفل مقلي

طبيخ:

  • لوبيا
  • فاصوليا
  • بسلة بالجزر
  • خضار مشكل
  • بامية
  • دقية البامية

كبدة وكلاوي:

  • أرز بالخلطة (كبدة وقوانص) + لسان العصفور + سلطة
  • كوارع + فتة ارز + سلطة
  • كبدة اسكندارني + بطاطس محمرة + عيش + سلطة
  • كبدة مشوية + عيش + سلطة
  • كبدة بالبيض والبقسماط + مكرونة + سلطة
  • صينية كبدة بشرائح الخضار + عيش + سلطة

  • معجبة 2

شارك هذه المشاركه


رابط المشاركه
شارك

جزاك الله خيرا حبيبتي تعبتك معايا

 

بس لي سؤال تحدي ( أو ) في بيت الشعر الذي في توقيعك معناها ايه؟

شارك هذه المشاركه


رابط المشاركه
شارك

جميل جدا ماشاء الله

أنا عندي قائمة بس على قدي كده وصغيرة

دي ماشاء الله قائمة بوفيه مفتوح

 

لكن لا تنسي عنصر المفاجأة في الطعام

شارك هذه المشاركه


رابط المشاركه
شارك

السلام عليكن ورحمة الله وبركاته

 

موضوع رائع

جزاك الله خيرا ام العبادله الحبيبه

أكثر حاجه بتجعلني أشعر بالملل "هناكل أيه النهارده؟"ههههههه

شارك هذه المشاركه


رابط المشاركه
شارك

اللهم بارك يا أم عبد الرحمن قائمة طويلة عريضة

 

هي نافعة جدا لكثير منا

 

>> لكن كثير من الوجبات لا أعرف منها إلا اسمها :/

 

ربي يعين

 

مودة شكرا على القائمة الخاصة بالمغاربة ^_^

شارك هذه المشاركه


رابط المشاركه
شارك

جزاك الله خيرا حبيبتي تعبتك معايا

 

بس لي سؤال تحدي ( أو ) في بيت الشعر الذي في توقيعك معناها ايه؟

وجزيتِ خيرا يا غالية

لأستسهلنَّ الصعبَ أو أدركَ المُنى ... فما انقادتِ الآمالُ إلّا لصابرِ

تقصدي هذا البيت ؟؟

هو خاص بطلبة العلم او من له هدف ذكرته احدى الاخوات وقالت انها سمعته من شيخ يقول انه دوما يردده وكان كحافظ على على الاستمرار وهي اقتدت به ووجدت له تأثير كبير على الانجاز

ومعناه اني لن استصعب اي شيء امامي من مذاكرة او حفظ او غيره بل سأقنع نفسي بسهولتها وسأجعل تلك الطريقة منهج لي حتى يدركني الموت

فما انقادت الامال الا لصابر اي امالنا التي تنتمنيها لن تتحقق الا للانسان الصبور الذي يسعى اليها وهو يعلم انه لابد ان يصبر ويصبر ويصبر حتى ينالها

  • معجبة 3

شارك هذه المشاركه


رابط المشاركه
شارك

سجودي، اي عنصر مفاجأة ؟ لو تقصدي ان أفاجئه بشيء فقد حاولت واما يكون شيء اكتشف انه لم يحبه او شيء يحبه لكنه نفسيا لا يقبل اكله في ذاك اليوم يعني دائما يضيع تعبي لذلك افضل ان يختار هو

 

ام جنى، اخيرا هترتاحي

 

بسومة، اتبعي نفس الفكرة بأكلات من عندكم فيصير عندك جدول مشابه بس باكلات مغربية

شارك هذه المشاركه


رابط المشاركه
شارك

السلام عليكم ورحمة الله وبركاته

جــــــــــزاك الله الفردوس الأعلى

شلتي عني هــــم كبيـــــــــــــــر ^ ^

تم تعديل بواسطة أمة الإسلام بشرى

شارك هذه المشاركه


رابط المشاركه
شارك

وعليكم السلام ورحمة الله وبركاته ،،

 

فكرة فعلا جميلة بارك الله فيكِ يا حبيبة

ولكنني متأكدة أن زوجي لن يختار ويترك الإختيار لي ، هوّ ما بيحب وجع الدماغ :)

شارك هذه المشاركه


رابط المشاركه
شارك

بورك في كل من مروا

 

درة الغالية

طيب المنى هي مفرد الأماني

وبالتالي المعنى سيكون سأجعل رؤيتي لكل شيء أنه سهل أو تبقى أماني

فإما استسهل الصعب ويسير سهل وأحقق ما أتمناه

أو أظل أعيش في الأماني والأحلام حتى ادرك (اي اصل) لعالم الاحلام

اظن هذا قد يكون معناها

في البداية ظننت انها المنية اي الموت لكني انتبهت انها المُنَى مفرد الاماني

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×