جهاز العروسة & ملف شامل لكل مستلزمات العروسة &

[~ماريا~ 1340]

4. ملابس العروس المريحة بالبيت

 

(لصباح مريح في ترتيب المنزل والطبخ)

 

 

يفضل تكون ملابس صباحية مريحة والافضل تكون من القطن ليسهل عليك الحركة والعمل وتمتص العرق وطبعا تكون شيك

 

 

قد تكون استرتش وبلوزة طويلة او عباية قصيرة للركبة او اي شيء مريح ويكون بعضه مناسب للحمل والبعض الاخر مناسب للبسه امام الاولاد حتى لا تضطري للحرمان من ملابسك بعد سنوات قليلة من زواجك

 

 

 

 

 

 

 

 

 

 

 

 

5. ملابس العروس الشيك لزوجها

 

(فساتين – بلوزات – بناطيل – تنورات – عبايات شيك) بعضها مناسب للحامل

 

 

 

 

 

 

6. ملابس العروس للاستقبال

 

الاهل والصديقات والمحارم (ساترة وأنيقة) بعضها مناسب للحامل

 

7. ملابس العروس في الخروج

 

 

(واسعة وفضفاضة)

 

 

ويفضل ان تقسم الي قسم للمناسبات وقسم للخروج اليومي العادي

 

تاااااابعونا

[(أم *سارة*) 981]

انواع مكواة الشعر وأفضلها : كل اخت تفيدنا بما لديها وما تنصحنا به

 

موضوع رائع بارك الله بكن يا حبيبات

وبما إني لسة مجهزة بنتي فممكن أفيد

بالنسبة لمكواة الشعر أفضل الأنواع براون السيراميك ولكن هناك ملحوظة هامة

لا يجب استعمال المكواة والشعر مبلل يجب اولا تجفيف الشعر عن طريق فرشة الاستشوار

مع وضع كريم مرطب للشعر حتى لا يتقصف كريم وليس زيت شعر

ماكينات الحلاقة وانواعها وماركاتها : كل اخت تشاركنا بتجربتها

 

ماكينات الحلاقة لا أفضلها للبنات لأنها تجعل المنطقة المستعملة فيها خشنة مثل ذقن الرجال

يمكن استعمال إيزي سويت أفضل كثيرا غير أنها تعمل على تجديد البشرة

ويمكن استعمال ماكينة براون سيلك أبيل فهي تقوم بنفس العمل وبسهولة

 

*****************************************

أما فيما يخص الملابس فلا تنسوا الملابس القطنيةحذاري من دخول المطبخ بالملابس الصناعية

فهي خطر وتلقط النار سريعا والأندرات يجب شراء جزء منها قطني وخاصة للخروج وأثناء الدورة منعا للتسلخات

لما تدخلو لأدوات المطبخ والسفرة ومفروشات المنزل نبهوني انا في الخدمة

وعقبال كل بنات المنتدى والمسلمين

 

وردا على كلام ماريا أن العروس المصرية مظلومة لانها تنفق كثيرا بل أنها تنفق أكثر من العريس نفسه

أقول لها لا تزعلي في بعض مناطق أسيا عندما ينجب أحدهم فتاة فإنه يقوم بتحويش المهر من يوم ولادة البنت حتى يتقدم لها العريس

ويعطيه له حتى يرضى بالزواج من ابنته وإلا ستكون البنت عانس ولن تجد من يتزوجها وكل بنت عريسها كويس او وحش على قد المهر اللي هتدفعه ^_____________^ فالحمد لله على الأقل العريس عندنا بيجيب خشب الغرف صحيح ما لوش دعوة بأي حاجة تانية بس أحسن من ما فيش

[* صبيحة * 59]

كلها راااائعة :)

 

المشكلة لو العروسة سكنت مع اهل زوجها قد تحرم من لبس مثل بعض هذه الملابس

و الحل ..انها فقط تلبس مثل هذه الملابس في غرفتها ،ولا حلّ اخر ..الحمد لله

[~ أم العبادلة ~ 1903]

بالنسبة لمكواة الشعر أفضل الأنواع براون السيراميك ولكن هناك ملحوظة هامة

 

لا يجب استعمال المكواة والشعر مبلل يجب اولا تجفيف الشعر عن طريق فرشة الاستشوار

هناك مكواة سيراميك خاصة بالشعر المبلل وهي عملية اكثر لانها تصلح للشعر المبلل والجاف

 

ماكينات الحلاقة لا أفضلها للبنات لأنها تجعل المنطقة المستعملة فيها خشنة مثل ذقن الرجال

 

يمكن استعمال إيزي سويت أفضل كثيرا غير أنها تعمل على تجديد البشرة

ويمكن استعمال ماكينة براون سيلك أبيل فهي تقوم بنفس العمل وبسهولة

لكن السنة هو الحلاقة

والعيب ليس بالحلاقة بل بالوسيلة المستخدمة

ماكينة براون يوجد معها جزء للحلاقة وهو لا يسبب خشونة اطلاقا لانه يعتمد على قص الشعر وليس قطعه والقص لا يجعل الشعر خشن بل يجعله ناعم

كما انه سهل الاستخدام وسريع وعملي وليس بمؤلم

[~ماريا~ 1340]

حيا الله الغاليات

يسعدنا ها التفاعل الرائع

كل الي عندها حاجه تقولها وما تكسل

واستفيدو من منال

ما تتركوها :))

نتمنى الافاده للجميع

[سُندس واستبرق 4686]

وعليكم اللام ورحمة الله وبركاته

 

ملف رائع اللهم بارك

بوركت جهودكنّ يا حبيبات ، وجعله في موازين حسناتكن .

[هبة نور 2043]

ما شاء الله

بوركت الجهود الرائعة

 

أولا بالنسبة لمكواة الشعر وماكينة براون

مكواة الشعر كثرتها مضر جدا للشعر فاذا كان هناك أي طرق بديلة للعناية بالشعر بدون تعريضه للحرارة يكون أفضل طبعا

ماكينة براون رائعة جدا ومفيدة بدرجة تفوق الوصف لكن مافي داعي للتزيد اثناء شرائها

واختيار الموديلات كثيرة القطع فهي غالية على الفاضي

وبالنهاية لا تستخدمين منها الا قطعتين والباقي يتركنوا

 

قمصان النوم رأيي ان العروسة ما تكثر منها وده لسببين مهمين جدا

اولا هي بعد الزواج هتعرف زوق زوجها وهتختار موديلات تعجبه

وثانيا كل يوم بتخرج موديلات احدث واشيك يعني كل فترة تشتري قميص يعجبها أحسن ما تجيب كمية كبيرة قبل الزواج مع الوقت تصبح موضة قديمة :)

 

هبه

طبعا الشباشب واحد للبيت وواحد للخروجات القريبة أو الطلبات بس عجبتني جدا فكرة شبشب المطبخ

بالنسبة لي جديدة O_o

وطبعا ملابس الخروج المتبرجة بتكون رائعة بالبيت وبتعطي للزوجة سمت رائع امام زوجها

وفي هذا الزمان بالذات الأفضل للملتزمة أن تتبع خطوط الموضى في بيتها حتى تعف زوجها وتساعده على غض البصر مما يراه في الشوارع والمولات وغيرها

 

أختي صبيحة

عذرا حبيبتي لا يسمح بعرض الفستان على موديل حتى ولم لم يظهر الوجه لأن الجسم متحدد

 

 

 

 

اصل يا فدوى يختي فكرة شبشب المطبخ ده انا استحدثتها بعد جوازي هههههههههههههههههه

 

انا متعودة البس شبشب في رجلي ومش بتحرك من غيره فطبعا بدخل بيه المطبخ كمان

 

فدخلت مرة اوضة النوم لقيت بذرة فلفل على السجادة ههههههههههههههههههه

 

قولت اكيد جت معايا من المطبخ ولزقت في الشبشب

 

فروحت مقررة اخلي شبشب للمطبخ لوحده حفاظا عن نضافة سجاد الشقة

 

لان طبيعي في المطبخ بتقع حاجة كدة ولا كدة وطبعا بنضفها في ساعتها الحمدلله بس ممكن بذرة فلفل تستهبل وتلزق في الشبشب

 

 

لكن يا جماعة الا مش بتحب الشباشب وبتمشي حافية يبقى كفاية عليها شبشب الحمام ههههههههههههههههه

[**أم سلمى** 657]

فكرة الموضوع راااااااااائعة

بارك الله فيكم

متابعة معكم

[**أم سلمى** 657]

كريمات واشياء للعناية بالشعر باستمرار

 

 

بالنسبة لكريمات الشعر

كنت بستعمل فتيكا بالصبار بيخلى ريحة الشعر حلوة

لكن انا من طبعى بحب التغير

فغيرت ل فازلين طبي وارتحت معاه اكتر من فاتيكا

بيخلى الشعر بيلمع لفترة طويلة وبيفرد الشعر لما تلفى شعرك حطى منه وبيخلى الشعر اكنه مكوى وعليه اسبراى بجد راااااااائع عن تجربتى الشخصية

العلبه وسعرها 30 جنيه حسب حجم العلبة

 

 

نيجى للشامبوا

سباركل جميلانا بستعمله باستمرر

اغسلى بيه شعرك مرتين فى الاسبوع وادهنينه بالفازلين بيكون جميل

 

 

 

حمام الكريم انا بستعمله العبوه ب3 جنيه جميل ومغذى للشعر اسمه بوناويل

 

 

كريمات للبشرة

كريم ايفا للبشرة الجافة مرطب فعال

عن تجربة

 

وكريم بى وايت لتفتيح البشرة الليلى والنهارى

 

انواع مكواة الشعر وأفضلها : كل اخت تفيدنا بما لديها وما تنصحنا به

 

 

بالنسبة لمكوة الشعر انا اشتريت واحده صينى بس شغالة -_-

انا بنصح كل عروسه انها تلف شعرها طقيه ولو مش بتعرف تلفه

تسرحه الى الامام وتلفه كعكه واول ما ينشف ترجعه وتدهنه بالفازلين بيكون احسن من المكواه

انا ركنت المكواه للمناسبات وبلفه طقيه

بس دلوقتى انا عملته فرد اسمه بيويوينت فرد شعرى وخلاه ناعم ونسبة الكيماوى اللى فيه قليله

العبوة ب9 جنيه انا جيبت عبوتين وعملت بيهم شعرى

 

مش بيحرق الشعر زى جلات :(

 

 

 

ماكينات الحلاقة وانواعها وماركاتها : كل اخت تشاركنا بتجربتها

 

 

انا مجربتهاش ومش هجربها -_-

 

مفيش احسن من الطبيعى"السويت" :D

[**أم سلمى** 657]

وحاجه كمان اوعى تنسيها الاستشوار

لما تيجى تشتريه اسئلى الكوافيره على اسم النوع اللى هى بتستخدمه وهاتى زيه

[**أم سلمى** 657]

مكياج:

اولا شنطة المكياج واحده تكون فى البيت واحده للادوات اللى هتستخدميها باستمرار

 

 

اول حاجه تجبيها بودرة التفتيح المائية بتجيبيها حسب لون بشرتك

ودى انا مجرباها وسعرها 30 جنيه

 

 

 

تانى حاجه الايشادوا

ودى علبه 250جنيه من وسط البلد

 

قلم الكحل

الكحل السايل ده جميل جداااا

وده العادى حلو ب 30 جنيه عن تجربة

 

اقلام روج الالوان تختاريها حسب زوقك وفى منها السايل جميل

 

 

بلاشر لوجناتك ألوان الوردي والفوشي والمشمشي(الاقرب للون الطبيعي)

 

مناكير الوان احمر نبيذي وردي بصلي شفاف وابيض

 

. مجموعة فراشي مكياج احجام واشكال مختلفة

 

مجموعة اسفنج لتوزيع المكياج على الوجه

 

ماسكارا سوداء للرموش

 

[**أم سلمى** 657]

بودرة التشقير للجسم وانواعها وماركاتها

معنديش فكرة عنها

بس انا بستعم للحواجب

بجيب كيس بودرة تفتيح واكسجين وبعملها فى البيت

 

فرشاة الاسنان والسواك

انا بستعمل الفرشاة الصغيرة للاطفال

:P

ودى صورة منها بس بتاعتى ارنوب :D

[**أم سلمى** 657]

اكسسوارات الشعر من توك وغيرها

دى اكتر حاجه جبتها فى الجهاز وبتجيبيها حسب الملابس اللى عندك

والى الان بحب انى اجدد فى التوك وكل ما توكه تنزل جديده اشتريها

وتجيبى التوك حسب اللبس اللى هتجيبيه يعنى تطقمى

يعنى انا كل ترنج اشتريه اجيب معاه توكه :D

وعشان تحافظى على التوك اغسليها بشوية شامبو بتبقى اكنها جديديدة

 

هاتى البنس العاديه عشان لما تلفى شعرك طقيه

 

 

والبكر لو بتحبى تلفى شعرك بيه

 

دى بقى مجموعة التوك الاساسيه

دى ملاقط للشعر

لسه جايبه واحده زى دى

والتوك الطوق فى اشكال منها كتير حلوه منها العادى والسلك واسعارها بتبدأ من 2 جنيه ونصف وفى ب5 جنيه

 

 

 

والتوك الاستك

 

بأشكال عديده

والكلبسات

 

 

 

 

 

 

 

كلبسات

[~ماريا~ 1340]

يا سلام عليك يا ام سلمي

ايوة كدا يا حبيبتي ايدك معانا

 

بارك الله بك

[المحبة للزهراء 231]

السلام عليكم ورحمة الله وبركاته

 

 

موضوع جميل وممتع ومفيد بنفس الوقت

 

 

بارك الله فيكن ومتابعه معكن ان شاء الله

احنا عندنا العروسه بتجهز لنفسها كمان بس حسب قدرتها يعني مفيش خصائص معينه لازم تجيبها

 

يعني زي الملابس والمكياج والمفروشات

[~ماريا~ 1340]

8. الملابس الشتويه للعروس

 

ملابس البيت الشتويه

 

ودي ممكن تكون ( بيجامات : بديهات شتويه )

ودا للتونع مش كله بيجامات فقط

 

 

 

 

 

 

 

 

 

 

 

 

الارواب الشتويه

 

وعلي حسب اختيارك في انواع جميله قطنيه وفي القطيفه

 

 

 

 

 

 

 

 

طبعا نيجي للبرانيس

 

فيه بيعتبرها غير اساسيه وفي بيعتبرها اساسيه فمش هنختلف الي حابه تجيب تجيب

الفرح مش هيقف عليها يعني :))

 

 

 

 

 

 

نيجي لاهم حاجه اللكلوك :))

 

 

 

 

 

 

 

 

يا ريت لو في حاجه نسناها الاخوات يفكرونا ويشاركونا

وبكدا انتهينا من الملابس

ننتظر ارائكم واضافاتكم قبل ما ندخل علي قسم اخر

 

 

يتبع

[ام هانيا 35]

متابعه معكن موضوع شيق :D

[~ أم العبادلة ~ 1903]

مرمر بالنسبة للملابس الشتوي يفضل التنوع

يعني الامر لا يقتصر على الترنجات فقط

بل ممكن فساتين شتوي صوف يكون طولها للركبة وتحتها استرتش

وممكن بلوزات وتنورات

وممكن بلوزات وبناطيل جينس

 

وفي ما يشبه الأحذية والبوط الفرو والذي يلبس في البيت فقط لانه كله قماش ويكون شكله جميل وبديل للشرابات

[~ماريا~ 1340]

مرمر بالنسبة للملابس الشتوي يفضل التنوع

يعني الامر لا يقتصر على الترنجات فقط

بل ممكن فساتين شتوي صوف يكون طولها للركبة وتحتها استرتش

وممكن بلوزات وتنورات

وممكن بلوزات وبناطيل جينس

 

وفي ما يشبه الأحذية والبوط الفرو والذي يلبس في البيت فقط لانه كله قماش ويكون شكله جميل وبديل للشرابات

ايوة يا بنتي عارفه بس الصور كلها صعبه بصراحه وملفته وبتات الي لبسنها فماحبتش انقلها وكمان

نسيت اكتبها وكويس انك قلتيها

البنات بتابع الردود برضو

انا عرضت بيجاملت وبديهات والديهات اكيد مش هتلبسوها كدا اكيد في بناطيل

ولا كل واحده وحريتها ان شالله ما تلبس خالص

ههههههههههههههههههههههههههههههههه

 

تمام يا حلو

[بنت ام عبد 151]

موضوع جميل ومهم ومتابعة ومفيش وقت ارد (الله المستعان)

[**أم سلمى** 657]

فرش الشعر والامشاط

 

لازم تجيبى فرش خاصة بيكى ولزوجك

 

يعنى انتى فرشه ومشط وهو فرشه ومشط

وبتنوعى حسب حسب شعرك

يعنى الفرشه الناعمة اساسى والمشط الواسع وفرشه بلاستيك وفرشه للتصفيف ومشط لفرق الشعر

 

 

دى الفرشه الناعمة جميله جدااا وانا مش بستغنى عنها

 

 

ودى للشعر الناعم

 

 

والفرشه الباستك لازم تجيبيها لو شعرك جاف"خشن"

 

 

 

 

والامشاط بفضل تجبى المجموعه دى مع بعض

تم تعديل 14 فبراير, 2013 بواسطة فدوى المسلمي
حذف صورة

[**أم سلمى** 657]

والفلاية اهم حاجه

اوعي تفهمينى غلط لاء :D

دى مهمه عشان تسرحى بيها شعرك كل فترة من القشرة :)

[سماء الفردوس 305]

ماشاء الله يابنات الله عليكوا انتوا قولتوا عن كل حاجه حلوه ومفيده ربنا يجازيكم خير

فى حاجه بسيطه للعروسه لكن هى مهمه اوى وبتسعد العريس جدا

وهى بتجيب احتياجتها تراعى انها تختار بعض اغراض لعريسها وليست كاملها

زى مثلا ترننج مناسب لذوقه ويكون اللون اللى بيحبه كام طقم بيتى يكونوا استايل وشبشب خروج شيك وواحد للبيت

وماتنسيش البرفان المفضل عنده وفرشاه للشعر واخرى للاسنان هذه الاشياء بسيطه ولكن بتحسسه باهتمامك ليه من قبل الزواج

تم تعديل 14 فبراير, 2013 بواسطة سماء الفردوس

[~ماريا~ 1340]

ام سلمى

مشكورة يالغلا

 

سماء

 

اي نعم يا حبيبه العروسه بتعمل كدا فعلا

بتجيب للعريس طقم صيفي وطقم شتوى ولبس داخلي

وبرفانات معاها وفرش اسنان بينوبه من الحب جانب :))

[بنت ام عبد 151]

ربنا يرزق كل البنوتات بالازواج الصالحين(آمين يارب العالمين )

بس فيه ملاحظة صغيرة

السعادة ليست بكم الشراء بل بالبركة فيما اشترتيه

يعني دايما في الملابس نجعل وحدتنا أسبوع 7قطع من كل شيء

بما اننا في حاجة الي ثلاثة مجموعات من الملابس (فترة الصباح - فترة بعد الظهر - فترة النوم ) أساسي تشتري سبع قطع من كل نوع سواء شتوي أو صيفي وملابس بعد الظهر ممكن التبادل بينها بلوزة تصلح لتنورة وفي نفس الوقت تصلح لبنطلون وهكذا او بلوزتين لنفس البنطلون وخصصي قطعتين او ثلاثة للمحارم والضيوف ومش شرط عبايات ممكن جيب طويل وبلوزة والبلوزة تكون طويلة ومقفلة من الصدر او فستان محتشم وطويل يعني ممكن نجمع بين المصالح ونجعل بعض ملابس استقبال الزوج تصلح ايضا لاستقبال المحارم

واثناء شرائي لملابسي اكتشفت ان ارخص حاجة لبس المتبرجات (والله المستعان ) فحمدت الله علي العافية فيمكنك شراء الجيبات الميني والمبكرو وبديهات عليها (مش شرط الغالي )لان هذة الملابس تلبس لفترات قصيرة ولاتغسل كل مرة

وعلي فكرة اهتمي بتعطير ملابسك وكيها ان احتاجت علشان اما ترجعي لها مرة اخري تلاقيها حلوة وتفتح النفس

طبعا انا قلت سبعة علشان لا نثقل علي والدينا اما من وجدت لديها سعة فيمكنها الزيادة واعلمي ان الطاعة هي الشيء الوحيد الذي يجعلك عروسا كل ليلة في عين زوجك فالملابس ماهي الا اسباب ولا تنسي طيلة حياتك الدعاء بان بجملك الله في عين زوجك فوالله له مفعول السحر