إبنة علي 60 أرسلي تقرير عن المشاركة قامت بالمشاركة 9 أبريل, 2013 مش عارفه يا هوبه مره سمعتها ريمه ومره حليمه فتلخطبت :) بس في طبع سيء عند أم فتحي انها تبص للقمه زوجات اولادها ما أحب هذا الطبع ، يمكن ايناس مزودها بعد شويه ، لا تتاخر plz شارك هذه المشاركه رابط المشاركه شارك
أم عبدالرحمن وجنة 14 أرسلي تقرير عن المشاركة قامت بالمشاركة 10 أبريل, 2013 تسلم ايدك ياهوبه .....الاحداث بدات تسخن وربنا يعين مروة الغلبانه ولازم تروح تراضى حماتها حتى وان كانت هى المخطئه لانهم هم ضيوف عندها ودا بيتها ومايصحش تسيبه وتمشى وربنا يهديلها حماتها وتعرف انها طيبه واصيله على عكس ايناس وامها ربنا يكفينا شر الناس ال بالشكل ده ,متابعه معك بشوق ماتتاخريش علينا شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 10 أبريل, 2013 يوه . ياترى اتأخرت ليه كدة يا فتحي . الساعة داخلة على اتناشر نص الليل ياربي كل ما اتصل الاقي موبايله مقفول ترررررررررررررررن ترررررررررررررررررن مين انا يا مروة ايه يا فتحي التأخير ده كله يا حبيبي وكمان قافل موبايلك ومش عارفة اوصلك خالص معلش يا حبيبتي سهرت شوية مع جماعة اصحابي من ساعة مامتك مامشيت وانت كل يوم سهر ولا ايه يا راجل انت . واضح ان مامتك كانت معلماك الأدب ههههههههههههه وهي فين امي بس . لكن ايه ده انتي كنتي برا من ورايا ولا ايه ؟ ودي معقولة دي يا حبيبي اخرج من غير اذنك برضو اومال لابسة هدوم خروج ليه عشان نروح نجيب ماما مديحة من عند اخوك بجد يا مروة . يعني انتي فعلا عايزة تصالحي امي بنفسك طبعا يا حبيبي . مامتك ما عملتش حاجة غلط اصلا . انا بس اللي كانت اعصابي تعبانة ربنا يزيدك عقل وكمال يا حبيبتي ويخليكي ليا . بس الوقت اتأخر وما ينفعش نروح دلوقتي . زمانهم ناموا كلهم والله يا حبيبي انا لابسة وجاهزة من بدري بس انت اللي اتأخرت ما كنتش اعرف النية الجميلة اللي انتي ناوياها . انا كنت هروح فعلا اجيبها لوحدي لاني حسيت انك مالكيش رغبة تروحي معايا ظلمتني يا توحا ربنا يسامحك ههههههههههه ماتزعليش يا مروة يا حبيبة قلبي . خلاص بكرة ان شاء الله هاجي من الشغل الاقيكي جاهزة ونروح نجيبها ونتغدا عند ممدوح بالمرة ونشوف ولاده خلاص يا حبيبي اتفقنا يا ايناس ايناس يا اينااااااااااااااااس . سيبي الفرخة اللي في ايدك وكلميني ايه يا ممدوح عايزني اتكلم وانا باكل عشان ازور ولا ايه واكلمك امتى اصلا اذا كنت كل ما اشوفك الاقيكي بتاكلي . ثم في حد اصلا يفطر فراخ ع الصبح ياربي على سدة النفس واللقمة المنظورة اللي باكلها في البيت ده . نعم يا سي ممدوح اخويا فتحي ومراته جايين النهاردة المغرب اعملي حسابهم ع الغدا واعمل حسابهم ع الغدا ليه ما يتغدوا في بيتهم ولا هي تلاقيح جتت وانتي مالك انتي هو انتي بتدفعي حاجة . عندنا فراخ في التلاجة ولا طاروا ؟ انا تلاجتي ما تخلاش من الفراخ يا حبيبي . وعندنا لحمة في كيلو ونص خلاص اعملي فراخ ولحمة وكام صنف خضار كدة واعملي صنية كيك ولا بسبوسة ولا اي حاجة حلوة وانا هجيب فاكهة وانا جاي من الشغل جرا ايه يا ممدوح ايه الاكل ده كله وعشان ايه عشان اخويا ومراته اللي اول مرة يتغدوا عندنا الميزانية ما تسمحش بالحاجات دي كلها . كفاية نص كيلو لحمة وشوية رز وصنف خضار واحد والله . لا يا شيخة . ده جد ده ولا هزار عشان اضحك . ومش شايفة ان نص كيلو لحمة ده بذخ منك يلا زي بعضه .كل واحد ياخد حتة ويحمد ربنا طب بطلي استهبال وماتفضحيناش يا ممدوح لازم نوفر شوية احنا عندنا عيال وعايزين مصاريف يا سلام ! والعزومة اللي عملاناها لامك واخواتك واللي صممتي تجيبي فيها ديك رومي وحمام غير البط واللحمة والحلويات اللي صممتي نشتريها جاهزة من اكبر محل والفاكهة الاشكال والالوان اللي جبتها عشان اهلك . ماكنتيش ساعتها بتفكري في التوفير . ولا عشان اهلي مايستاهلوش زي اهل جنابك ايه ده يا ممدوح انت بتعد على اهلي الاكل ولا ايه . وبعدين انا ماقولتش حاجة غلط بصي يا ست هانم . زي ما اهلك غاليين عليكي اهلي غالين علية ولازم اكرمهم في بيتي والا والله العظيم هتشوفي مني معاملة لاهلك زي الزفت ومش هدفع مليم في عزومة لحد منهم وعلى ايه يا خويا الطيب احسن . استغفر الله العظيم منك ومن عمايلك يختي 2 شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 10 أبريل, 2013 شطورة مروة وكويس انها فضلت لابسه لحد ما جوزها وجه وشفها لابسه عجبني شخصيه ممدوح جداااا متتتاابعه شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 10 أبريل, 2013 حاسة ان اتجاهات الحلقات ومودها تغير تماما لعلها بركات الست ايناس شارك هذه المشاركه رابط المشاركه شارك
نجــ الليل ــوى 77 أرسلي تقرير عن المشاركة قامت بالمشاركة 10 أبريل, 2013 ما شاء الله عليك يا هوبة بت أروبة :D متابعة وناوية أنزل الحلقات اللي فاتتني <3 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 10 أبريل, 2013 ترررررررررررررررررررررن تررررررررررررررررررررررررررررن الو ايوة يا ايناس ازيك يا ماما الحمدلله يا حبيبتي ازيك انتي وازي العيال بخير كلهم بس انا بقى متضايقة متضايقة من ايه يا حبيبتي . اكيد من العقربة حماتك . عملتلك ايه الولية دي لا يا ماما اذا كان على حماتي هي ماشية النهاردة الحمدلله الحمدلله الحمدلله الف حمد وشكر بركة دعايا يا نوسة . انتي عارفة امك بينها وبين ربنا عمار عشان طيبة وغلبانة انا عارفة طبعا يا ماما . هو انتي في حد زيك يا مامتي يا حبيبتي اومال ايه اللي مضايقك . يكون الواد جوزك اللي عايز علقة محترمة ده ضايقك في حاجة يا ماما اديني فرصة اتكلم . هنقضيها تخمينات ولا ايه قولي يا حبيبتي انا ساكتة اهو . دلوقتي ممدوح عازم اخوه ومراته على الغدا وانا بصراحة ماليش نفس اعزم حد بتقولي مين يا بت . هي مش مرات فتحي لسة ماخلفتش ايوة يا ماما مانتي عارفة ان ده سبب زعل حماتي وانتي يا هبلة عايزة تقابليها وتشوفك وانتي حامل وتنشك عين تجيب اجلك واجل اللي في بطنك معقول يا ماما تفتكري هتحسدني اومال يعني هتسمي عليكي وهي شايفة معاكي اربع عيال والخامس في بطنك وهي مش قادرة تجيب ضفر عيل حتى يا خبر يا ماما انتي خوفتيني اوي طب اعمل ايه دلوقتي ما تقابليهاش خالص . ما تخليهاش تشوفك ازاي بس يا ماما انتي عايزة ممدوح يبهدلني بقولك ايه بلا ممدوح بلا نيلة . هو هينفعك لو جرالك حاجة ولا سقطتي . اسمعي كلام امك وامشي وراها تكسبي . السلايف عينهم وحشة اسأليني انا هو انا انسى لما جليلة مرات عمك دخلت عليا وانا حامل في مصطفى اخوكي وقالتلي اول مرة اشوف واحدة حامل ووشها منور وصحتها حلوة كدة بعيد عنك هي مشيت من هنا وانا اتدهولت وجاتلي سخونية وكنت هموت والعيل كان هيروح فيها يالهوي ياماما طب وبعدين . انا خايفة منها اوي خلاص اسمعي الكلام وما تقابليهاش طب وممدوح اتصرفي معاه ولا هو مضحي بيكي وبضناه اللي جاي وعايز يجيب اجلكو طيب يا ماما انا هتصرف تررررررررررررررررررررن ترررررررررررررررررررررررررن اهلا يا فتحي اهلا يا مدام مروة ازيك يا ممدوح وازي العيال الله يسلمك كلنا بخير اتفضلوا يا جماعة مين اللي جه يا ممدوح ده فتحي يا امي ومعاه مراته ايه اللي جابهم . مش عايزة اشوفهم ماتدخلهومليش . خليهم يمشوا كدة برضو يا امي يا حبيبتي هو انا ما وحشتكيش ولا ايه يا ست الحبايب ست الحبايب جنبك ياخويا واستغنيت عني بيها انتي ما فيش حاجة في الدنيا تغنيني عن شعرة من راسك يا امي ايوة يا واد يا بتاع الكلام الحمضان ازيك يا ماما اهلا وحشتيني البيت وحش من غيرك خالص هو اداكي كام عشان تقولي الجملة دي والله من قلبي . البيت فعلا وحش من غيرك صدقيها يا امي . مروة صممت تيجي تصالحك بنفسها يا سلام يا سعد قلبي . يا هنايا . مروة مرات ابني بجلالة قدرها جات تصالحني . مالك يا واد عمال تنفخ فيها كدة . ال جت بنفسها ال . هي تطلع مين يعني اطلع مرات ابنك اللي بتحبك وعايزة رضاكي لو عايزة تراضيني كنتي حملتي وفرحتينا بحتة عيل طب ودي حاجة بايدي يا امي ان شاء الله هتروح للدكتورة مع مامتها والدكتورة هتعمل ايه اذا كنت انت مش قادر تعمل حاجة معلش ربنا كبير وقادر يكرمنا خلاص يا ماما بقى ان شاء الله تروحي معانا النهاردة وتنوري بيتك افكر وارد عليكو ماتقول حاجة يا ممدوح انا عن نفس عايز امي تقعد معايا على طول وماتمشيش ابدا . دي جابت البركة في البيت ربنا يكرمك يا ممدوح ويسعدك دنيا واخرة ومافيش دعوة ليا انا كمان يا امي ولا ايه ربنا ينولك اللي في بالك يا فتحي يابني هي فين ايناس ؟؟؟؟؟؟؟؟؟؟؟؟؟؟؟؟؟ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 10 أبريل, 2013 ايه يا ايناس انتي لسة مالبستيش البس ليه عشان تقابلي مروة واقابلها ليه ان شاء الله . انا جهزت الاكل وكل حاجة ع السفرا روحوا كلوا ايه روحوا كلوا دي . قومي قابلي مروة وسلمي عليها مايصحش كدة يوه يا ممدوح بقى . بصراحة ماينفعش اقابلها . مروة ماخلفتش ولو شافتني وانا حامل وهي لأ هتحسدني وماما قالتلي ما تقابليهاش بقولك ايه يا ايناس شغل الستات والكلام الفاضي ده انا مااعرفوش . اللي اعرفه ان دي ضيفة في بيتنا ولازم تقابليها وترحبي بيها لأ يا ممدوح مش هقابلها لأ هتقابليها وانا مش طرطور في البيت عشان واحدة ست تمشي كلامها علية واتفضلي البسي وخلي يومك يعدي اووووووووووووووووووووف حاضر بس انت بقى المسؤول عن اي حاجة تحصلي انا والبيبي تررررررررررررن ترررررررررررررررن ايوة يا ايناس شوفتي ياماما سي ممدوح عايزني اقابل مروة واتخانق معايا وصوته علي وبعدين في الواد ده بقى اللي عامل زي الشريك المخالف . طب بصي يا ايناس نعم يا ماما فاكرة الجلابية العرة بتاع الشحاتين اللي عمتك جابتهالك وهي جاية من العمرة ايوة يا ماما دي وحشة اوي وعايزة اقصها واعملها فوط مطبخ لأ يا حبيبتي البسيها واعملي عيانة واربطي راسك بمنديل وامسكي عصايا في ايدك واطلع اضربهم بيها يا ماما ؟ لأ يا هبلة هتعملي نفسك مش قادرة تمشي والحمل مدهولك . خلي منظرك يصعب ع الكافر وبدل ماسلفتك تحسدك تصعبي عليها وتعيط عشانك والله فكرة يا ماما حاضر . انا فرحانة اوي يا ماما وهطير من الفرحة ان حماتي ماشية الحمدلله ربنا يفرحك اكتر واكتر يارب شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 10 أبريل, 2013 ام ايناس اي دا دي فظيعه والله بس علي فكره كل واحد بيفكر بطبعه هو وعلشان هي طبعها كدا مفكره كل الناس زيها شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 10 أبريل, 2013 يا خبر هوه فيه كده ايه ام ايناس دى فظيعة جداااااااااااااااا عينى عليكى يا مروة هتلاقيها منين ولا منين ما شاء الله عليكى هوبه ابداع فعلا شارك هذه المشاركه رابط المشاركه شارك
برحمتكـ استغيث 297 أرسلي تقرير عن المشاركة قامت بالمشاركة 10 أبريل, 2013 ربنا يكرمك يا خالتو والله انا كنت مخنوقة ولما قريت ودخلت في العالم دا الختقة فكت شوية الحمد لله ربنا يباركلك في موهبتك يااارب ويسعد قلبك بصراحة اكتر حد عجبني لحد دلوقتي هو ممدوح اما من ناحية مروة فأمها بردوا عجبتني جدا ام مروة وممدوح عندهم اصول وبيتعاملوا بحسن خلق منتظرين بشوق يا خالتووووو :D شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 10 أبريل, 2013 ايه ده دي ام ايناس طلعت فظيعة اوي اللهم ام فتحي ولا ام ايناس ههههه دي ام فتحي نيتها طيبة على ما اظن متابعات معك يا مبدعة =) شارك هذه المشاركه رابط المشاركه شارك
((مــريــم)) 35 أرسلي تقرير عن المشاركة قامت بالمشاركة 10 أبريل, 2013 حلوه حركات الستات دي:) شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 10 أبريل, 2013 الله المستعان. فعلا والله يا بنات بيحصل كدة وأفظع من كدة تسلم دماغك وأفكارك يا بنت يا هوبة. والله أنا شفت من ده كتير وخصوصا كمان إننا في الريف والإقتناع بالتخاريف دي زايد جدا. لكن الزوجة المحترمة دايما تجيب لأهلها الخير كله وتلاقي الكل بيدعيلها ولأبوها وأمها كمان وتبين الأصل الطيب أما سليطة اللسان فلابد وحتما أن تجلب لأهلها السب واللعن عافانا الله جميعا يارب أم فتحي طيبة أوي ربنا يهديها بالرغم من كل إللي بتعمله. أمال لو شوفتوا حماة فضلت تسخن في ابنها وتزعق وفي الآخر دخل على زوجته في الغرفة يضربها وجت تجري على برة يا عيني قامت حماتها قفلت الباب من برة وتقوله اضرب اضرب خليها تتربى . شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 10 أبريل, 2013 ههههههه حاجه صعبه شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 10 أبريل, 2013 السلام عليكن ورحمة الله وبركاته فعلا الكل بيمدح فيك يا ممدوح طلعت اسم على مسمى لازم تشكر الست هبة لأنها عرفت تختارلك اسم حلو زيها هههههههههههههه أحسن تنين هو ممدوح وأم مروة بس إيناس وأمها الله يهديهم شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 11 أبريل, 2013 اهلا حبايب قلبي ام عبد الله تسلمي ع الفتوى يا قمرة ماريا جدعة يا ماريا ايوة كدة لما مامتك تجيبلك حاجة ادي لجوزك وابعتيلي انا كمان انا زي اختك برضو هههههههههههههه اشرقت هو في الارياف بس يا اشروقة . يا بنتي دي الاشكال دي في كل حتة ساجدة للرحمن منورة والله لايكرم المرء في داره حواء اهو فتحي سمع كلامك وراح صالح امه عشان تعرفي ان انتي مش شوية وكلامك يمشي ع الكل ههههههههههههه سارة محمد طنط ام اسماعيل عايزة حزمة جرجير من عندك ههههههههههههه بنت ام عبد ايه يا ست ام مريم متابعة بصمت دي لا يا حبيبتي عايزة اشوف اراءك منورة الصفحة ماينفعش منال كامل تفتكري هتعرف قيمة مروة اشك مريم ازيك يا مريومة وحشتيني حبيبتي منورة الموضوع يا عسل المتضرعة لرب الكون حبيبتي والله انتي وجودك بيسعد قلبي تسلميلي يارب درة بنقابي تسلم اراءك يا قمر كلام مية مية على راي اختك اتمنى رضاه بحب تحليلاتك جدا يا ام مريم والله بستمتع بقرئتها اعتز بالاسلام هي ام اسماعيل عملت ايه عشان تاخدي منها موقف وام ايناس الست اللي زي الفل دي عملت ايه هههههههههههههه ام ابراهيم وعائشة منورة حبيبتي بس عايزة اشوف رايك برضو بلاش متابعة بصمت المقتدية بأخلاق النبي برضو يا مقتدية انتي متابعة بصمت هي شوطة وجتلكو ولا ايه هههههههههههههه راجية رضا الرحمان حبيبتي مرورك الاروع والاجمل والله نورتيني ريحانة عبد الرحمن انتي اللي زي العسل والسكر يا ريحانة يا قمر نور قلبي القرآن والله اسم ممدوح اختارته قدرا كدة من غير ترتيب لطبيعة شخصيته انتي اللي لفتي نظري دلوقتي انه اسم على مسمى يا نور هههههههههههه ام رحمة السلفية سلامتك حبيبتي من هموم الدنيا اضحكي يا شيخة بلا هم هههههههههه سماء الفردوس تسلم رجليكي يا الف خطوة عزيزة يا قلب اختك ابنة علي والله يا اختي في كتير ناس تبص للقمة غيرها اعرف واحدة كان عندها ضيوف وبعد ما مشيو قعدت تحكي للناس وتقول ولادهم بياكلو لحمة كتير اوي هههههههههههههههه ام عبد الرحمن وجنة حبيبتي شرفتيني اهلا يا قمر ربنا يبارك في عمرك نجوى الليل اهلا نوجا السكر ايوة فعلا انا اروبة بس انتي عرفتي منين ههههههههههههه برحمتك استغيث ايه يا عيون خالته بعد الشر عليكي من الخنقة حبيبتي تعالي فرفشي وخلي الخنقة هي اللي تزهق وتمشي ههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 11 أبريل, 2013 ايه ده مين دي لا مش معقول دي ايناس يا امي ايناس ! ومالها ماشية محنية كدة .ما كانت لسة عاملة زي الطور الهايج وبتجري ورا العيال عمالة تلطش فيهم مش عارف يا امي انا مستغرب هي عاملة كدة ليه ااااااااااااااااااااه ياني يا وسطي اااااااااااااااااااااااااااااااه يا ضهري اااااااااااااااااااااااااااااااااااااه الحقوني سندها يا ممدوح دي هتقع يابني ايه يا ايناس مالك يا حبيبتي تعبانة بموت يا ممدوح مش قادرة سلامتك الف سلامة سلامتك يا ايناس الله يسلمك يا مروة ايه بعد الشر مالك الحمل تاعبني اوي اوووووووووووووووووووي اويييييييييييييييييييييييييييييييييييييييي هو انت حامل في الشهر التاني وبعد تلات شهور هبقى في الخامسسسسسسسسسسسسسسسسسسسسسسسسس سامعة يا مروة الخااااااااااااااااااااااااااامسسسسسسسسسسسسسسسسسسسسس والله الف مبروك ربنا يتمملك بخير . بس هو الحمل بيتعب اوي كدة ايوة بيتعب اوي مانتي ماتعرفيش عشان ماجربتيش ااااااااااااااااااااااااااه يا ضهري ياني ايناس حامل عقبال عندك يا مروة . روحي اقرصيها في ركبتها يمكن تحصليها في جمعتها . عيني عليك يا فتحي . خديها جنبك يا ايناس يمكن العدوى تتنقلها والنحس يتفك يا طنط سيبيني في حالي هو انتي بتخليها تركز علية اكتر واكتر . هو انا ناقصة . الله اكبر في عنيكو . ااااااااااااااااااااااااه يا وسطي مش قادرة اتحرك يا ممدوح . وصيتك العيال لو جرالي حاجة لا ماتقلقيش يا مرات ابني لو جرالك حاجة انا هجوزه واخد العيال عندي اربيهم عشان ياخد باله هو من عروسته ويبدأ من اول وجديد على نضافة بعد الشر علية انتي بتفولي علية ولا ايه يا طنط يوه . مش انتي اللي بتوصيه ع العيال . حبيت اطمنك عليهم . غلطت في ايه انا اااااااااااااااااااه ياني منك ومن امك ومن عمايلك انت وامك يا ممدوح الحقوووووووووني يا ناس تعبانة سلامتك يا ايناس طيب مش عايزة اي حاجة اعملهالك لأ عايزاكو تمشو وماتشيلوش همي يلا يا امي البسي يلا يا مروة عشان نمشي ما ينفعش يا فتحي نمشي . انا هدخل اغسل الاطباق لإيناس وانضف المطبخ وكمان البيت مكركب ماينفعش نمشي ونسيبلها البيت بالشكل ده دي تعبانة حرام عن اذنكو يا جماعة انا داخلة انضف المطبخ يا دي النيلة ما تمشوا بقى . مالها دي ومال مطبخي . هي داخلة ترميلي عمل جوا ولا هتعمل ايه دي يارب استر يا حبيبتي يا ايناس يا مرا ت ابني اهئ اهئ اهئ . انا قولتلك يا ايناس انتي بقيتي عضمة كبيرة ومش حمل خلفة ما سمعتيش كلامي اهئ اهئ اهئ يلا يا امي قومي البسي ايوة يا طنط قومي البسي ااااااااااااااه ياني تعبانة خلاص يا ايناس انا خلصت المطبخ وخليت الدنيا زي الفل عايزة حاجة تاني انا مش عايزة حاجة خالص انا عايزاكو تروحوا عشان ما تتأخروش احنا بقينا نص الليل . سمعونا السلام عليكو بقى طيب يلا يا امي يلا يا مروة لأ روح انت ومروة يا فتحي انا ماينفعش اسيب ايناس وهي تعبانة هقعد معاها اسبوعين تلاتة كدة يمكن شهر لحد ما تبقى كويسة . ماهو يبني ما ينفعش اقعد معاها وهي كويسة وبعدين اسيبها بعد ما اتكسحت . انا حما اصيلة وهقعد مع مرات ابني وهبقة قدوة للحموات من بعدي طب خلاص يا امي واجب برضو على العموم الحمدلله انك رضيتي علينا ومش زعلانة نستأذن احنا السلام عليكم لااااااااااااااااااااااااااااااااااااااااااااااااااااااااااااااااااااااااااااااااااااااااااااااا حماتي لا . اهئ اهئئئئئئئئئئئئئئئئئئئئئئئئ الله يسامحك يا ماما . شورتك هي السبب اهئئئئ اهئئئئئئئئئئئئئئئئئئ 6 شارك هذه المشاركه رابط المشاركه شارك
ريحانه عبد الرحمن 102 أرسلي تقرير عن المشاركة قامت بالمشاركة 11 أبريل, 2013 :D اللهم ارزقنا الصدق ،، وحسن الظن بالله لأ أصيله أم فتحي أوي ،، :P أومال إيه إلي بيتقال عليها دا ،، الله المستعان ،، ربنا يملأ حياتكِ بالهنا والسعاده حبيبتي شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 11 أبريل, 2013 من اعمالهم سلط عليهم ههههههههههههههههههههههههههههههههههههههههههههههههههههههههههههههههههههههه تستاهلي يا ايناس والله فرحت فيك والله مروه شطورة لان المفروض انت معزومة متكليش وتروحي علي طول المفروض تساعدي في تنضيف السفره والمطبخ شارك هذه المشاركه رابط المشاركه شارك
سدرة المُنتهى 87 1317 أرسلي تقرير عن المشاركة قامت بالمشاركة 11 أبريل, 2013 ههههههههههه أحسن تستاهلي يا إيناس وخلي طنط منوراكي شوية شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 11 أبريل, 2013 برافو يامروة كلك زوق والله اما ايناس تستاهلى علشان ما تعمليش كده تانى :P شارك هذه المشاركه رابط المشاركه شارك
' أم آية' 667 أرسلي تقرير عن المشاركة قامت بالمشاركة 11 أبريل, 2013 :) شارك هذه المشاركه رابط المشاركه شارك
أم عبدالرحمن وجنة 14 أرسلي تقرير عن المشاركة قامت بالمشاركة 11 أبريل, 2013 ههههههههههههه تستاهلى ياايناس الله يهديك ويهدى والدتك اما انت يامروة فكلك ذوق ربنا يهديلك ام فتحى شارك هذه المشاركه رابط المشاركه شارك
أم عبدالرحمن وجنة 14 أرسلي تقرير عن المشاركة قامت بالمشاركة 11 أبريل, 2013 ههههههههههههه تستاهلى ياايناس الله يهديك ويهدى والدتك اما انت يامروة فكلك ذوق ربنا يهديلك ام فتحى شارك هذه المشاركه رابط المشاركه شارك
