زوجتي والمفتاح

[هبة عبد العظيم نور 2042]

طيب حبيبتي اقعدي ارتاحي وبعدين نتكلم

 

انا مش هرتاح الا لما اعرف انتو مين وعايزين مني ايه

 

انا هحكيلك يا ستيعشان تطمني . احنا كنا راجعين مرة انا ومحمد وفاطمة بالليل وشوفناكي بتعيطي وواحد بيشدك من دراعك بالقوة وبيدخلك بار للخمور . وكان وشك مليان بالحزن و عنيكي بتدور في كل مكان وكأنك بتستغيثي ومش قادرة تتكلمي . المنظر ده استوقفنا وما مرش علينا مرور الكرام . يعني احنا نعرف ان اللي يدخل الاماكن دي بيدخلها بكامل ارادته . لكن اللي يدخلها بالعنف والإجبار يبقى اكيد الامر فيه شيء

 

محمد روحني انا وفاطمة للبيت ونزل تاني وراكي ودخل البار يشوف ايه الاوضاع

 

شاف الراجل القذر اللي معاكي بيعرضك من غير نخوة على الرجالة . بصراحة محمد الدم غلي في عروقه وكان هيتهور ويضربه . بس فكر ان الراجل ده ممكن يكون زوج او حد ليه سلطة عليكي

 

وفعلا سأل وعرف انه زوجك وانكو مسلمين واستغرب جدا ان الراجل ده مسلم

 

رجع تاني البيت وبقاله تلات ايام بيفكر ازاي ينقذك من ايد الراجل ده لحد ما توصل للفكرة دي مع مجموعة من اصحابه

 

بس دول كانوا ماسكين كاسات خمرة

 

طيب وايه رأيك شربوا منها ولا ما شربوش ههههههه

 

لأ ما شربوش ودي الحاجة اللي استغربتيلها جدا . خبطوا الكاسات في بعض وبعدين حطوها تاني مكانها وجم عشان ياخدوني .انا قولت في نفسي يمكن انشغلوا بيا عن الخمرة وكانوا بيضحكو بطريقة خوفتني

 

وكمان فاتحين زراير القمصان بشكل مستفز ولابسين سلاسل فضية

 

ههههههههه حبيبتي هما عملوا كدة عشان ماحدش يشك في امرهم . يعني يبانوا انهم مجموعة شباب سكرانين وجايين ياخدوا بنت من البار وكمان ما تنسيش انهم ملتحين عشان كدة كان لازم يعملوا حاجات توضح ان اللحية مربينها زينة مش اكترويخفوا اسلامهم بالمظاهر الغريبة اللي شوفتيها

 

ياااااااااااااااااااااااااااااااااااااااااااااااااااااااااه جوزك ده واصحابه ربنا انقذني بيهم الحمدلله الحمدلله بس ايه ازايز الخمرة اللي معاهم دي ؟؟؟؟؟؟؟؟؟؟

 

هههههههه دا عصير تفاح حبيبتي مش خمرة

الحمدلله الحمدلله ربنا استجاب دعائي

الحمدلله ان ربنا انقذك حبيبتي .

 

بالله عليكي انا عايزة ارجع مصر لأهلي

 

انتي اهلك في مصر

 

ايوة

 

على فكرة محمد مصري كمان وانا كنت مسيحية واسلمت على ايده بفضل الله . كان اسمي مادلين

 

هههههههههههه عائشة احلى بكتير الحمدلله . طيب واتعرفتي عليه ازاي واسلمتي ازاي

 

انا طبيبة ومحمد طبيب . احنا زملا في مستشفى واحدة . وحبيت الاسلام جدا من اخلاق محمد وسلوكياته الرائعة وبعده عن كل قبيح . شدني جدا التزامه بمواعيد الصلاة ومعاملته الطيبة لكل الناس . كل حاجة في محمد جميلة . بحبه كتير

 

انا عمري ما حسيت بالسعادة الا لما نطقت الشهادة . ياااااااااااااااااااااااااااااااه حسيت براحة رااااااااااااااااااحة حسيت اني جوايا احساسيس جميلة بالاطمئنان والسلام النفسي وكأن كل الهموم اتزالت من على قلبي

 

اتجوزنا بعد اسلامي وربنا رزقنا بفاطمة والحمدلله حياتنا بفضل الله جميلة . كلها صلاة وعبادة وخدمة للمسلمين وربنا يتقبل منا

 

الله . حكاية جميلة اوي . اجمل حاجة في الدنيا الزوج المسلم الصالح

 

الحمدلله على نعمة الإسلام الحمدلله

 

انا مهما عملت عائشة مش هقدر ارد جميلكم عليا . اشكرك جدا واشكر زوجك

اشكري الله حبيبتي . الفضل لله وحده . احكيلي حكايتك . انتي مين وازاي اتجوزتي الراجل ده وازاي اهلك وافقوا عليه ازااااااااااااااااااااااي

 

 

دي حكاية طويلة اوي

 

طيب حبيبتي انا هجيبلك حاجة تاكليها وبعدين تتوضي وتصلي وتنامي والصبح نحكي مع بعض كتير . ما تقلقيش محمد هيبات عن اصدقائه طول ما انتي في ضيافتي . وهروح دلوقتي اتكلم معاه في موضوع رجوعك مصر

 

طيب هي فين فاطمة بنتك انا مش شوفتها

 

هههههه فاطمة نامت . الصبح تشوفيها ان شاء الله

 

هي عندها كام سنة

 

تلات سنين وابتدينا نحفظها القرآن بفضل الله . على فكرة احنا هنستقر في مصر في يوم من الايام واكيد هنبقى اصدقاء انا وانتي

 

ان شاء الله عائشة ان شاء الله حبيبتي

 

 

 

عائشة

 

تحت امرك محمد جاية حالا حبيبي

 

بعد اذنك . انتي ما قولتليش اسمك ايه

 

شريفة

 

جميل . بعد اذنك شريفة رجعالك تاني

 

 

 

 

 

محمد . ايه ده . انا ما اخدتش بالي . ليه خدك اليمين احمر اوي كدة

 

ههههههههه الضيفة ضربتني بالألم بكل قوتها

 

ههههههههههههه معلش حبيبي كانت فاهماك غلط

[حواء أم هالة 1895]

اقشعر بدني لما قرات هذه الحلقة

 

لكن الحمد لله انها تمثيلية فقط وربنا استجاب دعاها :)

متابعة هوبة الحبيبة

[' أم آية' 667]

يااااااااااااااه

الحمد لله انها تمثيلة

[(أم *سارة*) 981]

سبحان الله إصرار البنت على إنها ترفض المعصية بالرغم من إجبار زوجها عليها بكل قوة

ده سبب فإن ربنا سبحانه وتعالى بعت لها اللي ينجيها من إيد الراجل ده والحياة القذرة دي

اللي جرى لها المفروض إنه درس لكل أب يمشي في طريق معوج ويخليه يفكر ألف مرة في أولاده وزوجته قبل ما يقدم على المعصة

يعني إن لم يترك المعصية حياء من الله فعلى الأقل يتركها خوف على أهله

أما شريفة فلأنها أكرهت على المعصية وهي رفضاها بلسنها وقلبها وجوارحها ربنا سبحانه وتعالى وقف لها ولاد الحلال

وهذا يحدث في الحياة فعلا

يقول تعالى: (إِلَّا مَنْ أُكْرِهَ وَقَلْبُهُ مُطْمَئِنٌّ بِالإِيمَانِ) هي كرهة المعصية بالرغم من إنها فعلتها مجبرة علشان كدة ربنا ساندها

ولو أني لازلت ألوم عليها وعلى اللي يقع في تلك المحنة أنها تستطيع الهرب واللجوء لبيت مسلم تحتمي بهم حتى يردوها لأهلها

وخاصة أنها ليست مقيدة بغلال كما يُفعل بالضحية المخطوفة فالخاطب يكبلها حتى لا تهرب أما شريفة فهي طليقة وحرة اليدين القدمين

[*أم رقية* 473]

الحمد لله ان ربنا نجاها

 

لكن هل سيسكت رفيق على هذا بسهولة

 

 

 

يا ترى بما انهم اطباء كانوا زملاء لعلاء كل شئ ممكن

 

 

 

 

 

 

متابعين يا هوبة هانم نزلي بقى حلقات كتير كفاية تشويق

[المحبة للزهراء 231]

الحمد لله الحمد لله والله اعصابي تعبت لما حصل بالاول كدا

 

بس ربنا نجاها من الظالم دا

 

:unsure:فينك ياهوبه كملي يلا متشوقين نعرف باقي الاحداث

[الزهره المسلمه 0]

انا مشتركه جديده زمتباعه القصه من اولها..جميله جدا

قد ايه كنا مخدعوين فى هدى شعراوى وسعد زغلول

والله ماما بتقولى من زمان ان سعد زغلول ده كان قمرتى وبتاع كاس مكنيش بصدقها

واخوايا يا ما كان بيحذرنى من قاسم قامين ويقول ضيع السيدات

سبحان الله

طملى يا استاذه هبه احنا متبعينك

[اعتز بالاسلام 126]

وقفتى قلبى

الحمد لله طلعت تمثيلية

متابعة يا مبدعة

[~ أم العبادلة ~ 1903]

صراحة استغربت جدا من الموقف لأنه عادة لا يحدث هذا بالغرب وكما قالت عائشة فعادة النساء تذهب مع الرجال برغبتهم وليس رغما عنهم

 

فقط أحببت توضيح معلومة

هناك في الغرب ليس عندهم شيء اسمه زوج او اب او ام

بمعنى ان لو كان محمد ذهب لينقظها من يد رفيق، كانت الشرطة ستكون في صفه لأن رفيق يؤذيها ويجبرها على الدعارة لكن مشكلته كانت ستكون في انه ملتحي

نفس الشيء لو ام او اب حاولوا تهذيب الاولاد وضربوهم، فالشرطة تأخذ منهم الأولاد

[ساجدة للرحمن 2049]

^____________^

سامحك الله

وقعت قلبي كما يقولون ..وفي الآخر يكون تمثيل : )

 

سبحان الله ..تجلت الآية الكريمة " ومن يتق الله يجعل له مخرجا "

والغريب أنها ما عدم إلتزامها ومعرفته بالدين إلا أن داخلها فطرة تكره كل قبيح ..كما قال رسول الله صلى الله عليه وسلم " ما من مولود إلا يولد على الفطرة ..."

...

محمد وزوجته فاطمة نموذج نادر لا أبالغ إذا قلت أنه في طريقة للإنقراض

يهمه أمر المسلمين ويسعى في حاجتهم وفك كربهم

الآن لم يعد أحد يهتم لأحد ...كل انسان منشغل بنفسه وحياته ..والله المستعان

 

بارك الله فيك هبة الغالية

ومازلنا في انتظار كيف سيكون رد فعل رفيق : )

[ساجدة للرحمن 2049]

صراحة استغربت جدا من الموقف لأنه عادة لا يحدث هذا بالغرب وكما قالت عائشة فعادة النساء تذهب مع الرجال برغبتهم وليس رغما عنهم

 

فقط أحببت توضيح معلومة

هناك في الغرب ليس عندهم شيء اسمه زوج او اب او ام

بمعنى ان لو كان محمد ذهب لينقظها من يد رفيق، كانت الشرطة ستكون في صفه لأن رفيق يؤذيها ويجبرها على الدعارة لكن مشكلته كانت ستكون في انه ملتحي

نفس الشيء لو ام او اب حاولوا تهذيب الاولاد وضربوهم، فالشرطة تأخذ منهم الأولاد

لا حظي أننا نتكلم عن القرن الماضي يا غالية ..

لا أعتقد أن هذه القوانين كانت موجودة

هذا ظني والله أعلم : )

[~ أم العبادلة ~ 1903]

لا اعلم صراحة

وسأستغرب لو تلك القوانين غير موجودة لانه كيف يعلمون قاسم امين وغيره بتحرير المرأة بدون تلك القوانين

[ساره أم حمزه 1040]

يااه الحمد لله انا كنت مرعوبه منهم والحمد لله ربنا انقذها

[~ماريا~ 1340]

الي حصل مع شريفه

نادرا جداا ما يحدث

فالحمد لله ان فيه حد كويس انقذها

[متلهفة للفردوس 41]

الحمد لله

وقعت قلبي يا شيخة

يله ماطوليش عايزة التتمة الله يخليك :(

[هبة عبد العظيم نور 2042]

صراحة استغربت جدا من الموقف لأنه عادة لا يحدث هذا بالغرب وكما قالت عائشة فعادة النساء تذهب مع الرجال برغبتهم وليس رغما عنهم

 

فقط أحببت توضيح معلومة

هناك في الغرب ليس عندهم شيء اسمه زوج او اب او ام

بمعنى ان لو كان محمد ذهب لينقظها من يد رفيق، كانت الشرطة ستكون في صفه لأن رفيق يؤذيها ويجبرها على الدعارة لكن مشكلته كانت ستكون في انه ملتحي

نفس الشيء لو ام او اب حاولوا تهذيب الاولاد وضربوهم، فالشرطة تأخذ منهم الأولاد

 

 

ميرحبا ام عبد الرحمن هانم

 

حبيبتي

 

دعي القوانين الغربية والشرقية والعلمانية جانبا

 

فليست هذه مقصدي من المسلسل

 

انا المقصد والمرام هو توضيح ان الاسلام غالي

 

عرض المسلمة غالي

 

ان المسلم يغار على عرض المسلمة

 

اظهار فساد المفسدين

 

التمسك بالحجاب

 

اظهار روعة الإسلام

 

وكل ذلك صيغته في دراما اتمنى ان تحوز اعجابكم

 

 

ارجو تفهم مقصدي حبيبتي والتغاضي عن القوانين الوضعية

 

الهدف اظهار اسلامنا على سائر الأديان

[هبة عبد العظيم نور 2042]

هوانم

 

شرفتم

 

ميرحبا

 

لي عودة للتكملة والترحيب ان شاء الله

 

 

انتظروني ان شاء الله

[حواء أم هالة 1895]

اخص عليك هوبة وانا داخلة عشان اكمل الحلقة :(

 

مش عايزين ترحيب ادخلي في الحلقة علطول :))

[هبة عبد العظيم نور 2042]

طيب انا ماشي يا عائشة دلوقتي . عايزة حاجة اجيبها قبل ما امشي ؟

 

لأ محمد . كل حاجة موجودة جزاك الله خيرا

 

طيب بكرة ان شاء الله وانا راجع من المستشفى هعدي عليكو عشان اتكلم مع الضيفة في بعض الأمور

 

 

أمور ايه اللي هتتكلم معاها فيها محمد ! انا هتكلم معاها وهبلغك بكل حاجة عشان تشوف هنسفرها مصر ازاي

 

ههههههههههههههههههه النساء هما النساء . الغيرة دايما تسيطر عليهم في وجود انثى تانية

 

طبعا بغير عليك . بغير عليك جدا . ولولا ان ده ظرف انساني ما كنتش وافقت على دخول ست غريبة في بيتي

 

حبيبتي انا مقدر نبل اخلاقك . على فكرة هبلغهم في المستشفى انك في اجازة مفتوحة

 

اشكرك حبيبي

 

 

 

 

 

 

 

 

ها شريفة . عجبك الأكل

 

تسلم ايديكي جميل جدا . اول مرة اكل بشهية من ساعة ما سيبت مصر

 

تحبي اجيبلك عصير تفاح

 

لاااااااااااااااااااااااااااا بالله عليكي . لونه بيفكرني بالخمر . انا جاتلي عقدة نفسية

 

ههههه طيب التفاح ذنبه ايه بس

 

معلش . يمكن عقدة وتاخد وقتها وارجع لطبيعتي

 

 

طيب حبيبتي قومي اتوضي وانا حضرتلك حاجة تلبسيها وطرحة عشان تصلي

 

جزاكِ الله خيرا

 

 

 

 

 

 

 

 

ماما . ماما . مامااااااااااااااااااااا

 

فاطمة حبيبتي صباح الخير يا اجمل زهرة بوسة لماما اموووووووه . في ضيفة عندنا عايزة تسلم عليكي

 

فيييييييييييييييين

 

هي نايمة ادخلي صحيها . اسمها طنط شريفة

 

طنط سليفة ؟

 

مظبوط حبيبتي

 

 

 

طنط سليفة اصحي طنط

 

طنط طنططططططططط

 

الله . ايه الصباح الجميل ده . ايه العصفورة الجميلة دي اللي بتصحيني تعالي هنا جنبي . انتي فاطمة طبعا هههههههه

 

مممممممممم

 

انتي جميلة خالص يا فاطمة

 

فين حكاب طنط سليفة

 

الحجاب خدوه مني فاطمة

 

لأ مس خدوه . حكاب في دولاب ماما . اكيب واحد ليكي

 

ههههههههه شكرا حبيبتي

 

 

 

ها . صحيتي شريفة . صباح الخير

 

صباح النور عائشة . فاطمة بنتك جميلة وحبوبة خالص .انا حبيتها كتير

 

هههههههه هي كمان واضح انها حبيتك بسرعة

 

انتي جبيتي حجاب لطنط شريفة ههههههههه

 

اه

 

انا مبسوطة اوي ان بنتك مرتبطة بالحجاب من صغرها كدة

 

طبعا . لازم من صغرها تعرف ان الحجاب ده جزء منها ومن كيانها . بنتي بتكره تشوف اي ست من غير الحجاب وده عاملي مشكلة يمكن عشان كدة بنفكر جديا في الرجوع لمصر وتربيتها في بيئة اسلامية

 

 

ان شاء الله حبيبتي ترجعوا مصر . بس رجعوني انا الأول هههه

 

ان شاء الله محمد هيجي النهاردة عشان نتفاهم في الأمر ده

 

تعرفي اني متضايقة جدا اني باعدت بينك وبين جوزك واضطر يبات برا البيت بسببي

 

حبيبتي دا أمر مؤقت هوني على نفسك

 

 

 

 

 

 

 

 

السلام عليكم ورحمة الله وبركاته

 

وعليكم السلام ورحمة الله وبركاته محمد

 

عاملة ايه عائشة انتي وفاطمة

 

بخير حبيبي

 

اخبار ضيفتك ايه

 

شريفة كويسة الحمدلله

 

هي اسمها شريفة

 

ايوة . عجبك الاسم !!!!!!!!!!!!!!

 

هههههههههههههههه طيب لو سمحتي خليها تلبس حجابها وتتفضل في الصالون عشان اتكلم معاها

 

اوووووووووووووووف لوحدكو

لا طبعا حبيبتي في وجودك

 

 

 

 

السلام عليكم ورحمة الله وبركاته

 

وعليكم السلام ورحمة الله وبركاته اهلا بالأخت شريفة

 

اهلا بيك دكتور محمد

 

اولا انا بعتذرلك على ترويعك بالشكل ده بالأسلحة . بس كان لازم

 

هههه مافيش ترويع ولا حاجة . انا مجرد ماعرفت هويتك الحقيقية نسيت كل حاجة ومدينة لك بإنقاذي من الهلكة

بس هو انتو ليه اختارتو ترويعي بالاسلحة مع انكو كان ممكن تشيلوني او تجذبوني من دراعي بالقوة

 

ماحدش فينا يقدر يلمسك عشان انتي محرمة علينا شرعا . لا يجوز نشيلك ولا نشدك من دراعك وكانت الوسيلة الوحيدة اللي هتخليكي تتحركي هو خوفك من السلاح عشان كدة استخدمناه . بعتذر مرة تانية

 

ارجوك ما تعتذرش . انا اللي مدينة باعتذار عن الالم اللي اديتهولك . بعتذر . سامحني

 

الالم ده غالي جدا وكبرك في نظري . انتي جوهرة ثمينة

احم احم احممممممممممممممممممممممممممم

 

هههههههه منورة يا ام فاطمة

بشكرك على انقاذي انت واصدقاءك وبشكرك انت وام فاطمة على استضافتي في بيتكم

اشكري الله اخت شريفة .

طيب احكيلي حكايتك ايه واهلك فين في مصر

 

 

 

 

 

 

يااااااااااااااااااااااااه حكاية غريبة . ازاي والدك يجوزك لواحد ما يعرفوش ويسيبك تسافري معاه من غير ما يسأل عنه

 

سامحيني والدك مقصر جدا في حقك . يعني لا دور على اخلاق ولا دين . كان اهم حاجة عنده الثراء والعائلات اللي اسماءها رنانة وفي الآخر طلع اللي اتجوزك نصاب ومن احط البشر كمان . كان عايز يتاجر بعرضك من اجل المال . شيء يدمي القلب

 

للأسف ده اللي حصل وانا كنت الضحية

 

الحمدلله على كل حال . اول اجرء لازم تاخدوه هو طلاقك من البني ادم ده بأسرع وقت . هو اكيد لما تخلص فلوسه هيرجع مصر .

 

طبعاااااااااااااااا لازم با بّا يطلقني منه لا

فين اوراقك

مش معايا اي اوراق ولا اي حاجة . كل حاجة معاه

 

طيب ودي تتحل ازاي بقى ؟؟؟؟؟؟ على العموم انا هروح اسأل في المينا على معاد اول باخرة راجعة مصر وربنا ييسر الأمور . انا ليا صديق قبطان يمكن يقدر يساعدنا في رجوعك

 

بالله عليك شوف اي حل انا عايزة ارجع لاهلي بأسرع ما يمكن

 

اه محمد . ياريت ترجعها لأهلها بأسرع ما يمكن

[هبة عبد العظيم نور 2042]

حافظ باشا حافظ باشاااااااااااااااااا

 

في ايه جيلان في ايه

 

بنتي . بنتي اتأخرت كتير

 

يا حبيبتي هما ماحددوش معاد لرجوعهم . قالوا يمكن يقعدوا اكتر من شهر

 

من فضل حظرتكم روح اسأل جولبهار هانم في سرايات

 

مش هي قالت انها مسافرة استنبول ولا انتي نسيتي

وأنّة كمان هتسافر استنبول

ياربي رجعلي بنتي ياربي . انا قلقانة كتير كتيييييييييييييييييير

 

 

 

 

 

 

 

اااااااااااااااااااااااااااه اااااااااااااااااااااه زينب زييييييييييييييييينب اااااااااااااااااااااااه تعبانة تعبانة كتير

 

مالك يلدز هانم في ايه

 

تعبانة كتير بنت زينب . مش قادر اخد نفسي تعبانة كتييير اااااااااااااااااه

 

سلامتك يلدز هانم سلامتك حاولي تاخدي نفسك

 

مش قادر بنت مش قادر الحقي حظرتنا .

انا هشوف دكتور حالا في المستشفى اللي جنبنا

استر يارب

 

 

 

 

 

لو سمحت انا عايزة دكتور يجي معايا سرايا يلدز هانم

 

اتفضلي قابلي دكتور محمود هو الموجود حاليا

 

صباح الخير دكتور محمود لو سمحت عندي حالة مستعجلة يلدز هانم ست كبيرة وتعبانة جدا مش قادرة تاخد نفسها

 

اااااااااه والله كان بودي اجي معاكي بس عندي عملية حالا . على العموم دكتور علاء على وصول وممكن يجي معاكي

اتفضلي انتظريه . دي اوضته

 

دكتور علاء وصل

صباح الخير دكتور علاء

 

صباح النور خير

 

لو سمحت عندي حالة مستعجلة جدا وبقالي اكتر من نص ساعة قاعدة مستنية دكتور

 

حالة ايه ؟؟؟؟؟؟

 

طب حضرتك تعالى معايا بسرعة وشوف الحالة احنا اتأخرنا اوي

 

 

اتفضلي انا جاي معاكي

 

 

 

 

 

ايه ده !!!!!!!!!!!!!!!!!! السرايا اياها

 

اتفضل دكتور علاء

 

لو سمحتي مين المريض ؟؟؟؟؟؟؟؟؟؟؟

 

يلدز هانم صاحبة السرايا

 

اتفضل دكتور

 

ايه ده . السرايا فاضية . تقريبا ما فيهاش غير الخدم . انا مش شايف حد . وانا عمال ادور على ايه بس

 

 

السلام عليكم ورحمة الله وبركاته

 

وعليكم السلام . انت مين فالاد ودخلت هنا ازاااااااااااااااي

 

هههههه انا الدكتور يا هانم

 

دكتور !!!!!!!! دكتور جميل جميل

 

اشكرك يا هانم تسمحيلي اكشف عليكي . مع ان من غير كشف واضح انك كويسة

 

والله ابدا يا دكتور دي كانت تعبانة اوي من شوية عشان كدة جيت لحضرتك

 

اسمحيلي اشوف النبض

 

الحمدلله انتي كويسة خالص يلدز هانم

 

الحمدلله دكتور بتاع حظرتنا

 

اسمك ايه فالاد دكتور

 

اسمي علاء

 

جميل جميل اسم جميل وانت جميل . انت تركي فالاد ؟

 

لأ مصري يا هانم

 

غريبة . اول مرة اشوف مصري جميل . كنت فاكر كله شبه حافظ فلاح

 

أأأأأأأأأأأأأ ممكن اسأل حضرتك سؤال يلدز هانم

 

اتفضل فالاد دكتور

 

هو مين عايش مع حضرتك في السرايا . أأأأأأأ اقصد يعني عشان اطمن ان في حد هياخد باله منك

 

لا لا لا مش في حد عايش معايا اهئ اهئ اهئ . انا وحدي اهئ اهئ اهئ . وحدي في سرايات

 

معقوووووووووووول يعني مافيش حد عايش معاكي خااااااااااااااااااااااااالص ؟؟؟؟؟؟؟؟؟؟؟؟؟؟

 

انت اسألتك كتير ليه فالاد . انا قولت مش في حد يبقى مش في حد . بس اقولك على سر خطير فالاد دكتور

 

خير يا هانم

 

السرايا دي مليانة عفاريت عفاااااااااااااااااااااااريت ارعب قلب حظرتنا اهئ اهئ اهئ

عفاريييييييييييييييييييت !!!!!!!!!!!!!!!!

 

ايفيت فالاد علاء دكتور . انا شوفتهم وسمعتهم كتير . هما اللي عايشين في سرايات معايا

 

سلام قولا من رب رحيم . سلام قولا من رب رحيم يبقى البنت اللي طلعتلي كانت عفريتة سلام قولا من رب رحيم . طب عن اذنك

 

ايه ده فالاد . انت مش هتكتب دوا لعلاج حظرتنا

اه والله العفاريت نسوني . نسوني العفاريت . اتفضلي خدي قرص الصبح وقرص بالليل انا ماشيييييييي

 

انت مش ايجي تاني فالاد

 

لا معلش سامحيني مش هقدر

 

 

 

يبقى فعلا اكيد البنت دي كانت جنية ولابسة فستان احمر . اكيد . الست بتقول ماحدش عايش معاها في السرايا . والسرايا مليانة عفاريت . يبقى اكيد دي عفريتة من العفاريت . اعوذ بك من همزات الشياطين واعوذ بك ربي ان يحضرون

 

ايه ده . انا ايه اللي بقوله ده . عفاريت ايه بس . يوووه . في حاجة غريبة انا مش فاهمها

[هبة عبد العظيم نور 2042]

بنت عفيفة بنتتتتتتتتتتتتتتت

 

البنت دي مش رد ليه

 

انتي بنت

 

ايه ده . ياربي . عفيفة بنت حظرتنا صلي !!!!!!!!!!!!!!!!تبارك الله . بنت حظرتنا صلي

 

 

 

تقبل الله عفيفة

 

منا ومنكم ان شاء الله ما مّا

 

انا مبسوطة كتير انتي صلي بنت

 

الحمدلله ما مّا . تعرفي ما مّا . الصلاة دي اجمل حاجة في الدنيا وخصوصا لما نشيل كل حاجة من قلبنا ونفكر في ربنا بس واحنا معاه . حقيقي اجمل حاجة في الوجود ما مّا . انا زعلانة اني مش كنت بصلي من زمان

 

الحمدلله عفيفة انك عرفتي طريق مستقيم وهتمشي عليه . عقبال باباكِ

 

نفسي اشوف حافظ يصلي

 

ما مّا ارجوكي خلي بابّا يصلي . لحي عليه ما مّا ارجوكي

 

احاول عفيفة هانم بنت حظرتنا

 

تعالي ما مّا نقرأ في مصحف شريف

 

فكرة جميل جميل شيكوزال . انا اروح اتوضا واجيب مصحف و اقرأ جنب حظرتكم

 

ما مّا عايزة كمان كتاب بيفسر القرآن وياريت تشوفي حد يعلمنا ازاي نقرأ القرآن بطريقة صح

 

فكرة عظيم بنت عفيفة . لازم ننفذ فكرة عظيم . ادعي شريفة تكون معانا ونتعلم مع بعض

 

يارب ما مّا ربنا يرجعها بالسلامة ياااااااااااااااااارب وحشتني اختي وحشتني

 

 

 

 

 

 

 

 

علاء

 

نعم يا امي

 

بص بقى انا جبتلك عروسة مش هترفضها ابدااااااااااااااااااااااااااااااا

 

يا امي يا امي بالله عليكي سيبيني براحتي

 

طب لو كانت سمية بنت طنط جنات

 

طنط جنات مين وسمية مين

 

انت مش فاكر طنط جنات صديقتي ؟ مش فاكر سمية ؟؟؟؟؟؟؟؟؟؟؟؟

 

سمية وجنات ميييييييييييييين

 

يا ولد فاكر وانت صغير لما كنت اخدك عند سرايا جدك وكانت تيجي تزورني صديقة ساكنة هناك ومعاها بنتها

 

مش فاكر حاجة يا امي

 

يا حبيبي ازاي مش فاكر . انت كان وقتها عندك اربع سنين

 

هههههههههههههههه يا امي هو انا فاكر كلت ايه امبارح عشان افتكر ذكرياتي وانا عندي اربع سنين

 

يا ولد يا شقي . سمية اللي كنت بتحب تلعب معاها وبتديها كل الشيكولاتة والبنبوني اللي معاك ولما كانت مامتها تاخدها عشان يمشوا كنتو انتو الاتنين تعيطو عشان مش عايزين تسيبوا بعض

 

ههههههههههههه يا امي دي تصرفات اطفال لا تعني اي شيء وبعدين معنى كدة انها من سني تقريبا

 

ايوة . اصلها مش عايزة تتجوز برضو . ففكرنا ان انتو الاتنين تحلوا عقدة بعض وتتجوزوا ونخلص منكو

 

ههههههههههه لا يا امي ربنا يحللها عقدتها مع غيري

 

اااااااااااااااااااااه يا تاعب قلبي يا علاء . اعمل ايه ياربي في الولد ده

[راماس 860]

ام فاطة توحفة

اضحكتني من قلبي

مثال صحيح للمرأة الغيورة على زوجها

انا اقرأ واتابع بس عندي صمت

بوركت هوبة هانم

نتابع معكِ

[راماس 860]

:)

علاء اتهوس

البنت طلعت عفريتة

:)))))))))))))))))

[ساجدة للرحمن 2049]

: )

[~ماريا~ 1340]

:))

فعلا طبع الستات ما بتغير الغيره برضو موجوده

 

منتظرين الباقي يا هبوبه

 

جميل جداا ما تكتبيه يا غاليه