زوجتي والمفتاح

[ام مريم ويحيى 136]

متابعين معك

وكلنا شوق

وربنا يحفظ علاء من كيد عفيفة ويحمى عفيفة من سلفيا وامثالها

[متلهفة للفردوس 41]

إنت فين هبة هانم ؟

منتظرين حيحصل إيه مع عفيفة المجنونة

لا تتأخرييييييييي

[أم عبدالرحمن وجنة 14]

فينك ياهوبه ....شوقتينا ....ياترى ايه ال هيحصل لعلاء ؟ يارب يفوق قبل فوات الاوان

[ساجدة للرحمن 2049]

السلام عليكم ورحمة الله وبركاته

إذا لم يخب ظني فأعتقد أن علاء لم يفتن

وإنما في باله أن يلقنها درسا لن تنساه

عامة ننتظر ..ونرى : )

[~ أم العبادلة ~ 1903]

السلام عليكم ورحمة الله وبركاته،

 

صراحة عندما قرأت الاجزاء الجديدة بالأمس، نفسيتي تعبت جداااااا لكن بعد ما هديت، شعرت انها غير منطقية

المفروض انه ملتزم ورزين وفجأة يقول لها انت مثيرة وانت عملت في ايه؟

 

ايضا اليوم اللي لم يراها فيه كان سرحان بس يا ترى سرحان لانه اتعود على رؤيتها ولا سرحان لانه خاف تقع في يد شخص اخر؟

طيب هو لم يقاوم بجدية بل دخل معها وكأنها سلبته عقله، ألم يخاف على نفسه وعلى مستقبله ؟؟ وماذا لو رآهم أي شخص ؟؟

 

تساؤلات كثيرة دارت في ذهني، وأعجبني توقع ساجدة، لأنه أكثر منطقية

[مسلمة معتزة بنقابى 16]

السلام عليكم ورحمة الله وبركاته،

 

صراحة عندما قرأت الاجزاء الجديدة بالأمس، نفسيتي تعبت جداااااا لكن بعد ما هديت، شعرت انها غير منطقية

وانا معاكى برده وكمان المفروض لو هو ملتزم بجد يغض البصر ايه اللى يخليه يبص عليها من اساسه؟؟؟؟!

[هبة عبد العظيم نور 2042]

اهئ اهئ اهئ اهئ

 

ايه ده . عفيفة !!!!!!. ايه الفستان ده وايه البلطو الرجالي اللي معاكي ده بتاع مين . يادي المصيبة .ايه الدم ده اللي على هدومك ده !!!!!!!!!. انتي كنتي فين انتي كنتي مع راجل يادي المصيبة كنتي فين انطقي

 

يوووووووووه سيبيني شريفة سيبيني ارجوكي اهئ اهئ اهئ

 

 

اسيبك يعني ايه . ايه اللي عامل فيكي كدة وبتاع مين البلطو ده وازاي راجل دخل واحنا الباب مقفول علينا بالمفتاح انطقييييييييييييييييي

 

اهئ اهئ اهئ ارجوكي انا مجهدة جدا مش قادرة اتكلم سيبيني شريفة سيبيني اهئ اهئ انا حقيرة شريفة انا حقيرة اهئ اهئ اهئ

 

ياربي انا مش قادرة اصدق . انتي ازاي جاتلك الجرأة تقابلي راجل غريب وتلبسي لبس بالقذارة دي انا لازم اروح اصحي مامّا حالا تيجي تشوف المصية دي

 

لا شريفة ارجوكي بلاش مامّا تعرف . بلاش اي حد يعرف ارجوكي

 

اوعي تكوني متخيلة ان ممكن اسكت على الكارثة اللي عملتيها دي . لازم بابّا يعرف كمان انا مش ممكن اسكت

 

انا عمر ما خطر ببالي ان استهتارك يوصلك لكدة . كنت بقول انك صغيرة وبتحبي تطلعي طاقتك بأي وسيلة لكن توصل انك تفرطي في نفسك لا . لا انا اسفة لازم بابّا يعرف

 

والله شريفة انا مش عملت حاجة . انا كويسة . انا مش غلطت صدقيني

ازاي اصدقك واكدب الصورة اللي شيفاها قدامي دي ازاااااااااااااي

 

طيب ارجوكي سيبيني ارتاح شوية وهحكيلك على كل حاجة

 

 

 

 

 

 

 

 

 

 

 

 

 

علاء !!!!!!!!!!!!!!!!!! ايه ده يا حبيبي . ايه الدم ده . ايه الجرح اللي في ايدك ده ؟؟؟؟؟؟؟؟ فين البلطو بتاعك . طمني حبيبي في ايه مالك وليه اتأخرت بالشكل ده

 

اطمني يا امي انا كويس انا كويس ما تتخضيش كدة

 

كويس ازاي . انت شكلك مرهق جدا وكمان مجروح وجرحك لحد دلوقتي بينزف . وازاي جاي في البرد الفظيع ده من غير البلطو بتاعك

 

مافيش حاجة يا امي . البلطو اديته لواحدة مسكينة وايدي انجرحت جرح عادي بسبب قاسم امين

 

مسكينة ! هو في ست بتخرج في وقت زي ده حبيبي وبعدين ازاي جرح بسبب قاسم امين . انت شوفته فين . انا مش فاهمة حاجة علاء

 

ربنا اعلم بظروف الناس يا امي . قاسم امين بقى حوالينا في كل حتة يا امي للأسف وواضح اننا هنتجرح كتير بسببه . اطمني انا بخير .

 

طيب شوف حل في الجرح اللي بينزف ده حبيبي ارجوك

 

حاضر يا امي هضمده . بس من فضلك افتحي الدرج عشان اخد دفتر المذكرات بتاعي

 

انت هتكتب حاجة علاء . حبيبي ايدك مجروحة . هتكتب ازاي

 

هكتب بالشمال . المهم اني اكتب نفسي اعبر عن اللي جوايا على الورق

 

 

 

 

 

 

 

 

لا اعرف من اين ابدأ سطوري وماذا اكتب

 

ماالذي حدث لبناتنا

 

ماالذي جعل الدماء الغربية تسري بعروقهن حتى انهن لايجدن حرج في التفريط بأعراضهن بدعوى الحرية

 

هذه الفتاة التي حباها الله بهذا الجمال الآخاذ ماالذي دفعها لكشف وجهها لرجل اجنبي عنها

 

كشفت عن وجهها فطعنتني بخنجر غربي في صدري ورغم جمالها الذي خلب لبي فقد امتلئت بغصة لما اقدمت عليه

 

كشفت شعرها , اظهرت مفاتنها فكبلتني بقيودها وسحرتني فلم استطع الاالاستسلام

 

يااااااااااااااااااااااه كم هي ساحرة جميلة

 

اذهلني شعرها الذي تداعبه النسمات فتاقت نفسي لمداعبته

 

سرحت اناملي تداعب شعرها واستسلمت هي واغمضت عينيها متبسمة وكأنها تهفوا الى ذلك

 

نظرت الى جسدها المثير بل المفجر لكل شهوات الرجولة

 

ارتعد جسدي

 

يا الله

 

ما الذي دهاني

 

كنت سأضعف

 

كانت ستخور قواي وافعل ما اشتهته نفسي

 

ولكن فجأة

 

افقت

 

تذكرت ربي

 

نظرت اليها مرة اخرى فإذ هي تنظر الي في رغبة دون حياء حاملة زجاجة خمر لتلهو بعقلي

 

فأبصرتها شيطانة في ثوب احمر تقدم لي كأس خمر والشياطين تضحك حولي على العابد الذي تحول الى عاشق جسد شهواني يبيع دينه لاجل امرأة

 

لا والله لست انا هذا الرجل

 

اني اخاف الله

 

اني اخاف الله

 

 

اني اخاف الله

 

 

لم اشعر بنفسي الا وانا اصفعها على وجهها وطحت بزجاجة الخمر فجرحت يدي

 

نظرت اليها فإذ بدموعها سالت على خديها . لاادي أدموع ندم هي , أم دموع هزيمة

 

خلعت عني معطفي ووضعته على كتفيها وكأني أردت لها به العفاف والترفع عن الزلل

 

اخذت المفتاح الساقط على الارض وفتحت الباب وخرجت واغلقت الباب خلفي بالمفتاح وكأني اردت بهذا ان اخبأها حتى لا توقع غيري

وها هو المفتاح معي . فهل لها بمفتاح اخر لتسقط مع غيري ؟؟؟؟؟؟؟؟

 

 

 

 

 

 

 

اهئ اهئ اهئ

 

انا مش مصدقة اللي قولتيه ده . انتي . انتي عفيفة تعملي كدة . ليه عفيفة ليه . تحاولي انك تثيري شاب لمجرد انه عجبك

 

انتي للدرجة دي مش بتخافي من ربنا . صحيح انا كمان مش بصلي بس انا مش انجرأ اعصيه ونفسي اصلي نفسي اوي عشان احنا بجد بعيد اوي عن ربنا رغم انه بيحمينا . شوفتي ربنا حماكي ازاي . اد ايه انا معجبة بالشاب الصالح ده اللي بيتقي الله

 

انا كمان شريفة الالم اللي ادهولي فوقني مش قادرة انسى نظرة الاحتقار اللي نظرهالي ومش هنسى ايده اللي اتجرحت بسببي . اد ايه انسان نبيل اد ايه اخلاقه سامية بسمو دينا . . الاسلام جميل اوي شريفة

 

دين بيحافظ على المرأة والحجاب اتفرض لحماية المرأة والحفاظ على سلامة القلوب . اد ايه الشاب ده فوقني وخلاني انسانة تانية لو كان راجل مش ملتزم بالاسلام وتعاليمه كان اخد كل اللي هو عايزه لكن هو بيخاف من ربنا . بس خسارة مش هشوفه تاني عشان اشكره

 

هو اكيد مش منتظر منك شكر . هو جزاءه على عمله الطيب هياخده من ربنا

 

 

 

 

 

 

كوهين انا رايحة ابارك لعفيفة هههههههههههههههه حضر كاسات النبيذ على ما اجي نحتفل بانتصارنا عزيزي هههههههههههه

 

النبيذ جاهز وانا جاهز للاحتفال عزيزتي سيلفيا ههههههههههههه

 

شالوووووووووووووووووووووووووووووووووووم

[هبة عبد العظيم نور 2042]

السلام عليكم ورحمة الله وبركاته

إذا لم يخب ظني فأعتقد أن علاء لم يفتن

وإنما في باله أن يلقنها درسا لن تنساه

عامة ننتظر ..ونرى : )

 

 

هههههههههههههههههههههههههههههههههه

 

ظنك

 

جالك منين الظن ده

 

طب خلي الباقي مفاجأة ليكي انتي كمان

[ღأم عبدالله ღ 30]

هلا بالحبيبة هبة

متابعة.

[هبة عبد العظيم نور 2042]

السلام عليكم ورحمة الله وبركاته،

 

صراحة عندما قرأت الاجزاء الجديدة بالأمس، نفسيتي تعبت جداااااا لكن بعد ما هديت، شعرت انها غير منطقية

المفروض انه ملتزم ورزين وفجأة يقول لها انت مثيرة وانت عملت في ايه؟

 

ايضا اليوم اللي لم يراها فيه كان سرحان بس يا ترى سرحان لانه اتعود على رؤيتها ولا سرحان لانه خاف تقع في يد شخص اخر؟

طيب هو لم يقاوم بجدية بل دخل معها وكأنها سلبته عقله، ألم يخاف على نفسه وعلى مستقبله ؟؟ وماذا لو رآهم أي شخص ؟؟

 

تساؤلات كثيرة دارت في ذهني، وأعجبني توقع ساجدة، لأنه أكثر منطقية

 

اهلا بالحاجة شرلوك هولمز ههههههههههههههه

 

الشيخ محمد حسان واحدة مرة اتصلت قالت احبك في الله

 

قال مامعناه ان الكلمة دي بتفتن ومافيش حد كبير على الفتنة حتى المشايخ

 

تخيلي كلمة مجرد كلمة

 

طيب لو امرأة عارية

 

واحد من المشايخ بيقول الواحد مش عارف يغض بصره لان كل ما يبص في اتجاه يلاقي واحدة عاصية هههههههههههه

 

اللهم عافنا واعف عنا

 

 

 

 

المغزى يا ام عبد الرحمن هو توضيح ضرورة الحجاب لانه اسلم للقلب

[~ أم العبادلة ~ 1903]

نعم يا حبيبة

اعلم انه لا يوجد بشر معصوم من الفتن لكن شعرت انه انزلق بسهولة اكثر من اللازم، ربما لأني أخذت انطباع معين عن شخصيته من الأجزاء السابقة وما حدث دمر ذلك الانطباع

[حواء أم هالة 1895]

الحمد لله ان علاء فاق في اللحظة المناسبة وهذا بفضل الله ثم بفضل رضى الوالدين :)

 

وربي يهدي البنت ويكون درس لها

 

متابعة هوبة الحبيبة

[هبة عبد العظيم نور 2042]

يلا يا ست عالية الجمهور الغفير في انتظارك

 

التخت جاهز بسبوسيه

 

ايوة يا عيون بسبوسة . امبارح الجمهور كان هيتجنن ع الاغاني اللي غنتيها وخصوصا اغنية ولامتى يا حبيبي تلويعك وهجرك

 

عجبت الجمهور ؟

 

ايوة . وسكران بيه طينة سأل عليكي وقالي فين الراجل الشامي اللي كان بيغني امبارح

 

راجل ! شو . عمي في عويناته الاذعر. العمى في قلبه

 

يا ست عالية بقولك سكران بيه طينة . يعني اكيد ما يعرفش اللي بيغني راجل ولا ست حقك عليا انا

 

انا بدي اغني اغاني هادفة بسبوسيه

 

هادفة ازاي يعني . اللي بيجو هنا ناس مالهومش هدف في الحياة اصلا

 

يعني اغني نفس اللحن بس كلمات هادفيه

 

اعملي اللي يريحك المهم تبسطي الزباين

 

ايه هيتبسطو ايه

 

 

استني لما ابخرك بالبخور الهندي من عين حسادك يا ست عالية يا ملكة الطرب

 

ايه بخري ايه . محسوديه انا محسوديه

 

بخرتك يا ست عالية من عين عوازلك ومن عين كل مطربة منافسة ومن عين كل رقاصة ما عندهاش ضمير

 

وسعوا للست عالية وسعوا . سقفوا يا مساطيل

 

 

 

بسبوسيه

 

نعم يا ست عالية

 

لما تلاقيني اعلى بالمقام قولي وطي ولما اوطى قولي علي . عشان تعمليلي جو . بدي جو . بدي عيش

 

حاضر يا ست عالية

 

 

 

اما الست عالية هتبدع النهاردة بشكل يا خليل افندي . انا باجي مخصوص عشان الاغاني الهابطة اللي بتغنيها

 

يا سلام ! القعدة ترد الروح يا عبد الحميد افندي وتنسي الواحد اسمه . شوقتني للست عالية

 

 

هييييييييييييييييييييه عايزين عالية عايزين عالية

 

 

 

يلا التخت جاهز ؟

 

جاهزين يا ست

 

يلا انطلقوا العمى في عويناتكم

 

 

لالالالالالالالالا ذاكر يا حمادة دروسك عشان تبقى تمام لالالالالالا اغسل رجليك يا روحي قبل ما تنام لالالالالالا

 

لالالالالالا يلا ردوا ذاكر يا حمادة دروسك

 

حمادة مين يا ست .

 

ردوا وريا اغاني هادفيه ذاكر يا حمادة دروسك عشان تبقى تمام لالالالالالالالالا

 

يا ست عالية صاحب الصالة بيشد في شعره والجمهور ابتدا يفوق وهنروح في داهية

 

انا مابدي اغني غير هيك يلا ردوا

 

يلا ردوا ورا الست عالية ذاكر يا حمادة دروسك ربنا ينجحك يا حبيبي عشان تبقى تمام ايووووووووووووا

 

اعلي يا ست واطية . يوه . وطي يا ست عالية . ذاكر يا حمادة دروسك واغسل رجليك قبل ماتنام ياسلام ياسلام لالالالا

 

حمادة مين الله يخرب بيتك هتخربي بيتي .

 

اسكت العمى في قلبك ايش فهمك في الفن الهادف

 

ياست عالية حرام عليكي .

 

مين بينادي

 

انا غرقان بيه الحايس من الاعيان .

 

رد يا غرقان ذاكر يا حمادة دروسك

 

يا ست انا سايب حمادة وامه في البيت وجاي هنا اروق دماغي . ابوس ايدك ما تفوقنيش

 

اللي مو عاجبه يطلع برا

 

يا ست عابية طوعيهم . هيطردونا وعيشنا هيتقطع وندور نشحت ع الابواب انا وانتي

 

انا كبرت في دماغي ومو هاغني غير هيك ذاكر يا حمادة لالالالالالالالالالالالا

 

يا ست حرام عليكي انتي بتغني في حفل تكريم اوائل الطلبة . اتقي الله هتخربي بيتي

 

لا مو هغني غير هيك

 

نزلوا الست دي لنكسرلكو الصاله

 

الحقووووووووووووووووونا الجمهور بيشيل الكراسي وهيحدفنا بيها

 

اجري يا ست عالية

 

 

 

 

 

 

الحقيني بسبوسيه . كتير دايخي الحقيني اااااااااااااااه

 

الحقوني يا ناس الست عالية وقعت من طولها اثناء تأدية عملها . يا ضحية الفن الهادف يا ست عالية الحقوووووووووووووني

 

 

 

 

ايه يا دكتور الست عالية مالها

 

مبروك الست حامل

 

يا مصيبتي !!!!!!!!!!! حامل يا ست واطية

 

 

 

مالك بسبوسه

 

بقى كدة برضو يا ست عالية . انتي يطلع منك دا كله . وانا بضرب بيكي المثل في الاخلاق الحميدة . دانتي اقل مطربة بتشرب . تطلعي حامل من غير جواز

 

لا بسوسيه .انا متجوزة وجَوزي رجال عظيم بس جوازنا في السر

 

ايوة فهمت . متجوزك في السر عشان اللي زيك تعره مش كدة !

 

انا متجوزاه عرفي

 

عرفك ! طب ابقي قابيليني لو عِرفك

 

هيجي اليوم عندي وبخبره عشان يخلي جوازنا رسمي انا هصير ام ولده .لازم يكون جوازنا رسمي

[حواء أم هالة 1895]

مين الست عالية دي ؟ :blink:

[♥●آية إبراهيم●♥ 253]

سأقتبس بعض الكلمات عن الرافعي حين قال :"لولا أن رأى برهان ربه"

(وهذا البرهان يؤله كل إنسان بما شاء فهو كالمفتاح الذي يوضع في الأقفال كلها فيفضها كلها فإذا مثل الرجل لنفسه في تلك الساعة أنه هو وهذه المرأة منتصبان أمام الله يراهما وأن أماني القلب التي تهجس فيه ويظنها خافية إنما هي صوت عال يسمعه الله وإذا تذكر أنه سيموت ويقبر وفكر فيما يصنع الثرى في جسمه هذا أو فكر في يوم تشهد عليه أعضاؤه بما كان يعمل أو فكر في الإثم الذي يقترفه الآن سيكون مرجعه عليه في أخته أو ابنته - إذا فكر في هذا ونحوه رأى برهان ربه يطالعه فجأة فيرى برهان عينه ،أترونه يتردَّى في الهاوية حينئذ أم يقف دونها وينجو؟؟ احفظوا هذه الكلمة الواحدة التي فيها أكثر الكلام وأكثر الموعظة وأكثر التربية والتي هي كالدرع في المعركة بين الرجل والمرأة والشيطان كلمة :"رأى برهان ربه") *وحي القلم*

 

هبه سلم الله أناملك من كل سوء وحفظ بنات المسلمين وشبابهم من الوقوع في الفتن()

[هبة عبد العظيم نور 2042]

النهاردة في اجتماع مع سعد بيه زغلول لازم نحضر عشان الامة

 

عاش زعيم الامة عاااااااااااااااااااش

 

يا بلح زغلول يا حليوة يا بلح

 

يا ماسح العقول بأستيكة يا بلح

 

 

يلا يا زعيم الامة في انتظارك

 

يووووووووووووووووه مش فاضي . انا خسران كتير اوي والنهاردة في القمار وماليش مزاج اشوف حد

 

معلش يا زعيم بكرة تعوض . انت ملك القمار . ملك اللعب . بس تعالى قول للناس كلمتين عشان يهتفوا ويقولوا سعد سعد يحيا سعد

 

طيب . عشان خاطرك

 

 

سعد سعد يحيا سعد سعد سعد يحيا سعد

 

مرحبا بكم ايها المناضلون الشرفاء مع المناضل الاكثر شرفا

 

هيييييييييييييييييييييييييييييييييييييييييييه يحيا سعد

 

الهدف الاول من الاجتماع

 

طمس الهوية الاسلامية

 

مافيش حاجة اسمها جهاد في سبيل الله لكن في حاجة اسمها المقاومة الوطنية

 

عاااااااااااااااااااش الهلال مع الصليب

 

 

عااااااااااااااااااااااااش الهلال مع الصليب

 

سعد سعد يحيا سعد

 

احنا بنكافح لاعلاء المبادئ العلمانية ولا نكافح لاعلاء كلمة الله هتااااااااااااااااااااااااااااااااااااااااااااااااااف شجعوني

 

سعد سعد يحيا سعد

 

يا بلح زغلول يا حليوة يا بلح يا بلح زغلول

 

يا ماسح العقول باستيكة يا بلح يا بلح زغلول

 

 

ثالثا . لالالالالالالالالالالالالالالالالا للحجاب لالالالالالالالالالالالالالالتغطية الوجه

 

نعم والف نعم للسفووووووووووووووور يا مرحبا بالفجوووووووووووووووووور هتااااااااااااااااااااااااااااف

 

سعد سعد يحيا سعد

 

بعد اذنكو بقى عشان عندي برتيتة وعايز اعوض اللي خسرته

 

 

 

 

 

 

 

 

 

تن تن تنننننننننننننننننننننننننن

 

 

يوه . سي خليل مش هنا والباب بيخبط

 

مين بيخبط

 

انا كمال يا امي افتحي بسرعة

 

ايه يا كمال مالك

 

خبيني يا امي خبيني الانجليز بيجروا ورايا

 

ليه يا حبيبي انت سرقت منهم ايه

 

 

دبببببببببببببببببب دبببببببببببببببببببببب تن تن

 

 

ميييييييييين

 

احنا الانجليز افتحي

 

اهلا وسهلا يا الف خطوة عزيزة اتفضلوا

 

ابنك فين

 

ابني في الاوضة جوا خشوا خدوه

 

 

تعالى هنا يا ولد

 

انتي يا امي . انتي بتدلي الانجليز على مكاني !

 

دا واجبي نحو الوطن يا حبيبي . اقولكو على مكان زمايله مستخبين فين ؟

 

قولي انطقي

 

الولد رفعت ابن الست انشراح ساكن في البيت اللي جنبينا نمرة خمسة وابراهيم ابن الست مجيدة مستخبي في عشة الفراخ فوق سطوح بيتهم

 

 

ايه اللي جاب الانجليز هنا . واخدين اخويا ورايحين على فين يا ظلمة

 

مين دي

 

دي بنتي عطيات عقبال ما تشوفوا ولادكو هتبقى مدرسة لغة عربية اد الدنيا

 

تعالي انتي كمان معانا يا بنت

 

سيبوني سيبوني

 

روحي مع عمك ما تخافيش وابقى ابعتلكو ابوكو بالليل يجي ياخدكو

 

انتو واخدين اخواتي ورايحين فين

 

انت مين يا ولد

 

دا اسماعيل ابني الصغير لو عايزينه خدوه هو كمان .بس اخاف يتشاقى ويغلبكو

 

هناخده وانتي كمان تعالي معانا

 

لا معلش اصل انا ماقولتش لسي خليل اني خارجة . لو جه ملقانيش هيبهدلني وكمان الطبيخ ع النار

 

تعالي تعالي بقولك

 

الحقونا يا ناس الحقووووووووووووووووووووونا

[راماس 860]

مرات سي خليل توحفةةة

[هبة عبد العظيم نور 2042]

حافظ حبيبي ازيك حبيبي منيح ؟

 

ايه منيح ههههههههههههههه ازيك انتي يا عالية ياروح قلبي

 

نشكر الله . عندي ليك خبر هيفرحك كتير كتير

 

خبر ايه ؟؟؟؟؟؟؟؟؟؟؟

 

انا حااااااااااااااااااااااااامل

 

ايييييييييييييييييييييييييييييييييييييه انتي بتقولي ايه يا عالية حامل يعني ايه

 

يعني حامل . مانك جوزي وانا مرتك ؟

 

عالية الجنين ده لازم ينزل سامعة ولا لأ . انا مش عايز شوشرة على اسمي ومركزي

 

انزله ! انت مجنون . عايزني اقتل روح الله خلقها

 

يا عالية يا عالية احنا اتجوزنا عرفي عشان نقضي وقت ظريف مع بعض مش عشان نخلف ونجيب عيال

 

وبعدين انتي ناسية انا متجوز مين ولا ايه

 

ايه . عارفيه . متجوز بنت الحسب والنسب الست جيلان الله يخليلك اييها

 

عالية الجنين ده ينزل مش عايز فضايح ماتخلنيش اتصرف تصرفات ما ترضكيش

 

شو راح تعمول يا سي حافظ

 

هقطع الورقة اللي بينا ومش هعترف بللي في بطنك سامعة ولا لأ . انا ايش عرفني اصلا انه ابني . ما يمكن يكون ابن اي مخمور من اللي بتسهري معاهم

 

 

اخرس اخرس يقصف عمرك الله . الولد ولدك يا ظالم . اتقي الله حرام عليك تتهمني في شرفي

 

الاسلم ليكي وليا انك تنزليه انا مش عايز مشاكل

 

والله ما بنزله انا هحتفظ فيه

 

انتي حرة . وانا مش هعترف بيه . والورقة اهيه هقطعها ستين حتة وريني بقى هتعملي ايه

 

 

لالالالالالالالالالالا حافظ ارجوك الله يخليك لا تقطعها لالالالالالا

 

اهئ اهئ اهئ استنى يا حافظ استنى يا ظالم سايبني ورايح لوين استنى

 

 

اهئ اهئ . اه يا ربي شو راح اعمول اهئ اهئ . قطع الورقة الظالم . كيف راح اثبت حقي وحق ولدي

 

ااااااااااااااااااااه يا حافظ . والله لانتقم منك اشر انتقام . والله لرد لك الصاع صاعين والله لجيبك لحدي راكع . يا ويلك من كيد النسا يا حافظ

 

 

بسبوسيييييييييييييييييييييييييه

 

نعم يا ست عالية

 

عارفيه بيت رفيق ؟

 

رفيق ! ايوة عارفاه

 

روحي خليه يجيني هلا

 

لو مالقتيه استنيه ماترجعي من غير رفيق

 

حاضر يا ست عالية

[ام جومانا وجنى 515]

السلام عليكن ورجمة الله وبركاته

 

تسلم ها الأنامل هبه هانم :)

[حواء أم هالة 1895]

نسيت ان عالية متزوجة عرفي من حافظ :)

 

وهذا يحصل كثيرا بسبب هذا الزواج والله المستعان

 

أما مرات خليل ذكرتني بالست ذكية بنيتها الطيبة جدا :))

[(أم *سارة*) 981]

انتي للدرجة دي مش بتخافي من ربنا . صحيح انا كمان مش بصلي بس انا مش انجرأ اعصيه ونفسي اصلي نفسي اوي عشان احنا بجد بعيد اوي عن ربنا رغم انه بيحمينا . شوفتي ربنا حماكي ازاي . اد ايه انا معجبة بالشاب الصالح ده اللي بيتقي الله

 

للأسف زمان كان فيه اللي مش محافظ على الصلاة لكن خشية الله والحياء منه ومن القرب مما حرم كان موجود وبهمة عالية

اليوم وبكل أسف لا عاد في محافظة على الصلاة ولا حتى عاد في حياء واللي تنصحيها أو تنصحيه يقولك بطلي تخلف

وكأن حفظ النفس والجسد مما حرم الله ونهى عنه أصبح تخلف وأصبحنا مسلمين بلا إسلام وأصبح الغرب إسلام بلا مسلمين

لأنهم الآن عايزين يقلدونا وعايزين يحافظوا على بناتهم وفكرة إن البنت تظل على عفتها حتى تتزوج حلم يراودهم

 

أيام الرسول صلى الله عليه وسلم كان بيرسل الصحابة كي يتعلموا لغة غيرهم كي ينشروا الإسلام عن معرفة حقة بلغتهم

أما أيام قاسم افندي ومحمد عبده ومن بعدهم ذهبوا للغرب ليس ليتعلموا لغتهم وينشروا سمو الإسلام ورقيه بل ليتعلموا الأفكار الغربية

ويعودوا بفكرهم العلماني ودي كانت أول كبوات المسلمين بإيد المسلمين نفسهم والله المستعان

[دره بنقابي 55]

مش يا بت يا مقصوفه الرقبه تقوليلي انك بتكتبي قصه جديده كده اتفاجأت هههههههههههههههههه

 

 

بس ولا يهمك قريت كل الحلقات بس حسه اني مش فهمه حاجه

 

 

بصي انا مش هاكلم تركي زيكو انا مبعرفش الا عربي

 

يعني ازاي محفوظ راجل مصري عادي وحافظ اخوه تركي :blink:

[حواء أم هالة 1895]

@@دره بنقابي

هو اخوه مش تركي بل زوجته هي التركية :)

ركزي شوية يا درة :))

[ساره أم حمزه 1041]

مرات سى خليل ههههههه مش خاييفه على عيالها

 

ياترى عاليه هتعمل ايه

شكلها جايبه بلطجى

[**صفا** 208]

هو انا لى تصور

من الواضح ان الدكتور علاء بيحب يكتب مذكرات وكل موقف بيمر عاليه بيسجله

من الواضح ايضا ان الالم اللى خدته عفيفه فوقها وعرفت انها كانت هتضيع وفاقت لنفسها

وهترحع احسن من الاول وتبص لحياتها كا انثى اكرمها الله بالاسلام بمنظور مختلف وتعلم نعمه الله عليها بالستر

وهتمشى احداث وتيجى احداث

وبشكل او اخر هيتقابل كل من علاء وعفيفه بس المره دى باطار شرعى هو كخاطب وهى كعروس جاءت ليراها خاطب وسط محرم

وبعدين يشوفوا بعض وهو هينبهر بها من كتر ما سمع عن سمو اخلاقها واللى خلاه يتقدملها وهى برضه هتفرح بيه جدا لانه السبب فى رجوعه لعقلها

وبعدين هيتجوزا ويحط عنوان لمذكراته ويستشير زوجته وساعتها تقوله اكتب

زوجتى والمفتاح

وتوته توته فرغت الحدوته

خياليه انا ممكن انفع :) :) :)

تم تعديل 25 مايو, 2013 بواسطة **صفا**