اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

ههههههههههههههههههههه

بنات ليلى عايزين قطع رقابيهم... وأمهم قبلهم

للاسف في بنات بتكون مش ملتزمة وتيجي تكلميها تقولك أهلي موافقين ع اللي بعمله يبقى خلااااص عداااني العيب

 

والسي علااااء ده شكله بيتسلى على هيااام وبس وفي الآخر هتاخد أكبر شلوووت هههههههههههه

حتى هو ميستاهلش القموورة مها ^ـــــ^

 

أما تيته الحلوة دي فمشكله لوحدها هههههههههههههههه يختشي قميييله عليها هههههههههههه

 

بس انا عايزة اعرف الناس اللي لسانهها معوووج دي وبتنطق ال ح >> خ... دول يهود ولا ايه بالضبط؟؟؟؟!!!!!!

 

>>تسلميلنا خالتو هبهووووووبه .. ربنا يسعدك زي ما بتسعدينا

  • معجبة 1

شارك هذه المشاركه


رابط المشاركه
شارك

حوااااااااااااااااء

 

اهلا ام هالة العسولة

 

منورة يا قمر وحمدالله ع السلامة في بيتك التاني

 

ابقي هاتي لب وسوداني ومكسرات وقزقزي قدام الفيلم هههههههههههههه

 

اضحكتيني هبة الحبيبة.

 

الله يرزقك سؤلك

 

و يسعدك في الدارين

شارك هذه المشاركه


رابط المشاركه
شارك

متابعه معكِ يا غاليه

 

الحمد لله على نعمه علينا

 

مهما الناس غيرت الحقائق وسمت الأشياء بغير أساميها يبقى أجمل شيء في البنت الحياء

شارك هذه المشاركه


رابط المشاركه
شارك

أحداث مثيرة ورائعة

الله المستعان

فعلا حاجات محزنة جدا جدا وللأسف تقريبا مازال موجود مثلها في هذا الزمن

جزاكِ الله خيرا هبة الحبيبة وبارك فيكِ

متابعة معكِ بإذن الله

شارك هذه المشاركه


رابط المشاركه
شارك

بارك الله فيك هبة الحبيبة

متابعة معك بإذن الله.

رديت عليك في التحديثات لكن الظاهر انه توجد مشكلة فلم يظهر الرد هههه.

شارك هذه المشاركه


رابط المشاركه
شارك

خلصت قراية وأخيراااااا

تعبت يختي وأنا أقرا من الصبح وعندي تعليقات كثيرة بس على كل حلقة وما أقدر أعلق على واحدة واحدة

فعلًا الوالدة تحكيلي عن هذا الزمن، "الانفتاح"، وليس فقط في مصر بل حتى عندنا في العراق

الميني جيب والمايكرو جيب واللبس والأفلام والأغاني نفسه :( الحجاب غريب والالتزام غير موجود، لكن علاقة الشاب بالفتاة كانت خط أحمر الحمد لله

 

لكن الدين كان محارب من قبل الدولة، الكتب الدينية كانت ممنوعة من الدخول إلى البلد وإن دخلت فتهريب، لم تكن هناك قنوات دينية، المساجد كانت تغلق، وكل ملتحي كان يعتقل الخ الخ

 

سؤال، من كان يحكم مصر في فترة السبعينات؟؟

شارك هذه المشاركه


رابط المشاركه
شارك

أحس مصطفى سيتزوج صفاء :P، وعلاء سيترك هيام

والبنت شاهي سيكون مصيرها خالد :)

  • معجبة 3

شارك هذه المشاركه


رابط المشاركه
شارك

الفيلم بدا يحلو فعلا :))

 

عندي تعليق على الشيخ خالد وانا ايضا مثل ماريا لا احب هذا الاسلوب في الدعوة فهو ينفر الناس منه وقد قال الله تعالى :

(( ولو كنت فظا غليظ القلب لانفضوا من حولك))

ربي يرزقك كل ما تتمناه حبيبتي : )

 

متابعة معك ان شاء الله

شارك هذه المشاركه


رابط المشاركه
شارك

مها . هو انتي اديتي لعلاء الهدية اللي جبتيهالوه ؟

 

 

لأ

 

ليه يا بنتي

 

بصراحة اتكسفت خالص يا لميا

 

يابنتي اومال كنتي جبتيها ليه اصلا

 

مش عارفة بقى . انا كنت عايزة حاجة اعبر بيها عن مشاعري من غير كلام

 

هههههههه طيب بقولك ايه ما تيجي نقول لبابا وماما يعزموه عندنا وتديلو الهدية يمكن يحسس باهتمامك وينطق ويجي يخطبك

 

تفتكري يا لميا . تفتكري علاء يفكر يخطبني ؟

 

يا سلااااااااام . هو يطول يابنتي . كفاية انك مؤدبة وخجولة مش زي بنات اليومين دول بتوع الرقص والمسخرة

 

مش عارفة يا لميا . بس بحس انه مش بيفكر فيا خالص

 

بقولك ايه احنا نعمل العزومة ونديلوه الهدية وهو حتى لو مش بيفكر يبقى هيفكر ان شاء الله هههههه

 

ههههه يارب يا لميا . بصراحة انا نفسي بجد ابقى زوجة لعلاء واخليه اسعد انسان في الدنيا على اد حبي ليه

 

يا عيني يا عيني . هو فين عشان يسمع الكلام الحلو ده هههههههه

 

اخص عليكي يا لميا انا برضو اقدر اقول الكلام ده قدامه

 

ههههه خلاص يا ستي انا عندي فكرة

 

ايه هي

 

وهو موجود نبقى نشغل اغاني فيها نفس معاني الكلام اللي عايزة تقوليه ومش قادرة

 

والله فكرة

 

خلاص اتفقنا

 

 

 

 

 

 

 

 

استنى علية يا سي مصطفى . يا واد يا تقيل هههههههه ان ماوريتك . مش هسيبه في حاله هههههه ياأنا يا هو

تررررررررررررررررن ترررررررررررررررررررررررررررررررن

 

حد يرد ع التليفون يا ولاد . يا مصطفى يا موني

 

تررررررررررررن تررررررررررررررررررررررررررن

 

ايوة يا ماما انا هرد . ابيه مثطفى بيلبث عثان ناذل

 

 

الوووووووووووووو

 

ايوة يا حبيبتي ممكن اكلم مصطفى

 

 

انتي مين يا طنط ؟

 

انا أأأأأنااااااااااااااااااااا ااااااااااااااه قوليلو المطربة شادية هههههههههههه

 

هيييييييييييييييييييييه هييييييييييييييييييييييه هو حضرتك طنط ثادية اللي بتغني ؟

 

 

ايوة يا روحي اديني بقى مصطفى

 

انا بحبك اوي يا طنط ثادية وبحب الأوثة بتاعتك وماما بتعملي اوثة ذيها

 

شكرا يا روحي وانا بحبك اديني مصطفى

 

هو ليه يا طنط حضرتك ثيبتي ابنك الذوغير النونو وروحتي مع الناث الوحثين

 

ابني مين ! وناس وحشين مين . يا بنتي اديني مصطفى

 

ايوة يا طنط وكمان عايزة اثألك انتي حطيتي ابنك في ثنطة العنب ليه وثبتيه ومثيتي ؟

 

يخرب بيت سنينك . شنطة عنب ايه يا بنتي بس اللي هحط ابني فيه

 

ايوة يا طنط في الفيلم اللي حضرتك هربتي فيه من باباكي مع انكل ثكري ثرحان . انا ذعلانة منك . مش اللي يهرب من البيت يبقى عيب ؟

 

يابنتي شكري سرحان مين اللي ههرب معاه . انتي دخلتي افلام شادية كلها في بعض اللي بتحكي فيهم دول تلات افلام ضربتيهم في الخلاط وعملتيهم فيلم الله يهدك . اديني مصطفى

 

 

حاضر يا طنط لحذة واحدة

 

 

يا ابيه مثطفى

 

نعم يا موني

 

كلم طنط ثادية

 

شادية مين ؟؟؟؟؟؟؟؟؟؟؟؟

 

طنط ثادية اللي بتغني وتمثل

 

افندمممممممممممم ايه الكلام ده

 

ماترد يا مصطفى شوف مين عايزك

 

 

 

الو

 

ههههه اخيرا رد . أما اشغل الاغنية بقى

 

 

يا سارق من عيني النوووووووووووووووووووم

 

ان نمت دقيقة تصحيني

 

يا سارق من عيني النوم

 

ان نمت دقيقة تصحيني

 

وبقالي كام ليلة ويوووووووووووووووم يا سارق النوم من عينييييييييييييييييييييييييييييييييييييييي

 

 

 

هههههههههههههههه ايه رأيك في الاغنية

 

جميلة اوي يا طنط ثادية

 

ياربيييييييييييييييييييييييييييي هو انتي تاني

 

ايوة يا طنط اثل ابيه مثطفى اول ما الاغنية بدأت اداني الثماعة وانا كنت بغني معاكي . انتي ما ثمعتنيش؟

 

يييييييييييييييييييييييييييييييييييييييي باي باي

 

باي باي يا طنط روحي لباباكي عشان عيان وعنده دكتور وابقي اتثلي غنيلي تاني

 

 

 

يا ثارق من عيني النوم

 

ان نمت دقيقة تثحيني

 

وبقالي كام ليلة ويوم

 

يا ثاااااااااااااارق النوم من جيبيييييييييييييييييييييييييييييييي هييييييييييييييييييييييه

 

 

 

 

 

 

 

 

 

تن تن تن

 

 

مين اللي بيخبط بحنية برا

 

انا صفاء يا تيتة الحاجة

 

صفااااااااااااء يا حبيبتي يابنتي اهلا اهلا يا صفاء اتفضلي يا غالية يا بنت الناس الطيبين

 

هههه يزيد فضلك يا تيتة الحاجة . ماما عملت رز بلبن وعملت حساب حضرتك عشان عارفة انك بتحبيه اوي

 

تسلم ايدك وايد ماما اللي عملت . فيكو الخير والله . نفسي في الرز بلبن بقالي شهرين والله

 

وكل ما اقول اقوم اعمل حلة اكسل واقول في نفسي هو انا لسة هدوب النشا واقف اقلب فيه لحد ما يتقل وضهري يوجعني من الوقفة . واقوم راجعة في كلامي وارجع اللبن في التلاجة

 

ههههههه كل ما تعوزي رز بلبن قوليلنا بس واحنا نعمله وننزلهولك لحد عندك

 

تسلمي يا حبيبتي . وماما صحتها عاملة ايه يا صفاء

 

بخير الحمدلله . بحاول بقدر الامكان ابعدها عن أي انفعال وبتاخد الدوا في معاده

 

ربنا يشفيها ويفرحها بيكي يا حبيبتي . انتو ناس ونعم الجيران والله . امك طول عمرها في حالها وابوكي الله يرحمه كان راجل طيب

 

ربنا يخليكي يا تيتة

 

ترررررررررررررررررن ترررررررررررررررررررررررن

 

طيب انا هطلع بقى الظاهر حد جه يزورك

 

ده تلاقيه علاء اقعدي

 

لالالالالالالا عن اذنك انا طالعة

 

هههههههه ونعم التربية

 

ترررررررررررن

 

مين

 

علاء يا تيتة

 

اهلا يا علاء ادخل

 

ازيك يا انسة صفاء

 

اهلا وسهلا يا باشمهندس عن اذنكو

 

هههههه شوفت الادب . عمرها ما تقعد في حضور راجل غريب ابداااااااااااااااا

 

هههههه خجولة بجد

 

اه والله وبتفكرني ببنات الزمان المتربيين . بس نعمل ايه اذا كانوا الرجالة بيحبوا المجانين

 

هههههههههههههههههه الله يسامحك يا تيتة . بتشتمي حبيبة قلبي

 

جاك وجع في قلبك يا واد . انت نازل تسأل علية ولا تغيظني يا ابن ليلى

 

هههههه ما عاش ولا كان اللي يغيظك يا جميل . انا نازل اشرب معاكي الشاي

 

قوم حط البراد ع النار

 

حاضر يا تيبتة

 

 

 

 

 

 

 

 

ماما

 

نعم يا علاء

 

انا كنت عايز اكلم حضرتك في موضوع مهم

 

خير يا حبيبي

 

انا فكرت اخطب هيام بنت خالتي

 

ههههههههه هيام ! واشمعنى هيام

 

يعني عجباني يا ماما . بنت مرحة وعصرية ومتعلمة وفيها كل الصفات اللي بدور عليها

 

ايوة يا حبيبي بس خلي بالك هيام دلوعة دلووووووووعة اوي وهتتعبك

 

هههههههههه بموت في دلعها وشقاوتها ههههههههه

 

ههههههههه يا خبر يا خبر . ابني اتجنن يا ناس ههههه اول مرة اشوفك بتتكلم بالاسلوب ده يا باشمهندس

 

يا ماما انا تعبت طول عمري ما بفكرش غير في مذاكرتي ونجاحي وتفوقي

 

ما عنديش وقت للحب ولا للسعادة

 

ولقيت الحب والسعادة مع هيام

 

ايوة يا ماما ايوة

 

خلاص يا حبيبي انا هفاتح باباك في الموضوع وربنا ييسر الاحوال

 

 

فكري حبيبي

 

هههههههه اهلا بلولى حبيبة قلبي وحشتيني

 

ربنا يخليك ليا يا حبيبي انت اكتر

 

شكلك عايزة تقولي حاجة

 

اه والله . اصل علاء عايز يخطب هيام بنت احلام

 

ايه هيام بنت احلام دي , اسمها هيام بنت صلاح

 

ههههههه ماتزعلش يا سيدي هيام بنت الاستاذ المبجل اخوك صلاح

 

وهو مالقاش الاهيام ؟ الولد ده جراله ايه

 

ايه ده يا فكري انا افتكرت انك هترحب بالفكرة

 

يا ليلى انا عايز سعادة ابني مع زوجة عاقلة ورزينة وتعرف تربي ولاده . لكن هيام دي هتتلف أمله

 

ايه ده يا فكري . انت رأيك في البنت وحش اوي

 

عشان عارفها كويس اوي . وهيتعب معاها

 

بس الولد بيحبها

 

هو حر . انا قولت رأيي . لكن مش هتتدخل في اختياره ومش هفرض عليه رأيي

 

انتي كدة ولادك متعبين وتاعبني معاهم . ما فيهومش الامصطفى وربنا يستر ويفضل بعقله هو كمان

 

 

يعني موافق يا حبيبي ؟

 

هحدد معاد مع صلاح واخد الفالح ونخطبله حبيبة القلب . بس ياريت بعد كدة ما يجيش يشتكي

 

 

 

 

 

 

الووووووووووووو هيومة ههههههههههه ازيك يا خطيبتي ههههههه

 

ايييييييييييييييييييييه ههههههههههههه انت بتقول ايه . انت فاتحت عمو فكري ؟؟؟؟؟؟؟؟؟

 

ايوة يا ستي وهيحدد معاد مع عمي صلاح ونيجي نخطبك رسمي

 

هههههههههههههههه يا حبيبي يا عمو فكري يا عسل

 

ايه ده ايه ده . انتي بتقولي على حد غيري حبيبي ؟؟؟؟؟؟؟؟؟؟؟؟؟؟؟؟

 

ههههههههههه انت حبيبي وروحي وخطيبي وكل حاجة في الدنيا بالنسبة لي

 

ايوة كدة اتعدلي هههههههههههههه. على فكرة انا معزوم عند خالي رفعت على الغدا بكرة

 

ايه ايه اييييييييييييه نعم يا استاذ ! معزوم عند مييييييييييييييين !!!!!!!!!!! مش هتروح

 

لالالالالالالا بقولك ايه من اولها . انا صوتي من دماغي ومافيش ست تقولي اعمل ايه وما اعملش ايه ولا هسمحلك تمشي كلامك عليا فاهمة ولا نفضها سيرة من اولها

 

لالالالالالالا فاهمة حبيبي فاهمة يا سي السيد هههههههههه

 

ههههههه ايوة كدة بس ابقي خليها سي علاء ههههههه

 

من عيوني يا سي علاء . هههههههه فرحانة فرحانة فرحااااااااااااااااااااااااانة ههههههههههه

 

هههههه اكيد طبعا . أي واحدة في مكانك وهتتجوز واحد زيي يبقى لازم تطير من الفرحة وما تصدقش نفسها

 

هههههههه بحبك يا مغرور ههههههه

 

هههههههه طب سلام بقى دلوقتي

شارك هذه المشاركه


رابط المشاركه
شارك

مساء الخير

 

مساء النور اهلا ياباشمهندس مدحت

 

يا ترى دكتورة نجلاء فاضية ولا مشغولة

 

عندها حالة واحدة جوا وخلاص اصلا مواعيد العيادة خلصت

 

عارف وعشان كدة قولت اعدي عليها اخدها

 

ربنا يخليكو لبعض يا باشمهندس

 

طب اديلها خبر اني موجود من فضلك

 

حاضر يا فندم لحظة واحدة

 

 

 

تن تن تن دكتورة نجلاء

 

نعم يا اجلال . في حد جه برا ؟

 

ايوة يا دكتورة

 

طب خدي منها تمن الكشف ودخليهالي اشوفها في الشهرالكام

 

ههههههههه لا يا دكتورة دي مش واحدة حامل . دا جوز حضرتك باشمهندس مدحت

 

ااااااااااااه مدحت . طب قوليله هخلص الكشف اللي في ايدي واخرج على طول

 

طيب اقدر امشي انا يا دكتورة عشان اتأخرت ؟

 

ايوة يا إجلال بس بكرة تيجي تفتحي العيادة من بدري . في ستات كتير اشتكولي وقالوا انهم جم قبل كدة لقوا العيادة مقفولة

 

اسفة يا دكتورة . والله المواصلات هي اللي بتأخرني . عن اذنك

 

ها يا دكتورة . وضع الجنين كويس

 

ايوة يا مدام الحمدلله والمية اللي حواليه كويسة خالص بص تبطلي تاكلي حوادق من فضلك

 

هحاول . اصل انا بحب المخللات اوي

 

هي الطفاصة دي اللي موديانا في داهية . اتفضلي وعدي علية الاسبوع الجاي

 

 

 

 

اهلا يا مدحت يا حبيبي نورت العيادة

 

اهلا بيك يا ست الحكيمة

 

ههههههه ايه ست الحكيمة دي هههههه يلا يا حبيبي عشان نروح

 

 

اتفضلي يا ستي

 

اااااااااااااااااااااااااااااااااااااااااااااااااااااااااااااه ااااااااااااااااااااااااااااااااااااه الحقوني الحقوني ياناااااااااااااااس

 

ايه ده في ايه .

 

ايه ده استنى يا مدحت ده رزق وجالنا يا حبيبي الظاهر واحدة جاية تولد

 

 

 

 

 

 

 

 

 

 

 

 

 

ياااااااااااااااااااااااااااااااارب وبعدين بقى

 

ااااااااااااااااااااااااااااااااااااااااااه الحقووووووووووووووووووووووني يا ناس

 

 

مساء الخير يا ست الدكتورة . انا جايب المدام تولد لا مؤاخذة . قالتلي وديني عيادة الدكتورة نجلاء

 

اهلا اهلا اهلااااااااااااااااااااااا دخلها جوا

 

 

اااااااااااااااااااااااااااااااه مش قادرة

 

 

خد يا جدع انت شيل الشنطة دي دخلها جوا على ما اسند الست بتاعتي

 

افندممممممممممممممممممم هو مين ده اللي يشيل شنط يا بني ادم انت

 

خد الشنطة من الراجل يا مدحت ما يصحش كدة

 

 

اوووووووووووووووووووووووف هات يا سيدي . ما انا بقيت شيال شنط كوافيل وغيارات

 

 

اااااااااااااااااااااااااااااااه الحقني يا متووووووووووووووووووووووولي

 

الحقك اعملك ايه يا ست انتي . انا جيبتك عند الدكتورة وعملت اللي عليا

 

طيب عن اذنكو هدخل اولدها . وانت استنى شوية يا مدحت

 

 

حاضر اووووووووووف حاضر يختي . كان يوم ما طلعتلوش شمس يوم ما اتخبطت في نفوخي واتجوزتك يا دكتورة العجايب

 

استغفر الله العظيم . اروح اقف جنب الشباك بدل ما اتخنق اوووووووووووف

 

 

انت يا جدع انت

 

انت يا ياد يا هلف يللي جنب الشباك

 

انت بتكلم مين يا بجم انت ؟؟؟؟؟؟؟؟؟؟؟؟؟

 

بكلمك انت . هكون بكلم خيالك . اجري ياد هات كوباية مية ريقي ناشف

 

يا نهارك زي وشك . انت مش عارف انت بتكلم مين ؟

 

بكلم مين يعني . حتة تمرجي لا طلع ولا نزل

 

تمرجيييييييييييييييي !!!!!!!!!!!!!!! انا تمرجي .

 

انجر يا مقطف هات كوباية مية والا هخلي الدكتورة تطردك من العيادة وتشردك في الشوارع اللي جيت منها

 

 

مقطف !!!!!!!!!!!!!!! فعلا عندك حق انا مقطف وستين مقطف اني جيت هنا . هجيب لحضرتك المية

 

 

 

اتفضل يا استاذ اشرب

 

متشكرين . محسوبك معلم متولي تاجر مواشي

 

تشرفنا

 

اسم الأبعد ايه ؟؟؟؟؟؟؟؟؟؟؟؟؟

 

مدحت التمرجي

 

ماتزعلش اوي على نفسك كدة . ما انت الغلطان . لو كنت كملت علامك كان زمانك مهندس ولا دكتور بدل المرمطة في العيادات وقلة القيمة لا مؤاخذة

 

عندك حق . معلش . كل واحد بياخد نصيبه يا حكيم زمانك . عن اذنك وقول للدكتورة المقطف في البيت

 

 

 

 

 

 

 

 

تررررررررررررررن ترررررررررررررررررن

 

الو

 

مساء الخير يا دكتور مدحت

 

اهلا باشمهندس علاء هههههههه بعرفك اول ما تقول يا دكتور مدحت . ربنا يبشرك بالخير واخد الدكتوراة قريب

 

ههههههه ان شاء الله يا دكتور مدحت . اخبارك ايه

 

اييييييييييييه دنيا . دنيا فانية . كله تمام

 

ههههههههههه مالك يا دكتور مدحت صوتك مش طبيعي

 

أي حد يحتك بواحدة زي مراتي هيوصل للحالة اللي انا فيها من الضياع

 

ههههههههه شكل المدام تعباك ع الاخر

 

هو انا بشوفها عشان تتعبني ولا تريحني . انت اخبارك ايه

 

خلاص هخطب قريب ان شاء الله . هتجوز بنت خالتي

 

ومالك فرحان اوي كدة بشبابك . اصبر على رزقك بكرة تاخد لقب مقطف ان شاء الله وتقعد جنبي

 

ههههههههههههه مالك بس يا باشمهندس مدحت

 

انصحك نصيحة اوعى تخلي مراتك تشتغل . الست مكانها بيتها . ولو اشتغلت يبقى بالاصول . يعني تنظم وقتها

 

وتهتم ببيتها وجوها . ولا اقولك احسن تقعد في البيت وماتشتغلش خاااااااااااااااااالص وتتفرغ لجوزها

 

هههههه انا خطيبتي اصلا مش بتاعة شغل .

 

احسن . ارتاحت وريحت . يا بختك ياسيدي . الف مبروك

 

الله يبارك فيك يا باشمهندس مدحت . انا هتتصل بيك تاني اطمن عليك

 

مع السلامة

 

الله يسلمك يا سيدي

شارك هذه المشاركه


رابط المشاركه
شارك

ماما انتي رايحة الكباريه الساعة كام

 

بتسألي ليه يا حبيبتي ما انتي عارفة . هو في حاجة

 

اصل واحدة صاحبتي جاية تزورني وكانت عايزة تسلم عليكي قالتلي انا مش مصدقة نفسي اني هسلم على الرقاصة العظيمة تيتي نظمي

 

وماله يا حبيبتي استناها . على العموم لسة بتمرن ع الرقصة الجديدة

 

بت يا بيساااااااااااااااااااااا

 

نعمين يا ابلتي

 

فين يا بت البدلة الحمرا ام ترتر . وديتها فين يا للي تنقرصي

 

يا ابلتي ما هي عندك في الشنطة

 

اه والله في الشنطة اهيه . انا مش واخدة بالي

 

 

سلامة نظرك يا ابلتي

 

 

ترررررررررررررررررررن تررررررررررررررررررررررن

 

افتحي الباب يا بيسااااااااااااااااااااا

 

 

حاضر يا ابلتي

 

 

مساء الخير

 

اهلا يا أختي . فرح ولا طهور ؟

 

ههههههه لا انا عايزة سالي

 

بس الست سالي ما بترقصش . اللي بترقص امها الست تيتي

 

ههههههههه انا صاحبة سالي في المدرسة

 

يختي يا نوغا هههههههه انجغا يختي خدي مصاصة ههههههههههه ادخلي الست سالي جوا مع امها

 

 

اهلا اهلا ازيك يا دعاء

 

اهلا يا سالي

 

مامتك اللي هناك دي ؟

 

ايوة

 

هي بتترعش كدة ليه . يا حرام . هي بردانة؟

 

لأ دي بتسخن قبل ما تروح الكباريه

 

هههههههه اااااااااااااااه حاجة مسلية اوي . انا داخلة اسلم عليها

 

 

مساء الخير يا طنط

 

اهلا يا روح طنط ازيك

 

الله يسلمك . يااااااااااه يا طنط حضرتك شكلك حلو خالص . احلى من الصور اللي في المجلات

 

تسلمي يا حبيبتي وتعيشي منورة . بت يا بيسااااااااااااااااااااااا

 

نعم يا ابلتي

 

هاتي حاجة لسالي وصاحبتها يشربوها

 

حاضر يا ابلتي هجيبلهم بيرا والمزة على حسابي

 

بيرا في عينك . انتي هتفضحينا مع صاحبة البت . هي زبونة في الكباريه ! روحي هاتي عصير ولا حاجة ساقعة

 

حاضر يا ابلتي . عنينا لبنت ابلتي واصحاب بنت ابلتي

 

 

 

قوليلي يا حبيبتي

 

نعم يا طنط

 

بتعرفي ترقصي

 

اه يا طنط طبعااااااااااااااا ههههههههههه هو في بنت ما بتعرفش ترقص

 

شاطرة يا حبيبتي . اكيد امك هي اللي معلماكي

 

هههههههه لالالالالالالالا يا طنط . ماما ما بتعرفش ترقص

 

يا مصيبتي ! وابوكي مخليها على ذمته ليه ؟

 

هههههههه عادي يا طنط

 

بصي انا هعمل مع امك احلى واجب . خليها تجيلي كل يوم ساعة في مدرسة الرقص الشرقي الراقي اللي هفتتحها عشان ادرب كوادر جديدة

 

هههههههه يا طنط ماما مالهاش في الحاجات دي خااااااااااااالص

 

كدة . ياعيني! اللي يشوف بلاوي الناس تهون عليه بلوته . طب بصي يا حبيبتي خدي الكارت ده فيه عنوان الكباريه

 

ابقي اديه لبوكي خليه يجي يفك عن نفسه شوية بدل الاكتئاب اللي امك جبتهوله

 

ميرسي يا طنط

 

تررررررررررررررررررن ترررررررررررررررررررن

 

افتحي يا بت يا بيسااااااااااااااااااااااااااااااااااااااا تلاقيهم البودي جاردات بتوعي رمزي ولمعي

 

 

ايوة هما اتفضلوا هههههه ازيك يا رمزي ازيك يا لمعي

 

ازيك يا بيسا . فين النجمة

 

جاية اهو يا واد انت وهو . انا نازلة يا سالي اشوفك بكرة بقى يا حبيبتي

 

اتفضلي يا ماما

 

عن اذنك يا حبيبتي . اسمك ايه صحيح ؟

 

دعاء يا طنط

 

دعاء الكروان هههههههه ماشي يا عيون طنط . البيت بيتك

 

يلا يا رمزي انت ولمعي اسبقوني ع العربية

 

 

حاضر يا فنانة

 

 

 

 

تعالي بقى يا دعاء نقعد في اوضتي ماما نزلت وهتيجي بكرة

 

 

بقولك ايه يا سالي ممكن استعمل التليفون

 

هتكلمي مين

 

هكلم عادل عدولة حبيبي . بقالي تلات تيام ماكلمتوش . ماما قاعدة في البيت مابتسيبوش ومش عارفة اتصل بيه

 

طب هو مش بيتصل ليه

 

هو بيتصل طبعا بس مش عارفة بقاله كام يوم مش باين خالص

 

ايه ده . طيب ازاي بتردي عليه ومامتك موجودة

 

ههههههههه يا بنتي عادي . تقولي بتكلمي مين يا دعاء اقولها أي اسم من اسامي صاحباتي ههههههههه

 

مرة اقولها بكلم هالة مرة بكلم جينا واهي ماشية ههههههههههه

ومامتك بتصدق ؟

 

ماما بتثق فيا ثقة عميااااااااااااااااااااااااااااااااء وحطي الف خط تحت عميااااااااااااااااااااااااااااااء هههههههههههه

 

بس قوليلي هو انت ما لكيش حبيب ولا ايه يا سالي ؟

 

أأأأأأأأ انا لالالالالالالالالا

 

ههههههههههه عيني في عينك كدة ههههههههه اه يا كدابة

 

بصراحة في واحد جارنا وساكن في البلاكونة اللي قصادنا بس بصراحة مش عارفة هو بيحبني ولا لأ

 

طب وانتي ساكتة ليه . ما تقوليله بحبك

 

 

لالالالالالالا انا ماعنديش الجرأة دي

 

غريبة اوي . اصل انتي مامتك رقاصة يعني

 

تقصدي ايه ؟ يعني عشان ماما رقاصة يبقى انا مش مؤدبة

يا حبيبتي ما اقصدش . الحب مش قلة ادب . الحب ده حرية ومشاعر جميلة

 

وانا اقصد ان مامتك فنانة وتعرف معنى الحب ومش هتمنعك تحبي

طب اعمل ايه .

هو اسمه ايه ؟

 

ما اعرفش

 

هههههههههههه جتك خيبة . بتحبيه وماتعرفيش اسمه هههههههههههه طب رقمه كام

 

ما اعرفش

 

لالالالالالالا دا انتي خيبة اوي . اسمعي ! انا هجيلك بكرة ومش ماشية غير لما اعرفك عليه واخليه يقولك بحبك كمان

 

بجد ؟ طب هتعملي ايه؟

 

هههههههههه لا دا شغلي انا بقى . مش هبخل عليكي بخبراتي يا حياتي اموووووووووووووووه هاتي التليفون بقى اكلم عدولة

 

ههههههههههههه اتفضلي . انتي صاحبة مخلصة اوي وانا بحبك خالص

شارك هذه المشاركه


رابط المشاركه
شارك

بييييييييييييييييييييييييييب بيييييييييييييييييييييييييييييييب

 

حاسب هدوسك ههههههههههههههههههههههههههه

 

 

ايه ده . ما تحاسبي يا بني ادمة . طالما ما بتعرفيش تسوقي بتركبي عربية ليه ؟

 

 

ههههههههههههههههه يختي عليك وعلى لسانك اللي بينقط سكر

 

 

هو انتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ استغفر الله العظيم

 

وراك وراك ههههههههه مش هسيبك

 

يابنتي ابعدي عني . ابعدي عني وسيبيني في حالي

 

كدة ! حد يقول لسوزي الحلوة كلام وحش كدة هههههههه طب برضو مش هسيبك وهطاردك بالعربية هههههههههههههههههههههههههه

 

 

يووووووووووووووووووووووووه اديني طلعت ع الرصيف

 

ههههههههههه برضو مش هسيبك

 

 

يا بنتي اتقي الله في نفسك وفي اهلك . في بنت محترمة تمشي ورا شاب تعاكسه بالعربية !!!!!!!!!!!

 

ايو هههههههههههه أنا ليا السبق وبكرة اعلم جيلي هههههههههه وبعدين مش اي راجل يتعاكس

الرجالة القمامير بس هههههههه وانت امور امور خالص يا دارلنج هههههههه

 

 

لا حول ولا قوة الا بالله . يعني ابوكي يجيبلك عربية ويعملك بني ادمة وانتي عايزة تحطي راسه في الوحل

 

هههههههههه وحل ايه بس . الشارع مسفلت وجميل أهو . تعالى اركب

 

 

غوري من وشي بقى استغفر الله العظيم

 

ههههههههههههه اصل بصراحة طول عمري اشوف القمر في السما واول مرة اشوفه ماشي ع الارض

 

 

 

طب حاسبي حاسبي الشجرة اللي قدامك

 

 

طراااااااااااااااااااااااااااخ اااااااااااااااااااااااااااااااااااااااااااااااه دماغي ااااااااااااااااااه

 

تستاهلي . عشان تبطلي قلة ادب

 

 

 

 

برضو وراك وراك مش هسيبك هههههههههههههههه يا أنا يا انت يا ابو عيون تجنن هههههههههه

شارك هذه المشاركه


رابط المشاركه
شارك

اهلا بحبايبي الحلوين هههههههههه

 

ازيكو كلكو يا بنات

 

هاجي ارحب بيكو بكرة عشان جالي حول من الكتابة هههههههههههههههههه

 

 

اسيبكو مع احداث النهاردة واستنوني بكرة مع احداث اسخن واسخن واسخن ههههههههههههه

 

 

ان شاء الله

  • معجبة 1

شارك هذه المشاركه


رابط المشاركه
شارك

هههههههههههههههههه

يعيني علي المقطف اقصد الباشمهندس

ههههههههههههه

يا بنت يا هبه كنتي اكتبي زيارة علاء لخاله

كنت مستنياها

 

شارك هذه المشاركه


رابط المشاركه
شارك

اااه من سوزى دى رخمه بشكل

 

فوق الرخامة دي بنت وقحة جدًا ومش مهذبة بالمرة خالص

مشتاقة أعرف باقي الأحداث هبهوبة : ))

  • معجبة 1

شارك هذه المشاركه


رابط المشاركه
شارك

كنت عايزة زيادة أنا طماعة هههه

لاحظت ان بنت الرقاصة كويسة لكن مع الأسف صاحبة السوء لن تتركها

والبت هيام دي وقحة بشكل :))

تسلمي حبيبتي وأنا منتظرة الحلقات بشوق لكن طولي شوية ههههه

شارك هذه المشاركه


رابط المشاركه
شارك

هم يضحك وهم يبكي!

لكن نجلاء تعطي مثال سيء عن الطبيبات،

ليست كل الطبيبات هكذا بل هناك من تستطيع الموازنة بين مهنتها وبيتها

الله المستعان

شارك هذه المشاركه


رابط المشاركه
شارك

بارك الله فيك هبة، متابعة معك كالعادة.

 

أحس و كأنني أرى فلما مما كنت أراه في أيام الجاهلية :ph34r: ، الحمد لله هلى نعمة الهداية.

 

لي تعلقات على الأحداث لاحقا إن شاء الله.

 

بالنسبة لفترة السبعينات، فأظن أن في الجزائر كان الحجاب منتشرا جدا، و كانت النساء تغطي أوجههن و الإحتشام كذلك كان أكثر من الآن، لا أقول التدين، لأن الجهل كان منتشرا كثيرا، فنجد المرأة لا تحتجب من إخوة زوجها و أقاربها، بالمقابل كانت هناك المتحررات أصحاب الميني جيب و غيره، و الناس كانت متأثرة بالأغاني و الأفلام خاصة المصرية :D .

 

و الله أعلم أن الإحتشام يقل يوما بعد يوم، صحيح أن هناك صحوة لكن بالمقابل نحن الآن نعيش فسادا، ففي فترة طفولتي كان الحجاب ملتزما أكثر من الآن، لم أكن أرى محتجبة بالسروال، و غير المحجبات قليلات و هن منبوذات في المجتمع، أما الآن فكلكن ترين واقع المسلمين، و الله المستعان.

 

هذا ما أظنه، و أنا أقيس على المنطقة التي أسكن فيها، بحسب ما حكي لي لأنني لست من المعمرات مثلك يا هبة ;) .

  • معجبة 1

شارك هذه المشاركه


رابط المشاركه
شارك

البت سوزي دي عامله زي البرغووووث اللي يقرص ويختفي وبعد شوية تلاقيه بينطلك تاااني ههههههههههه

 

أما انتي يا هيااام فهتبقى وقعتك سودااا لما علاااء يسيببك ههههههههه

 

ويا حلااااوة ي اخواااتي دي مها المؤدبة طلعت بتسمع اغااااني >> عادي عادي وماله هو عييب!!!!!

 

عجبني أوووي المقطف الجميييل ده ههههههههه

 

>> أنا بردوا بقول ان البت شاهي هتقع في واحد قفل وال

والبت مها هتقع في علاااء

 

والمهم يعني سهااام دي عمل ايه مع تعيس الحظ بتاعها ؟؟!!!!

  • معجبة 1

شارك هذه المشاركه


رابط المشاركه
شارك

^ـــــــــــــــــــــــ^

متابعة يا مبدعة

بانتظار الحلقات الجديدة بإذن الله

شارك هذه المشاركه


رابط المشاركه
شارك
ويا حلااااوة ي اخواااتي دي مها المؤدبة طلعت بتسمع اغااااني >> عادي عادي وماله هو عييب!!!!!

 

في ذلك الوقت لم يكن هناك التزام وهذا ما تريد أن تعبر عنه هبة الحبيبة

يعني حتى المؤدبة والمتربية كما يقولون، تسمع أغاني وتعمل كثيرًا مما هو خاطئ لكن هكذا كانت الأحداث والله المستعان

شارك هذه المشاركه


رابط المشاركه
شارك

فييييييييينك يا جمييييييييييل

مشتااااااقين للبااااقي

شارك هذه المشاركه


رابط المشاركه
شارك

السلام عليكم ورحمة الله وبركاته

^___^

صبرك علينا هبة الحبيبة

هذه الفصول كانت متخمة بالأحداث ولي تعليق على بعضها : )

 

 

الأنسة سوزي : )

هي نموذج للمرأة التي يثير التحدي في نفسها وجود رجل لا يعترف بتأثيرها عليه

وزهذا ما حدث

فهي تعودت على إثارة الإعجاب في كل مكان تذهب إليه ..ولكنها ولأول مرة تقابل شاب لا يتأثر بها أو يبدي أعجابا نحوها

فطبيعي جدا أن يثير اهتمامها ...ويجعلها تتصرف مثل هذه التصرفات الحمقاء

وأعتقد في النهاية سيتحول الأمر من تحدي إلى شيء آخر ^__^

ولعل توبتها تكون على يد مصطفي

 

علاء

سيخطب هيام ولكنه سيكتشف خطأه بعد مده ليست بالطويلة ..

وسيفهم تماما أن الحياة الزوجية تحتاج لإمرأة عاقلة تفهم معناها ويستطيع الرجل أن يستأمن نفسه وبيته عليها

وستكون مها هي البديل ...مع أن اسلوبها لم يعجبني كذلك ...

ولكن كما قالت ملاذ أنت تعبرين عن الفترة : )

 

دكتور رأفت ^__^

وما أدراك ما دكتور رأفت ..

الحق أنني مقدرة موقفه ...وأشعر بالأسف عليه

ولكن هذا لا يمنع رفضي التام لما فعله من إفشاء أسرار حياته الزوجية لصديقه

فمهما كانت هي إمرأته ولا يصح أن يتكلم عنها بهذا الشكل

ومادام هو متأثر بهذا الأمر فليكن رجلا ويطالبها بترك العمل أو تنظيم وقتها على أقل تقدير

 

 

تيتي نظمي ...

نموذج كان موجودا على ما أسمع

ولكن أرجوك هبة الحبيبة ..لا تفعلي مثل الأفلام وتظهريها لنا بمظهر البرئة المظلومة التي ذهبت للرقص لتجد لقمة العيش بشرف

فهي راقصة ...ومهما فعلت فهي قد باعت جسدها وقبله دينها بعرض من الدنيا

ولا حول ولا قوة إلا بالله

 

 

سالي ...طبيعي أن تكون هذه شخصيتها

فهي تبحث عن الحب لمجرد أن تجد اهتماما فقط

 

دعاء ...

نتاج تربية خاطئة للأم

ليس معنى أن أشعر ابنتي بالثقة أن أترك لها الحبل على الغارب

وأن أصدقها في كل ما تقول

فلسنا وحدنا من نربي وإنما هناك الكثير من العوامل الخارجية التي تؤثر على ابنائنا

ولذلك فلابد من وجود رقابة خفية تعطيهم الثقة ولا تشعرهم بالمراقبة ...

وهو ما لم تفعله أم دعاء وأعتقد النتيجة ستكون كارثية : (

والغريب أن هذا الصنف من الفتيات ...لا يكتفي بسوء خلقه

وإنما يحاول بشتى الطرق أن يفسد من حوله ..ويمرغهم مثله في الوحل

وهذا ما تفعله تماما مع سالي

 

 

^____^

أكتفي بهذا القدر

وسامحيني على الإطاله

  • معجبة 8

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏‏قال العلامة محمد الأمين الشنقيطي -رحمه الله- : إن هذا القرآن العظيم فيه خير الدنيا والآخرة ، ولم يضمن الله لأحد ألا يكون ضالًا في الدنيا ، ولا شقيًّا في الآخرة إلَّا المتمسك بهذا القرآن العظيم ﴿ فَمَنِ اتَّبَعَ هُدَايَ فَلا يَضِلُّ وَلا يَشْقَى ﴾.

×