اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

السلام عليكم ورحمه الله وبركاته

 

 

اخييييييييييييييييييييييرا لحقتك

 

يا شيخة قطعتى نفسى وانا بجرى ورا اللى كتبتيه علشان الحق اخلص

 

وحشتينى هبهوبة

 

احداث كتييييييييرو جدا

 

 

تنبأ باحداث قوية ومعقدة .....

على الرغم من عدم استطاعتى للتعليق "بسبب دماغى المصدعة "...... بس انا حسيت بتشابه كبييييييير يا هبه بين الزمن اللى احنا داخلنا فيه والله المستعان

 

ان شاء الله من الحلقات الجاية يا هبه هكون متابعة واعلق اول باول ....فانتظرونيييييييييييييييييييييييييي ^________^

  • معجبة 2

شارك هذه المشاركه


رابط المشاركه
شارك

مبدعة مبدعــــــــــــــــــــــــــــــــــة ما شاء الله

 

انا حاسس انو علاء رح يتزوج هيام

وهي اللي رح يكون العنوان بحكي عنها (مراتي في السبعينات)

 

اي رايك يا مس هبة.. بعرف اخمن كويس ^___*

شارك هذه المشاركه


رابط المشاركه
شارك

اهلا وسهلا يا علاء ازيك يا ابن اختي شرفت فيلا خالك

 

 

الله يخليك يا خالي

 

وازي والدتك ووالدك واخواتك وخصوصا موني ههههههههه

 

ههههههه كلهم بخير الحمدلله وموني مطلعة عنينا ههههههه

 

اخر العنقود بقى وبتدلع عليكو

 

ايوة بس بقت عنيدة وشقية واسئلتها كتير

 

يا سيدي الاطفال كلهم كدة

 

اهلا اهلا يا باشمهندس نورتنا

 

اهلا بيكي يا طنط مشيرة ازي حضرتك

 

الحمدلله يا حبيبي وازي ماما عاملة ايه

 

الحمدلله كويسة بتسلم على حضرتك وبتقولك هتيجي تزورك قريب ان شاء الله

 

تآنس وتنور

 

جرا ايه يا مشيرة ! احنا هنقضيها سلامات ومش هنغدي الباشمهندس ولا ايه هههههههههه

 

ههههههههه ودي تيجي حاالااااااااا هخلي السفرجي يرتب الاطباق على السفرة . احنا مش بخلا با باشمهندس هههههههه

 

ههههههه العفو يا طنط . انتو طول عمركو بيت كرم

 

شكرا يا حبيبي . عن اذنكو

 

ابعتي البنات يسلمو على ابن عمتهم يا مشيرة

 

حاضر جايين حالا

 

 

 

 

يلا يا مها بقى

 

يوووووووه متلخبطة خالص يا لميا . قوليلي الفستان ده حلو ؟

 

ايوة حلو وشيك وطويل ومحترم جداااااااااا

 

طيب وتسريحة شعري ؟

 

تسريحة هادية وجميلة . بس هو انتي مش هتحطي ولو روج خفيف ؟

 

لالالالالا انا احب دايما اكون على طبيعتي من غير تصنع

 

حبيبتي روج خفيف مش هيجرا حاجة

 

لالا يلا يا لميا عشان ننزل اتأخرنا على علاء

 

هههههههه بكرة يبقى خطيبك ومنور جنبك في الكوشة

 

 

يارب يا لميا يارب . بس بحس انه ما بيفكرش فيا خالص

 

ان شاء الله لما يشوف اهتمامك والهدية اللي انتي جايباها هيفكر

 

ان شاء الله يا لميا .دي امنية حياتي اني اكون زوجة لعلاء

 

 

 

 

 

 

مساء الخير ازيك يا باشمهندس

 

اهلا ازيك يا مها اخبارك ايه

 

تمام الحمدلله . ازي عمتو ليلى وتيتة ؟

 

بخير كلهم وبيسلموا عليكي

 

ازيك يا باشمهندس علاء

 

اهلا بيكي ازيك يا لميا

 

ازي عمتو؟

 

بخير الحمدلله

 

 

 

يلا يا جماعة الغدا جاهز

 

 

يلا يا علاء

 

 

على فين يا لميا

 

رايحة اشغل الكاسيت . اصل احنا مش بنعرف ناكل الا على انغام الموسيقى ههههههههه

 

هههههه طيب يا شقية . بنات اخر زمن

 

 

مها مهااااااا

 

ايوة يا لميا

 

دلوقتي علاء شافني وانا رايحة اشغل الكاسيت . يعني لما تبدأ الأغاني العاطفية هيفتكر اني أنا اللي بحبه مش انتي هههههههههه

 

ههههههه والله انتي بايخة

 

 

 

امتى هتعرف اممممممممممتى

 

اني بحبك انتتتتتتتتتتتتتتتتتتتتتتتتتتتتت

 

امتى هتعرف امتتتتتتتتتتتتتتتتتتتتتتتتتتتتتتتتتى

 

اني بحبك انتتتتتتتتتتتتتتتتتتتتتتتتتتتتتتتتتتتتت

 

امتى هتعرف اني بحبك امتى امتى امتى

 

امتى امتى هتعرف امتى امتى هتعرف

 

 

 

ايه رأيك في الأغنية دي يا باشمهندس

 

بصراحة ما بحبهاش خالص . اصل ماليش في اغاني اسمهان

 

هههههه يا حظك يا مها . الواد ده خنقة ههههههههههه

 

 

 

طيب هقوم ادور اغنية جديدة يمكن تفهمها هههههه

 

 

 

تملي في قلبي يا حبيبي وانا عايش غريب عنك

 

تملي ولا انت داااااااااااااااااااري بي وانا بشكي اليك منك

 

انا بشكي اليك منك يااااااااااااااااااا يااااااااااااااااا حبيبي

 

 

 

باين عليه مش واخد باله من الغنوة يا مها

 

 

ولا واخد باله من أي حاجة . مركز في طبق الملوخية اللي قدامه

 

هههههههه باين عليه بيحب الملوخية اوي , ابقي اعمليهاله كل يوم ههههههه

 

 

ها يا باشمهندس ايه رأيك في الاغنية دي

 

ظريفة . مافيش حاجة لام كلثوم ؟

 

يا سلام . طبعا في . ما تقول كدة من الصبح

 

 

 

 

حيرت قلبي معاااااااااااااااااك

 

وانا بدااااااااااااااااااااااري واخبي

 

قولي اعمل ايه ويااااااااااااااااااااك

 

ولا اعمل ايه ويا قلبييييييييييييييييييييييي

 

ااااااااااااااااااااااااااااااااااه بدي اشكيلك من نااااااااااااااااااااااااااار حبي

 

بدي احكيلك ع اللي في قلبيييييييييييييييييييييييييييييي

 

ااااااااااااااااااااااااه بدي اشكيلك من نااااااااااااااااااااار حبي

 

بدي احكيلك ع اللي في قلبيييييييييييييييييييييييييييييييييي

 

واقولك ع اللي سهرنييييييييييييييييييييييييييييييييي

 

واقولك ع اللي بكاااااااااااااااااااااااااااااااني

 

واصورلك ضنا روووووووووووووووووووووووووووحي

 

وعزة نفس منعاني وعزة نفسي منعاااااااااااااااااااااااااااااااااااااااااااااااااااااااااااني

 

 

 

ايه رأيك يا باشمهندس

 

اكتر اغنية بكرهها لام كلثوم . انا مش عارف انتو اختياراتكو في الاغاني مالها

 

لالالالالالالا دا حالة مستعصية . يا عيني يا مها

 

 

يلا يا علاء ناخد الشاي في الجنينة يلا يا جماعة

 

يلا يا خالي

 

 

مهاااااااا

 

نعم يا لميا

 

مش هتديله الهدية بقى

 

يوووه مكسوفة والله . طب واحنا بنشرب الشاي في الجنينة

 

خلاص يلا

 

 

 

 

كام معلقة سكر يا باشمهندس

 

اربعة يا طنط

 

يااااااااه انت بتحبه مسكر اوي

 

ههههه اه فعلا . على فكرة بالمناسبة الجميلة دي انا هقولكم خبر حلو

 

خير يا علاء يابني

 

ان شاء الله انا هخطب قريب . بابا كلم اهل العروسة ووافقوا الحمدلله

 

اييييييييييييييييييييييييييييييييييييه

 

يا حبيبتي يا مها اهئ اهئ

 

هههههههه مبروك يا باشمهندس . ومين سعيدة الحظ ؟

 

ههههه لا دي مفاجأة بقى يا خالي

 

طيب ياسيدي يا بتاع المفاجآت

 

مبروك يا علاء يابني

الله يبارك فيكي يا طنط مشيرة عقبال مها ولميا ان شاء الله

 

مها مالك يابنتي . مهاااا .ايه الدموع اللي في عنيكي ده

 

 

 

 

يا قلبي خبي اااااااااااااااااه

 

ليباااااااااااااااااااااااااااان عليااااااااااااااااا

 

ويشوووووووووووووووف حبيبي دمووووووووووووووووووع عنيااااااااااااااااا

 

خلييييييييه بعييييييييييييييييييييييييد

 

خليييييييييييييييييييه سعييييييييييييييييييييييييد

 

دا مش نصيبيييييييييييييييييي

 

لكن حبيبي

 

دا مش نصيبييييييييييييييييي

 

لكن حبيبي واكتر واكتر شوية يا قلبيييييييييييييييييييييييييييييييي

 

 

ايه يا بنتي مال عنيكي مليانة دموع كدة

 

اهئ اهئ مافيش حاجة يابابا . عنية اتطرفت اهئ اهئ

 

لالالالا مش ممكن مستحيل مستحيل اهئ اهئ عن اذنكو انا تعبانة وطالعة اوضتي اهئ اهئ

 

مهااااااااا استني . بعد اذنكو هحصل اختي . مبروك يا ..... يا باشمهندس

 

الله يبارك فيكي يا لميا عقبالك

 

 

 

 

 

مهااااااااااا مهااااااااااا

 

مها حبيبتي

 

مش ممكن يا لميا اهئ اهئ مش ممكن انا اكيد في كابوس . علاء خطب !!!!!! طب هي مين ؟ وامتى عرفها وخطبها ؟

 

انا مش قادرة اتمالك اعصابي من الصدمة اهئ اهئ

 

حبيبتي ارجوكي كفاية ما تعمليش كدة في نفسك . هو الخسران . خسر حب حقيقي وانسانة بتحبه من قلبها وعايزة تسعده

 

الحمدلله انك ما اديتيلوش الهدية , ما يستاهلش

 

اهئ اهئ . لا يا لميا لو سمحتي الحقيه قبل ما يمشي واديلوه الهدية اهئ اهئ

 

 

 

 

 

استنى يا باشمهندس

 

خير يا لميا

 

دي هدية جابتهالك مها اختي ولولا انها تعبت فجأة كانت اديتهالك بنفسها

 

هدية ! على العموم شكرا , اشكريهالي كتير , كان نفسي اشكرها بنفسي ومش عارف بصراحة هي ليه انسحبت فجأة كدة

 

ولا عمرك هتعرف , بعد اذنك

 

 

 

مالسة بدري يا باشمهندس . ما كنت تتأخر كمان شوية

 

ايه ده ! ايه يا هيام ايه اللي موقفك باللبس ده ع السلم . انتي بتستهبلي يا هيام !

 

ايوة ايوة خدوهم بالصوت قبل ما يغلبوكو . ايه يا سيدي عجبتك القعدة مع الست مها اوي

 

مها ! هو انا رايح لمها ! ما تتعدلي في كلامك

 

ايوة طبعا لازم تزعقلي وتكلمني وحش ماهي اكيد سلطتك عليا

 

بقولك ايه امشي من قدامي دلوقتي واطلعي شقتكو ولو شوفتك تاني واقفة ع السلم بلبس البيت مش هيحصلك كويس

 

اووووووووووف حاضر

 

 

 

مساء الخير يا ماما

 

مساء النور يا حبيبي . ازي اللي كنت عندهم

 

بخير وبيسلموا عليكي . فين موني ؟

 

نامت وهي بتتفرج على التليفزيون وشيلتها نيمتها في اوضتها هههههه

 

طيب يا ماما انا داخل اوضتي

 

اتفضل يا حبيبي

 

هدية مها ! ياترى جيبالي ايه ؟

 

 

ايه ده , ياااااااااااااااااااه يا ترى معناها ايه الهدية دي

 

قلب دهب ومحفور فيه اسمي !!!!!!! يااااااااااااااااااه ياااااااااااااااااه يا مها للدرجة دي بتحبيني !

 

ازاي ؟ بس دي عمرها ما حاولت تلفت نظري . ياااااااااه يا مها .

 

اتصرف ازاي دلوقتي؟ اعمل ايه ؟ محتااااااااااااااااااااااار

 

 

 

 

 

تررررررررررررررررررررن ترررررررررررررررررررررن

 

الووووووووووووووو

 

مساء الخير يا دكتور مدحت

 

اهلا يا علاء مساء النور ازيك

 

محتار محتااااااااار ومتلخبط ومش عارف اعمل ايه

 

ههههههههه هي خطيبتك لحقت تجيبلك اكتئاب

 

لا مش موضوع خطيبتي موضوع واحدة تانية

 

ههههههههههههههههه اه يا نمس

 

نمس ايه بس وبتاع ايه والله ما انت فاهم حاجة

 

طب بقولك ايه . تعالى ننزل نشم هوا واعزمك على حاجة نشربها وتفهمني في ايه

 

 

ايوة انا فعلا محتاج اتكلم

 

 

 

انا زعلان من نفس اوي اني جرحت مها وكنت سبب في دموعها اللي عرفت سببها وهي اني جرحتها وصدمتها في مشاعرها وهي كانت نفسها تكون زوجة ليه وحيائها منعها من التصريح

 

 

 

بص يا علاء انت ما بتحبش هيام

 

انا ! ازاي بقى . بالعكس انا بحبها جدا

 

لالالالالا انت بتحب عاداتها الغريبة على بناتنا وعلى ديننا واسلامنا بتحب فيها التحرر والفكر الغربي

 

والرقص والشقاوة والاهتمام بالموضة , لكن صدقني مش دي مقومات الزوجة الناجحة

 

الزوجة لازم تكون متفانية ومعطاءة وعندها استعداد تضحي بكل شيء عشان زوجها

 

ايوة بس خلاص انا وعدت هيام ولازم اكون اد كلمتي . انا ما تعودتش ارجع في قرار اخدته حتى لو هخسر

 

طب ومها ؟

 

مها !!!!!!! ربنا يعوضها بإنسان احسن مني وتنساني .

 

يا علاء فكر ده جواز مش لعبة . ما تغلطش غلطتي . ما تضحيش بانسانة هايلة زي مها وتخسرها للأبد

 

هيام دي قدري يا دكتور مدحت ومضطر اقبلها بكل سلبياتها

شارك هذه المشاركه


رابط المشاركه
شارك

ييييييييييييييييييييييييييييييي وبعدين بقى . البت الزفتة اللي اسمها سوزي واقفة تحت العمارة بالعربية

 

ولو خرجت هتيجي ورايا . اعوذ بالله عاملة زي الدبانة الرزلة اهشها ترجع على وشي تاني

 

اتصرف معاها ازاي دي بقى

 

شيري جي تيم

 

شيري جي تا دوووووووور

 

كوم لا صلصة ديل بنادوووووووووووور

 

شيري جي تيم

 

شيري جي تا دوووووووووووور

 

كوم لا صلصة ديل بنادور

 

يا مصطفى يا مطفى

 

انا بحبك يا مصطفى

 

ههههههههههههههههههههههههه

 

لو سمحتي يا انسة سوزي امشي من هنا وعيب كدة . وبطلي تشغلي الاغنية المستفزة اللي فيها اسمي دي

 

الناس كدة هتاخد بالها انك تقصديني انا

 

ههههههههه يا سلام ليه يعني . هو ما فيش حد اسمه مصطفى غيرك في الشارع ده ؟

 

لو سمحتي يا انسة سوزي انتي كدة هتشبهيني في الشارع . انا طول عمري في حالي ولا ليا في البنات ولا بكلم بنات

 

يختي يا بيضة هههههههههه خايف على سمعتك يا نونوووووووووو ههههههههههههه

 

 

ايه ده يا استاذ مصطفى ايوة كدة اظهر على حقيقتك . ايوة يا عم . بنات وعربيات . ماشية معاك حلاوة . بس عاملي مؤدب ومالكش في الصنف

 

ما انت ليك في اللون اهو يا درش ههههههههههههههههههههههههههه

 

لالالالالالالا لو سمحت يا احمد دي تايهة في الشارع وانا بدلها على العنوان المظبوط

 

غوري غوري الله يخرب بيتك فضحتيني وشوهتي سمعتي

 

ههههههههه ايه ده هو انت بنت عشان تخاف على سمعتك . انت راجل راااااااااجل يعني تصرفاتك مش محسوبة عليك

 

 

كدة ! يعني انتي مش هتمشي

 

تؤتؤتؤ

 

طييييييييييييييييييييييب استني علية

 

 

يا تيتة تيييييييييييييييييييييييييييييييييييييييتة تررررررررررررررررررن ترررررررررررررررررن

 

 

مين المسروع اللي ع الباب

 

انا يا تيتة

 

اهلا يا مصطفى يا حبيبي ازيك وازي ماما

 

الحقيني يا تيتة الحقيني

 

مالك يا حبيبي اسم الله عليك

 

في بت واقفة برا بتعاكسني ومش عارف اخرج من العمارة

 

بت بتعاكسك !!!!!!!!!!!!!!!!!!!!!!! بنت مين السافلة دي ؟؟؟؟؟؟؟؟؟؟؟ انا خرجالها

 

 

يا ناااااااااااااااااااااافع انت يا بواب الغبرة يا نااااااااااااااااااافع يللي مش نافع

 

 

ايوة يا حاجة ام رفعت

 

 

خلصت مسح السلم

 

ايوة يا حاجة لسة مخلص اهو

 

طب هات جردل المية بتاع المسح بالمية اللي فيه

 

 

 

 

 

انتي يابت يا ام كدش انتي ايه اللي موقفك هنا ؟

 

في ايه واقفة مستنية واحد صاحبي

 

واحد صاحبك يا بتاعة الصبيان يا قليلة الادب . مالقتيش الا مصطفى . مصطفى امل العيلة في التطهير والاصلاح جاية تتلفي امله طب والله لحميكي بجردل المية ده عشان تحرمي تيجي هنا تعاكسي الشبان المتربين يا ام عيار فالت

 

ااااااااااااااااااااااااااااااااااااااه يا مامي يا ماميييييييييييييييييييييييييييي

 

 

يلا من هنا يا ام وسط سايب يا مخلعة . اياك اشوفك هنا تاني

 

ههههههههههههههههههههههههههههههههههههههههههههههه تستاهلي

 

 

كدة يا مصطفى . طب والله ما هسيبك . يا انا يا انت يا واد يا تقيل ههههههههههههههههههههههههههههههههه

 

 

 

 

ناااااااااااااااافع البت دي لو جت هنا تاني اديني خبر عشان المرة الجاية هقطعها بسناني

 

 

حاضر يا حاجة

 

هي البنات جرالها ايه . استر يارب يا منجي من الفضايح يارب

 

هههههههههههههه شكرا يا تيتة ربنا يخليكي

 

ماتروحش بعيد يا مصطفى عشان انت بقيت مستهدف يا حبيبي

 

 

ان شاء الله يا تيتة بعد اذنك

  • معجبة 2

شارك هذه المشاركه


رابط المشاركه
شارك

يا دي المصيبة دا صوت عربية الشيخ خالد ابنك يا ام خالد انا نازلة شقتي يا حبيبتي

 

 

ما تقعدي يا ام اشرف

 

لا يا حبيبتي اخاف . المرة اللي فاتت قالي لو شوفتك عند امي تاني هقيم عليكي الحد

 

طيب الحقي استخبي بقى عشان ده ما بيهزرش

 

 

 

السلاااااااااااااام عليكم ورحمة الله

 

وعليكم السلام ورحمة الله يا حبيبي ازيك يا خالد

 

 

ازيك يا امي . انتي كان عندك ضيوف ولا ايه ؟

 

ايوة يا حبيبي . ام اشرف كانت هنا

 

ام اشرف !!!!!!!!! وانا مش نبهت عليها ما تجيش هنا

 

 

يا حبيبي هي عملت ايه بس

 

مش فاتحة كوافير حريمي ؟

 

طيب يابني واحنا مالنا

 

مالنا ازاي يا امي . دي بتزين الستات للفسق والفجوووووووووووووور

 

ماشي يا حبيبي انا معاك انها غلطانة . لكن الدعوة للطريق المستقيم ما تبقاش كدة

 

اومال ازاااااااااااااااااااااي . اضربها بعصايا الايس كريم واقولها كدة كخ !!!!!!!!!!!!! ولو عملتي كدة تاني هزعل منك واخاصمك يا وحشة !!!!!!!!!!!!!!

 

 

يا حبيبي انت هتتمهزأ بامك . يا حبيبي اقصد انك تعامل الناس كويس وتفهمهم دينهم بالراحة

 

اان شالله ما فهمو . جهنم وبئس المصير ان شاء الله ايها الكاسيات العارياااااااااااااااااااااااااات

 

 

اللعنة على العررررررررررررررررررررررررري

 

 

اللعنة على الموووووووووووووووسيقى

 

 

اللعنة على اتباع الفررررررررررررررررررررنحة

 

اللعنة على الربا البنوووووووووووووووووووووووووك

 

اللعنة على كل ما هو غربييييييييييييييييييييييي

 

 

يا دي المرار يا ولاد . اللعنة ع الصداع اللي جالي من ساعة مادخلت الشقة يابني

 

 

يا حبيبي حرام عليك . الناس قاطعونا . حتى اختي الوحيدة اللي طلعت بيها من الدنيا بطلت تيجي من ساعة ما شتمت جوزها وقولتله يا تيس يا ديوث . حد يابني يشتم جوز خالته الشتيمة الوحشة دي

 

هو يستاهل اكتر من كدة . وكل اللي بيمشي مراته متبرجة مالوش عندي الا كدة . وهفضل كدة وهعيش كدة وهموت كدة

 

 

لا اله الا الله . الله يهديك يابني ويصلح حالك

 

 

 

 

 

ايه ده يا امي

 

في ايه يا حبيبي

 

انتي كنتي بتتفرجي ع التلفااااااااااااااااااااز

 

يا حبيبي بشوف النشرة

 

نشرة !!!!!!!!! نشرة الكفرة !!!!!!!!! نشرة الستات المتبرجاااااااااااااااااااااااااااااات

 

 

لا اله الا الله . قوم اكسره يا خالد قوم اكسره وما تحزقش اوي كدة ليطقلك عرق

 

 

 

 

 

 

دوووووووووووووووو ريييييييييييييييي ميييييييييييييييييي فااااااااااااااااااااااااااااااااااا

 

صول لا سي لا صول دووووووووووووووووووووو

 

كوم سي كوم ساااااااااااااا الدنيا تري بووووووووووووووووووووو

 

 

لالالالالالالالالالالالالالالا ليييييلي لي لااااااااااااااااااا دووووووووو رييييييييييييي مييييييييييي فاااااااااااااااا

 

صول لا سي لا صول دووووووووووو

 

كوم سيييييي كوم ساااااااااا الدنيا تري بووووووووووووووووو

 

 

ايييييييييييييه ده . ايه الصوت ده يا امي . والعياذ بالله والعياذ بالله ده السلم الموسيقي بتاااااااااااااااع الفررررررررررررنجة

 

مين الحمااااااااااااااااااااااار اللي بيغني براااااااااااااااااااااااااااااا

 

 

يا بني دا صوت عيلة صغيرة ولا عيل صغير

 

 

والعيااااااااااااااااااال تغني ليييييييييييييه

 

 

ابن ميييييييييييين اللي بيغني

 

لو ابوك راجل رد علية يللي بتغنييييييييييييييييييييي

 

 

 

انا هخبط ع الشقق كلها لحد ممسك المجرم العاصي اللي بيغني

 

 

 

 

 

 

 

انتي يا بت انتي اللي كنتي بتغني دو ري مي

 

 

ايوة يا عمو هههههههههههه دوووووووو ريييييييييي مييييييييييييي فااااااااااااااااا

 

 

بسسسسسسسسسسسسسس اخرسييييييييييييييييييييييي يا كافرة

 

 

ايه ده هو في ايه . انت ازاي تتهجم على بيوت الناس بالشكل ده يا راجل انت . فزعت البنت

 

بالله عليك انت راجل انت . سايب بنتك تغني وتترقص وكمان مش عاجبك اني بقوم سلوكها بدل ما تجيبلك العار

 

 

عار ايه يا شيخ خالد . هو ربنا قالك تعمل كدة برضو

 

وانتو تعرفوا ربنا يا كفرة

 

استغفر الله العظيم . انت جاي تكفرنا يا شيخ خالد الله يسامحك . دي مش اخلاق مشايخ الله يهديك

 

 

 

 

امي انا نازل يا امي عندي درس في المسجد هوعظ الناس يمكن يفوقوااااااااااااااااااااااااااااااااا

 

 

ربنا يفوقك انت الاول

 

بتقولي ايه يا امي

 

بقول ابقى هاتلي معاك اتنين كيلو عنب

شارك هذه المشاركه


رابط المشاركه
شارك

فكري ما قولتليش انت اتفقت مع صلاح على معاد خطوبة هيام وعلاء امتى ؟

 

 

بيقولي بعد فرح سهام باسبوع

 

طيب تمام كدة واهو فرح سهام بعد يومين ان شاء الله ربنا يتمم بخير

 

 

 

 

 

 

 

لولوليييييييييييييييييييييييييييييييييييييي

 

لولولييييييييييييييييييييييييييييييييييييييييييييييييييييييي

 

 

لولوليييييييييييييييييييييييييييييييييييييييييييييييييييييييييييييييييييييييييييييييي

 

 

 

مبروك يا سهااااااااااام

 

مبروك يا سهوووووووووووووومة

 

مبروك يا عروسة هههههههه

 

الف مبروك يا سهومتي

 

الله يبارك فيكو يابنات عقبالكو كلكو ههههههههههههههه

 

 

مبروك سخام مبروك خبيبتي انا فرخانة كتير سخام عسان انت

 

 

ههههههههه الله يبارك فيكي يا كاتينا عقبالك وعقبال باولو اخوكي ههههههههه كل ما بتقوليلي سخام بس انك بتشتميني هههههههههه

 

هههههههه مبروك خبيبتي مبروك سخام ههههههههه انا مس اقدر استم انت . انت خبيبي سخام هههههههههههه

 

هههههههه سخام سخام بس اتجوز هههههههههه انتي فين يا مامااااااااااااا يا ماماااااااااا سايباني لوحدي محتاسة انتي فين

 

لولوليييييييييييييييييييييي مبروك يا روح ماما اهئ اهئ اهئ والله كبرتي يا سهام وبقيتي عروسة وهتسيبي ماما اهئ اهئ

 

ايه يا ماما ايه يا ماما انتي فرحانة ولا زعلانة

 

دي دموع الفرح يا حبيبتي

 

ماما انا حلوة ؟

 

زي القمر ماشاء الله

 

وفستاني يا ماما فستاني حلو ؟

 

جميل جميل يا احلى عروسة

 

 

عقبال ما تفرحي بينا يا ماما ههههههههههههه

 

يارب يا دنيا يارب يا حبيبتي

 

 

شغلوا اغنية ما تذوقيني يا ماما ههههههههههههه

 

بس كدة حاضر

 

 

ما تذوقيتي يا مامااااااااااااااااا

 

اوام يا مامااااااااااااااااااا

 

ما تذوقيني يا ماما

 

اواااااااااااااااام يا مامااااااااااااااا

 

دا عريس هياخدني بالسلامة يا ماماااااااااااااااا

 

 

هههههههههه العريس وصل

 

هييييييييييييييييييييييييييه

 

 

 

 

خلي بالك منها يا كريم شيلها في عنيك

 

ههههههه حاضر يا طنط هشيلها في عنيا وارميها في البحر

 

ترميها في البحر !!!!!!!!!!

 

ههههههههههه بحر قلبي

 

بحر قلبك ! جاك وجع في قلبك وفشتك يا عريس الغفلة . ال بحر قلبه ال . الهي يطلع عليك حوت من بحر قلبك يبلعك وما يطلعكش ليوم الدين . مبروك يا سهام

 

هههههههه الله يبارك فيكي يا تيتة يا حبيبتي

 

 

خلي بالك منها يا كريم مع السلامة يا حبيبة بابا

 

حاضر يا عمي

 

الله يسلمك يا بابا

 

 

 

يا ناااافع

 

نعم يا حاجة

 

هات الاولة اللي سيبتها معاك اما اكسرها

 

اتفضلي يا حاجة

 

دششششششششششششششششش

 

ايه ده يا ماما انتي بتكسري اولة ورا بنتي ؟

 

ومجهزة تلات اولال كمان لاخواتها , كل ما واحدة تتجوز هكسر وراها اولة , ولو ربنا ما ادانيش العمر هوصي الورثة بالعمل الجليل ده يعملوه بدالي

 

 

 

 

 

 

 

 

ترررررررررررررررررررررن تررررررررررررررررررررررررن

 

الو

 

ايوة يا طنط مشيرة ممكن اكلم مها

 

مين معايا

 

انا هيام يا طنط

 

اهلا يا هيام يا حبيبتي .ازي ماما

 

كويسة

 

طيب يا حبيبتي لحظة واحدة

 

 

مها

 

نعم يا ماما

 

 

هيام عايزاكي على التليفون

 

هيااااااااااام !!!!!!!!!!! غريبة !!!!!!!! هاتي يا ماما

 

مساء الخير يا هيام

 

هههههه مساء النور يا عيون هيام ازيك

 

الحمدلله بخير . ازي عمتو احلام

 

بخير يا روحي . انا اتصلت اقولك خبر هيفرحك وينعشك اوي

 

خير يا هيام

 

علاء خطبني ههههههههههههههههههههههههههههههههههههههههههههههههههههههههههههههه

 

 

عا عاااااااا لالالالالالالالاء

 

هههههههههه ايوة عااااااااا عاااااااااااا لالالالالالالالالالالالالالالالالاء هههههههههههههه ايه يا حبيبتي هو اسمه اتحشر في زورك ولا ايه هههههههههه اجيبلك مية يا دارلنج ههههههههههههههههه

 

ممممممبروك مبروك يا هيام

 

من قلبك ؟

 

ومش من قلبي ليه يعني

 

عليا انا برضو . هو انتي فاكراني عبيطة ولا مش واخدة بالي من تعبيرات وشك لما بتشوفي علاء

 

ارجوك يا هيام . انا ما اسمحلكيش

 

انا يا حبيبتي عارفة انك كنتي هتموتي عليه . بس هو بقى بيحبني انا بيموت فيا انا . وياريت بقى تشليه من دماغك خاااااااااااااالص

 

هيام من فضلك ما يصحش كدة

 

وعايزة اقولك ما اشوفش وشك عندنا في العمارة تاني . فاهمة ولا لأ ؟؟؟؟؟ يعني يا روح قلبي ما تعمليش تيتة حجتك وتقولي جاية اسلم على تيتة وانت في الحقيقة بتيجي عشان علاء

 

اهئ اهئ اهئ كفاية اهانات بقى ارجوكي

 

الاهانات هتشوفيها لو شوفت خيالك تاني . خلي روحك رياضية واعترفي انه خطب ست ستك هههههههههههههههههههه

 

أي اهانات تانية يا هيام ؟

 

لا يا حبيبتي كفاية عليكي كدة ؟؟؟؟؟؟ اااااااااااااااه نسيت اقولك عقبالك ههههههههههه ابقي تعالي اقرصيني في ركبتي يمكن تحصليني في جمعتي هههههههههههههههههههههههههههههههههههههههههههههههه باي باي يا دارلنج

 

 

 

اهئ اهئ اهئئئئئئئئئئئئئئئئئئئئئئئئئئئ الله يسامحك يا هيام الله يسامحك يا بنت عمتي اهئ اهئ

 

 

 

 

ايه ده ايه ده يا هيام ليه كدة . ايه اللي انتي قولتيه لمها ده حرام عليكي يا شيخة

 

حرمت عليها عيشتها . تستاهل

 

والله انت انسانة بشعة . مها ما تستاهلش كدة . مها طيبة . طيبة خالص .دايما لما نروح عندهم تقابلنا احسن مقابلة وتبقى مش عارفة تعمل ايه ولا ايه عشان ترحب بينا وعمرها ما اذتنا . بقى ده جزائها مننا في الآخر !!!!!!!!!!!

 

ايوة تستاهل عشان بتفكر في علاء يا دنيا

 

يا ستي حتى لو ده حقيقي . برضو حرام تجرحي احساسها وكفاية انها انجرحت من علاء

 

هههههههههههههههههههههههههههه انا فرحانة فيها بشكل

 

 

 

 

 

 

 

 

 

 

 

 

مبرووووووووووووووووك يا هيومة مبروك ياباشمهندس

 

الله يبارك فيكو يا جماعة

 

 

مالك يا علاء شكلك مش مبسوط

 

انا !!!!!! لا ابدا مبسوط اوي . مبسوط خالص اووووووووووف

شارك هذه المشاركه


رابط المشاركه
شارك

اهلا يا بنات منورين كلكو والله

 

والحلقات حلوة بيكو

 

سعيدة والله بوجودكم وتعليقاتكم الجميلة

 

واسفة جدا للتأخير

 

 

انتظروني يوم السبت ان شاء الله مع احداث اسخن واسخننننننننننننننننن هههههههههههههههههههههههه

 

 

اسيبكو للتخمينات والتعليق على الحلقات ان شاء الله

شارك هذه المشاركه


رابط المشاركه
شارك

يآآآآآآآآآآآآآآآه

 

ممتعه أوووووووووي بجددددددد

 

مكنش نفسي أبطل قراءة

 

منتظرااااكي يا خالتو هوووووووووووووبه

 

هسيب التعليقات لبلبنات الحلوات .. أصل تعليقاتهم بتععجبني أوووي وتحليلهم بيعجبني جداااا

غير اني بحس ان توقعاتهم هي نفسها اللي بكون عاوزة أقولها ^ـــــــــــــــــ^

شارك هذه المشاركه


رابط المشاركه
شارك

@هبةنور

 

السلام عليكم ورحمة الله وبركاته

 

إيه ده ياست هبة...6 صفحات من غير ما أوقعلك؟؟؟؟؟؟؟؟؟؟؟؟؟؟؟dot.gif :( :( :(

 

يانهارك أبيض وملون بألوان قوس قزح smiley-hawaii.gif

 

هههههههههههههههههههههه

 

بس بجد القصة بتجنن....بقولك إيه؟؟؟؟؟؟؟ أنا مش عايزة أتجنن ياستي smiley-wantsomethingbadly.gif

 

الله يعين أصحاب فترة السبعينات دي....هي أمي من أصحاب الفترة دي؟؟؟؟؟؟؟؟؟؟؟؟؟؟ :huh:

الحمد لله ناه عدت على خير...بس تفتكري أنها ممكن تكون بتعرف المهابيل دول؟؟؟؟؟؟؟؟

 

الله أعلم

 

ع العموم في انتظارك حبيبة قلبي

 

بحبك بحبك بحبك...........في الله أكيد :D :D dot.gif

شارك هذه المشاركه


رابط المشاركه
شارك

الحلقات رائعة هوبة الحبيبة =)

 

لكني اشفقت على مها المسكينة

 

الظاهر علاء بدأ يفوق من نومه على ما اظن وهو بالفعل سيخطب هيام وسيكتشف انها لا تصلح له =)

 

أما الشيخ خالد ده منرفزني جدا فهذه ليست دعوة ابدا وسينفر الناس منه ويجب عليه ان يصلح نفسه أولا

أما مصطفى باين عليه انه حيحب سوزي دي رغم بجاحتها ويمكن يتزوجها خصوصي عشان يربيها :))

شارك هذه المشاركه


رابط المشاركه
شارك

الأحداث كل مدى ما تشوقنا أكثر وأكثر!!

سوزي دي في منتهى الوقاحة والسفالة يااااااااه نفسي أعطيها قلمين حلوين كده وأقولها احترمي نفسك

علاء بدا عليه التردد في موضوع هيام!!

أما الشيخ خالد هذا!! يالله مستفز لأبعد حد

وهيام هذه نفسي أطبق في رقبتها رخمة وباردة يااااااه على الرخامة

شارك هذه المشاركه


رابط المشاركه
شارك

تحفه يا هوبه بجد

 

الشيخ اللي اسمه خالد ده

 

واضح كده انه تكفيري

 

 

اكرشيه يا بنتي من هنا مش ناقصين فرق ضاله هههههههههههه

  • معجبة 1

شارك هذه المشاركه


رابط المشاركه
شارك

يااااااااااااااااااااه أخيرًا ياعتريس هرمنا من أجل هذه اللحظة ^___^

هارجع أكمل اللي فايتني :)

بارك الله في قلمك هبه ونفع الله بك حبيبتي :)

  • معجبة 1

شارك هذه المشاركه


رابط المشاركه
شارك

أحلى جزء الماء على رأس سوزي ذذذ

وهيام... أشوف فيكي يوم :P

 

والشيخ منرفزني أكثر من باقي الشخصيات نشوف يمكن يتعدل في النهاية

  • معجبة 2

شارك هذه المشاركه


رابط المشاركه
شارك

جميل جدا يا هبه

بس اظن علاء ردة فعله مبالغ فيها

الامر عادي لانه حب من طرف واحد الا اذا كان فعلا هو مبيحبش هيام

وانا اتفق نع كلام الباشمهندس انه فعلا ما بيحبش هيام والي شدة بس تصرفاتها

 

هيام

وقحه وهي كمان ما اظنش انها بتحب علاء لانها لو كانت تعرف الحب ما كانت اتصلت بمها وكلمتها كدا

لان مها ما عملت شئ غير انها حبت في صمت

والحب مش بايد اي حد

ومجتش او حاولت انها تاخده منها

 

 

الشيخ خالد

حقيقي النوع دا من المشايخ بيبقو هما الي عايزين ربنا يهديهم

انا بستغرب الناس الي يتدي الحق لتفسها انها تكفر الناس حتي ولو عاصيين

ممكن يكون العاصي دا بيعمل حاجه تجعله عند ربنا احسن بكتير

 

سهام الي اتجوزت

حساها هترجع بمشاكل

شارك هذه المشاركه


رابط المشاركه
شارك

كملي يا هوبة مع ان الحلقات الاخيرة مضيقاني حاسة اني في مسلسل من اللي بيشوهوا فيها صورة الملتزمين

 

مش كل المشايخ زي خالد خالص اعتقد دة جماعة تكفير لان لا يجوز تكفير اي مسلم

 

لكن للاسف المسلسلات والافلام بيركزوا اوي على الناس اللي زي خالد عشان يوروا الناس ان هو دة الالتزام

 

طبعا انت مش هتكوني زيهم واتوقع ان في مشايخ كتير هينتقدوه وينبذوه من بينهم

 

 

 

أما عن شخصية نجلاء فأنتِ حطيتي إيدك على جرح بنات كتير مشكلة بالفعل دراسة الطب والزواج خصوصا تخصص أمراض نسا وتوليد

 

البنت بيكون نفسها تدخل القسم دة لستر نساء المسلمين ومن جهة تانية بيكون وجاهة اجتماعية لها ولاهلها

 

طموحاتهاإنها تكون طبية شاطرة وفي نفس الوقت زوجة قايمة بواجباتها والصراحة الاتنين صعب

 

اتوقع لو مافاقتش نجلاء هيفكر زوجها بالانفصال او الزواج من آخرى

 

 

اما سهام فهتندم على زواجها من بتاع المايوهات لان الاشخاص اللي زي دية بيكون عايز واحدة حلوة يتباهى بيها فقط ويعيش هو حياته

 

وعلاء فاق بدري يا ترى هو اللي هيزهق هيام ويخليها تسيبه ولا هي اللي هتزهقه

 

 

شخصية الرقاصة ما توقعت الصراحة ان يكون في كدة يعني اللي اعرفه من ماما انها كانت فترة تبرج ومكانش في واعظ لكن شغلانة الرقص دية منبوذة من زمان برضة

 

 

اتوقع ان سوزي تتوب فعلا بس ياريت تتزوج شخص تاني غير مصطفي

 

 

 

طبعا انت بتحبي تخالفي التوقعات يلا في انتظار هوبة

  • معجبة 5

شارك هذه المشاركه


رابط المشاركه
شارك

ههههه ايوة عجبتنى الجدة انها كبت الميه على سوزى

بس اتضايقت لما لاقيت سوزى لسه بتضحك

 

هبه بصى هاتى شخصيه تانيه يكون ملتزم حقيقى قصاد خالد ده

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

حيا الله الغاليات

أعتقد أن وجود الشيخ خالد مقصود من هبة ...

فعلى حسب علمي هذا الصنف كان موجودا في فترة السبعينات بالفعل ..

كما أن هبة وضعت الشخصية المقابلة له وهي صديقه ( لا اتذكر اسمه ومكسله أرجع للصفحات )

عامة أحب أن أرى كيف ستكون صياغة هبة للأحداث بنفسها

وأكيد هي ستفاجئنا : )

بورك فيك يا غالية

  • معجبة 2

شارك هذه المشاركه


رابط المشاركه
شارك

حلو الحلقات يا جميل . الجدة تجنن بس خايفة الولد مصطفى تغرية البنت المحتاجة تربية دة

some girls they feel insulted if a guy is not impressed by their beauty and they have to prove it to the guy that i will get u despite what it is weird and disgusting at the same time.

Mr.3la i dont understand why he is upset his friend already advised him to leave hiyaam and he refused to prove his manhood and before he gets stuck he should leave her which it seems like that what he would do

- Finally sorry I typed in english but i cant type fast in arabic ^_^ and will take me a while to come up with what i want to say

continue you hon

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×