اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

ترررررررررررررررن ترررررررررررررن افتحي يا ليلى انا امك

 

مامااااااااااا هههههههههه اهلا حبيبتي اهلا

 

ايه يابنتي مالهم ولادك بعد الشر

 

ابدا يا ماما مصطفى دراعه مكسور

 

لا اله الا الله سلامته الف سلامة . والشملول التاني

 

شملول مين يا ماما ؟

 

الشملول الكبير

 

ههههههه انتي قلبتي على علاء انتي كمان

 

ولسة حسابه معايا السكران قليل الادب . خليه ورا هيام لما يشم بودرة

 

ههههههههه ربنا يهديهم يا ماما اتفضلي يا حبيبتي

 

تيتتتتتتتتتتتتتتتتتة هييييييييييييييييييييييه وحثتيني يا تيتة

 

اهلا اهلا هههههه ازيك يا قلب تيتة وحشتيني يا موني

 

 

تعالي العبي معايا كارونيت كراونيتا

 

ههههههه يابنتي انا قادرة امشي لما العب . فين مصطفى حبيبي الغلبان

 

 

 

 

 

 

 

 

 

 

 

ايه يا ماما اقعدي

 

لا هطلع عند احلام انكد عليها شوية هي وبناتها واسأل على سهام

 

 

 

 

 

ازيك يا حاجة ام رفعت

 

ميييييين ابتسام ! ازيك

 

وحشانا والله يا حاجة

 

ماتشوفيش وحش

 

هي مين البنت اللي كانت عند ليلى النهاردة دي ؟

 

بنت كانت عند ليلى ! طب وانتي مالك اصلا يخصك في ايه ؟

 

يخصني في ايه ازاي يا حاجة دي كانت بنت زي فلقة القمر ومعاها علبة شيكولاتة ونزلت من عربية اسبور مكشوفة

 

والله ما حد مكشوف الا انتي . انتي مالك يا ست ماتخليكي في حالك والناس في حالها .

 

طب بالراحة يا حاجة مش اوي كدة

 

خلقها ضيق اوي الحاجة ام رفعت والواحد ما يعرفش يطلع منها بمعلومة

شارك هذه المشاركه


رابط المشاركه
شارك

دنيااااااااا

 

ههههههههههه اهلا حتومة ازيك

 

وحشتيني يا حياتي

 

وحشتني اكتر

 

كدابة

 

انا كدابة ؟ كدابة ليه بقى

 

عشان قولتلك نروح فيلم السينما اللي قولتلك عليه وانتي طنشتي

 

هنروح امتى بس يا حاتم ؟ انت عارف ما اقدرش اتأخر عن البيت . ماما هتقعد تسألني روحتي فين وجيتي منين وتبقى حكاية

 

طب بقولك ايه . ما تقوليلها رايحة اذاكر مع واحدة صاحبتي

 

ههههههه خلاص هحاول بس ما اوعدكش

 

لالالالالالالالالا ابوس ايدك الفيلم ده مهم اوي لنجاح حبنا هههههههههههههههههه

 

 

 

 

 

 

 

تصدق يا حاتم انت سافل وقليل الادب

 

ايه ده ايه ده ليه بقى يا دنيا يا حبيبتي

 

دا فيلم برضو تفرجني عليه ! انا اسفة اني سمعت كلامك

 

طب بس استني نتفاهم . ايه اللي ماعجبكيش في الفيلم

 

دا فيلم سافل وكله قلة ادب

 

هههههههههه حد يقول على مشاعر الحب الحقيقية قلة ادب !

 

 

مشاعر الحب الحقيقية ؟

 

طبعا يا دنيا . طب اسألك سؤال وجاوبيني بعيد عن العقد

 

اسأل

 

ما تمنتيش تقلدي البطلة وتعملي زيها معايا

 

يا نهارك اسووووووووووووووووووووود طب والله ما هكلمك تاني

 

ههههههههه كل مرة بتقولي كدة وبتكلميني يا قمر . الصبر جميل يا امورة

شارك هذه المشاركه


رابط المشاركه
شارك

مدام فوقية جرا ايه يا مدام فوقية انتي مش هتقبضيني الجمعية ولا ايه . انا مضيت انصراف وماشية

 

 

ايوة يختي محظوظة من يومك يا محاسن , قبضتي المرتب بالحوافز وكمان هتقبضي الجمعية وشنطة ايدك مش هتقدري ترفعيها من تقلها ههههههههههههه

 

يا حبيبتي قولي ماشاء الله مش كدة . وبعدين الفلوس دي هتروح لاقساط التلاجة والبوتاجاز وهدوم العيال والجزم والشنط

 

ايوة يختي ايوة اخزي العين اخزي . هو انا هحسدك ولا هحسدك يا محاسن ولا يمكن هحسدك يختي

 

لا العفو يا حبيبتي قبضيني الجمعية خليني الحق اروح اطبخ للراجل والعيال

 

 

خدي يختي خدي . ناس ليها بخت وناس ليها ترتر

 

 

 

عن اذنك عشان الحق الاتوبيس

 

اتفضلي يا محاسن

 

يا لهوووووي ع الفلوس اللي مالية الشنطة . ال اقساط ال . لابسة دهب ومتصيغة وتقولي علية اقساط فاكراني عبيطة

 

 

 

 

 

 

 

الاتوبيس جه أهو الحمدلله . ااااااااه يا بطني ياني . الواحد هيلاقيها من الحمل ولا من الشغل ولا من الراجل ولا من زحمة الاتوبيس

 

 

اتاخر يا استاذ يللي ع الباب وسع ياخويا خليني ادخل

 

ادخلي ياست

 

حاسب ياخويا حاسبي يا حبيبتي حاسبي بطني يختي انا حامل ولا عميتي

 

هو حد جه ناحيتك يا ست انتي

 

الاجرة يا ست

 

ما تستنى ياخويا لما اقعد

 

هو في مكان يا ست . ما انتي شايفة الناس واقفة والاتوبيس زحمة

 

قوم يا استاذ عشان اقعد

 

نعم يختي!!!!!!!!!!!!!!

 

قوم قوووووووووم عيب عليك شايفني حامل وتعبانة وانت قاعد زي العجل ع الكرسي

 

قوم يا استاذ وقعدها دي حامل

 

وانا مالي انا . ولما هي حامل ايه اللي مخرجها من بيتها ؟

 

خارجة عشان اشوف الاشكال الضالة اللي زيك . قوم وقعدني يا راجل انت

 

اعوذ بالله على تحكمات الستات . في البيت واحدة تتحكم فيا وفي الشغل واحدة تتحكم فيا وفي الاتوبيس كمان واحدة تتحكم فيا

 

دي بقت بلد ستات صحيح . الله يخرب بيتك يا قاسم يا امين سلسلتنا بسلاسل

 

قوم يلا وسع وسع . كل ده قشر لب رميه في ارضية الكرسي الله يقرفك . الله يكون في عون مراتك . الرجالة يقعدوا في أي حتة يقلبوها زريبة

 

 

 

 

استنى هنا يا اسطى يا لهوووووووووووووووووي فلوووووووووووووووووووووووووووووسي

 

الله يعوض عليكي يا ست

 

اتسرقت يا ناس . شمع الاتوبيس بالشمع الاحمر يا اسطى وفتش الركااااااااااااااب يا لهوووووووووووي يا فلوسي يا فلوسيييييييييييييي اهئ اهئ الله يخرب بيت عنيكي يا فوقية يا ام عين قوية اهئ اهئ اهئ

 

 

 

 

 

 

 

 

اهئ اهئ اهئ اهئئئئئئئئئئئئ يا فلوسي يا ني يا فلوسيييييييييييييييي

 

خلاص بقى يا محاسن ربنا يعوض علينا بس انتي اللي غلطانة

 

غلطانة ؟ غلطانة في ايه بقى يا عطية اهئ اهئ

 

ايوة يا محاسن . معاكي المبلغ ده كله كان المفروض ما تركبيش اتوبيس . كنتي خدي تاكسي

 

تاكسي ؟ انا قولت اوفر يا عطية واخد الاتوبيس اهئ اهئ اهئ

 

اديكي وفرتي يختي نعيش بقى على اضيق الحدود على قد مرتبي

 

اااااااااااااااااااه يا هرية قلبي من الفول والطعمية يا ماااااااااااااااااااااااااا الله ينتقم منك يا فوقية اهئ اهئ

 

 

 

 

 

 

 

 

 

 

تررررررررررررررررررررن ترررررررررررررررررررن

 

مييييييييييييين

 

انا مدام فوقية يا مدام ليلى يا حبيبتي

 

استر استرررررررررررررر يارب استر . موني يا موني خدي الغوايش والسلاسل دي خبيهم في اوضتي

 

ليه يا ماما . هي طنط فوقية هتثرقهم ؟

 

لا يا حبيبتي .هتاكلهم بعنيها واحنا مش ناقصين كفاية اللي احنا فيه . استر يارب

 

 

اهلا اهلا يا حبيبتي اتفضلي يا مدام فوقية

 

ازيك يا مدام ليلى . ما بتسأليش انت . قولت اسأل أنا

 

فيكي الخير يا مدام فوقية

 

سمعت يا حبيبتي ان ولادك تعبانين شوية

 

لالا ماحدش تعبان غير مصطفى

 

مصطفى ياسلام ياسلام على مصطفى احلى اخواته ماشاء الله عليه طول بعرض بوسامة حاجة تشرح القلب

 

أهو اتكسر يا حبيبتي وفري مجهودك لحد تاني وارحمي الواد

 

هما بصراحة يا ليلى ولادك التلاتة احلى شباب في الشارع البنات هيتهبلوا عليهم . طب دانا شايفة من يومين مصطفى وهو راجع من الكلية ماشاء الله الشمس تتكسف من جماله

 

يا حبيبتي ابوس ايدك ابني متكسر جوا هتعملي فيه ايه تاني

 

 

اتفضلي ثكولاتة يا طنط

 

يختي ياروح طنط انتي ياخلاسي ع الطعامة حلوة حلوة اوي موني .يختي عليها وعلى شعرها الحرير

 

البت دي لما تكبر هتجنن الشبان بحلاوتها وتقاطعها المسمسمة اللي فشر تقاطيع سعاد حسني

 

استر يارب على بنتي الوحيدة يااااااااااااااااااارب

 

 

 

ااااااااااااااااااااااااااااه يا ماما اهئ اهئ اهئ اااااااااااااااااااااااه مامااااااااااااااااااااااا اهئ اهئ

 

مووووووووووووووووووووووووووووووووووووووووووني

 

 

المية الثخنة اتدلقت على رجلي يا ماما ااااااااااااااااااااااه اهئ اهئ

 

 

 

 

سلامتها موني بعد الشر جرالها ايه

 

اتسلقت بالمية السخنة يا حبيبتي اوووووووووووف ارحمنا يارب

 

سلامتها يا حبيبتي هقوم انا بقى عشان الحق اطبخ الراجل زمانه جاي

 

اووووووووووووف الحمدلله

 

 

 

 

 

 

 

ماما

 

نعم يا مصطفى

 

انا قررت اخطب ان شاء الله

 

يااااااااااااااااه ههههههههه مفاجأة . ودي مين بقى سعيدة الحظ يا حبيبي هههههههههههههههه

شارك هذه المشاركه


رابط المشاركه
شارك

منورين والله يا بنوتات معلش اسفة للتأخير والله نكمل بكرة ان شا الله مع احداث مولعة تاني ههههههههههه شكرا على حسن المتابعة يا حبيبات لي عودة غدا للترحيب ان شاء الله

شارك هذه المشاركه


رابط المشاركه
شارك

يا عيني عليك يا مصطفي

هههههههههههههههههههههههههههه

بس تفكير صائب وجنوني والله انك تحدف نفسك

فعلا اولاد ليلى محسودين

ههههههههههههههههههههه

 

بالنسبه لسوزي

فيه بنات كتير كدا زيها الضياع الي هي عيشاه واهمال الاهل لها

هما السبب في اللامبالاه الي هي فيها

لا الومها بقدر ما الوم اهلها

وبصراحه عجبتني لما راحت خطبت مصطفي لانها شافت فيه انسان هيخاف عليها

وعلى راي المثل بتاعنا

اخطب لبنتك ولا تخطبش لابنك وهنا اخطبي لنفسك

ههههههههههههههههههههه

 

 

دعاء

تؤتؤتؤتؤ

بيت شو يا بنتي

دا دمار يا امي ربنا يستر لا يجتمع رجل وامراه في مكان مغلق الا والشيطان كان ثالثهما

 

سالي

احثها انسانه محترمه ولكن شغل امها سيجعلها طمع من الشباب وسيروها مثل امها

 

فوقيه

ام عيون قويه

والله الواحد المفروض يقول ماشاء الله علي كل شيء

 

والاخت الي بدخل نفسها في خصوصيات الناس

ليه كدا

لكل بيت اسراره ما بحب التدخل في شئون الاخرين

 

 

حلقات مشوقه يا هبوبه

  • معجبة 1

شارك هذه المشاركه


رابط المشاركه
شارك

ايه الجمال ده ياهوبه

 

كده برضه بتشوقينا وتسبينا عند مشهد مهم وتمشى

 

مستنينك ماتتاخريش علينا

شارك هذه المشاركه


رابط المشاركه
شارك

حياكِ الله يا مُبدعة

 

علاء

مش عارفة سقط من نظري خالص بعد شربه للخمر!! وليس لذلك فقط إيه اللي دفعه يروح لمكان زي ده رقص وخمر

!!

 

مصطفى

أعجبني موقفه كثيرًا كثيرًا كثيرًا (3 كثيرًا) ^_^ ياااااااه يعرض نفسه لأذى وحياته للخطر حتى لا يقع بالمعصية ما شاء الله

ربنا يجعل شباب المسلمين مثل مصطفى : ))

 

فوقية

ام عيون قويه

فظيعة :blink:

 

أما البنت هيام

بتاعة مظاهر ولا أعتقد أبدًا أنها تحب علاء هى تحب المظاهر والشكل الخارجي وشكلها مش هتعمر مع علاء!!

 

أما البنت سوزي

بصراحة لا أتعاطف معها ولو ذرة واحدة.... بنت غاية في الوقاحة وقلة الأدب وإهمال أهلها لها ليس مبررًا أبدًا لتدني أخلاقها

بهذه الصورة البشعة أحس الحياء عندها مُنعدم!!

 

أتوقع مصطفى يخطب المُدرسة المحجبة إيمان B|

شارك هذه المشاركه


رابط المشاركه
شارك

 

 

بصراحة لا أتعاطف معها ولو ذرة واحدة.... بنت غاية في الوقاحة وقلة الأدب وإهمال أهلها لها ليس مبررًا أبدًا لتدني أخلاقها

بهذه الصورة البشعة أحس الحياء عندها مُنعدم!!

 

مالك يا شيخ خالد

ههههههههههههههههههههههههههههه

لا اتفق معك يا سوسو

غياب الاهل مبرر قوي وعامل رئيسي

اصلا انت لما ميكونش عندك حد يوعيك ويعرفك طريقك طول عمرك لوحدك هتتعلمي فين

مفيش حواليك غير اصحاب السوء فقط

 

اظن لو كان حد معاها ويوجهها كان الامر اختلف

 

 

 

 

نسيت اعلق على خالد

 

ونقطه البنوك

هو فعلا حرام الشغل في البنوك؟؟؟

واهل البيت يتحاسبو على كدا لو هو فعلا حرام

 

الاولى من خالد

انه يراعي ربنا في تعاملاته مع اخته وامه

لان اسلوبه لا يطاق

وشكل اخرته على ايد استازة الموسيقى

  • معجبة 1

شارك هذه المشاركه


رابط المشاركه
شارك

السّلامُ عليكُم ورحمةُ اللهِ وبركاتُه،

 

جزاكِ اللهُ خيرًا "أبلة بيبو: )" ، وجعلَ مثوانا ومثواكِ فردوسَ الرّحمنِ، ونعيمَهُ الّذي لا ينفدُ.

 

سُبحانَ اللهِ ما رأيتُ مِن خلالِ قصّتِكِ مِن واقِعِ النّاسِ ذاكَ الزّمانُ يجعلُ المرءَ يحمدُ اللهَ عزّ وجلّ على ما عافاهُ،

وعلى نعمةِ التّوفيقِ لمعرفةِ الحقّ والخيرِ، وتسخيرِ الدّعاةِ لنا، وتيسيرِ سُبُلِ الطّلَبِ وما هُوَ أعلمُ بِهِ يُحصِيهِ ولا نُحصِيهِ من فضلِهِ علينا علا وتقدّسَت أسماؤُهُ، لا نُحصِي ثناءً عليهِ هوَ كما أثنَى على نفسِهِ.. فاللهمّ لكَ الحمدُ حتّى ترضَى يا ذا الجلالِ والإكرام.

 

والبصيرةُ بالنّعمةِ ما هِيَ إلّا فائدةٌ واحدةٌ عظيمةٌ جنيناها بفضلِ اللهِ ثُمَّ أنتِ، فكيفَ وهُناكَ الكثيرُ سواها كتشنيعِ المعاصِي والتّنفيرِ مِنها ومِن فعلِها،

وأهمّيّةِ احتواءِ الأبناءِ والتّربيةِ الحسنة... إلخ منَ الخيرِِ أثابَكِ اللهُ.

 

لكن أُخيّتِي لديّ وجهةُ نظرٍ أخشَى أن تكونَ ثقيلةً عليكِ لعلمِي بمدَى حساسيّتِكِ،

وإنّي واللهِ ليتملّكُنِي الهمُّ مِن كُلِّ جانبٍ إن آذيتُ أحدًا مِن خلقِهِ فكيفَ بالأحبّةِ؟!

 

كما تعلَمِينَ خلقَ اللهُ تلكَ القلوبَ مُتفاوتةً في درجاتِ إيمانِها، وقوّتِها وثباتِها على الهُدَى والصّلاحِ،

فلرُبّما يتوبُ المرءُ مِن معصيةٍ ولا زالَ الشّيطانُ يُحدّثُهُ ويوسوسُ لهُ ليعودَ، ونفسُهُ تميلُ إلى الضّعفِ،

وأقلّ هبّة ريحٍ تهزّهُ وتهوِي بهِ...

 

اعتبريهِ تائبًا من سماعِ الموسِيقَى، والغناء، فحبّذا لو تركتِ إضافةَ الكلماتِ مِن أغانِيَ حقيقيّةٍ وإن كنتِ تقصدِينَ ربطَ الأحداثِ بالواقِعِ،

فلرُبّما عادَ بهِ الحنينُ إليها من مُجرّدِ قراءَةِ الكلمات.

 

وأمرٌ آخرُ أحبُّ أن أذكّرَ بِهِ مِن بابِ "فذكّر" فحسب:

مُجتمعُنا والنّاسُ مِن حولِنا لضعفِ يقينِها باللهِ تعتمدُ على الأسبابِ لا على ربِّها، فإن كنّا مأمورونَ بالأخذِ بِها، فنحنُ نؤمنُ كذلِكَ أنّها ليسَت بشيءٍ وإنّما مُسبِّبُها هوَ الّذي يُدبّرُ الأمرَ ويخلقُ ويرزُقُ كما يشاءُ.

 

ففِي أمرِ الزّواجِ نجدُ أنّ الأهلَ يضغطُونَ على فتياتِهِم بأن اخرُجِي، اذهبِي، لا تنتقبِي كي يراها النّاسُ ويأتِيها "ابن الحلال" مُتناسِينَ أنّهُ رزقٌ،

وسواءً خرجَت أم لم تخرُج ولَم يرها أحدٌ منَ الرّجالِ لن يكونَ إلّا ما كُتِبَ وقُدّرَ.

 

فحبّذا لو دعّمتِ هذا المعنَى من خلالِ قصّةِ زواجٍ تقليديٍّ لا علاقةَ لهُ بخروجٍ ولا حُبٍّ مُسبَق: )

يعنِي...

-والله ابنِي بدّو يخطب مين عندها بنت صالحة بتعرفي يا أم أحمد؟

-آه والله جارتنا فلانة...

-طيب اجري عليها: )))

 

 

وسامحيني باللهِ عليكِ، وإنّي لأحبُّكِ صدقًا()

شارك هذه المشاركه


رابط المشاركه
شارك

السّلامُ عليكُم ورحمةُ اللهِ وبركاتُه،

 

جزاكِ اللهُ خيرًا "أبلة بيبو: )" ، وجعلَ مثوانا ومثواكِ فردوسَ الرّحمنِ، ونعيمَهُ الّذي لا ينفدُ.

 

سُبحانَ اللهِ ما رأيتُ مِن خلالِ قصّتِكِ مِن واقِعِ النّاسِ ذاكَ الزّمانُ يجعلُ المرءَ يحمدُ اللهَ عزّ وجلّ على ما عافاهُ،

وعلى نعمةِ التّوفيقِ لمعرفةِ الحقّ والخيرِ، وتسخيرِ الدّعاةِ لنا، وتيسيرِ سُبُلِ الطّلَبِ وما هُوَ أعلمُ بِهِ يُحصِيهِ ولا نُحصِيهِ من فضلِهِ علينا علا وتقدّسَت أسماؤُهُ، لا نُحصِي ثناءً عليهِ هوَ كما أثنَى على نفسِهِ.. فاللهمّ لكَ الحمدُ حتّى ترضَى يا ذا الجلالِ والإكرام.

 

والبصيرةُ بالنّعمةِ ما هِيَ إلّا فائدةٌ واحدةٌ عظيمةٌ جنيناها بفضلِ اللهِ ثُمَّ أنتِ، فكيفَ وهُناكَ الكثيرُ سواها كتشنيعِ المعاصِي والتّنفيرِ مِنها ومِن فعلِها،

وأهمّيّةِ احتواءِ الأبناءِ والتّربيةِ الحسنة... إلخ منَ الخيرِِ أثابَكِ اللهُ.

 

لكن أُخيّتِي لديّ وجهةُ نظرٍ أخشَى أن تكونَ ثقيلةً عليكِ لعلمِي بمدَى حساسيّتِكِ،

وإنّي واللهِ ليتملّكُنِي الهمُّ مِن كُلِّ جانبٍ إن آذيتُ أحدًا مِن خلقِهِ فكيفَ بالأحبّةِ؟!

 

كما تعلَمِينَ خلقَ اللهُ تلكَ القلوبَ مُتفاوتةً في درجاتِ إيمانِها، وقوّتِها وثباتِها على الهُدَى والصّلاحِ،

فلرُبّما يتوبُ المرءُ مِن معصيةٍ ولا زالَ الشّيطانُ يُحدّثُهُ ويوسوسُ لهُ ليعودَ، ونفسُهُ تميلُ إلى الضّعفِ،

وأقلّ هبّة ريحٍ تهزّهُ وتهوِي بهِ...

 

اعتبريهِ تائبًا من سماعِ الموسِيقَى، والغناء، فحبّذا لو تركتِ إضافةَ الكلماتِ مِن أغانِيَ حقيقيّةٍ وإن كنتِ تقصدِينَ ربطَ الأحداثِ بالواقِعِ،

فلرُبّما عادَ بهِ الحنينُ إليها من مُجرّدِ قراءَةِ الكلمات.

 

وأمرٌ آخرُ أحبُّ أن أذكّرَ بِهِ مِن بابِ "فذكّر" فحسب:

مُجتمعُنا والنّاسُ مِن حولِنا لضعفِ يقينِها باللهِ تعتمدُ على الأسبابِ لا على ربِّها، فإن كنّا مأمورونَ بالأخذِ بِها، فنحنُ نؤمنُ كذلِكَ أنّها ليسَت بشيءٍ وإنّما مُسبِّبُها هوَ الّذي يُدبّرُ الأمرَ ويخلقُ ويرزُقُ كما يشاءُ.

 

ففِي أمرِ الزّواجِ نجدُ أنّ الأهلَ يضغطُونَ على فتياتِهِم بأن اخرُجِي، اذهبِي، لا تنتقبِي كي يراها النّاسُ ويأتِيها "ابن الحلال" مُتناسِينَ أنّهُ رزقٌ،

وسواءً خرجَت أم لم تخرُج ولَم يرها أحدٌ منَ الرّجالِ لن يكونَ إلّا ما كُتِبَ وقُدّرَ.

 

فحبّذا لو دعّمتِ هذا المعنَى من خلالِ قصّةِ زواجٍ تقليديٍّ لا علاقةَ لهُ بخروجٍ ولا حُبٍّ مُسبَق: )

يعنِي...

-والله ابنِي بدّو يخطب مين عندها بنت صالحة بتعرفي يا أم أحمد؟

-آه والله جارتنا فلانة...

-طيب اجري عليها: )))

 

 

وسامحيني باللهِ عليكِ، وإنّي لأحبُّكِ صدقًا()

 

 

ههههههههههههههههه

 

حبيبتي امومة اهلا بيكي اولا

 

حبيبتي فهمتي الموضوع غلط جداااااااااااااااااااااااا

 

 

انا اوضح حرمانية الحب قبل الزواج واوضح ما يترتب من عواقب وخيمة تنتج عن الاختلاط

 

 

فبالله تمهلي وافهمي المقصد

 

لا ادعوا لحب او عشق او هوى من خلال المسلسل ولو رجعتي لاعمالي السابقة لعرفتي

 

 

انتظري التتمة بارك الله فيكِ

 

 

اما عن كلمات الحب في الاغاني والميل لها هذا ليس المقصد

 

والمقصد انني في ساحة جنتك ونارك لذا فلي مساحة من الحرية في التعبير عن كلمات الحب والغزل بين الزوجين

 

واعتبر كل الكلمات الرقيقة بالاغاني موجهة من كل اخت لزوجها

 

ولهذا السبب اكتب قصصي هنا في هذه الساحة

 

 

يا حبيبتي انا اوضح مخاطر الاختلاط والعواقب الوخيمة له من خلال عمل درامي

 

 

فالنفس تأبى إفعل ولا تفعل بشكل مباشر

 

انما صياغة القصص تصل اسرع

 

حبيبتي ابتسمي انتي في ساحة جنتك ونارك ههههههههههه

 

 

 

فالكلام المعسول مطلوب هنا ولا يطلب في ساحة اخرى ههههههههههههههه

 

سعيدة بوجودك حبيبتي وارجو ان يصل المقصد

 

 

وارجووووووووووو الانتظار للنهاية

  • معجبة 2

شارك هذه المشاركه


رابط المشاركه
شارك

والمقصد انني في ساحة جنتك ونارك لذا فلي مساحة من الحرية في التعبير عن كلمات الحب والغزل بين الزوجين

 

 

: ))

 

ما هو من أجل هذا الكلام فإنّي أفكّر مليون مرّة قبل دخول السّاحة + مليون مرّة قبل التّعليق على شيءٍ قرأته+ بعدَ أن أعلّق أستحيي من نفسِي: )

 

والله ما ظننتُ بكِ إلّا خيرًا، وما قصدتُ أنّكِ روّجتِ أبدًا لسوءٍ وقد قلتُ سابقًا أنّكِ شنّعتِ المعاصِي وجعلتِنا نمقُتُها وننفرُ منها من طريقةِ طرحِكِ،

أسألُ اللهَ أن يُلهِمَنا جميعًا الخيرَ والصّواب...

 

وهناكَ نقطةً استثنيتُها من ردّي سُبحانَ اللهِ فاستدعاها ردُّكِ : ))

كنتُ سأقولُ لكِ واللهُ شهيدٌ: تفاعلُ الفتاةِ معَ ما كتبتِ مِن كلماتٍ سيختلفُ كلّيًّا عن تفاعُلِ المرأةِ المتزوّجة،

فالمرأةُ المتزوّجةُ على الأقلّ عايشتها واقعًا، والأمرُ عندَها عاديٌّ ومِن ضمنِ ما تحياهُ بخلافِ البنت: )

 

يعنِي معكِ حقّ لأنّكِ في السّاحة المخصّصة وأنا ليسَ معي حقّ أن آتِي إلا هنا ما دُمتُ معقّدة نفسي وأستحيي: )

 

 

سأنتظرُ معكِ بإذنِ الله، لكن كما العادة أتجاوزُ ما أخشى أن أقرأه: )

 

وجزاكِ ربّي خيرًا على سعةِ الصّدرِ وعطِرِ التّرحيبِ، والوُدُّ باقٍ وفي ازدياد: )

تم تعديل بواسطة الأمةُ الفقيرةُ
  • معجبة 1

شارك هذه المشاركه


رابط المشاركه
شارك

عذرا حبيباتي

 

فقد اتخذت قرارا بعدم تكملة المسلسل

 

والله الاسباب ليست متعلقة بكلام امومة حتى لا يغضب منها احد

 

فقط اسباب خاصة بي وحدي

 

 

جزاكم الله خيرا على حسن المتابعة حبيباتي الغاليات

 

 

دمتم بود

شارك هذه المشاركه


رابط المشاركه
شارك
والله الاسباب ليست متعلقة بكلام امومة حتى لا يغضب منها احد

 

واللهِ لا أُصدّقُ ولا يُصدّقُ عاقل!

 

ولا أدرِي ما أقول

الله المستعان

 

كلّها أيّام وأنقطع تقريبًا عنكم لمدّةٍ لا أدرِي كم تطول، فلا يُعقلُ أن أذهبَ وقد آذيتُكِ بهذا الشّكل،

أستحلفكِ باللهِ عودِي وسأنسحب أنا

شارك هذه المشاركه


رابط المشاركه
شارك

@هبةنور

 

نعم نعم يا أستاذة

5_65.gif

إزاي يعني يا بنت ما راح تكملي المسلسل ها!!

على يقين بإذن الله أن نهاية المسلسل دُرر ستنجلي لنا : ))

فلا تحرمينا منها ولا من إبداعك يا غالية

4_2.gif

شارك هذه المشاركه


رابط المشاركه
شارك

اعذرينى حبيبتى ......مهلا .......

 

من حقى كقارئة ان اعرف اسباب امتناعك عن التكملة

 

فلا تقولى اسباب خاصة بى ....... فأنت من طرح الحلقات لنا وتعاهدتى معنا من البداية على التكملة ....فانتى لم تذكرى اببدا ...انك من الممكن ان توقفيه لاى سبب كان

 

اذا ما هى اسبابك .......اريد ان اعرفها ويعرفها كل قرائك .....فهذا حقنا فيك ...وعليك

 

كما اننى لا احب ابدا الاحباط وكل مظاهره .....وهذا ما يبدواانك قد وصلتى اليه

 

اسمعى كلماتى حبيبتى ولتسمعها كل واحدة فينا

 

لا يعنى كثرة الانتقاد ان تتوقفى عن الكتابة او رفض كتاباتك ....لا ابدا .....بل قمة التحدى .....ان تستمرى ......وتستمرى ....حتى تصلى الى غايتك من الحلقات التى تكتبيها

 

فانتى عندما بدأتى الكتابة ....وخطتتى لها ....كان للك هدف معين ........

فهل .....وصلتى اليه ؟؟؟؟؟؟؟

 

بالطبع لا ......فانتى لم تنتهى منه ......اذا اين غايتك من الكتابة

 

حبيبتى هبه

 

وصديقتى العزيزة بل .....واختى الحبيبة

 

اذا تركتى الحلقات دون ان تتضعى نهاية لها فقد تفهمها الفتيات على انها موافقه على كل ما سبق كتابته "فانتى حتى الان لم توضحى عواقب كل تللك الافعال "

 

فلا تتركيها .....اكمليها .......حتى تصلى لهدفك منها الذى خطتتى له فى البداية

 

فانا اعلم جيدا معنى ان تُحضرى لكتابة حلقات او قصة .....كم تُشغل من وقتك وتفكيرك ......فهل تريدى تتضيع كل هذا الوقت بلا فائدة

 

اعلم جيدا انك ستعودى ..... فهذا ما اعرفه عنك وما عهدته بك

 

ولذللك انا بانتظار الحلقات ^_____^

  • معجبة 5

شارك هذه المشاركه


رابط المشاركه
شارك

حبيبتي لازم تكملي القصة

 

وفكري جيدا فيما قالته لك الاخت اتمني رضاه

 

 

 

 

وصديقتى العزيزة بل .....واختى الحبيبة

 

 

اذا تركتى الحلقات دون ان تتضعى نهاية لها فقد تفهمها الفتيات على انها موافقه على كل ما سبق كتابته "فانتى حتى الان لم توضحى عواقب كل تللك الافعال "

 

 

فلا تتركيها .....اكمليها .......حتى تصلى لهدفك منها الذى خطتتى له فى البداية

شارك هذه المشاركه


رابط المشاركه
شارك

ايه ده لا بجد مش مصدقه احنا عايزين باقي المسلسل

عموما لو فعلا مش هتقدري تكمليه فبرده رغبتك تحترم

بس بجد مسلسل رائع وشيق جدا جدا أمتعتينا بجد انا بعتذر علي عدم التعقيب لكن فعلا كان غصب عني

بشكرك جدا علي المسلسل الجميل الممتع ده وأتمني أن تكمليه إن استطعتي ولعل المانع خير إن شاء الله

وفي انتظار المزيد من روائعك

شارك هذه المشاركه


رابط المشاركه
شارك

يا حبيبات يا حبيبات

 

 

انا قمت بكتابة مقدمة للمسلسل واوضحت ما سأتناوله من أحداث

 

 

انا اتكلم عن فترة نزع فيها الحجاب وانتشر الاختلاط وخرجت المرأة للعمل

 

 

انا اناقش تأثير خروج المرأة عليها وعلى المجتمع

 

 

المرأة العاملة وربة المنزل والطبيبة والراقصة المتهتكة

 

كل نماذج وصور الخروج وتأثيرها على المجتمع

 

 

فالكثيرات يتحلين بالأخلاق السامية والحياء والكثيرات ايضا قد سقطت عنهن فضيلة الحياء

 

 

فبالله مهلا

 

 

فأنا انا قش اشياء على ارض الواقع

 

 

اما ان اكتب جارتنا فلانة على خلق وتزوجها يا فلان والحكاوى التقليدية وروح الجمود والتكرار لست انا اهلها

 

 

 

كنت في المدرسة الثانوية ارى البنات منهن من احبت مدرسها ومنهن من احبت قريبها

 

ومنهن من سقطت ومنهن من اهتمت بدروسها واحتفظت بحيائها

 

وفي الجامعة من صادقت الشباب وتجردت من كل الفضائل

 

ضحكات هيسترية عالية وملامسات باليد وشد وجذب

 

 

كما كنا نرى في حديقة الجامعة اشياء بين الطلبة والطالبات تحدث بين الرجل وامراته في غرفة النوم

 

ولا نملك وقتها الا شهقة الذهول والانصراف بعدها

 

 

 

اول يوم لي بالجامعة كنت اصعد الدرج وكانت بجانبي فتاة ترتدي البنطال الضيق وشعرها مصفف على احدث الصيحات

 

فإذ بشاب اعتقد انه يعرفها كان ينزل الدرج فأمسك بركبتها فبدلا من ان تصفعه على وجهه رأيتها تضحك في خنوع

 

وأنا شهقت من الذهول وفغرت فاهي فرأيت هذا المتفلت ينظر الي مندهشا وكأنه يقول انتي من كوكب اخر ومتخلفة

 

 

 

رأيت الكثير والكثيييييييييييييييير طوال سنوات الجامعة ما تشيب له الرؤوس

 

 

فكيف الآن لا نرصد الظواهر لنجنب ابناءنا الشرور ونقول لهم ما عند الله لا ينال الا بطاعته

 

 

 

 

لا انسى كنا في محاضرة الشريعة الاسلامية وصدمنا الاستاذ بورقة في يده

 

 

وقال هذه من فتاة زميلة لكم تزوجت من زميل لكم زواجا عرفيا وحملت ثم غدر بها ومزق الاوراق

 

وهي الآن لا تدري ماذا تصنع وارسلت الورقة تستشيرني وانا اقول لها يا ابنتي منتظرك في مكتبي لاحاول مساعدتك وارى ماذا سأفعل مع هذا الولد

 

 

 

 

حقا صعقت واحسست انني في ارض غير الأرض

 

كيف هذه سقطت هكذا وكيث تثق بشاب لهذه الدرجة

 

 

 

وهناك ايضا من احتفظت بحيائها فلفتت نظر زميل ليتزوجها لما رأه من حسن خلقها وحسن تربيتها

 

اعرف احداهن كانت ترتدي الخمار وكانت في السنة الاولى واعجب بالتزامها شاب بالسنة النهائية وتزوجها دونما حب او غزل

 

 

 

 

فبضدها تتميز الاشياء

 

 

لي اغراض من كل شخصية فامهلوني

 

 

 

 

 

 

لي عودة ان شاء الله لتكملة الحلقات بعد الانتهاء من اعمالي المنزلية حبيباتي

 

 

 

انتظرووووووووووووووووووووووني

  • معجبة 5

شارك هذه المشاركه


رابط المشاركه
شارك

O_o ارجو منك أولا الاستخاره والدعاء أن يريك الاحق فى التكمله أوعدمها (تكملة المسلسل) وبعد ذلك قررى ماهو الافضل لدينك والعائد من الفائده على الاخوات لأن الامر غير مختص بيك وحدك أختاه واستشيرى من اخواتك من تحترمى وتقدرى آراءهم فهم يرون ما يمكن أن لاتشعرى به وربنا يقدر لنا ولك الخير حيث كان وكل شئ فى الدنيا ليه جوانب مضيئه وجوانب مظلمه فلاتيأسي!!!

جزاك الله خيرا على نيتك فى نصرة دينك والدفاع عنه :)

تم تعديل بواسطة أمة الرحمن الرحمن

شارك هذه المشاركه


رابط المشاركه
شارك

يا حبيبتي واخيرا رجعت وانا عملت اضراب بسببك ههههه

 

انا سعيدة لأنك ستكملي المسلسل غاليتي فلا تتاخري علينا

 

وما قلتيه لتوك ما زال واكثر وانا اراه في مدينتي ولا حول ولا قوة الا بالله

زمن السبعينات رجع وما اراه اكثر من السبعينات بكثير والله فانا اعرف مدرسة التلاميذ يبيعون المخدرات فيما بينهم وبنات واولاد ربي يهديهم يتعاملون مع بعضهم وكانهم متزوجين

 

هذا الزمن اكثر بكثير فقد قل الحياء وكثر الفسق والمنكر الله يعافينا يارب

 

لكن طبعا في ملتزمين كثير ايضا وانا اتمنى ان يبعدوا عنهم الفتن التي يرونها كل يوم في الشارع وفي المدارس

شارك هذه المشاركه


رابط المشاركه
شارك

هييييييييييييييييييييييه

الحمدلله

شطووووووووووووووووورة يا خالتو هبهووووبه

والله كنت زعلتيييين أووووووي وصدمتيني

بس والله انتي عثوووووله خالص خالص خااااالص انك عشان هتكملي

 

آجي أساعدك يا ستي في شغلك عشان تيجي بسرعه؟؟ ههههههههههه

  • معجبة 1

شارك هذه المشاركه


رابط المشاركه
شارك

يا جماعه الخير

الاختلاف في الراي لا يفسد

يا ريت مناخد كلام بعض بزعل كدا

كل واحده ليها تفكير معين وبتنظر للشيء من منظر مختلف عن الاخرى

وعادي جداا اذا قلت راي في شيء

وانت جيتي صححتي مفهومي ليه

يا اما اقنع يا اما تقنعيني

يا اما كل واحده قالت رايها وكل واحده تحتفظ برايها اذا مقتنعه بيه

وكل دا من غير زعل

زهقتوني من كتر الزعل الي بشوفه

 

 

 

واتفق مع كلام هبه

عمر المسلسل او السيناريو ما هيكون ناجح ولا جذاب غير لما يكون شامل لمختلف حياتنا اليوميه

دا واقع بنعيشه ويا اما تتكلمي عليه بكل جوانبه الايجابيه والسلبيه يا اما ملوش لازمة

اهم شيء انك بتوضحي اثار دا واثار دا

 

 

 

 

انت يا بنتي هو ايه الي تنسحبي

بطلي هبل

منقدرش على انسحابك يا قمر

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ قال الإمام ابن القيّم رحمه الله : ‏ ‏ومن عقوبات الذنوب : ‏ " ‏أنهـا تـزيـل النـعم ، ‏وتحـل النــقم ، ‏فما زالت عن العبد نعمة إلا بذنب ، ‏ولا حلت به نقمـــة إلا بذنب" ‏ ‏الداء والدواء ( ١٧٩/١)

×