اذهبي الى المحتوى
هبة عبد العظيم نور

زوجتي وحافة الهاوية

المشاركات التي تم ترشيحها

منورين يا بناااااااااااااااااااااااااااااات

 

 

انا مستغربة من اللي بيقولوا اسلوب علاء اتغير ههههههههههههههه

 

 

يا جماعة ده بيكلم مرته حلاله اكيد اسلوبه مختلف عن ما كان بيكلم الاغراب

 

 

هو الملتزم يعني ما يهزرش ولا يمرح ولا يمازح زوجته هههههههههههههههههه

 

 

وبعدين هي كمان مزوداها اوي ههههههههههههه مين يصبر صبر علاء على زوجته ههههههههه

 

 

طبعا ياريت تكون الردود متعلقة بالتوقعات والاحداث القادمة حقنا للدماء ههههههههههههههههههههه

 

 

والله كلكو نورتوا وبتسعدوني بردودكم يا حبيات

 

 

لي عودة غدا ان شاء الله للتكملة والترحيب بكل حبياتي عشان ما لحقتش ارحب بيكو النهاردة

شارك هذه المشاركه


رابط المشاركه
شارك

مجنونه مطيعه دي والله

بس حركاتها لذيذه جدااااا

 

فعلا اسلوب تعامل الاهل والتفرقه بين الاخوات بيكون له تاثير سلبي

كنت متخيله علاء يسبها كدا قدام ضيوفها وميفتحلهاش المايه

بس اظن ان له هدف في دماغه

وهو انه لما يغير طريقته نعاها بالشرائع الاخري تعرف الفرق وقد ايه هو كان حونين معاها

 

 

 

 

 

زينب

ههههههههههههههه

وعلى رغم انها عارفه انه نصب بس برضو متعلقه بقشه

ههههههههه

 

 

 

الهند

الهندوس

ليه عادات وتقاليد غريبه

بس فيها مسلمين برضو يا بنات

شارك هذه المشاركه


رابط المشاركه
شارك

لي عودة غدا ان شاء الله للتكملة والترحيب بكل حبياتي عشان ما لحقتش ارحب بيكو النهاردة

أجمل حاجة أنك كل يوم تقولى الكلمتين دول

ولا بترحبى بحد :)

بتفكرينى بقناة الجزيرة

(تناشد الأفراج عن الزميلين عبد الله الشامى ومحمد بدر)

  • معجبة 3

شارك هذه المشاركه


رابط المشاركه
شارك

مطيعة فعلا حركاتها لذيذة

أنا قولت من الأول عندها عقدة

بس انتى هتخليهم يروحوا الهند فعلا يا هوبه :blush:

مش عارفه ليه متوقعة انه هيزهق فى الأخر وهسيسب مطيعة

وهى هتندم زى ماماتها ما قالت

شارك هذه المشاركه


رابط المشاركه
شارك

بالعكس أنا أعجبتني الفكرة عشان تقنع تماما ان الشريعة الاسلامية أحسن الديانات

وفي نفس الوقت سنتعرف على كل ديانة للمزيد من الاستفادة

كملي حبيبتي ربي يجازيك كل خير

شارك هذه المشاركه


رابط المشاركه
شارك

يا عيني يا مطيعة اهي البنت طلعت متعقدة عن جد صعبت عليا جدا واتأثرت بكلامها معاملة الابناء عامة ليها دور أساسي في تكوين شخصياتهم

 

وبعدين يا مودام هوبة انا مش اعترضت كليا على علاء انا اعترضت عن افعال عاملها ما علينا بس حنيته على مطيعة هي اللي هتخليها تتعلق بيه والحنية كفيلة انها تنسي كل شئ وحش

 

وهي اللي جابته لنفسها واتسرعت في اختيار الشرائع

 

وللاسف هي اللي هتندم في الاخر

 

في انتظار احداث بكرة خصوصا بنات اميرة لان كتير منا معرض للموقف دة ربنا يسلم

 

وفي انتظار مطيعة في الهند

شارك هذه المشاركه


رابط المشاركه
شارك

ازيكو يا بناااااااااااااااااااات

 

 

ليا عودة بكرة للتكملة والترحيب بكل حبيباتي ان شاء الله

 

 

عايزة تفاعل بقى

 

انا بيطلع عيني في كتابة الحلقات والله العظيم هههههههههه

 

متشكرين ياستى ومقدرين تعبك معانا ربنا يجعله فى ميزان حسناتك B|

بس ياريت تقدرى برضه تعلقنا بابدعاتك انتى السبب مش احنا ^_^

شارك هذه المشاركه


رابط المشاركه
شارك

:( ييييييي ايه السفريه المكانتش على البال ديه مش عايزينها

حتى ام مطيعه عارفه ان مطيعه بتحب علاء بس بتكابر

المستغرباه ان بيعاملها بكل احترام رغم انهم اتفقوا على التعامل بالشرائع الاخرى يمكن كان عايز يعرفها طبيعته وانه حنين وشخصيه طيبه على عكس ماكانت تظن

بسسسسسسسسسسسسسسسسسسسس ليه سؤال @@هبه نور@ :ph34r: ؟؟

هو ليه ضربها يوم جوازها نفسى اعرف ليه ازاااااااااااااااااى يعنى يضربها يوم جوازها بدون حق مش عارفه بصراحه ليه :!

تم تعديل بواسطة أمة الرحمن الرحمن

شارك هذه المشاركه


رابط المشاركه
شارك

جميييييييييييييييييييييييييل هوبه

حلقات راااااااااااااااائعه

علاء ومطيعة عاملين زى توم وجيرى

متشوقة لرحله الهند اما نشوف هيحصل فيها ايه؟؟؟

تسلم افكارك هوبه الحبيبه

شارك هذه المشاركه


رابط المشاركه
شارك

يا سلام حلقات جامده يا كووووين انا قررت ما اكتب الكومنت حقي لحد ما تخلصي ترحيب ههههههههههههههههههههههه رخمهههههههههههههههههه مش ^______________________^ من بداية المسلسل وانت بترحبي يا مس هبه (joking with you dear)

طريقة معاملتنا للاظفال تاثر فيهم سواء سلبي او ايجاب وفي من مطيعه كتير صراحه بس اتمني انه الاباء والامهات ينتبهوا من طريقة تعاملهم مع اطفالهم

و علاء كتير نايس مع البت مطيعه سو فار بس لازم يرويها العين الحمراء

شارك هذه المشاركه


رابط المشاركه
شارك

بسم الله الرحمن الرحيم .. الواحد بطنه بتوجعه لما يفكر في معاملة الشرائع الأخرى للمرأة

 

لكن هو علاء واخد أجازة من الشغل تكفيه يلف العالم كله ولا ايه ؟ أد ايه أجازته من الشغل ؟

شارك هذه المشاركه


رابط المشاركه
شارك

علاء بيتعامل معها بطبيعته لانه طيب وقلبه حنين وهو فعلا قلبه حن عليها لما ترجته يفتح الماء

 

صراحة استغربت من طلبها للسفر لكن عجبتني الفكرة لانه حتى لو اراد انه يعاملها بالشرائع الاخرى فهي مش هتقتنع لانها هتظن انه بيبالغ

واضح جدا انها لا تعرف شيء عن الشرائع الأخرى وإلا ما كانت طلبت تتعامل مثلهم علشان كده لما تسافر وتشوف بنفسها يكون افضل علشان تقتنع

وأتوقع أن مطيعة في نهاية القصة هتكون صحفية لها شأن وهدفها توضيح الصورة المشوهة وتصحيح الأفكار السيئة

شارك هذه المشاركه


رابط المشاركه
شارك

حلقات رووووووووعة جدااااااااا وأنا اتأخرت في الطبيخ جداااااااا : )))))

روعة يا هوبة تسلمي يارب

في انتظار باقي الحلقات : ))

شارك هذه المشاركه


رابط المشاركه
شارك

الان عرفنا منين بييج التفكير السيئ لمطيعة

من معاملة الاب !!!!

مطيعة فكرتني بست شفتها في حفلة سبوع قالت لي ان زوحها لا يحمل ابتنه بين يديه وعنده ابن ذكر اكبر من البنت كان يحمله وهو صغير عادي عند ه

بس البنت لا!!!!

انا استغربت ان في لس ناس بتتعامل البنات كدة

لأن الان نجد ان الناس بتفرح بحمل البنات اكثر من الذكور عكس زمان .

 

بنت الست ده التي شفتها في الحفلة حتطلع معقدة

أسأل الله أن يهدي أباها .

 

 

بالنسبة للسفرية كما قالت البنات راح نستفيد من معرفة الديانات الاخرى :)

وأول التوقعات أن مطيعة راح تفزع لما تعرف إن في الديانة الهندوسة أن الزوجة إذا مات زوجها قبلها بيحرقوها معاه (شفت هذا على برنامج على قناة أقرأ)

 

وراح تعرف كيف بتتعامل المرأة عندهم :blink: .

طبع راح تعجبها كثييييييييييييييير ههههههههه :blink:

اقصد راح تهرب من هناك جري هههههه

 

يكفي هذا التوقع

حبيبتي هبة أنا أسفة إني تكلمت في أحداث الحلقة

 

إن شاء لله نلتزم بالتوقعات وبس :))

تم تعديل بواسطة ' أم آية'

شارك هذه المشاركه


رابط المشاركه
شارك

هههههههه تعالي بقى يا اميرة البنات نامو اخيررررررررررررا الحمدلله

 

 

ههههههههه حاضر يا حبيبي

 

 

 

 

 

 

 

 

 

اميرتي حبيبتي وحشتيييييييييييييييييييييييني

 

 

وانت كمان حبيبي وحشتنييييييييييييييييييييييييييييييييييي

 

 

ايه ده . هو بابا وماما وحاشين بعض ليه يا نورسين ؟ هما مش لسة كانوا مع بعض معانا تحت !

 

 

اصل ماما وبابا طيبين يا لورين عشان كدة بيوحشوا بعض على طول لكن الناس الاشرار مش بيوحشوا بعض

 

اااااااااه فهمت

 

 

 

ههههههههه يلا يا اميرة بقى

 

استنى حبيبي اوضب شعري عشان حاساه ملخبط ههههه

 

طيب حبيبتي بس بسرعة الله يخليكِ

 

 

هي ماما هتوضب شعرها ليه يا نورسين قبل ما تنام ! هو مش كدة كدة الشعر بيتلخبط واحنا نايمين ولازم نصحى الصبح نسرحه ؟

 

يا لورين ماما تحب تسرح شعرها على طول عشان ماما امورة زينا . لكن الستات المش امورين مش بيسرحوا شعرهم خالص

 

اااااااااه فهمت هاااااااااااااااااااااااااااااااااااتشييييييييييييييييييييييييييي

 

 

يا خبررررررررر هو انتي لازم تعطسي دلوقتي يا لورين !!!!!!!! دلوقتي هيعرفوا مكانا اوووووووووووووف

 

 

 

 

يرحمكم الله يا اميرة

 

 

ههههههههه انا ما عطستش يا حبيبي

 

 

ما عطستيش يعني ايه ! انا سمعتك عطستي يا اميرة

 

 

هههههههه والله يا حبيبي ما عطست

 

 

ازاي الكلام ددددددددددددددده انتي هتجننيني يا اميرة

 

 

يمكن انت اللي عطست من غير ما تاخد بالك يا شريف

 

 

يا اميرة في حد هيعطس من غير ما ياخد باله برضوووووووو اكيد انتي اللي عطستي

 

 

والله والله ما عطست يا شريف

 

كدة !!!!!!!!! اميرررررررررررررررررررة في حد غريب في الاوضة يا امييييييييييييييرة البسي الروووووووووووووب

 

 

 

حد غريييييييييييييييييييب !!!!!!!!! يا خبر ابيييييييييييييييييييض

 

 

عجبك كدة يا لوريييييييين . اهم كشفونا وشكلنا هنضرب النهاردة اهئ اهئئئئئئئئ

 

 

وانا مالي انا . هما هيعملوا فينا ايه يا نورسين اهئ اهئئئئئئئئئ

 

انا اعرف بقى !

 

 

استني يا اميرة استخبي انتي ورا الباب وانا هفتش كل مكان في الاوضة لحد ما اوصل للي عطس ونكد علينااااااااااااا

 

 

يا شريف يمكن بيتهيألك يا حبيبي

 

 

اسكتي انتييييييييي انا حاسس فعلا ان في حد غريب في الاوضة . اما اشوف في الدولاب

 

 

مافيش في الدولاب حد . استني اشوف تحت السرير

 

 

يا مامييييييييييي اهئ اهئ بابا هيشوفنا وهيضربنا يا نورسين يا ريتني ما سمعت كلامك اهئ اهئئئئئئئئ

 

 

يوووووووو اسكتي بقى

 

اديني هشوف تحت السرير

 

 

يا نهاركووووووو زي وشكووووووووووووووووووووووووووو ايه اللي جابك هنا يا بنت انتي وهييييييييييي اطلعوا من تحت السريرررررررررررررر

 

 

 

يا خبرررررررررررر البنات تحت السريرررررررررررررررررررررر!!!!!!!!!!!!!!!!!

 

 

 

اهئ اهئئئئئئئئئ يا بابي انا ماليش دعوة اهئ اهئ نورسين هي قالتلي اجي هنا عشان نخضكو اهئ اهئئئئئئ

 

 

اهئ اهئئئئئئئئئئ دي كدابة يا بابي هي قالتلي نيجي هنا ونخضكو لما تناموا ونقولكو عوووووووووو اهئ اهئئئئئئئئئئئئئئ

 

 

اطلعي يا كلبة انتي وهييييييييييييي اطلعواااااااااااااا . ان ما ربيتكو ما بقاش اناااااااااااااااااااااااااااا

 

 

بس يا شريف بس بالراحة الله يخليك . هما ما يقصدوش يا حبيبي

 

 

اسكتي انتي يا امييييييييييرة دول بنات قلالات الادب . تقدري تقوليلي كان ايه الوضع دلوقتي لو كملوا معانا السهررررررررررررررررررة

 

 

يا خبرررررررررررررر الحمدلله يا شريف ربنا ستر

 

 

اطلعي انتي وهي من تحت السريرررررررررررررررر

 

 

اهئ اهئ اطلعي يا نورسين اهئ اهئ

 

 

اطلعي انتي الاول يا لورين اهئ اهئئئئئئئئئئئئئئئئئئئئئ

 

 

 

اطلعوا يا بنات وهخلي بابا يسامحكو

 

 

اسامحهمممممممممممممم انا هدبحهممممممممممممم هدبحهمممممممممممممممم عشان يحرموا يعملوا كدة تاني

 

 

اهئ اهئئئئئئئئئئئئئئئئئ

 

 

اهئ اهئئئئئئئئئئئئ

 

 

بس يا شريف بقى ما تخضهومش . اطلع انت من الاوضة البنات خايفين منك

 

 

اوووووووووووووووووووف طيب ماشيييييييييييي مسيرهم يقعوا في ايدي وحسابهم معايا عسييييييييييييير

 

 

 

اطلعي يا مجرمة انتي وهي . كدة برضو حد يعمل كدة !!!!!!!!!!!!!!

 

 

اهئ اهئئئئئئئئئ اسفين يا ماما والله كنا عايزين نخضكو لما تنامو ونقول احنا العفاريت

 

 

وحد يعمل كدة برضو ! انتو ترضوا حد يخضكو وانتو نايمين ! مش حرام عليكو بابا المسكين ده ذنبه ايه تخضوه وهو نايم وعايز يصحى بدري عشان يروح شغله

 

 

اسفين يا ماما

 

 

اسفين يا ماما

 

 

طب اتفضلوا على اوضتكو يا هوانم . بس كدة انا وبابا زعلانين وما فيش مصروف لمدة تلات تيام وكمان مافيش فسحة يوم الجمعة

 

 

اهئ اهئئئئئئئئئئئئئئئئئئئ وانا مالي انا . دي نورسين هي السبب اهئ اهئ

 

اهئ اهئ يا كدابة يا لورين اهئ اهئ

 

 

البنات دول طلعوااااااااااااااااا تعالولي هنااااااااااااااااااااااااااااااا

 

 

يا مامييييييييييييي اهئ اهئئئئئئئئئئئئ

 

 

يا ماميييييييييييييييييييي اهئ اهئئئئئئئئئئ

 

 

خلاص خلاص يا شريف بالله عليك هما مش هيعملوا كدة تاني

 

 

لالالالالالالالالالا دول لازم يتربوااااااااااااااااااااااااااااااا هيضربوا يعني هيضربوااااااااااااااااااااااااااا

 

 

اهئ اهئ اسفين يا بابي اهئ اهئئئئئئئئئئئئئئئئئئئئئئئئئئئ

 

 

سامحنا يا بابي اهئ اهئئئئئئئئئئئئئئئئئئئئ مش هنستخبى تحت السرير تاني اهئ اهئئئئئئئئئئئئئ

 

 

خلاص بقى يا شريف ما تضربهومش عشان خاطري خلاص يا حبيبي بقى

 

 

اوووووووووووووووووووووووف اتفضلوا على اوضتكووووووووووووو

 

 

يلا نجري يا لورين قبل ما يرجع في كلامه

 

 

يلا يا نورسين بسررررررررررررررررررررررررعة

 

 

 

 

مخلفالي شياطين يا اميرة !!!!!!!!!!!!!!!!!

 

ههههههههههههههههههههههههههههههههههههههه اما حتة فصل يا شريف

 

 

انتي بتضحكي يا اميرة ! لولا ستر ربنا كنا اتحطينا في موقف رهيييييييييييييييب . الحمدلله .

 

 

 

خلاص حبيبي الموقف عدا هاااااا هههههههه ايه رأيك فيا

 

 

لالالالالالا خلاص يا اميرة انا الموقف بتاع البنات ده غير المود بتاعي خالص

 

كدة !!!!!!!!!!!!! طيب والله ما حد هينزل فيهم ضرب غيرييييييييييييييييييييي

 

 

ههههههههههههه تعالي تعالي هنااااااااااااااا خلاص خلاص حبيبتي تعالي ما تزعليش ههههههههههههههههههههههه

 

 

 

 

 

 

 

 

ها يا علاء حجزت تذاكر الطيران ولا لسة

 

 

لا لسة

 

ليه ان شاء الله ؟ انت بتاخدني على اد عقلي ولا ايه يا علاء

 

 

ارجوكِ يا مطيعة انا ورايا بعض الالتزامات اللي لازم اخلصها قبل ما نسافر

 

 

التزامات ايه دي بقى

 

 

اولا عايز اطمن على ايناس واوصلها لبيت جوزها وكمان بنات اميرة ليهم دين في رقبتي لازم اوفيه قبل ما امشي

 

دين لبنات اختك ! ههههههههههههه مديونلهم بباكو لبان ولا كيس شيبسي؟ ههههههههههه

 

لا مديونلهم بفسحة للغردقة ولازم اوديهم قبل ما نسافر

 

 

يا سلاااااااااااااااااام . الحاجات دي كلها ممكن نعملها لما نرجع من السفر

 

 

الله اعلم يا مطيعة . انا مش ضامن عمري

 

 

علااء. ليه بتقول كدة . بعد الشر عليك

 

ههههه خايفة عليا

 

أأأأأأأأ لالالالالالا عادي يعني . انت اخ عزيز يا استاذ علاء . لو جرالك حاجة هشاكس في مين وانكد على مين هههههههه

 

هههه يعني انتي عارفة انك بتنكدي علية

 

هههههه مش اوي يعني . انا حتى طيبة ومسكينة

 

اممممممممممممممممم خالص في الحقيقة طيبة خالص ههههههه . معلش اعذريني واديني فرصة أأدي التزاماتي من فضلك . على العموم هما اسبوعين ونسافر ان شاء الله

 

 

ان شاء الله . طيب حضرتك من ضمن التزاماتك مش الشبكة بتاعتي برضو ! ولا انا ماليش قيمة عند جنابك

 

 

ههههه حبيبتي شوفي الخاتم السوليتير اللي جبتهولك جايز يعجبك

 

لالالالالالالالالالالالالالالالالالالا لالالالالالالالالالالالالالالالالالالالالالالا لالالالالالالالالالالالالالالا يعني لالالالالالالالالالالالالالالالالالالالالالالالالالالالالا هات الخاتم يلا ننزل نبيعه

 

وتشتريلي شبكة على ذوقي

 

 

حاضر يا ستي من عنيا . هنتعشا ولا مافيش عشا

 

 

ههههههههههه كمل جميلك وعشينا برا النهاردة . نروح نبيع الخاتم ونشتري الشبكة وبعدين نروح نتعشا

 

 

حاضر يا مطيعة عنيا ليكِ . ادخلي البسي

 

 

ههههههههههه حمامة ولو ان الهدوم اللي جايبهالي على ذوقك وبتخليني انزل بيها مش عاجبااااااااااااااااااااني بس يلا زي بعضه . مش كل حاجة اقولك عليها لأ ههههههه

 

 

الله يهديكِ يا مطيعة

 

 

 

 

اتفضلي اركبي يا ستي انا هههههههه

 

ههههه ميرسي

 

 

 

تررررررررررررررررررررررررررررررن تررررررررررررررررررررررررررررررن

 

ههههههه موبايل من بتوعك بيرنوا

 

 

حد اعرفه ؟

 

لالالالالالا رقم

 

 

خلاص مش مشكلة

 

 

اممممممممممم يا خيرررررررررر ايه ده يا استاااااااااااااذ

 

 

في ايه يا مطيعة

 

 

مين بقى الهانم اللي بعتالك كل الرسايل ددددددددددي . كلها مكتوب فيها احبك فارسي . عشان تعرف ان انت راجل خااااااااااااااااين زي كل الرجالة مين دي انطق يا استاااااااااااااااااذ

 

 

ههههههههههههه لا يا شيخة !!!!!!!!!! تعرفي انك ظريفة جدا

 

 

انت بتستفزني يعني !!!!!!!!! انا عايزة اعرف مين الهانم ددددددددددددي

 

 

ههههههههههه دي واحدة بحبها وروحي فيها ونفسي ترضى عني وتعترفلي انها بتحبني

 

 

يا بجاحتكككككككككككك وبتقول الكلام ده قداااااااااااااااااامي .

 

 

هههههههه ادعيلي بالله عليكِ ربنا يهديها

 

 

ربنا يهديك انت يا زير النساء

 

 

ههههههههههههه مش بقولك ظريفة

 

 

 

 

 

 

 

 

 

 

اتفضلي يا ستي انزلي ادينا وصلنا محل المجوهرات

 

 

 

اشمعنى المحل ده

 

 

ده محل المجوهرات اللي بتتعامل معاه عيلتنا

 

هههههههههه يا حلاوتك انت وعيلتك . اقطاعييييييييييييييين هههههههههههههه

 

 

هههههه يا ستي اديكي بقيتي اقطاعية زينا

 

 

امممممممممممم عايز تقول ان ليك فضل عليا ؟

 

لا طبعا ما قصدتش المعنى ده . انتِ مراتي وجزء مني وكل اللي املكه بين ايديكِ و تحت امرك

 

 

هههههه ميرسي .

 

 

اتفضلي يا مطيعة عشان ندخل المحل

 

 

اوكيه

 

 

 

السلام عليكم ازيك يا استاذ سعيد

 

اهلا اهلا هههههه عليكم السلام ورحمة الله ازيك يا كينج شرفت المحل

 

 

هههه الله يكرمك يا سيدي . اتفضلي اقعدي يا مدام

 

هههههههه شكرا يا اخي العزيز اديني قعدت

 

 

تحت امرك يا استاذ علاء

 

من فضلك والله عايز ابيع الخاتم السوليتير ده

 

 

ليه بس يا استاذ علاء . ده خاتم قيم جدا ومش هتلاقي زيه دي فصوصه نادرة جداااااااااااااااا

 

 

معلش . مش عاجب المدام . هبيعه وبعدين نختار شبكة جديدة

 

 

على راحتك يا استاذ علاء

 

 

اتفضل دول 75 الف تمن الخاتم

 

 

هاااااااااأ هاااااااااااااااااأ هاااااااااااااااااااأ يا مفتري جايب خاتم بخمسة وسبعين الف !!!!!!!!!!!!!!!!

 

 

ههههههه جاتلك زغطة تاني ههههههه ؟ دا فصوصه نادرة ونقية جدا وبعدين ما يغلاش عليكِ

 

 

ولو برضو طالما ما اختارتوش ما يلزمنيش . عد الفلوس ليكون الراجل ناصب علينا ولا حاجة

 

هههه وطي صوتك يا مجنونة انتي

 

 

انا مجنووووووونة

 

هههه بموت في جنانك

 

 

 

 

ههه لو سمحت عايزة اشتري الخاتم السوليتير اللي علاء بيه الكينج باعه لحضرتك من لحظات

 

 

 

افندممممممممممممممم

 

 

مطييييييييييييييعة مش عايز جنان الله يخليكِ ما تخليش الراجل يسمع صوتنا

 

 

الله !!!!!!!! ايه الجنان في كدة يا علاء . الخاتم عاجبني وعايزة اشتريه

 

 

اللهم لا حول ولا قوة الا بالله . انتي مش قولتي مش عايزااااااااااااه وقولتي بيععععععععععععععه

 

 

ههههههههه قولت مش عايزاه عشان انا ما اختارتوش . لكن طالما ليا حرية الاختيار دلوقتي يبقى عايزاه وعجبني وعلى مزاج مزاجي ههههههههه من فضلك هشتري الخاتم السوليتير ده

 

 

 

اووووووووووووووووووووووووووووووووووف

 

 

هههههههههه سلامتك من الغيظ يا كينج

 

 

يعني خلاص يا استاذ علاء هتسترد الخاتم

 

 

هاتوا يا سيدي

 

 

هههههههههه معلش يا كينج . ياما بيحصلنا مواقف زي دي مع الستات

 

 

هههه اهو الراجل قالك . يعني مش انت لوحدك بس اللي مراتك مطلعة عينك

 

مجنووووووونة

 

 

 

 

 

يلا يا ستي اتفضلي اتفضلي اركبي

 

 

يا خبررررررررر . انت مش هتفتحلي باب العربية زي كل مرة . ولا غيظك مني نساك الاتيكيت

 

 

اسسسسسسسسسسسسسف حاضر تحت امرك

 

 

هههههههههه شكلك حلو اوي وانت متغاظ على فكرة

 

 

 

يلا يا سيدي عشان تعشيني برا هههههه ابسط يا عم هتنازل واتكرم واقبل عزومتك على العشا

 

لا والله ! ياريت ترفضي وتريحيني ! بجد تعبتيلي اعصابي بالموقف السخيف دددددددددده

 

 

ههههههه تعيش وتاخد غيرها يا كينج . اعيش واحرق دمك واعصبك ههههههه اغنيلك اغنية لطيفة للشبكة ؟

 

 

اسكتي مش عايز اسمع صوتك ممكن ؟؟؟؟؟؟؟؟؟؟؟؟؟؟؟

 

 

هههههههههههه لالالالالالالالا مش ممكن

 

 

 

تسلم ايدين اللي اشتراااااااااااااااااااااااااا

 

 

تيرا رررررررا رار رااااااااااااااااااااا

 

 

السوليتير والاسوررررررررررررررررررررة

 

 

تيرا ررررررررا راااااااااااااااااا

 

 

تسلمممممممممممممممممم

 

تسلمممممممممممممممممممممممممم

 

تسلممممممممممممممممممممممممممممممممممم

 

تسلممممممممممممممممممممممممممممممممممممممممم

 

تسلم ايدين اللي اشتراااااااااااااااااااااااا ااااااااااااااه ههههههههههه مش تقولي الله يسلمك ؟

 

 

مش انا بقولك تسلم ايدين اللي اشترا ههههههههههه

 

 

اووووووووووووووووووووووووووووووووف

 

 

هههههههه براحتك ما تقولش . يلا عشان جوعت جدا وعايزة اتعشى هههه هتعشيني ايه يا كينج

 

 

اختاري زي ما حضرتك عايزة . تحت امر ارادة سموك . اخاف اعشيكي على ذوقي تقولي بقهرك وبلغي ارادتك

 

 

هههههههه شطور والله اديك حفظتني . على فكرة هبتدي ارضى عنك وخصوصا لما تطبق عليا الشرائع التانية هههههههه

 

 

هههههه ربنا يستر وما تكرهنيش لما اعاملك بشرائع غير الشريعة الاسلامية

 

 

ههههههههههه لالالالالالالالا انا واثقة اني هرضى عنك وابتدي احبك

 

 

هههههههههههه على اساس انك ما بتحبنيش!

 

ايييييييييييييييييييه انا احبك انت !!!!!!!!!!! ههههههه شايف نفسك تتحب اوي ياواد ولا ايه ؟؟؟؟؟؟؟

 

 

هههههههه لا طبعا . هو انا اليق بقلب سموك برضو

 

 

هههههههه ايوة كدة تواضع واعرف قيمة المرأة

 

 

ومين قال اني مش عارف قيمة المرأة . المرأة دي جزء لا يتجزأ من الرجل صدقيني

 

 

لالالالالالالا انتو بتنظروا للمرأة انها اقل . انها لا تعقل لا تدرك لا ترقى لمرتبة البشر

 

 

يا الله !!!!!!!!!!

 

 

 

 

 

 

ما انت ايها الرجل

 

 

وكأن الكون خلق ليدور في فلك رجل

 

وكأن الشمس لا تسطع الا على وجه رجل

 

العقل مذكر لا مؤمث له

 

 

القلب مذكر لا مؤمث له

 

 

الماء مذكر لا مؤنث له

 

 

الملك مذكر لا مؤمث له

 

 

فأين انا ؟ ام انني هملا بلا روح وتكوين ؟

 

 

 

 

 

حبيبتي

 

لا تنزعجي من كوني رجل فأنت كل كل تكويني

 

 

العقل مذكر وترقّيه فكرة

 

 

القلب مذكر وتحيه نبضة

 

الماء مذكر وتكوينه قطرة

 

الملك مذكر وصلاحه بالحكمة

 

فأنتِ اساس كل شيء حولي فدعي عنكِ الجدال فأنا احتاجك حبيبة لقلبي وليس ملكا ليميني

 

 

 

 

 

 

 

 

 

 

 

 

اتفضلي اقعدي يا ماي ليدي

 

 

ههههه ميرسي . وكمان بتسحبلي الكرسي عشان اقعد ! كدة ممكن اعتقد ان عندك ذوق ههههه

 

ههه اتفضلي

 

 

الجرسون جاي

 

 

 

مساء الخير يا استاذ علاء

 

 

مساء النور

 

 

اتفضلوا المنيو

 

 

ها هتختاري ايه

 

 

اممممممممممم اختار اللي انت هتختاره

 

 

هتاكلي على ذوقي؟

 

ايوة ههههههههه شوف التواضع بتاعي . بس ما تتعودش على كدة

 

 

ههههه اوكيه اتفقنا

شارك هذه المشاركه


رابط المشاركه
شارك

هو انا هروح مكتب الف ليلة وليلة ده لوحدي ! لالالالالالالا ما ينفعش انا هقول لماما تيجي معايا

 

 

 

ماما

 

 

نعم يا زينب

 

 

يلا البسي عشان ننزل

 

 

ننزل ! ننزل نروح فين يا بنتي

 

 

رايحة اجيب عريس

 

 

اييييييييييييييييييييه ! انتي اتجننتي يا بنت ولا اييييييييييييه

 

 

اتجننت ليه بس يا ماما . انا هفهمك يا ستي . في مكتب جواز بيجيب عرسان . يعني احدد المواصفات اللي انا عايزاها في شريك حياتي وهما يدوروا عليه ويجيبوه من قفاه

 

 

يا بنتي ايه الكلام ده . انا لا سمعت ولا شوفت في حياتي حاجة زي كدة يا بنتي . الحاجات دي ماكانتش على ايامنا

 

 

ايامكو! قصدك ايام العز والعرسان المتلتلة اللي مش لاقية حد ياخدها . ما انتي متجوزة عندك 17 سنة يا ست ماما

 

هههههههه ويعتبر اتجوزت كبيرة كمان لان اخواتي اتجوزا على سن 14 هههههههههه كانت قومي تقولي روحي يا بايرة تعالي يا بايرة رغم سني كان 17 ههههههههههههههههه

 

 

انتي بتغيظيني يا ست انتي !!!!!!!!!

 

 

ست انتي !!!!!!!!!!! ست انتي في عينك يا قليلة الادب . ال ست انتي ال

 

 

اسفة يا ماما . اسفة والله . اصل كلامك غاظني . معلش سامحيني انا مش ناقصة غضبك عليا يوقف حالي اكتر ماهو واقف

 

 

ههههههههه انا اغضب عليكِ برضو يا زوزو . ربنا يابنتي يفرحني بيكِ عن قريب اللهم آمين

 

 

طيب يلا بقى عشان تفرحي بيا

 

 

طيب يا بنتي مش نتصل بابوكي نقوله

 

 

يا ماما نقوله ايه بسسسسسسسس هو في حاجة عشان نقولها . انا هروح انا وانتي في الخباثة ولو لقينا عريس نبقى نقوله

 

 

ايوة يا زينب بس هقوله رايحين فين

 

 

هو انتي لازم تقوليله يا ماما . خلينا نروح واصلا هنرجع قبل ما يجي

 

لالالالالالالا انا هقوله رايحين مشوار وخلاص . انا مش متعودة اخرج من غير اذنه

 

 

طيب يا ماما بس بسرعة الله يخليكِ

 

 

 

 

 

 

 

 

 

 

 

 

 

 

 

 

 

 

هو ده مكتب الف ليلة وليلة يا زينب ؟

 

 

ايوة يا ماما . ماهو مكتوب قدامك اهو

 

 

طيب يلا يا بنتي . انا والله ما عارفة ايه الموضة الجديدة دي !

 

 

 

 

 

 

السلام عليكم

 

 

وعليكم السلام ورحمة الله وبركاته اهلا وسهلا اهلا مبروك مقدما هههههه

 

 

هو حضرتك مدام شهرزاد

 

لالالالالالالا انا موظفة هنا في المكتب . اتفضلوا استريحوا

 

اقعدي يا ماما

 

 

 

400 جنيه من فضلك

 

 

اتفضلي جاهزين اهو

 

 

شكرا . اعدهم الاول . الاحتياط واجب والنصابين كتير وولاد الحرام ماخلوش لولاد الحلال حاجة

 

 

عديهم على راحتك . انا عداهم سبع مرات قبل ما اجي ليكون فيهم عشرة جنيه زيادة ولا حاجة

 

 

400 جنيه يا زينب !!!!!!!! يا بنتي دا تقريبا كل مرتبك الشهر ده

 

 

مش مهم يا ماما . الفلوس تروح وتيجي المهم يجيبولي العريسسسسسسسسسسسسسسس

 

 

لحظة واحدة هدي خبر لمدام شهرزاد

 

 

 

 

 

 

مساء الخير يا فندم اهلا وسهلا شرفتوا مكتب الف ليلة وليلة

 

 

مساء النور يا مدام شهرزاد

 

 

انتي بقى زينب اللي كلمتيني في التليفون ؟

 

ايوة ودي ماما

 

 

اهلا يا حاجة اتشرفنا

 

 

اهلا يا مدام شهرزاد . ياترى فعلا بتجيبوا عرسان زي ما قالت زينب

 

 

جربينا وهتشوفي بنفسك يا مدام . يا هويدااااااااااااااااااااااااا

 

نعم يا مدام شهرزاد

 

 

هاتي استمارة لانسة زينب تملاها وهاتيلي استمارات العرسان المتلئحين عندك دول

 

 

حاضر يا مدام شهرزاد

 

 

اتفضلي يا انسة املي الاستمارة

 

 

استمارة !

 

ايوة عشان كل بياناتك تبقى عندنا يا حبيبتي . والعرسان كمان لما يجوا يقلبوا في الاستمارات وتعجبهم بياناتك يطلبوا مني اوصلك بيهم على جناح السرعة

 

اتفضلي استمارات العرسان اهيه

 

 

هههههههههههههه اول مرة اشوف الحاجات دي يا زينب

 

 

بقولك ايه يا ماما انا مش ناقصة . بتضحكي على ايه بس !

 

 

هاتي يا زينب ادور معاكِ يا حبيبتي . زي مايكون بندور على ابرة في كوم قش

 

 

بصي يا زينب في عريس اهو وحاطط صورته في الاستمارة . معاه بكالوريوس تجارةوعنده 30 سنة وبيشتغل حلاق

 

ايه رأيك

 

 

حلاق يا ماماااااااااااااااا !!!!!!!!!!!! حلااااااااااااااااااااااااااق . يا ماما انا مدرسة رياضة مش ببيع فسيخ ورنجة على ناصية الحارة

 

 

يا بنتي ماهو معاه شهادة عالية زيك اهو . تلاقيه يا كبد امه مالقاش وظيفة واضطر يشتغل حلاق . اتجوزيه ينوبك ثواب يا بنتي

 

 

وانا مالي انا . يعني في الآخر اصوم اصوم وافطر على حلاق لالالالالالالا ما ينفعش يا ماما

 

 

ما انتي عمالة تفري في الاستمارات مش عاجبك حاجة يا زينب

 

 

يا ماما مافيش فيهم واااااااااااااااحد يوحد ربنا مناسب

 

 

طب بصي ده ارمل وعنده طفلين وبيشتغل مهندس وعنده 39 سنة

 

يا ماما يا مامااااااااااا هو انا هتجوز عشان اتهنى بجوزي ولا هشتغل دادة يا مامااااااااااااا انا زهقت يلا نمشي

 

 

هاتي 400 جنيه يا مدام شهرزااااااااااااااااااااااااد بلاش هم ووجع قلب

 

 

طب بس اهدي يا حبيبتي اهدي 400 جنيه ايه بس اللي هتاخديها . انا هجيبلك عريس على ذوقي

 

 

استني اتصل بيه

 

 

طب مش تقولي بيناته الاول

 

 

هههههههه دكتور وعنده 35 سنة وشقة في الزمالك وعربية كمان

 

 

هههههههههههههههههه معقووووووووول . مرة واحدة كدة

 

 

هههههههههه اومال مرتين يا روحي . هاااااا اتصل ولا تاخدي ال 400 جنيه

 

 

هههههه اخد ايه يا ستي انا عايزة العريس اللي يهبل ده

 

 

 

لحظة واحدة اتصل برقمه

 

 

تررررررررررررررررررررررررررررررررن تررررررررررررررررررررررررررررررررن

 

 

 

الووووووووو هههههههههه ايوة يا دكتور سامح

 

 

 

 

اهلا مدام شهرزاد

 

 

عندي عروسة مدرسة وعندها 39 سنة

عندها كاااااااااااااااااااااام

 

يا ست انتي ايييييييييييييييييييه انا عندي 29 سنة بسسسسسسسسسسسسس جبتي العشر سنين الزيادة منيييييييين

 

 

هههههه اسفة يا دكتور قصدي عندها 29 سنة ههههههههه

 

 

خلاص اوكيه اجي اشوفها بكرة الساعة 6

 

 

تشرف يا دكتور

 

 

 

 

 

 

هههههههههه قالك ايه

 

 

هيجي بكرة الساعة 6 ان شاء الله

 

 

خلاص هجيب ماما واجي هههههههههه

 

 

 

 

 

 

 

 

 

 

 

 

 

 

 

 

 

تررررررررررررررررررررررررررررن تررررررررررررررررررررررررررررررررررررن

 

 

افتحي يا بت يا جواااااااااهر . باين عليه شعبان

 

 

 

حاضر يا حاجة ايوة جاية اهو حااااااااااااااضر

 

 

 

يا لهوووووووووي . انت عامل في نفسك كدة ليه يا حاج

 

 

عامل ايه في نفسي يا بت يا ملحوسة انتي

 

 

لالالالالالالالا ولا حاجة ولا حاجة يا حاج شعبان . الراجل باين عليه مخه اتحلس على كبر

 

 

هههههههههههههههه الواحد حاسس انه رجع سبعة وتلاتين سنة لورا هههههههههههههه

 

 

 

 

 

 

 

يا حاجة عطيات الحقي يا حاجة الحقييييييييييييييييي

 

 

في ايه يا بت يا جواااااااااااهر مالك جاية تجري زي اللي شافت عفريت

 

 

الحقي يا حاجة الحاج شعبان ضارب شعره احمر وحالق شنبه وعمال يغني

 

 

يا مصيبتيييييييييي . ضارب شعره احمر وحلق شنبه اللي من عمر شريف ابني ! وكمان بيغنييييييييييييييييييييييي

 

 

هههههههههههه ليكون شايفله شوفة يا حاجة

 

 

شووووووووووووفة . طب والله لروح انكد عليه عيشته الراجل اللي انصاب في مخه ده

 

 

 

 

 

 

مأذون عيلتناااااااااااااااااااااااااااااااااااااا

 

 

جاي بيتنا الليييييييييييييييييييييييييييييييييييييييلة

 

 

مأذون عيلتنااااااااااااااااااااااااااااااااااا

 

 

جاي بيتنا الليييييييييييييييييييييييييييييييييييييلة

 

 

 

زغروطة حلووووووووووووووووووووووة

 

 

زغرووووووووووووووووووووووووطة حلوة

 

 

زغرووووووووووووووووووووووووووووووطة حلوة يا بنات العيييييييييييييييييييييلة

 

 

مأذون عيلتناااااااااااااااااا جاي بيتنا الليييييييييييييييييييييييييييييييلة

 

 

 

 

 

 

مأذون عيلتكو جاي بيتكو الليلة يهبب ايه يا شعباااااااااااااااااااااااااااااااااااااااااااااااااااااااان

 

 

عطيااااااااااااااااااااااااااااات !!!!!!!!! يا امّاااااااااااااااااا . خضتيني يا ولية . مش تكحي قبل ما تدخلي قبل ما تسيبي مفاصلي

 

 

ايه اللي انت عامله في نفسك ده ياراااااااااااااااااااااجل

 

 

ههههههههههههه قولت ارجع عمري اللي راح معاكِ هدر يا شيخة الغفر

 

 

 

انا شيخة غفر يا راجل يا شايب يا عايييييييييييييييييب . عيب عليك دانت ولادك ليهم شنة ورنة . لما يشوفوك كدة يقولوا ايييييييييييييه .

 

 

يقولوا اللي يقولوووووووووووه . اللي ليه عندي حاجة يجي ياخدها يا عطيااااااااااااااااات . هما العيال هيربوني ولا اييييييييه

 

 

هيهيهيييييي فاكر لما تصبغ شعرك احمر يبقى خلاص رجعت شباب ! ال ودع هواك وانساه وانساني عمر اللي راح ما هيرجع تاااااااااااااااااااااااني

 

 

طب بس اقعدنا انتي على جنب ما لكيش دعوة . هو الواحد عشان صبغ شعره يبقى خلاص اجرم

 

 

اعوذ بالله منك حورمة من دون الحريم . تصبحي على خير يا عطيات

 

 

تصبح زي ما اتمسيت يا خويا

 

 

 

الراجل ده مش مرتاحاله ابداااااااااااااااااااا . طيب يا شعبان طيييييييييييييييييييب انا هعرف ارارك يا مية من تحت تبن انتتتتتتتتتتتت

 

 

 

 

 

 

 

 

 

 

 

 

 

 

 

 

 

 

 

 

 

 

 

تررررررررررررررررررررررررررررن تررررررررررررررررررررررررررررررررررررررن

 

 

انت ياااااااااااااد

 

 

نعمين يا حاج شعبان

 

 

ابعت حد يجيبلي الشيشة من ع القهوة

 

 

من عنينا يا حاج

 

 

 

ترررررررررررررررررررررررررررررررن ترررررررررررررررررررررررررررررررررن

 

 

الووو مين معايا

 

 

هههههههه ازيك يا ابو سماح . عامل ايه يا توفيق

 

 

مين

 

 

انا الحاج شعبان

 

 

الحاج شعبان ! اهلا يا حاج يا مرحب

 

الله يرحب بك يا توفيق يا ابو سماح كنت عايز اجي اشرب معاك الشاي

 

 

 

 

هههههههههه يا الف اهلا وسهلا يا حاج . ويا هل ترى الحاجة عطيات جاية معاك

 

 

اعوذ بالله من دي سيرة . بقولك ايه . انا جاي في زيارة خاصة وسرية للغاية ومش عايز جنس مخلوق يعرف اني جاي عندكو وخصوصا عطياااااااااااااااات

 

 

دا باين الموضوع كبير اوي يا حاج يا ترى خير

 

 

هههههههه خير ان شاء الله . لما اجي بعد المغرب هتعرف كل حاجة يا ابو سماح

 

 

تآنس وتنور يا حاج ههههههه هنفرش الارض ورد وتمر حنة

 

 

ههههههههههه الحنة قريب ان شاء الله ما تستعجلش

شارك هذه المشاركه


رابط المشاركه
شارك

هم الكلمتين دول حلقة

وانا اقول أتأخرت فالحلقة هتبقى كبيرة

عقابا ليكى مش هعلق ولا اتوقع -_-

شارك هذه المشاركه


رابط المشاركه
شارك

ههههههههههههههههههههههههه

 

حلوة الحلقات ياهوبة

 

جميلة العطسة دى كنت فكرة انهم مش هياخدو بالهم من البنات

 

اما مطيعة فى بصراحة صعبة عليه اعتقد ان علاء هيغيرها

 

عطيات تستاهل ان جوزها يتزوج عليها خليها تدوق من نفس الكاس الى كانت عايزة تدوق مرأة ابنها منه

 

هوبة الحلقات قصيرة جدا جدا

 

المرة دى مسامحينك لأن الواضح انك مشغوله

شارك هذه المشاركه


رابط المشاركه
شارك

عجبتني اميرة في عقابها للبنات

ما بخب اسلوب الضزب كعقاب

العقاب هو حرمانهم من اي شئ هم بحبوه

بعد كدا كل واحده تدور في قوضتها كويس

ههههههههههههههه

 

 

 

زينب

ههههههههههههه موتتني من الضحك

بس حاسه بنصب

 

مش قلتلكو شعبوله هيتجوز سماح

علشان عطيات تتهد شويه

 

 

 

 

 

عثل مطيعه

 

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×