اذهبي الى المحتوى
هبة عبد العظيم نور

زوجتي وحافة الهاوية

المشاركات التي تم ترشيحها

بعد مبنى المخابرات يا استاذ نادر

 

خيالك واسع أوي يا هوبة

-----

مطيعة بدأت تقارن بين معاملة الإسلام وبين معاملة الهندوس وده شيء جميل

شارك هذه المشاركه


رابط المشاركه
شارك

: )

لا مش حلم يا هبه >> اعملك زي ما بتعملي في مسلسلاتك ههه و البنات يلاقوه حقيقة ^^

 

موقف أميرة مش موقف زوجة صالحة آسفة على الكلمة >> لو هو كان حكى أو لمح كان الأمر غير ذلك

 

و الحمد لله شريف طلع رجل شهم >> مش زي رجال الواقع خخخ ما يصدقوا لو الزوجة لمحت برضاها، بكرة الصبح تلاقيها قاعدة تستنى تحضر لها الفطار اخ

 

بس بلاش يكذب عليها >> بل يلمح انه عقد و تزوج و تكون نيته انه تزوج اميرة يعني

 

سماح لم يهمها ان تتزوج رجل يناسبها و انما تزوجت ماله لينتشلها من الفقر و الله المستعان

و شعبان لو اراد الزواج مش يجيب بنت قد حفيدته

فيه بنات عمرهن مناسب لعمره

 

عطيات نسيت نفسها و سعادتها مع زوجها و دخلت تتحكم في بيوت أبنائها فكان لها الجزاء

 

مبارك لزينب و قبلها لطالباتها و أخيرا سيدرسن بدون معاناة المساكين : )

 

و مبارك لهدى و أحمد :)

 

و إيناس ذكرتني بنفسي أيام الإختراعات ^^

بس زوجي كانت ردوده أحسن من ردود نادر بفضل الله

 

مطيعة و علاء لازم لهم مخ، البقر موجود عندنا في كل مكان ليه يروحوا له الهند خصيصًا :/

إن شاء الله ما يلتقوا بالسيخ و إلا يذبحوهم قربانًا !!

 

انتصار حبيبتي ههه

لازم في كل بيت يكون فيه واحدة خفيفة الظل زي نصورة : )

 

 

هبوشة بوركتِ :)

الحلقات القادمة ستكون مركزة أكثر على علاء و مطيعة و أميرة و شريف

الباقي كله سعيد في عشه بفضل الله : )

  • معجبة 1

شارك هذه المشاركه


رابط المشاركه
شارك

انا حاسه انى ابتديت اغير بجد من مطيعه

هى مطيعه خرجت من مستشفى المجانين وانا شكلى هدخلها

ما ينفعش كده يا ويبه الرحمه

ادامك حل من اتنين يا اما تعالجينى وده صعب لان الحاله مستعصيه يا اما تخلصى القصه فى اقرررررررررب وقت ممكن وبرده هاابقى متضايقه انها خلصت

انا اتجنننت رررررسمى <3 :S :S :S :S :S :S

شارك هذه المشاركه


رابط المشاركه
شارك

ايوة فعلا زى ما بسمة قالت سماح همها الفلوس بس

لو كان معهوش فلوس مكنتش هترضى بيه

 

وانا كمان مش عاجبنى اللى اميره عملته ، هى بتفكر ازاى ؟

وكأن مفيش رجاله إلا زوجها بس

تم تعديل بواسطة سَارّه مُحَمّد

شارك هذه المشاركه


رابط المشاركه
شارك

بصراااااااااااااااحه الحلقات كل مره تزداد رونقا وجمالا عن ما قبلها

آآآخيييييييييييييرا عقدت زينب اتحلت ربنا يرزق بنات المنتدى خاصه وجميع البنات المسلمات الأزواج الصالحييييييييين

شارك هذه المشاركه


رابط المشاركه
شارك

البنت اميرة دي غيظاني

واحسن شييء المقلب الي هيعمله شريف

تستاهل والله هتزعل

احنا هنهرج ال تجوزه ال

 

بت يا هبه هما فعلا في الهند بيعملو كدا باللبن؟؟؟

 

عثل زينب

دمها خفيف

اكيد هتروح للبنات في المدرسه وهتغير معاملتها معاهم

وهتبقى حونينه جداااا

 

 

ايناس واختراعتها

هههههههههههههههههههههههه

بموت في الاختراعات البايظه

ههههههههههههههههههههههه

استاذه انا فيها برضو

بس ما بحاول ادوقها لجوزي بصراحه بدوق الاوال لو ما نفعت بطلع اكلها لبط الجيران

ههههههههههههههههههههههههه

شارك هذه المشاركه


رابط المشاركه
شارك

جميييييييييييييييييييييييييل هوبة

أميرة

اعتقد عند الجد هتزعل وتقول يارتنى ما قولتله(بس الحمد لله هيطلع مقلب جوزها عمله فيها)

زينب

فرحتلها قوى ولتلميذاتها اكترررر

مطيعة

اعتقد انها عرفت الفرق بين شريعتنا الاسلاميه وشريعة الهندوس التى تهين المرأة وتحقر من شأنها

بس لعنادها هتطلب تجرب شريعة تانيه

واعتقد تبقى تستاهل كل ال هيجرالها

شارك هذه المشاركه


رابط المشاركه
شارك

حلقات روووووعة حبيبتي

مبارك لهدى وأحمد مقدما

واميرة طبعا اللي عملته مجرد كلام وهي قده ههههه مجرد تسمع ان شريف تزوج تبكي وتندم هههه أنا عارفة الستات كويس

بالنسبة للزوجين لما يطلقان ففعلا يحدث هذا وتكون الأم هي السبب وتكره الأولاد على ابوهم وهذا ليس من حقها الصراحه

يلا اسيبكن كي انااا هههه

شارك هذه المشاركه


رابط المشاركه
شارك

مش دايما الأم السبب يا حواء

ساعات الأب بيكره ابنه فيه بتصرفاته

وبيرجع يدعى ان الأم السبب

سمعت قصتين تقريبا عن حالات مشابهه

ربنا يهدى

شارك هذه المشاركه


رابط المشاركه
شارك

والله يا ماريا القصتين الى سمعتهم الأب ماسابش فرصة للأم اصلا أنها تضعه فى صورة كويسه

ومن فترة قريبه سمعت قصه تانية خالص ان الاب اساسا مسألش على ابنه ولا يعرف هو شكله ايه

الله أعلم طبعا الام بتقول لطفلها ايه

بس حبيت اقول لحواء ان زى مافى كده فى كده

شارك هذه المشاركه


رابط المشاركه
شارك

حلقات أكثر من روعة

طبعا لما شريف يقول لأميرة كدة ستنهار وتندم أشد الندم : ))))

 

طبعا سماح دي عايزة علقة محترمة من عطيات

 

لما نشوف آخرتها مع مطيعة ربنا يهدينا ويهديها

شارك هذه المشاركه


رابط المشاركه
شارك

السلام عليكم ورحمة الله وبركاته

 

جميلة الحلقات هوبة اللهم بارك

أحاول استكمال الباقي بإذن الله.

شارك هذه المشاركه


رابط المشاركه
شارك

حلقات رائعة ياهوبة

 

سماح

 

بصراحة مستفزة جدا جدا

وأعتقد انها تستاهل الى هتعمله عطيات فيها

 

أميرة

 

أكيد ستنهار عندما تسمع أن شريف عجبته الفكرة وقرر الزواج

وربما سترفض وتصر على ان يلغى الفكرة من دامغه

 

مطيعة

 

صعبت عليه

لكن فى الحقيقة تستاهل ما يحدث لها

اعتقد انها ستكتفى بزيارة الهند

وان فكرة فى تجربة اى عقيدة أخرى فستقرأ عنها فقط دون الذهاب الى بلدها

 

حلقات جميلة هوبه

انتظر حلقات اليوم بشوق كبير

شارك هذه المشاركه


رابط المشاركه
شارك

اهئ اهئ اهئئئئئئئئئئئئئئئئئئئئئئئئئ اخص عليك يا شعباااااااااااااااان يا خاين العشرة والعيش والملح يا شعبااااااااااااااااااااااااان اهئ اهئئئئئئئئئئئئئئئئئئئئئئئئئئئئئئ

 

 

خلاص بقى يا حاجة . عنيكي هتتعمي كفا الله الشر

 

 

اعمل ايه يا بت يا جوااااااااااهر اعمل ايه اهئ اهئ اول ما شوفت الحرباية اللي اسمها سماح وكأن طووووووووووووبة ونزلت على دماغي فلقتها نصين يختييييييييي اهئ اهئ

 

 

اخص عليها . والله يا حاجة طول عمري ما بستريحلهاش . طول عمرها كدة تحسي انها بتبص بحسد على البيت وصحابه .وياما يا حاجة نصحتك لكن انتي ما بتسمعيش الكلام وتقولي عايزة اجوزها لشريف . اديها خدت ابوه وقعدتك بحسرته . كله من طيبة قلبك يا حاجة عطيات

 

 

اااااااااااااااااااااااااااخ يا مين يلايمني على رقبتهااااااااااااااااا اخ ياااااااااااااااااني يا نفوخي ياااااااااامّااااااااااااااااااااااا

 

 

كفاية يا حاجة لتجيلك جلطة ولا تتشلي وتشمتي فيكي العوازل . الزعل وحش على صحتك

 

 

 

ناوليني الموبايل يا بت يا جواااااااااااااااااااهر

 

 

هتتصلي بالدكتور شريف

 

شرييييييييييف !!!!!!!!!!! هو شريف هيحل ولا هيربط . قسما عظما لجيبله اسامة ومحمود من بلاد برا يعرفوه ان الله حق صبرك بالله يا شعبان انت والعقربة

 

 

اومال هتكلمي مين دلوقتي يا حاجة

 

 

هتصل ببطة اختي حبيبتي اقولها على الخيبة التقيلة دي عشان تنجدني

 

 

 

استر يارب . ما بلاش الحاجة بطة بدل ما تعمل في البت مصيبة والبوليس يقفشنا كلنا

 

 

مش مهم . المهم البت دي تتربىىىىىىىىىىىىىىىىىىىىىىىىىى انا ما يهمنيش بعد كدة يحصل اييييييييييييه

 

 

يا لهووووووووي . بقولك ايه يا حاجة . انا مسافرة عند امي البلد عشان وحشتني

 

 

امك مين يا بت يا جواهر . امك ماتت السنة اللي قبل اللي فاتت . اتهدي وناوليني التليفووووووووووون

 

 

الطف بعبيدك يارب . يعني يا سماح ما لقتيش غير جوز الحاجة عطيات تلطشيه !. استر يارب

 

 

التليفون اهو يا حاجة

 

 

 

هاااااااااااااااتي اه يا نفووووووووووووووووووخي اه يا منكادة اه يا مغلوووووووووووولة

 

 

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

الوووووووووووو مساء الورد يا عطيات

 

مساء البتنجان الاسود يختي . الحقيني يا بطططططططططططططططططة

 

 

في ايه يا حبيبتي بعد الشر . فضفضي لاختك

 

 

الراجل اتجووووووووووز

 

 

 

 

شعباااااااااااااااااااااااااااااااااااااااااااااااااااان

 

 

 

هو انا متجوزة حد غيره يا بطططططططططططططططة . ايوة يختي شعبااااااااااااااااان شعبان التِعبااااااااااااااااان .

 

 

يا نهااااااااااااااااااااره اسووووووووووووووووووود . يعني شكك كان في محله على كدةةةةةةةةةةةةةةة؟

 

اومال يختي كان في المحل اللي جنبه !!!!!!!!!!!!!!!!!!!!!!!!!! وعارفة اتجوز مين يا بطة

 

 

 

مين يا حبيبتي مييييييييييييييييييييييين تتشاهد على روحها من غير ما اعرفهااااااااااااااااااااااا

 

 

 

سماح بنت سكيييييييييييييييييييينة سماح اللي خيري عليها وعلى امها وعلى ابوها وعلى شارعهم كلللللللللللللللللله

 

 

 

سمااااااااااااااااااااااااااااااااااااااح لالالالالالالالالالالا قولي كلام غير ده يا عطيات يختي . سماح تعض فينا !!!!!!!!!!!!!!!!!!!!!!!!!

 

 

ايووووووووووووووة عشان كلبة سعررررررررررررانة . والبت يختي بتكلمني بالعين والحاجب وعمالة تتني وتتفرد زي ما يكون خلاص مقامها بقى من مقامي

 

 

طب والله لخليها تندم ندم عمرها كله ع العملة السوووووووووووودة دي ازاي البت دي تتجرأ وتعمل كدة ازااااااااااااااااي

 

 

اديني العنواااااااااااااااااااااااااان

 

 

خدي يختي خدي . يخليكِ ليا يا بطة يخليكِ ليا يا حبيبتي . انا عن نفسي هتصل اجيب اسامة ومحمود

 

 

طب وشريف يا عطياااااااااااااااااات

 

 

شريف ده نبعتله لما يعرضوا حلقة مهند ونور عشان يقعد يسح من عنيه . هو ده في الدنيا اصلااااااااااااا ده عايش مع عذراء الربيع ومش دريان بالدنيا اللي بتولع حواليه

 

 

طول عمره عاطفي شريف ابنك . فكريني ابعتله بوكيه ورد واكتبله خالتك فور ايفر

 

 

 

 

 

 

 

 

 

 

 

 

 

 

 

 

 

 

 

 

 

بت يا لوووووووووووووووووووووووووواحظ

 

 

نعم يا حاجة بطة

 

 

تعرفي يا بت تعدي ع البت سونة تقوليها الحاجة بطة عايزاكِ ضروري

 

 

ما فتكرش هتيجي يا حاجة

 

ليه يا بتتتتتتتتتتتتت

 

قبضوا على جوزها اول ابارح في خناقة

 

 

يا دي الظلم يا دي الظلم يا ولاد . دا ابوها لسة ما خرجش من السجن يقوموا يحبسوا جوزها !!!!!!!!

 

 

ما تقلقيش عليها يا حاجة معاها اخوها برا بس هربان عشان بيدورا عليه

 

 

طب اقوليها انا عايزاها في مأمورية هتلم شملها وشمل جوزها خلف الاسوار

 

 

حاضر يا حاجة هبعتلها من عنيا

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

جوهي

 

 

لبيك سيد روهان اجاي

 

 

اريد ان اعرف اين هي حظيرة الابقار

 

 

هههه لماذا يا سيدي

 

اريد ان اعرف اجيبيني من فضلك

 

 

اممممم سيدي غير مسموح بخروح الحوائض فهن نجسات واي شيء يلمسوه بأيديهم يتحول الى نجس مثلهم ويجب التخلص منه . اذا اكلت في اناء يجب كسره

 

 

يا الله !!!!!!!!!!!!!! من فضلك اجيبيني اين هي حظييرة الابقار

 

 

ما أراك سيدي روهان اجاي الا متيما بامرأة نجسة . الجواري غيرها كثيرات واولهن انا .فقط املهني بعض الوقت لأتهيأ لك ههههه

 

 

اووووووووف لا حول ولا قوة الا بالله . اروح ادور بنفسي

 

 

 

 

 

 

 

 

 

 

 

 

 

 

 

 

 

يااااااااااااااااااااه اخيرا وصلت حظيرة الابقار اوووووووووووف . ناس غريبة . ايه الاهانة دي ! وكأن الستات مش ادميين زينا !!!!!!

 

 

 

 

من فضلك اريد ان اخرج زوجتي من حظيرة الابقار

 

 

هاااااا . كيف سيدي !!!!!!!! هي نجسة والنجسات لا يحق لهن الخروج والحياة بيننا

 

 

من فضلك هي زوجتي وانا ارتضيها بما هي عليه

 

 

غير مسموح لك بذلك . انصرف من فضلك

 

 

لن انصرف . اريد زوجتيييييييييييييييييييييييييييييييي افتح هذا الباااااااااااااااااااااب

 

 

 

لن افتحه لن افتحه وانصررررررررررررررف والا اخبرت سيدي راج كومار بشأنك

 

 

والله إنكم قوم يحملون احجارا في صدورهم وليس قلوبا . انا سأخبر السيد راج كومار بنفسي وسأخرجها مهما تكبدت من خسائر لاجل ذلك

 

 

افعل ما شئت . هيا انصرف ايها السيد . ههههه ما اعجب شأن هذا الرجل . نحن نتخلص من نسائنا النجسات في حيضهن وهو يأتي متجهما حزنا لحبس زوجته النجسة هههههه هذا الرجل لا يمكن ان يكون هندوسيا ابداااااااااااااا

 

 

 

 

 

 

 

 

 

 

 

 

 

 

 

من فضلك اريد مقابلة السيد راج كومار

 

 

ابقى هنا سيد روهان اجاي . سأخبره

 

 

 

سيدي الراج كومار . السيد روهان اجاي يبتغي مقابلتك

 

 

أدخله

 

 

 

 

طاب صباحك السيد راج كومار

 

 

مرحبا السيد روهان اجاي هههه كنت اتوقع مجيئك لاداء الصلوات

 

 

أي صلوات تقصد

 

 

أي صلوات ! صلواتنا للألهة

 

 

لا اله الا الله لا اله الا الله لا اله الا الله

 

 

بما تتمتم سيد روهان اجاي . الن تصلي معنا

 

 

ههههه عفوا سيد راج كومار فأنا اصلي صلاة المسلمين

 

 

مسلمييييييييييييييييييييييييييييييين ! كيف ذلك كيييييييييييييييييييييف

 

 

هههههه ماذا افعل سيد راج كومار . فعندما وُلدت حلت روح شخص مسلم في جسدي . فما شأني انا ههههه

 

 

اممممم لا عليك لا عليك . روح مسلمة خبيثة حلت بجسدك واصابتك باللعنات . كم اشفق عليك

 

 

سيد راج كومار قد أتيتك بشأن زوجتي فقد حُبست في حظيرة الابقار

 

 

هههه وما شأنك انت . دعها حتى تزال عنها النجاسة

 

 

سيد راج كومار من فضلك اريد زوجتي فأنا لم اعتد على فعل هذه الامور معها . زوجتي لا تهان لا تهااااااااااان

 

 

امممممممم هههههههه كم هو عظيم حبها في قلبك سيد روهان اجاي . ما سر هذه المرأة التي تملكت شغاف قلب عالم روحاني مثلك !

 

من فضلك سيد راج كومار اطلق سراح زوجتي

 

 

هههههه لك ذلك . فأنا اقدر الهوى والهيام

اللذان

قيداك ووضعوك تحت قدميها يا قتيل الهوى هههههه يبدو انها حقا تختلف عن سائر النساء ههههه

 

 

من فضلك سيد راج كومار الحظ انك تتحدث عن زوجتييييييييييييي

 

 

حسنا حسنا لا تنفعل هكذا سيد روهان اجاي . سأطلق سراحها

 

 

ههههه اشكرك سيد راج كومار . ارسل معي احدهم لاذهب واخرج زوجتي من محبسها

 

 

حسنا . اذهب يا جانجا مع السيد روهان اجاي واخبرهم انني من قد امر بإطلاق سراح زوجته

 

 

 

كيف هذا سيد راج كوماااااااااااار !!!!!!!! هذا تدخل في شؤون شرائعنا لالالالالالالالالالا لا يجوز لا يجووووووووووز

 

 

ههههههه اذهب فأنا ايضا انتظر خروجها ههههه فقط ايام واحضرها الى قصري واعرف بنفسي فيما تختلف عن سائر النساء هههههههههههه

 

 

هههههههههههههه فأنت أحق بها سيد راج كومار هههههههههه

 

 

اصمت فلا اريد ان يشعر زوجها بأي شيء الان . اذهب واطلق سراحها

 

 

هما بيتكلمو في ايه دا كله !!!!!!!!!! ربنا يستر . الله يسامحك يا مطيعة الله يساااااااااااامحك

 

 

 

 

 

 

 

 

 

 

هيا يا سيد روهان اجاي

 

 

 

هيا اسرع اسرررررررررررع اريد زوجتي

 

 

 

 

 

 

افتح الباب افتححححححححححح بأمر السيد راج كوماااااااااااااااااار

 

 

 

مطيييييييييييييييييعة مطيييييييييييييييييعة حبيبتي

 

 

هاااااا علااااااااااااااااااااااااااااااااء علاء اهئ اهئئئئئئئئئئئئئئ

 

 

تعالي تعالي يا حبيبتي تعالي يااااااااه شكلك مرهقة جدا . حاسبي تعالي انا هسندك

 

 

 

هههههه ها هي زوجتك عادت اليك . تأمر بأي شيء آخر

 

 

اشكرك . يلا يا مطيعة

 

 

اااااااااه مش قادرة مش قادرة امشي يا علاء اااااااااه

 

 

معلش حبيبتي معلش . اتحملي لحد ما نوصل للقصر

 

 

انتظرا !!!!!!! اركبا معي هذه السيارة سيد روهان اجاي . فزوجتك لا تستطيع السير

 

 

اشكرك سيد جانجا

 

 

اركبي يا مطيعة

 

 

اممممممممم اااااااااااه تعباااااااااانة تعبانة جدا يا علاء

 

 

معلش حبيبتي اتحملي

 

 

 

 

 

 

 

 

ادينا وصلنا القصر يا واجعة قلبي . يلا يا ستي يلا

 

 

 

 

 

ماهذا سيد روهان اجاي . لا تصطحبها لجناحك . دعها في جناح الجواري

 

 

اصمتي اصمتيييييييييي دعيني وشأني . احضري الطعام . خبزا وبعض الثمرات وفقط

 

 

حسنا سيدي امممممم . ماذا سيفعل بها هذا الرجل !!!!!!!! غريب شأنه غرييييييييييييييب

 

 

 

 

 

 

 

اوووووووووووووووووووف اظن لما حضرتك تتماثلي للشفاء نمشي من هنا وكفاية اوي كدة ولا عايزة تنتظري تاني

 

لالالالالالالالالالالالالالالالالا عايزة امشي وياريت دلوقتي حالا يا علاء ارجوك

 

 

ما اقدرش امشي وانتي تعبانة كدة . شكلك في قمة الاجهاد . يارب تكوني اقتنعتي بقى وتبطلي عناد وكبر . عشان انا خلااااااااااااص زهقت

 

 

انا مقدرة يا علاء . بس ارجوك انا مصرة اني اكمل باقي الشرائع

 

لالالالالالالالالالالالا مجنونة مجنووووووووووووووووووونة . مش هتلاقي زي شريعتنا الاسلاميييييييية مش هتلاقي

 

 

ههههههه خليني ادور يمكن الاقي احسن . اديني كوباية مية

 

 

اووووووووووف اتفضلي يا اعند مخلوقة شوفتها في حياتي

 

 

 

 

 

 

 

 

 

 

جانجااااااااااااااااااااااااااا

 

 

امرك سيد راج كومار

 

 

 

اعتقد انه مر وقت طويل على خروج زوجة السيد روهان اجاي

 

 

هههههههه نعم قد مرت بضعة ايام

 

 

اذن فأرسل في طلبها بأمري أنا الراج كومار ههههههههههههه

 

 

ههههههه اتمنى لك وقتا طيبا سيدي الراج كومار

 

 

 

 

 

 

 

 

 

 

 

 

يلا يا مطيعة . معاد الطيارة كمان تلات ساعات ويادوب نمشي

 

 

ياااااااااااااااااااااااه الحمدلله اننا ماشيين من هنا اوووووووووووووووف ال هندوس ال

 

 

 

 

 

 

 

الى اين يا سيد روهان اجاي انت وزوجتك

 

 

مغادرين بلادكم الى بلاد اخرى

 

 

ههههههه السيد راج كومار ارسلني في طلب زوجتك

 

ماذااااااااااااااااااااااااااااااااااااا . زوجتي ! ما الأمر

 

 

هههههههههه اذهبا وستعرفا

 

 

 

في ايه يا علاء . هو الراجل ده عايز مني ايه

 

 

اوووووووووووووووووف قلبي مش مطمن . تعالي نشوف في ايه

 

 

 

 

 

 

 

 

 

 

مرحبا سيد روهان اجاي . مرحبا سيدتي هههههههه

 

 

تحدث الي انا من فضلك ولا تخاطب زوجتي . ماذا تريد ولما ارسلت في طلبنا

 

امممممم اريد زوجتك هذه الليلة

 

 

ماذا تقووووووووووووووووووووول زوجتييييييييييييييييييي ! اتهذي يا سيد راج كوماااااااااااااااااااااااااااار

 

 

ههههههههه اهدأ ايها الروهان . سأعطيك زوجتي الليلة بدلا عنها . المرأة الهندوسية لها الحق في الزواج بأكثر من رجل حسب شرائعنا

 

 

تبا لكم ولشرائعكمممممممممممممممممم زوجتي لا تنتمي اليكم ولا انااااااااااااااا دعونا نرحل عن بلادكم

 

 

ماهذااااااااااااااا كيف تتجرأ على سب شرائعنااااااااااااااااااااااااااا . وحق البراهما ليكون عذابك اليما اليمااااااااااااااا

 

وسأخد زوجتك وافعل بها ما اشاء امام عينيك وبعدها سألقيها في النار وانت معها ايها الروهاااااااااااااااااااااااااااااااااااان

 

 

يا مامااااااااا اهئ اهئئئئئئئئئئئئئ علاء انا خايفة اهئ اهئئئئئئئئئ انا مرعوبة يا علاء

 

 

هههههههههههههه لماذا تتشبثين بذراع زوجك وتلتصقين به هكذا ههههههه لن يغني عنكِ شيئا فسيعذب مثلك

 

وستقتلا سوياااااااااااااااا ههههههههههههههههههههههههههههه

 

 

 

علاااااااااااااااء اهئ اهئ انت ساكت ليه اهئ اهئئئئئئئئئئئئ انا خايفة

 

 

 

هياااااااااااااااااا انزعوا عنها ملابسهاااااااااااااااا امام زوجها ودعوها لييييييييييييييييييي

 

 

لالالالالالالالالالالالالا اهئ اهئ علااااااااااااااااااااء اهئ اهئئئئئئئئئئئئئئئئئئئئئئئئئئئئئئ

 

 

عمن تتحدث يا راج كومااااااااااااااااااااااااااااااااااااااااااااااااااااااااار اتقصدني بكلامك انا وزجتي ايها الاحممممممممممممممممممممممممق . ايها البراهمااااااااااااااااااااااااااااااااااااااااااااااا انطق ان استطعت ايها السيييييييييييييييييييييييييفا انطق ان استطعت

 

صبوا عليه الغضب صبااااااااااااااااااااااااااااااااااااااا ان كنتم تملكون نفعا وضراااااااااااااااااا ايتها الارواح الشريرررررررررررررررررة املئي القصر

 

 

ابتعد ايها الفيشنوووووووووووووووووو ان كنت تسمعععععععععع لا مكان لك بيننا فلن تستطيع ان تنقذ الراج كومار من الارواح الشريرررررررررررررررة

 

 

 

هاااااااااااا ما هذا يا الهي انه يستدعي ارواح الالهة . انه يستدعي اله الدمار وينحي اله الحفظ . اهدأ اهدأ ايها الروهاااااااااااان اهدأ فقد أأأأأأا قد كنت امزح امزح معك نعم نعم ما كنت الا مازحااااااااا امزح امزح . ارجوك اصرف الارواح الشريرة عن القصر ابتعدوا ابتعدوا ايها الارواح الشريرة . العفو العفو يا سيد روهان اجاي . العفو ايتها السيدة العفو

 

 

 

هههههههههههههههه انت قولتله ايه يا علاء خليته يخاف منك هههههههه بصراحة انا كمان خوفت منك جدااااااااا صوتك عالي وبتتكلم بثبات رهييييييييييييب

 

ههههههههه ما عندهومش عقل اصلا . افسحوا الطريق لي ولزوجتي والا استدعيت الاروح الشريرة لتفتك بكم جميعاااااااااااااااااااااا اهيا ابتعدواااااااااااااااااااا

 

 

 

افسحوا افسحوا الطريق دعوه يذهب الى حال سبيله دعووووووووووووووووه

 

 

 

 

 

 

 

 

 

 

اوووووووووووووووووووووووووووووووووف اخيرا وصلنا المطار . فرصة اخيرة يا مطيعة . يلا نرجع مصر بلاش عناد حبيبتي بلاااااااااااش

 

 

ههههههههههه لالالالالالالالالالا يلا نروح عند اليهوووووووووووود هههههههه

 

 

اللهم لا حول ولا قوة الا بالله . حاضر يا مطيعة حاااااااااااضر . اما اشوف اخرتها معاكِ يا زعيمة بني علمان

تم تعديل بواسطة ساجدة للرحمن

شارك هذه المشاركه


رابط المشاركه
شارك

سبحان الله

البنت مطيعة دى مابتحرمش بعد كل ال شافته عاوزة تروح لليهود كمان

مزوداها قووووووووى والغريب ان جوزها مطاوعها

اكيد له وجهة نظر

شارك هذه المشاركه


رابط المشاركه
شارك

مبروك يا احمد هههههههه يارب تكون العروسة عجبتك في الكام مرة اللي شوفتها فيها

 

 

جدااااااااااااااااا ههههههه بصراحة روحها حلوة اوي وشدتني ليها اكتر ما شدني جمالها .

 

 

 

هتكتبوا الكتاب بكرة ؟

 

 

ان شاء الله يا شريف وطبعا انت شاهد على العقد

 

 

ايوة طبعا ان شاء الله . مبروك يا ابو حميد هههههههه

 

 

الله يبارك فيك يا شريف عقبالك هههههههه

 

لالالالالالالالا يا سيدي . انا مش عايز من الدنيا غير مراتي ربنا يخليها ليا

 

 

 

ههههههههه ربنا يهنيكو

 

 

 

 

 

 

 

 

 

اهئ اهئ اهئئئئئئئئئئئئئ مش مطمنة لشريف خالص اهئ اهئئئئئئئئئئئ عمال يسألني عن هدى بقاله كتير اهئ اهئ وعمال يكلم لبناني اهئ اهئ يبقى قصده اييييييييييييييه

 

 

تررررررررررررررررررررررررررررررن ترررررررررررررررررررررررررررررررن

 

 

افتحي يا انتصار افتحي ده باين عليه شريف اهئ اهئئئئئئئئئئئئ

 

 

هي مالها عنيها منفخة كدة زي ما يكون حد مديها بوكسين !!!!!!!!!!! حاضر يا مدام

 

 

 

مسا الخير انتصار . وينها اميرة هههههههه

 

 

وينها اميرة !!!!!!!!!!! الراجل ماله ! . المدام جوا في الليفنج

 

 

اميييييييييييييييييرة اتوحشتك يا البي

 

 

 

كنت فين يا شريف . اتصلت بيك اكتر من مرة لقيتك قافل التليفون

 

 

 

 

هههههههههههههههههه

 

 

 

ماترد عليا يا شريييييييييييف

 

 

 

 

واشرحلهااااااااااااااااااااااا

 

 

عن حالتيييييييييييييي

 

 

روحي عليلة لاجلهاااااااااااااا ها هااااااااااا ها هااااااااااااااااااااا هههههههههههههههههههههههههههه

 

 

وكمان ما سكلي منديل و بتغني لبناني وتهزلي كتافك زيهممممممممممممممممم خلاص بقيت منهممممممممممممممممممممم قولي كنت فيييييييييييييين

 

 

 

ههههههههه كنت عند إمك يا البي مشان موضوع هدى

 

 

اييييييييييييييييييه !!!!!!!!!!!!! هدى !!!!!!!!!!!!! من ورايا يا شريييييييييييييف

 

 

هههههههههه وراكِ ايه وقدامك ايه ! انا لقيتك مصرة على الموضوع قولت خلاص نحدد معاد كتب الكتاب

 

 

افندممممممممممم كمان اتفقتوا على كتب الكتاب

 

 

ههههههههههه ايوة . تصبحي على خير عشان مرهق جدااااااااا وعايز انام

 

 

 

استنى هناااااااااااااا رايح فين اقف كلمني . اتاريك متشيك ومتبرفن على الآخررررررررررررررر استنى هناااااااااااا

 

 

يوووووووووووووووووه في ايه يا اميرة . قولتلك تعباااااااااااااان وعلى فكرة مامتك بتسلم عليكِ جداااااااا هههههههه كل مرة اروح عندها انسى اقولك انها بتسلم عليكِ

 

ماشاء الله ماشااااااااااااااااااااء الله . حضرتك كمان روحت كذا مرة وانا ما اعرفششششششششششش

 

 

حبيبتي انتي عملتي اللي عليكِ ما تشغليش بالك بقى بللي يحصل بعد كدة يا اميرتي يا امورتي امووووووووه هههههههه

 

 

اااااااااااااااااااااااااااااخ كل ده يطلع منك يا شرييييييييييييييييييييف وكمان ماما عارفة !!!!!!!! والست هدى اللي تقولي لالا الله يهنيكِ بجَوزك يا البي تؤبريني . ال تؤبريني ال اهئ اهئئئئئئئئئئ اتهاريها بتضحك على عقلييييييييييييي

 

 

شو بيكِ اميرة . مالك يا مرْتي يا البي . انا طالع انام هلأ هههههههههههههههههههههههههه امووووووووووه اشوفك بكير هههههههههههههههههههههههههههههههههههه

 

 

كدة يا شريييييييييييييييييييييييييييف كمان بتتكلم لبناني عشان تفرسنييييييييييييييييييييييييييييييييي

 

 

هههههههههههه والله ست مجنونة اما الحق انام قبل ما تيجي تحقق معايا هههههههههههه

 

 

 

 

 

شرييييييييييييييييف قوم كلمنييييييييييي

 

 

يووووووووووووه يا اميرة انا نايم ههههههه

 

نايم بهدوم الخروج والجزمممممممممممممة !!!!!!!!! قوم يا شريف انا عارفة انك بتتهرب منييييييييييييي قوم قولي قولتليها ايه وقالتك ايييييييييييييييه . وكانت لابسة اييييييييه اهئ اهئئئئئئئئئئ طبعا عجبتك يا شريف اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

 

ههههههههههههههههههههههههههههههههههههه مش عايز اجرحك بالكلام عن واحدة غيرك . شوفتي اخلاص اكتر من كدة يا عمري ؟

 

 

وهتكتبوا الكتاب امتى اهئ اهئئئئئئئئئئئئئئئئئئئئئئئئئ

 

 

ههههههههه لالالالالالالالالالالالالالا مش هقدر اقولك دلوقتي . كله بأوانه يا اميرتي . تصبحي على خير يا حياتي

 

 

كدة !!!!!!!!! طب اتفضل قووووووووووم قوم اقلع الجزمة اللي بهدلت بيها السرير ديييييييييييييييي

 

 

هههههههههههههه حاضر . بس اديني كوباية مية لو سمحتي

 

 

ما فيييييييييش المية قاطعة قاااااااااااااااطعة انا هناااااااااااااااااااااام

 

 

ههههههههههههه لو جالك نوم نامي يا حبيبتي

 

 

 

 

 

 

 

 

 

 

 

 

 

 

 

 

يلا يا ايناس امي جت . خلصتي لبس ولا لسة

 

 

 

جاية اهو يا حبيبي . هي ماما فين

 

 

في الصالون

 

 

 

 

السلام عليكم ههههههههههه ازيك يا طنط وحشتيني وحشتيني

 

 

ههههههه وعليكم السلام يا حبيبتي ازيك يا نوسة وازي ماما

 

 

كويسة الحمدلله . لسة ملكماها من شوية وبتسلم عليكِ كتير

 

 

الله يسلمها يا حبيبتي . واخبار الاستاذ علاء ايه

 

 

والله كلمني على السريع كدة وطمني عليه وعلى مراته الحمدلله كويسين

 

 

وهيجي امتى بالسلامة

 

 

ادعيله يا طنط ما يطولش ويجي على طول ان شاء الله . وحشني جدا والله

 

 

ربنا يابنتي يحفظه من كل سوء ويرده لاهله بالسلامة . انا عارفة لزومه ايه السفر والشحططة!

 

 

هههههههه مراته عايزة تلف معاه العالم يا طنط

 

 

هههههههه ربنا يهنيهم يا بنتي

 

 

يارب يا طنط . حضرتك تشربي ايه قبل الغدااااااااااا

 

 

لالالالالالالالا غدا ايه . انا يادوب اشرب أي حاجة واروح عشان ما اتأخرش يا حبيبيتي

 

اسفة اسفة جدااااااااااااااااااااااا هتتغدي معانا يعني هتتغدي معانا وكمان مش هتروحي النهاردة عشان هتباتي معانا ههههههههه

 

 

لالالالالالالالالالا حوش عني مراتك يا نادر ههههههه انا عمري يا بنتي ما بيت برا بيتي ابداااااااااا

 

 

ماهنا كمان بيتك ما ليش دعووووووووووووووة هتباتي يعني هتباتي . هات المفتاح يا نادر عشان نحبسها

 

 

ههههههههههههه وقعتي في ايد ايناس يا امي خلاص . انسي انك هتروحي النهاردة

 

 

هههههههه يا بنتي والله اصل عمك الحاج لوحده

 

 

لالالالالالالالا معاه زينب ورانيا ودول كبار ماشاء الله يعرفوا ياخدوا بالهم منه كويس

 

 

ااااااه شكل مراتك هتمشي كلامها يا نادر هههههههه

 

 

ههههههه انت هتنورينا يا امي والله .

 

 

طب اتصلي بابوك عشان اقوله

 

 

 

حاضر

 

 

اتفضلي يا امي

 

 

تررررررررررررررررررررررررررررن ترررررررررررررررررررررررررررررررررررررررررررررررررن

 

 

الو

 

 

السلام عليكم يا ابو نادر

 

 

وعليكم السلام يا ام نادر . وصلتي عند نادر

 

 

بقالي ازيد من نص ساعة هنا

 

 

وهتيجي امتى

 

 

هههههههه بكرة ان شاء الله

 

 

نعممممممممم ليه يعني . يا ستي ما يصحش كدة . سيبي الولاد على راحتهم

 

 

هههههه والله يا ابو نادر نوسة مرات نادر مش عايزاني امشي وقفلت الباب بالمفتاح عشان تجبرني اقعد

 

 

ههههه ربنا يهنيكِ بمرات ابنك

 

 

وانت الصادق دي بنتي التالتة كفاية مقابلتها الحلوة وذوقها . بنت اصول بصحيح . والله قلبي بينشرح لما اشوفها

 

 

الحمدلله . كمان نادر طيب ويستاهل كل خير

 

 

الحمدلله يا ابو نادر . اسيبك انا بقى واشوفك بكرة . خلي رانيا تلم الغسيل وتطبقه

 

 

هقولها . مع السلامة

 

 

 

 

 

 

 

شوفتي يا ايناس امي بتحبك وبتشكر فيكِ ازاي

 

 

ههههههه وانا والله بحبها خالص ومبسوطة انها هتقعد معانا النهاردة

 

 

 

طيب يلا جهزي الاكل بقى

 

 

حاضر يا حبيبي . روح انت اقعد مع ماما عشان سايبينها لوحدها

 

 

 

 

اجي اساعدك يا نوسة يا حبيبتي ؟

 

 

لالالالالالا يا طنط ما تتعبيش نفسك انا خلاص قربت اخلص

 

 

 

 

ايناااااااااااااااااااااااس يا حبيبتي بقالك ساعة بتقولي قربت اخلص . جوعنا جوعنا يا اينااااااااااااااااس

 

 

 

حاضر حاضر يا نااااااااااااادر قربت اخلص

 

 

يا بني سيبها على راحتها . هي الدنيا طارت

 

 

هههههه لالالالا انا اللي عقلي هيطير من الجوع . ايناااااااااااااااااااااااااااس يا نوسسسسسسسسسسسسسسة

 

 

 

اصبر يا نادر اصبررررررراممممممممم هي الفاصوليا البيضة دي بقالها تلات ساعات ع النار ومش عايزة تستوي ليه !!!!!!!!!!!!!!!!

 

 

وبعدين بقى يا ست فاصوليا انتي !!!!!!!! استوي الله يخليكِ . حماتي قاعدة برا ما تفضحنيش عشان خاطري

 

 

 

 

يا اينااااااااااااااااااااس

 

 

اهئ اهئئئئئئئئئئئئئ ما تستنى بقى يانادر . انا عارفة ايه خلاني اعمل فاصوليا بيضة النهاردة !

 

 

 

هههههههه استنى انا هقوم اشوف مالها ايناس . مختفية في المطبخ ومالهاش حس ههههههه

 

 

 

 

 

اهئئئئئئئئئئئئ اهئئئئئئئئئ اه ياني يا غيظي منك يا فاصوليا انتيييييييييي الله يسامحك اهئ اهئئئئئئئ مش هجيبك عندنا تاني اهئ اهئئئئئئئئئئئئئ

 

 

 

 

هههههههه ايه يا ايناس يا حبيبتي . بتكلمي نفسك ليه وحاطة ايدك على خدك ؟

 

 

يا طنط الفاصوليا دي بقالها حوالي اربع ساعات مش عايزة تستوي اهئ اهئ مع اني ما قصرتش معاها في حاجة اهئ اهئ حطيت بصل وطماطم وتوابل ولحمة وكل حاجة استوت الا هي اهئ اهئ وكل شوية ازود شوربة عشان مش تتحرق اهئ اهئ انا زهقت منها دي وحشة اهئ اهئئئئئئئئئئ

 

 

ههههههههه طب قوليلي انتي سلقتيها الاول يا حبيبتي ؟؟؟؟؟؟؟؟؟؟

 

 

هاااااا !!!!!!!!!!!! هي بتتسلق الاول يا طنط ؟؟؟؟؟؟؟؟؟؟؟؟؟؟؟؟؟؟؟؟؟

 

 

هههههههههههه ايوة طبعا يا نوسة لازم تتسلق يا حبيبتي ما ينفعش غير كدة . خلاص ما تزعليش ناكل رز وسلطة وخلاص

 

 

اهئ اهئ يا طنط نادر هيزعقلي اهئ اهئئئئئئئئئئئئئ هيقولي بوظتي الاكل اهئ اهئئئئئئئئ

 

 

هو يقدر يزعقلك ولا يقول ربع كلمة ! طب ايااااااااااك اسمع صوته يقولك حاجة تزعلك . فداكِ يا حبيبتي ههههه

 

 

ههههههههه طب انا في حمايتك يا طنط

 

 

 

 

 

فين الاكل يا اينااااااااااااااااااااااااااااااس

 

 

في ايه يا نااااااادر مالك ومال ايناس

 

 

يا امي جعان جعاااااااااااااااااان

 

 

الفاصوليا باظت معلش عشان كان المفروض تتسلق معلش حصل خير . اياك تزعق لايناس ولا ليك دعوة بيها انا بقولك اهو

 

 

بوظتي الاكل يا نوسة !!!!!!!!! شاطرة يا روح قلبي تعيشي وتبوظي

 

 

شكرا يا نادر . انا جيبتلك اللحمة . هي اتهرت شوية عشان قعدت كتير مع الفاصلويا لكن طعمها جنااااااااااان ههههه

 

 

 

اتهرت شوية !!!!!!!!!! قصدك باشت في الصلصة يا حبيبتي . هاتيلي مصفى صغيرة عشان اصفى اللحمة من الصلصة

 

 

حاضر يا حبيبي . ابقي صفيلي انا وماما معاك

 

 

من عنيا . انا اقدر اتكلم !!!!!!!!!! ااااااااااااااااخ يا خسارة اللحمممممممممممة

 

 

خلاص بقى يا نادر . كل وانت ساكت يا ابني

 

 

 

هههههههه المصفى اهيه يا نادر

 

 

 

هاتي يا حبيبتي هااااااااااااااااااااااااااتي

 

 

هو بيجز على لسانه ليه يا طنط

 

 

هههههه معلش يا حبيبتي . بصي يا نوسة ابقي اتصلي بيا يا حبيبتي لما يكون في اكلة مش عارفة تعمليها وانا عنيا ليكِ

 

 

هههههههههه ربنا يخليكِ ليا يا طنط اموووووووووووووووووه

 

 

 

 

 

 

 

 

 

 

 

شريف حبيبي

 

 

افندم يا اميرة يا حبيبتي

 

 

 

شريف انا رجعت في كلامي

 

 

 

بخصوص ايه مش فاهم ههههه

 

 

بخصوص جوازك من هدى

 

 

اييييييييييييييييييييييه . ليه يا اميرة لييييييييييييييييييييييه حرام عليكي حراااااااااااااااااااااااااااااااام

 

 

انتي عايزة تهدي امال قلبين عايزين يعيشوا في سعادة ليه ليييييييييه ليه يا اميييييييييييييييرة

 

 

 

اهئ اهئئئئئئئئ اخص عليك يا شريف . مش انت كنت رافض

 

 

 

هدى لازم تتجوووووووووووووووووووووز لازم يكون لها رااااااااااااااااااااجل حرام عليكِ حرااااااااااااااااااااااااااام ههههه انا مش ممكن اتراجع عن موضوع كتب كتاب هدى ابدااااااااااااااااااااا ده اتفاق ولازم يتنفذذذذذذذذذذذذذذ اتفاااااااااااااااااااااااااق مش كلام عيال هو اوووووووووووووف عن اذنك

 

 

 

 

 

اهئ اهئئئئئئئئئئئ طيب احاول اتصل بهدى اللي مش عارفة اتلم عليها دي اهئ اهئئئئئئئئئئئئئئئئئئ

 

 

 

 

يووووووووووووووووووه كل ما اتصل على تليفون هدى الاقيه مقفووووووووووول

 

ولما اروح عند ماما الست هانم مش موجوووووووووووووووووودة . اكيد بتبقى مع البيه جوزي بيشتروا الجهااااااااااااااااااز اهئ اهئئئئئئئئئئئئئ

 

 

طيب يا شرييييييييييييييييف اهئ اهئ

 

 

 

 

 

 

 

 

 

 

 

 

هههههههههههههههه الف مبروك يا احمد الف الف مبروك

 

 

هههههه الله يبارك فيك يا شريف . متشكر والله على الجميل ده ووقوفك جنبي لحد اخر لحظة

 

 

دا واجبي يا ابو حميد . احنا اخوات يا حبيبي

 

 

واكتر والله يا شريف

 

 

 

طب يلا بقى خد عروستك واتوكلوا على الله

 

 

 

يلا يا هدى

 

 

 

مبروك يا مدام هدى ههههه

 

 

الله يبارك فيك يا دكتور شريف . سلم كتير على اميرة وعلى البنات

 

 

 

الله يسلمك

 

 

 

 

 

 

 

 

 

 

 

 

 

 

 

تررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

 

 

 

اهئ اهئ ايوة يا شريف افندم

 

 

هههههههههههههههههههه كتبنا الكتاب من شوية مش تقولي مبروووووووووووك ههههههههههه

 

 

لالالالالالالالالالالالالالالالالالالالالالالالالالالالالالالالالالالالالالالالالالا مستحيل اهئ اهئئئئئئئئئ انت اكيد بتكدب عليا اهئ اهئئئئئئئئئئئئئئئ

 

 

ههههههههههههههه طب والله كتبنا الكتاب من شوية ايه رأيك بقى ههههههههههههه

 

 

 

 

اه يا خاااااااااااااااااااااااااااااااااين اهئ اهئ يا غدااااااااااااااااااااااااااااااااااار اهئ اهئئ يا خسارة عمري اللي ضاع معاك اهئ اهئ يا خسارة الحب اللي حبيتهولك اهئ اهئئئئئئئئئئئئئئئئئئئئئئئئئئئئئئئئئئئئ اخص عليك يا شرييييييييييف اهئ اهئئئئئئئئئئئئئئئئئئئئئئئئئئئ

 

 

بقولك اييييييييييييييه انا مش عايز نكد ههههههههههههه انا مبسوط جداااااااااااااااااا ومفرفش ومودي حلو اوي ههههههههههههههههه ايه . هبات طبعا النهاردة برا البيت . حجزت اوضة في اوتيل النهاردة ههههههههههههههههههههه

 

 

اخصصصصصصصصصصصصصصصصصص اخص عليك اخصصصصصصصصصصصصصصص

 

 

انت متعمد تثير اعصااااااااااااااااااااااابي

 

 

ههههههههه مش تدعيلي دعوة حلوة وتقولي الله يهنيك مع حبيبتك اللي قلبك اختارها وما اختارش غيرها

 

 

 

اقفل السكة يا شريف اقفل السكككككككككككككككة مش عايزة اسمع صوووووووووووووووتك

 

 

ههههههههههههههههه يا اميرة اميييييييييييييييرة هههههههههههه قفلت السكة . هتصل تاني

 

 

 

تررررررررررررررررررررررررررررررررررن تررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررن

 

 

 

اووووووووووووووووف افندم عايز اييييييييييييييييه اتفضل روح للهانم بتاعتك اشبع بيها يا خاين اهئ اهئئئئئئئئئئئئئئئئئئئئ

 

 

بقولك ايه . انا هخلي مامتك تبعتلك عم شوقي حالا يجي ياخدك عشان تيجي الاوتيل تباركي وتهني هههههههههههههه

 

 

مش هاجي مش هااااااااااااااااااجي مش عايزة اشوف وشك اوووووووووووووف

 

 

طيب على العموم هبعت عم شوقي عشان يجيبك عشان ما يصحش ما تجيش تباركي ههههههههه انتي كلك ذوق يا اميرة يا حياتي . واكيد طبعا هتجيبي هدية لعروستي هههههههههه

 

 

 

اه ياااااااااااااااني انا هاجي بس لسبب واحد وهو اني انكد عليكو ليلتكو واخليها سوووووووووووووودة

 

 

هههههههههه بعد الشر يا شيخة . ما يبقاش كلامك وحش كدة . خلي روحك رياضية يا اميرتي

 

 

 

ابعتلي عم شوقي حاااااااااااااااااالا

 

 

 

هههههههههههههه في انتظارك يا قمر

 

 

 

 

 

 

 

 

انتصااااااااااااااااااار

 

 

نعم يا مدام

 

 

انا خارجة

 

 

رايحة فين الساعة دي . في ست محترمة في وشها شوية دم تخرج في نصاص الليالي

 

 

وانت مالك انتي وانت مااااااااااااااااااااالك خلي بالك من البنات اوووووووووووووووف

 

 

 

اوف في عينك . هي مالها مش طايقى نفسها بقالها كام يوم كدة ؟

 

 

 

 

 

 

 

 

 

 

 

 

 

 

 

 

 

 

تن تنننننننننننننننن تن تننننننننننننننن افتح يا شرررررررررررريف افتححححححححححححححح

 

 

 

هههههههههههههه اهلا اهلا اهلا حياة قلبي هههههههه ازيك يا اميرة

 

 

اوعى من وشي اوعىىىىىىىىىىىىىىىىىىى

 

 

ههههههههه طب بالراحة بلاش عصبية

 

 

 

 

هي فين الهااااااااااااااااااااااااانم

 

 

هانم !!!!!!!!!!! هانم مين ههههههههههههه

 

 

اكيد في الحمام طبعا

 

 

ههههههههههه

 

 

يا خبر يا خبرررررررررررر تعالى هنا قفشتتتتتتتتتتتتتتتتك يا خااااااااااااااين يا غداااااااااااااار يا بتاع الستات يا ابو عين زايغة اهئ اهئئئئئئئئئئئئئ قميص نوم احمر محطوط ع السرير وجنبه ازازة برفان كماااااااااااااااااان اهئ اهئئئئئئئئئئئئئئئئئئئئ اخص عليك يا شريف

 

 

هههههههههه جايبهم لحبيبتي وروح قلبي اميرة مراتي حياتي اللي عمري ما فكر اتجوز عليها ابداااااااااااا ههههههههههههههههه

 

 

هاااااااااااا !!!!!!!!!!!!!! انت ما اتجوزتش يا شريف !!!!!!!!!! انت مش قولت كتبت كتاب هدى يا شريييييييييف ؟؟؟؟؟؟؟؟؟؟؟؟؟

 

 

هههههههه كتبت كتاب هدى على الدكتور احمد صاحبي وراحوا يقضوا شهر العسل فقولت في نفسي هو انا واميرة حبيبتي ما لناش نفس ولا ايه نقضي يوم عسل ههههههههههه

 

 

هههههههههههههههههه يا حبيبي يا شريف يا حبيبي بموت فيك يا شريف بموت فيييييييييييييييييييييييك امووووووووووووووووووه هههههههههههههههههه انت اوفى واخلص زوج في العااااااااااااااااااااالم ههههههههههههههههههه بحبك بحبك بحبك بحبك بحبك بحبك بحبككككككككككككككككككككك

 

 

هههههههههههههههههه انا بحبك اكتر يا حبيبتي . بس دي اخر فرصة ليكِ . لو عرضتي الجواز علية من واحدة تانية بعد كدة هقبل عشان بجد يبقى وقتها خلاص هحس انك مش عايزاني

 

 

حبيبي اوعى تقول كدة . انت روحي روحي يا شريف رووووووووحي

 

 

وانتي كل حياتي يا اميرة وما اتصورش لحظة في حياتي اعيشها من غيرك

 

 

ههههههههه امممممممم ذوقك يجنن

 

هههههههه عجبك

 

اهاااااا

 

 

ههههههههه طب يلا هههههههههههههههههههه

شارك هذه المشاركه


رابط المشاركه
شارك

اهلاااااااااااااا ازيكو يا بنات

 

 

الاول ارحب بصمت الامل

 

 

ازيك يا عسل

 

 

ايه النور ده حبيبتي

 

 

منورة الحلقات يا سكر

 

 

 

وابنة علي

 

 

حبيبتي ناني القمر الامريكاني ههههههههههه

 

 

منورة حبيبتي والله

 

 

 

 

 

كلكو منورين يا بنات

 

 

لسة في مفاجآآآآآآآآآآآآآآآآآآآآت

 

 

 

في انتطار توقعاتكو النارية ههههههههههههه

 

 

اشوفكو بكرة ان شاء الله

شارك هذه المشاركه


رابط المشاركه
شارك

جميل قوي ما شاء الله

من فترة لم أتابع المسلسل أكثر من رائع والله

رائع هبهوبة

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×