•·.·´¯`·.·• (شوربه العدس من مطبخي ) •·.·´¯`·.·•

[~ماريا~ 1340]

 

كيف حالكم يا غاليات

 

عملت شوربه العدس المصريه

كتير طيبه

 

 

 

 

عدس اصفر

بصله كبيره مقطعه شرائح

 

جزر مقطع شرائه

2 حبه طماطم مقطعه

 

 

 

 

بنغسل العدس ونضع فوقه كل المقادير

مع كوبين ماء او اكتر

ونتركها على النار

 

 

 

لحين الاستواء

نتركها تبرد شوى

 

 

 

بعد كدا بنضربها في الخلاط

في شفشق الخلاط بملى نصه مايه ونضع الخليط فيه

 

 

ونضربه في الخلاط ضربتين اتنين منكترش

 

 

بيكون قوامه تقيل

لهيك انا بزوده مايه لحد ما احصل على القوام الي انا عايزاه

 

 

 

فيه ناس بتحبه بشعريه انا كمان بحبها بشعريه

بس مش بعملها لان الي عندي مش بيحبوها

بس لو حابه تضيفي شعريه

بتحمري شويه وتضفيهم الان

وتحطي الحله على النار

تضيفي الملح تبعك

 

في الوقت دا بكون بحمر توم وضايفه عليه

كمون وكسبره ناشفه وفلفل اسود وحبهان

 

 

 

واضيفهم على الخليط

 

واتركها تقلب قلبتين واطفي عليها

 

 

 

وبالف هنا

 

 

 

 

 

 

 

 

 

 

 

جميله جدااا

 

 

[~ أم العبادلة ~ 1903]

السلام عليكم ورحمة الله وبركاته،

سبحان الله لسه عاملاها اليوم بس غيرنا الطريقة شوية علشان تعطي طعم

 

بحمر الشعرية او مكرونة سباجتي مقطعة الي عيدان صغيرة

وبعدها بضيف عليها بصل مفروم علشان يتحمر

وبعدها بضيف عليها طماطم مفرومة علشان تتسبك

وفي النهاية بضيف العدس والماء والتوابل

 

واحيانا بشوح كل المكونات مرة واحدة في الزيت وبعدها اضيف العدس والماء

 

الجزر والبطاطس بضيفهم لو موجودين لانه احيانا الجزر بالذات يكون غير متوفر

[سدرة المُنتهى 87 1317]

لالالا

غريبة الطريقة دي

مش باعملها كده خالص

قصدي يعني ماما مش بتعملها كده خالص

مش بيبقى فيها لا بصل ولا طماطم ولا جزر

 

شوية عدس تحطيهم في مية كتيييير على النار لغاية لما تقرب تستوي وبعدين تحمصي شوية شعرية وتحطيهم عليهم وملح حسب ما تحبي

 

وبعدين توم تصفريه ف شوية زيت وتحطيهم عالعدس ف الآخر

 

فقط لا غير

: ))

أنا باحبها كده

[~ أم العبادلة ~ 1903]

@@سدرة المُنتهى 87

 

غريبة جدا طريقة الوالدة وفي نفس الوقت سهلة جدا

[~ماريا~ 1340]

السلام عليكم ورحمة الله وبركاته،

سبحان الله لسه عاملاها اليوم بس غيرنا الطريقة شوية علشان تعطي طعم

 

بحمر الشعرية او مكرونة سباجتي مقطعة الي عيدان صغيرة

وبعدها بضيف عليها بصل مفروم علشان يتحمر

وبعدها بضيف عليها طماطم مفرومة علشان تتسبك

وفي النهاية بضيف العدس والماء والتوابل

 

واحيانا بشوح كل المكونات مرة واحدة في الزيت وبعدها اضيف العدس والماء

 

الجزر والبطاطس بضيفهم لو موجودين لانه احيانا الجزر بالذات يكون غير متوفر

 

طريقتك جديده فعلا

لا انا بحمر الشعريه واحطها مع الخليط دا واسبها تاخد قلبتين قبل ما احط عليها التوم

بس ليه بتسبكلها كدا متبقاش شوربه يا بنتي؟؟؟

[~ماريا~ 1340]

لالالا

غريبة الطريقة دي

مش باعملها كده خالص

قصدي يعني ماما مش بتعملها كده خالص

مش بيبقى فيها لا بصل ولا طماطم ولا جزر

 

شوية عدس تحطيهم في مية كتيييير على النار لغاية لما تقرب تستوي وبعدين تحمصي شوية شعرية وتحطيهم عليهم وملح حسب ما تحبي

 

وبعدين توم تصفريه ف شوية زيت وتحطيهم عالعدس ف الآخر

 

فقط لا غير

: ))

أنا باحبها كده

 

قريبه من بتاعتي بس الاختلاف اني بزود مع العدس الجزر والبصل والطماطم

وبضربهم في الخلاط

 

الجزر بيديه طعم خطير

طيب قولي لماماتك عليها وجربيها ومش هتندمي :)

ال بتقولك كلنا عارفنها

اتضحك ان كل واحد بيعملها بشكل مختلف خالص

ههههههههههههههههههههههه

[المتفائلة (ريفيّة) 979]

ماشاء الله طريقة حلوة

وماشاء الله فيه طرق كثيرة لشوريبة العدس

أنا طريقتي شبيهة بطريقة ماريا بس بدون شعرية أنا بضيف كرفس وبقدونس مع شوية قرع أحمر وفي الأخير أخلطهم بالخلاط وبس

وشهيتيني فيها

وبإذن الله لما تمطر أعملها :)

تسلم الأيادي

[بنوته مسلمه مصريه 458]

الله يا زوزه طيب ما تجيبى الطبق ده اتسلى فيه :)

نفس طريقة ماما بس اعتقد بتحط التوم معاهم يتسلق مش بتحمره

اه انا بحبه بشعريه

وماما بتقطع العيش زى الفته كده وتحمصه فى الفرن وتحط عليه الشوربه واو بتبقى روعه

بموت فى شوربة العدس بس فى الشتا فقط :)

[~ماريا~ 1340]

ماشاء الله طريقة حلوة

وماشاء الله فيه طرق كثيرة لشوريبة العدس

أنا طريقتي شبيهة بطريقة ماريا بس بدون شعرية أنا بضيف كرفس وبقدونس مع شوية قرع أحمر وفي الأخير أخلطهم بالخلاط وبس

وشهيتيني فيها

وبإذن الله لما تمطر أعملها :)

تسلم الأيادي

اهلين فوفو

اه شفتي فيه طرق كتير

مع اني كنت مفكراها طريقه واحده

ههههههههههههههههههههههه

انتو عندكو بردو مش بتعملوها غير لما الدنيا تمطر

هههههههههههههههههه

عندنا كدا بس مجرد ما الجو يبرد بنعملها

[~ماريا~ 1340]

الله يا زوزه طيب ما تجيبى الطبق ده اتسلى فيه :)

نفس طريقة ماما بس اعتقد بتحط التوم معاهم يتسلق مش بتحمره

اه انا بحبه بشعريه

وماما بتقطع العيش زى الفته كده وتحمصه فى الفرن وتحط عليه الشوربه واو بتبقى روعه

بموت فى شوربة العدس بس فى الشتا فقط :)

 

تسلم ايد ماما :)

لا جربي تحمرللها التوم بس وانتي بتحمريه حطي شويه كمون وكيبره ناشفه وادعيلي

وشمي الريحه بتاعته خطير يا بت يا لولو

انا كمان بحبه بشعريه بس هنعمل ايه بقى :))

 

اه

اوقات بعمل كدا بحمر العيش واحط عليه الشوربه ومعلقتين رز

واديها بقى

هو فعلا ميتعملش غير في الشتا لانه بيدفي

[~ أم العبادلة ~ 1903]

@~ماريا~

بنسبكها علشان الطعم وبعدين تزودي ماية لغاية ما تبقى شوربة

[حواء أم هالة 1895]

وعليكم السلام ورحمة الله وبركاته

 

اول مرة اشوف شوربة العدس انا اطبخ العدس عادي =) وناكله بالخبز لكني لا آكل منه كثير لأني لا احبه ^_^

 

لكن تسلم ايدك يا صديقتي يا اللي تموتي في اللوبيا ههههههه

[ساره أم حمزه 1041]

وعليكم السلام ورحمة الله وبركاته

جميل ما شاء الله

هى امى بتعمله عدس انا مش عارفه هو فى فرق بين العدس وشوربة العدس ولا هما واحد :blush:

هى امى بتعمله من غير طماطم ولا جزر ولا شعريه

بس سعات تعمل طماطم

انا عملته مره

انا بحبه بس بيتعب معدتى الحمد لله

[هبة نور 2043]

يا شوربة العدس الصاااااااااااااااااااااااااااااااااافي

 

تسلم ايدين اللي رماااااااااااااااااااااااااااااااااااكي

 

ههههههههههههههههه

 

 

بموت في العدس وشوربة العدس

 

طريقتي زي طريقتك يا ماريا بالظبططططططططططط بس من غير جزر

 

انا مش بحطه عشان بينرفزني وبياخد وقت عشان يستوي

 

وانا ببقى مستعجلة

 

 

اصل احنا في الشتا بنعمله على الفطااااااااااااااار

 

 

الناس كلها تعمل العدس على الغدا لكن احنا نعمله على الفطار ههههههههههههه

 

 

فعلا لذيييييييييييييذ والشتا مرتبط بالعدس

 

انا بحبه بالشعرية لكن جوزي مش بيحبه بالشعرية بس برضو بعمله بالشعرية هههههههههههههههه

 

 

واحيانا بستغنى عنها عشان انا زوجة ديمقراطية الحمدلله ههههههه

 

 

تسلم ايييييييييييييدك يا وزتي الجميلة

[هبة نور 2043]

السلام عليكم ورحمة الله وبركاته،

سبحان الله لسه عاملاها اليوم بس غيرنا الطريقة شوية علشان تعطي طعم

 

بحمر الشعرية او مكرونة سباجتي مقطعة الي عيدان صغيرة

وبعدها بضيف عليها بصل مفروم علشان يتحمر

وبعدها بضيف عليها طماطم مفرومة علشان تتسبك

وفي النهاية بضيف العدس والماء والتوابل

 

واحيانا بشوح كل المكونات مرة واحدة في الزيت وبعدها اضيف العدس والماء

 

الجزر والبطاطس بضيفهم لو موجودين لانه احيانا الجزر بالذات يكون غير متوفر

 

 

 

هذه الطريقة لم ولن ولكن وحيثما ما اعرفهاش قبل كدة هههههههههههههههه

 

 

انه سبق فريد من نوعه في عالم شوربة العدس

 

بل انه انتصار ساحق على كل الطرق التي مرت على حلل النساء في العصر القديم والحديث في مجال التنمية العدسية

 

 

من اين لكِ بها يا اختااااااااااااااااااااه

 

 

هل انتي من كوكب الارض اصلا

 

ام هبطتي علينا من الفضاء بحلة العدس بنكهة الاسباجيتي اللذيذة

 

 

 

عجبتني جداااااااااااااااااااااااااا يا ام عبد الرحمن ولااااااااااااااااازم اعملها

 

وانا وانتي والشتا والعدس يجمعونا يا جميل

 

 

بارك الله فيكِ

 

 

هل من جديد ؟؟؟؟؟؟؟؟؟؟؟

[**راضية** 1996]

@@~ أم العبادلة ~

 

=)

[' أم آية' 667]

وعليكم السلام ورحمة الله وبركاته

ما شاء الله جميلة

كما قالت حواء احنا المغاربية نعمل العدس حون طحنه وتأكله بالخبز واحيانا نستعمل المعاعق لنأكل منه الكثيييير هههه

وسبحان الله انا عملته البارحة

انا احبه والاولاد ايضا بس الزوج ياكل منه القليل بس لذلك لازملي دائما طبق اخر مع العدس :))

ان شاء الله اجربها

تسلم يديك حبيبتي ماريا

علي فكرة المورتديلا علي وشك الانتهاء

 

في الايام الجاية راح اعمل واحد اخر ان شاء الله :D

في امان الله يا حبيبة

[~ أم العبادلة ~ 1903]

@هبةنور

- ضحكات مقرقرة -

انا عندي السباجتي دايما بديل للشعرية

رغم ان زوجي لم يكن يحبها لكن سبحان الله أحبها حتى شوربة الخضار لا نأكلها الا بالاسباجتي (اضعها تتسلق مع الخضار) ولو مش عندي، ممكن اضع مكرونة عادية مع شوربة الخضار

وحتى الكشري لا استخدم المكرونة الصغيرة معه بل استخدم الاسباجتي وسبحان الله تكون احلى واطعم

 

@

- ابتسامة -

اشتقنالك يا فندم - وجه خجول -

[ღأم عبدالله ღ 30]

ماريا طريقتك قريبة جدا من طريقتنا لكن لما نعمل شوربة نقوم بتقطيع الخبز ورش الشوربة ثم وضع سلطة مقطعة مكعبات صغيرة ومعها دكوة (فول سوداني مسحون) من فوق.

[آسفة على أحوال المسلمين 296]

وعليكم السلام ورحمة الله وبركاته

 

طريقة جميلة سلمت يداكِ وبارك الله فيكِ ~هنيئا مريئا~

 

همسة: حتي العدس أيضا حطيتي طريقته علي النت دا كفاية إنه عدس علي فكرة شكله في الطبق جميل ومغري بس مهما حاول مش هايقدر يخليني أكله لو راح شمال ويمين حتي بكل الأشكال والطرق لا آكله حتي الكشري الأصفر كرهته ^ـــ^