حركتات اداريات تحل ضيفة على مائدة الطيبات | الساحة الرابعة

[راغبة بالفردوس 477]

والله حصل الموقف معي امس بس عدت علي خير الحمد لله ههههههه

[صدقه جارية 4686]

@@راغبة بالفردوس

 

طيب عملتِ إيه ^_^

[ساجدة للرحمن 2050]

لو اقترحنا اسرع اكله ممكن تعمل في ربع ساعه

هي المكرونه ما بتاخد اي وقت

^___^

فعلا المكرونة سهلة كتير

بس تفتكري لو هي قدمت له مكرونة فقط ..ماذا سيكون رد فعله : )

[ساجدة للرحمن 2050]

والله حصل الموقف معي امس بس عدت علي خير الحمد لله ههههههه

 

أحكيلنا المغامرة بالتفصيل لو سمحت ^__^

[راغبة بالفردوس 477]

عملت زي مامرمر بتقول ... اخذت شويه البسله اللي لسا فيهم الروح ونقلتهم في وعاء اخر بس كان 3/4 الحله شاطت... والله زعلت قوي وكنت هعيط هههههه

[~ماريا~ 1340]

لو اقترحنا اسرع اكله ممكن تعمل في ربع ساعه

هي المكرونه ما بتاخد اي وقت

 

^___^

فعلا المكرونة سهلة كتير

بس تفتكري لو هي قدمت له مكرونة فقط ..ماذا سيكون رد فعله : )

 

 

اكيد هيعصب

والله لو عندها لحمة مفرومة تعملها كفته برضو مش هتاخد وقت

ولو مافيش اقترح تحمر بطاطس معاها وسلطه

وبباسلوبها وطريقه تقديمها للاكل واعتذارها

اكيد هيتقبل

 

 

@@راغبة بالفردوس

 

ههههههههههههه

اهي اتعرضت ليه

عملتي ايه يا غاده؟؟؟

[ساجدة للرحمن 2050]

عملت زي مامرمر بتقول ... اخذت شويه البسله اللي لسا فيهم الروح ونقلتهم في وعاء اخر بس كان 3/4 الحله شاطت... والله زعلت قوي وكنت هعيط هههههه

 

^____^

الجيش بيقولك اتصرف : )

( مع إني مابحب أجيب سيرتهم ..منهم لله )

 

عادي يا رغوبة ..بتحصل في أحسن العائلات ^_^

 

 

@@سُندس واستبرق

منورة يا حبيبة : )

[~ أم العبادلة ~ 1903]

للتخلص من طعم ورائحة الحريق بالكل

ضعي رغيف عيش على الوجه ليمتص الرائحة والطعم وبعدها ارميه ولا تأكليه < هذه جربتها وبتقوم بالواجب

او ضعي بطاطس تم تقشيره ليمتص الرائحة والطعم ثم ارميه < لم اجربها لكن بيقولوا بتنفع

[راغبة بالفردوس 477]

والفراخ كمان كانت في الفرن ونشفت .... بقيت ااخذ الاجزاء الناشفه وااكلها انا وسبت له البقيه ... يعني انا كنت الضحيه :(

 

قعدت ارش معطر جو في الشقه كلها علشان مايشم رائحه الشياط

 

بس بصراحه مارضيت ااكل من البسله ولحد الان مااعرفش طعمها كان ايه ههههههههههه

 

غريبه انه مااخذ باله :unsure:

ولا يمكن اخذ باله بس مارضي يحرجني ، اصل انا في المواقف دي بتحرج قوي ههههههه :))

تم تعديل 30 ديسمبر, 2013 بواسطة راغبة بالفردوس

[ساجدة للرحمن 2050]

اكيد هيعصب

والله لو عندها لحمة مفرومة تعملها كفته برضو مش هتاخد وقت

ولو مافيش اقترح تحمر بطاطس معاها وسلطه

وبباسلوبها وطريقه تقديمها للاكل واعتذارها

اكيد هيتقبل

 

 

 

أنا لو مكانها أفتح عيون البوتاجاز كلها

واحد أسلق المكرونة

والتاني أعمل صلصلة الطماطم

والثالث أحمر بطاطس

والرابع أسلق بيض

ووقت ما الحاجات دي تستوي أكون حضرت طبق سلطة محترم ^__^

 

الخلاصة ستكون ( مكرونة + بيض مسلوق + بطاطس محمرة + سلطة ) وجبة متكاملة ومشبعة : )))

وطبعا مش هاجيب سيرة حاجة أتحرقت وهافتح الشفاط لإخفاء آثار الجريمة

[~ماريا~ 1340]

@@~ أم العبادلة ~

حلوة الطريقه دي

اجربها لان انا اكتر واحده تحط الحاجه وتنساها :)

 

@@راغبة بالفردوس

ههههههههههههههههههههه

يا مضحيه انت

ال مضحيه ال اكيد كلتي الفرخه كلها

لما الفراخ تنشف زوديها مايه

[ساجدة للرحمن 2050]

للتخلص من طعم ورائحة الحريق بالكل

ضعي رغيف عيش على الوجه ليمتص الرائحة والطعم وبعدها ارميه ولا تأكليه

او ضعي بطاطس تم تقشيره ليمتص الرائحة والطعم ثم ارميه

لم أجربها حقيقة ..

ولكن هل تنفع بالفعل مع الرائحة الشديدة ؟؟

[ساجدة للرحمن 2050]

والفراخ كمان كانت في الفرن ونشفت .... بقيت ااخذ الاجزاء الناشفه وااكلها انا وسبت له البقيه ... يعني انا كنت الضحيه :(

 

قعدت ارش معطر جو في الشقه كلها علشان مايشم رائحه الشياط

 

بس بصراحه مارضيت ااكل من البسله ولحد الان مااعرفش طعمها كان ايه ههههههههههه

 

غريبه انه مااخذ باله :unsure:

ولا يمكن اخذ باله بس مارضي يحرجني ، اصل انا في المواقف دي بتحرج قوي ههههههه :))

 

^______________^

متأكدة إنه كان بياكل ولا بيمثل عليك : )))))

[سدرة المُنتهى 87 1318]

وعليكم السلام ورحمة الله وبركاته،،

 

شكرًا على الهدية الجميلة : )

 

أصبحتم تبدأون مبكرًا جدًا .. صليت وجئت جري : ))

 

هههههههه .. موقف حصل كتير

بس كنت باكتم عالخبر وكأن شيئا لم يكن

وعشان كده لازم يبقى عندك في التلاجة حاجات للطوارئ

لو مثلا صحيتي متأخر أو الأكل اتحرق

شوية مكرونة ومعاهم بورجر وطبق سلطة عالسريع

تونة ومعاها شوية سلطة عالسريع

ممكن تحمر شوية بطاطس وتسلق بيضتين وشوية سلطة برضو عالسريع

 

المهم ف الموضوع إنها تأكل زوجها أي حاجة مش هتفرق معاه .. هو بيكون جعان وعايز ياكل وينام وخلاص

ههههههه

دا بالنسبة لي : )

 

حصل مرة إن وش صينية البشاميل اتحرق .. رحت شلته بسرعة ودخلتها تتحمر تاني بس الحمد لله ما كان في ريحة حاجة محروقة

وكذلك المكرونة باللبن

 

صينية البطاطس دايما تتحرق من تحت .. أطلع اللي ينفع يتاكل والباقي الله يرحمه كده يعني

مرة الرز بقى اتحرق بس والله مش إهمال أنا هديت عليه النار خااااالص ودخلت الغرفة أكلت جنى ورجعت لقيت النار علت لوحدها والرز بقى كله فحمة

رحت عملت رز من أول وجديد

 

وعموما انا دايما باطبخ من بالليل لتاني يوم عشان ابقى براحتي وتحسبا للطوارئ اللي زي كده

: )))

[~ماريا~ 1340]

اكيد هيعصب

والله لو عندها لحمة مفرومة تعملها كفته برضو مش هتاخد وقت

ولو مافيش اقترح تحمر بطاطس معاها وسلطه

وبباسلوبها وطريقه تقديمها للاكل واعتذارها

اكيد هيتقبل

 

 

 

أنا لو مكانها أفتح عيون البوتاجاز كلها

واحد أسلق المكرونة

والتاني أعمل صلصلة الطماطم

والثالث أحمر بطاطس

والرابع أسلق بيض

ووقت ما الحاجات دي تستوي أكون حضرت طبق سلطة محترم ^__^

 

الخلاصة ستكون ( مكرونة + بيض مسلوق + بطاطس محمرة + سلطة ) وجبة متكاملة ومشبعة : )))

وطبعا مش هاجيب سيرة حاجة أتحرقت وهافتح الشفاط لإخفاء آثار الجريمة

 

انا بعمل كدا اصلا كل العيون لازم تبقى شغاله

واصلا لو حاجه اتحرقت ما بعرف حد

^ــــــــــ^

ولو شم ريحه شياط

اقوله جايه من تحت

هههههههههههههههههههههه

[راغبة بالفردوس 477]

@~ماريا~

 

 

هههههههههههههههههههه

يا مضحيه انت

ال مضحيه ال اكيد كلتي الفرخه كلها

لما الفراخ تنشف زوديها مايه

 

هههههههههههه

يعني لما ازود مايه الفراخ هتطري تاني ؟؟

 

ياختي بقولك كانت هتشيط ههههههه

[ساجدة للرحمن 2050]

@@سدرة المُنتهى 87

العفو يا حبيبة : )

 

فعلا الرجل بيكون محتاج أي شيء يؤكل بغض النظر عن ماهيته : )

مساكين والله ^_^

 

صينية البطاطس إما أن تعمليها في طينية تيفال ..أو أن تكثري من الشوربة حتى لا تنشف وتتحرق ..

[راغبة بالفردوس 477]

والفراخ كمان كانت في الفرن ونشفت .... بقيت ااخذ الاجزاء الناشفه وااكلها انا وسبت له البقيه ... يعني انا كنت الضحيه :(

 

قعدت ارش معطر جو في الشقه كلها علشان مايشم رائحه الشياط

 

بس بصراحه مارضيت ااكل من البسله ولحد الان مااعرفش طعمها كان ايه ههههههههههه

 

غريبه انه مااخذ باله :unsure:

ولا يمكن اخذ باله بس مارضي يحرجني ، اصل انا في المواقف دي بتحرج قوي ههههههه :))

 

^______________^

متأكدة إنه كان بياكل ولا بيمثل عليك : )))))

 

هههههههههه

والله كان بياكل انا متأكده

 

كنت ببصله جامد علشان اتأكد هههههههه

[~ماريا~ 1340]

@@سدرة المُنتهى 87

ههههههههههههههههههه

كله على السريع

حصل مرة إن وش صينية البشاميل اتحرق .. رحت شلته بسرعة ودخلتها تتحمر تاني بس الحمد لله ما كان في ريحة حاجة محروقة

وكذلك المكرونة باللبن

حصلتلي وقمت شلت الوش كله ورشتها شويه زيت ودخلتها تتحمر تاني

[ساره أم حمزه 1042]

الحمد لله سارة ..

سعيدة بوجودك

الله يكرمك مشرفتى اسعدك الله فى الدنيا والاخره

أمممممم تفتكري ممكن يأكلة عادي ؟؟؟

يا ريت المتزوجات يفيدونا في الموضوع ده ^__^

لا ممكن مياكلوش ، لانى جربت الاكل اللى بيبقى فيه ريحة الحرق مش حلو هههههه

انا لما ببقى خايفه من حد بقوله انا عايزه اقولك حاجه بس خايفه " ودى بتهون شويه " الحمد لله ^^

يعنى لو انا مكانها كنت هاقول كده بس كنت هاكو بعمل حاجه بدالها

عرفينا أقتراحاتك للأكلة السهلة ( تحسبا للطواريء)

وأكيد كده أو كده هاتعتذر لابد ^_^

الاكله السهله اممممممم كفتة البطاطس ^^ اصل لسه عملاها النهارده ( : بس مفيش اكله بتاخد ربع ساعه

بورك فيك سارة : )

امين وفيك بارك الله ( :

[ساجدة للرحمن 2050]

واصلا لو حاجه اتحرقت ما بعرف حد

^ــــــــــ^

ولو شم ريحه شياط

اقوله جايه من تحت

هههههههههههههههههههههه

 

^__________^

يا جبروتك : )))

[~ماريا~ 1340]

@@راغبة بالفردوس

ايوة لو صنيه الفراخ نشفت مش اتحرقت :))

فيه فرق

نشفت تزودي مايه على طول

[~ماريا~ 1340]

@@ساجدة للرحمن

هههههههه

هنعمل ايه بس يا سجوده

الست الشاطرة زينا لازم تتصرف وتطلع من الموضوع

[ساجدة للرحمن 2050]

@@راغبة بالفردوس

هو أكيد كان مركز في نظراتك عشان كده ما أنتبه لطعم الأكل ^__^

 

@@ساره محمد

^____^

فيه يا سارة أكلات بتاخد الوقت ده ..

شوفي ردود المخضرمات وغنت تعرفي : )))

[ساجدة للرحمن 2050]

@@ساجدة للرحمن

هههههههه

هنعمل ايه بس يا سجوده

الست الشاطرة زينا لازم تتصرف وتطلع من الموضوع

أكيد

وإحنا شاطرين قوي في الحاجات دي

التكرار بيعلم الشطار :P