طريقة عمل كشري مصري علي طريقتي من مطبخي وبالصور :)

[راغبة بالفردوس 477]

 

 

 

السلام عليكم ورحمة الله وبركاته

 

 

عملت اليوم كشري مصري علي طريقتي <3

بسم الله ..

 

 

المقادير :

 

( عتس بني او عتس بجبه / مكرونه / ارز / شعيريه ) والمقادير كلها تكون متساويه بس انا بحب ازود العتس شويه

 

بصل للتحمير + صلصه طماطم + الدقه

 

 

 

الطريقه :

 

نسلق العتس

 

 

 

ونسلق المكرونه

 

نغسل الارز..

ثم نحمر الشعيريه ونضيفها عليه ونتركهم يستوورا مع بعض

 

 

 

 

 

 

وبعد ما نسلق العتس والمكرونه نصفيهم من الماء كويس ونضعهم علي بعض في حله ونضع عليهم ايضاً الارز والشعيريه ونقلبهم ونضع عليهم شويه ملح صغيرين ونضعهم علي نار هاديه مثل الارز وهو بيستوي ، شويه ونطفي عليهم

 

 

 

تأتي طريقه الصلصه

 

ثوم مدقوق نحمره ، ونضع عليه عصير الطماطم والتوابل ، ونضيف ملعقه صلصه طماطم جاهزه ، ونتركه يتسبك ولما يقرب يستوي نضيف فصين ثوم كبار مفرومين

 

 

 

 

الدقه :

 

عباره عن خل + ملح + توم + كمون + ليمون + شويه مايه

 

نخلطهم مع بعض في الخلاط ونضعهم في طبق وفقط

 

 

البصل المحمر :

 

بصله ونقطعها شرائح طويله / ونضع عليها شويه ملح ودقيق ونشا ونقلبهم ونقليهم في الزيت

ولما يحمر نخرجه من الزيت ونضعه في طبق واسع علي مناديل مطبخ لتمتص الزيت ونرش شويه كمون صغيرين

 

 

 

عملت كمان بطاطس شيبسي :)

 

 

وده شكل الطبق النهائي

 

 

 

 

 

يارب الطريقه تعجبكم وتدعولي ربنا يعينني واغسل المواعين

 

مفيش واحده بنت حلال تتطوع وتيجي تساعدني ههههه

 

:))

تم تعديل 22 يناير, 2014 بواسطة ~ماريا~
وصفه راائعه

[«..ارْتِـــقَّـےـاءْ..» 639]

وعليكم السلام ورحمة الله وبركاته

جميل جدا

تسلم ايديك ياغادة ياعسل

انا اساعدك

بس بشرط تعلميني الطبيخ ياوزة ...

[~ماريا~ 1340]

السلام عليكم ورحمة الله

 

انا بنت حلال بل يا دودو بس مش جايه

هههههههههههه

جمييييييييييييييييييييل يا دودو

 

انا بسلق العدس واضيف عليه الرز وبعدين الشعريه

ولما احمر البصل اخد الزيت بتاعه واقدح بيه عليهم بيبقى طعمهم رووعه

 

بعمل التسبيكة زيك والدقه

 

تسلم ايدك يا حلو

[«..ارْتِـــقَّـےـاءْ..» 639]

نسيت اسالك البطاطس عملتيه زاي ؟؟؟؟؟

[يسرا عبد الرحمن 718]

يا سلام يا سلام

يمممممممممممم

أموت انا في الكشري

تسلم إيدك يا غدغوده

وتعالي خدي جودانة وأنا اغسل مواعين عمارتك كلها ^_____________^

[مُقصرة دومًا 1261]

السلام عليكِ

اللهم بارك إيه الحاجات الجميلة دي!!

تسلم إيدك رغوبة نفسي بجد أعمله : ((

ربنا ييسر بإذن الله وأعمله

[خيوط ذهبية 803]

السلام عليكم ورحمة الله وبركاته

ولله ولله نفسي من زماااان أعمل كشري

ومش عرفة لكن إنت وضحتيه لينا بطريقة

جميلة

وبالنسبة للمواعين لو جيت بدري كنت غسلتهم

رغم إن أعدى أعدائي هم لمواعين

[ساره أم حمزه 1042]

وعليكم السلام ورحمة الله وبركاته

ما شاء الله

بالهنا والشفا

جزاك الله خيرا

[راغبة بالفردوس 477]

وعليكم السلام ورحمة الله وبركاته

جميل جدا

تسلم ايديك ياغادة ياعسل

انا اساعدك

بس بشرط تعلميني الطبيخ ياوزة ...

 

:)

الله يسلمك ياقلبي

هههههه

طبعاً طبعاً اعلمك مفيش اي مشكله

 

بس انا غسلت المواعين خلاص ، تدفعي كام بقي واعلمك ههههههه

 

.........

البطاطس قشرتها وخرطها بماكينه الشيبسي وسخنت زيت ووضعت البطاطس في الزيت بس شويه بشويه حتي تحافظي علي درجه حرارة الزيت

وبعدين توطي النار عليها ( دي طريقه لو عندك وقت ) واول ماتبتدي تحمر تعلي النار

الطريقه دي بتخليها مقرمشه وراوعه :))

[حواء أم هالة 1900]

السلام عليكم ورحمة الله وبركاته

 

ما شاء الله هذا هو الكشري ؟ انا ايضا زمان عايزة اعمله لكن ظننت ان فيه عدس وارز وبس :))

 

لازم اعمله في يوم واصور التطبيق

 

سلمت يداك حبيبتي =))

 

@هَتُــونْ

بالنسبة للبطاطس شيبس لما تقطعيهم رقاق جدا ولو في الحكاكة خليهم في ماء فيه خل واتركيهم ربع ساعة ثم اقليهم ولما يتحمرو رشي عليهم الملح =)

[* قدوتي عائشة* 60]

رائع و الله الكشري جميل و مغذي و أكلته مرة و كان طعمه جميل

 

 

 

لكن الى الآن لم أتجرأ على تحضيره خفت أخلط و أخبص و يطلع شيء آخر :unsure:

 

تسلم الأيادي و بارك الله فيك

[ساره أم حمزه 1042]

@@حواء أم هالة

ماهو فى كشرى عادى اللى هو عبارة عن عدس وارز بس

لكن اللى اسمه كشرى مصرى بيبقى مكرونه وعدس بجبه وبصل وصلصه وحجات كتير

[حواء أم هالة 1900]

@@ساره محمد

اها إذن لم اكن مخطئة =)

 

بارك الله فيك حبيبتي على التوضيح

[ساره أم حمزه 1042]

اه ^^

امين وفيك بارك الله

[«..ارْتِـــقَّـےـاءْ..» 639]

بوركتن حبيبات راغبة وحواء

إن شاء الله أجربها ^^

[وفاء السلفية 19]

جميييييييييييييل تسلم ايديكى انا هحفظه على جهازى وان شاء الله اطبقه قريب

[راغبة بالفردوس 477]

السلام عليكم ورحمة الله

 

انا بنت حلال بل يا دودو بس مش جايه

هههههههههههه

جمييييييييييييييييييييل يا دودو

 

انا بسلق العدس واضيف عليه الرز وبعدين الشعريه

ولما احمر البصل اخد الزيت بتاعه واقدح بيه عليهم بيبقى طعمهم رووعه

 

بعمل التسبيكة زيك والدقه

 

تسلم ايدك يا حلو

 

بنت حلال بس مش جايه ههههههه

لو تعرفي انا غسلت مواعين قد ايه يومها كنت صعبت عليكِ هههههههه

حلوه فكرة الزيت بتاع البصل دي هبقي اعملها ان شاء الله :)

 

بس مش فاهمه ازاي تسلقي العتس وبعدين تضيفي عليه الارز وبعدين الشعيريه !!

بتطبخي الارز لوحده والشعيريه لوحدها ؟؟؟

[راغبة بالفردوس 477]

يا سلام يا سلام

يمممممممممممم

أموت انا في الكشري

تسلم إيدك يا غدغوده

وتعالي خدي جودانة وأنا اغسل مواعين عمارتك كلها ^_____________^

ههههههههه

الله يسلمك يايويو

 

والله معنديش اي مانع

هاتيها ياختي وتعالي ههههههه

[راغبة بالفردوس 477]

السلام عليكِ

اللهم بارك إيه الحاجات الجميلة دي!!

تسلم إيدك رغوبة نفسي بجد أعمله : ((

ربنا ييسر بإذن الله وأعمله

 

وعليكم السلام :)

انتِ الاحلي ياسوسو

فينك يابنتي من زماااان

مفتقدينك والله

اعمليه وهيعجبك ان شاء الله O_o

[راغبة بالفردوس 477]

السلام عليكم ورحمة الله وبركاته

ولله ولله نفسي من زماااان أعمل كشري

ومش عرفة لكن إنت وضحتيه لينا بطريقة

جميلة

وبالنسبة للمواعين لو جيت بدري كنت غسلتهم

رغم إن أعدى أعدائي هم لمواعين

 

هههههههههه

الله يخليكِ ياعسل ويبارك فيكِ

واي سؤال انا في الخدمه ياقمر

 

يالله خير ، غسلتهم لوحدي واللي كان كان بقي

كله من البنت مرمر

هي اللي مرضتش تيجي تساعدني هههههههههه

[راغبة بالفردوس 477]

وعليكم السلام ورحمة الله وبركاته

ما شاء الله

بالهنا والشفا

جزاك الله خيرا

 

الله يخليكِ ياسرسوره :)

وانتِ من اهل الجزاء ياعسل ♥

[راغبة بالفردوس 477]

السلام عليكم ورحمة الله وبركاته

 

ما شاء الله هذا هو الكشري ؟ انا ايضا زمان عايزة اعمله لكن ظننت ان فيه عدس وارز وبس :))

 

لازم اعمله في يوم واصور التطبيق

 

سلمت يداك حبيبتي =))

 

@هَتُــونْ

بالنسبة للبطاطس شيبس لما تقطعيهم رقاق جدا ولو في الحكاكة خليهم في ماء فيه خل واتركيهم ربع ساعة ثم اقليهم ولما يتحمرو رشي عليهم الملح =)

 

:)

الله يسلمك ياقطه

زي ماساره قالت لك ، فيه نوع اخر من الكشري واسهل من ده بكتييير وبيبقي طعمه لذيذ برده

 

ان شاء الله

تسلميلي ياحوحو :))

[راغبة بالفردوس 477]

رائع و الله الكشري جميل و مغذي و أكلته مرة و كان طعمه جميل

 

 

 

لكن الى الآن لم أتجرأ على تحضيره خفت أخلط و أخبص و يطلع شيء آخر :unsure:

 

تسلم الأيادي و بارك الله فيك

 

ههههههههههه

لاماتخافيش ، جربي كميه صغيره وان شاء الله يطلع راااائع

 

الله يسلمك حبيبتي

وفيكِ البركه ياعسل :) ♥

[راغبة بالفردوس 477]

جميييييييييييييل تسلم ايديكى انا هحفظه على جهازى وان شاء الله اطبقه قريب

هههههههه

انتِ الاجمل ياعيوني

فرحتيني والله اني عملت حاجه مفيده ههههه

تسلميلي حبيبتي ♥