اذهبي الى المحتوى

المشاركات التي تم ترشيحها

الحلقات صغيرة جدا يا هوبة

المفروض كل ما الأحداث تتطور الحلقات تزيد علشان نحس بالتشبع يا هوبة

بارك الله فيك على مجهودك يا عسل

شارك هذه المشاركه


رابط المشاركه
شارك

حلقات قصيرة جدا ياهوبة

 

لا أظن ان خالد سيسافر ويمكن احمد يشك في تصرفات ضحى ويخبر صديقه ويعرفان الحقيقة وينقذاها

والولا ادهم لما ينكشف أمره يحاول يأذي خالد لكن يحيى سيدافع عنه ويقتل وادهم يدخل السجن ونرتاح منه ><

  • معجبة 1

شارك هذه المشاركه


رابط المشاركه
شارك

هههههه ضحكتى عليا يا ام المنذر اول مشفت ردك فكرته الحلقات ^^

 

ادهم فرحان ومعندوش دم

 

عادل كل حاجه انا طالع انام مبيشوفش صرفه وبيقول نفس الكلام اللى ادهم قاله بيقوله لاحمد

 

انا مش عارفه ضحى بتفكر ازااااااى عصبتنى جدا

هى مش خايفه على امها وعلى انهيارها ادامها !!!

ليه بتخلى الناس تفكر فيها انها بقت مش كويسه ليه

حاجه تعصب وتنرفز

 

ام خالد هتقعد لوحدها كده : (

 

ياترى احمد هيعمل ايه بعد معرف ان ادهم هيخطب ضحى

شارك هذه المشاركه


رابط المشاركه
شارك

الحلقات تزداد صعوبة

هوبة من فضلك طولي الحلقات

أو نزلي حلقات يوم الخميس والجمعة

أممممممم بصراحة حزينة ونفسيا مش قادرة أعلق أكتر من كده

سلمت يداكي يا هوبة

شارك هذه المشاركه


رابط المشاركه
شارك

السلام عليكم هبه

انا مش عارفه انتي بتعقبينا ولا ايه

مش كفايه حرقه الدم علي عمايل ادهم تقومي كمان تقصري الحلقات بالمنظر ده حتي الواحد مش عارف يلحق يطمن علي ضحي

ربنا يبارك لك زودي الاحداث شويه

بصراحه مش حاقول علي توقعي لان انتي بتخلفي كل التوقعات

بس يمكن ضحي حبت ادهم و عاوزة تغيروا للاحسن^__________^

بخرف مش كده

شارك هذه المشاركه


رابط المشاركه
شارك

نسيت اقول اني خايفه علي ام ضحي يجرالها حاجه من حسر قلبها علي ضحي وكمان صعبت عليا مش حاتفرح بضحي بفرح الي كانت عاوزاه وكمان مافرحتش بابنها يوم جوازته

الله يكون في عونها

طولي الحلقات بكره بقي خليكي حلوة

  • معجبة 1

شارك هذه المشاركه


رابط المشاركه
شارك

ليه كده يا ضحي تصرفاتها وحشة جدا

ازاي بنت زيها اتعودت تحكي لامها عن كل صغيرة وكبيرة طول عمرها ودلوقتي تخبي عليها بالطريقه دي مستغربه جداااااااااا

 

 

يا ريت علشاان خاطر خاطرنا بلاش خاطرنا بس. تطوللنلي الحلقات علشات قصرت اوووووي ينوبك ثواب فينا دا احنا يدوب نبدا نلاقيها خلصت

دا احنا بنبقا مستنينها طول النهار علشان نقعد نصرأها في اللرواقة بالليل بعد عناء الشغل نلاقيها قصيرة كده دي ما تنفعشي خالص احنا زعلانيييين جداااااااا.

شارك هذه المشاركه


رابط المشاركه
شارك

السلام عليكم.

----

أم البنات:

لا مش بتخرفي ولا حاجة. ما هو كل حاجة ممكنة مع خالتو هبة.

-----

جزاك الله خيرا خالتو هبة. ولعلمك الحلقات ملحقتش أعرف هي رائعة ولا لا، لأنها قصيرة ههه. تسلمي خالتو حلقات شيقة بوركت وفي الانتظار.

وتضامنا مع الحبيبات أطالب بأنك تزيدي الحلقات شوية .

---

عندي توقع بسيط: وهو ان ممكن في الآخر يكتشف خالد ان إللي عملته ضحى كان لأنها تحبه وخافت ان أدهم ينفذ تهديده، وبعد كده مش عارفة هيحصل ايه..

 

احمد في الظروف دي أحس ان مستحيل يفجع خالد وأمه فأخته كمان لمن يتزوج عليها.

وبانتظار ال ٣ حلقات خالتو...

شارك هذه المشاركه


رابط المشاركه
شارك

ولا يا حموووووووووووووو انت يا زفتتتتتتتتتتت

 

ايوة يا استاذ ساااااااااامي

 

تعالى رش مية قدام المحححححححححل

 

يا استاذ سامي احنا في الشتا والدنيا تلججججججججج , لو عايز مية استنى شوية يمكن تمطر

 

ايّوووووووووووه اعمل اللي بنقولولك علييييييييييه

 

حاضر يا استاذ ساااامي , هنجيبوا الخرطوم اهووووووو

 

 

 

 

اهو يا استاذ سامي , هنرشوا مية ونغرقوا الدنيا عشان خاطرك

 

اووووووووف

 

مالك يا استاذ سامي ؟ بتنفخ ليه ؟ انت حران ؟

 

اني هنطقققققق هنولععععععع

 

مالك بس يا استاذ سامي ؟؟؟؟؟؟

 

مش البت بتاعة المحلة كان معادها تيجي امبارح ؟

 

ايوة , ليه ؟

 

ليه ايه يا ولااااااااا انت مش عارف انها واخدة بضاعة بخمسة وعشرين الف جنيي وما دفعتش فلوسهااااااااااا

 

وماله يا استاذ سامي , وانت يفرق معاك الفلوس برضو ! كفاية معرفتها , معرفة الستات كنوزززز

 

وبعدين يا ولا يا حمووووووو , اني خايف البت ما تجيش والفلوس تروح عليااااااا

 

تروح عليك ازاي ! مش انت واخد عليها كومبيولات ؟؟؟؟؟؟؟

 

كمبيولات في عينككككككك اسمها كمبيالات يا ولااااااااا

 

اسمها عدلات يا سيدي مش مهم الاساااااامي , مش انت واخدها عليها وضامن حقككككككك

 

ايوة

 

طب اومال قلقان ليه !

 

طب بص يا ولا , لو ما جاتش من هنا لحد يوم الاربع اني هناخدك ونسافر المحلة ونقابلوها وناخدوا فلوسي من حبابي عنيهااااااااا

 

 

وماله يا استاذ سامي , اني تحت امرك , اني راجلك ونفدوكِ بروحي ودميييييييييي

 

هو احنا رايحين نحارب يا اهطططططططل !!!!!!! اجري يلا سيب الخرطوم اللي في ايدك ده وهاتلي الشيشة خليني نفشّوا فيها غلييييييييييي

 

هوا يا استاذ ساااااااااااااامي

 

 

 

 

 

 

 

 

دشششششششششششششششششششششششش

 

ايه ده ! كدة برضو يا نورهان تكسري الكوبااااااية !

 

وئحت

 

وئحت ! ههههه معلش يا حبيبتي , فداااااااكِ , بس ابعدي بقى عشان نلموا الإزاز لحسن تتعوري بعد الشر

 

ايه اللي وقع يا بت يا بدوررررررر

 

دي نورهان وقعت الكوباية يا ست اوسااااااااااا

 

بتوقعي الكوباية ليه يا بتتتتتتت , مش تخلي باااااااالك ! شوف يختي البت بتبصلي زي ما نكون مرات ابوها ازاااااااي

 

ههه فشر يا ست اوسااااااا دانتِ امها حبيبتهاااااا , مش كدة يا نورهااااااان ؟ مش ماما اوسا حبيبتك ؟؟؟؟؟؟

 

يأأأأأأأأأأأأأأأأ وحسسسسسسسة

 

وحشة في عينك بت قليلة الأدددددددددب , فكريني نحطولها شطة في بقها البت دييييييييييييي

 

يختي بعد الشر , ما تقوليش كدة قدامها لتصددددددق , البت خافت ومَسَكت فيا يا ست اوسااااااا , ما تخافيش يا حبيبتي , ماما حلوووووووة مش هتحطلك شطة ولا حااااااجة دي بتهزر معاااااااكِ اموووووه ههههه حبيبتي يختي هاتي حضن كبيرررررررررررر ههههه ايوة كددددددددددة اموووووووووه فين العروسة اللي كانت معاكِ

 

كوا

 

طب تعالي نجيبها من جوا ونلعبوا سواااااا هههه

 

ترررررررررررررررررررررررررررررررن تررررررررررررررررررررررررررررررررررررررررررررررررررررررررررن

 

افتحي الباب يا بدور وسيبك من البت واللعب مع البت وفوقي للشغل اللي وراكي شووووووووية

 

هو اني قصرت في حاجة يا ست اوساااااااااااا

 

ما ترديش عليا وتناطحيني كلمة بكلمة وروحي افتحي الباااااااااااااب

 

حاضر يا ست اوسا حاضررررررررررررر

 

 

ميييييييييييييييين

 

اني توحااااااااااااااا

 

اهلا وسهلا يا ست توحاااااااااا , الست توحا جت يا ست اوساااااااااااا

 

ييييييييييييي , اهلا يا خالتيييييييييي اتفضلييييييييييييييي

 

اني جاية اهو يا وسا , خدي يا بت يا بدور البرتقان والسافندي والموز دول دخليهم المطبخ

 

ههههه تعيشي وتجيبي يا ست توحااااااااا

 

 

ساالخير يا اوساااااااااا

 

اهلا يا خالتي مساء النووووووور , تعالي اقعدي ارتاحي وخدي نفسك

 

اه ياااااني , عاملة ايه يا بت يا اوسا

 

كويسة يا خالتي , ازيك انتِ وازي عم مرشدي ؟

 

اهو كويس , ما وراهوش الا الشخط والإمارة طول ما هو في البيت

 

هههه الرجالة كلهم كدة , سامي نفس النظام وربنا يا خالتي , طول ما هو قاعد في البيت ما بيبطلش طلبات وأوامر , ده حتى مطلع عين البت بدور في الطلبااااااااااات

 

يطلع عينها براحته , اومال بتدوها اجرة على ايه ! مش عشان تخدمكو

 

منورة يا خالتي

 

بوجودك يا اوسا

 

لكن ما قولتليش يعني انك جاية

 

لقيت نفسي فاضية ومش لاقية حاجة نعملوها قولت نيجي نطلوا عليكِ وع البت نورهان , اومال هي فيييييين

 

جوا مع بدور , بت يا بدورررررر هاتي نورهان تسلم على تيتة توحاااااااااا

 

حاضر يا ست اوساااااااااا , تعالي يا نورهان , تيتة جتتتتتتتتت ههههه

 

 

اهي نورهان اهيه يا ست توحاااااااا امشي تاتا يا نورهان وروحي ليتيتة

 

تيتاااااااااااااااااا

 

يختي اسم الله يختي يا حبيبة تيتتتتتة ههههه تعالي يا نورهان هاتي بووووووسة اموووووه البت مالها خاسة كدة يا اوسااااا

 

من كتر اللعب والتنطيط طول النهار , ما بتهمدش يا خااااااااالتي وما وراهاش الا التكسير والكركبببببببببة , اهي لسة كاسرة كوباية قبل ما انتِ ما تيجي مافيش بخمس دقااااااايق

 

يختي تكسر براحتهااااااا فداهااااااا هههه قمر يختي قمرررر امووووه

 

خدي البت دي وادخلي خليني نعرفوا نقعدوا مع خالتي على رواقة , وشوفي خالتي تشرب ايه

 

تشربي ايه يا ست توحااااااااا

 

عندكو سحلب يا بت ؟

 

اوماااااااااال , ما بيتقطعش من عندنا طول الشتا , اصل سي سامي يحب السحلب اوي وليلاتي يطلبه

 

طب اعمليلي كوباية يا بت وكتري المكسرات

 

حاضر يا ست توحا , هنغرقوه مكسراااااااااات ههه , نعملولك يا ست اوسا ؟

 

لا , اعملي لخالتي بس , روحي انتِ شوفي اللي وراكِ

 

حاضر يا ست اوسا , تعالي يا حبيبتي ههه

 

البت بنتك متعلقة بالشغالة اوي يا بت يا اوسا

 

ههه ايوة , كل اللي يجي هنا يقول كدة , اصل بدور هي المسؤولة عنها

 

اومال انت مسؤولة عن ايه يا بنت اختي

 

مسؤولة عن ابنك يا خالتي هههه

 

ههه ينيلك يا بت , ألا صحيح يا بت يا اوسا مافيش حاجة جاية في السكة ؟ مش ناوية تخاوي نورهان ولا ايه ؟؟؟؟؟؟؟؟

 

ايّوووووووووه يا خالتي هو اني لسة فوقت من ولادة نورهااااااان

 

دي بنتك ماشاء الله عليها كَبَرررررررررت , دي بتمشي وتتكلم وزي الفل ماشاء الله , دي عندها يجي سنتين ونصصصصصصصصص

 

ايّوووووووه يا خااااالتي , اني بنقولك لسة تعبانة من الولاااااادة

 

أيّوووووووووووه ما الستات كلها بتولددددددد يعني انتِ كنتِ أولهم ولا آخرهمممممم !!!!!!!

 

اني حالتي غير أي حد يا خاااااالتي , اني بطني فتحوهالي مرتين في يوم واحددددددد

 

ايّووووووووووووه يعني انتِ عشان فتحولك بطنك مرتين في يوم واحد هتقولي مش هنولد تاااااااااني !!!!!!

 

ييييييييييي يا خالتي ما تفضبها سيرررررررة , انتي جاية تقعدي تتونسي شوية ولا تعملي مشكلة وفي الآخر تقلبيها زعلة وتروحي تشتكيني لماماااااااااا

 

اني يا بت بنعملوا مشاكل يا بتتتتتتتت

 

يا خالتي ما نقصددددددش اني نقصدوا انك واحشاااااااني وحشاني اوي وعايزة نقعدوا نتونسوا معاكِ من غير ما ننكدوا على بعضضضضضضضض , السحلب بتاع خالتي فين يا بت يا بدورررررررررر

 

بنصبوووووووووووووووه

 

عن اذنك يا خالتي هنروحولها المطبخخخخخخخ

 

روحي يختي

 

اوووووووووف , ال يا قاعدين يكفيكو شر الجايين

 

 

 

 

 

 

 

 

 

 

بت يا بدوررررررر

 

اهلا يا ست اوسا ههه جاية المطبخ ليه ؟ اني كنت بنصب السحلب , هنحطوا عليه المكسرات ونوديه للست توحا على طول اهو

 

شهلي يا بت شهلييييييييي , خليها تطفح كوباية السحلب وتغووووور اووووووف عاملة زي الكابوووووووس

 

ليه بس كدة يا ست اوسااااااا , دي حتى الست توحا تبقى خالتك اخت امكككككككك

 

يا شيخة بلا اررررررف دي طهقتني في عيشتيييييييي على طول حاشرة مناخيرها في اللي مالهاش فييييييييه لو لقت حاجة جديدة تقول جبتوها ليه وايه لزومهاااااااا ودلوقتي من ساعة ما قعدت وهي ماسكالي موال الخلفة , هي مالها هي نخلف تاني ولا ما نخلفشششششششش

 

معلش يا ست توحا , ما انتِ عارفة ان سي سامي ابنها الوحيد ونفسها تفرح بعياااااااااله

 

يا شيخة انتِ كماااااااااان , روحي وديلها السحلب خليها تشربه وتشوف رايحة فييييييييين

 

 

 

 

 

 

 

منورة يا خالتي , السحلب عجبك ؟

 

حلو يا اوسا , يدوم العز يا بنت اختي

 

الله يخليكِ يا خالتي مممممممم اوووف باين عليها مش ماشية في سنتهاااااا , هتتغدي معانا يا خالتي ؟

 

طابخين ايه ؟

 

يا دي الغلب اللي انتِ فيه يا اوسااااااا , يبقى مش ناوية على مشيان , طابخين عدس يا خالتي

 

عدسسسسسسسس , بالهنا والشفا انتو , لسة كنت عاملاه لمرشدي امبارح

 

وفرتي

 

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

 

ده تليفوووووون , هنقوم نرد ع التليفون يا خالتي بعد اذنكككككككك

 

اذنك معاكِ

 

الوووو

 

ايوة يا بت يا اوسا اني امك

 

مامااااااااااا ههههه حبيبتي وحشتينييييييييي ما سَمَعتش صوتك امبااااااارح

 

ما كنتش فاضية , الولا ادهم هيكتب كتابه على بنت سميرة جنيدي يوم الخميس الجاي

 

ههههههههه والله !!!!!!!! الف مبروك يا ماماااااااااا

 

الله يبارك فيكِ يا بت

 

بتباركي لامك على ايه يا اوساااااااااااا

 

اصل ادهم خطب يا خالتييييييييييي

 

ايييييييييه !!!!!!! خطب من غير ما يقولولييييييييييييييييي !!!!!!!!!! اديني امك عشان ندوها كلمتين في جنابهاااااااااااا

 

هي توحا عندك يا بت ؟

 

هههه ايوة يا ماما , ما انتِ سامعاها بتزعق اهييييه , اصلها زعلت لما عَرَفِت ان ادهم خطب من وراها

 

اديني السماعة يا بتتتتتتتت اديني السماعة عشان نسمعوا سعاد كلمتين معتبرييييييييين

 

طيب طيب يا خالتي بالرررررراحة , خالتي بتشد مني السماعة , خدي اهيه معاكِ يا ماما , ايه يا خالتي عورتيني بضافررررررررك

 

اوعي يا بت اوووووووووعي , ايوة يا ست سعاد يللي عدمتي اختكككككككك ايه يختي , قالولك اختك ماتت وما لكيش اخت تشاوريهااااااااا

 

هههه الف بعد الشر عليكِ يا توحااااااااا , لسة والله يختي ما عملنا حااااااجة , الولا راح امبارح مع ابوه خطب البت واتفقوا على الخميس الجاي يكتبوا الكتاااااااااب

 

اومال ما قولتليش لييييييييه لا اتصلتي ولا جبتي سيرررررررة

 

والله كنت لسة هنكلموكِ عشان نقولولك استعدي انتِ والحاج مرشدي

 

هو مرشدي معزوم

 

اومااااااااال عادل هيكلمه عشان يقوله ع المعاد

 

هههههه السنين لفت ودارت يا بت سعاد وهتناسبي بنات جنيدي !

 

والله يختي اني لو علية لا عايزة نشوفوا سميرة ولا المدعوءة اختهاااااااا بس نعملوا ايه في الولا ادهم اللي ساب بنات اسكندرية كلهم وشَبَط في البت بنتهم

 

ههههههه وسميرة وافقت ؟

 

ايوة اومااااااال وافقت وفرحت فرحة الدنياااااااا , هي كانت تطول عريس زي ادهم لبنتهااااااااا !!!!!

 

ايوة يختي , صبرت وناااااالت , هنروحوا الساعة كام يا بت ؟

 

بعد صلاة العشا على طول

 

طب خلاص اني هنجيلك من صباحية ربنا عشان نهيصوا للولا شووووووية , هو صحيح الفرح امتى ولا كمان ناوين تعملوا فرح من غير زيطة زي بتاع احمدددددددد

 

ههه لا اطمني , ادهم ناوي يعمل فرح كبير اووووووي وهيعمل زفة اسكندراني تهز اسكندرييييييييية هههه هتبقى ليلة فرايحي

 

ههه ايوة كددددددددددة احنا عايزين نعوضوا فرح احمددددددد , داني هنرقصوا رقصصصصصصصصص

 

ههههه صاحبة واجب يختي , تعيشي يا توحااااا استعدي بقى والبسي احسن ما عندكككككك

 

اومال ايييييييه ههههه ده فرح ادهم الغاااااااالي ربنا يتمم بخير يا سعاااااااد

 

تعيشي يا توحااااااا , اني هنقفل دلوقتي ونبقوا نطلبوا البت اوسا بعدين , سلام

 

ماشي يا سعاد , الله يسلمك

 

 

 

 

 

 

 

 

 

 

 

 

 

 

 

 

 

انت قولت لاحمد يا عادل ان كتب كتاب اخوه يوم الخميس ؟

 

ايوة يا سعاد , روحتله المينا وقولتله

 

مممممم هيجي ؟

 

خلي ادهم يعزمه

 

هنقولوله , والبت بنت موردي عاملة ايه مع احمد يا عادل ؟

 

يا شيخة اسكتي , بت لخمة كدة , قاعدة زي الخيبة لا بتصد ولا بترررررررد , مش عارفة تبلف الولااااااا

 

يمكن مكسوفة إكمن ابوها قاعد في وشها ليل نهار يا عادل ,لكن لو ابوها مش موجود اهي هتفك شوية وتعرف تلاغي الجدع ولا تتدلع عليه هههه ساعتها هيبقى خاتم في صباعها وهيرمي التانية ويتجوزهاااااا

 

لالالالا يا سعاد , البت مش من الصنف ده , دي بت مؤدبة ومتربية

 

قصدك ايه يا عااااااااادل , قصدك ان اني مش مؤدبة ولا متربية عشان كدة عرفت ناخدك من كريمة جنيددددددي

 

ايّوووووووووه يا جدعاااااااااااااان , هو كان حد جاب سيرتك دلوقتي يا سعااااااااد ! اني نقصد ان البت لخمة ومش مدردحة , وبعدين مش حلوة اوي يعني , لكن انت يا باشا حلاوتك هي اللي رمتني في بحور هوااااااك ههههههه

 

ههههههههه ايوة كدة يا عادل اعترف ان انت اللي ضحكت عليا واتجوزتني واني مش عايزة ههههههه

 

ههههههههههه ماشي يا قمر إن كان ده يريحك

 

اني مافيش حاجة هتريحني غير لما نشوفوا حتة عيل للولااااااااا , هي جت على ابني ولا هو اللي وَقَع من قعر الاُوفّة عشان ما يطلعش بحتة عيل يسند ضهرررررره , اسمع كلامي يا عادل , البت بنت موردي عاملة الف حساب لأبوهااااااا , قعد موردي من الشغل وقوله مرتبك ماشي وانت في بيتك وكفاياك شغل وشقى لحد كدة , جيبهاله من ناحية مصلحته عشان نشوفوا احنا كمان مصلحتنا

 

يعني فِكرك كدة يا سعاد ؟ نقعدوا موردي من الشغل عشان البت تاخد راحتها ؟؟؟؟؟؟

 

ايوة يا عااااااادل , وبكرة تشوف البت هتبلف الولا وتشقلب كيانه ولا لأ هههه والولا احمد طيب ومش هياخد في ايدها غلووووووة

 

خلاص يا سعاد , يبقى نقعدوا موردي من الشغل , بعد كتب كتاب الولا ادهم اني هننزلوا المينا ونقولوا لموردي ما يجيش تاني

 

 

 

 

 

 

 

 

 

 

هياااااااااااااام

 

اهلا يا احمد يا حبيبي

 

ازيك يا هيومة

 

الحمدلله , غير هدومك يا حبيبي على ما نحطلك العشا

 

مش هتتعشي معايا ؟

 

لا , ماليش نفس

 

واني كمان ماليش نفس يا هيام

 

لا يا احمد , انت شقيان طول النهار يا حبيبي ولازم تاكل كويس

 

هيام

 

نعم يا احمد

 

اني مش عارف نقولك ايه , لكن في حاجة لازم تعرفيها

 

في ايه يا حبيبي , قلقتنيييييييييي

 

ضحى اتخطبت

 

اييييييييييييييييييه ! اتخطبتتتتتتتتت !!!!!! اتخطبت يعني ايه ! هي لَحَقت !!!!!!! هو ايه الحكاااااية , يبقى اكيد فسخت الخطوبة عشان كان في واحد تااااااااااني , اتخطبت لمييييييييييين ؟

 

.................................... ادهم

 

ادهمممممممممم ! ادهم اخووووووووووووك ؟؟؟؟؟؟

 

........... ايوة

 

ايوة ايوة بقى هي الحكاية كدددددددددددة !!!!!!! اخوك زغلل عنيها بالفلوس راحت فاسخة الخطوبة ورمت الشبكة لاخويااااااااا اهئ اهئئئئئئئئئئئئئئئ يبقى سابت اخويا عشان ما تتعبش ولا تتحمل معاه لحد ما يقف على رجله اهئ اهئئئئئئئئئئئئ دورت على الفلوس واشترت راحتها على حساب كسر خاطر اخويا اهئ اهئئئئئئئئئئئئئ يا عيني عليك يا خااااااالد اهئ اهئئئئئئئئئ يا حبيبي يا خوياااااااااا اهئ اهئئئئئئئئئئئ نفسي ناخدوه في حضني ونطبطبوا عليه يا احمد اهئ اهئئئئئئئئئئئئئئئئ

 

بس يا هيام ما تعمليش في نفسك كدة , ما تظليمهاش وتقولي انها مرتبة مع ادهم الموضوع , جايز بعد فسخ خطوبتها ادهم اتقدملها وهي وافقت

 

بالسرعة دددددددي ! تفسخ خطوبتها على اخويا وفي نفس الاسبوع تتخطب لاخووووووك , استني استنى ايووووووة افتكررررررررت افتكرت يا احمد , فاكر لما قولتلك من فترة اني اتصلت بضحى واول ما ردت قالت ايوة يا اوسا ؟؟؟؟؟؟؟؟؟

 

ايوة فاكر , بس ايه علاقة الموقف ده بللي حصل

 

علاقته اننا كنا مصدقين ان ضحى قطة مغمضة وطيبة وغلبانة زي ما بيبان عليها , لكن اللي عملته يبين قد ايه هي غشاشة وملاوعة وبتاعة مصلحتهااااااااا , اتاريها سمن على عسل مع اختك من زمااااااااااان اهئ اهئئئئئئئئئ كانت مخطوبة لاخويا وهي بتخطط عشان تتجوز غيره اهئ اهئئئئئئئئئئ هي كانت واخداه كوبري عشان تغيظ اخوك ولا ايه !!!!!!!!!

 

لالالالالالالالا هيام , ما احبكيش تفكري بالطريقة دي , الله يسامحها ويسهلها يا ستي وخلاص , ما تشغليش بالك انت

 

وخالد عَرَف انها اتخطبت يا احمد ؟

 

لا , اني ما قولتلش لحد الا انتِ , ابويا كان عندي في الشركة النهاردة وقالي الخبر , وقالي ان كتب الكتاب يوم الخميس

 

ممممم وانت هتروح طبعا

 

لا يا هيام , مش هنرووووووح , نروح ازاااااااااااي ! اني نحضر كتب كتاب الانسانة اللي طول عمر خالد بيحلم بيها ونشوفوها وهي بترتبط بواحد تاني وصاحبي لسة في احزانه عليهاااااا ! مش اني اللي نعلموا كدة في خالد يا هياااااااام

 

ربنا ما يحرمنيش منك يا احمد اهئ اهئئئئئئئئئ الله يكون في عونك يا خالد لما تعرف خبر زي ده

شارك هذه المشاركه


رابط المشاركه
شارك

صلوا على خير الأنام رسولنا الحبيب محمد عليه الصلاة والسلام

 

 

اللهم صل على محمد وعلى آل محمد , كما صليت على إبراهيم وعلى آل إبراهيم

 

وبارك على محمد وعلى آل محمد , كما باركت على إبراهيم وعلى آل إبراهيم

 

في العالمين إنك حميد مجيد

شارك هذه المشاركه


رابط المشاركه
شارك

انت جيت يا خالد

 

ايوة يا امي , السلام عليكم

 

وعليكم السلام يا حبيبي , نجيبولك تتعشى ؟

 

لا يا امي , اني مش جعان

 

خالد .............. أأأ

 

عايزة تقولي ايه يا امي ؟

 

اني ...... اني . اني كنت عايزة نعرفك حاجة بس مش عارفة نقول ولا ما نقولش

 

هه ضحى اتخطبت لادهم اخو احمد , مش ده اللي عايزه تقوليه ؟

 

مين قالك ؟

 

هيام اتصلت وقالتلي

 

وانت مش زعلان يا ابني ؟

 

هه نزعل ليه يا امي , كل واحد حر , هي شايفة سعادتها مع ادهم , يبقى خلاص .................. ربنا يسعدها

 

يا حبيبي يا ابني !!!!!!!!!! يا ريت يا ابني كان بإيدي نسعدك واني ما كنتش نتأخر عنك ابدا اهئ اهئ اهئئئئئئئئئئ

 

امي , سعادتي هي في رضاكِ عني , راضية عني يا امي ؟

 

اهئ اهئئئئئ راضية عليك من قلبي يا حبيبي

 

يبقى خلاص ههه اني اسعد واحد في الدنيا يا ست الكل

 

ربنا يسعدك يا ابني ويرضى عليك ويحبب فيك خلقه

 

آمين يا امي , اتعشيتي ؟

 

لا

 

ليه بقىىىىىىى

 

ومين له نفس يا ابني بعد اللي حصل ! اهئ اهئئئئئئئئئ

 

هه اني ليا نفس , ايه رأيك بقى اني اللي هنحضروا العشا وناكلوا مع بعض , عشان لما نسافر تفتكريني بحاجة حلوة هه ايه رأيك يا ام خالد يا عسل ؟

 

اهئ اهئئئئئئ كل ما بتجيب سيرة السفر قلبي بيوجعني اهئ اهئ اهئئئئئئئئئئئئئئئ

 

هههه خلاص مش هنجيبوا سيرته لحد ما نسافروااااا اضحكي بقى يا امي , بالله عليكِ عايز نشوف ابتسامتك الحلوووووووة

 

هه

 

ههههههه ماشي يا امي , رغم انها مش من قلبك بس هنعدوهالك , عن اذنك هنغير هدومي وندخل نحضر العشا

 

طيب يا ابني , الله يصلح حالك ويرضى عليك يا حبيبي , ليه كدة بس يا ضحى يا بنتي , ده خالد ابني طيب والله اهئ اهئ اهئئئئئئئئئئئئ الله يسامحك يا بنتي الله يسامحكككككك

 

 

 

 

 

 

 

 

 

 

 

 

 

وبعدين يا حامد , هنسيبوا البت كدة يا حااااامد ؟ ده ابن عادل هيكتب عليها يوم الخميسسسسس , هنفضل كدة لا حول ولا قوة ولا نعملوا حاجة ونسيبوا البت تضيعععععع

 

هي صاحية ولا نايمة ؟

 

اني عارفة بيها صاحية ولا نايمة !!!! اهي في اوضتها ليل نهار ما بتخرجش منهاااا

 

طيب , اني هنروحوا نكلموها بالحسنى يمكن تعقل

 

روح يا حامد , الله يهديكِ يا بنتي ويزيل الغشاوة اللي على عنيكِ دددددي , يا اعتمااااااااد شغلي سورة البقرة يا اعتماد عشان تصرف الشياطين من البيتتتتتت

 

حاضر يا حاجة , اني كل يوم بنشغلوها من غير ما تقولي , ربنا يصرف عنكو الهم والنكد ياااااااارب

 

 

 

تن تن ضحى يا بنتي

 

اتفضل يا بابا

 

انتِ صاحية يا حبيبتي ؟

 

ايوة يا بابا

 

اومال ليه ما بتخرجيش تقعدي معايا ومع والدتك ؟ دانتي كنتِ اول ما بتسمعي صوتي بتيجي جري من اوضتك , خلاص يا ضحى , ما بقاش يفرق معاكِ وجودي من عدمه !!!!!!

 

اهئ اهئئئئئئ بالله عليك ما تقولش كدة يا بابا , حضرتك وماما وأمير كل حاجة في حياتي , اني ما نقدرش نعيشوا من غيركو

 

ولما بتحبينا اوي كدة بتزعلينا ليه يا ضحى ؟

 

..................................................................

 

ما بتتكلميش ليه ؟ ليه حاطة وشك في الأرض وبتبكي ؟ ردي عليا يا بنتي

 

اني ما نقصدش نزعلك ولا نزعلوا ماما , اني كل الحكاية اني اخترت الراجل اللي هنعيشوا معاه

 

يا بنتي ده مش راااااااجل , ده ما يتأمنلوش ولا يتعاش معاااااااه , يا بنتي لازم تعرفي ان الولا ده طول عمر ابوه بيشتكي منه ومن قلة حيااااااه , الولا لا بيحتَرَم كبير ولا صغيرررر , ما بيحترمش ابوه اللي خيره وافضاله عليييييه , من صغره بايظ وبيشرب سجاير وعينه بجحة وبيبجّح في ابووووه , غير احمد اخوه , وغير أمير اخوكِ وغير خاااااااااالد

 

خالد , اهئ اهئ اهئئئئئئئئئئئئ

 

بصي يا بنتي اني مش بنغصبوا عليكِ عشان ترجعي لخالد , لان باختصار خالد عمره ما هيوافق يرجعلك بعد اللي عملتيه , لكن اني ما ينفعش نرموكِ لابن عادل يبهدلككككككك , اني عندي انك تقعدي من غير جواز ولا اني نجوزك لولا زي دددددده , انتِ غالية اوي يا ضحىىىىىىى , انتِ وأمير اخوكِ عنيا اللي بنشوفوا بيهااااا , انتو الفرحة اللي في حياتي بتحلي مرار الدنيا , ليه يا بنتي عايزة تفجعيني فيكِ !!!!!! يا بنتي اني زي ما قولتلك مش بنغصبوا عليكِ , اني عمري ما غصبت عليكِ في حاجة يا ضحى , وانتي كمان عمرك ما تعبتيني ولا تعبتي والدتك , طول عمرك ما بتقوليش غير حاضر ونعم , ايه اللي جرالك يا بنتي وبدل حالك !!!!!!!!

 

يا بابا اني مش عايزة نزعلك ولا نزعلوا ماما اهئ اهئئئئئئ بس اني خلاص اخترت , عشان خاطري يا بابا ما تفتحش معايا الكلام في الموضوع ده تاني , اهئ اهئئئ اني كتب كتابي على ادهم يوم الخميس اهئ اهئئئئئئئئ يعني هيكون اسعد يوم في حياتي اهئ اهئئئئ بلاش انتو تكونوا زعلانين عشان ما اتنكدش بسببكو في يوم زي ده اهئ اهئئئئئئئئئئئئئئئئئئ

 

.............................................................

 

بابااااا استنى يا باباااااااا اهئ اهئ بابا سابني ومَشَى من غير ولا كلمة اهئ اهئئئئئئئئ مش بإيدي والله اني نزعله اهئ اهئئئئئئئئئئئ منك لله يا اوسا انت وادهممممم ربنا ينتقم منكوووووو اهئ اهئئئئئئئئئ يا ريتني سَمَعت كلامك يا ماما يا ريتنيييييييييي اهئ اهئئئئئئئئئئئئئئئئئئئ , حياتي كلها اتدمرت عشان خالفت أوامرك يا أمي اهئ اهئئئئئئئئئئئئئئئئئئئئئئئئ

 

 

 

 

 

 

 

 

 

 

 

 

 

 

 

 

 

ترررررررررررررررررررررررررررررررررررررررررررررررررررررررررررن

 

 

افتحي لسامي يا بدورررررر ههههه

 

ماشي يا ست اوساااااااا

 

اهلا يا سااااااامي هههههههه مش امك كانت هنا النهاردة هههههه

 

الف بركة يختي

 

مالك يا ولا

 

ايّوووووووووووه اوعي من وشي الساعة دي يا بدارة عشان اني مش طايق رووووووووحي

 

هو ماله الجدع ده !!!!!!!!

 

 

 

ههههه حمدالله ع السلامة يا سااااااااااااامي

 

الله يسلمك يختي

 

امك كانت هنا النهاردة

 

ايّوووووووووووه هو كل ما حُرمة تشوفني تقولي امك كانت هنااااااا ! ما جبتوش التليفزيون يصور لييييييه !!!!!!!

 

ايّوووووووه مالك داخل بزعابيبك كدة ! داني عندي خبر هيفرحكككككككك ادهم اخويا هيتجوززززززززز

 

واني مالي اني ما يتجوز ولا يولعععععععععععع

 

ايّوووووووووووه بعد الشر على اخوياااااااا , مالك كدة داخل مش طايق كلمة من حدددددددد

 

سيبيني يا اوسا سيبيني الساعة دي بدل ما نرتكبوا جناااااااااااية

 

طب يا خوياااااااا ماشي , اني هنرجعوا نتفرجوا ع التليفزيون , واني شايلة همك ليييييييييه !!!!!! عجايب والله

 

يا شيخة داهية تاخدك وتريحنييييييييييي انتِ يا بت يا بدورررررررررر

 

ايوة يا سي سااااااااااامي بنسخنوا الأككككككككككل

 

مش عايز نطفححححححححححح , هاتيلي الشيشة وحطيهالي في البكوووووووووونة

 

ايّوووووووووووه هتشرب شيشة في البلكونة في عز التلج ده ! دانت تنشف ونصحوا نلاقوك متجمددددددد

 

وانت مااااااااااااااااالك , اعملي اللي بنقولولك علييييييييييه

 

ايّووووووه بيزعق ليه الجدع ده , ماشي يا سي ساااااااااامي

 

 

 

 

 

 

 

 

 

الشيشة يا سي سامي

 

مالك بتتنفضي كدة ليه يا بت ؟

 

الدنيا سااااقعة ساقعة اوووووووووي

 

 

طب اقعدي دلكيلي رجلي

 

نعمممممممممممممممممم هو البرد جابلك سخونية ولا ايه !!!!!!!! اني داخلة ننااااااااام تتصبح بالخيررررررررر

 

 

روحي داهية تاخدك انتِ كماااااااان جوز حريم ما لهومش لازمة , يجوا اللي بيحسدوا الراجل اللي متجوز اتنين يشوفوااااااااا , في واحدة تسيب جوزها في الساقعة وتدخل تنام وتتغطى !!!!!!! ااااه ايه السقعة دي ! ايه اللي اني مهببه دددددده ! حد يشرب شيشة في الجو اللي ينشف الدم في العروق ددددددده , ما هو لو في خير في معزة من اللي متجوزهم كانت قالتلي لا يا حبيبي اني نموت ولا نسيوك في الساقعععععععة , لكن ما حدش بيفكر غير في نفسسسسسسه واحدة همها تاخد فلوس وتحوش والتانية همها تاخد فلوس عشان تجيب شققققققة ااااه لالالالا اني مش قادر نقعد وادي الشيشة المدعوءة اهييييييييه , ايه صورايخ التلج ددددددي , نقفلوا شيش البلاكونة وندخلوا نتخمدووووووووا. ايّوووووووووه ع التلج يا جدعااااااااااااااان

شارك هذه المشاركه


رابط المشاركه
شارك

ازيكو يا بنات وحشتووووووني

 

امبارح جيت ارد عليكو الصفحة قفلت ههههه اساسا بحط الحلقات بأعجوووووبة وبصبر طوووويل

 

لان كل ما احط الحلقة الصفحة تقفل والحلقة ما تتحطش لان عندي مشكلة في الويندوز , يعني بيطلع عينييييي

 

بالنسبة للحلقات فهي طويلة وكويسة جدااااااااا

 

انتو بس اللي عشان يوم الاربع نزلت حلقات مكثفة اتهيألكو ان دول قليلين ههههههه

 

معلش يا بنات والله انا عاملة خطة زمنية للحلقات ما اقدرش ازود فيها , الشهرين اللي انقطعت فيهم كتبت فيهم حلقات كتير الحمدلله ودول اللي بنزل منهم على ما اكتب الجديد

 

لاني بحس اني مرتاحة نفسيا ان عندي حلقات كتير ما نزلتش وده بيخليني اكتب الجديد وانا مطمنة ومش متوترة

 

لاني لو نزلت كل اللي عندي في وقت قصير وفي نفس الوقت لسة ما انهتش الحلقات بالكامل هيبقى عندي حالة قلق وعصبية لاني مطلبة بحلقات يومية لسة ما جهزتش

 

وانا محتاجة الراحة النفسية عشان اتناول كل الشخصيات واخلص حكاياتهم في هدووووء , وليكو عليا لما اخلص كتابة الحلقات خااالص هزود الكم ان شاء الله

 

والله شغالة بكل طاقة وجهد عشان اكمل الحكايات , شكلنا كدة هنتسلى لحد رمضان مع ابطال خلف هذه الجدران هههه

 

الله المستعان

 

نسأل الله التوفيق ونطلب منه العون

 

 

اسيبكو مع الحلقات ويارب تعجبكم يا قمراااااااااات

 

في ناس غايبين عن التعليقات وهما عارفين نفسهم , فياريت يجوا بالذوق احسن ومافيش داعي للجرجرة في الاقسام هههههه

  • معجبة 1

شارك هذه المشاركه


رابط المشاركه
شارك

ضحى كدة شكلها مش ناوية تعرفهم الحقيقة

فأكيد الموضوع هينكشف من حد غيرها.

 

هى خائفة من قول الحقيقة لأنها خائفة على خالد وعلى أخيها

هل هذا يجعلها توافق على الزواج من رجل لا يتقى الله فى أقواله وأفعاله وهى تعرف ذلك؟!!

الزواج ليس بالأمر الهين حتى تتساهل هكذا !!

،، فلربما تتزوج الفتاة برجل بلا دين ولا أخلاق وتكون

موافقة عليه بملء إرادتها ثم بعد الزواج تتمنى أن لو كانت ماتت قبل أن تتزوجه لكان أفضل لها.

 

فكيف بضحى وهى فى قرارة نفسها ترفضه أشد الرفض !!

 

إلا إن كانت تخفى فى نفسها أمراً ستفعله لتنجو من هذه الورطة ولا أظن ذلك

لأن أهلها أكثر حكمة منها للتصرف فى مثل تلك الأمور بالتأكيد.

  • معجبة 1

شارك هذه المشاركه


رابط المشاركه
شارك

لا أدري ضحى على ماذا هي خائفة؟!!

لو أخبرت أهلها أكيد سيلاقون حلا لها والكل سيساعدها

على الأقل لن يظن بها أي واحد سوءا وسيكونون بجنبها

 

والذي مستغربة منه كيف توافق على فرح وهو سيكون فيه رقص وغناء !! وهل والداها سيحضران؟

مجرد التفكير في الأمر يقشعر بدني > < منك لله يا أهدم هدمت أسرة محبة بسبب طيشك

شارك هذه المشاركه


رابط المشاركه
شارك

ضحى لم تعلم بعد بان عرسها لن يكون اسلاميا، فالاتفاق تم فقط على كتب الكتاب... ولا ادري ماذا ستكون ردة فعلها وقتها... لكن اذا تم كتب الكتاب واستمرت في استسلامها ورضوخها للامر فاعتقد انها ستبقى سلبية في موضوع الحفل ايضا.... قلبي ليس مطمئنا لك يا هبه .. ففي مسلسل زوجتي والمفتاح زوجت ابنة حافظ باشا (لا اذكر الاسماء) لذلك الرجل الذي فاق ادهم في سوئه ... ثم عملت على انقاذها منه .... ترى ماذا اردت لضحى؟ وكيف ستحلين الموقف بعد كل هذا التعقيد؟ الله اعلم ... ها نحن ننتظر..

شارك هذه المشاركه


رابط المشاركه
شارك

ضحى نفسي اخانقها في وحدة عاقلة تترك خالد المتربي عشان ادهم المايع هددها طيب ما تحكي لاهلها وتخلص همة يلاقوا حل وبعدين مع هالمشكلة الي ما عايزة تنحل

شارك هذه المشاركه


رابط المشاركه
شارك

ضحى لم تعلم بعد بان عرسها لن يكون اسلاميا، فالاتفاق تم فقط على كتب الكتاب... ولا ادري ماذا ستكون ردة فعلها وقتها... لكن اذا تم كتب الكتاب واستمرت في استسلامها ورضوخها للامر فاعتقد انها ستبقى سلبية في موضوع الحفل ايضا.... قلبي ليس مطمئنا لك يا هبه .. ففي مسلسل زوجتي والمفتاح زوجت ابنة حافظ باشا (لا اذكر الاسماء) لذلك الرجل الذي فاق ادهم في سوئه ... ثم عملت على انقاذها منه .... ترى ماذا اردت لضحى؟ وكيف ستحلين الموقف بعد كل هذا التعقيد؟ الله اعلم ... ها نحن ننتظر..

 

 

لقد فكرت مثلك أيضاً فى قصة زوجتى والمفتاح وذاك الرجل الذى تزوج بشريفة على ما أتذكر

ولكنى وجدت الأمر يختلف إذ كان والد شريفة ووالدتها وهى أيضاً غير ملتزمون كما أن أبيها

كان متزوج عرفى بالراقصة وكان يشرب الخمر ،،

فكأن الله تعالى يخلص منه مايفعله ببنات الناس من ابنته...فكما تدين تدان.

 

أما فى حالة ضحى فهى وأسرتها ملتزمون والحمد لله فكأن ما يحدث الآن بمثابة ابتلاء لهم .

((إلا إن كانت هبة لها تفكير آخر فى مصير ضحى.))

 

والله أعلم.

شارك هذه المشاركه


رابط المشاركه
شارك

بما ان هبة جعلت الحلقة الثانية اليوم قصيرة فأكيد هناك أحداث مثيرة لم تصلح لوضعها اليوم وأجلتها لحلقة الغد

زانتبهوا يا حلوات ان غدا الاربعاء ويوم الخميس والجمعة هبة تكون اجازة

شارك هذه المشاركه


رابط المشاركه
شارك

جمييل ما كتبت يا هبهوبه

و اللهجة الاسكندراني المسيطرة

علي الحوار جميلة جداً

رجعتيني سنين كثيرة للوراء يا هبة

حينما كنا نزور الاهل والأحباب هناك

الست أم أدهم صعب أوي

حد يعمل كده في أبنه

و لا يتقي المحارم و تخررب البيوت

لهذا السبب ابنها أدهم طالع شرير

لإنه نشأ في هذا الجو الغير ملتزم

و أوسا أخلاقها صعب حتي مع خالتها

تربية أمها و أبوها زي أدهم

منتظريين بقية الحلقات

شارك هذه المشاركه


رابط المشاركه
شارك

السلام عليكم ورحمة الله وبركاته

^__________^

بصراحة ومن غير مجاملة ..طلعت استاذه وعرفت تخالفي توقعات الجميع : ))))

 

أتفق مع الأخوات إن ضحى أخطأت ومازالت ..

لا أدرى لماذا لا تفهم الفتيات أنه ليس هناك في العالم كله من يحب الأبناء أكثر من آباءهم

تتخيل الفتاة أنها إذا وقعت في خطأ أنها ستستطيع حله بنفسها ولا تدري أنها تبدأ سلسلة من الأخطاء لا نهاية لها

والله المستعان ...

 

كلمة والد ضحى إن أدهم عمره ما هايرجع ليها بتخلي فيه احتمال وحيد

إنها فعلا هاتكمل للنهاية ..وستتزوج أدهم

نتابع معك يا حبيبة : )

شارك هذه المشاركه


رابط المشاركه
شارك

ربنا يهديك يا ضحى

 

هيام مممم غلط انها ظنت كده بضحى

 

واوسا هتاخد جازئها هى واخوها إن شاء الله

 

وكلامى زى حواء

 

 

لا أدري ضحى على ماذا هي خائفة؟!!

لو أخبرت أهلها أكيد سيلاقون حلا لها والكل سيساعدها

على الأقل لن يظن بها أي واحد سوءا وسيكونون بجنبها

 

والذي مستغربة منه كيف توافق على فرح وهو سيكون فيه رقص وغناء !! وهل والداها سيحضران؟

مجرد التفكير في الأمر يقشعر بدني > < منك لله يا أهدم هدمت أسرة محبة بسبب طيشك

تم تعديل بواسطة سَارّه مُحَمّد

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×