اذهبي الى المحتوى

المشاركات التي تم ترشيحها

السلام عليكم ورحمة الله وبركاته

 

أناهنا ياهبه : )

ولكننا فشلنا فى التوقعات فقلنا نتابع بصمت أفضل ^ ^

 

ولكن عندى إحساس فوق 90% إن ضحى لن تكون لأدهم رغم كتب الكتاب

فقد قال الله تعالى : الطيبون للطيبات والخبيثون للخبيثات

وأدهم معروف بما فعله وما يفعله ليس من الطيبين فى أقواله ولا أفعاله،،

ربما لو انصلح حاله قبل أن يخطبها لقلنا ممكن،

 

ولابد أن يجازيه الله على أفعاله فى الدنيا قبل الآخرة

وربما ما حدث يكون عقاب من الله له ...كيف؟

ممكن يحدث أى شيء يتفرقا بعده بالطلاق فيكون الموضوع أصعب عليه

لأنه فى الأول كانت بعيدة عنه وكان يتمنى أن تكون مخطوبته

أما بعد ذلك فيتفرقا بعد أن عقد عليها وحقق بعضاً من أمنيته فيكون الأمر أشد

إذ ليس كل شيء بإرادته بل بأمر الله.

 

 

بدارة أظن أن قصتها ستبدأ بالإنكشاف.

 

أوسا كل إهتماماتها هى الأموال وفقط ؛ أبوها يبعث لها مصروفاً شهرياً لأنها تخشى

على حقوقها من أحمد (كما يتهيأ لها) ؛ وأيضاً تأخذ من أدهم أموالأ مقابل ما تفعله له غير

مبالية بحلال أو حرام( المهم الأموال)

وغاضبة عندما طرد زوجها لماذا؟... هل لأن والده أهانه أو لأن زوجها ضيع أموال والده...كلا!

بل خائفة من أخوات زوجها والإرث وهذا الكلام.... وفى النهاية ماذا ستجنى عندما تعلم بزواج زوجها وأنه كان

لا يرغب بها بل تزوجها هو الآخر لأموالها؟؟ وفضل عليها الخادمة التى لا تملك ماتملك هى؟؟

وساعتها ربما تطلق ،،، فلتنفعها إذاً أموالها !!!!

شارك هذه المشاركه


رابط المشاركه
شارك

@@ريحانة زوجي

 

حمداً لله على سلامتك ياغالية ،

عمرة مقبولة إن شاء الله : ))

 

ولكن أين الهدايا ؟؟؟

 

-_- <3 .

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

^__^

جميلة الحلقات ..

وفعلا أكتر حاجة اتأثرت بيها جدا ..بطة

رغم فقرها وحاجتها إلا أنها لم ترضى إلا بالحلال

توقفت أمامها كثيرا

فكم نرى من أغنياء يأكلون الحرام ولا يتورعون عنه ..وهؤلاء المحرومين هم من يتعففوا

 

سامي ... مع إني مش بارتحله ...بس حاسة إنه فيه خير كبير ..بدليل حبة لبدور

 

أوسا ..كمية شر غير معقولة ..

 

شوقية ..فاكهة الحلقات ...تعليقاتها قنابل موجهه : )

 

أخت بدور ( نسيت اسمها ) يعني هي تخون الأمانه وبعد كده تيجي تشتكي ؟؟؟

 

وقفه مثيرة ...أظن خالد هايسلم على حامد بأدب كعادته

بارك الله فيك هبة ..ونتابع معك : )))

  • معجبة 1

شارك هذه المشاركه


رابط المشاركه
شارك

هبه وبعدين معاك ليه كل الطيبين في المسلسل ده مظلومين و بياخدوا علي قفاهم و اولهم بهيره و معاها احمد و كمان بداره

كان المفروض لو حاتساعد جوزها تديله بس الخمسه والعشرين الف و تفضل شايله الباقي

وبعدين بقي في حرقة الدم علي الطيبه الزياده دي

أممممممممممممم فعلا

شارك هذه المشاركه


رابط المشاركه
شارك

السلام عليكم ورحمة الله وبركاته

 

وأخيرا عدت بفضل الله:)

هبة الحبيبة كيف حالك وحشتيني كثيرا:)

جميع الأخوات اشتقت إليكن كثيرا.. صدقا أحبكن جميعا في الله

 

ما شاء الله مسلسل رائع وشيق جدا

أحداث وشخصيات كتيير اللهم بارك

 

جزاك الله خيرا هبة وجعل جهودك الطيبة في ميزان حسناتك اللهم آمين:)

  • معجبة 1

شارك هذه المشاركه


رابط المشاركه
شارك

التعقيب علي الحلقات في رد آخر إن شاء الله

شارك هذه المشاركه


رابط المشاركه
شارك

أبدأ من حيث انتهيت : )

ضحي..

ما هي فيه ابتلاء صعب جدا، عافي الله بنات المسلمين من مثله اللهم آمين

وحسبنا الله ونعم الوكيل في أمثال أدهم

لكن ضحي أخطأت برضو .. جايز تعاطفت مع أوسا وصدقتها وحبت تخفف عنها عن طريق كلامهم بالتليفون_ مع إن ده مخالفة لأوامر والدتها _ ، لكن تكذب علي والدتها وتخرج بمفردها لمكان لا تعلمه، هذا هو الخطأ بعينه

أري أن هذا هو الخطأ الحقيقي الذي تدفع ثمنه ضحي

كان ممكن في الموقف ده تخبر والدها مثلا لمساعدة أوسا ، كانت معرفة أهلها بخطئها في محادثة أوسا دون علمهم أهون كثيرا

 

بالنسبة لأنها تخبر أهلها بتهديد أدهم فالموضوع ليس بالهين

كيف تخبرهم بمخالفة أوامرهم إلي هذا الحد وبعقد الزواج العرفي

فضلا عن خوفها علي كل من حولها من بطش عديم الأخلاق والضمير هذا : (

الصواب في الأمر أن تخبرهم ، ولكن في مثل هذه الأمور الصعبة لا يستطيع الشخص غالبا أن يحكم عقله ، بل يكون شاردا .. حتي أنها لم تفكر في صلاة استخارة

 

نفس الوضع بالنسبة لأهلها فقد فقدوا صوابهم من وقع المفاجأة حتي أنهم لم يفكروا في تأخير عقد الزواج ربما يعلموا حقيقة الأمر أو يفكروا في أي حل

بصراحة مش عارفة أأسف لوضعهم أكثر أم لضحي أكثر : (

والله المستعان

 

بالنسبة للزواج فتوقعي أنه لن يتم إن شاء الله

فوعد الله هو أن " الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ.." آية 26 ، النور

أتوقع أن يكون الشهر المتبقي علي موعد الفرح حافل بالأحداث المثيرة : )

كمان الشقة مازالت في انتظار خالد فربما يعود ويتم زواجه من ضحي بعد أن تتضح الأمور وينال أدهم جزاءه

 

أم خالد صعبانة علي جدا خاصة بعد سفر خالد

سبحان الله كل حاجة انقلبت رأسا علي عقب بسبب طمع أدهم فيما ليس له وانعدام أخلاقه تماما

القاعدة أن الغاية حلال والوسيلة لازم تكون حلال

ولكن مع عديمي المبادئ كأدهم هذا (أوصل للي أنا عايزه بأي وسيلة وبأي تمن)

وعلي حساب أي أحد مع الأسف ، لكنه سينال جزاء ما قدمت يداه إن شاء الله

وسينال خالد وضحي جزاء صبرهم واحتسابهم بإذن الله

 

في توقع كمان _مش فاكرة مين من الأخوات كتبته_ وهو أن يتم الزواج ولكن تتمنع ضحي عن أدهم ، وتمر ضحي بفترة صعبة وضغوطات جامدة إلي أن يخلصها الله بفضله وحكمته

وفي الحديث الشريف "إن الله إذا أحب عبدا ابتلاه" أو كما قال الرسول _ صلي الله عليه وسلم_

و قال رسول الله صلى الله عليه وسلم: " عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له" صحيح مسلم

 

بالنسبة لأحمد ..

عاني كثيرا ، في ميزان حسناته إن شاء الله

والدته هذه لا أدري ماذا أقول فيها .. والله المستعان

لكن لا أجد تفسيرا لما تفعله ، وكيف تستطيع أن تعامله هكذا

ألا تحن لابنها الأكبر وأول فرحتها وأبر أولادها بها ، ألا تتوق لأن تحتضنه

وتشاركه فرحه وحزنه

مع أنها لا تتحدث عنه في غيابه إلا بكل خير ، سبحان الله!

 

من فضلك يا هبة عايزة تفسير لتصرفاتها مع أحمد .. حقا شخصية عجيبة !!

 

تتنافي تصرفاتها مع فطرة الأم ، والموضوع ده تكرر في المسلسل مع أكثر من حالة

وللأسف الأولاد بيكونوا الضحية

زي إيهاب ورباب ، وزي دراهم ودنانير ، وأولاد عصام ، وابن أماني

ربنا يهدي جميع أمهات المسلمين اللهم آمين

 

بالنسبة لتأخر حمل هيام

قرأت في الموضوع ده قبل كده إن ده دليل واضح جلي أمام من يزعمون أن الحياة تسير بأنظمة محددة دون تدبير من اله _عياذا بالله_ ولا اله إلا الله

فلو كانت هكذا كما يزعمون لكان كل من يتزوج ينجب وبعد نفس المدة بالضبط

ولكن هذا لا يحدث ، بل سبحان الله تتفاوت المدة من حالة إلي أخري

وهناك من يقدر الله أن تضع بعد سبعة أشهر وأخرى بعد تسعة

ومن يرزقها الله بالذكور فقط وأخرى بالإناث فقط أو بالإثنين أو يشاء الله ألا تلد

قال تعالي: " يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ (50) الشورى"

 

أوسا..

مثال حي لمن انعدمت أخلاقهم وضمائرهم

وده نتاج تربية والديها !!

وهي مثال آخر لأم لا تستحق حتي اللقب ، ولكن ماذا وجدت من توجيهات لها

من قبل والدتها حتي تفعله هي الأخري مع ابنتها !

أخطاء متعاقبة

ماذا سيجيب أمثال هؤلاء الله عندما يسألهم عن تقصيرهم

قال رسول الله صلى الله عليه وسلم " كلكم راع وكلكم مسؤول عن رعيته.."

 

حازم الديب..

أبغض أمثاله في الله ، والله طيلة قراءتي عن تصرفاته التي لا يراعي الله فيها

أشعر بالكراهية والحنق ضده

ما يفعله _رغم كل هذا الجرم_ ماهو إلا صورة مصغرة لما يحدث في الواقع

ولكن سيلقي حتما جزاء أفعاله هذه كلها ، فالله يمهل ولا يهمل

 

هاني..

مثال للضابط الشريف الذي يراعي الله في كل تصرفاته ويأبي الظلم حتي ولو علي حساب نفسه

أري أنه مقصر مع أولاده كثيرا فيترك رشا لتوجيههم رغم أنها نفسها تحتاج إلي توجيه

لا يمنعهم عن التلفاز مثلا أو يأمرها بمنعهم وقلما يوجههم ، ويكون هذا بمحض الصدفة

ورغم إعجابه بأولاد ماجد وتربيتهم ، لم يهتم حتي بتحفيظ أولاده القرآن

في تناقض في شخصيته بعض الشئ..

في البداية عمل حفل زواجه مخالفا للسنة ولم يهتم بمعارضة والدته وعدم حضورها

وبعد ذلك يظهر أنه ملتزم ويعلم كثيرا في الشرع

ويسعى دائما إلي رضا والدته

رغم إنك ياهبة لم توضحي سببا في تغيره هذا _ علي ما أذكر _

ممكن توضيح من فضلك : )

 

عصام!

لا يتعلم من خطئه .. يترك نفسه لهواه يحركه كيفما شاء مثله مثل أماني

تعاقبت أخطاؤه كثيرا وتأتي البقية

أعتقد أن النهاية لن تكون سارة علي الإطلاق

 

أخطأ اختيار زوجته مثله مثل هاني فانهارت حياته

الفارق أن هاني تأقلم مع الوضع وعدل منه قدر المستطاع

أما عصام فسلبي للغاية

أسأل الله أن يهدي شباب وبنات المسلمين ويختاروا من يرضون دينه كما أمرنا الرسول صلى الله عليه وسلم

 

الحاجة أمينة..

ماشاء الله لاقوة إلا بالله .. شخصية رائعة بحق

أحبها كثيراا : )

 

بهيرة ^^

ترضي بحياتها ولا تتبطر إطلاقا : ) مثلها مثل معظم أمهات المسلمين الرائعات

مش لينا دعوة بشواذ القاعدة ^^

تنرفذ شوية بسلبيتها

لكن يحترم فكرها فلكل منا شخصيته

وقبل أن نلوم عليها نلوم علي المخطئ

لكن للأسف دي طبيعة معظم البشر .. عندما يجدون من أمامهم هكذا يستغلونه أسوأ استغلال

لكن لو كانت تصدت لأقارب زوجها لاحترموا أنفسهم

أليس من الأحري أن يحترم الأشخاص الآخرين فضلا عن احترام أنفسهم ويحفظوا ماء وجوههم دون تعنيف من أحد !

وزوجها سبب أساسي فيما يحدث لها فهو سلبي للغاية ولم يتصدي لأحد

 

دنانير..

متي ستفيق وماذا سيحدث لها وكذلك عصمت!

 

رحمة..

أعتقد سيكون لها دور ! وكذلك سهير ، و رامي

 

احترام الوقت جسدتيه في عصام مثلا جزاك الله خيرا

فمع الأسف معظم الناس لا يحترمون الوقت علي الإطلاق

 

الشخصيات الكويسة هي الأقل وذلك مثل واقع مجتمعنا

معظم الناس بعيد عن ربنا يحكمون أهواءهم ولا يراعون الله في أفعالهم

فمع الأسف الشديد بلادنا بلاد مسلمين بلا إسلام : (

لكن الغرب _ ومعظمهم غير مسلمين _ بلادهم بلاد إسلام ولكن دون مسلمين

 

اللهم ردنا إلي دينك ردا حسنا جميلا وحكم فينا شرعك

 

حاجة أخيرة

في شخصيات هنا أعرف ناس مماثلة لهم كثيرا علي أرض الواقع

وكمان أعرف ناس بنفس الأسماء _أقصد الاسم الثنائي_

 

لسه أحداث وشخصيات كتير ولكن أكتفي بهذا حتي لا أطيل أكثر من ذلك

رغم ان كان عندي كلام كمان عايزة أقوله : )

معذرة فيه لبس في بعض الكلمات .. مفيش تشكيل في التابلت : (

 

جزاك الله خيرا هبة الحبيبة وفي انتظار البقية إن شاء الله

 

أعتذر عن الإطالة..

  • معجبة 2

شارك هذه المشاركه


رابط المشاركه
شارك

يا حاج حامد , واحد عايزك

 

واحد مين ده ؟

 

اسمه المهندس خالد

 

خااااااااالد ! خليه يتفضضضضضضل

 

 

اتفضل يا باشهندس

 

متشكر , السلام عليكم يا عم حااااامد

 

وعليكم السلام ورحمة الله يا خااااااااالد , ايّوووووووه ياما انت واحشني يا ابنييييييييييي

 

هههه والله انت اكتر يا عم حااااااامد

 

اقعد يا خالد اقعد يا ابني , ازيك يا خااااالد ازي احواااااالك , عامل ايه يا ابني طمنييييييي

 

اني بخير يا عم حامد , الحمدلله , اني جيت نسلم عليك عشان مسافر النهاردة الفجر ان شاء الله

 

مسافر ! على فين يا ابني ؟

 

الكويت ان شاء الله

 

هتغيب يامَا ؟؟؟؟؟

 

الله اعلم , اني اتعاقدت على العمل هناك لمدة خمس سنين قابلة للتجديد

 

............................ ياااااه يا خالد يا ابني , زعلتني بحكاية سفرك دي , لكن طالما السفر فيه مصلحتك يبقى ربنا يوفقك يا ابني , بس هتقطع بينا يا خالد

 

اني عمري ما هننساك ابدا يا عم حامد , عمري ما هننسى انت وقفت جنبي ازاي , اني عارف انك ما كنتش محتاجني في الشغل ومع ذلك شغلتني عندك عشان تساعدني ع المعايش وعشان ما نسيبش دراستي في كلية الهندسة , انت ابويا يا عم حامد , ابويا اللي هيفضل جميله مطوق رقبتي لحد آخر يوم في عمري

 

ايّووووه خليت عنيا دمعت يا ولاااااا , يا خالد انت ابني , غلاوتك من غلاوة أمير , كان نفسي ما نفارقكش ابدا , كنت دايما نقول في نفسي ربنا عوضني عن غياب امير بخالد , لكن ارادة ربنا ان ولادي الاتنين يتغربوا عني

 

عمري ما هننساك يا عم حامد , عمررررري , اني هنتصل بيك دايما نطمن عليك

 

الله يخليك يا ابني ويرضى عليك , انت ولا طيب وجدع , ابن حلال مصفّي , وربنا هيكرمك اخر كرم , ويعوضك عن ........... يعوضك عن كل حاجة وحشة شوفتها , اوعى تكون زعلان مني يا خالد في أي حاجة , عايزك تسافر وانت مسامحني , احنا اللي خسرناك يا خالد

 

اني مش ممكن نزعل منك ابدا يا عم حامد , كل واحد بياخد نصيبه, اني راضي بكل اللي ربنا يكتبه

 

وده يا ابني الفرق بين الشاب الصالح اللي بيرضى بكل اللي ربنا يكتبه من غير اعتراض وبين الشاب الطالح اللي لو ربنا منع عنه حاجة يغضب ويثور ويقنط من رحمة ربنا , الله يرضى عليك يا خالد

 

ربنا يرضى عننا جميعا يا عم حامد , اني ماشي , مش عايز مني أي خدمة قبل ما نمشي ؟

 

تمشي تروح فين بس ! لازم تاخد واجب الضيافة

 

ههه اني مش ضيف , معلش يا عم حامد , اني مستعجل وعايز نجيب شوية طلبات قبل ما نسافر

 

طيب يا ابني , طريق السلامة

 

نشوف وشك بخير يا عم حامد , السلام عليكم

 

عليكم السلام يا خالد يا ابني , ربنا يسمعنا عنك كل خير , في حفظ الله ورعايته يا ابني

 

 

 

 

 

 

 

 

 

 

 

 

 

 

 

خالد عدا عليا النهاردة في الشغل يا سميرة

 

خالد !!!!!!!!! خير يا حامد ؟

 

الولا هيسافر الفجرية ع الكويت , جاله عقد عمل لمدة خمس سنين وممكن يجددوله

 

هيسافر ! يتغرب عن امه ! لا حول ولا قوة الا بالله , الولا لا كان ناوي يسافر ولا بيفكر في السفر يا حامد

 

مسافر يكون نفسه ويعلى في شغله يا سميرة

 

ربنا يكرمه يارب ويعوضه خير عن بنتنا اللي ما عرفتش قيمته وضيعته من ايدها

 

....................... نصيبها يا سميرة

 

هنقولوا ايه يا حامد ! الحمدلله , طريق السلامة يا خالد يا ابني , الله يعين امك على فراقك , يا ترى عاملة ايه يا ام خالد يا حبيبتي ؟

 

ما تبقي تروحي تسألي عليها يا سميرة

 

ماليش عين نقابلوها يا حامد بعد اللي حصل , الله يصبر قلبها على بعاد ابنها يارب

 

 

 

 

 

 

 

 

 

اهئ اهئئئئئئئئئئ خلاص يا خالد يا ابني ؟ خلاص مسافر وسايب امك ؟ اهئ اهئئئئئئئئئئ

 

يا امي بالله عليكِ كفاية بكا , انتِ طول الليل بتبكي

 

اهئ اهئئئئئئ اومال عايزني نعمل ايه يابني وانت مسافر ومفارقني ! اهئ اهئئئئئئئئ

 

يا امي عشان خاطري اني مش عايز تبقى اخر حاجة نشوفوها قبل ما نمشي هي دموعك , اني عايز نشوفوا ضحكتك الحلوة يا ام خاااااالد هههه

 

ضحكتي ! هي فين ضحكتي يا ابني ! ضحكتي مسافرة , راحة بالي مفارقاني , قلبي هيفضل مشغول ليل ونهار طول ما انت بعيد يا خاااااااالد اهئ اهئئئئئئئ

 

ما تقولي حاجة لامك يا هيام انت وجوزك بدل ما انتو واقفين تتفرجوا كدة ! ههه

 

اهئ اهئئئئئئ اني هنقولوا ايه يعني يا خالد ! دي اول مرة تسافر وتبعد عننا يا اخويا اهئ اهئئئئئئئئئئئئ

 

ايّووووووووووه سكت مراتك يا احمد ههه

 

................... اني هناخد الشنطة نحطوها في العربية ونستنوك تحت يا خالد

 

اهئ اهئ استنى يا احمد اني هنيجي معاك نوصلوا خالد اخويااااااا

 

لالالالالا اني مش عايزك توصليني يا هيام , اني مش هنقدر على لحظة الوداع في المطار , معلش يا حبيبتي , خليكِ انتِ مع امي هدّيها , احمد معايا هيوصلني , واني ان شاء الله هنكلموكِ انتِ وامي اول ما نوصلوا , السلام عليكم يا امييييييييي ايدك نبوسها يا ست الحبايب , اموووه وكمان بوسة على جبينك اموووه وبوسة على راسكككك اموووه هتوحشيني يا امي , هتوحشنينييييييي

 

اهئ اهئ اهئئئئئئ مع السلامة يا ابني اهئ اهئئئ مع السلامة يا حبيبي

 

راضية عني يا امي ؟

 

راضية يا حبيبي اهئ اهئئئئئ راضية يا خالد اهئ اهئئئئئ الله يرضى عليك يا ابني , مع السلامة يا حبيبي مع السلااااااامة اهئ اهئئئئ

 

الله يسلمك يا امي , مع السلامة يا هيومة امووووووه هههه هتوحشبني يا قمر , قلبي حاسس اني لما نشوفوكِ المرة الجاية هيبقى معاكِ ولا عفريت وبت مطلعة عنيكِ وعين ابوهااااا هههه

 

هه تروح وترجعلنا بألف سلامة يا خويا اهئ اهئ اهئئئئئئ

 

الله يسلمك يا هيام , السلام عليكم يا حبيبتي

 

اهئ اهئئئ وعليكم السلام يا خويا اهئ اهئئئئئئ

 

خاااااالد

 

نعم يا امي

 

اهئ اهئئئئئئئئ خلي بالك من نفسك يا حبيبي , علاقتك بربك اهم من علاقتك بالعبد يا ابني اهئ اهئئئئئئئ اوعى تفرط في صلاتك ولا في قرآنك يا ابني , دول زادك فين ما تروح يا خااااااااالد اهئ اهئئئئئئئ

 

اني عارف يا امي , دعواتك يا اغلى انسانة عندي في الوجووود

 

روح يا ابني الله يصلح حالك ويحبب فيك خلقه يا حبيبي اهئ اهئئئئئ آمين يارب

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

الطيارة خلاص هتقلع , نشوف وشك بخير يا صاحبي

 

...................... اول مرة نفترق يا خالد

 

........................... صعب عليا اوي اني نفارقك يا احمد , لكن اني مش عايز نسميه فراق , اني راجع ان شاء الله يا احمد , مش الصعايدة بيقولوا مسير المفارج يعاود ؟ ولّا ايه يا واد عمي ! هههه

 

ليك نفس تهزر !

 

اني مش عايز نسيبك وانت متضايق , حبيت نخففوا عنك شوية , والله يا احمد اني صعبان عليا فراقك اكتر ما انت صعبان عليك فراقي , اني لو لفيت الدنيا مانلاقوش صاحب زيك يا ابو حميد

 

ولا اني نلاقي صاحب زيك يا خالد

 

ما تنساش الوصية يا احمد , خلي بالك من امي وهيام اختي , دول أمانة يا صاحبي , واني عارف انك مش هتقصر إن شاء الله

 

سافر وانت مطمن يا خالد , اني هنا بدالك , امك واختك في عنيا , امانة في رقبتي

 

بالحضن يا احممممممممممد

 

بالحضن يا خااااااااااااالد

 

هتوحشني يا صاحبي هتوحشنيييييييي

 

ربنا يرجعك بالسلامة يا خالد , مع السلامة

 

سلام يا احمددددد

 

 

, مع السلامة يا خاااااااالد ,

 

الله يسلمك يا احمدددددددددددد

 

 

مع السلااااااااااااااااااااامة مع السلامة يا خااااااااااااااااااااالد

 

 

 

 

 

 

خلاص ! خالد صاحبي الوحيد ساااااااافر !!!! فجأة كدة مانلقهوش جنبي !!!!!! ياااااااااااااااه اصعب حاجة في الدنيا هي الفراق , يا ترى هنشوفوا بعض تاني يا خالد ! يا ترى الوشوش هتتقابل تاااااااني !!!!! ليه يا صاحبي سبنتي لوحدي وانت عارف ان ماليش في الدنيا صاحب غيرك لييييييييييييه , اني تعبااااااان تعبانة اووووووي , اني ............ اني هنروحوا ع البحر ونقعدوا ع الصخرة بتاعتي , حاسس اني مش عايز نشوف حد ولا نكلم حدددددد

 

 

 

 

 

 

 

 

اتصلي باحمد يا هيام اسأليه على خالد اخوكِ يا بنتي , شوفيه مَشَى ولا لسة

 

اني اتصلت يا ماما كذا مرة واحمد قافل الموبايل

 

وقافل الموبايل ليه بس ! تووء , مش كان واجب يطمننا يا بنتي !

 

معلش يا ماما , اني عارفة احمد لما بيكون متضايق بيحب يكون لوحده , انتِ ما تعرفيش كانت حالته ازاي بسبب سفر خالد , ده طول الليل ما نامش ولا كل ولا شرب , فضل صاحي لحد الفجر , اتوضى ولَبَس وقالي اني نازل نصلي يا هيام ونيجي نلاقيكِ لابسة عشان نروحوا لخالد , ده احمد زعلان اوي يا ماما

 

اني عارفة يا بنتي غلاوة خالد شكلها ايه في قلب احمد , دول صحاب عمر يا هيام , ايّوووووووه هه

 

ابتسمتي وسرحتي في ايه يا ماما ؟

 

سرحت في اليوم اللي شوفت فيه احمد اول مرة , ساعة لما خالد جابه معاه من المدرسة واتغدا عندنا , لقيت خالد داخل عليا بولا طيب ومؤدب ومبتسم ابتسامة كلها حيا ووشه في الأرض , من اول مرة شوفته قلبي انفتحله واعتبرته ابني , وعطفي عليه زاد لما عرفت قساوة قلب امه عليه , هه اهي السنين دارت ولفت وبقى جوز بنتي , تعرفي يا هيام , اني من اول ما عرفت احمد وهو غالي عندي , لكن حبي له زاد بعد ما اتجوزتيه وشوفت حنيته عليكِ بعنيا , الحمدلله

 

احمد حنين اوي يا ماما , اني ما نفتكرش ابويا عشان كنت صغيرة اوي ساعة ما مات , لكن ساعات من كتر حنية احمد بنحس انه ابويااا , ده ساعات يعاملني زي العيلة الصغيرة هه يأكلني بإيده ويطبطب عليا وعمره ما سابني ننام زعلانة ابدا

 

ربنا ما يحرمك منه يا بنتي ويرزقكو بالخلف الصالح آمين يا رب

 

آمين يا ماما , اني هنطلبوا أحمد تاني جايز يرد

 

تررررررررررررررررررررررررن , ادى جرس المرة دي يا ماما ههه

 

ترررررررررررررررررررررررررررررررن

 

ايوة يا هيام

 

ايوة يا حبيبي , انت فين يا احمد ؟

 

ع البحر

 

خالد خلاص سافر ؟

 

ايوة

 

طيب مش هتيجي تاخدني عشان توديني البيت قبل ما تروح ع المينا ؟

 

 

ايوة يا هيام جاي ان شاء الله , اجهزي واني اول ما نوصل هنرنوا عليكِ عشان تنزلي

 

ماشي يا احمد , مع السلامة

 

الله يسلمك

 

ايه يا هيام , خالد مَشَى ؟؟؟؟؟؟

 

ايوة يا ماما

 

يوصل بالسلامة ياااااارب

 

احمد صوته متضايق اوي يا ماما , وكمان لقيته ع البحر قاعد ع الصخرة اللي بيروحلها كل ما يكون متضايق

 

معلش يا بنتي , حاولي تخففي عنه

 

نخففوا عنه ولا نخففوا عنك ولا نخففوا عن نفسي ! سفر خالد تعبنا كلنااااا , الله يسامحها اللي كانت السبب , لو ما كانتش عملت اللي عملته فينا كان زمان اخويا قاعد في وسطينا وبيستعد لجوازه منه والفرحة مش سيعاااااه اهئ اهئئئئئئئئئئ

 

ايّووووووه يا هيااااااام , ما تقلبيش عليا المواجع يا بنتي , الله يسهلها ويسهل لعبيده , راحت لحالها ولصاحب نصيبها , هنقعدوا كل شوية نقولوا يا ريت للي جرى ما كان يا بنتي !!!!!!!

 

معلش يا ماما , غصب عني , اللي حصل مش شوية , واللي مضايقني اكتر ان طنط سميرة ما اتصلتش بيكِ ولا قالتلك حقك علينا ولا هان عليها تراضيكِ بكلمة بعد اللي حصل

 

الله اعلم بظروف الناس , واني مهما حصل من أم امير عمري ما نشيلوا منها , اني ما شوفتش منها غير كل خير واني مش من طبعي ننسى الجميل ودول ناس افضالهم علينا وعلى اخوكِ بالخصوص , وموضوع الجوازة اللي باظت مش هينسيني افضالهم يا بنتي

 

اني عارفة يا ماما كل الكلام ده , لكن برضو كان الأصول تتصل بيكِ تفهمك ليه بنتها عملت كدددددة

 

هيااااام الموضوع ده اتقفل وما تفتحيهوش تااااااني , البت وكتابها اتكتب واخوكِ وسافررر , هنعيدوا ونزيدوا في اللي كان واللي جرا ليه يا بنتي !!!!!!!!!

 

 

تررررررررررررررررررررررررررن

 

احمد رن عليا يا ماما , اني نازلة , مش عايزة حاجة ؟

 

لا يا بنتي , نعوزك طيبة وبخير انتِ وجوزك

 

اني هنجيلك بكرة الصبح واحمد يبقى يعدي عليا ياخدني بالليل

 

ما تشغليش نفسك بيا يا هيام , شوفي حالك يا بنتي وراعي بيتك وجوزك , اني هنا مش لوحدي , حواليا جيراني وحبايبي ولو قولت ااااه ألف من ينجدني

 

بعد الشر عليكِ يا ماما , هنتصل بيكِ اول ما نوصلوا البيت

 

لا ما تتصليش , نخاف لخالد يتصل بيا ولا حاجة يلاقي الخط مشغوووول , اني لما نطمنوا على خالد هنتصل بيكِ

 

طيب يا ماما , السلام عليكم

 

عليكم السلام يا بنتي , اهئ اهئ اهئئئئئئئئئئئ خلاص البيت فضي عليكِ يا جليلة اهئ اهئئئئئئئ البت واتجوزت والولا وسافر والعمر ما عادش فيه قد اللي راح اهئ اهئئئئئئئئ الله يردك ليا سالم غانم يا ابني , الله يطمن قلبي عليكِ يا هيام يا بنتي اهئ اهئئئئئئئئئ

شارك هذه المشاركه


رابط المشاركه
شارك

انت مش هتروح المينا يا احمد ! اصل شايفاك قاعد مكانك من ساعة ما دخلنا الشقة ما اتحركتش

 

لا , مش هنروحوا , ما ليش مزاج , هاتي التليفون الأرضي يا هيام عشان نتصلوا بابويا نقولوله اني مش رايح المينا ونستسمحوه يروح بدالي النهاردة

 

حاضر يا احمد

 

اتفضل التليفون يا حبيبي

 

متشكر

 

تررررررررررررررررررررررررررررررررررن تررررررررررررررررررررررررررررررررررررررن

 

ايوة يللي ع التليفووووون اني جاية اهوووووو

 

ترررررررررررررررررررررررررررررررررررررررررررن

 

روحي انتِ يا شوقية , اني هنردوا

ترررررررررررررررررررررررررررررررررررررررررررن

 

ماشي يا ست سعاد

 

الو

 

السلام عليكم يا امي

 

وعليكم السلام يا احمد

 

هو سي احمد ده اللي ع التليفوووووون ! قوليليه واحشني , واحشني اوي وربنااااااااااا

 

ايه يا وليه اييييييييه واقفة فوق دماغي لييييييييه مش عارفة نسمعوا الولاااااااا

 

حقك عليا يا ست سعاد , واحشني يا سي احمد , ازيكككككككك , ما تبرقليش كدة يا ست سعاد , اني وقفت بعيد اهو

 

ايوة يا احمد , شوقية بتسلم عليك

 

الله يسلمها , سلميلي عليها كتير

 

مال صوتك ؟ انت تعبان ولا ايه ؟؟؟؟؟؟

 

سلامته الف سلاااااااااااامة ان شالله اللي يكرهوك يا سي احمد ربنا ياخدهم كلهم في ساعة وااااااااااااحدة

 

يا ولية يعني نقومولكككككككك

 

لا خليكِ قاعدة يا ست سعاد , بندعي لسي احمد , بنحبوووووه , بلاش ندعوله يعني !!!!!

 

ادعيله في سرككككككك , سورتي ودنيييييييي

 

سلامة ودنك يا ست سعاد

 

ايوة يا احممممد

 

ايوة يا امي , ابويا عندك ؟

 

ابوك نايم , عايزه في حاجة ؟

 

ايوة , اصل اني مش هنقدر نروح المينا النهاردة وكنت عايزه يعني يروح بدالي معلش

 

......... مالك يا ولا , مهموم كدة ليه ؟

 

مافيش حاجة يا امي

 

على راحتك , ما تقولش , هنبقى نبلغوا ابوك يروح بدالك

 

متشكر يا امي , السلام عليكم

 

عليكم السلام ياخويا

 

في ايه يا ست سعاد ؟ سي احمد ماله كفالله الشر

 

مهموم والهم راكبه يا شوقييييييية

 

بعد الشر علييييييه , هم ايه بس بعيد عن السامعيييييين

 

اكيد بسبب موضوع الخلففففة , اني عارفة مافيش حاجة تكدر الراجل وتشيله الهم إلا الموضوع ده

 

هو كان قالك كدددددددة ! اني هتخترعي اسباب وانتِ قاعدة يا ست سعاااااااد , ماانتِ مخلفة اهو خلفة ما يعلم بيها إلا ربنا , كنتي عاملة بيهم ايه يعني !

 

لا يا بت , اني عارفة ان احمد زعلان عشان الخلفة , البت طولت اوووووي , وباين عليها كدة مالهاش علاج , وطبعا ضاحكة على ابني وبالفة دماغه بكلامها النواعمي عشان تضمن انه يقعد جنبها وما يسيبهاش , والولا طيب وبيتاكل بعقله حلاوة , وماحدش هيشوف حل للموضوع ده إلا انيييييييييييي

 

الطف بعبيدك ياااااااارب , ناوية على ايه يا ست سعااااااااااد

 

نستفضوا بس من فرح الولا ادهم ع اللي ما تتسمى بنت سميرة ونفوقوا للبت مرات احمد ددددددي , حظها اني مش فايقالها اليومين دووووووول

 

الهي ما تفوقي ابدا يا ست سعااااااااد

 

بتقولي ايه يا ولييييية

 

قصدي يعني الهي ما تفوقي من السعد والهنا وتغفلي عن الست هيام , بقولك ايه يا ست سعاد , اروح اخدها التُرَب بالليل في الضلمة عشان تتخض وتخلف !!!!! اصل اني كنت نسمع يعني ان للي ما تخلفش يودوها قبور الميتين بالليل عشان تتخض وتحبل

 

تصدقي اني اللي هناخدوكِ التُرَب عشان ندفنوكِ حية ونرتاحوا منكككككك , نقطينا بسكاتك يا ام مخ ضااااارب , اني بقى لا عايزاها تتخض ولا عايزاها تخلفففففف اني عايزاها تطلققققققق

 

ليه بس كدة يا ست سعاااااااد , دانتِ عندك بنتتتتتت , ترضي بنتك تطلققققققق !!!!!!

 

ههه بنتي اني تطلق ! انتِ اتهبلتي يا ولية !!!!! هو سامي ابن توحا يستجري يطلق بنتي !!!!!! ولا هو كان يحلم يتجوزها من اساسسسسسسه , بنتي بنت عز وتربية سرايات يا شوقيييييية وجوزها عارف مقامها , ما تشبهيش بنتي بنت الحسب والنسب صاحبة المقام ببت عديمة مقام زي مرات احمددددد

 

هي المقامات عندكو فلوس يا ست سعاد ! يعني انِي عشان غلبانة وبشتغل عندكو يبقى ماليش مقااااااام

 

يا ولية ايه اللي حشرك في اللي بنقولوه !!!! بتاخدي الكلام على نفسك لييييييه !!! انتِ مننا يا شوقية والبيت ده من غيرك ما يتقاملوش قومة , اني ما نعرفش نعيشوا من غيرك يا شوقية وربناااا , انتِ غالية عليا يا بت

 

الله يخليكِ يا ست سعاد , والله ساعات بتبقي طيبة , تكونيش مخاوية يا ست سعاد ولابسك جن هو اللي بيخليكِ تعملي البلاوي دي وانتِ مش درياااااانة ؟؟؟؟؟؟

 

جن لما يلخبطككككككككككك , امشي غوري من وشي يا وليييييييييييية

 

ايّووووووووه ده العفريت اللي عليها حَضَررررر , اكفينا شر عفاريتها ياااااارب

 

 

 

 

 

 

 

 

 

 

 

 

 

 

عاااااااادل اصحي يا عادل الساعة عدت عشرررررة ناموسيتك كحلي يا راجل هههه

 

ههه ناموسيتك وردي , يا صباح الخير يا سعاد

 

صباح النور يا عادل , احمد اتصل وبيقولك مش هيقدر يروح المينا النهاردة وروح انت بداااااله

 

مش رايح ليه الباشا ؟؟؟؟؟؟

 

اني عارفة !!!!! بس صوته ما عجبنيش

 

يكون تعبااااااان !!!!! ناوليني الموبايل نتصلوا بييييييييييه

 

خد اهو الموبايل

 

هاتي .......................... ايّوووووووووووه موبايله مقفووووووول , اني مش عارف الولا ده جايب الموبايل ليه لما كل شوية يقفله !!!!!!!!! ناوليني التليفون الأرضي

 

ماشي , خد اهو يا عادل

 

تررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررن

 

ايّوووووه عايزة نحضروا الفطار , احمد من امبارح ما كلشششششش , اما نشوفوا مين , السلام عليكم

 

عليكم السلام يا هيام , فين جوزك

 

عم عادل ! ههه , ازيك يا عمي

 

اهلا يا هيام , اديني احمد

 

................. حاضر يا عمي , لحظة واحدة خليك معايا

 

ماشي

 

بيعاملني زي ما نكون مش مرات ابنه , بيرد عليا السلام بالعافية , مش عايزة الضيق يبان عليا , احمد مش ناقص

 

 

احممممممممد , انت صاحي يا حبيبي ؟

 

في ايه يا هيام

 

عمي عادل عايزك ع التليفون الأرضي , ارفع السماعة

 

ماشي يا هيام

 

السلام عليكم يا حاج

 

عليكم السلام , ايه يا ولا مااااااالك

 

مافيش يا حاج

 

ولما هو ما فيش ما روحتش المينا لييييييه

 

مرهق شوية , معلش يا حاج , سماح النهاردة

 

ماشي يا سيدي , اهم حاجة انك بخير يا ابني

 

الله يخليك يا حاج , مع السلامة

 

الله يسلمك يا احمد

 

 

الولا ده مش مظبوط يا عاااااادل

 

مش مظبوط يعني ايه يا سعاد !

 

يعني لازم نشوفوا حل في موضوع الخلفة اللي اتأخر يا عاااااادل

 

يا ستي بعد ما نفوقوا من جوازة ادهم يحلها حلّال

 

هو حل واحد ما فيش غيررررررره البت دي تطلق وكفاية الهم اللي رَكَب ابني بسببهاااااا ايييييه هنضيعوا عمر الولا جنبها من غير حتة عييييييييل !

 

الصبر يا سعاااااااد قولتلك اني في دماغي ترتييييب

 

يا شيخ بلا ترتيب بلا بتاااااع , اني اللي هنحلوا الموضوع لما نستفضّوا من جوازة ادهم ع المدعوءة بنت سميررررررررة

 

هههه طيب يا مفترية , روحي خلي شوقية تحضرلي لقمة ناكلوها قبل ما نروحوا الميناااااا

شارك هذه المشاركه


رابط المشاركه
شارك

السلام عليكم

 

ازيكو يا بنات

 

وحشتووووووووني

 

روضة الجنة

 

عودا احمد يا قمر , ليك وحشة يا جميل هههه

 

 

بالنسبة لعلاقة سعاد بابنها , عادية بالنسبة لشخصيتها , ادعيلها تتغير ههههه

 

وبالنسبة للتفسير التاني اللي عايزاه بخصوص هاني , الموضوع مش محتاج تفسير

 

اي حد فينا معتقداته ممكن تتغير بين يوم وليلة من غير تدخل من حد , غير إنها محاسبات للنفس , الكثير من الناس يملك نفس لوامة , تلومه عن كل ما مضى ويغير من نفسه

 

عادي جدا انه يعمل فرح مختلط وغير إسلامي وبعدها يحاسب نفسه ويقر بخطأه

 

انا عن نفسي كنت كارهة النقاب جداااااااااااا واي واحدة من صديقاتي كانت تنتقب كنت اعنفها واحاول اكرّها في النقاب , ومع ذلك معتقداتي اتغيرت دون تدخل من احد ولا حتى استمعت لكلام مشايخ واقنعني , لكن من جوايا حسيت اني عايزة انتقب واصلح من نفسي

 

صحوة القلب الغافل ومحاسبة النفس هي منح ربانية من قبل المولى عز وجل

 

 

المقصد من كلامي انه لا حاجة لي لتفسير تغير هاني , صحوة القلب امر داخلي تترجمه تصرفات ظاهرة للناس احيانا

 

 

فكرتيني بإحدى صديقاتي وكانت لا ترتدي الحجاب , وتلبس كل ما هو جديد في عالم الموضة وبيوت الأزياء , كانت احيانا ملابسها مثيرة وفاضحة

 

وفجأة سبحان الله هداها الله واترتدت الحجاب , وليس اي حجااااااب , لكن ارتدت الملابس الفضفاضة والحجاب الطويل وتعلمت التجويد وحرصت على حضور دروس العلم

 

, وذات مرة كانت تمشي أمام احد المحلات في الشارع التي تسكن به

 

فخرج صاحب المحل ونظر اليها وقال , سبحان من يهدي العاصي , فنظرت إليه باستياء ههههه وعندما عادت الى المنزل هاتفتني منفعلة وقالت لي ( الراجل صاحب المحل بيقولي سبحان من يهدي العاصي , هو انا كنت رقااااااصة ! ههههههههههههههههههههههههههه

 

هدى الله الجميع يارب , وثبتنا على الحق وغفر زلاتنا , فما نحن إلا بشر

 

 

 

 

اسيبكو مع الحلقات يا بنات ويارب تعجبكم واشوفكو بكرة بإذن الله مع احداث اسخن واسخن ههههههه

شارك هذه المشاركه


رابط المشاركه
شارك

حلقات حلوه بس هيقولولك قصيره ^^

 

خالد كويس لانه بيعامل حامد كويس ومش ناسى وقفته معاه

هى سعاد سعات بيكون فيها رأفه من ناحية شوقيه زى ما شوقيه قالت يعنى مش متكبره عليها

لكن متكبره على ناس تانيه

 

والخلفه وكل شيء بأمر الله لو كاتب ان احمد ميخلفش مهما هما عملوا ولا جوزوه واحده تانيه مش هيخلف

 

عايزه اقول لبعض الاخوات سعات بيقولوا انا معلقتش عشان التوقعات مش بتنفع مع هبه

بقولهم مش لازم تعلقى بتوقعات الاهم هو تعلقى على الاحداث والغلط والصح فيها عشان نستفاد من بعض ( :

 

يا هبه انت مشفتيش كلامى فى الرد اللى فات ولا ايه ;)

  • معجبة 1

شارك هذه المشاركه


رابط المشاركه
شارك

خالد ما شاء الله عليه، من اهل المعروف، حفظ المعروف وحقيقي كما قال الله عز وجل ((ولا تنسوا الفضل بينكم)) وامه واخته كذلك، كم نرى ونسمع مع الاسف عند حدوث انفصال بين خطيبين او متزوجين من اساءة كل منهما للاخر ، (ما خللاله ستر مغطى) . فاين اخلاقنا الاسلامية ؟ ولماذا ننسى كل الاحسان عند اساءة صغيرة او خطأ مقصود او غير مقصود؟!!

لا زالت العقد في المسلسل تزداد تعقيدا! متى الفرج يا هبة؟ الله ينجي هيام من كيد سعاد وتدبير عادل اللهم آآآآآآآآآآمين

شوقية كما قالت سجودة (توجه قنابل) ما شاء الله عليها (بتفش الغل)

هبة طولي الحلقات الله يخليك

شارك هذه المشاركه


رابط المشاركه
شارك

وعليكم السلام ورحمة الله وبركاته

:(

خالد ترك ضحى وسافر كمان

وضحى خلاص اتكتب كتابها على ادهم

الله المستعان

ماشي يا هوبة يا مستفزة

لا اعرف ما سيحصل ولكن سيحصل امر يعيق زواج ضحى من أدهم

ولكن عائلة ضحى وصلت لعدة نقاط المفروض أنها تبحث بها جيداً لتعرف ما حصل لضحى

خروجها وعودتها وفسخ الخطوبة بعد العودة مباشر المفروض أمها تبحث به جيداً

قبولها بادهم بهذه السرعة يلفت الانتباه المفروض والدها يدقق اكثر بالامر

شوقية اللي جات وضحى قالت قدامها كلمة مهمة أنها لا تريد أن يؤذَ أحد من عالتها توقعت أن تنقل الكلمة لسميرة بما أن جائت لتنقذها من هذه الوقعة

 

 

سعاد وعادل وانا بقول ليه معاها كل هذا العمر هم الاثنين نفس الاخلاق ونفس التفكير

ما بين أخلاقهم هو اتفاقهم مع بعض على على أحمد لا يخالف بعضهم الاخر هو يرتب هي توافق وتزيد على ترتيبه وهو يقبل الله المستعان

من اول الحلاقات عادل لا يعجبني وما زلت وسعاد لها مصير الله اعلم به

شارك هذه المشاركه


رابط المشاركه
شارك

@@روضة الجنه

 

سمسمه حبيبة قلبيييي نووووووورتي والله

 

فرحت اووووووووووووي لما لقيتك هليتي من جديد يا قمرررر

 

متغيبيش تاني بقى لحسن اجيبلك اوساااا ههههههههههه

 

بجد وحشتني تعليقاتك ومتابعتك للمسلسل ومشاكستك ههههههههه

  • معجبة 1

شارك هذه المشاركه


رابط المشاركه
شارك

: )

 

وَاللّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لاَ يَعْلَمُونَ‏

شارك هذه المشاركه


رابط المشاركه
شارك

حلقات محزنة وقصيرة

فعلا عمل خالد بالآية (ولا تنسوا الفضل بينكم)

هل ذهاب خالد الى الكويت سيجعله يلتقي بدعاء وطارق

التوقعات تقف امامك يا هبة

سعاد زي ما قالت شوقية مرات كويسة ومرات راكبها عفريت

نحن بالانتظار

شارك هذه المشاركه


رابط المشاركه
شارك

يا ترى هيام وطنط ام خالد بيقولوا عليا ايه في نفسهم ؟ ................ اكيد زعلانين مني اوي , اني نفسي نكلموا طنط ام خالد ونحاولوا نفهموها اني ما نقصدش نزعلوهم ولا نقصدوا نكسروا بخاطرهم ولا خاطر خالد والله توووء نفسي تفهم اني مش مبسوطة بالجوازة ديييييي حاسة اني عايزة نفهما على كل حاجة , بس ما ينفعش الكلام في التليفون , اني هنلبس وهنروحلها , ايوة لازم نروحلهااااا ,لازم نشوفوهاااااا , اني هنلبس ونروحوا نستأذنوا ماما في الخروج

 

 

 

 

 

الله ! انتي نازلة ولا ايه يا ست ضحى ؟

 

ايوة يا دادة , ورايا مشوار لازم نعملوه , هي ماما فين عشان نقولولها اني نازلة ؟

 

قاعدة في اوضة الكابتن أمير

 

هو أمير هنا ؟

 

لا , نَزَل من شوية

 

طيب , اني هندخلوا لماما

 

 

 

 

ماماااااا

 

....... نعم

 

اني نازلة , رايحة مشوار

 

وبتقوليلي ليه !

 

لازم نستأذنوكِ قبل ما ننزل

 

هأ , ايوة اومال , ماهو اصل اني ليا حكم عليكِ , اني ماليش دعوة بيكِ تنزلي تطلعي , اعتبريني مش موجودة , انتِ مالكيش كبير , انتِ كبيرة نفسك وما حدش له حكم عليكِ

 

توووء , عن اذنك يا ماما

 

 

 

 

 

 

 

 

 

 

هي دي الشقة , ايوة هي , اني فاكراها كويس , يا رب تكون موجودة

 

 

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررن

 

ايوة يللي ع الباب , اني جاية

 

ضحىىىىىىىىى !!!!!!!!!!!!!

 

..................... السلام عليكم

 

.................................. عليكم السلام

 

 

تسمحيلي ادخل يا طنط

 

...... اتفضلي

 

متشكرة اوي

 

يا الف اهلا , نعملولك شيّ

 

............. طنط اني عارفة انك زعلانة مني

 

................................................................

 

يا طنط والله اني ما فسختش الخطوبة عشان عيب في خالد

 

خالد ابني ما فيش حاجة تعيبه يا بنتي , ابني مش قليل , ابني مهندس قد الدنيا وألف من تتمناه

 

اني عارفة يا طنط , فعلا خالد مافهوش أي حاجة تعيبه , خالد يستاهل واحدة احسن مني الف مرة اهئ اهئئئئئئئئئئئئئئئئئئ

 

لا حول ولا قوة إلا بالله , ولزومه ايه العياط يا بنتي !!!!! مش ده اللي انتِ عايزاه ؟

 

............................ يا طنط والله اني واقعة تحت ضغوط

 

ضغوط !!!!! ابوكِ وامك ضغطوا عليكِ عشان تسيبي خالد ؟؟؟؟؟؟

 

لالالالالا ابدا والله يا طنط ابدااااااا , بابا وماما لحد دلوقتي زعلانين مني عشان فسخت الخطوبة اهئ اهئئئئئئئ

 

حيرتيني في أمرك يا بنتي , يعني انتِ زعلانة على فسخ الخطوبة , وابوكِ وامك زعلانين منك عشان فسختيها , وانتِ تقوليلي عليا ضغوط ! ضغوط ايه يا بنتي ! اللي حصل حصل , وانتِ خدتي نصيبك , وابني بكرة ربنا يكرمه ويلاقي نصيبه , الله يسعدك بنصيبك ويسعد ابني فين ما يكون , تشربي ايه يا بنتي

 

اني مش جاية نشرب حاجة يا طنط اهئ اهئئئئ اني جاية نبوس راسك ونقولك سامحيني اموووه

 

لا اله الا الله , ربنا يسامحنا كلنا يا بنتي

 

بالله عليكِ يا طنط ما تخليش في نَفسك حاجة من ناحيتي , اني عايزة نمشي وانتِ راضية ومش زعلانة , يا طنط لو انتِ ما تفرقيش معايا وزعلك ما يهمنيش ما كنتش جيت لحد هنا , يا طنط انتِ غالية عليا اوووي ويعز عليا زعلك , بالله عليكِ سامحيني اهئ اهئ اهئئئئئئئئئئ

 

لا حول ولا قوة الا بالله , اني مش زعلانة منك يا ضحى , دي ارادة ربنا يا بنتي , وكل حي وله نصيبه اللي مقسومله , الله يوفقك ويسعد ايامك يا بنتي

 

ربنا يخليكِ يا طنط , اني هنتجوز يوم الخميس الجاي ان شاء الله

 

..................... مبروك , ربنا يتمم بخير يا ضحى

 

............. اني ماشية يا طنط , ابقي سلميلي على هيام وقوليلها اني كان نفسي نشوفوها اوي اهئ اهئئئئئئئئ قوليلها اني بنحبوها زي اختي واكتر والله اهئ اهئئئئئئ السلام عليكم

 

عليكم السلام يا بنتي , لا حول ولا قوة إلا بالله , البت دي صعبانة عليا وقلبي واجعني عليها , زي ما تكون مش مبسوطة بالجوازة دي , بس ما حدش غصب عليها , ليه تعمل في نفسها كدة , يكونش عشان المال ! الله اعلم بعبيده , مش عايزة نظلموا حد

 

 

 

 

 

 

 

 

 

 

 

 

 

 

 

 

كنتِ بتعملي ايه هنا يا بتتتتتت

 

يا خبر اسود , ادهممممممممممم

 

هاتي دراعككككككككك ايه اللي جابك بيت الزفت خطيبك الاولااااااااااني , حنيتي للذي مضىىىىىىىىىىىى !!!!!!!!

 

ااااه سيب دراعي يا مجنون انت احنا في الشااااارع

 

انتِ لسة شوفتي جنان يا بنت حااااااااااامد ؟؟؟؟؟؟؟؟؟؟ اني مش منبه عليكِ يا بت يوم كتب كتابنا ما تعتبيش برا البيت لحد يوم فرحناااااااااااا ! ازاي تخالفي اوامري وتيجي البيت ددددددددده

 

ااااااه اطمن , خالد مش فووووووق , خالد سافرررررررر

 

وانتِ بقى طالعة تتطمني على سلامة وصوله ولا طالعة تاخدي العنوان من امه عشان تبعتيله جواباااااااات

 

اخرس يا سااااااااافل

 

اني ساااااااااافل !!!!!!!! ما تخلنيش نوريكِ السفالة في الشارع ونجرجروكِ من شعرك قدام النااااااااااس , ايه اللي جابك هنا يا بتتتتتتتتت , انطقيييييييييي

 

بالرااااااحة سيب دراااااااااعي ااااه اهئ اهئ اهئئئئئئئئ اني كنت جاية نسلموا على طنط ام خالد ونسألوا عليها والله اهئ اهئئئئئئئئئ

 

الناس دول تنسيهم خااااااااالص , اني بنحذروووكِ سامعععععععععة

 

اهئ اهئئئئئ سامعة

 

اتنيلي اركبيييييييييي

 

اديني ركبت اهئ اهئئئئئئئئئ

 

 

 

 

 

 

 

 

 

 

 

 

 

تررررررررررررررررررررررررررررررررن ترررررررررررررررررررررررررررن

 

السلام عليكم

 

عليكم السلام يا ماما , ازيك يا حبيبتي

 

اهلا يا هيام يا بنتي , ازيك انت عاملة ايه

 

كويسة الحمدلله , فطرتي ولا لأ ؟

 

ابدا يا بنتي , مش جايلي نفس يا هيام

 

لالالا بنقولك ايه يا ست ماما , انتِ كدة هتخليني اجي افطرك بنفسييييييي

 

لا يا حبيبتي , اني شوية كدة وهناكلوا أي لقمة

 

خالد اتصل بيكِ يا ماما ؟

 

ايوة يا حبيبتي , اتصل وبيسلم عليكِ اوووي وقالي انه هيطلبك النهاردة او بكرة بإذن الله

 

وعامل ايه في الغربة يا ماما ؟

 

والله يا بنتي بيقول كويس , بس صوته مش عاجبني , ولما حلّفته يقولي ماله قالي والله يا امي الشغل كويس والناس كويسين وشايلنّي على كفوف الراحة اكمني من طرف دكتور طلعت بس اني مش واخد نبعد عنك عشان كدة تعبان , قولتله مش انت يا ابني اللي اخترت تتغرب عني وتوجع قلبي , قالي معلش يا امي , مسيري نرجع

 

ربنا يصلح حاله يا ماما ويسعده ويعوضه عن اللي شافه

 

 

آمين يا بنتي , , قولي مين اللي كانت عندي ولسة نازلة من شوية ؟

 

مين يا ماما ؟

 

ضحى

 

ضحىىىىىىىىى ! وجاية ليه ان شاء الله ؟؟؟؟؟؟

 

جاية تستسمحني وتبوس على راسي وتقولي فركشت الجوازة غصب عني

 

غصب عنهااااااا ! والله اني مش عارفة هي ازاي ليها عين تيجي وتقابلك !!!!!!

 

كتر خيرها يا بنتي , اشترت خاطرنا وجت تراضينا

 

اشترت خاطرنا يا ماما ! يلا , الله يسامحها , وانتِ قابلتيها ازاي يا ماما ؟

 

قابلتها زي ما بنقابلوا أي ضيفة في بيتي يا بنتي , اومال يعني هنكشروا في وشها !

 

ههه طول عمر قلبك طيب يا ماما

 

يا بنتي الدنيا مش مستاهلة نعادي الناس , وارجع واقول كل حي بياخد نصيبه , طمنيني يا هيام يا بنتي , ماشية ع العلاج بتاع الدكتورة ؟

 

اديني ماشية ع العلاج يا ماما اللي ما بيعملش حاجة ولا فيه فايدة

 

يا بنتي ما تقوليش كدة , ربك قادر يبدل حال عن حال في لمح البصر , لو رايد بشيء بيقول كن فيكون

 

ونعم بالله يا ماما , طيب يا حبيبتي , نسيبوكِ تفطري , بالله عليكِ ما تكسليش

 

لا يا حبيبتي , هنقفلوا معاكِ ونروح نفطر

 

بالهنا والشفا يا ست الكل ههههه

 

الله يهنيكِ يا حبيبتي ويصلح حالك

 

 

 

 

 

 

 

 

 

 

 

 

 

 

 

 

 

 

اتفضلي انزلي , وصلنا عند بيت ابوكِ , ....... استنيييييي

 

عايز ايه

 

دي اخر مرة تنزلي من البيت من غير اذنيييييييي , لاحظي ان دي تاني مرة ننبهوا عليكِ , لو حصل تاني ونَزَلتي من غير اذني يبقى ما تلوميش غير نفسك يا بنت حاااااااااامد , انزلييييييييييي

 

قبل ما ننزل عايزة نقولك اني عمر ماحد هان كرامتي اهئ اهئئئئئئئئئئئ كرامتي ما اتهانتش الا على ايديك

 

.......... انتِ اللي جبتيه لنفسك يا ضحى , اسمعي كلامي وانتِ تأمني غضبي وتحفظي كرامتك , ......... انزلي

 

 

 

 

 

 

 

 

 

 

 

 

 

 

 

 

 

 

 

صباح الخير يا صابرين

 

اهلا يا حاج عادل , صباح النورررر , نورت المينا , الأستاذ احمد معاه عملا في مكتبه , لحظة واحدة هنديلوا خبر

 

لا يا صابرين , اني مش عايز احمد دلوقتي , اني عايز ابوكِ , هو فين ؟؟؟؟

 

بابا بيعمل للضيوف حاجة يشربوها , اهو خرج من المطبخ اهو

 

ميييين ! الحاج عادل ! هههه ازيك يا حاج , بقيت تغيب يامَا عن المينا وبتوحشنا وربناااا

 

هههه ازيك يا موردي , روح ودي الصنية اللي في ايدك دي للضيوف وتعالالي , اني هنستنوك في الأوضة الجوانية عشان عايزك في كلمتين

 

خير ان شاء الله يا حاج ؟

 

روح ودي الصنية وحصلني يا موردي

 

حاضر يا حاج

 

 

 

 

 

 

 

 

 

 

 

 

تن تن حاج عادل

 

ادخل يا موردي

 

 

تحت امرك يا حاج

 

اقعد

 

حاضر , خير يا حاج ؟؟؟

 

خير يا موردي , بقى اني بصراحة شايف انك تعبت اوي من الشغل ولازم ترتاح

 

اني ! هه اني الشغل عمره ما تعبني يا حاج , اني راحتي في الشغل

 

ما ينفعش يا موردي , البني ادم مننا برضو لما بيكبر يلزمه الراحة , وانت تعبت وشقيت كتير , كفاية لحد كدة يا موردي

 

................................. انت استغنيت عني يا حاج ؟؟؟؟؟؟؟

 

يا راجل ما تقولش كددددددة , اني ما نستغنوش عنك , اني بس قلبي عليك وعايز نريحك , انت هتقعد في بيتك معزز مكرم ومرتبك ماشي وزيادة عليه 150 جنيي كمااااااااااان

 

يا حاج اني صحيح القرش الزيادة يفرق معايا لكن واني شغااااااال , لكن نقعدوا في البيت لااااا , هو اني قصرت في حاجة يا حاج ؟؟؟؟ الأستاذ احمد اشتكالك مني في حاااااجة ؟؟؟؟؟؟

 

يا موردي اللي في دماغك ده كله ما حصلشششش , لا احمد اشتكى منك ولا انت قصرت , وبعدين انت زعلان ليه انك هتقعد في البيت ! هههه حد طايل الدلع والعيشة المرتااااااحة , طب ما اني اهو سايب شغل المينا على احمد ويادوب بنطلّوا عليه كل مدة , اني كمان يامَا اشتغلت وتعبت ويلزمني الراحة , الصحة يوم عن يوم ما بتبقاش زي الأول يا موردي يا اخويا , واني قلبي عليك وعايز المصلحة , وبنتك هي بنتي , هتستمر في شغلها معانا وهنشيلوها على كفوف الراحة , اسمع الكلام يا موردي , كفاياك شقى

 

.......................... هنقول ايه غير أمرك يا حاج

 

امسك يا موردي الشيك ده

 

بتاع ايه الشيك ده يا حاج ؟

 

ده شيك بعشرين ألف جنيي مستحق الصرف من بكرة الصبح , مكافأة مني ليك ع السنين اللي اشتغلتها معانا , امسك يا موردي , امسككك

 

متشكر يا حاج , كتر خيرك

 

تعيش يا موردي , وأول كل شهر هنبعتولك مرتبك بالزيادة اللي عليه زي ما اتفقنا ان شاء الله , كمل يومك النهاردة ومن بكرة ما تجيش وريح نفسك

 

............. ماشي يا حاج , ......... أوامرك

 

 

 

 

 

 

 

 

 

 

 

 

مالك يا بابا ؟؟؟؟؟

 

مافيش حاجة يا صابرين يا بنتي

 

مافيش ازاي بس !!!! اني شايفاك زعلان اوي وشكلك متغير من ساعة ما اتكلمت مع الحاج عادل لوحدكو , هو حصل بينكو حاجة بعد الشر ؟

 

 

الحاج عادل استغنى عني يا صابرين هه

 

استغنى عنك !!!!! ازاي يا باباااااا , هو رفدككككك ؟

 

لا يا بنتي مش القصد , هو قالي كفاية عليك شغل وشقى لحد كدة واقعد في البيت ومرتبك ماشي وفوق منه 150 جنيي كمان

 

طيب والله كتر خيره , انت فعلا شقيت يامَا يا بابا , مافهاش حاجة لما ترتاح من الشغل وتعبه , ولا انت زعلان عشان بتحب المينا ؟

 

ايوة يا بنتي بنحبوا المينا , نعشقوهاااااااا , بس هنعملوا ايه , صاحب الشغل أمَر

 

معلش يا بابا , طالما الحاج ما ظلمكش ولا رفدك وكل غرضه انه يريحك يبقى كتر ألف خيره

 

طيب يا بنتي , عن اذنك اني عشان نلموا الكوبايات نغسلوها

 

اتفضل يا بابا

  • معجبة 2

شارك هذه المشاركه


رابط المشاركه
شارك

صابرين

 

نعم يا حاج عادل

 

الناس اللي عند احمد مَشُوا ؟؟؟؟؟؟؟؟؟

 

ايوة مَشُوا

 

طيب اني داخل لاحمد

 

اخلي بابا يعملكو حاجة تشربوها ؟

 

لا يا صابرين , اني ماشي على طول

 

 

 

 

 

السلام عليكم يا احمد

 

اهلا يا حاااااج ههه عليكم السلام ورحمة الله , إيه المفاجأة الحلوة دي

 

جيت عشان نقول لموردي ما يجيش الشغل من بكرة , كفاية عليه كدة بقى

 

اييييييه !!!!! عم موردي يسيب المينااااااا !!!!! ليه يا حاج ؟؟؟؟

 

هو ايه اللي ليييييييه ! الراجل تعب وشقي يامَااااااا , هو اني ما عنديش نظر ! ولا قالولك ابوك بيشغل الناس في السُخرة

 

اني ما قولتش كدة يا حاج , بس اصل يعني عم موردي لسة بصحته ويقدر يشتغل

 

يعني لازم يا ابني نستنى لما يُبرُك زي الجَمَل !!!!!! اني خلاص أمرت وهو نفذ , اني اديتله مكافأة , شيك بعشرين الف جنيي , كويسين ؟

 

............. كويسين يا حاج

 

مالك يا احمد متضايق كددددددة !

 

لا متضايق ولا حاجة , انت حر يا حاج

 

وما تحملش هم , ضيا جاي بكرة

 

ضيا !!!! ويطلع مين ضيا ده ؟

 

الولا اللي هيشتغل بدل موردي

 

هه دانت مرتب كل حاجة يا حاج

 

ابوك ما يخطيش خطوة إلا لما يكون عامل حسابها يا احمد ههه الولا ده طيب وغلبان ويمكن اطيب من مَوَرْدِي كمان , كان شغال في مكتب واحد حبيبنا ,عبد الرحيم ضرغام , ما انت عارفه

 

ايوة عارفه , اومال ساب المكتب هناك ليه ؟

 

في واحد من الموظفين هناك بيعامله وحش اوي ودايما يهزئه , والولا بيصعب عليه نفسه , كنت هناك من فترة واترجاني اني نشوفوله شغلانة غير دي , وقولتله ربنا يسهل , وكان في نيتي نجيبوه بدل موردي , اتفقت معاه امبارح انه ينزل الشغل من بكرة

 

بس كدة الحاج عبد الرحيم ضرغام يزعل

 

لا يزعل ولا حاجة , هو عارف ان الولا مش مرتاح , وبعدين اني اديتله فكرة وهو ما اعترضش , وبعدين كل واحد يا ابني ينام ع الجنب اللي يريحه , مش ناوي تيجي فرح اخوك ؟

 

يا حاج ما انت عارف انه ما ينفعششششششش

 

والله انتو خلفة ما يعلم بيها إلا ربناااااااا , كل واحد بيبدّي الغريب عن اخووووووه , انتو اييييييه ! ده ولاد الحرام ما بيعملوش في بعض كدددددددددة

 

لا حول ولا قوة الا بالله , ايه بس اللي بتقوله ده يا حااااااج

 

استغفر الله العظيم من كل ذنب , اللي انت عايزه اعمله , هو اني هنربيكو من اول وجديد !!!!!!! أهو العمر ضاع والواحد كأنه لا خلف ولا ربى , اني ماشي

 

اقعد يا حاج اشرب حاجة

 

لا يا سيدي , متشكرين , إلا بالحق قبل ما نمشي كنت عايز نسألك , مراتك مش حامل ؟؟؟؟؟؟؟؟

 

........................... ادعيلنا يا حاج

 

هأ , كنت عارف , سلااااااااااام

 

الله يسلمك يا حاج , توووء , استغفرك ربي وأتوب إليك , بيعاملني زي ما نكون اني اللي مقاطع ادهم ! فوضت الأمر لله

 

 

 

 

 

 

 

 

 

 

 

 

 

 

عملت ايه مع موردي يا عادل

 

خلاص يا سعاد , طلعته معاش هههه

 

ههههه ايوة كدة خلي البت تاخد راحتها مع الولاااااا

 

ربنا يصلح حاله , ابنك مش عارف مصلحته يا سعاااااااد , طيب ومضيع نفسسسسسه

 

اذا كان هو هاين عليه نفسه ومش عارف قيمته كويس احنا مش هنسيبوه يا عاااادل

 

اني مش عايز نظلم مراته يا سعاد , البت ماشوفناش منها حاجة وحشة

 

كل ده وما شوفناش حاجة وحششششششة !!!!! مش كفاية مقعدة الولا جنبها من غير خلفففففة !!!!! اني لو علية عايزاه يطلقها وتخفى عن سمانا بقىىىىىىىى

 

لا يا سعااااااد , طلاق لاااااااا , ربنا ما يجعلنا خرابين بيوووووت , اني كل اللي عايزة ان ابني يتجوز ونفرحوا بولاده , واذا كان ع البت هتفضل على ذمته وقاعدة في بيتها وطلباتها مجاااااابة

 

والله ما حد مضيع الولا إلا عمايلك يا عاااااااادل , على ايه يعني شاري خاطر البت دددددددي !!!!!!!! الطلاق لا عيب ولا حراااااااااام

 

لا يا سعااااااااد , الطلاق يكون حرام لما تفرضيه بالقوووووة

 

يا خويا انت كمان ! اقعد حايل ودادي لما سنين الولا تعدي وشعره يشيب وهو من غير سنددددد

 

يا سعاد اني مش ساكت وانتِ عااااااارفة , احمد هنجوزوه قريب , نخلصوا من فرح ادهم ونفوقوا لاحمدددددد

 

اما نشوفوا يا سي عااااادل , اهو فرح ادهم قرب والمية تكدب الغطّاااااااس

 

 

 

 

 

 

 

 

 

 

 

خلاص يا عم موردي هتسيبنا !!!!!!!

 

........... غصب عني يا احمد يا ابني , الحاج عادل أمَر بكدة , واني ماليش انّي نعترض

 

اني مش مصدق يا عم موردي انك هتسيبنا , مش متخيل اني ندخلوا الشركة دي وما نلاقوكش , يا عم موردي اني بنعتبروك جزء من الشركة ددددددي , من واني صغير اتعودت اول ما نيجي المينا مع ابويا نلاقوك مستنينا بضحكتك الحلوة الصافية وبتصبّح علينااااااا ايّوووووووووه معقول يا عم موردي ندخل المينا وانت مش فيهاااااا

 

اومال اني نقول ايه يا احمد يا بني ! تعرف اني بنشتغل هنا من امتى يا ابني ؟

 

من امتى يا عم موردي ؟

 

من ايام جدك الحاج سليم الله يرحمممممه , اني جيت هنا وكان عندي تمنتاشر سنة , الحاج عادل كان ساعتها عيل صغير عنده حوالي تلاتاشر سنة هه , قضيت اكتر من اربعة وتلاتييييييين سنة في المينا

 

ايّوووووووه , سنين طويلة اوي يا عم موردي , ربنا يبارك في عمرك , لكن جدي كان بيتعامل ازاي مع الناس ؟ ههه اني ما شوفتهوش غير في الصور , صور كلها قديمة بس اللي شوفته في الصورة انه راجل ملامحه في منتهى الصرامة والجدية

 

جدك كان من احسن الناس يا احمد يا ابني , صحيح كان شديد , شديد اوووووي , وله هيبة واللي يشوفه يترجف منه , لكن كان راجل بتاع ربنا ومحافظ ع الفرض في وقته , مهما يكون مشغول وقت ما يأذن الآذان كان يسيب كل اللي في ايده ويروح يصلي , و كان طيب مع الغلابة اووووي , يشد في الشغل بس , ما كانش عنده حنية ولا عواطف في شغله , لكن غير كدة وبعيد عن الشغل كان راجل طيب ويحن ع الغلابة ويديهم من خيره ويامَا كان فاتح بيوت ارامل وبيعطف ع اليتامى , والحاج عادل وارث الحتة دي عن ابوه , ابوك يا ابني فاتح بيوت ناس غلابة كتير , ماحدش يعرف الموضوع ده غيري , لان اني اللي بنوصل الآمانات اللي بيديهالي لاصحابها المحتاجين , ايّووووووه يا احمد يا ابني لو سَمَعت الدعا اللي بيدعوه للحاج عاااااادل , ربنا يجعل دعاهم من حدكو ومن نصيبكو , اني يا ابني بنقولك الكلام ده مش عشان نكشف سر ابوك , اني بنقولك كدة عشان تتولى الأمر ده من بعده , اني عارف ان انت الوحيد في اخواتك اللي هتحن ع الفقرا وتديهم من فضل الله عليك

 

ان شاء الله يا عم موردي , والله انت فرحتني ان ابويا بيعمل الخير ده كله

 

ابوك طيب يا ابني , ابن راجل صالح وست صالحة , وانت وارث صلاح جدك الحمدلله

 

ربنا يجعلنا من الصالحين يا عم موردي , لكن جدي كان بيتعامل ازاي مع ابويا ؟

 

ههههه كان شديددددددد , الحاج عادل كان يترعب منه , كان يشوفه يترعش وركبه تسيب ههههه

 

هههههههه للدرجة دي !

 

ايّووووووووووووه اصل انت ما شوفتش الحاج سليمممممم , دي الحاجة زبيدة جدتك كانت تداري على عمايل ابوك عشان تخاف تشتكيله ليعلقه في الفلكة ويمده على رجلييييييه هههههه

 

هههههه ياااااااااه , ابويا اتعلق في الفلكة واتمد على رجليه قبل كدة يا عم موردي ؟

 

ايّوووووووووه يامَا يا احمد يا ابني يامَااااااا ههههه يمكن عشان كدة هو دلعك انت وادهم اخوك وما رضيش يقسى عليكو

 

بس يا خسارة , دلعه لادهم كان زيادة ومش في مصلحته , ربنا يصلح حالك يا ادهم يا اخويا

 

آمين يا ابني , ربنا يهديه هو واللي زيه , هه فكرتني بالحاج سليم وأيامه الحلووووة , الله يرحمك يا حاج سليممممم

 

آمين يارب , بس اني مبسوط اننا اتكلمنا مع بعض وحكينا عن زمان وذكريات زمان وجدي وجدتي ههه عَرَفت منك حاجات عمري ما عرفتها قبل كدة , ربنا يديك الصحة يا عم موردي , هتقطع بيا وربنا

 

ربنا يكرمك يا احمد يا ابني , اني هنبقى نيجي كل فترة نشوفوك ونطمنوا عليك , انت في غلاوة ولادي يا احمد يا ابني , اني بس عايز نوصيك على صابرين , ابقى طوّل بالك عليها شوية في الشغل , بكرة تتعلم وتبقى كويسة

 

هه ما تقلقش يا عم موردي , اطمن

 

الله يطمن قلبك يا ابني ويخليلك مراتك ويرزقك منها الذرية الصالحة اللي تفرح قلبك وقلب ابوك

 

آمين يا عم موردي , مع السلامة

 

الله يسلمك يا ابني

 

 

 

 

 

 

 

 

 

 

 

 

 

 

 

 

 

 

 

ههههه بقى ده اللي مزعلك يا موردي !!!! يا خويا بلا شغل بلا وجع قلب , كتر خيره الحاج عاااااادل

 

والله يا سيدة ما تعلمي بيا واني خارج من المينا كنت حاسس بإيه ! اني كنت حاسس زي ما تكون روحي بتتسَحَب مني , فضلت واقف وسط المينا نبصوا ع الناس والمراكب والعمر اللي راح واني في المكان ده , ايّوووووووووه سرحت لبعيد وافتكرت اول يوم اشتغلت فيه عند الحاج سليم الله يرحمه وافتكرت كل ايامي الحلوة معاه ومع ابنه الحاج عادل من بعده , يامَا عدا عليا ناس اشكال والوان من كل صنف وكل جنس , بقى اني بعد العمر ده كله نسيبوا المينا !!!!!!

 

يا موردي كفاياك شغل , انت لازمك الراحة برضو , لازم تقعد في البيت بعد الشقا ده كككككله

 

نقعدوا في البيت نعملوا ايه بس يا سيدة !!!!!!!!

 

ههههه نونّسوا بعض وناخدوا بحس بعض , طب داني متفائلة بقعدتك دي وحاسة ان صابرين هتاخد راحتها ع الآخر

 

تاخد راحتها ! تاخد راحتها يعني ايه يا سيدة ؟؟؟؟؟؟؟

 

هااا أأأأ لالالا اني قصدي يعني هتتودك في الشغل وتبقى استاذة وتعجب الأستاذ احمممممد , نقصدوا شغلها يعني

 

ربنا يوفقها , اني والله نفسي ربنا يرزقها بابن الحلال ولا تشتغل ولا تتعب , يعني هو اني غاوي نشحططوا بنتي ونشغلوها !!!!!

 

هههه بكرة ربنا هيكرمها اخر كرم بللي في بااااالي , بس انت ادعيلها يا مورددددددي

 

بدعيلها وبدعي لاخواتها كلهم , اومال فين العيال ؟

 

صابرين عند بنت الجيران اللي فوقينا و محمود نام وقالي اول ما ابويا يجي صحيني عشان نتعشوا معاه , يا محمووووود , محمووووووووود , اصحى ابوك جه يا محمووووود

 

 

هههه اني صاحي اهو , ازيك يابوياااااا

 

اهلا يا محمود

 

بارك لابوك يا محمووووود

 

خيررررر

 

هههه خير يا ابني وكل الخيرررر , ابوك قعد من الشغل والحاج عادل اداله مكافأة شيك بعشرين الف جنيي

 

ايّوووووووووووووووووه ههههه عشرين الف جنيي مرة واحددددددددة ! داحنا كدة هنتشبرئوووووا , جم في وقتهم والله يا بويااااااا , اني يلزمني كام قميص على كام بنطلون وجزمة حلوة لزوم الإيافة يعني في الكلية هههه

 

يا ابني يعني هنبعزقوا القرشين على القمصان والبناطيل والجزم !!!! الفلوس دي هنشيلوها لجهاز اختك

 

ايه ! يعني اني ماليش فيهم حاجة ؟؟؟؟؟

 

ما تدي الولا اللي هو عايزه يا موردي , ماتخافش يا محمود , اول ما ابوك يصرف الشيك هنخليه يديك 500 جنيي مرة واحدة تجيب بيهم اللي نفسك فيه

 

ههههه تعيشي يا امي يا ست الكككككل , مبروك يا ابويا , اني داخل نغسلوا وشي عشان نفوقوااااااا

 

الله يبارك فيك يا سيدي , يعني انتِ بتخالفي كلامي قدام الولا يا سيدة ! اني بنقول هنشيلوا الفلوس لجهاز البت تقومي انتِ تعشمي الولا بخمسوميت جنيي !!!!!!

 

ايّوووووووه ما هو شاب اسم الله عليه وعايز يلبس ويتهنى , الولا معذور يا موردي , بيشوف زمايله لابسين الحلو والغالي وهو يا حبة قلبي ما عندوووووش

 

والله انتِ مفترية انتِ وابنككككك , ابنك عنده ودولابه ملياااااان , حتى صابرين لسة مدياله 150 جنيي قريب عشان قالها شاف قميص وبنطلون عاجبينه وعايز يشتريهم

 

هههه يا خويا ربنا يخليهم لبعض ويحنن قلوبهم على بعض , البت صابرين دي حنينة على اخواتها حنية يا مورررردي , اهي دي لو اتجوزت راجل مقتدر هتغرف وتديلهم وتسعدهم معاهاااااااا

 

ههههههه راجل مقتدر ! احلمي , احلمي يا سيدة , الأحلام مش بفلوس

 

بكرة الحلم يبقى حقيقة يا مورددددددي

 

طب قومي حطيلنا العشا ونادى على صابرين خليها تنزل من عند الجيران عشان تتعشى معانا وسيبك من الأحلام اللي لحست مخك

 

طيب يا موردي , مش هنبطلوا نحلموا , ولابد عن يوم الحلم يبقى حقيقة ههههه

 

 

 

 

 

 

 

 

 

 

 

 

ماسك الموبايل بتاعك ليه يا رؤوف ؟ هتكلم حد ولا ايه ؟؟؟؟؟؟؟؟

 

اووووووووف يخرب بيت الحصار , ايوة يا زوزو يا حبيبتي , هعمل مكالمة

 

ايوة يعني هتكلم مين يا رؤوف يا حبيبي ؟

 

هكلم نبيييييييييييل

 

اهااااا نبيل صاحبك ؟

 

ايووووووة

 

مش ده اللي عزل من مصر الجديدة وراح الحدايق ؟

 

ايووووووووووووووووووة

 

عنده بنتين وولد , مش كدةةةةة ؟؟؟؟

 

كدة , كدة يا زوزو يا حبيبتي , كددددددددة , ممكن اكلمه بعد اذنننننننننك ؟

 

انت عايزه ضروري ولا ايه ؟؟؟؟؟؟؟؟

 

ييييييييييييي , حبيبتي واحد صاحبي وعايز اكلممممممممممه مش لازم يعني يكون في اسباب عشان اكلمممممممممه

 

هو انا قولت حاجة يا حبيبي ! محسسني اني بتدخل في كل حاجة في حيااااااااته اوووووووف انا هعمل شاي اعملك معاياااااااااا

 

ايوة يا زوزو ايوووووووووووة , سيبني بقى خليني اكلم الراااااااااجل

 

ما تكلمه هو حد حاااااااااشك انا رايحة المطبخخخخخخخخخخ

 

اووووووووووف اعوذ بالله , قاعدة على قلبي زي الكابووووووووس

 

تررررررررررررررررررررن تررررررررررررررررررررررررررن

 

الو ايوة يا رؤوووووف هههههه

 

ههههه ازيك يا نبيل واحشني يا راجل

 

انت اكتر والله , فينك ؟

 

في الدنيااااااااا , انت اللي ما بقاش حد يشوفك من ساعة ما عزلت وروحت الحدايق

 

طب ما تجيب المدام وتيجي تزورنا

 

اييييييييه اجيب ميييييييين !!!! يا عم اتقي الله , انا ما بصدق اخرج من البيت واسيبها , اقوم اخدها معايا وانا خااااارج !!!!!!!

 

هههههههههههه خليها تيجي تتعرف ع المدام , واهو نسيب الحريم يقعدوا مع بعض واحنا نقعد مع بعض , اصل المدام طلبت مني اكتر من مرة انها تتعرف ع المدام بتاعتك

 

خليها تتعرف عليها عشان تندم ندم عمرهااااااااا

 

هههههههه يا عم انت مالك , هاتها وتعالى , احنا منتظرينكو

 

ماشي يا نبيل , ساعة بالكتير ونكون عندك ان شاء الله , مع السلامة

 

الله يسلمك

 

الشاي يا رؤووووووووف

 

لا , بلاش , روحي البسي عشان خارجين يا زوزو

 

اووووووووووف خارجين رايحين فيييييييين ! انا ما بصدق يجي يوم الجمعة عشان نقعد مع بعض , تقوم انت عايز تاخدني ونروح عند مامااااااااتك !!!!!!

 

حد جاب سيرة امي دلووووووقتي !!!!!!!!!

 

اومال هنروح فين يا رؤوف ؟؟؟؟؟؟؟؟؟

 

نبيل صاحبي عازمنا ناخد الشاي عنده , وبالمرة تتعرفي على مرااااااته

 

يووووووووو , هو انا قولتلك عايزة اتعرف على مرات حدددددد ! ايه يوديني انا عند واحدة ما اعرفهاااااااش , يمكن يطلع دمها تقيل ولا رزلة

 

اووووووووف لو ما عجبتكيش ما تبقيش تروحي تااااااني , بس انا وعدت الرااااااجل

 

 

خلاص يا رؤوف , عشان خاطرك بس يا حبيبي هروح

 

 

 

 

 

 

 

 

 

 

يلا استعدي يا ناهد عشان جايلنا ضيوف كمان شوية

 

ضيوف مين دول يا بلبل ؟؟؟؟؟؟؟

 

رؤوف صاحبي ومراته , جايين ياخدوا الشاي معانا

 

تووووء طيب مش المفروض كنت تقولي قبل ما تديهم معاد يا نبييييييييل ؟ مش جايز اكون مشغولة وما عنديش استعداد اقابل حددددددد ؟؟؟؟

 

اللي حصل يا ناااااااهد , وبعدين انتِ وراكِ ايه يعني دلوقتي

 

ورايا ايه يعني ايه ! ورايا متابعة المسلسل اللي جاي كمان نص سااااااااعة , اومال احنا جايبين الدش ليييييييه !

 

مش مشكلة الحلقة النهاردة يا ناهد , وبعدين الحلقات بتتعاد تاني ؟

 

معرفش معاد الاعادة

 

ماما المسلسل ده بيتعاد الساعة سبعة الصبح , هبقى اصحكيكِ عشان تشوفيه هههههههههه

 

انتِ طلعتي منين يا بنت انتِ !!!!!!

 

 

طلعت من اوضتي يا مامتي ههههه سامعاكو بتقولوا في ضيوف جايين , مين دووووووووول

 

 

ايوة بمناسبة الضيوف تعالي هنا بعيد عن باباكِ عشان اقولك كلممممممممممممة , عن اذنك يا نبيل

 

اذنك معاكِ , انا داخل البس

 

 

ايوة يا مامتي كنتِ عايزاني في ايه ؟؟؟؟؟؟؟؟؟

 

بصي بقى , عندنا ضيفة غريبة عننااااااااااا , تسلمي عليها بأدددددب , إياك تتسحبي من لسانك وتقوليلها هاتيلي عريس لتقول عليكِ قليلة الادددددددددب

 

هههههههه لا ما تخافش يا ماما , من ساعة ما طنط بهيرة شدتني من ودني وقالتلي ما اقولش كدة قدام حد وانا بقيت شاطرة وبسمع الكلام

 

طيب كويس اوي , عايزها تمشي من هنا وهي واخدة انطباع كويس عنكككككككك , تقول يا سلام على هديل وتربية هديل

 

هههههههه ماما , هو انا النهاردة بقيت هديل ! ارسيلك على حل , انا هدير ولا هديل عشان انا توهت مني هههههههههههههه

 

يا شيخة روحي من وشي دلووووووقتي , روحي البسي

 

البس ايه ! ما انا لابسة بيجاما حلوة اهو

 

بيجاماااااا ! هتقابلي الست بالبيجاماااااااااا

 

هههههه لا فعلا ما يصحش , هروح البس جلابية بكم

 

هدييييييييييييل , ما تغظنيششششششششش

 

ههههه بهزر يا مامتي , هلبس جيبة وبلوزة حلوين واحط الحجااااااااب

 

شاطرة بنتي حبيبتي امووووووه

 

هههه ميرسي يا مامتي

  • معجبة 2

شارك هذه المشاركه


رابط المشاركه
شارك

السلام عليكن يا عسولات

 

أأسف للحلقات الحزينة ولكن طبيعة الأحداث فرضت ذلك , عذرااااااا

 

بس اكيد في شخصيات بتلطف الجو يعني زي شوقية وبهيرة وغيرهم هههه

 

 

 

سارة محمد

 

اسفة حبيبتي والله , كنت فاكرة ارد من اول مرة لكن النسيان والإنشغال هما السبب هههه

 

ارحب بالزائرة الحبيبة المتابعة اللي متوصي عليها مخصوص من حبيبة قلبي سارة محمد , شكرا لكِ يا عسولة على التواجد ومتابعة المسلسل , وياريت تسجلي معانا في المنتدى وتشرفينا بيكِ

 

اشكرك مرة اخرى وارجو ان يكون المسلسل حاز اعجابك

 

 

 

رماس

 

رموووووسة وحشتيني يا عسسسسسسل

 

انا مستفزة بس بموت فيكِ هههههههه معلش حبيبتي , اعمل ايه في خيالي اللي مشحططني وراه ومشرد ابطالي في بلاد الله ! ههههههه الله المستعان

 

 

 

ساجدة للرحمن

 

ابلة سجوووووووودة , شوقية بتقولك , متشكرين يا شابة , واني والله بنموتوا فيكِ ونحبوكِ , تعالي نعزموكِ في فيلا الست سعاد كام يوم هههههه

 

 

أم افنان المغير

 

هل هلالك يا ام افناااااااان , بتغطسي فين يا اختي ! هههههه

 

أم ميساء المسلمة

 

حبيبة خالتو يا ناااااااس , استناكِ في المطار على عنيااااا , بس هنعرفوكِ ازاي ! هههه انتِ بلدك ايه حبيبتي ؟

 

 

أم بشار وعبد

 

بتسألي ع الفرح ليه يا ام بشار ؟ هتحضري ولا هتبعتي بوكيه ورد ؟ هههه ممممم تفتكري هيتم الفرح ؟؟؟؟؟؟؟

 

أم المنذر

 

انا فرحانة عشان توقع من بتوعك طلع صح ههههه

 

 

ذليلة إلى الله

 

ونعم بالله حبيبتي , فإرادة الله فوق كل شيء

 

ريحانة السماء

 

ان شاء الله يا رياحينو , يعني هو انا اكره ان الحلقات تكون سعيدة ! ههههه

 

ربنا يعلم والله حالتي النفسية بتبقى وحشة قد ايه وانا بكتب حلقات حزينة , لدرجة اني اقعد أأجل كتابتها وفي الآخر اقول هروح منها فين ! لازم اقعد اكتب , وابدأ كتابة من هنا ومشاعري تتوحد مع الابطال وافضل اعيط , معلش حبيبتي , طبيعة الأحداث

 

هدوء الفجر

 

يعني ما بيهون عليكِ تدخلي تعلقي على الاحداث ولكن داخلة عاملة فرح لروضة الجنة عشان رجعت هههههه روضة تستاهل اكتر من كدة ورجعوها فرحني جدا والله

 

شوفتي يا روضة يا عسل غلاوتك عند مريومة ! الله يزيدكم حب فيه وترابط ومودة , اجمل شيء الصداقة الحقيقية , نصيحة مني فلتتمسك كل منكن باأخرى بما اوتيت من قوة , فالصديق الحق لا يعوض بل نادر الوجود

 

ابقي ردي يا بت يا هدوء الفجر ع الحلقاااااااااات

 

 

 

 

 

اللي ما بيردووووووووش , بتوع المتابعة الصااااامتة , اخلي الحلقات صامتة انا كمااااااااان ؟ ارحمني ياااااااارب , الله يهديكووووو

  • معجبة 4

شارك هذه المشاركه


رابط المشاركه
شارك

حلقات جميله ( :

 

كل ميبقى فى خيط ان مشكلة ضحى تنكشف مفيش حد بيقعد يفكر فى الكلام اللى هى بتقوله ولا بيستمر معاها فى الكلام عشان تحكى

شوفى تعامل ادهم من اولها معاها

 

إن شاء الله تندم انك قعدت موردى من الشغل يا عادل ومش هيحصل نتيجه للى فى دماغكم إن شاء الله

لما موردى حكى انها بيوصل الصدقات للفقراء قولت يمكن ضيا ده ميعملش كده وياخدها لنفسه وينكشف بعدين

وعادل يندم ههههههه احلام

 

هو عايز يشيل الفلوس لجهاز صابرين بس برضه دى لاخواتها فلوس

 

انا بقى ناعيه هم الموضوع ده لما مرات صاحب زوجك تعوز تتعرف عليك

انا محبش الصحوبيه الجامده اللى نقعد نوزر بعض وكل حاجه عارفينها عن بعض ^^

بحب اكون فى حالى وتعرف قليل

 

زوزو دى خانقه زوجها مينفعش كده هو ممكن يوقفها عن اللى بتعمله وميردش على كل الاسئله

بتصل على واحد صاحبى وخلاص ويتصل يكلمه وشكرا ^^

 

جزاك الله خيرا يا هبه ^^ اسعدتينى بالكلام

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×