فاطمة الزهراء7 1 أرسلي تقرير عن المشاركة قامت بالمشاركة 18 اكتوبر, 2006 السلام عليكم ورحمة الله وبركاته،، الحمد لله فينك ياولاء انا اللى كسبت :cry: :cry: مبروك عليكى الكنافة يا راجية بس اوعدينى المرة الجاية تبقى من صنع ايديك حبيتى مروة قولى لولاء تظهر اوعى تكون مكسوفة :cry: بحبكم كلكم فى الله وخصوصا منافستى العسولة ولاء وطبعا حبيبتى راجية شارك هذه المشاركه رابط المشاركه شارك
ولاء تركى 0 أرسلي تقرير عن المشاركة قامت بالمشاركة 20 اكتوبر, 2006 السلام عليكم ورحمه الله وبركاته بقي كده ماشي دي اول جولة بيننا يا فاطمة وانا وراكي والزمن طويل وبعدين احقاقا للحق لابد ان يقوم نفس الشخص بتجربة الوصفتين يعني لاثبات فوزك عليا لابد ان تقوم محبة بتنفيذ طريقتك وان تقوم ماما راجية بتنفيذ طريقتي لاعلان النتيجة وكما ذكرت لن اتنازل عن حقي الادبي والمعنوي واني بطالب بتوقيع اقصي العقوبة علي كل من يبوظ سمعتي بافتراء في الحلويات بالذات والوحشات كمان وماتفرحيش يا فاطمة قوي الايام بيننا :biggrin: :biggrin: شارك هذه المشاركه رابط المشاركه شارك
فاطمة الزهراء7 1 أرسلي تقرير عن المشاركة قامت بالمشاركة 20 اكتوبر, 2006 ماشى ياولاء انا معاكى للاخر انا نفسى طويل وواثقة فى طريقتى اى حد يجربها على مسؤليتى ايه رأيك اوعى متعزمنيش على فرحك علشان اول هدية مفاجأة صينية كنافة بس هزود العسل علشان تبقى زيك عسولة شارك هذه المشاركه رابط المشاركه شارك
محبة لربها 1 أرسلي تقرير عن المشاركة قامت بالمشاركة 20 اكتوبر, 2006 ايييييييييييييييييييييه هو مافيش الا محبة لربها تجربوا فيها قصدى تبوظوا انا خلاص اعتزلت وما حدش يجيبلى سيرت الكنافة تانى لما الصينية اللى مرمية فى التلاجة تلاقى حد ياكلها ابقى افكر انا هادخلها البيت تانى ولا لا دى محتاجة فأس علشان تتقطع : شارك هذه المشاركه رابط المشاركه شارك
محبة لربها 1 أرسلي تقرير عن المشاركة قامت بالمشاركة 20 اكتوبر, 2006 (معدل) انت يا ست مروة شيلى اختك دى من قدامى مش طايقاها دى اتسببت لى فى ازمة عاطفية وانت يا فاطمة هانم اوعى تفتكرى انك هتضحكى عليا بالوصفة بتاعتك وتخلينى اعمل كنافة تانى ابدا مش هيحصل بطلناه خلاص تم تعديل 20 اكتوبر, 2006 بواسطة محبة لربها شارك هذه المشاركه رابط المشاركه شارك
فاطمة الزهراء7 1 أرسلي تقرير عن المشاركة قامت بالمشاركة 21 اكتوبر, 2006 انتى حرة يا محبة انا زوجى بعد اول مرة تفشل قال لى مش ممكن ادخلها البيت تانى بس انا حسيت انى فشلت وقررت التحدى وقعدت اسأل كل الخبيرات لحد ما جبت الطريقةدى ودلوقتى هو اللى بيتحايل عليا اعملهاتانى وممكن الكنافة الناشفة حطى عليها لبن ساخن وكليها هتبق طرية وطعمها حلوبس نصحتى اوعى تسبى فكرة انك فشلت امامه شكلك هيقى وحش شارك هذه المشاركه رابط المشاركه شارك
راجيه عفو الرحمن 1 أرسلي تقرير عن المشاركة قامت بالمشاركة 21 اكتوبر, 2006 السلام عليكم ورحمه الله وبركاته ومازالت الحرب قائمه ايه يا جماعه احنا هنخسر بعض علي صينيه كنافه اينعم ولاء افتت ووده محبه في داهيه واينعم محبه فشلت وعملت ازمه عاطفيه في البيت بس مفيش مشكله عادي يا جماعه اهم حاجه ان انا اكلت صينيه كنافه محترمه وخلوا الحرب دايره وانا مالي وبصراحه يا محبه المفروض تجربي الطريقه التانيه علشان الحكم يكون سليم وبعدين متعقديش نفسك خالص بالنسبه لاول واخر مره فكنفتك هايله يعني وفعلا ممكن تحطي عليها شويه لبن بتطري وتكون كويسه كمان ممكن تحشي الكنافه نفسها مهلبيه وانت بتعمليها بتطلع طريه غصب عنها يعني ده لو انت بتحبي المهلبيه المفروض انك متيأسيش خالص لا حياه مع اليأس السلام عليكم ورحمه الله وبركاته شارك هذه المشاركه رابط المشاركه شارك
محبة لربها 1 أرسلي تقرير عن المشاركة قامت بالمشاركة 21 اكتوبر, 2006 ما هى المصيبة انها كانت محشية مهلبية حبيت افنن وقلت دى هتطله روعة وهاجننه واخليه يعرف ان ما فيش منى والنتيجة انها طلعت قرص جبس هو صحيح قالى حطى لى عليها شوية لبن واكل منها بس بردة ختم الفشل لسة موجود واللى يجننك البنت ايمان اول ما شافتها بعد ما هو عرف الخبر طبعا اتهبلت عليها وكانت هتتجنن وتاخد حتة ولما اديت لها اكلت منها فتفوته وقالتلى خدى يا ماما قلتلها مش هتكليها يا حبيبتى قالتلى باشمئزاز لا مش عاوزة وطبعا انتوا فاهمين كان ايه رد الفعل من ابوها شارك هذه المشاركه رابط المشاركه شارك
ولاء تركى 0 أرسلي تقرير عن المشاركة قامت بالمشاركة 21 اكتوبر, 2006 السلام عليكم ورحمه الله وبركاته طب طالما انتي حريفة كده يا راجية هانم وبتحطي حلول لمحبة عملتي الازمة دي ليه ؟؟؟؟؟؟؟؟؟؟ :smile: انا شايفة يا جماعة اننا نحول تنافسنا في الكنافة الي تنافس في مجال اخر وهو : معالجة محبة لربها نفسياً احسن حالتها صعبة خالص ولابد ان نقدم لها الوصفات للعلاج ثم المرحلة التالية هي المعالجة العاطفية في منزلها الموضوع كبير يا جماعة انا شايفة اننا بدل ما نتنافس ممكن نتحد في الموضوعين دول المعالجة النفسية + المعالجة العاطفية حرام برضه ماكنتش كنافة ....البنت كانت كويسة وبعقلها وماتنسوش اننا جزء من هذه الجريمة وخصوصا انا :unsure: وعايزين ندعمها نفسيا بدل روح الهزيمة اللي متملكاها معلش يا محبة هنعالجك :sad: بوسيلي ايمان وقوليها خلتك ولاء هتجيبلك الكنافة الحلوة اللي ماما مش بتعرف تعملها اصل ماما مش بتعرف تعمل حاجة خالص هاهاهاها شفتوا بعالجها ازاي :mrgreen: هعقدها اكتر اساساً :wub: فاطمة جهزي كنافتك يا حبيبتي بس اوعي تطلع بجد احلي من بتاعتي احسن مش هينفع كده في اول يوم :smile: اه علي فكرة انا نسيت اقولكم حاجة مهمة جدا ... ان خطيبي مابيحبش الكنااااااافة خااااااااااااالص ولا بيطيقها :cry: :wub: يعني محدش يا محبة هيزعل مني لو عملتها وحشة :laugh: اتعلموا بقي شفتوا العلاج ازاي شارك هذه المشاركه رابط المشاركه شارك
راجيه عفو الرحمن 1 أرسلي تقرير عن المشاركة قامت بالمشاركة 22 اكتوبر, 2006 السلام عليكم ورحمه الله وبركاته فعلا يا جماعه محبه محتاجه معالجه نفسيه وعاطفيه بس انا شايفه ان الحل الوحيد لحلتك انك تعملي صينيه كنافه تانيه استني بس متزعقيش صدقيني هو ده الحل انت تجربي طريقه فاطمه وبعدين تكلي منها حته في السر لو عجبتك وطلعت حلوه قدميها لزوجك وبكده تكوني رفعتي من روحك المعنويه وعديتي الازمه ولو طلعت وحشه ابقي ارميها للقطط واهو منك خدتي ثواب في القطط بس يا رب ميكونش وزر والقطط هي اللي تتأذي او مثلا تسبها وتمشي ومترضاش تكلها زي ايمان عموما جربي العلاج ده وان شاء الله تيقي احسن واشوفك بعد اسبوع "الاستشاره " وبالنسبه للانسه ولاء انا مبحبش المهلبيه يا ست ولاء علشان كده كنت عايزه حل تاني وكويس جدا ان عريسك مبيحبش الكنافه احسن كان يعمل فيكي زي ايمان وزوج محبه :smile: :smile: :biggrin: :biggrin: :biggrin: صحيح نسيت اقولكم كل سنه وانتم طيبين واشوفكم بعد العيد ان شاء الله السلام عليكم ورحمه الله وبركاته شارك هذه المشاركه رابط المشاركه شارك
محبة لربها 1 أرسلي تقرير عن المشاركة قامت بالمشاركة 22 اكتوبر, 2006 ماااااااااااشى يا ظريفة انتى وهى انا خلاص عرفت الحل لمشكلتى ومش محتاجة اقتراحاتكم الحل الوحيد لمشكلتى انى ما اسمعش كلام ولا اخد بطريقة حد فيكم اتمنى من كل الاخوات يطبقوا الحل دة وصدقونى هتدعوا لى كل سنة وانت طيبين شارك هذه المشاركه رابط المشاركه شارك
ولاء تركى 0 أرسلي تقرير عن المشاركة قامت بالمشاركة 23 اكتوبر, 2006 (معدل) حبيباتي كل عيد فطر وانتن بخير :smile: اتمني لكن السعادة وعيد فطر سعيد عليكن :P :wub: خلاص اخواتي الحبيبات :laugh: رمضان خلص :cry: ومفيش كنافة :tongue: الي لقاء جديد يجمعنا سويا راجية عفو الرحمن فاطمة الزهراء7 محبة لربها خير أمة غربة وحنين مروة تركي أحبكن في الله :wub: تم تعديل 23 اكتوبر, 2006 بواسطة ولاء تركى شارك هذه المشاركه رابط المشاركه شارك
