#كلام لم يحدث #اقتراب ظهور علامات الساعة

[وفاء سالم 0]

ليه المنتدى الاسلامى فيه كل القسوة دى ده الموقع اللى نقلت منه الموضوع محدش هاجم اللى كاتبه بولا كلمة يا سلام ده الاسلام ودول المسلمين اشكركم يا رفاق على كلامك القاسى وانتى كمان يا live

[om_mohamed 0]

يا اختى العزيزة وفاء متزعليش من اللى بيهاجمك بس عارفة بيهاجموكى ليه ؟؟؟؟ من الصدمة بتاعة الخبر لان الخوف بيخلى الانسان مش عارف بيقول ايه كويس ؟؟؟ انا الخوف وانا بقرا الخبر حسيت انه هيشلنى بس بعد كده حسيت براحة فمتزعليش لان الانسان بيتعامل مع الصدمات بشكل مختلف عن الاخر

اوعى تزعلى وخلى صدرك رحب انت اللى خوفتينا بقه ولا ايه؟؟؟

[وفاء سالم 0]

اشكرك اخت ام محمد على ذوقك وكلامك الهادىء

فيها ايه لو اتكلموا باسلوب هادىء ميكنش فيه تجريح

بعدين انا معملتش كده لما قريته ده منقووووووووووووول والله منقووووووول

[قبس الاسلام 0]

كذبة رعبتنا لكن فيها عبرة اولا لن نتجاهل موعد الساعة بعد اليوم ثانيا لا نصدق كل ما نقرا بسرعة تسلميييييين يااختي كانت صدمة كبيرة لكن اول ما تذكرته انه لازم نقرا سورة الكهف الجمعة وندعي اللهم اني اعوذ بك من عذاب النار وعذاب في القبر ومن فتنة الحياة والممات وفتنة المسيح الدجال

[القلب المجروح 2 0]

يجزيك الخير اختي وفاء

 

تحياتي

[om_mohamed 0]

لا شكر على واجب يا اخت وفاء وفيه ناس كتير عجبها الموضوع بتاعك رغم الخضة اللى اتخضيناها .. وحتى لو الموضوع مش منقول فهو موضوع هام فماذا كنا سنفعل لو الموضوع حقيقى فعلا ..كان زماننا بنلطم خدودنا وماسكين المصاحف عمالين نستغفر .. طب ليه نستنى لحد مالخبر يكون حقيقى منبدا من دلوقتى يمكن نلحق نتوب

وبعدين الانسان ناسى انه ممكن اساسا يموت قبل ميسمع او يشوف اى حاجة من دى

فمش لازم نستنى للاخر يعنى

" وما تدرى نفس باى ارض تموت"

[سلفيه 0]

السلام عليكم ورحمة الله وبركاته،،

ياخواتى ليه الاسلوب ده براحه شويه لو الاخت غلطت فى حاجه نعرفها الخطا بس براحه الاسلوب اللين والكلمه الطيبه بيعملو مفعول وجزاكى الله خيرا اختى وفاء واوعى تكرريها العمله دى

[أم عائشة المصرية 242]

السلام عليكم ورحمة الله وبركاته

أختي الفاضلة وفاء سالم

بداية وقبل التعليق على الموضوع احب ان أعلق على كلمتك هذه:

والله قبل ثوانى من قراءة ردك كنت هاكتب اعتذار عن عضويتى فى المنتدى وينزل كموضوع بسبب الاخوات اللى رددها جارح

لا يا غالية..من قال هذا..أنت أخت حبيبة إلى قلوبنا ونريدك معنا في المنتدى ونفرح بموضوعاتك ونحزن إن تركتينا..

وأنا لا ارى كلام الأخوات جارح كما ذكرت والأخت راندا الشعراوي لم تكتب إلا أحاديث..

وسأذكر لك موقف حصل على عهد النبي صلى الله عليه وسلم وهو أن أحد لصحابيات نادت طفلا لها لتعطيه شيئا فسألها النبي صلى الله عليه وسلم ما ستعطيه فأخبرته أنها ستعطيه تمرة فأخبرها النبي صلى الله عليه وسلم أنها لو لم تعطه شيئا لكتبت عليها كذبة..

أريد أن أسألك سؤال هل في كلام المصطفى الذي ذكرته كلام جارح؟!

كذلك ما حصل..

واسمحي لي أن أعلق على الموضوع وهو أنك يا غالية قصدت خيرا ولكن هناك قاعدة فقهية وضعا الفقهاء تقول: النية الصالحة لا تصلح العمل الفاسد..

وما ذكرتيه في الموضوع لم يحدث في الحقيقة (حتى لو كتبت بعدها كلمة خيال أو منقول..إلخ)

وما لم يحدث = كذب والنبي صلى الله عليه وسلم قال: "أنا زعيم ببيت في ربض الجنة لمن ترك المراء وإن كان محقا ، وببيت في وسط الجنة لمن ترك الكذب وإن كان مازحا"..

 

وهناك قاعدة فقهية مهمة جدا جدا جداااااااااااااا..وهي أنك يجب عليك الأمر بالمعروف بالمعروف والنهي عن المنكر بغير منكر..

 

وألفت نظرك يا غالية أنه لو قرأ الجميع موضوعك ولم يعلق أحد ولم ينصحك أحد فستأتي يوم القيامة ماسكة بجميع رقبة من قرأ الموضوع وسكت ولم ينصحك..

 

أكرر أنت عضوة حبيبة إلى قلوبنا ولا يعني أننا علقنا على شيء او نصحناك وهو واجب علينا..أننا لا نريدك معنا..ونحن بانتظار ردك وموضوعاتك..

 

عذرا اسمحي لي أهديلك هذه الزهرة..دليلا على الحب في الله..

[وفاء سالم 0]

جزيت بالجنة سلفية واشكر لك مرورك

وعلى رأيك فيها أيه لو اتكلموا زيك كده وزى أخواتى الاخريات بهدوء وباتسامة أمر بالمعروف بوجه بشوش وانهى عن المنكر بوجه بشوش

بابتسامه وان لم ينته الانسان نعمل بقى معاه اللى يرضى ربنا صح ولا أيه دول ما صدقوا طخ طخ علىالعموم اشكرهم برضه وانا عذرتهم .

 

 

 

 

والموضوع اللى مضايق كتييييير من الاخوات أنا ميرضنيش أزعلهم هأطلب من المشرفة تشيله خالص اذا ردووا وقالوا موافقين.

 

يعنى اللى عايزانى اشيله تبعت وترد بس براحة وبهدوء.

 

واللى رافضة انه يتشال ترد عليا برضه .

وأنا أقسم بالله انى هاشيلوا لو وافقتم كلكم على كده. وسامحونى اذا سببت لأى حد حزن من غير قصد .

[وفاء سالم 0]

جزاك الله خيرا أختى الكريمة أم عائشة المصرية ولكن أكرر اتعتقدى انى لا أعلم أحاديث الرسول الكريم وانى أعترضت على الاحاديث المذكورة لا والله ....

اعــــتراضى فقط على الاسلوب اللى تخلينى اسمعها به بدأت

بصراحة كدبة با يخة جدااااااااااااااا

. وده مما أعطانى انفاعلات محبطة جدا قبل قراتى لباقى موضوعها بمعنى الكتاب باين من عنوانه .

ولو ده أسلوب للدعوة والنهى عن المنكر فده مرفوض مش لا سمح الله حاجة تانية الاسلوب فقط وعوما هى أخت فى الله .

و اشعر باحتياج فظيع لاخوات تحبنى واحبها فى الله مش تنفر منى وتهاجمنى بأسلوب يحبطنى.

أنا قريت ردود بتامر بالخير كتيير اسلوبها حلو قوى منهم على سبيل الذكر لا الحصر ( خطابية - أم ريتاج _ بنت الصادق - انسيتم الجنة - جوهرة العفاف - صفوة الدين - نبض الاقصى ......) وغيرهن كثيرات ولا اتذكر الكثيرات منهن فيسامحوننى .

 

 

 

ومشكورة أختى أم عائشة وياريت تردى أشيل الموضوع ولا أيه ؟!

[noona298 0]

حبيبتى وفاء سالم

 

انا شايفة ان نقلك للموضوع ده في فايدة لينا كلنا

 

لانى اول ما قراتة و الله فكرت وقلت يعنى احنا هنموت طب انا لسة مش مستعدة و راجعت نفسى

 

و لما عرفت انك ببتهزرى استريحت ولكنى استفدت و عرفت ان لسة ناقصنى حاجات كتير اعملها حتى اقابل ربنا

 

و اقول للاخوات الى زعلانين يعنى تتخضوا دلوقتى و تراجغوا نفسكم ولا يكون فعلا الخبر صحيح و تكونوا لسة معملتوش حاجة و مستعدتوش؟

 

جزاكى الله خيرا وفاء

 

انى احبك فى الله

[ايمان القلب 0]

السلام عليكم ورحمة الله وبركاته،،

اختي الحبيبة وفاء جزاكي الله خيرا

متزعليش من الهجوم اللي حصل عليكي

لان دائما كلمة الحق تزعل وانتي صحيتي الاخوات من نوم عميق

وانا اولهم . فانا اعلم ان غرضك من هذا الموضوع خير فلا تحزني حبيبتي من الهجوم

فسيري للامام قدما ويا جبل ما يهدك ريح

[عاشقة الثرى 0]

السلام عليكم ورحمة الله وبركاته،،

يا حبيبتي

مو مشكلة

ما تزعلي حالك

بالعكس انا نسختها وبعتها لمعظم الايميلات اللي عندي وعجبتعهم واخدوا نظرة لهادا الموضوع

والله يا اختي وفاء اني احبك في الله كتيييييييييييييييييييييييييير

[أم عائشة المصرية 242]

حبيبتي وفاء من طلب منك ان تشيليه..

لا نريد ذلك ولكن فقط أنا أريد من الأخوات أن يقولوا هذا الدعاء قبل ما يكملوا بقية المضوع:

 

اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه..

 

يا أخوات إن كانت الأخت راندا الشعراوي اخطأت في الأسلوب فإنها لم تخطئ في مضمون الكلام الذي ذكرته وأنا ذكرت كلمة لعلكم لم تنتبهون إليها وسأكررها : علينا أن نأمر بالمعروف وننهى عن المنكر بغير منكر :

والكذب منكر ولا ينفع أن اذكر الأخوات بالله عن طريق الكذب ثم التراجع فيه بقول خيال..

 

أنا أطالب الإدارة بالتدخل..

[إشراقــ الصباح ــة 0]

يمـه يمـــــــــــــــــــــــــــــــــــــــــه طاح قلبــــــــــــــي من الخووووف

 

مشكورة حبيبتي على الموضوع ................

[غايتى لقاء الله 0]

الحقيقة ده اول رد اكتبه على اول موضوع قرآته فى المنتدىوبصراحة انا شايفة انى الموضوع فعلا ذى ماقالت الاخت وفاء كان مجرد تخيل مين مننا مبيتخيلش ايه اللى ممكن يحصل قرب مجىء يوم القيامة ثم يا جماعة نية الاخت وفاء سليمة ممكن نكون خفنا بس ده ميمنعش انى اى اخت تقرا هذا الموضوع انها ممكن فعلا تتأثر بيه وممكن يكون سبب فى تغييرها للافضل فبصراحة انا احييك اختى فى الله على موضوعك وجزاك الله عز وجل خيرا كثيرا......................اختكم فى الله غايتى لقاءالله. :angry: :icon_eek: :tongue:

[إيمان "طالبة عفو الله" 6]

السلام عليكم ورحمة الله وبركاته،،

حياكن الله و بياكن

الموضوع ممكن يكون مؤثر ، و لكن هل انتبهنا يا غاليات أنه لا يصح أن نقول خبر كاذب و إن كان للترغيب أو الترهيب حتى ؟

الأخت صاحبة الموضوع _ أحسب نيتها كانت طيبة _ و كانت تريد تذكير الأخوات بيوم القيامة ، فجزاها الله خيراً ، و إن كان الموضوع لا يصح .

و ايضاً كان ينبغي الرفق بالأخوات .. !

::

لذا يا غاليات الموضوع كما أوضحنا مسبقاً أنه لا يصح و يُعتبر كَــذب .. !

فأعتذر إليكن لنقله .. و لنتذكر يا حبيبات أننا ما اجتمعنا هنا إلا لنفيد و نستفيد و ليس عيباً أن نُخطأ .. !

و أرجوا أن يتسع صدركن لكلماتي هذه .

و ترك المنتدى ليس حل .. بل نحن اجتمعنا للدعوة إلى الله و لنشر الخير و لا يوجد عيب لو أخطأءنا ، واضح يا حبيبات ؟

 

::

و اسأل الله أن يجعلنا و إياكن ممن يستمعون القول فيتبعون أحسنه .