اجتماع للأمهات اللى أطفالهم أقل من سنتين

[أم عائشة المصرية 242]

هاه يا حبيبات وينكم...

يالا كل أم عندها طفل صغير تيجي تفيد وتستفيد...

 

أنا جايبالكم نصيحة جديدة وغريبة...

بالنسبة لمشكلة نوم الطفل مع الأم في الحجرة.

أنا بنتي عائشة عمرها سنتين ونصف ولحد دلوقتي بتنام معي في الأوضه

هي ومريم والموضوع ده تاعبني جدا ومش عارفة أفصلها عني لأنها اتعودت على النوم معي

وتخاف لما أنقل لها سريرها في الأوضة التانية..

 

أخبرتني جارتي أنها قامت بفصل بنتها وهي عمرها 3 شهور ونقلتها للحجرة المجاورة

وكلما أرادت بنتها الرضاعة خرجت لها..أرضعتها...كرعتها...ووضعتها في السرير لتنام..

بصراحة أنا لو كنت سمعت الكلام ده من سنتين كنت حقول ايه القسوة دي..

لكن لما جربت مع عائشة حسيت إنه الأفضل بكتير إنها تتعود إنها تنفصل في حجرة منفردة لأنه

كده كده حيحصل عاجلا أو آجلا..

فلما يحصل الموضوع ده وهي عمرها صغير ومش فاهمة حاجة أحسن بكتيييييييييير

من إنها تبقى زي عائشة بنتي وأعذبها بإني أنقلها لحجرة تانية وتفضل خايفة وتعيط...إلخ..

 

يالا بانتظار مشاركاتكم وتجاربكم في هذا الأمر..

[| ربي سبحانك لا اله الا أنت | 2]

السلام عليكم ورحمة الله وبركاته،،

أنا أختكم وافية عندى توأم سلمى و ياسين ..عندهم 18 شهر

بينامو معي في نفس الأوضه

و لكن هذه ليست مشكلة بالنسبة لي

المشكلة الي عندي انهم يتخانقو كثير و يغيرو من بعض و يطلبوانفس الشيء في نفس الوقت من عنادهم و انا الااستطيع ان احسسهم ان افضل احد منهم على الاخر فلا البي لهما و احاول ان اصرفهما لشئ اخر لانسيهما ما يطلبان

[أم عائشة المصرية 242]

ما شاء الله لا قوة إلا بالله..

الله يعينك على التوأم فهم بالتأكيد مسئةلية ومتطلبات مضاعفة...

 

بارك الله فيك ومشكورة على امشاركة ولو عندك أي نصيحة كلنا آذان صاغية...

[~ أم العبادلة ~ 1903]

هاه يا حبيبات وينكم...

يالا كل أم عندها طفل صغير تيجي تفيد وتستفيد...

 

أنا جايبالكم نصيحة جديدة وغريبة...

بالنسبة لمشكلة نوم الطفل مع الأم في الحجرة.

أنا بنتي عائشة عمرها سنتين ونصف ولحد دلوقتي بتنام معي في الأوضه

هي ومريم والموضوع ده تاعبني جدا ومش عارفة أفصلها عني لأنها اتعودت على النوم معي

وتخاف لما أنقل لها سريرها في الأوضة التانية..

 

أخبرتني جارتي أنها قامت بفصل بنتها وهي عمرها 3 شهور ونقلتها للحجرة المجاورة

وكلما أرادت بنتها الرضاعة خرجت لها..أرضعتها...كرعتها...ووضعتها في السرير لتنام..

بصراحة أنا لو كنت سمعت الكلام ده من سنتين كنت حقول ايه القسوة دي..

لكن لما جربت مع عائشة حسيت إنه الأفضل بكتير إنها تتعود إنها تنفصل في حجرة منفردة لأنه

كده كده حيحصل عاجلا أو آجلا..

فلما يحصل الموضوع ده وهي عمرها صغير ومش فاهمة حاجة أحسن بكتيييييييييير

من إنها تبقى زي عائشة بنتي وأعذبها بإني أنقلها لحجرة تانية وتفضل خايفة وتعيط...إلخ..

 

يالا بانتظار مشاركاتكم وتجاربكم في هذا الأمر..

السلام عليكم ورحمة الله وبركاته،،

أنا حاولت تطبيق ده مع ابني لما كان عمره 6 شهور ولقيت انه أثر فيه جدا وبقى دايما حزين ومش بيلعب وعصبي وحاجات كتيرة

وبعدها تعب واضطريت انقله معايا في نفس الغرفة وسبحان الله نفسيته اتحسنت كتير ورجع يلعب زي زمان ويضحك

بس بحاول اني احطه في فرشة منفصلة كل ما بقدر لكن ساعات بضطر اخليه ينام في فرشتي لان في حشرات غريبة بدأت تظهر عندي ومش عارفين بتظهر منين وكل ما نقول اننا قضينا عليها، ترجع تاني

 

المهم انا مقتنعة الان ان الطفل لازم يكون في نفس الحجرة مع امه في فرشة منفصلة ويفضل لو الفرشة ارضي علشان لما يبدأ الزحف

ان شاءالله انقله لما يجيله اخ او اخت. و لو ربنا ما رزقنيش، مش عارفة هعمل ايه بس الاكيد هيكون في سرير منفصل باذن الله

[أم الأسدين 0]

السلام عليكم ورحمة الله وبركاته،،

جزاك الله خيرا أم عائشه على هذا الموضوع الرائع

انا ام الاسدين ويبدوا من اسمى ان لدى اسدين

اسأل الله ان يجعلهما اسدين من اسود الاسلام

الاسد الاول (عمر)عمره اربع سنين وتسعه اشهر

الاسد الثانى (حمزه)عمره سنه وثمان اشهر

عمرى معلش عجوزه 27 سنه

 

 

انا وللأسف عانيت من نوم الاولاد وحدهم كثيرا وبالذات عمر لان زوجى كان مسافرا فكان ينام معى او معى امى

وبعد عوده زوجى عانيت الامرين ولكن الحمد لله بعدما رزقت بحمزه صار الوضع شبه مستقر بالنسبه لعمر اما لحمزه

فالله المستعان ما زال يستيقظ من نومه ويبحث عنى ولكنى احاول

 

لو تذكرت اى شئ سأتواصل معكم

[*أم رقية* 473]

اخيييييييييييييييييييييرا لقيت الموضوع

 

انا بقى عندى رقية 8 شهور تعبانى خالص

 

 

لى عودة ان شاء الله

[رفقاً بالقوارير 0]

السلام عليكم ورحمة الله وبركاته

 

تجمع مبارك بإذن الحمن

 

يسرني اشارك معكم لأفيد واستفيد :)

 

أنا رفقاً بالقوارير

عمري 25

 

عندي عبدالعزيز عمره سنتين وشهرترتيبة الرابع

 

بصراحة شقي لكن الحمدلله متمالكة أعصابي لأبعد الحدود

 

وعندي حمد عمرة سنه وشهر بدى يمشي هالأيام :) ترتيبة الخامس

 

والحمدلله أولادي كلهم من وهم صغار على القرآن الكريم :)

 

بما ان التجمع للسنتين فأتكم عنهم خصوصاً

 

الحمدلله من صغرهم عودتهم ينامون على صوت القرآن الكريم

 

والحمدلله ملابسهم خالية من الصور ذوات الأرواح نهائياً

 

عبدالعزيز اسم الله عليه يسمي قبل الأكل ويقول الحمدلله بعد الأكل :)

 

لكن المشكلة الوحيده اني تعبت على تعليمة للحمام الله يعزكم

 

:)

 

لي عودة

[بسمة الرضى 182]

للرفع

 

ادخل و اكمل قراية إن شاء الله

[أم عائشة المصرية 242]

للرفع

 

ادخل و اكمل قراية إن شاء الله

 

رفع الله قدرك ونفعك.

[أم يوسف حبيبي 0]

السلام عليكــم ورحمـة الله وبركاتــة ،،

ممكن اشارك في الموضوع ده؟؟؟؟؟؟؟؟؟؟؟؟؟؟؟؟؟

انا ىأم يوسف عندى 22 سنه يوسف عنده شهرين ممكن خبراتكم؟

محتاجه مشاركتك ياأم عائشه المصريه :wacko:

[بسمة الرضى 182]

بوركت ام عيوش:)

ام جوري لقيتي صعوبات ف ايه؟

 

الزبير ما بيحب ينام ف سريره اغلب الاحيان معي

و لونام ف حضني و حطيته ف مكانه يفيق على طول و يبقى يعيط؟؟

و دايما يحب يبقى يرضع مدة طويلة دبعام ينام شوية و يفيق شوية و هيك...

 

مستنياكو و ان شاء الله نشوف التفاعل من الجميع

[أمة الله أم حمزة 2]

السلام عليكم ورحمة الله وبركاته

 

ما شاء الله موضوع جميييييييييييييل والمشاركات أجمل اللهم بارك

 

أحب أشارككم يا قمرات

[أمة الله أم حمزة 2]

الاسم : أمة الله أم حمزة

 

عمري : 26 سنة

 

وحمزة أول طفل لي

 

أد إيه حاسة إني فاقدة السيطرة على نفسي في التعامل معاه بعصبيتي

أعرف جيداً أنه لازم أتمالك نفسي لكن الولد ربنا يهديه يا رب حركته كتيييييييييير

وزي أي طفل يحب يجول في الشقة يخليها رأساً على عقب

وأنا وأبوه مش بنحب البهدلة والهرجلة

علشان كده بيتضرب كتييييييييييير

لكن الأيام الأخيرة كتبت موضوع هنا في الساحة أطلب فيه المعونة بدروس لتربية الأطفال

وبعثت إلي المشرفة "إلهام" بارك الله فيها هذا الرابط

ملف خاص: تربية الأبناء في الإسلام & محاضرات خاصة بالتربية

به أغلب ما يحتاجه الأبوان من دروس ليتعلموا كيف يربون

وبدأت بمحو الأمية التربية للشيخ محمد إسماعيل المقدم حفظه الله وأنصحكن بسماعه

 

وبالنسبة للتجربة التي أريد أن أفيد بها أخواتي بعدما استفدت من تجاربهن

إني والحمد لله أحاول أن أزرع في حمزة تعلم الأشياء التي لها قيمة إلى حد ما

فبدلاً من أن أشغل له الكرتون ليل نهار أشغل دروس للشيوخ وأستمع وهو أيضاً يسمع معي يعرف

أول ما أشغل مثلاً الشيخ أبي إسحاق الحويني يقولي "أمو إيخ" يعني عمو الشيخ أعوده أن يقول على كل الشيوخ عمو لأنهم إخوة أبيه في الإسلام

ومن كتر ما شغلتله نشيد غزة هو بقى دايماً يشاورلي على الجهاز يقولي "أزة أزة" وساعات يتعصب عشان عاوزني أشغلهاله ويقعد يزعق "أزززززززهههه"

وكتير وانا بارضعه أعلمه الحروف بشكل صحيح علشان عاوزاه إنشاء الله يتعلم الحروف لكي نبدأ سوياً في حفظ القرآن

اقوله "ألِف.... باء ..... تاء...... ثاء....... جيم....... حاء ."بالترقيق" ...... خاء ... "بالتفخيم"

وبصراحة وقفنا لحد هنا بس هو مش بيعرف يقول ألف ومش بيعرف يقول ثاء بيقولها فاء علشان أنا باطلع لساني فيها

وجيم يعني بتطلع بالعافية

 

فنصيحتي لكل أخت أن تعلم أولادها من الصغر أشياء ذات قيمة لكي يكبروا على حب ما هو جميييييل ومفيد بإذن الله لهم في حياتهم وفي أخراهم إنشاء الله

ومفيد لنا لأننا سنسأل

ربنا يعيننا على تربية أطفالنا تربية ترضيه عنا يا رب

إدعولي مبقاش عصبية معاه ربنا يعينني ويعنكن أخواتي الحبيبات

[أمة الله أم حمزة 2]

على فكرة حمزة عنده سنة و8 شهور

[ام سلمان المصريه 0]

السلام عليكم مبسوطه اوى للتجمع ده الحمد لله انا عندى حمزه عمره 5شهور وابتدى يلعب ويتشاقى ويصحينى بدرى وانا اسمى ايه عندى 24 للاسف عجزت خلاص :closedeyes: :dry:

[أم يوسف حبيبي 0]

السلام عليكــم ورحمـة الله وبركاتــة ،،

جوزيت الجنه اختي بسمه الرضى والله المشكله اني مغتربه وسافرت بعد ولادتي القيصرية في مصر بحوالي اسبوعين كان الموضوع صعب في البداية لكن ربنا بيعين

مشكلتي ان يوسف النهاردة اخد تطعيم الشهرين وحساه تعبان اوي بينام شويه ويقوم

يبكي انا اديته خافض حرارة وعملتله كمادات ودعواتكم يا امهات الخير

[بسمة الرضى 182]

بالنسبة للتطعيم يا أم جوري بيعمل مرات سخونية و نوم كثير للرضع

نفس الأمر حصل مع أختي :)

 

ابني راح ياخد التطعيم الأول آخر الشهر ده و حنشوف

 

 

بس ليش الموضوع خاااااااااااااااااااااامل يا أمهاات ؟؟؟

[أم عائشة المصرية 242]

وعليكم السلام ورحمة الله وبركاته،،

أعتذر بشدة لم أفتح غيميلى إلا الآن ورأيت فيه البلاغ بالرد على الموضوع

حبيبتى بسمة الرضى نورتى الموضوع..

حبيبتى أم جورى..ربنا يباركلك فى يوسف وينبته نباتا حسنا.

أنا عارفة إنى كده جيت متأخر بس بالنسبة لموضوع التطعيم ده

بس حاولى بعد كده تعملى حسابك إنك تطبخى قبلها بيوم أكل ليومين علشان يوم ما تطعميه معلش بتتعبي معاه شويه

لأن جسمه بيقاوم التطعيم اللى أخده..

ووالله أعلم أكتر تطعيم بيتعب الطفل هو تطعليم السنة ونصف..بيورم جدا وبيوجعه يعنى لما تشيليه تخلى بالك إنك متلمسيش رجله التعبانة خالص..تعملى عليها كمادات.(مش فاكرة سخنة ولا ساقعة اسألى طبيبتك).

 

أما عن رد أختى أم حمزة:

كثيرا ما نتضايق من أبنائنا من شغبهم وتكسيرهم للحاجة لكن هذا ليس يعني أننا نضرب أو نزعأ لهم وهم فى هذا السن..

حبيبتى أم حمزة..فى هذا السن فقط عليك توضيح وتبيين الصح من الغلط دون ضرب..

لا ضرب قبل العاشرة

النبي صلى الله عليه وسلم امرنا بتعويد الأطفال الصلاة وأمرنا أن نضربهم إن قصروا فيها عند سن العاشرة ولم يأمرنا بعقابهم قبل هذا السن.

وعلى فكرة سن ابنك لسه بدررررررى أوى عالضرب...أمال لما يوصل سنه ل3 سنين ويتكلم ويكسر حتعملوا ايه!!

وبالنسبة لموضوع اللعب وتوسيخ المكان هذا حبيبتى مشكلتك انتى..وليس مشكلته هو..

بمعنى إن ربنا سبحانه وتعالى جعله فى هذا السن وظيفته اللعب فقط

يبقى تخليه يلعب وتهيأيله مكان محدد يلعب فيه.

يعنى مثلا يكون حجرة الجلوس فقط هى مكان اللعب.

وغرفتك وغرفة استقبال الضيوف مغلقة طوال النهار لا تفتح إلا لحاجة.

وطالما طفلك فى سن صغير شيلي كل حاجة من قدامه ولا تضطريه لأن يشد فهو طفل لا يفهم ما هى قيمة الحاجة وثمنها.......إلخ.

 

كنت فى فترة من حوالى سنة كده كنت بحضر دورة تدريبية للأمهات فى تربية الأطفال وكانت بتقول لنا:

إنه من الأخطاء التربوية إننا نقول للطفل:x العب من غير صوتx

لكن الصواب إنك تقوليله بابا نايم العب بصوت منخفض وكمان تخليه يلعب فى حجرة بعيدة عن حجرة والده، فهذا طفل ولن يتحكم فى نفسه أكثر من 5 دقائق.

 

وعلى فكرة موضوع الضرب فى السن المبكر ده والله خطأ جدا ولى أقارب أعرفهم معرفة قريبة هم الآن كبار ولكنهم معقدين نفسيا بسبب الإهانة والضرب وهم صغار.

 

 

أسفة على الإطالة ولكن أرجو أن أكون أفدتك.

[بسمة الرضى 182]

بارك الله فيك أم عيوش:)

إن شاء الله الموضوع يرجع زي ما كان و أحسن

[أم عبد الوارث 24]

نصائحك رائعة يا ام عائشة اللهم بارك :)

 

ان شاء الله استفيد منكن و من خبرتك

[أم حنين عدلي وعلي 1]

بســم الله الـرحمــن الرحيــم السلام عليكــم ورحمـة الله وبركاتــة ،،أسمي ايمان 30 سنة ابني علي هو الولد الثاني ولكنه الثالث في الترتيب ،عمره 19 شهرا هو تاعبني لانه كثير الحركة ،ويلمس كل شي ،أحيانا اضربه ولكن في الأغلب اشرح له بانه لا يصح له فعل ذلك فوجدته أنه لايعيد نفس الأمر ولكنه ما شاء الله كثير الحركة

[*أم رقية* 473]

السلام عليكم ورحمة الله وبركاته،،

 

الموضوع تقريبا مش بيتحرك انا فى اول الصفحة كنت اقول رقية 8 شهور دلوقتى اللهم مبارك رقية سنتين يعنى رقية بتكبر والصفحة مبتكبرش ههههههه

 

بسمة الرضى ماشاء الله اسم ابنك جمييييييييييييييل ربنا يحفظة بس انا لسة عارفة انك ولدتى حمدلله على سلامتك وكلام ام عائشة جزاها الله خيرا مضبوط بمعنى انك تفضى نفسك فى اليوم دة ومن الافضل تحضرى كمان دواء خافض للحرارة لان فى بعض اولاد بيسخنوا وفى مكتب الصحة هيقوللك دة

 

ام حمزة الله يحمى حمزة ويباركلك فية والاطفال كلهم كدة وافدتينى فى موضوع الشرائط جة رقية لو اسبها 24 ساعة كرتون ودة ماخر ذكائها الطفل الطبيعى يلعب وبتشاقى

 

ام جورى الله يخليلك يوسف ويحمية

 

ام سالمان الله يخلي حمزة يارب بس لسة بدرى على تعبك حبيبتى

 

ام حنين عادى حبيبتى انا كمان انصحك بمحو الامةالتربوية للسيخ محمد اسماعيل

 

 

ام عيوش تعاليلى انا بقى عملت اية مع عيوش فى موضوع الحمام اعزك الله والبنوتة التانية عمرها كام دلوقتى

الله يسعدك فيهم حبيبتى

[شذى الهمة 331]

السلام عليكم

ياااااه فين الموضوع ده من زمان

ربنا يجزيكي كل خير ياأم عائشة ويجزي كل الأخوات اللى أفادونا بنصايحهم

أنا سجودي لله فقط

عمري 25 سنة عندي عمر عنده سنة ونصف

نصيحتي مثل كل الأخوات عدم العصبية وعدم الضرب تماما

الشئ اللى مريت بيه واتعلمت منه كتير ان لما ابني بيتعب أويمرض بهد كل اللى عملته والحاجات اللى عودته عليها من كتر شفقتي عليه

يعني كنت معوداه من أول مااتولد انو ينام فى سرير لوحده منفصل وكنت بعلقله لعب فيه علشان لما يصحى يتفرج عليها أو قبل ماينام لغاية لما يروح فى النوم

وبعد كده مرض وهو عنده 8 شهور وكان تعبان جامد فبقيت انيمه جنبي وابقى قلقانه طول الليل وطبعا باباه كان زعلان لانى بهد اللى عملناه والنتيجة انه دلوقتى عنده سنة ونصف وبينام جنبي ومستحيل ينام لوحده ربنا يهديه

 

الحاجة التانية انى ماعملتش شخصية جامدة قدامه يعنى هادية معاه وبدلعه والنتيجة انه مش بيخاف مني خالص يعنى لما أبوه بيزعق بحس انو بيحترم كلمته ومش بيحب يزعله بالعكس لما أزعق او أنادي عليه يبصلي ويضحك ومايسمعش الكلام بالعكس ده ممكن مايردش عليا أويعمل أنه مشغول بأي حاجة وده الصراحة مضايقنى جدا

[ام قره عيني 0]

السلام عليكم ورحمة الله وبركاته،،

 

والله موضوع رائع وفي وقتو عشان انا كمان عندي ابن في العمر ده

 

 

انا اسمي :رهام

العمر :19 (صغيره صح)

ابني : عبدالرحمن

عمرو :11 شهر

 

ابتدأ يمشي ويوقع بس مجنني طول النهار في المشايه يجري وراه

والله حاسه حتجيلي حاله نفسيه منو من كتر ما بعصبني

 

بس بحاول ابقى هاديه معاه جدااا عشان هو اصلا هادي مش عايزة اخلي يتعصب يعني

 

امممممم افكرلكم بشويه نصائح

اهم حاجه انو الطفل يتعود ينام لوحدو من غير ما حد يهزلو او يعد معاه قبل ما يكبر عشان حيبقى اصعب

انا الحمدلله تقريبا عودتو اني احطو في السرير وينام لوحدو عشان ديه حاجه رحيتني انا جدااااااااااا

طبعا خد وقت كتير لغايه لما اتعوود وعيييط كتير بس بعديين بقى كويس والحمدلله

 

كفايه كده

بس انشالله ارجع اشوف النصائح التانيه

وانشالله ربنا يعينا على تربيتهم

 

وشكرا حبيبي على الموضوع جميل جدا

[ام قره عيني 0]

السلام عليكم ورحمه الله و بركاته انا عضوه جديده احب ان اقول في البدايه جزاكم الله خيرا علي كل من قام علي احياء هذا الموقع الذي هو فخر لكل مسلمه ولكي ادخل في الموضوع فانا ام لولد وبنت عمرخمس سنوات و ملك ثماني شهور و مثل اي ام كانت تجربه التربيه في الطفل الاول من عمر يوم حتي ماشاء الله ماكمل خمس سنوات و كنت اربي ابني بطرق حديثه و تقليديه بمعني ان اكون وسط معاه و خير الامور الوسط فسوف ينشا الطفل معتدل المزاج و بمثال توضيحي اذا اراد الطفل لعبه و لكنها باهظه الثمن لا اقول له و هو في سن لايفهم معني الغالي و الرخيص انها غاليه و لكن احاول ان اقنعه بلعبه اخري و لكن رخيصه الثمن و تشبه الاخري فبذلك تكوني كسبتي الجوله امامه و اصبح مقتنع و يكون طريقه المعامله مره عليكي و مره عليه ولنا حوار اخر ان شاء الله جزاكم الله خيرا