وصفات مجربه

[أم ريتاج 7]

السلام عليكم ورحمة الله وبركاته،،

ايوة ام ريتاج باستخدمها بقالي 3 شهور كان شعري ادمر من البارمانت وعملت في نفس الوقت هايلايت .. فمشاء الله كان بيقع بالخصلة

دلوقتي الحمد الله رب العالمين طول و نعم ومش محتاجة برمانت خالص ... طبعا مش ناعم ليس بس تموجاته وسعت وحلو وملمسه ناعم

و عليكم السلام و رحمة الله و بركاته

اتفقنا أنسيتم

هحضر الزيوت دي و اجربه

و ان شاء الله مفيد لينا كلنا

[*لقاء* 1]

السلام عليكم ورحمة الله وبركاته،،

أختي لقاء عن تجربة

جربي معلقة زيت زتون + معلقة زيت خروع + معلقة زيت املا + معلقة زيت جرجير + معلقة زيت سمسم + معلقة زيت جوز هند

سخنيهم علي النار ثواني بس مش يكون سخن اوي دافي بس وبعدين اربطي شعرك بطرحة أو بونيه

وحطيهم علي شعرك اقل حاجة ساعتين أو نامي بيهم

 

ربنا يبارك فى عمرك اختى الحبيبة

 

انسيتم الجنة

 

بس عندى استفسار

 

واغسلي شعرك بعد كده يوم بعد يوم هتلاقي الفرق والله في خلال اسبوع

 

يعنى اعمل الموضوع ده كل يوم لمدة اسبوع؟؟؟

 

جزاكى الله خيرا

[م/ هدى 0]

السلام عليكم ورحمة الله وبركاته،،

في الحقيقة أنا عضوة جديدة وهذا هو أول اشتراك لي معاكم

عموما............

أنا كنت أحب أقول للأخت لقاء ان انا استعملت علبة زبادي ( اصفي ماءها واشيل الوش بتاعها وتكون طازة يعني بتاعت اليوم) وأضع عليها ملعقة كبيرة زيت زيتون واحطها في شعري من الليل الى الصبح (غير لما احطها ساعتين او اربع) و في المرة الثانية هتحسي بالفرق فعلا

 

فممكن تعمليها خلال اليومين دول مرتين

ومتقلقيش :smile:

[أم ريتاج 7]

السلام عليكم و رحمة الله و بركاته

 

اخواتي الغاليات

 

طبعا العيد ما شاء الله داخل علينا

 

و دلوقتي بقا عايزين نظبط نفسنا

 

و بما ان مش في حد ظبط نفسه قبلي

 

قولت اكون انا اول من يكتب الوصفات اللى جربتها

 

اصل بصراحة انتوا مش شوفتوني بعد التنفيض شكلي بقا عامل ازاي

 

عارفين اطفال الشوارع ( ربنا ينجيهم من المهالك يا رب ) اهو انا بقيت زيهم في الشكل بالظبط

 

بصوا بقا :laugh: :laugh: :laugh:

 

انا يا اخواتي جربت السويت اللى فيها فسوخ و شبه و مستكه

 

بس ايه بقا انا اللى طبختها بنفسي ( هو يعني مش بنفسي اوي يعنى :tongue: ، اصلي استعنت بالله ثم بواحده جارتي عشان تبصي لي عليها و هي على النار ) و انا و هي احترنا عشان الفسوخ بيخليها غامقة قوي اكنها مش مستوية بس لأ اكنها احرقت بس هي بتبقى لسه مش استوت

 

المهم ربنا وفقنا و عرفنا لها حاجه الحمد لله

 

بس و انا بقا بعمل بيها لاحظت حاجه غريبه بس مش عارفه دي صدفه و لا ايه

 

و انا بشتغل بيها مش حسيت بالالم بتاع كل مره مش عارفه ليه مع العلم اني كل مره بعمل بالسويت العادية مش بتاعة الفسوخ دي ، و انا كنت جربتها مره من فترة طويله بس ساعتها ماما هي اللى كانت بتعملي مش انا

 

المهم انا مش حسيت بالم طيب تصدقوا ان انا مش حسيت بالم جامد زي كل مره في المنطقة الحساسة

 

انا بصراحه مش عارفه ده من ايه ياترى هي السويت دي بتعمل كده فعلا ( و الله تبقى حلوة اوى )

و لا دي صدفه ، و لا انا بقا مش بقيت احس و لا ايه :oops: :oops: :oops:

 

اه

 

على فكره نسيت اقولكم انا و انا بطبخها على النار كانت ريحتها حلوة قوى من الفسوخ و هي و انا بشتغل بيها برضوه ريحتها حلوة

 

و انا عملت كوباية سكر واحده و بعد ما استوت قسمتها على كيسين و دهنت الاكياس زيت خفيف قبل ما احطهم فيها عشان الباقي اشيلوا في الثلاجه

 

تفتكروا بقا ان عملت باد ايه عملت بربع الكيس الواحد بس

 

:dry: و بالمناسبة دي عايزة اقدم خالص و جدير و وافر الشكر :icon15:

 

:wub: للغالية أم السعد :wub:

 

على فكرة بودرة التلك

 

فعلا يا اخواتي تحفه

 

و كل ما كنت احس ان السويت هتسيح منى كنت بحطها في طبق في بودرة تلك و افردها فيه و المها لحد ما تلم تاني و ارجع اشتغل بيها تاني بجد تحفه

 

مع العلم ان ايدي دايما بتسيح السويت خالص

 

مشكورة يا حبيبة يا أم السعد

 

جوزيتي خيرا

 

اه

 

و بعد ما خلصت اخدت باقى بودرة اللتلك اللى في الطبق و عجنتها بشوية ميه و حطتها على المنطقه الحساسة بجد رطبت جامد قوى

 

و بعدها دهنتها بعصير ليمون برضوه حلو اوي

 

الجديد برضوه اللى جربته

 

اللى هو مرهم " فيوسيدين " ده مضاد حيوى و مكتوب مع وصفه في صفحة ( جميع طرق ازالة الشعر) فعلا حلو برضوه لانه هدى خالص المناطق اللى حصل فيها التهاب في المنطقة الحساسة خصوصا و ان كان بقالى فترة مش عملتها سويت

 

و بينعم كمان على فكره

 

و ده اللى انا جربته لحد دلوقتي

 

قولت اخلص من التقيل الاول بصراحة و بعدين كل شئ يهون

 

لما اعمل حاجة تانى هقولكم

 

و مستنياكم بقا

[أم ريتاج 7]

السلام عليكم و رحمة الله و بركاته

 

الغالية أم السعد

 

اولا :dry: مش عارفة اشكرك ازاي عل موضوع بودرة التلك

 

ربنا يجعله في ميزان حسناتك حبيبتى

 

ثانيا : عايزة اسئلك عن التشقير

انا جبت كريم الاكسجين بايوبوينت 30 ( هو ده اللى انتى كنتي تقصديه )

و جبت كمان بودة التفتيح برضوه بايوبوينت

 

عايزة اعرف احط اد ايه اكسجين و اد ايه بودرة عشان شعر الوجه

 

لانك قولتي قبل كده انك جربتيه

 

و مش قولتى لنا على الطريقه او الكريم اللى استخدمته صديقتك اللى مش بتعمل التهاب زي الاكسجين

 

و هو الاكسجين بيعمل التهاب قوى و لا ايه

 

استئذنك في الرد لو سمحتى

 

و في سؤال كمان هو انتى جربتى الطريقه دي على الشعر الزائد من الحواجب

 

و لو كنتى جربتيه قولي لي عملتيه ازاي

 

معلش اثقلت عليكي

 

ربنا يجزيكي عنا خير

[~~أم أسيل~~ 26]

السلام عليكم ورحمة الله وبركاته،،

 

أختي لقاء بتعملي الخلطة دي يوم وتسيبي يوم :)

 

تقريبا 3 مرات في الاسبوع

 

اختي ام ريتاج لو قصدك علي التشقير للحواجب في كريم وبودرة اسمها جولي في علبة روز .. حلو اوي انا عن نفسي باستخدمة

[أم ريتاج 7]

السلام عليكم ورحمة الله وبركاته،،

 

أختي لقاء بتعملي الخلطة دي يوم وتسيبي يوم :)

 

تقريبا 3 مرات في الاسبوع

 

اختي ام ريتاج لو قصدك علي التشقير للحواجب في كريم وبودرة اسمها جولي في علبة روز .. حلو اوي انا عن نفسي باستخدمة

و عليكم السلام و رحمة الله و بركاته

انسيتم

معلش ممكن توضحي لي شويه

يعنى ده كريم اكسجين و بودرة تفتيح كل حاجة لوحدها في علبه

 

و بستخدميهم ازاي على شعر الوجنتين و الحواجب

 

ارجوكي اختى رد عليا بالتفصيل اصلي اول مره اعملها

 

معلش انسيتم على التعب

[~~أم أسيل~~ 26]

السلام عليكم ورحمة الله وبركاته،،

 

ابدا ام ريتاج مفيش تعب

 

ايوة كله في علبة واحدة وهي مخصصة لكده .. بتاخدي مكيال ربع معلقة من البودرة علي تلت اربع من الكريم وتخلطيهم كويس وتحطي علي الزائد في الحواجب وتسبيه 10 دقايق وتشوفي لو لسه استني عليه كمان 10 دقايق وخلاص بس انا باستخدمه للحاجب بس مش للوجنتين

[أمـ الســعد 4]

وعليكم السلام ورحمة الله وبركاته،،

اولا :laugh: مش عارفة اشكرك ازاي عل موضوع بودرة التلك

ربنا يجعله في ميزان حسناتك حبيبتى

جزانا وإياك يا غاليتى ... لا داعى للشكر غاليتى :wub: ..

 

ثانيا : عايزة اسئلك عن التشقير

انا جبت كريم الاكسجين بايوبوينت 30 ( هو ده اللى انتى كنتي تقصديه )

و جبت كمان بودة التفتيح برضوه بايوبوينت

عايزة اعرف احط اد ايه اكسجين و اد ايه بودرة عشان شعر الوجه

لانك قولتي قبل كده انك جربتيه

كنت استعمله كالآتى : للوجه : نصف ملعقة أو أقل من بودرة التشقير على ملعقة ماء اكسجين (كريمى الملمس) وتوضع على الوجه مدة لا تزيد على ثلاث دقائق ..وكما ذكرت من قبل ... انا لا اكرره كثيرا ...لأنه يلهب الجلد.

و هو الاكسجين بيعمل التهاب قوى و لا ايه

ولاحظى ان المسبب للالتهاب هو البودرة وليست ماء الأكسجين . رجاءا يا ام ريتاج جربى على منطقة صغيرة جدا (غير الوجه) لتتأكدى انه لن يلهب الجلد وهل سيتحمله أم لا ... لأن هذه البودرة مخصصة لشعر الرأس وليس الجلد .

و في سؤال كمان هو انتى جربتى الطريقه دي على الشعر الزائد من الحواجب

و لو كنتى جربتيه قولي لي عملتيه ازاي

وقد تجدى فى شعر الحاجب الخفيف حولهما لكن الغامق منه لا يتأثر لأنك يجب ان تتركيه على الحاجب فترة اطول مما قد يسبب إلتهاب الجلد..

 

و مش قولتى لنا على الطريقه او الكريم اللى استخدمته صديقتك اللى مش بتعمل التهاب زي الاكسجين

 

الكريم التى تستخدمه صديقتى اسمه (kent) متوفر فى الصيدليات وعبارة عن انبوبتين يتم خلطهم مع بعض قبل الاستعمال مباشرة ،وقد اكدت لى اثنان من صديقاتى انه افضل من طريقتى هذه ولا يحرق ولا يسبب التهاب .. لكن لم اجربه بعد .

[*لقاء* 1]

أنا كنت أحب أقول للأخت لقاء ان انا استعملت علبة زبادي ( اصفي ماءها واشيل الوش بتاعها وتكون طازة يعني بتاعت اليوم) وأضع عليها ملعقة كبيرة زيت زيتون واحطها في شعري من الليل الى الصبح (غير لما احطها ساعتين او اربع) و في المرة الثانية هتحسي بالفرق فعلا

 

بارك الله فيكش على الاضافة اختى الحبيبة

 

هدى

 

أختي لقاء بتعملي الخلطة دي يوم وتسيبي يوم :)

 

تقريبا 3 مرات في الاسبوع

 

ربنا ما يحرمنى منك يا انسيتم الجنة

 

بس يا بنات انا عندى استفسار فى موضوع تشقير الحواجب

 

هل هذا حلال ام حرام؟؟؟؟؟؟؟؟؟؟؟؟؟

 

برجاء الافادة

 

الله يرضى عليكم

[~~أم أسيل~~ 26]

السلام عليكم ورحمة الله وبركاته،،

 

بصي هو في خلاف لكن والله والله سمعت الشيخ ابو اسحاق بيقول انه حلال طالما مش التشقير يبان كأنه نتف .. يعني نظام ترفع الحاجب و يظهر كأنه معمول ده حرام .. لكن التشقير للشعر البعيد اللي مع نفسه ده حلال ..وهجيبلك الفتوي ان شاء الله

[أم ريتاج 7]

السلام عليكم و رحمة الله و بركاته

 

جزاكم الله خيرا اخواتي

 

أنسيتم الجنه

و

أم السعد

 

:wub: :wub: :wub: :wub: :wub:

 

على الايضاحات اللى كتبتوها

 

بس انا كنت اشتريت اللى هو البايوبوينت كريم الاكسجين و البودرة و هعمل زي ما قالت الغالية أم السعد و هجرب على حتة تانية غير وشي و لو نفعت هعمل شعر الوجنتين

 

أما بالنسبة للحواجب فاهجيب كريم جولي اللى قالت عليه الحبيبه أنسيتم الجنة طالما هي جربته للحواجب بس

 

بس بعد كده يا أم السعد هجيب كريم kent اللى صديقاتك جربوه طالما ءأمن

 

و ادعوا لي بقا ان اعرف اعمله و ربنا يخفف من الالتهابات لو حصلت

 

و ربنا يستر

 

اصل انا خايفه لحسن اتحول بعد ما اعمله :tongue: :tongue: :tongue:

 

ابقوا اسألوا عليا :blush: :cry: :cry:

 

استودعكم الله

[أم ريتاج 7]

السلام عليكم و رحمة الله و بركاته

 

على فكرة

يا أنسيتم

انا اشتريت كريم جولي

و هو جولي ايفا و العلبه لونها روز و ثمنه 9 ج مش كده

و قالوا لي ان في منه مستورد اسمه جوليانا بس ده بـ 20 ج تقريبا

بس مش رضيت اجيبه عشان مش في حد جربه و انتى قولتي لي على جولي اللاول

و لا ايه مش هو ده كان قصدك

 

و يا

أم السعد

اشتريت kent و ده بـ 21 ج

 

و على فكره الاثنين مكتوب عليه " لتشقير شعر الوجه و الجسم "

 

و قولت بقا اخلى الاكسجين و بودرة التشقير بتوع بايو بوينت اعمل بيهم اطراف شعري من تحت و اعمل خصل في شعري

 

و ربنا يوفق ان شاء الله على كل اللى انا اشتريته ده

[~~أم أسيل~~ 26]

السلام عليكم ورحمة الله وبركاته،،

 

أيوة هو حبيبتي ام ريتاج

 

انا جربت جوليانا بس وحش اوي ليه لأنه مش بيشقر كويس

 

الظاهر للاجانب مش للشعرهم اسود زينا :)

 

ان شاء الله يبقي تمام معاكي

 

انا بردو بحاول اظبط لأن حماتي جاية في العيد ....

 

اختي سؤال بخصوص الطمي المغربي هو رحته غريبه شوية لما احط عليه ميه ورد ؟

[أم ريتاج 7]

السلام عليكم و رحمة الله و بركاته

 

ازيك يا انسيتم و ازي حالك

 

و كل عيد و انتى و أم السعد و نادية الاسلام و بنت الاسلام و الشيماء و زاد و ريم و هبة المسلمة و كل الاخوات و المشرفات الغاليات بالف الف الف الف الف خير

 

اما يا ستى عنى

 

فانا و الحمد لله تمت محاولاتي التشقيرية بنجاح ساحق و منقطع النظير

 

ايوه حبيبتى

 

انا زي ما قولت لك جبت جولي ايفا و شقرت بيه الحواجب و طلع حلو اوي

 

و جبت برضوه كينت و عملت بيه باقي وجهى و طلع تحفه

 

بس في ملاحظة لاحظتها ان كينت اسرع من جولي و بجيب درجة التشقير المطلوبه تمام مره واحده يعني مش بيجيب الدرجه الاغمق فالافتح

 

لأ

 

بيجيب الدرجه على طول و اسرع من جولي

 

و لا ده ربما لأن شعر الحواجب عندي اسود قوي عن شعر باقي الوجه ؟

 

يمكن برضوه

 

بس بجد الاثنين احسن من بعض و مش بيسببوا اى احمرار او تهيج للبشره

 

مشكورين اخواتي أم السعد و أنسيتم الجنه

 

و بعد ما خلصت عملت ماسك نشا و حليب و بودرة تلك

 

الحمد لله

 

بالنسبة للطمي يا انسيتم انا مش جربته مع ماء الورد انا جربته مع بياض البيض

 

و هو ريحته اه مش مستصاغه شويه بس مش وحشه

 

بس عايزة اقولك ان الطمي المغربي بعد الماسك و لفترة كده بيبقى عامل زي ما يكون قشف البشرة

 

عشان كده مش انصحك تعمليه و في حد جايلك على طول

 

يعنى المفروض كنتى عملتيه امبارح مثلا

 

بس هو حلو قوى و بينظف و خصوصا للبشرة الدهنية و العادية شويه اما البشرة الجافة فلا ينصح باستخدامه ابدا

 

اعملي ماسك الترمس و ماسك النشا حلوين يا انسيتم و هيأدوا نفس الغرض

 

و نصيحه منى اجلي الطمى شويه ، هو ربما مش يجفف البشرة معاكي

 

بس انتى مش معاي ان ده مش وقت تجربه و خصوصا ان حماتك جايه عندك

 

يا اما تعمليه و لو قشف البشرة شويه حطى كريم للوجه

 

و للمره الثانية مشكورة انسيتم

مشكورة أم السعد

[أمـ الســعد 4]

السلام عليكم ورحمة الله وبركاته،،

 

الحمد لله يا أم ريتاج أن الموضوع مر معاك سلام ...

 

عيد مبارك على الجميع

[~~أم أسيل~~ 26]

السلام عليكم ورحمة الله وبركاته،،

 

كل سنة وانتم طيبين يا غاليات

 

أم ريتاج و أم السعد و نادية الاسلام و بنت الاسلام و الشيماء و زاد و ريم و هبة المسلمة و كل الاخوات و المشرفات الغاليات

 

بخصوص كريم كينت هجربه يمكن يكون اسرع فعلا وهبقي اقولك

 

الطمي المغربي خلاص مش هاستخدمه دلوقتي بعد مايمشوا

 

دعواتك لأني انا هاطبخ و ياريب يكون يوم حلو معاهم يارب لأني خايفة

[أم ريتاج 7]

السلام عليكم ورحمة الله وبركاته،،

كل سنة وانتم طيبين يا غاليات

أم ريتاج و أم السعد و نادية الاسلام و بنت الاسلام و الشيماء و زاد و ريم و هبة المسلمة و كل الاخوات و المشرفات الغاليات

بخصوص كريم كينت هجربه يمكن يكون اسرع فعلا وهبقي اقولك

الطمي المغربي خلاص مش هاستخدمه دلوقتي بعد مايمشوا

دعواتك لأني انا هاطبخ و ياريب يكون يوم حلو معاهم يارب لأني خايفة

و عليكم السلام و رحمة الله و بركاته

أنسيتم حبيبتي

ان شاء الله الاكل يطلع زي العسل و القشطه كمان هو في حد حلو زيك كده يعمل حاجه وحشه

ربنا يقويك و يفرحنا بيكي يا غالية

 

و خير جدا اللى انتى عملتيه بالنسبه للطمى

اصلي خفت ليعمل معاكي زي ما عمل معاي ، قشفي لي وشي شويه و خصوصا لو في مكان لحباية في وشك

كده احسن ابقى جربيه بعد الزيارة الهامة

 

و بالنسبه لكينت هيعجبك ان شاء الله

 

و كل سنه و انتى بالف مليون خير

[~ أم العبادلة ~ 1903]

السلام عليكم ورحمة الله وبركاته،،

 

اخواتي في الله

 

هل جربت احداكن استعمال السويت الجاهز من الصيدلية واضافت عليه الفسوخ وباقي المكونات ام لابد من صنعها بالمنزل؟

 

وعليكم السلام ورحمة الله وبركاته،،

[أم ريتاج 7]

السلام عليكم ورحمة الله وبركاته،،

اخواتي في الله

هل جربت احداكن استعمال السويت الجاهز من الصيدلية واضافت عليه الفسوخ وباقي المكونات ام لابد من صنعها بالمنزل؟

وعليكم السلام ورحمة الله وبركاته،،

و عليكم السلام و رحمة الله و بركاته

اختي العزيزة " أمة الرحمن " و يارب يكون الاسم صحيح

 

بالنسبه للسويت و الفسوخ

طبعا مش ينفع تجيبي السويت من الصيدلي و تسيحيه على النار و تضيفي الفسوخ و الشبه و المستكه

 

لانها ممكن تبوظ منك

 

ده مش ممكن لأ دي هي فعلا هتبوظ

 

و ثانيا :mrgreen: لازم الفسوخ و المستكه و الشبه يغلوا كتير مع السكر عشان يتغلغلوا في السويت

 

و لو عملتي كده مع حنة سويته جاهزة هتتحرق على النار طبعا عقبال ما الفسوخ و المستكه و الشبه يغلوا معاها و يتغلغلوا فيها

 

و كل عيد و اننتى بالف خير

[~ أم العبادلة ~ 1903]

بسم الله الرحمن الرحيم

 

السلام عليكم ورحمة الله وبركاته،،،

 

نعم اسمي صحيح "أمة الرحمن"

 

جزاك الله عني خيرا - طب لو مش بتقل عليكي ممكن تديني الخطوات بالتفصيل الممل علشان معملش حاجة غلط اصل والدتي اللي كانت دايما تعمل السويت وهي حاليا في الخارج.

 

على فكرة بيقولوا ان بدرة التلج بتخفف الالم فاحتمال ده اللي خفف وجع السويت وانتي تنعمليه

 

والسلام عليكم ورحمة الله وبركاته

[أم ريتاج 7]

السلام عليكم و رحمة الله و بركاته

 

اخواتي الغاليات

 

يالا بقا بعد ما لعبنا كتير

و الحمد لله صومنا رمضان

و عقبال الست البيض

 

نرجع باقي لموضوعنا

 

بصوا بقا :roll: :roll:

 

احنا كان عندنا وصفه منتظرة التثبيت و محدش عبرنا و افادنا فيها عشان نثبتها

:oops: :oops:

 

و هي وصفة خلطة الحنه للقدمين و الكعبين

و دي كانت بتجربة كل من الغالية هبة المسلمة ( اللى وحشتنا قوي ) و أم ريتاج

 

و دلوقتي بقا عندنا وصفات تانية برضوه منتظرة التثبيت

و هي معجون الاسنان لتخفيف الم السويت

و الوصفه دي كانت بتجربة الغالية " أنسيتم الجنه " و أم ريتاج

 

و في كمان وصفه

و هي بودرة التلك للحد من سيحان السويت في ايدينا و احنا بنشتغل بيها

و دي كانت بتجربة الحبيبه " أم السعد " و أم ريتاج

 

أما بقا في وصفه كمان بس مش هقدر احطها في انتظار التثبيت لأن مراحلها لسه مش كملت كلها

و هي وصفة السويت بتاع الفسوخ

لأنها لازم تتجرب من مرتين لثلاثه

و أنسيتم و انا لسه يادوب جربناها مره واحده بس

و في اختلاف بين النتائج عندي و النتائج مع الغالية " أنسيتم "

 

و في برضوه تجربة التشقير

بس مش عارفه نثبتها و لا لأ مع ان مجتمع عليها 3 من الاخوات

هما أم السعد و أنسيتم الجنه و أم ريتاج

بس طبعا مش هقدر اثبتها لانها بتعتمد على انواع معينه من بودرة و كريم التشقير

و احتمال مش يكون متوفر في كل بلادنا الاسلامية

لكن لو الموضوع ده عجبكم و عايزين نثبته و كل اخت تختار النوع المناسب لها و المتاح في بلدها

يبقى ماشى

و لو سمحتم افيدوني عشان لو أوكيه نثبتها

 

أما استعمال كريم فيوسيدين بعد عمل السويت للقضاء على الالتهابات

فده مش في حد جربه غيري و لو في اختين جربوه و عجبهم نبقى نثبته

 

يالا بقا مستنين الهمة :rolleyes: :icon15: :icon15:

 

شوفوا بقا عندنا كام وصفه منتظرين التثبيت ;-) ;-) ;-)

[omjana 6]

ام ريتاج

 

حبيبتى جزاكى الله خيرا على مجهودك

 

بالنسبة لحنة القدمين ماما ومرات خالى بيعملوها متهيالى انها بتريح الجلد بتاع الرجل والتشققات وبتعجبهم

 

بس انا الاقى الوصفات المثبتة والمجربة فييييييييييييين؟

تم تعديل 12 اكتوبر, 2007 بواسطة zad1983

[omjana 6]

ايه تجربة التشقير دي

[omjana 6]

انا بحط بيتادين بعد السويت

 

 

يعنى اجرب فيوسيدين؟

 

كمان لمدة كام يوم ؟

 

 

كمان لو الزفاف ان شاء الله يفضل اعمل قبلها بقد ايه ؟