وصفات مجربه

[أم ريتاج 7]

السلام عليكم ازيكم ياحبايبي في الله عايزاكوا تساعدوني وبالأخص أم ريتاج .. أنا هاتجوز بعد شهر ونص وبشرتي شاحبه ومصفره وبيطلع حبوب تحت الجلد بضطر اني العب فيها وأنضفها وعندي هالات سوداء فظيع هوعايزة نصيحه لتفتيح الأكواع والركبمعلش انا طولت عليكوا بس بجد أنتوا عارفين قلق العروسة ياريت تساعدوني وجزاكم الله كل خير

السلام عليكم و رحمة الله و بركاته

عروستنا " زهرة مصر " ان شاء الله ربنا يتمم بخير حبيبتى و تفرحي بعريسك و بالذرية الصالحه

اما يا ستى بالنسبه للوصفات اللى انت عيزاها

فكلنا ان شاء الله هنساعدك و في فكره كده اننا نعمل صفحة عن استعدادت العروسة

بس ليكي عندي نصيحه

بصي يا زهوره اختنا الجميله ( الرزينه ) هبه المسلمه عامله موضوع جميل جدا اسمه " خلاصة الوصفات " موجود في المواضيع المتميزة

الموضوع ده مفيد جدا و بيتيح لكي فرص في الاختيار جميله قوى يمكنك الاختيار منها

انا عارفه ان الموضوع ده كبير بس احنا ان شاء الله هنساعدك باذن المولى عشان تبقى احلى عروسة و تشرفي صفحة زينتك و جمالك دي حتى تبقى عيبه في وشنا

 

و لا ايه يا بنات

[أم ريتاج 7]

السلام علكم و رحمة الله و بركاته

الغالية

زهرة مصر

في موضوع تاني يمكنك الرجوع اليه و ان شاء الله يكون فيه كل اللى انتى عيزاه

و هو موجود في المواضيع المتميزة

و اسمه " الى كل عروس حائره اهدي اليها هذا الملف "

و ده كتبته الحبيبه " نور الايمان "

بجد ملف حلو و شامل

و ده يلغي فكرتنا بعمل صفحة للعروسة لانه فيه كل حاجه و لو في حاجه ناقصه ان شاء الله كلنا نتعاون و نكملها

 

ادعو الله ان اكون افادتك

و لا تحرمينا اختى من مشاركتك للاطمئنان عليكي عروستنا

و لتفيدينا من تجاربك

 

استودعك الله

[rime 0]

السلام عليكننن

حبيييبتي ام ريتااااااااج اشتقتلك مووووووووووووووووووووووووووت انت و الحبيبه هبه :wub: :wub: :wub:

صفحات النصايح الهايله منورة بيييييك جعلها الله في ميزان حسناتك يا اخيتي الغاليه

:wub: :wub: :wub:

انا عيزه ااكد وصفه استعمال زيت الخروع للرموش و الاظافر انا ابتديت اواضب عليها :smile: وحصلت على نتايج مرضيه و سريييعه :icon15: يا ريييت الاخوات يجربوها و يدعووووووووولي :wub: :wub: :wub:

سلاااااااااااااامووو ;-)

[أم ريتاج 7]

السلام عليكم و رحمة الله و بركاته

 

ماشي يا ريم يا جميله

 

انا برضوا بضم صوتي لصوتك لأن انا جربت زيت الخروع قبل كده للرموش و الاظافر و كان جميل جدا

 

يبقى كده الوصفه دي منتظرة تجربة اخت كمان من الاخوات عشان نثبتها

 

انتى وحشتنينى اكتررررررررررررررررررررررررررررر يا ريمو انتى و أم السعد و الرزينه بتاعتنا

[~رؤى~ 0]

انتو عمالين تجربوا تجربوا كده وانا لأ :cry:

 

احقد عليكم بقى :icon15:

 

مش عارفة ايه الكسل بتاعي ده :unsure:

[~~أم أسيل~~ 26]

السلام عليكم ورحمة الله وبركاته،،

 

انا جربت زيت الخروع للروموش وفعلا رووووووووووعة بس الاظافر الصراحة لأ دي تستخدم ازاي ؟

[omjana 6]

ام ريتاج ازيك

 

عندى مشاكل فى وجهى المنطقة الدهنيه وهى الذقن الانف العبسة بها رؤس سوداء دقيقة جدا

 

غلبت معاها ايه الحل ارجو الرد سريعا

 

كمان الهالالالالالالالالالالالالالالالالالالالالالالالالالالالالالالالالالالالات مش عارفة اعمل فيها ايه

 

عايزة حلول وجزاكى الله خيرا

[أم ريتاج 7]

السلام عليكم ورحمة الله وبركاته،،

 

انا جربت زيت الخروع للروموش وفعلا رووووووووووعة بس الاظافر الصراحة لأ دي تستخدم ازاي ؟

و عليكم السلام و رحمة الله و بركاته

بارك الله فيكي اخيتي "أنسيتم "

 

و يبقى كده يا جماعة معانا

 

الوصفه السادسة المثبته و هي

زيت الخروع لتقوية و تطويل الرموش و الاظافر

و ده بتجربة الاخوات ريم و أنسيتم الجنه و أم ريتاج

 

و الى موعد مع وصفات اخرى مثبته

[أم ريتاج 7]

ام ريتاج ازيك

عندى مشاكل فى وجهى المنطقة الدهنيه وهى الذقن الانف العبسة بها رؤس سوداء دقيقة جدا

غلبت معاها ايه الحل ارجو الرد سريعا

كمان الهالالالالالالالالالالالالالالالالالالالالالالالالالالالالالالالالالالالات مش عارفة اعمل فيها ايه

عايزة حلول وجزاكى الله خيرا

السلام عليكم و رحمة الله و بركاته

الغالية زاد

هرد عليكي حبيبتى

بس استنى عليا ادور و افيدك

بس مبدئيا

ماسك الترمس و المدامة عليه كل يوم ورا يوم هيفيدك جدا جدا

و ياريت مش تستعملي صابون تجميل عادي

خليكي في الصابون الطبي زي بروتكس و غيره مفيد جدا

 

اما حبيبتى بالنسبة للهالات السوداء فده بيرجع السبب الرئيسي فيه الى سوء التغذية و الارهاق و عدم الراحة و خصوصا للمنطقة اللى حوالين العين

فياريت تشربي لبن كتير ده فعلا مفيد و الخضروات و الفاكهة صدقيني هتحسي بالفرق بس الصبر

 

و على العموم حبيبتى ياريت تبدئي بالترمس لانه فعلا جميل مش بس عشان بيفتح

لأ

ده فعلا بينظف و يشيل الاحساس الدهنى اللى انتى بتقولي عليه

و ياريت لو بتحطى مايك أب و لو حتى بسيط نوقفه عشان ده بيساعد على زيادة افراز الجلد للطبقة الدهنية

و انتظريني اختى

[أم ريتاج 7]

السلام عليكم ورحمة الله وبركاته،،

 

انا جربت زيت الخروع للروموش وفعلا رووووووووووعة بس الاظافر الصراحة لأ دي تستخدم ازاي ؟

و عليكم السلام و رحمة الله و بركاته

انا أسفه أنسيتم

مش خت بالي من استفسارك

شوفي حبيبتى بالنسبة للرموش انتى بتجيبي علبه ماسكرا فاضيه و تمليها بزيت الخروع و تدهنى منها بالليل

و برضوه بتجيبي علبه مانكير فاضيه او مكان مقوى الاظافر الفاضى ( هيكون انظف من مكان المانكير ) و امليه بزيت الخروع و ادهيني منه بالليل اكنك بتحطى مانكيير و ده طبعا بعد ما تتأكدي انك مش هتحطي ايديك في ماية تانى

 

يارب اكون افادتك

 

و يا جنه ليه الحقد بس

شدي حيلك و حصلينا يالا

مستنين تجاربك يا جميله

[أم ريتاج 7]

السلام عليكم و رحمة الله و بركاته

 

على فكره يا بنات

في حد من الاخوات كان سألنى على الفسوخ انه ماده لزجه و لا لأ

و انا قولت لأ

لكن ردي ده مش صحيح ( و الاعتراف بالحق فضيله )

بس انا قولت كده عشان انا لما اشتريته المره اللى فاتت كنا في الشتاء و عشان كده جابوه لي جامد شويه و انا مش شوفته شكله عامل ازاي لأنى طلبت من ماما انها تحضري لي قطعة سويت و قولت لها على الاضافات دي اللى هي الفسوخ و الشابة و المستكه

 

لكن انا روحت النهارده اشتريته بنفسي و فعلا لاقيته من الحر و الرطوبه ساءيح شويه و فعلا مادة لزجه

حتى انها لزقت في الكيس اللى حطوه لي فيه

 

و ان شاء الله هعمل انا بقا السويت بالاضافات دي و اشوف بقى هتسيح و لا ايه

 

رغم ان لما مام عملتها لي كانت عادي مش ساحت و لا حاجه

 

بس انا بعدها مش عملتها تاني لحد دلوقت لاني كنت بستسهل و اشتريها جاهزة

 

لكن ان شاء الله اجربها و اداوم عليها لو حلوة و اقولكم ان شاء الله

 

بس استنوا علي شويه يومين او ثلاثة و اعملها

 

ماشي

 

و أسفه على الخطأ اللى حصل

[زهرة مصر 0]

السلام عليكم شكرا جزيلا ليكي يأم ريتاج وجوزيتي خيرا وأنا بجد بشكرك جداااااااااااااااااا ويارب بجد تساعديني أنتي وأخواتي في الله ربنا يجمعنا في جنته................ :icon16: رمضان كريم :-

[omjana 6]

جزاكِ الله خيرا ام ريتاج

 

الحمد لله انا مش بحط ميكب خالص تقريبا

 

ان شاء الله هعمله واقولك

 

 

بس كام مرة فى الاسبوع الترمس؟

 

تقصدي الترمس المطحون والعسل صح؟

[أم ريتاج 7]

جزاكِ الله خيرا ام ريتاج

الحمد لله انا مش بحط ميكب خالص تقريبا

ان شاء الله هعمله واقولك

بس كام مرة فى الاسبوع الترمس؟

تقصدي الترمس المطحون والعسل صح؟

السلام عليكم و رحمة الله و بركاته

الحبيبه زاد

بصي حبيبتى لو الافرازات الدهنية كتيره ممكن تعمليه يوم اه و يوم لأ

اما لو كانت عادية ممكن تعمليه مرتين بالاسبوع

 

اه هو ترمس مطحون و عسل او بياض بيضه او زبادي او ماء ورد

 

و ممكن كمان حبيبتى تمرري قطنه مبلله بعصير ليمون فاليمون بيقبض المسام و يقلل الافرازات الدهنية بس ده لو بشرتك مش حساسة من الليمون عشان مش يعملها التهاب

 

و انا عند وعدي انى هكمل الرد عليكي

 

احبك في الله

تم تعديل 2 اكتوبر, 2007 بواسطة أم ريتاج

[أم ريتاج 7]

السلام عليكم و رحمة الله و بركاته

 

يا جماعة

 

امال

 

الرزينه ( أظن انت فاهمني يا رزين يا قمة الرزانه يا عاقل)

بتاعتنا

 

فين

 

وحشتني قوى

 

غايبه ليه عنا

 

و لا الجميل بيتقل علينا

[~~أم أسيل~~ 26]

السلام عليكم ورحمة الله وبركاته،،

 

انا جربت بتاع الفسوخة والمستكة الخلطة دي بتاعت السويت ووحشة جدا وطلعت الشعر بعد اسبوع :(

 

بس عايزة اسأل سؤال هو المسك الابيض السائل بيستخدم في ايه ؟؟؟؟؟؟؟؟؟؟؟؟

[أم ريتاج 7]

السلام عليكم ورحمة الله وبركاته،،

 

انا جربت بتاع الفسوخة والمستكة الخلطة دي بتاعت السويت ووحشة جدا وطلعت الشعر بعد اسبوع :(

 

بس عايزة اسأل سؤال هو المسك الابيض السائل بيستخدم في ايه ؟؟؟؟؟؟؟؟؟؟؟؟

و عليكم السلام و رحمة الله و بركاته

جزاكي الله خيرا اختى " أنسيتم"

و لكن اختى هو كده يعنى بعد الحلاوة دي كده الشعر طلعلك بدري

يعنى هو كان بيغيب عن كده

 

و على العموم انا اشتريت الحاجة دي و طبعا مش هقدر ارجعها

هجربها و خلاص

 

و ياريت اخت ثالثة تجربها معانا يمكن يا أنسيتم جت معاكي كده صدفه :tongue: :tongue:

 

بس انا للامانه هجربها مرتين او ثلاثة عشان اقدر احكم عليها

مهو انا مش هقدر احكم من اول مره حتى لو طلعت الشعر بسرعه

 

بصراحة عايزة اشوف اخرتها ايه مع الشعر ده :wink: :grin: :sad:

 

اما بالنسبة للمسك الابيض السايل انا مش اعرف بيستخدم في ايه

 

ياريت لو في اخت تعرف تقولنا

 

و لو مش فى حد عرف اوعدك يا حبيبتى ان هدور و اقولك

 

بس معذرة لو اتأخرت عليكي يا غالية اصلي عيانه شويه و عندي برد فظيع

 

و

معذرة يا زاد

بس و الله العظيم تعابنة فعلا و كمان مع البرد بنفض شقة ماما الاول قبل ما نفض شقتي

و احتمال كمان شقة حماتي

 

بس انا ان شاء الله عند وعدي يا غاليات

[~~أم أسيل~~ 26]

السلام عليكم ورحمة الله وبركاته،،

 

الف سلامة عليكي أم ريتاج لا بأس طهورا ان شاء الله

 

اما عن موضوع الفسوخة انا لما بعمل حلاوة بتفضل اسبوعين فعلا علي بال ما تطلع تاني وماما عندها قليل وبيطلع كل شهر شوية صغيرة

 

عملنها انا طلعلي بعد اسبوع وماما طلع في اماكن مش بيطلع فيها

 

بس اقولك هجرب تاني .... بصي انا لما علمتها السويت اتحولت اسود خالص مش صافية زي العادي

[أم ريتاج 7]

السلام عليكم ورحمة الله وبركاته،،

 

الف سلامة عليكي أم ريتاج لا بأس طهورا ان شاء الله

 

اما عن موضوع الفسوخة انا لما بعمل حلاوة بتفضل اسبوعين فعلا علي بال ما تطلع تاني وماما عندها قليل وبيطلع كل شهر شوية صغيرة

 

عملنها انا طلعلي بعد اسبوع وماما طلع في اماكن مش بيطلع فيها

 

بس اقولك هجرب تاني .... بصي انا لما علمتها السويت اتحولت اسود خالص مش صافية زي العادي

و عليكم السلام و رحمة الله و بركاته

جزاكي الله خيرا حبيبتى على سؤالك علي

بالنسبة للحلاوة انها طلعت سوده ده بيرجع للاضافة الفسوخ عليها زي ما نتى شوفتيه انى لونه وحش و مش حلو و غامق

فطبيعي اته يعمل كده في حتة السويت

 

و على العموم هنشوف اخرتها ايه مع الشعر ده

[شيكوتاتى 0]

السلام عليكم ورحمة الله وبركاته،،

جزاكى الله خيرا اختى فى الله عن هذا الموضوع الجميل فعلا.

وانا اخدت بعض الوصفات وان شاء الله اجربهاواخبركم بالنتيجة.

[أم ريتاج 7]

السلام عليكم ورحمة الله وبركاته،،

جزاكى الله خيرا اختى فى الله عن هذا الموضوع الجميل فعلا.

وانا اخدت بعض الوصفات وان شاء الله اجربهاواخبركم بالنتيجة.

و عليكم السلام و رحمة الله و بركاته

منتظرينك اخيتي

[*لقاء* 1]

الحقوووووووووووووووووووووووونى

 

شعرى نااااااااااااااااااااااشف جداااااااااااااااااااااااا

 

يا ريت لو حد جرب اى حمام كريم او اى وصفة مجربة لليونة الشعر

 

وكمان مكسر جدا مع العلم ما كنش كده

 

ياريت حد يجاوبنى يا بنات بسرعة قبل العيد

 

بارك الله فيكم

[~~أم أسيل~~ 26]

السلام عليكم ورحمة الله وبركاته،،

 

أختي لقاء عن تجربة

 

جربي معلقة زيت زتون + معلقة زيت خروع + معلقة زيت املا + معلقة زيت جرجير + معلقة زيت سمسم + معلقة زيت جوز هند

 

سخنيهم علي النار ثواني بس مش يكون سخن اوي دافي بس وبعدين اربطي شعرك بطرحة أو بونيه

 

وحطيهم علي شعرك اقل حاجة ساعتين أو نامي بيهم

 

واغسلي شعرك بعد كده يوم بعد يوم هتلاقي الفرق والله في خلال اسبوع

تم تعديل 9 اكتوبر, 2007 بواسطة !!أنسيتم الجنة؟؟!!

[أم ريتاج 7]

السلام عليكم ورحمة الله وبركاته،،

أختي لقاء عن تجربة

جربي معلقة زيت زتون + معلقة زيت خروع + معلقة زيت املا + معلقة زيت جرجير + معلقة زيت سمسم + معلقة زيت جوز هند

سخنيهم علي النار ثواني بس مش يكون سخن اوي دافي بس وبعدين اربطي شعرك بطرحة أو بونيه

وحطيهم علي شعرك اقل حاجة ساعتين أو نامي بيهم

واغسلي شعرك بعد كده يوم بعد يوم هتلاقي الفرق والله في خلال اسبوع

و عليكم السلام و رحمة الله و بركاته

يعنى يا غالية يا " أنسيتم "

نعتبر دي وصفه مجربه انتىجربتيها بنفسك

عشان نجربها معاكي

و ان شاء الله نثبتها

 

احبك في الله

[~~أم أسيل~~ 26]

السلام عليكم ورحمة الله وبركاته،،

 

ايوة ام ريتاج باستخدمها بقالي 3 شهور كان شعري ادمر من البارمانت وعملت في نفس الوقت هايلايت .. فمشاء الله كان بيقع بالخصلة

 

دلوقتي الحمد الله رب العالمين طول و نعم ومش محتاجة برمانت خالص ... طبعا مش ناعم ليس بس تموجاته وسعت وحلو وملمسه ناعم