وصفات مجربه

[omjana 6]

انا دلوقت هقولكم على كل اللي جربته وان شاء الله الكل يستفيد

 

اول حاجة معجبة بيها جدا

 

العسل والترمس المطحون

 

بينقى البشرة بطريقة رهيبة

 

كمان النشا وعصير الخيار وبزود عليهم مية ورد لو نشف منى شوية

بيفتح البشرة جميل بردوا

 

بياض البيض والبن ده جربته وبيفتح بردوا

 

الهالات

 

جربت بوردة الاطفال ومية الود معلمتش حاجة وبتلسع جدا

 

كمان زيت اللوز المر معملش حاجة استخدمته حوالى شهرين

 

كمان الحليب والدقيق وزيت اللوز المر ومش فاكرة فى اضافة تانى ولا لالا

 

لاحظت انه بيسمر مش بيتفح الهالات

 

كمان كمدات الخيار

 

قشر البطاطس

 

كمدات الشاى

 

صراحة ملاحظتش فرق او يمكن عشان حاجات طبيبعة وانا مستمرتش عليها لانه لازم الاستمرار والمتابعة

 

اولاى olay ده جل للهالات جبته وعملته بس الظاهر انه فى مصر كلها مغشوش معملش حاجة

 

 

فى صابونة اسمها صابونة الماسك السحرى لمبادا دى تحفة

 

صراحة لسة مجربتش الطمى المغربى بس هجربه

 

كـمـان لـتـفـتـيـح المـناطـق الـغـامقة الـلـيـمـون تـحـفـة

 

طول مانتى قعدة ادهنى وهتلاحظى الفرق من اول 3 ايام

 

الـمنـطـقـة الحـسـاسـة

 

لتفتيحها مرهم بيتادين لمدة 14 يوم كل يو ليلا قبل النوم

 

 

كـمـان لتخفـيـف نمو الـشعر

 

مغلى او منقوع الترمس المر البلدى تدهنى كل يوم باليل لمدة 21 يوم

 

طبعا بعد ازالة الشعر تدهنى وكل يوم قبل النوم

 

كررريها كتير

 

انا لاحظت نمو الشعر بيطلع خفيف جدا

 

وبعد ما بتوقفى الوصفة بيظهر الشعر خفيف

مع وجود فراغات

 

 

بالنـسبـة للاتـسـاخـات والـلى بيـســموه تكييييس

 

الليفة المغربية جبتها حلوة بس بتتقطع وغالية جدا

 

زيها بالظبط بيدى نفس النتيجة ورخيص وصفته لواحدة صاحبتى وجابته بجنيه واحد بس

 

هو الحجر الاسود هو للقدم لو خشن

 

يعنى لو خشن استدميه الاول للقدم لحد ما ينعم وبعدين للجسم كله

 

لو ناعم اسخدميه علطول هتلاقيه عند العطار

 

 

يبقى هو للقدم وللجسم كله

 

طريقة الاستخدام زي الليفة المغربية بالظبط بتسخنى المية جدا عشان جسمك يحمر و دلكى بالحجر هتلاقى كل الاتساخات

 

تظهر مع نعومة راااااااااااااااااائعة

 

كما جربت لـلشفــــــــــــــــاه قبل ما انام ادهن شفايفى بالفازلين ولما اصحى ازيل الجلد الميت بفرشاة الاسنان جمييييييييييييلة لمعان طرواة

 

كمان لـلاســــــــــــــــنان استخدمت الفرشاه مع الكربوناته جميل وبيبض الاسنان

تم تعديل 7 سبتمبر, 2007 بواسطة zad1983

[أم ريتاج 7]

السلام عليكم و رحمة الله و بركاته

 

و دلوقتي يا اخوات بعد مشاركة الاخت "زاد" بقا ممكن عندنا ان احنا نثبت بعض الوصفات على انها مفيده و ننصح بيها باقى الاخوات

و ده على اعتبار ان كل ما يجتمع 3 أو اكثر من الاخوات على وصفه تبقى وصفة مثبته ننصح بها

 

و دلوقتى مع الوصفة الاولى :-

:wub: :wub: :wub:

و صفة الترمس المطحون المر + العسل أو الزبادي أو بياض البيض أو ماء الورد

و ده باجتماع اراء الاخت " راجية عفو الرحمن و هبه المسلمة و زاد و ام السعد و ام ريتاج "

 

الوصفة الثانية :-

:wacko: :wacko:

و صفة الليمون و السكر لتفتيح المناطق الغامقة

و ده كان باجتماع اراء كل من الاخت " هبة المسلمة و زاد و ام ريتاج "

 

و الى اللقاء مع باقى الوصفات المجربة :wacko: :icon15: :icon15:

تم تعديل 10 سبتمبر, 2007 بواسطة أم ريتاج

[أمـ الســعد 4]

أخواتى العزيزات

 

 

اولا: جزاكن الله خيرا على معلوماتكن القيمة :?:

 

ثانيا: ابدى إعجابى الشديد بفكرة الموضوع واسمه ... منذ يومين فقط كنا نتحدث انا وشقيقتى على الكم الهائل من الوصفات فى منتديات النساء لكن معظمها غير مجرب !

 

ثالثا: اشارك معكم بوصفة واحدة ارسلتها من قبل فى المنتدى ، وعن استحياء - بعد المجهود الرائع المبذول من قبلكن وخاصة الاخت "ام ريتاج"

... بصراحة انا اتعقدت من نفسى :?: :excl:

 

أسهل قناع لتنظيف البشرة

 

 

رابعا: أؤكد نجاح استعمال الترمس حيث جربت منقوعه حتى بدون طحن فى شد الوجة وغلق المسام الواسعة.، وايضأ أستعمل النشا على ملعقة لبن صغيرة كدهان للوجه ثم أشطفه بعد جفافه لتخفيف إحمرار الوجه.

 

فى انتظار رأيكن

 

تم تعديل 6 سبتمبر, 2007 بواسطة أم السعد 76

[أم ريتاج 7]

أخواتى العزيزات

 

 

اولا: جزاكن الله خيرا على معلوماتكن القيمة :blush:

 

ثانيا: ابدى إعجابى الشديد بفكرة الموضوع واسمه ... منذ يومين فقط كنا نتحدث انا وشقيقتى على الكم الهائل من الوصفات فى منتديات النساء لكن معظمها غير مجرب !

 

ثالثا: اشارك معكم بوصفة واحدة ارسلتها من قبل فى المنتدى ، وعن استحياء - بعد المجهود الرائع المبذول من قبلكن وخاصة الاخت "ام ريتاج"

... بصراحة انا اتعقدت من نفسى :closedeyes: :wub:

 

أسهل قناع لتنظيف البشرة

 

 

رابعا: أؤكد نجاح استعمال الترمس حيث جربت منقوعه حتى بدون طحن فى شد الوجة وغلق المسام الواسعة.، وايضأ أستعمل النشا على ملعقة لبن صغيرة كدهان للوجه ثم أشطفه بعد جفافه لتخفيف إحمرار الوجه.

 

فى انتظار رأيكن

 

 

السلام عليكم و رحمة الله و بركاته

بارك الله فيكي اختى و جعلك مفيدة و مستفيدة معنا ان شاء الله

لي سؤال

هو انا استعملت النشا مع بياض البيض و ده كان هايل جدا و كان ايضا لشد الوجه و المفروض انه مع الاستمرار عليه يخفف من شعر الوجه

و لكنك هنا تذكرين النشا مع اللبن و تقولين انه لتخفيف احمرار الوجه

و سؤالى هو ما هو سبب احمرار الوجه اصلا الذي يخففه هذا الماسك ؟

ارجو الافادة اختى بارك الله فيكي

و منتظرين باقى مشاركاتك و وصفاتك المجربة انتى و باقى الاخوات

لا تحرمينا من الافادة اختى

استودعك الله

[أمـ الســعد 4]

 

و لكنك هنا تذكرين النشا مع اللبن و تقولين انه لتخفيف احمرار الوجه

و سؤالى هو ما هو سبب احمرار الوجه اصلا الذي يخففه هذا الماسك ؟

ارجو الافادة اختى بارك الله فيكي

و منتظرين باقى مشاركاتك و وصفاتك المجربة انتى و باقى الاخوات

لا تحرمينا من الافادة اختى

استودعك الله

 

عزيزتى أم ريتاج :

 

سررت كثيرا بردك :wub:

 

بالنسبة للبشرة المركبة أو الجافة قد ينشأ الجفاف والإحمرار فى بعض أجزائها ، و أحيانا بعد نزع شعر الوجه (بالفتلة) تكون الخدود ملتهبة ،أو بعد استعمال بودرة تشقير الشعر الخاصة بالوجه يحدث نفس الإحمرار خاصة فى البشرة الحساسة ، و بوضع قناع نشا الذرة مع قليل من اللبن (الحليب)البارد يهدىء الإحمرار سريعا. هذه الوصفة عرفتها من أمى

 

بالنسبة للعسل عندما أضيفه إلى هذا القناع أو قناع الزبادى الذى وصفته لاحقا لا تتشربه البشرة ...

 

ولكنى سوف أجرب الكثير من وصفاتك السابقة ، وسأشارككن النتيجة .... ربنا يستر :wub:

تم تعديل 6 سبتمبر, 2007 بواسطة أم السعد 76

[أم ريتاج 7]

السلام عليكم و رحمة الله و بركاته

 

شكرا اختى ام السعد على توضيحك ، و سأجرب هذا الماسك عندما اقوم بعمل وجهى لانني فعلا اعاني الاحمرار و الحبوب بعد استعمالى " الفتله "

 

و لكن لي سؤال عندك لانه شغلنى لفترة و اظن اختى هبه المسلمة معي في هذا التسؤل

 

اولا :- كيف تشقرين شعر الوجه ؟

ثانيا :- هل تستخدمى ماء او كريم الاكسجين ؟ على الرغم اننا سمعنا عن ضرره الكثير و هذا كان من صيدلي لي انا شخصيا

 

افيدينا اختى و لكن ارجو ان تكوني قد جربتى ما سوف تشريحه لنا لأن هذا شرط هذه الصفحة

 

و ان كنتي لم تجريبه فلا داعي من التفاصيل

[أمـ الســعد 4]

السلام عليكم و رحمة الله و بركاته

 

شكرا اختى ام السعد على توضيحك ، و سأجرب هذا الماسك عندما اقوم بعمل وجهى لانني فعلا اعاني الاحمرار و الحبوب بعد استعمالى " الفتله "

 

و لكن لي سؤال عندك لانه شغلنى لفترة و اظن اختى هبه المسلمة معي في هذا التسؤل

 

اولا :- كيف تشقرين شعر الوجه ؟

ثانيا :- هل تستخدمى ماء او كريم الاكسجين ؟ على الرغم اننا سمعنا عن ضرره الكثير و هذا كان من صيدلي لي انا شخصيا

 

افيدينا اختى و لكن ارجو ان تكوني قد جربتى ما سوف تشريحه لنا لأن هذا شرط هذه الصفحة

 

و ان كنتي لم تجريبه فلا داعي من التفاصيل

 

 

وعليكم السلام ورحمة الله وبركاته

 

أنتِ أولى بالشكر يا ام ريتاج على مجهودك الواضح والمفيد...

 

 

أنا بالفعل أستخدم كريم الاكسجين الخاص بالوجه من ماركة "biopoint" وأزيد عليه قليلا من بودرة التشقير ذات اللون الأزرق من نفس النوع، وبالفعل تسبب لى التهابا لكنها بجانب تشقير الشعر تخلص البشرة الدهنية من البثور وتزيل الجلد الميت ، لكنى لا أداوم عليها .. مرة كل ثلاث أو أربع أشهر.. لى صديقة تستخدم كريم تشقير تشتريه من الصيدلية ولا يسبب التهابا على الإطلاق بدلا من الخلطة السابقة ووعدتنى بأن تحضره لى ... ساخبركن المزيد عندما تحضره لى وأجربه.

 

 

جربت اليوم قناع الوجه المكون العسل والنشا ووضعت عليه ماء زهر . وكان جيدا .. هل هناك فرق بين ماء الزهر وماء الورد؟

 

 

أيضا لى سؤال آخر ... كيف تتخلصن من رائحة البيض أو الزبادى أو الحناء على الشعر؟ .. أغسل شعرى يومها كثيرا ولكن تظل الرائحة عدة أيام ...

[أم ريتاج 7]

جربت اليوم قناع الوجه المكون العسل والنشا ووضعت عليه ماء زهر . وكان جيدا .. هل هناك فرق بين ماء الزهر وماء الورد؟

 

 

أيضا لى سؤال آخر ... كيف تتخلصن من رائحة البيض أو الزبادى أو الحناء على الشعر؟ .. أغسل شعرى يومها كثيرا ولكن تظل الرائحة عدة أيام ...

 

السلام عليكم و رحمة الله و بركاته

 

جزاكي الله الف الف خير ام السعد

اخيتي اننى لا اعرف الفرق بين ماء الورد و ماء الزهر ان كان هناك فرق

و ارجو كل اخت تعرف ان تفيدنا برأيها جزاكم الله خيرا باذن الله

 

اما عن رائحة البيض و الزبادي و الحناء فاننى باذن الله سوف ابحث لكي عن ما طلبتى في موضوع اختنا هبة المسلمة " خلاصة الوصفات " لانها افردت العديد من المشاركات عن الحناء و ان كان ليس لديكي مانع ان تبحثي معى و من تجد الاجابة تسرع بها

 

و الان ينقصنا اخت تخبرنا انها جربت ماسك النشا و ماء الورد او الزهر او العسل لنجعل هذه الوصفه ان شاء الله مثبته لآنه الان هذا الماسك تم تجريبه منك و انا فقط

 

نلتقي قريبا بعد البحث ان شاء الله

[أم ريتاج 7]

السلام عليكم و رحمة الله و بركاته

 

ام السعد يا غالية

 

بحثت لكي في موضوع خلاصة الوصفات عن الحناء

 

فيمكنك الرجوع للموضوع في صفحة 10 و خصوصا المشاركة رقم 187 و 189 و ان كان لديكي استفسار بخصوص الحناء يمكنك تركه في نفس الموضوع " خلاصة الوصفات "

حيث انكي معي اننا لابد ان نعمل بمبدأ التخصص فموضوعنا هذا للنتائج فقط

اما موضوع اختنا هبه المسلمة " خلاصة الوصفات " فهو للوصفات و الاستفسارات

 

ارجو الله ان تسفيدي حبيبتى

 

منتظريكن وصفاتك المجربة

 

اني احبك في الله

[أمـ الســعد 4]

 

أم ريتاج العزيزة ... جزاك الله خير الجزاء على اهتمامك وبحثك عن استفساراتى ... :wub:

 

أكمل مشاركتى معك عن تواضع بما جربته مؤخرا نقلا عن وصفاتك....

 

:tongue: جربت الليمون للتفتيح طبعا محتاج مواظبة لمدة لكن ملاحظ انه بالفعل ينعم البشرة ، وله ميزة اخرى سمعتها وجربتها وهى إزاله رائحة العرق من ثنايا الجسم :mrgreen: كالإبطين . لكن يجب الحذر من عدم تعريض الجلد وعليه عصير الليمون إلى الشمس ، فقد حدث ذلك معى منذ زمن وترك بقعة كبيرة على اليد ، وقالت لى الطبيبة أن كافة زيوت الفواكه الحمضية تتفاعل مع الشمس وأخذ العلاج أشهر حتى اختفت البقعة .

 

:oops: جربت دعك الأسنان بالليمون والسكر الخشن ... طعمه رائع :blush: ، أقصد أنه نظف الأسنان او بالأحرى " جلى الأسنان " حقا لكن لم ألحظ فرق فى اللون، أخشى ان يسبب الليمون تآكل في طبقة المينا .. هلى تفيدنا أحدى الأخوات المجربة لها إن كانت كررتها بامان أم لا.

 

:wub: استعمل الآتى: كوب الزبادى +بيضة + فنجان زيت زيتون دافىء لتطرية الشعر الجاف ، وتاتى النتيجة طيبة ، أما رائحة الزبادى والبيض فجاءت أقل من من المعتاد باستعمال بلسم ذو رائحة قوية وهذا ما وجدته فى أحد الملفات المثبته فى قسم زينتك وجمالك لكن لا اذكر اسمه الآن ـ فاستعملت حمام كريم "bonawell" بعد غسل الشعر مرتين وتدليكه جيدا وتركته فتره طويلة على الشعر أكثر مما هو مذكور على العبوة.

 

:wub: واخيرا نقلا عن موضوع ملف كامل للتخلص من الارداف والخصر والمؤخرة والبطن :

 

الطرق المساعده في ازالة الافخاذ والارداف :

 

الطريقه الاولى :

 

* ملعقتين بن مطحون (القهوه العربيه او التركيه ) يتم خلطهم مع ماء دافئ حتى يصبح كالعجين

اثناء الاستحمام ونقوم بفرك العجينه على المنطقه بحركه دائريه على اتجاه عقارب الساعه لمدة عشر دقائق وعكس الاتجاه لمدة عشر دقائق ايضا .

 

سوف تلاحظين بان المنطقه اصبحت عليها طبقه من الزيت وهذا من الجسم .

 

ثم اغلسلي المنطقه وسوف تلاحظين شئ اخر وهي النعومه الرائعه في الجسم التي حصلتي عليها بعد الفرك

 

بصراحة لم أكن أصدق موضوع الزيت الذى سينضح من الجلد ولكن هذا ماحدث ، مع أنى لم أكمل الدقائق العشرة ولم ألتزم باتجاه الحركة ، والنتيجة فعلا نعومة الجلد فى المنطقة ، ولكن قبلها يمكن ملأ البانيو بالماء ساخنا إلى أقصى درجة تتحملينها.

 

هذا ما وجدت إلى الآن ....

 

أخيرا ... علمت الفرق بين ماء الزهر وماء الورد: الأول يستخلص من زهر الليمون والبرتقال ، اما الثانى فيستخلص من الورد البلدى ، هذا ما قالته أمى :wub:

 

استودعكم الله.

 

تم تعديل 7 سبتمبر, 2007 بواسطة أم السعد 76

[راجيه عفو الرحمن 1]

السلام عليكم ورحمة الله وبركاته،،

ما شاء الله وصفات مجربه رائعه اتمني ان نستفيد منها جميعا

واحب ان اشكر الاخت ام ريتاج لمتابعتها الموضوع واهتمامها به

بارك الله فيك وجعل الله مجهودك في ميزان حسناتك

السلام عليكم ورحمة الله وبركاته،،

[أم ريتاج 7]

السلام عليكم ورحمة الله وبركاته،،

ما شاء الله وصفات مجربه رائعه اتمني ان نستفيد منها جميعا

واحب ان اشكر الاخت ام ريتاج لمتابعتها الموضوع واهتمامها به

بارك الله فيك وجعل الله مجهودك في ميزان حسناتك

السلام عليكم ورحمة الله وبركاته،،

و عليكم السلام و رحمة الله و بركاته

جزاكى الله خيرا اختى على كلامك الجميل

و هذا من فضل الله ثم فضل تشجيعكم لنا فريق المشرفات و مساعدات المشرفات

فما كان لنا ان نفعل اى شئ دونكم

تابعينا يا غالية و افيدينا بارائك لنتقدم للامام دائما

 

احبك فى الله

[أم ريتاج 7]

السلام عليكم و رحمة الله و بركاته

 

اخواتي الغاليات

 

انا جربت وصفة النشا و اللبن للوجه جميله جدا جدا جدا ان شاء الله تعجبكم قوى

 

و بكده يبقى عندنا

 

الوصفة الثالثة المثبتة

نشا + لبن أو بياض بيض أو زبادي أو ماء ورد أو ماء زهر أو عسل

و ده بتجربة كلا من زاد و ام السعد و ام ريتاج

 

و كمان جربت وصفة الزبادي و العسل و الليمون و زيت الزيتون للشعر

لكن مش هنقدر نثبتها لأن من قام بتجربتها هم ام السعد و ام ريتاج فقط

فيبقى لنا اخت تجربها لتفيدينا

 

ام السعد فينك يا غالية و فين تجاربك وحشتينا :wub: :wub:

 

و فين بقا الاخت " الفقيرة الى الله " صاحبة الموضوع اصلا

فينك حبيبتى طمنينا عليكي غيبتي مره واحده كده ، ايه اللى مانعك عنا ان شاء الله تكونى بخير :icon15:

 

و فينك يا زاد و فين نشاطك منتظرينك :- :-

 

و طبعا حبيبتنا " راجية عفو الرحمن " ايه فين الوصفات المجربة بتاعتك افيدينا :rolleyes:

 

و الجميلة " هبه المسلمة " هي فين :wub:

 

مستنياكم يا غاليات

[أمـ الســعد 4]

السلام عليكم و رحمة الله و بركاته

 

اخواتي الغاليات

 

ام السعد فينك يا غالية و فين تجاربك وحشتينا :wub: :wub:

 

 

أم ريتاج ...جزاك الله خيرا على السؤال :wub: ... لن أستطيع مجاراتك فى التجارب :unsure: ... أنا على ادى :wacko:

 

أضم صوتى إلى صوت الترمس المطحون بالعسل والليمون للوجه ....أعطى ملمس ناعم للبشرة ، وخاصة بطريقة الأخت راجيه عفو الرحمن:

ثم اقوم بوضعه علي وجهي واقوم بعمل حمام بخار عليه لمده 15 دقيقه ثم اجلس في الهواء لمده 10 دقائق واقوم بغسله بماء دافئ

 

 

نسأل الله أن يبلغنا رمضان

[أم ريتاج 7]

السلام عليكم و رحمة الله و بركاته

ام السعد يا غالية وحشتينا جدا ابقى عدي كده على الصفحة نوريها من حين لاخر

نورتي اختى

اما بالنسبة لوصفة الترمس فقد تم تثبيت هذه الوصفه و هي بالفعل الوصفة الاولى المثبته لدينا بهذه الصفحة

و تم اضافة اسمك يا غالية مع المجربات لهذه الوصفة و ستجديها بالمشاركة رقم 27 في هذه الصفحة

منتظرينك اخيتي

 

استودعك الله

[أم ريتاج 7]

كل عام و انتم بخير

[هبه المسلمه 1]

السلام عليكم ورحمة الله وبركاته

كل سنه وانتو طيبين

ايه الحلاوه دى

ايه الجمال ده

ايه الوصفات الجامده دى :blush:

بالنسبه عشان تروح ريحة الحنه من الشعر او اى حاجه حطاها فى شعرك عايزه ريحتها تروح هقولم تعملو ايه

وانا مجرباها ومازلت بستخدمها علطول

تجيبى علبة الشامبو بتاعك وتحطى فيها جيلى بودره (انا بحط بالفراوله :closedeyes: ) ورجيهم وسيبى العلبه ولما تيجى تغسلى شعرك رجيها وحطى منها عادى وكانك بتستعملى الشامبو العادى بالظبط

واغسلى شعرك منها هتلاقى ريحه والله جناااان

غير ان الوصفه دى اصلا انا خدتها لتكثيف الشعر ولمعانه يعنى كمان مفيده

 

انا عن نفسى هقولكم تجربتى للشعر

انا شعرى خفيف جدا وبيتساااقط جدااااا وقصير جداااا (انا اللى كنت قصاه الا جرسون مدرج)

ده كان على اخر السنه الدراسيه

وكنت خلاص زهقت منه مع انه ناعم

ده غير القشره اللى قرفتنى

فقلت ههتم بيه باه لما اخلص امتحانات ان شاء الله يعنى على اول الصيف ده

فكنت بعمل تقريبا كل اسبوعين حنه

وجبت علبه فاضيه وحطيت فيها زيت زتون وتوم مفروم وقرنفل مطحون وسبتها 10 ايام كده وهى مقفوله

وكنت بحط منها تقريبا مرتين او مره فى الاسبوع وممكن 3 مرات على حسب النشاط يعنى

كنت بدهن جزور شعرى اهم حاجه واقوم اغطيه ببونيه بلاستيك والبس فوقه الطرحه الفها عليه _ وطبعا كنت بعتزل اى حد عشان الريحه تقرف الكلب :ohmy:

كنت بحطها بالليل واغسلها اما اصحى من النوم

بالشامبو مع الجيلى وانت الريحه بتروح علطول

وبعدين ضفت معاهم فى العلبه سمسم مطحون وفلفل حار مقطع قطع صغيره ويااعينى عالريحه :mellow: بس استمريت عليها طول الصيف تقريبا مع الحنه

وفعلا القشره راحت وشعرى التساقط قل كتير (هو فى تساقط اه بس مش زى الاول طبعا )

وحاسه انه تقل (بس مش عارفه فعلا كده ولا انا بيتهيالى )

وطوله باه للكتف اهه

الحمدلله :huh:

 

 

كنت ساعات كده باجى فى النص اعصر بصلايه مع كم فص توم وممكن احط معاهم شوية جرجير واعصرهم فى الخلاط والطخ بيهم لاشعرى :tongue: بردو ريحه معفنه بس نتيجته حلوه

 

 

خلاص باه انا هبطل العك ده عشان الدراسه بس هحاول اعمل الحنه مره فى الشهر ان شاء الله

وهثبت على وصفة الترمس والزبادى للبشره

وكل سنه وانتو طيبين

 

 

اه نسيت اقولكم انى حاطه فى التلاجه جلسرين سائل مع عصير لمون اصفر وبدهن منهم قبل ماانام ايدى وكوعى وركبتى

وملاحظه نعومه اوى

:icon_eek:

سلامموووو

[أم ريتاج 7]

السلام عليكم و رحمة الله و بركاته

طبعا زي ما اتعودنا من الحبيبة هبه المسلمة وصفاتها و تجاربها الجميله

و الله انا كان نفسي اجرب وصفات الشعر دي طالما انها جابت نتيجة حلوة

بس مش هقدر استحمل الريحه اللى هبه بتقول عليها و لا انا و لا زوجي ( حفظه الله ) و لا الاولاد

بس هجرب حكاية الجيلي اللى على الشامبو بس لو باظ بقا هاخد حق الزجاجه بتاعة الشامبو من هبه :biggrin: :biggrin: :wink: :tongue:

 

و يا جماعة لو حد يقدر يجرب الوصفات دي يجربها و يقول لنا عليها عشان نثبتها في الصفحة

 

و انا هجرب موضوع الجيلي ده و اقولكم

 

و بالنسبة للترمس و الزبادي احنا كده كده مثبتنها معانا

 

و شكرا يا هوبي على التجارب بتاعتك الجميلة

[أمـ الســعد 4]

بالنسبه عشان تروح ريحة الحنه من الشعر او اى حاجه حطاها فى شعرك عايزه ريحتها تروح هقولم تعملو ايه

وانا مجرباها ومازلت بستخدمها علطول

تجيبى علبة الشامبو بتاعك وتحطى فيها جيلى بودره (انا بحط بالفراوله ) ورجيهم وسيبى العلبه ولما تيجى تغسلى شعرك رجيها وحطى منها عادى وكانك بتستعملى الشامبو العادى بالظبط

واغسلى شعرك منها هتلاقى ريحه والله جناااان

 

افتكرتك بتهزرى .....جيلى؟!!!!!!!!!! ممكن أعرف بجد عرفتيها منين؟

[هبه المسلمه 1]

لا ياام السعد مش بهزر والله

انا اصلا مجرباها

وجايبها من منتدى مش فاكره طبعا انهه

بس على ضمانتى

[أم ريتاج 7]

السلام عليكم و رحمة الله و بركاته

 

فنيكم يا غاليات

 

مبارك عليكن التثبيت

 

و مبارك على الغالية هبه المسلمة تميز موضوعاها و الله تستاهل كل الخير

 

طيب

 

انا جربت موضوع الجيلي اللى على الشامبو اللى قالته هبه و فعلا اداني ريحه حلوة و هي مزيج الجيلي مع ريحة الشامبو اصلا

و برضوه اداني لمعان كويس رغم انى كنت خايفة الجيلي ده يلزق شعرى بس الحمد لله تمت التجربه بنجاح

 

و دلوقتى بالنسبة للوصفه دي يبقى باقى على تثبتها رأي اخت من الاخوات

 

و متنسوش ان معانا وصفة منتظرة التثبيت و هي و صفة الزباي و العسل و الليمون و الزيت للشعر و ده كان بتجربة ام السعد و ام ريتاج

 

ياله يا اخوات فين الهمه

 

على فكره يا ام السعد انا ان شاء الله قريب لما اعمل الحلاوة هجرب موضوع بودرة التلك بس انا حاسة انها هتكون كويسه و مفيده ان شاء الله

 

استودعكم الله

[شعلة الايمان 0]

السلام عليكم ورحمة الله وبركاته،،

شكرا لك ام ريتاج على الوصفات الرئعة

[أمـ الســعد 4]

سلام الله عليكم ورحمته وبركاته

 

هبة المسلمة ... أم ريتاج ... جميع الاخوات فى الموضوع ..كيف حالكم يا بنات؟ :icon15: ...

 

 

 

عندى اعتراف ... انا عملت الحنة وخايفة من موضوع الجيلى .. بس على ضمانتكم هاجربه ..

 

الحنة لعلاج القشر وتقوية الشعر وضى أحمر خفيف أعملها كالآتى :

2 كوب ماء مغلى عليهم كركديه وحفنة قرنفل و ملعقة كبيرة شاى ، يغلوا شوية وبعدين يبردوا ... نعجن بهم الحنة مع كوب زبادى ..

ملحوظة هامة : على فكرة أنا لا أضع أى زيوت مع خلطة الحنة لأنه يمنع تشرب اللون فعلا لاحظت ذلك. لكن بعد يوم الحنة باضطر اعمل حمام زيت زيتون لأنها تجفف الشعر قليلا.

موضوع الفوطة الساخنة اكيد كلكم عارفينه بيفرق جدا فى نتيجة حمام الزيت، إذا لم يكن عندك صبر عليه .. ممكن فقط تجلسى على الاقل نصف ساعة بالشعر مغطى فى مكان مقفول دافىء كالحمام .. ستجدين الشعر يسخن قليلا .. وهو المطلوب .. يقال ان هذا ينشط وصول الدم لبصيلات الشعر ...

 

أم ريتاج طلبت منى اسجل بودرة التلك عندما تسيح الحلاوة .... أمرك يافندم... :rolleyes:

بالنسبة للحلاوة المنزلية أو الجاهزة عندما تسيح منك .. بعد ما تبرديها قليلا على المروحة أو التكييف ...جربى ترشى عليها بعض من بودرة التلك عليها وعلى يديك ... بس رشة جريئة :tongue: ..... ستصمد اطول .. وكلما ساحت اعملى كده ... طبعا لو كانت ناشفة جدا قبل الاستعمال .. تطروها بنقطتين ميه.

 

تقبل الله صيامكن وصلاتكن

تم تعديل 14 سبتمبر, 2007 بواسطة أمـ الســعد

[هبه المسلمه 1]

السلام عليكم

انا جربت مره الزبادى والزيت

كان حلو اوى

بس عغملته مره او مرتين بس بس ادانى نعومه حلوه وطراوه :rolleyes:

والشامبو والجيلى اهه ام ريتاج جربته وجاب نتيجه حلوه اهه

وانا والله بستعمله علطول

وريحته بتعجبنى

انا علطول بحط جيلى بالفراوله :tongue:

بس

وايه كمان يابت ياهبه :blush: وايه كمان يابت ياهبه ؟؟؟؟ :closedeyes: :rolleyes:

.......

.....

.....

اه المعجزه بأه

العسل للرموش

انا من زمان بجرب زيت الخروع وكان بيجيب نتيجه بس كان بياخد وقت شويه

ولما عرفته انه بيوقع الرموش عالمدى الطويل غيرته بزيت الزتون

ونتيجته كمان احسن من زيت الخروع فى التكثيف والتطويل

وانا كنت قلتلكم انى كنت قصيت رموشى

 

عشان كده بلاحظ فرق الطول بوضوح

اللى جربته بأه وجاب نتيه ملحوظه تقريبا فى اسبوع هو العسل الابيض

تحففففففففففففففففففه والله بجد تحفه اوى جدا خالص

جبت علبه صغيره وحطيت فيها عسل نحل

وجنبها علبه فيها ماؤ

عالتسريحه

وقبل النوم احط المسكره فى العسل واحط على موشى وبعدين احط المسكره فى الماء عشان التلزيق

والصبح اغسل وشى

وطبعا بيكون عينى ملزقه :tongue:

بس عادى

اصلا العسل لو دخل فى العين هو بيحرق شويه بس بيصفى العين اصلا

واللى متجوزه طبعا مش هتحطه وهى نايمه

عشان الصبح جوزها هيشوفها ملزقه كده ومش عارفه تفتح عنيها :ohmy: هيقول عليها معمصه :icon16: :wub:

فممكن تحطه وهى شغاله فى المطبخ عادى واوقات الصلاهتغسله وبعدين تحط تانى يعنى على مدار اليوم

والله هتلاحظى فرق جامد وياحبذا بأه لو حطيتى مسكره ... هيجيلك زهول من طول رموشك

 

وبس

اشوفكم بأه على خير ان شاء الله

سلامو ياحلوت

[أم ريتاج 7]

سلام الله عليكم ورحمته وبركاته

 

هبة المسلمة ... أم ريتاج ... جميع الاخوات فى الموضوع ..كيف حالكم يا بنات؟ :closedeyes: ...

 

عندى اعتراف ... انا عملت الحنة وخايفة من موضوع الجيلى .. بس على ضمانتكم هاجربه ..

 

أم ريتاج طلبت منى اسجل بودرة التلك عندما تسيح الحلاوة .... أمرك يافندم... :rolleyes:

 

تقبل الله صيامكن وصلاتكن

 

و عليكم السلام و رحمة الله و بركاته

ازيك انتى يا ام السعد و الله وحشتونى كلكم

مبروك عليكي الحنة و عقبال ما تجربي الجيلي

 

و الامر لله حبيبتى و مشكورة على تسجيلك لموضوع بودرة التلك

ان شاء الله كلنا نستفيد

 

تقبل الله منا و منك