لواء العزة 5 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته،، حياكن الله حبيباتي مجدداً ضيفة هذا الأُسبوع هي الحبيبة miro74 تفضلي ميرو الحبيبة في إنتظار ردك على أسئلتنا شارك هذه المشاركه رابط المشاركه شارك
أم أنس السلفية 2 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته،، موضوع ممتاز يا رورو ورائع بارك الله فيكى ووحشتنى هو لا زم الواحد يجى هنا علشان يشوفك ربنا يعينك ويشفى عمك باذن الله شارك هذه المشاركه رابط المشاركه شارك
أمّ عبد الله 2365 أرسلي تقرير عن المشاركة قامت بالمشاركة 30 مارس, 2008 وعليكم السلام ورحمة الله وبركاته،، مـاشاء الله مسابقة طيّبة حبيبتي رحوقة جزاكِ الله خيرًا ننتظر أختنا الحبيبة ميرو لنرى ردودها الطيّبة :) شارك هذه المشاركه رابط المشاركه شارك
اللجين اللامع 1 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته،، فكرة رائعة.. جزاك الله خير رحوقة.. شارك هذه المشاركه رابط المشاركه شارك
محبة للجنان 292 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته،، رائعه ماشاء الله ^_^ بارك الله فيك مشرفتنا الحبيبة جوري وبانتظار ميرو الحبيبة :) شارك هذه المشاركه رابط المشاركه شارك
قلب منكسر 0 أرسلي تقرير عن المشاركة قامت بالمشاركة 30 مارس, 2008 فكرة جميلة الله يبارك فيك اختي. في انتظار الاجابة على الاسئلة من اختنا الغالية ميرو. شارك هذه المشاركه رابط المشاركه شارك
صانعة الأجيال 2 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته،، رحوقة فكرة رووووعة جزاك الله خيرا بإنتظار ميرو ميرو حبيبتي الجمهور تحت كثير والكل بانتظار تشريفك شارك هذه المشاركه رابط المشاركه شارك
نسيم الفجر 2 أرسلي تقرير عن المشاركة قامت بالمشاركة 30 مارس, 2008 بارك الله فيك يا رحوقة موضوع حلووووووووو وبإنتظار الضيفة الحلوة شارك هذه المشاركه رابط المشاركه شارك
أمـ الســعد 4 أرسلي تقرير عن المشاركة قامت بالمشاركة 30 مارس, 2008 وعليكم السلام ورحمة الله وبركاته،، جزاك الله خير الجزاء غاليتى رحيق الجورى على الفكرة ... فى انتظار الهرابة ميرو ... انا هاروح اناديها ... شارك هذه المشاركه رابط المشاركه شارك
miro74 0 أرسلي تقرير عن المشاركة قامت بالمشاركة 30 مارس, 2008 السلام عليكم ورحمة الله وبركاته حبيباتى شكرا لكم وشكر خاص لرحيق الجورى... عرفت دلوقتى بس من الغاليه أم السعد إن عمك فى المستشفى... أسأل الله أن يمن عليه بنعمة الشفاء التام ويعود سالما غانما لبيته ولزوجته وإبنته الحبيبة أسلتنا هي : 1- أفضل أكلة تحبينها ؟ 2-ما أكثر الأكلات التي تقومي بطبخها وهل لسهولتها أم لأنها محببة من قِبل عائلتك ؟ 3-هل حدث لكِ موقف مطبخي لا تنسيه وإن وجد فما هو الموقف ؟ 4- هل جربتي وصفة من الوصفات الموجودة في ركن الطبيات وإذا كان الجواب بنعم فما هي وكيف كانت نتيجتها؟ 5- ماهو رأيك في ساحة الطيبات وهل هناك شيء ينقصها ؟ 6- أي الساحات الفرعية تدخلين عليها أولاً عند دخولك ساحة الطيبات؟ 7- نريد منك وضع وصفة اهداء لقسم الطيبات :) ؟ وأي أُخت تريد أن تسأل ضيفتنا أي سؤال مطبخي فلتتفضل إيه يا عم الجامد ده كله.... أنا حاسه إنى مثلا فنانه من إياهم طالعة فى برنامج رمضانى :))))))) والله كده إنتو حتدونى قلم فى نفسى .... بعد كده جوزى مش هيعرف يكلمنى هاهاهاها... هاديله اللينك وأقول له شوف الجوهرة اللى معاك طيب بسم الله نبدأ: أفضل أكلة تحبينها ؟ بما إنى مكلبظة وخلاص بقيت عاملة زى العربية البيتلز أعزكم الله :) تقدروا تتوقعوا الأكل اللى بأحبه طبعا المحشى بجميع أنواعه والمكرونة بكل أشكالها بشاميل وبولونيز وفيتوتشينى ونجرسكو كله كله مأقولش لأ أبدا أبدا 2--ما أكثر الأكلات التي تقومي بطبخها وهل لسهولتها أم لأنها محببة من قِبل عائلتك ؟ الملــــــــــــــــــــــــــــوخية مع الأرز والفراخ أو الكفتة .... أولادى يموتوا فى الملوخية ... إبنى حسن لا يأكل من الخضار غير الملوخية والله غلبت معاه نفسى ياكل أى حاجة تانية مش عارفة طيب أنا مضطرة أسيبكم دلوقتى ولى رجعة بالليل لأن أبو الشباب صحى وسامعه صوته فى الحمام... مش عايزين تريقة على الصبح ... واللا يكسر لى الكمبيوتر سلام مؤقتا حبيباتى ولى عودة بإذن الله شارك هذه المشاركه رابط المشاركه شارك
أمـ الســعد 4 أرسلي تقرير عن المشاركة قامت بالمشاركة 30 مارس, 2008 وعليكم السلام ورحمة الله وبركاته،، هلت الأطيار وأشرقت الأنوار ..... انا شامة ريحة عيش مخبوز طازة ... ميروووووو جت ... شارك هذه المشاركه رابط المشاركه شارك
الجمانة 3 أرسلي تقرير عن المشاركة قامت بالمشاركة 30 مارس, 2008 (معدل) ^__^ رووعة فكرتك رحووقة.. بانتظآآر عودتك ميروو.. تم تعديل 30 مارس, 2008 بواسطة الجمانة شارك هذه المشاركه رابط المشاركه شارك
أنين أمّة 19 أرسلي تقرير عن المشاركة قامت بالمشاركة 30 مارس, 2008 ^__^ رووعة فكرتك رحووقة.. بانتظآآر عودتك ميروو.. شارك هذه المشاركه رابط المشاركه شارك
*لقاء* 1 أرسلي تقرير عن المشاركة قامت بالمشاركة 30 مارس, 2008 ايه الافكار الجامدة دى يا مرمور بارك الله فيكِ فى انتظار ميرو علشان عندى اشئلة كتييير يالله ما تهربيش اظهرى وبانى شارك هذه المشاركه رابط المشاركه شارك
لواء العزة 5 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، بارك الله فيكن جميعاً وسعيدة ان الفكرة عجبتكم بس يلا عاوزين اسئلة في الصميم يا بناويت ^_^ ميرو معانا لمدة اسبوع وماشاء الله ريحة مخبوزتها قالبه الساحة ^_^ أنا حاسه إنى مثلا فنانه من إياهم طالعة فى برنامج رمضانى :))))))) احسن بكتيييير منهم إن شاء الله والله كده إنتو حتدونى قلم فى نفسى .... خدي القلم والمسطرة والاستيكة كمان لو عاوزه ^_^ بعد كده جوزى مش هيعرف يكلمنى هاهاهاها طبعاً طبعا :) نياله ابو العيال شارك هذه المشاركه رابط المشاركه شارك
omou mossab 2 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، كده موضوع روعة يفوتني حرام عليكم هههههههههه ميروووووووو شو اخبارك مع الاسئلة؟ ههههههههههه استنو لما اصحى عشان اسال شارك هذه المشاركه رابط المشاركه شارك
miro74 0 أرسلي تقرير عن المشاركة قامت بالمشاركة 31 مارس, 2008 السلام عليكن حبيباتى ... شكرا لكم على ضيافتكم الحلوة ... وأنا بالمناسبة دى عازماكم كلكم عل بيتــــــــــــــــــــــــزا منزلى من صنعى بمشاركة الأخ حسن ودى حته من قريب على فكرة الأطراف محشية جبنة شيدر ..تعب معايا حسونة كتير فى لف الأطراف وحشيها ..يعنى مش عيش وعليه بواقى أكل هاهاهاهاها ودى تشكيلة فطائر محشية بحشوات مختلفة ودي تشكيلة تانية والحلو بقى بسبس كيك حاجة كده بين البسبوسة والكيك والإسم ده من إختراع مؤلفتها أم هند جزاها الله خيرا وأصلح لها أولادها وأولاد المسلمين جميعا ... بس خطيييييييييير يتعمل من هنا وننزل كلنا حتتك بتتك عليه من هنا يللا إلحقوا لكم حتة قبل ما تخلص كانت أم السعد وعدتنى بشاى لينا كلنا مش عارفة بقى رجعت فى رأيها واللا إيه!!! واللا تحبوا عصير على العموم المشاريب عليها إطلبوا اللى نفسكم فيه ... شكلى هآخد بالبوكس من المشرفات ... ميزانية المنتدى كده هتخرب بعد ما أكلنا ملينا بطننا والحمد لله وفى إنتظار المشاريب نرجع لأسئلة المشرفات الحبيبات: 3- هل حدث لكِ موقف مطبخي لا تنسيه وإن وجد فما هو الموقف ؟ أكييييييييييييييييييييييييد ... من سنتين تحديدا ودى كانت بداية إحتكاكى بالمطبخ والطبيخ.... متفهمونيش غلط أنا متجوزة من سنة 99 يعنى نقوووووول حوالى 9 سنين لكن بصراحة يا دوب فراخ فى الفرن ... رز.... بالكتير كفتة.... حتى لما حسن كبر وبقت الملوخية تعرف طريقها لمطبخة كنت كل مرة أعمل فيها ملوخية لازم أراجع الطريقة خطوة بخطوة مع واحدة صاحبتى فى الشغل جزاها الله عنى خيرا ... وكانت صاحبتى دى بتشجعنى إنى أعمل حاجلت وتقول لى ليه لأ هم اللى بيعملوا أحسن منك فى إيه... بس أنا كنت ماشية جنب الحيط والمحاشى والبط والمكرونة البشاميل وخلافه ناكله عند ماما وحماتى أمال الأمهات والحموات معمولين ليه المهم لما ولدت عبد الرحمن مقدرتش أنزل الشغل تانى فإبتديت أتجرا شوية وأعمل حاجات كانت من الممنوعات وجربت أعمل مكرونة بالبشاميل وكلمت طووووووووب الأرض علشان آخد الوصفة كل واحد إدانى وصفة شكل قلت مبدهاش آخد الوصفة من أمى حبيبتى وقعدت أخدت الوصفة وكانت بنت خالتى قاعدة معانا وقالت لى إسمعى بقى هأقول لك على سر علشان تكون المكرونة بالبشاميل زى ما بنشوفها فى الإعلانات لما تقطعى الخرطة يكون البشاميل سايح وملظلظ كده وجميل ... قالت لى كل كبايتين لبن عليهم معلقة دقيق المهم عملت زى ما قالت وحطيت المقاديى بالظبط زقعدت جنبها إنها تتخن وتجمد أبدا... ميه خالص قعدت أفكر وزودت معلقة دقيق....مفيش طب إتنين برضه ممسكتش.... قلت لأ أنا مأفهمش فيها يمكن هى كده وهتجمد فى الفرن حطيت المكرون واللحمة مفرومة والذى منه وأصب عليها البشاميل طبعا ميه ونزل كله فى الصينيى من تحت... قلت برضه مليش دعوة خاللينى أتبع الوصفة زى ما قالت صاحبتها وخلصت المكرونة وقدمت لجوزى حبيبى منها وأنا طبعا كلى سعادة بالإنجاز اللى عملته ويومها إتأخرت كتير عليه فى الغدا مهو قاعد مش مصدق نفسه مستنى المكرونة قطم قطمة..... وبحلق كده فى الطبق... يقلبها يمين وشمال ...وبعد تفكير عميق يقول لى: شكرا يا حبيبتى.... بس دى المكرونة وعارفينها.... فيييييييييين البشاااااااااااااااااااااميل!!!!! قلت له بص كويس يعنى هيروح فين... أنا عاملة بشاميل طبعا البشاميل كان طن لبن عليه معلقتين دقيق سايح والمكرونة شربت اللبن فى الفرن ولا أم على الشكلة موقفتش عند كده وبس لأ بعدها بيومين حبكت بقى ماما تعزمنا على الغدا.... وكمان مكرونة بالبشاميل... طبعا جوزى أكلها من هنا وبقه من الودن للودن بإبتسامة عريضة وقال لى ... أهى دى المكرونة بالبشاميل اللى أنا أعرفها - مع العلم جوزى صبووووووور جدا ومعندوش مشاكل ياكل سندوتشات جبنة كل يوم... لكن أنا كنت عايزة أفرحه والله... يللا على العموم أنا بهدلت بنت خالتى وقلت لها خليتى منظرى كفتة... قالت لى إنت فهمتى غلط حد يعمل كده!!!!!!!!!!!! طب أقول إيه بس.... شارك هذه المشاركه رابط المشاركه شارك
miro74 0 أرسلي تقرير عن المشاركة قامت بالمشاركة 31 مارس, 2008 (معدل) نستأنف بعد الرغى... على فكرة الساعة عندى دلوقتى 12:15 فى نص الليل هأحاول أرد على الأسئلة بسرعة علشان عندنا مدرسة بكره إن شاء الله لازم نصحى بدرى 4-هل جربتي وصفة من الوصفات الموجودة في ركن الطبيات وإذا كان الجواب بنعم فما هي وكيف كانت نتيجتها؟ فى الحقيقة لأ..... :blush: 5- ماهو رأيك في ساحة الطيبات وهل هناك شيء ينقصها ؟ فى الحقيقة أنا مشتركة بالمنتدى من فترة وكنت أدخل ألاقى مفيش جديد المواضيع ممكن تبقى من كام يوم يعنى مش زى منتديات أخرى مشتركة بها .. وده اللى خلانى أقول لازم أكتب لهم كل الوصفات اللى أنا جربتها ونجحت معايا يمكن حد يستفيد منها... بأحس إن مشاركات العضوات قليلة قوى ... يمكن أنا غلطانة مش عارفة. إيه رأيكم؟ 6-أي الساحات الفرعية تدخلين عليها أولاً عند دخولك ساحة الطيبات؟ بما إنى بأحب الرغى واللت والعجن طبعا بأدخل أولا على ركن المعجنات :) 7- نريد منك وضع وصفة اهداء لقسم الطيبات :) ؟ دى بقى خليها بكرة علشان كمان تكون مفاجأة والســـــــــــــــــــــــلام ختـــــــــــــــــــــــــــام هأدخل أنـــــــــــــــــــــــــام تم تعديل 31 مارس, 2008 بواسطة miro74 شارك هذه المشاركه رابط المشاركه شارك
صانعة الأجيال 2 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، أزيك حبيبتي ميرو أعتقد إننا ما تقبلناش قبل كده ولكن مع الجو ده شكلنا حنتعرف على بعض كويس عندي أسئلة بالهبل بس ياخسارة طارم ومبقيش غير شويت اسئلة واستحملي غلاستي ولمازتي السؤال الأول ياحبيبتي (إحنا شفنا بعض الأخوات لما يكون عندهم عزومة مفاجأة يحتاروا ) أنت حتكوني زيهم وألا لا افرضي مثلا إن الأخوات في المنتدى حيتعشوا عندك بعد أسبوع أيه ترتيبك للعزومة ؟ خلصنا من السؤال الأول نجي للتاني ما هي نصيحتك لأم عندها بنات (إمتى تبدأ تدخلهم المطبخ وكيف تبدأ بتعليمهم )؟ خلصنا من التاني ونجي للتالت لو إنت معندكيش شغالة وشغل البيت فوق راسك وولادك مغلبينك و جالك دور زكام ويادوب تتحركي والأولاد وأبوهم لازم يجوا من المدرسة والشغل ويلاقوا الغداء جاهز (حتعملي غداك أيه ) ؟ خلصنا من التالت ونجيب الرابع الرابع يختي جارتك أو أختك جالها عزومة مفاجأة بكرة واستنجدت بيكي تساعديها طبعا حضرتك شاطرة حتقومي تعملي لها طبقين من اللي حياكل المعازيم صوابعهم وراهم السؤال (أيه هما الطبقين اللي حتعمليهم )؟ والبقية طارم لما أصيدكم أجيبهم لك متخفيش أشوف وشك بخير ومتنسيش تجاوبيني المارة الجاية حشوف أجوبتك وإن شاء الله أكون جبت معايا أسئلة ثانية شارك هذه المشاركه رابط المشاركه شارك
أم أنس السلفية 2 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، هههههههههههههههههههههههههههههههههههههههههههههههههههههههه هههههههههههههههههههههههههههههههههههههههه عسل عسل عسل ايه السكر فعلا شكلنا هنتعرف كويس قوى يا ميرور افندى انا كمان اسم دلعى ميرو هههههههههههههههههههههه اولا مرحبا بيكى اولا مرة اقر لكى من زمان لم اضحك كدة من قلبى ههههههههههههه بصراحة فكرتنى بام تيم الله ربنا يردها الينا سالمة آمنة ويربط على قلبها ام تيم الله دى كانت خفيفة الظل زيك بالضبط وكانت الشيف الرئيسى للمنتدى وكانت من خفة دمها الناس كلها بتجرى وراء مواضيعها المهم بالنسبلة لقة زروا الطيبات دا علشان احنا فشلة هههههههههه ومبنعرفش نضبخ اصلا هههههههههههه ولى عودة معك بالاسئلة بس خدى سؤال على الماشئ ايع افضل طريقة لعمل المكرونة بالبشاميل هههههههههه؟ مفهوم احببتك فى الله شارك هذه المشاركه رابط المشاركه شارك
لواء العزة 5 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، ^_^ روووعة يا ميرو ضحكتيني جدا بموقفك مع المكرونة بس اعتقد مظبوطة الان معكِ جميل اسئلتك حبيبتي صنووعة وكمان ام انس انتي ماسكة في المكرونة بالباشميل بردوا ^_^ في انتظار اسئلة الاخوات :wub: واضح ان هانستمتع مع ميرو كتييييييير :wub: شارك هذه المشاركه رابط المشاركه شارك
أم أنس السلفية 2 أرسلي تقرير عن المشاركة قامت بالمشاركة 31 مارس, 2008 السلام عليكم ورحمة الله وبركاته،، ميرو هربت من الاسئلة ولا ايه سؤالى التانى ماذا لو فجؤت باهل زوجك عندكم فجاة بدون ما تعرفى والاكل اللى موجود مش هينفع خالص يتقدم لهم من حيث الكم والنوع؟؟؟؟؟؟؟؟؟؟؟؟؟؟؟؟ لو طلبك من ابنك تعمل ليه تورتةالان تعملى ايه؟؟؟؟؟؟؟؟؟؟؟؟؟؟؟؟؟ زوجك طلب كريم كراميل ومفيش المكونات وكانت الساعة الواحدة ليلا اما كدة واما يزعل تعملى ايه؟؟؟؟؟؟؟؟؟؟؟؟؟؟؟؟؟؟ هههههههههههههههههههههههههههههههههههههههههههههههههههههههههههههههههه دا كله السؤال التانى بس هههههههه شارك هذه المشاركه رابط المشاركه شارك
OM TASNEEM 0 أرسلي تقرير عن المشاركة قامت بالمشاركة 31 مارس, 2008 أزيك حبيبتي ميرو أعتقد إننا ما تقبلناش قبل كده ولكن مع الجو ده شكلنا حنتعرف على بعض كويس منتظرين الرد على باقى الأسئلة وكمان الوصفات الحلوة ويلا متجوعيناش أكتر من كدة شارك هذه المشاركه رابط المشاركه شارك
miro74 0 أرسلي تقرير عن المشاركة قامت بالمشاركة 31 مارس, 2008 (معدل) السلام عليكم ورحمة الله وبركاته،، أزيك حبيبتي ميرو أعتقد إننا ما تقبلناش قبل كده ولكن مع الجو ده شكلنا حنتعرف على بعض كويس عندي أسئلة بالهبل بس ياخسارة طارم ومبقيش غير شويت اسئلة واستحملي غلاستي ولمازتي السؤال الأول ياحبيبتي (إحنا شفنا بعض الأخوات لما يكون عندهم عزومة مفاجأة يحتاروا ) أنت حتكوني زيهم وألا لا افرضي مثلا إن الأخوات في المنتدى حيتعشوا عندك بعد أسبوع أيه ترتيبك للعزومة ؟ خلصنا من السؤال الأول نجي للتاني ما هي نصيحتك لأم عندها بنات (إمتى تبدأ تدخلهم المطبخ وكيف تبدأ بتعليمهم )؟ خلصنا من التاني ونجي للتالت لو إنت معندكيش شغالة وشغل البيت فوق راسك وولادك مغلبينك و جالك دور زكام ويادوب تتحركي والأولاد وأبوهم لازم يجوا من المدرسة والشغل ويلاقوا الغداء جاهز (حتعملي غداك أيه ) ؟ خلصنا من التالت ونجيب الرابع الرابع يختي جارتك أو أختك جالها عزومة مفاجأة بكرة واستنجدت بيكي تساعديها طبعا حضرتك شاطرة حتقومي تعملي لها طبقين من اللي حياكل المعازيم صوابعهم وراهم السؤال (أيه هما الطبقين اللي حتعمليهم )؟ والبقية طارم لما أصيدكم أجيبهم لك متخفيش أشوف وشك بخير ومتنسيش تجاوبيني المارة الجاية حشوف أجوبتك وإن شاء الله أكون جبت معايا أسئلة ثانية السلام عليكم ورحمة الله وبركاته حبيبتى... يسعدنى إنى أتعرف على قمر مثلك مبدعة فى الطيبات غلاسة إيه وبتاع إيه إحنا هنا بندردش... غلسى براحتك :) **** بالنسبة للسؤال الأول... اكيد هأكون محتارة... أنا بأحتار جدا فى العزومات... لكن لحبايبى فى المنتدى ممكن هممممم بيتزا رول مثلا.... فطاير... وأنواع عيش بقى تتآكل مع طعمية( فلافل) .... وشاورما ....بتكون حلوة فى العيش العربى.... سلطات ( خضرا- بابا غنوج- طحينة-حمص وخلافه) وبما إنه عشا ممكن بطاطس محمرة أو وردات بطاطس بيوريه والحلو.... لقمة القاضى ( زلابيا) وممكن بسبوسة أو البسبس كيك اللى فوق... وأى طلب أنا جاهزة وربنا يقدرنى **** السؤال التانى: ما هي نصيحتك لأم عندها بنات (إمتى تبدأ تدخلهم المطبخ وكيف تبدأ بتعليمهم )؟ حقيقى أنا لم يكرمنى الله ببنات حتى الآن... لكن أولادى بالذات الكبير يحب يدخل المطبخ... بس هو لسه صغير 5 سنوات بأخاف عليه من البوتاجاز .. ممكن يساعدنى فى كيكة... يعصر لى طماطم... يوزع المكونات على البيتزا كده... بالنسبة للبنات ( مستعجله على الهم ليه ووقفة المطبخ هى كده كده هتدخل :)) يعنى لما يكونوا مستعدين... وكمان علشان يساعدوا ماما... ممكن كده من سن حسن خفيف خفيف... إن شاء الله أنا ناوية أدخل ولادى المطبخ وأخليهم يساعدونى فى شغل البيت كمان علشان لما يكبروا .... لو قعدوا لوحدهم ما يحتاسوش... وكمان لما يتجوزوا يساعدوا زوجاتهم شوية *****لو إنت معندكيش شغالة وشغل البيت فوق راسك وولادك مغلبينك و جالك دور زكام ويادوب تتحركي والأولاد وأبوهم لازم يجوا من المدرسة والشغل ويلاقوا الغداء جاهز (حتعملي غداك أيه ) ؟ بصراحة مش هأعمل حاجة خاااااااالص....صحتى بالدنيا :)..... عندهم التلاجة فيها العيش والجبن والبيض والفول... كويس قوى نعمة من عند ربنا فيه ناس مش لاقيه الأكل ده.... أنا بأحاول كل أسبوع أخلى فيه يوم كده أكل أى حاجة مش ضرورى كل يوم يعنى لحمة وخضار ورز وكلام من ده... والحمد لله زوجى مساعدنى ومش بيعترض المهم يكون فيه حاجة تتاكل *****الرابع يختي جارتك أو أختك جالها عزومة مفاجأة بكرة واستنجدت بيكي تساعديها طبعا حضرتك شاطرة حتقومي تعملي لها طبقين من اللي حياكل المعازيم صوابعهم وراهم السؤال (أيه هما الطبقين اللي حتعمليهم )؟ والله يا جماعة أنا ولا شاطرة ولا حاجة.... لكن لو حد إستنجد بى أعمل لها مثلا فراخ بانية أو فراخ كده بسرعة فى الطاسة بالمستطردة والثوم والفلفل الأخضر والطماطم سهلة جدا وطعمها حلو ممكن كمان أعمل لها لحمة بيكاتا بالطريقة السريعة دى جوزى بيموووووووووووت فيها مع مكرونة بشاميل أو أرز أبيض حسب هى عاملة إيه؟ منتظراك فى باقى الأسئلة إن شاء الله تم تعديل 31 مارس, 2008 بواسطة miro74 شارك هذه المشاركه رابط المشاركه شارك
أمـ الســعد 4 أرسلي تقرير عن المشاركة قامت بالمشاركة 31 مارس, 2008 صراحة انا كنت داخلة اديكى كام سؤال ... لكن لما شفت اسئلة صانعة الاجيال ... صعبتى علىَّ .... وحسيت انك محتاجة مساعدة ... :mrgreen: يا جماعة محدش ينكشها اكتر من كده ... أنا عارفاها ... مش هنعرف نسكتها :icon15: هل جربتي وصفة من الوصفات الموجودة في ركن الطبيات وإذا كان الجواب بنعم فما هي وكيف كانت نتيجتها؟ فى الحقيقة لأ..... عيب عليك يا ميرو ... هو انت مجربتيش بسكويت القرفة اللى انا كاتباه على الساحة ..؟ شارك هذه المشاركه رابط المشاركه شارك