اذهبي الى المحتوى
أم فايق

وصفة من خبيرة التجميل

المشاركات التي تم ترشيحها

والله يا أخواتي انا سمعت بنفسي الوصفة دي من خبيرة تجميل في قناة الأسرة والطفل وجربتها على شعر بنتي والنتيجة ما شاء الله لا قوة إلا بالله

الوصفة

تشتري النخاع من عند الجزار اللي بيكون داخل العظم وتحطيه على أي زيت موجود عندك في البيت { زيت جرجير أو زيت ذرة أو زيت زيتون....الخ} وتحطيهم على نار هادية يسيحوا مع بعض وبعد كده تفضيهم في برطمان وتسيبيهم يبردوا وبعد كده حطي البرطمان في الثلاجة وكل اسبوع خدي ملعقة واحدة من البرطمان وسيحيها على النار وادهني بيها فروة الراس وسيبيها جوالي ساعة وبعدين اغسلي شعرك كويس علشان الريحة لاحسن جوزك يطفش منك :wub: :smile:

على فكرة هي بتتحط على الشعر اللي مش نظيف يعني قبل ما تغسليه :wink:

والله يا بنات انا حطيته على شعر بنتي مرتين وبانت النتيجة شعرها بقى احسن من الأول :tongue: ولسة حأكمل معهاه لمدة ثلاثة شهور :icon16: :wink:

 

ممنوع وضع الصور الرسومية بارك الله فيكِ

تم تعديل بواسطة *مشتاقة للجنان*
  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزاك الله خيرا اختي ام فايق على الوصفة السهلة و الفيدة و انشاء الله اجربها لان فعلا شعري باهة و مقصف

شارك هذه المشاركه


رابط المشاركه
شارك

يسلموووووووو ياام فايق

راح احاول أجربها ..و الله يعيني على الرائحة

تم تعديل بواسطة *مشتاقة للجنان*

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزيتى خيرا على الوصفة الرائعة

وأحب أعرف الأخوات أننى جربت هذه الوصفة وهي رائعة

كما تساعد على إنبات الشعر

وهذا من تجربتي الشخصية :)

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،، أختى جزيتى الجنة أن شاء الله على هذه الوصفة الجميلة بس قولى الوصفة ده لانبات الشعر أم لتنعيمه أرجوا الرد لافادة حبيبتى أم فايق وجزاكى الله ألف خير

post-108625-1245929554.gif

شارك هذه المشاركه


رابط المشاركه
شارك

وعليكم السلام ورحمة الله وبركاته،،

أختى محبة الفجر

أنا في أول استخدامي لهذه الوصفة كنت استخدمها لتنعيم الشعر ولهذا الهدف

لكن بعد حوالى اسبوعين من استخدامها لاحظت انبات الشعر المتقصف في المقدمة و عند السوالف و اتفاجإت لهذه النتيجة التى لم اتوقعها

ولكن هذا ما حدث معي وبدأ الشعر فى الانبات و النمو وفي هذه الفترة لم اكن استخدم سوى هذا الزيت

شارك هذه المشاركه


رابط المشاركه
شارك

جزاكى الله خيرا اختى الغاليه بس انا عندى سؤال

 

يعنى انا محطش الوصفه دى كل ما اغسل شعرى احطها يوم

 

فى الاسبوع بس واغسلها بعد ساعه طب اغسلها بالشامبو

 

ولا اشطف شعرى بالماء بس ولو غسلت شعرى مره تانيه

 

بعد مثلا ما عملت الوصفه دى بيوم اويوميين اضع عليه ايه

 

ولا اكتفى بانى اغسله من غير ما اضع عليه اى زيوت وانا بسرحه

 

وجزاكى الله خيرا

شارك هذه المشاركه


رابط المشاركه
شارك
جزاكى الله خيرا اختى الغاليه بس انا عندى سؤال

 

يعنى انا محطش الوصفه دى كل ما اغسل شعرى احطها يوم

 

فى الاسبوع بس واغسلها بعد ساعه طب اغسلها بالشامبو

 

ولا اشطف شعرى بالماء بس ولو غسلت شعرى مره تانيه

 

بعد مثلا ما عملت الوصفه دى بيوم اويوميين اضع عليه ايه

 

ولا اكتفى بانى اغسله من غير ما اضع عليه اى زيوت وانا بسرحه

 

وجزاكى الله خيرا

السلام عليكــم ورحمـة الله وبركاتــة ،،

غاليتي ام جويرية

هذا الزيت المفروض يستخدم كحمام زيت للشعر مرة او مرتين في الأسبوع

وبعدها يغسل بالشامبو

و في الأيام الأخرى ممكن تستخدمى أى زيت آخر بعد غسيل شعرك لتصفيفه

شارك هذه المشاركه


رابط المشاركه
شارك

وعليكم السلام ورحمة الله وبركاته

 

جزاكما الله خيراً أم فايق وجهاد وكفى

لكن واضح ان أم فايق متغيبة

ويارب جهاد وكفى ترد عليا بما إنها المتواجدة

حبيبتى جهاد بصى انا اشتريت النخاع النهاردة

لكن أنا ماعرفوش ماما كانت موصية عليه الجزار وخلاص

فبعت لنا حاجة كدة مش عارفة أوصفالك

زى العروق كدة طرية

يا ترى هو ده ؟

أصل اخواتى بيقولوا مش هو ده .. وان فيه نخاع غيره اللى هو بيبقى جوا الماسورة

طيب ده هينفع ولاايه ؟

وأحط منه أد إيه بالظبط على زيت الزيتون ؟ ولا أستخدمه كله ولا إيه ؟

يارب تشوفى سؤالى وتردى عليا لان أنا حيرانة جدا :(

شارك هذه المشاركه


رابط المشاركه
شارك

السلام عليكم ورحمة الله وبركاته

 

سمعت امس فى قناة الخليجية أ_ دينا الجارم

 

خبيرة التجميل

 

تنصح والعهدة على الراوى

 

بناتنا بتسييح النخاع واضافة زبدة صفراء عليه

 

وسيعاود الشعر الى الرجوع والنعومه المطلوبه

 

وهذه _على حد قولها_ وصفة هندية من التراث الهندى!!

 

الطريف فى الموضوع ان التراث المصرى

 

اكد استخدامنا قديما للسمن البلدى كبديل للزبده الصفراء!!

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

 

أظنها وصفة فعالة يا محبة

فى الفترة اللى فاتت كنت بستخدم كذا حاجة وبعدها فعلاً حسيت ان شعرى تقل ونبت من أدام مع ان أنا شعرى كارثة كان أخر حاجة اتوقعها انه يزيد شعراية .. او انه حتى يوقف تساقط

 

من ضمن الحاجات بقى اللى كنت بعملها فى الفترة دى كانت وصفة النخاع فعلا

نخاع بتاع الماسورة وسيحته وحطيت عليه زيت زيتون وبقيت اعمل منه

وان شاء الله هكرره تانى يمكن كان هو السبب فى انبات شعرى فعلا

  • معجبة 1

شارك هذه المشاركه


رابط المشاركه
شارك

بشرة خير لاخواتك انك بتشكرى فيى الوصفة يا غاليه

 

جربى عليها زبده اكيد تجنن

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

جزاكِ الله خيرًا سمسم هو النخاع ده نجيبه منين ؟؟؟؟ :blink:

  • معجبة 1

شارك هذه المشاركه


رابط المشاركه
شارك

هاتى مواسير من عند الجزار يا سروءة

 

بس عاوزة اسأل بشرة خير

 

بنسلق العظم ولا بنستخرج النخاع وهو نىء؟؟

شارك هذه المشاركه


رابط المشاركه
شارك

معلومة جميلة بارك الله فيك اسومة

 

بشرة خير وانتى بشرة خير على تأكيدك للمعلومة و تجربتك لها جزاك الله خيرا

  • معجبة 1

شارك هذه المشاركه


رابط المشاركه
شارك

جزاكما الله خيراً محبة ودانة .. ربنا يبشرنى وإياكم بالجنة يارب

 

بصى يا محبة أنا ساعدنى الحمد لله ان بنت عمى كانت معايا وهى اللى طلعتهولى بس انا شوفتها

هى مسكت الماسورة وهى نية بعد ما طلعناها من التلاجة وفكت شوية وراحت مطلعة كل اللى جواها فى طيق ( كانت بتكحته بالمعلقة )

تمام لغاية كدة ؟

طلعنا كل اللى جوا الماسورة بالمعلقة وحطيناه فى طبق ( طبق استنلس )

وجبت اللبانة اللى بنغلى فيها اللبن أو أى حلة زى ما تحبى وحطينا فيها ميا وسيبناها تغلى وحطينا بقى الطبق الاستانلس فوقيها

يعنى ما سيحناش النخاع ع النار مباشرة

لأ .. على بخار الميا اللى طلع ع الطبق

بيسيح خالص يبقى زى السمنة أو الزيت وكل ما يسيحوا شوية ننقلهم فى برطمان إزاز ونصفيهم بالمصفاة اللى بنصفى فيها الليمون دى عشان ينزل فى البرطمان كله صافى

وهكذا لغاية ما خلصنا كله

وبعدين زودت عليه زيت الزيتون

ورجيته

وسبته شوية فى التلاجة

وبعدها طلعته وسبته ع الرخامة برا التلاجة حوالى شهر وكنت بحط منه وما حصلوش حاجة

بس كدة

 

وأنبهكم لغلطة تانية وقعت فيها برضه

ساعة ما طلبته ماما قالت للجزار عايزين نخاع راح باعت لنا حاجات كدة زى عروق زى السجق كدة ولا البمبار مش عارفة بس المهم هو مفكرنا هنأكله

طلع بقى مش هو ده المطلوب وانما المطلوب هو النخاع اللى فى الماسورة

فانتى لما تطلبى من الجزار تطلبى منه ماسورة وتقوليله كسرها لى تقريباً مش عارفة أوى عشان بنت عمى كانت معايا وساعدتنى وهى شطورة

شارك هذه المشاركه


رابط المشاركه
شارك

وعليكم السلام ورحمة الله وبركاتة

تسلمي يا محبة على الوصفة

انا فعلا استعملتها بس بصراحة مدومتش عليها

بس اعرف واحدة مداومة عليها شعرها ما شاء الله رااااااااااائع بمعنى الكلمة وطويل

زي ما قالت بشرة خير تسيحية زي ما بتسيحي الشوكولاتة

او الطريقة اللى كنت بستعملها انا والبنت اللى بقولك عليها

تجيبي المسورة من الجزار وتغسليها وحطيها في صنية في الفرن وهي هتسيح

ولما تخرجيها تصفيها وتحطلها زيت زيتون

مجربتش الزبدة واعرف واحدة بردة بتحط عليها سمنه بلدي :cry:

شارك هذه المشاركه


رابط المشاركه
شارك

السلام عليكم ورحمة الله وبركاته،،

موضوعك تحفه يا محبه يا سكره وحشتيني اوي

 

فعلا الوصفه دي كانت قالتلي عليها كوافيره وقت زواجي بس مع الاسف مجربتهاش بس ان شاء الله عايزه اجربها

 

بس الي ماشيه عليها دلوقتي السمنه البلدي للشعر و فعلا هايله جدا رجعت شعري طري و ناعم بعد ما تعب خالص بسبب الهاي لايت و كان مجهد جدا

جربوها برضه هاتعجبكوا

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزيت خيرا محبة على الموضوع

أنا كنت باستخدم الوصفة دي بس من غير زبدة كنت باخلطه بزيت

وفعلا بتساعد على انبات الشعر ما شاء الله

أنا تساقط شعري بكثرة بعد الولادة وهذه الوصفة ساعدت الى استعادته بشكل ملحوظ بس للأسف ما داومت عليها

الوصفة اللي كنت باعملها بالضبط هنا في هذا الموضوع للأخت أم فايق

https://akhawat.islamway.net/forum/index.ph...c=185808&hl

الفرق فقط في الزبدة بس أكيد بهذا الشكل بتفرق في القوام يعني بدل ما يكون على هيئة زيت بيكون مثل الكريم؟

شارك هذه المشاركه


رابط المشاركه
شارك

السلام عليكم ورحمة الله وبركاته

 

الحبيبة / أم فايق ، والغالية / مُحِبة لِربّها

جزاكنّ الله خيرًا على النقل الطيّب ، ونفع بكنّ

وإن شاء الله نجرّب الوصفة ونرد عليكنّ بالنتيجة :sad: ..

مع ان الأخت بُشرة خير جربتها وبتقول عنها حلوة ، لأ وشرحت بالتفصيل جزاها الله خير

 

تم دمج المواضيع من قِبَلي ..

 

نور

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×