كل واحدة جربت كريم او اي منتج للبشرة او للجسم او للشعر تدخل تقول لنا عليه

[عبــاد الرحمن 165]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

 

أثناء كتابتي للتقارير في الدورة المميزة الدورة الذهبية للفتاة والزوجة المثالية لاختنا الحبيبة ساجدة للرحمن تذكرت موضوع كنت قرأته في احد المنتديات نفس فكرة الموضوع هذا ان كل واحدة جربت اي كريم او ماسك او شامبو اوصابون اي منتج يخص الشعر والبشرة والجسم تدخل تقول اسمه وتجربتها معاه ونتيجته كانت ايه ؟ كانت نتيجة ممتازة ولا نتيجة غير جيدة

 

وانا باكتب التقرير في تطبيقات الدورة الذهبية فكرت اني اعمل الموضوع ده( والله فعلا استفدنا وما زلنا نستفيد من هذه الدورة الطيبة وهذا الموضوع ان شاء الله يكون من احد استفادتنا جزاكي الله خيرا ساجدة للرحمن وبارك فيكي وفي اولادك ) وكل واحدة تدخل تكتب تجربتها مع اي منتج جربته علشان كلنا نستفيد لان اوقات واحدة مننا شافت كريم او شامبو وعايزة تجربه بس خايفة ميطلعش كويس وخاصة لو كان غالي وانا اوقات والله في كريمات باقرأ مكوناتها والنشرة بتاعتها وتعجبني لكن اوقات اتردد اجيبها لاني اخاف متكونش كويسة ومعرفتش حد جربها وخصوصا لو كانت فعلا غالية

 

فكل واحدة جربت حاجة تدخل تكب اسمها وياريت لو وضعت صورة للمنتج سواء تصورها من عندها او تجيب صورتهاا من النت وتقول لنا نوع بشرتها ايه علشان كل بشرة بتختلف عن التانية واللي ممكن يفيدني يضر غيري او العكس فكل واحدة هتكتب تجربتها ونوع بشرتها وتأثير المنتج ايجابيا او سلبيا او حتى لو جربت وصفة للبشرة او للشعر تكتبها ايضا وتكتب تجربتها معاها

 

وانا عن نفسي جربت حاجات كتير هاقول لكم عليها بس اجمع بس صورها من ندي او من على النت لو وجدت لهم صور على النت اسهل

 

ويارب الموضوع يفيد كل الاخوات هنا وكل واحدة تكتب كل حاجة جربتها

[عزتي نقابي 1]

 

دا كريم جليسوليد

 

مرطب هااااااااااايل فعلا لليد

انا لقيته تقيل جدا علي الوجه وخصوصا ان بشرتي دهنيه

 

 

كمان اخواتي لما بييجو عندنا واطفالهم بيبقي عندهم تسلخات بيستخدموه رهييييييييييييب بيشيل تسلخات الاطفال في ليله بس

 

وسعر العبوه الصغيره 5 جنيه

والكبيره 7.5

[عزتي نقابي 1]

معلش الصوره مش ظاهره

 

مش عارفه ازاي احملها مفيش ولا صوره عارفه انزلها ع المنتدي

 

ياريت حد يفيدني

[راغبة بالفردوس 477]

معلش الصوره مش ظاهره

 

مش عارفه ازاي احملها مفيش ولا صوره عارفه انزلها ع المنتدي

 

ياريت حد يفيدني

 

لكن الصوره ظاهره عندي عادي ( يمكن النت عندك بطئ عشان كدا مش ظاهره عنك ) :rolleyes:

[عابرة السبيل 0]

معلش الصوره مش ظاهره

 

مش عارفه ازاي احملها مفيش ولا صوره عارفه انزلها ع المنتدي

 

ياريت حد يفيدني

 

لكن الصوره ظاهره عندي عادي ( يمكن النت عندك بطئ عشان كدا مش ظاهره عنك ) :rolleyes:

وأنا كمان الصورة ظاهرة عندى كويسة

جزاك الله خيرا على المعلومات المفيدة

[* قدوتي عائشة* 60]

السلام عليكــم ورحمـة الله وبركاتــة ،،

 

موضوع جميل جدا سنستفيد منه ان شاء الله

 

أنا بالنسبة للشامبو جربت الكثييييير و في الأخير استقريت على هذا و هو فعلا رائع

أنا جربته بالنسبة للشعر الجاف و المتقصف و أختي بالنسبة للشعر الطويل و ماما بالنسبة للشعر المصبوغ و طبعا كل واحدة اختارت اللي يناسبها

هذا الذي أستعمله أنا و معاه كذلك البلسم و الماسك

 

و هذا للشعر المصبوغ

 

 

 

[* قدوتي عائشة* 60]

السلام عليكــم ورحمـة الله وبركاتــة ،،

 

بالنسبة للكريم المرطب أستعمل دوف للبشرة الجافة و هو رائع

 

 

و حتى مزيل العرق من دوف ريحته حلوة و خفيفة مثل الصابونة

و الشاور جل كذلك أستعمل دوف هناك بعدة نكهات و أنا أستعمل هدا

 

 

 

 

و ان شاء الله كلما افتكرت حاجة أدخل الموضوع

[ندى الورود 11]

السلام عليكــم ورحمـة الله وبركاتــة ،،

 

 

فكرة رائعة اختىواتمنى ان تلاقى تفاعل من الاخوات لكى نستفيد من تجاربهم

اسفة حبيبتى فى الوقت الحالى لا استطيع ان افيدك لاننى عديمة الخبرة فى هذا المجال بالذات حتى

انننى ذكرت هذا فى الدورة الذهبية للحبيبة ساجدة بارك الله فيها

لكن ان جربت اي شىء ان شاء الله سارجع واكتب تجربتى تقبلى مرورى حبيبتى

[ام فاطمه 22 0]

السلام عليكم ورحمة الله وبركاته،،

بالنسبه للوجه واليد كريم نيفيا اكثر من رائع

 

وكريم جولي ايفا لتشقر شعر الوجه رائع

 

وزيت الشعر فاتيكا بانواعه الزيتون وجوز الهند

[يسرا عبد الرحمن 718]

جزاكى الله خيرا اختى فى الله عباد الرحمن موضوع جميل جدا ومهم يجعلنا نفيد ونستفيد من تجارب بعض

 

انا اسفه مش حقدر ارسل صور المستحضرات لكن ممكن تكون معروفه للجميع ان شاء الله

 

اولا كريم دابر فتيكا بالحناء واللوز بصراحه جربته ومعجبنيش انا نوع شعرى ناعم لكن غير دهنى وايضا خفيف وهذا الكريم لم اجد فيه اى تغذيه لشعرى بل كنت اشعر بانه بيخشن شعرى شويه يعنى عدمه بالنسبه لى كان احسن

 

ثانيا كريم دابر املا للشعر انا كنت باستعمل النوع الاماراتى وليس المصرى وكان ممتاز بيطرى الشعر وبيفك التشابك لكن الحلو مش بيكمل كان بينحل شعرى من الامام وبطلته

 

ثالثا استعملت بانتين بروفى بديل الزيت بصى الكريم المائى ده حلو قوىىىىى فى فك تشابك الشعر بس لكن لا بينعم ولا بيثقل الشعر ولا بيغذيه

 

رابعا زيت دابر املا الاصلى انا استعملت السعودى والاماراتى بصراحه ممتااااااااااااااااااااااز فى طول الشعر ونعومته لكن لا يزيد من كثافة الشعر

 

خامسا شامبو بانتين لسقوط الشعر فعلا ممتاز فى سقوط الشعر

 

سادسا استعملت زيت للشعر هو لجميع انواع الشعر وهذا الزيت لسقوط الشعر وحالات الشعر التالف والمتقصف وخشونة الشعر وحالات سقوط الشعر المصاحبه للصلع غير الوراثى وضعف معدلات نمو الشعر والزيت ده فعلا ممتااااااااااااااااز واسمه فيفيدول

 

اما بالنسبه للبشره فانا بشرتى دهنيه ولكن الكريم المفضل لبشرتى ولم استعمل غيره هو كريم لوكس للبشره الدهنيه ولونه روز

 

وارجو ان اكون افادت الاخوات ولو قليلا

[عبــاد الرحمن 165]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

 

هاكتب لكن انا تجاربي مع بعض منتجات البشرة والشعر

 

هاكتب لكم الان المنتجات اللي باستخدمها حاليا او من وقت قريب

 

وان شاء الله هاجمع لكم ايضا المنتجات الاخرى اللي استخدمتها من زمان او من فترة بعيدة واقولكم تجربتي فيها

 

نخلينا دلوقتي مع المنتجات اللي باستخدمها حاليا

 

اولا بالنسبة للبشرة :

 

كريم دوف الوردي للبشرة : جميل جدا وخصوصا للبشرة الدهنية هو غير دهني وبتشربه البشرة بسهولة ومرطب حلو للوجه واليدين وهو مستورد انتاج الهند وسعره تقريبا في مصر 35 جنيه الحجم الكبير 250 مل وسعره في دول الخليج ارخص

 

كريم تمارا للبشرة : الكريم ده كريم رخيص ومش معروف اوي معروف عند الاجداد بصراحة جميل هو كريم نهاري حلو بتمتصه البشرة بسهولة وغير دهني وكمان بيدي ضي للبشرة وينورها وسعره رخيص جدا الحجم الكبير ب 3.5 علبته لونه ازرق ومدورة نسيت اصوره هاصوره وحطه لكم صورته لو مش عارفينه

 

 

كريم ايكولاجين للعين من اوريفليم : كريم كويس للهالات السوداء وتجاعيد تحت العين ونتيجته مش عارفة حاسة انه مش حلو اوي يمكن لاني بعد لما جبته اكتشفت انه للسن ما فوق 35 سنة وانا اصغر من كده او لاني مش باستخدمه بشكل مستمر بس يعني تحسي فيه تغيير بس بسيط يمكن علشان

انا مش باستخدمه باستمرار بس هو مكتوب عليه ان نتيجته كويسة بوده عبارة عن 15 مل بس وسعره تقريبا 64 جنيه بس انا جبته في عرض ب 34 جنيه

 

كريم بي وايت للعين للهالات السوداء : كريم حلو وكمان وقت لما تحطيه بيداري الهالات زي الكونسيلر يعني منه كونسيلر يداري الهالات ومنه معالج ليها انا باستخدمه من فترة قريبة وحاسة بفرق يعني بس انا باستخدمه بالتبادل مع كريم اوريفليم وهو كريم طبيعي وسعره بسيط 6.5 بس ومنه نوعين للبشرة الفاتحة درجة 1 وللبشره الغامقة درجة 2

 

 

بانثينول جيل : باستخدمه مرطب لكعب رجلي وبصراحة بيعطي نتيجة جميلة بس طبعا بعد لما تعملي الوصفة اللي كانت كاتباها اختنا مودة واخااء ( ام عبد الله وحيد ) وصفة حلوة جربتها لما كتبتها بتحطي رجلك في ميه سخنة وعليها شاورجيل او شامبو وتنقعي رجلك فيها نص ساعة او ساعة وبعيدن تعملي رجلك بالحجر الاسود وبعيدن الحجر المستورد وبعيدن انا دهنت بانثينول جيل وتحطي رجلك في كيس وبعيدن تلبسي شراب وتنامي بصراحة تصحي تلاقي كعب رجلك ابيض وردي ومنور وناعم جدا ويوميا بقى تدهني اي كريم انا جربت البانثينول جيل جميل اوي وتقريبا كل كريمات تشقق الكعبين نتيجتها كويسة وسعره 3 جنيه

 

صابونة الغار السوري : الصابونة دي تحفة جدا باستخدمها لوجهي ولشعري منظفة للوجه جدا وللشعر تحفة احسن والله من الشامبو انا كنت باستخدم شامبو ودلوقتي باستخدم الصاوبنة دي بتخلي شعري ناعم ولا مع وحيوي جدا بصراحة صابونة جميلة انصح كل الاخوات يجربوها وسعرها رخيص جدا الحجم 85 جرام ب 2.5 جنيه بس ودي صورة الصابونة اللي باستخدمها وفيه منها اسامي كتير لمستورديها بس كلهم صابون الغار السوري والصابونة لونها اخضر

 

ماسك بي وايت : انا جربت من فترة من زمان الماسك العادي كان تحفة بينور الوش وجميل بس طبعا وقتي لكن الاسبوع اللي فات جربت ماسك البشرة الدهنية لقيته كويس بس عجبني اوي مش عارفة ليه هاجربه تاني واشوف كده وسعره 2.75 للكيسين

 

كريم ترايتوسبوت : ده كريم لتفتيح المناطق الغامقة في الجسم زي الركبة والكوعين انا لسه بادئة استخدامه قريب بس قريت عنه على النت انه حلو اوي وقريت النشرة بتاعته لقيته كويس بس بقى المشكلة يا بنات انه فيه كورتيزون فنصيحة بلاش تستخدميه لفترة طويلة يعني شهر كفاية وسعره 6 جنيه

 

 

ده اللي باستخدمه حاليا وان شاء الله هاكتب لكم كل المنتجات اللي استخدمتها واقولكم تجربتي كانت ايجابية ولا سلبية

 

ويارب اكون بموضوعي ده وتجاربي هذه افدت كثيرا من اخواتي

 

 

 

 

 

تم تعديل 6 ديسمبر, 2010 بواسطة مسافرة زادها قليل

[عزتي نقابي 1]

ما شاء الله

ما شاء الله

 

استفدت جدا من تجارب الاخوات

 

جزاهن الله خير

والصوره اخيرا ظهرت

[عبــاد الرحمن 165]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

 

دي صورة كريم تمارا اللي كتبت عنه في المشاركة السابقة

 

 

 

*******************************

 

ودي كمان بعض الاشياء اللي استخدمتها :

 

حمام كريم بوناويل : حلو وبيطري الشعر ونوع كويس تقدري تستخدميه وانتي مطمنة وسعره 6.5 للانبوبة 75 مل تكفي مرتين او 3 او 4 حسب طول وكثافة شعرك وفيه كيس صغير تقريبا 30 مل ب 3.5 لو عايزة تجربيه الاول

 

 

************************************************

 

ايزي سويت : الغنية عن التعريف لكن اكتشفت ان فيه بنات مش عارفاها بس برضه حبيت اقول تجربتي معاها لان لسه من كم يوم واحدة بتسألني عنها وبتقولي هي كويسة ولا لأ وبصراحة هي جميلة ومريحة وسهلة الاستخدام وسعرها بسيط جدا الكيس ب 2.25 والعرض 3 عبوات ب 4 جنيه وفيه عرض جديد 4 عبوات ب 5 جنيه

 

 

***********************************

 

شرائح فيت الشمعية : دي استخدامها زي ايزي سويت سهلة الاستخدام برضه ونظيفة جدا في استخدامها ومريحة والالم بسيط بس عيبها بقى انها غالية شوية مش زي ايزي سويت العلبة فيها 10 شرائح شمعية ب 45 جنيه

 

 

*********************************

 

شامبو دوف : استخدمته لفترة طويلة وبصراحة جميل جدا للشعر بس حاليا زي ما قلت لكم في المشاركة اللي فاتت اني سبت كل الشامبوهات وبدأت استخدم صابونة الغار السوري لانها وجدتها افضل بكتير من الشامبو

 

************************************

 

ولما افتكر اي حاجة تانية هاكتب لكم عنها ان شاء الله

 

 

[أم مصعب2 1]

السلام عليكــم ورحمـة الله وبركاتــة ،،

 

موضوع روعة أختي عباد الرحمن

 

موضيعك دائما حلوة وقويه :icon15: :blush:

 

وكل اخواتي ياريت تقوللناعلى نوع البشرة عشان نعرف شو نستعمل بالتمام :wub:

 

منورات :wacko:

تم تعديل 8 ديسمبر, 2010 بواسطة أم مصعب2

[نساءم الرحمه 0]

موضوع جميل

بارك الله فيكن حقيقي استفدت

[متاع الغرور 84]

موضوع ممتاز

فعلا استفدت كثير

ساعود لاحقا بتجاربي

[عبــاد الرحمن 165]

ما شاء الله مشاركات مميزة من الاخوات جزاكن الله خيرا لمشاركتكن بالمنتجات اللي استخدمتوها

 

وشكرا لكل من شاهدت او ردت او شاركت في الموضوع

 

وكل اخواتي ياريت تقوللناعلى نوع البشرة عشان نعرف شو نستعمل بالتمام

 

فعلا ياريت كل واحدة تشارك بانواع منتجات تقول نوع بشرتها ( انا نوع بشرتي دهنية )

[عزتي نقابي 1]

ايه يا جماعه ؟؟

محدش عاد بيجرب حاجه ولا ايه؟؟

 

كملو انا متابعه

[زهرة نسرين 246]

موضوع جميل

لي عودة ان شاء الله حتى اكتب لكن عن تجاربي

على فكرة عباد الرحمن

هل نستطيع كتابة الوصفات الطبيعية للماسكات للشعر و البشرة

اصبحت اؤمن كثيرا ان العلاج في الطبيعة

[omjana 6]

شامبو دوف للشعر المصبوغ : انا جربته وجميل جدا صراحة ياريت كل واحدة وخصوصا اللى صبغة شعرها تجربه وريحته جميلة كمان

 

 

 

زيت أملا للشعر الذهبى : بردوا جميل وريحته حلوة جدا للشعر ومغذى

 

 

 

كريم جليسوليد : كريم مرطب وجميل للبشرة انا مجربتوش صراحة بس بيشكروا فيه ان شاء الله اجربه

 

 

 

بيبى اويل جيل : انا جربته وجميل للبشرة الجافة و مرطب قوى لتسلخات الاطفال أيضا

 

 

 

 

ديلروزا : غسول مهبلى بس جميل وفعال وزى زى اى غسول بحد اقصى مرتين فى الاسبوع

 

 

[mouslima wa aftakhir 1]

السلام عليكــم ورحمـة الله وبركاتــة

وموصضوع جيد جزاك الله خيرا

انا استعمل حاليا سانسيلك للشعر الاسةود بس بدي اغيره قريبا

biolage

تستعمله زوجة خالي و انا عندما ازورها مع ماما بجربه و النتيجوة اكثر من رائعة ،،

[omjana 6]

بانثو إيفا جل

ده كريم للحروق والجروح وهو ايضا مرطب انا استخدمته مع وصفة الاخت عباد الرحمن نقعت قدمى حوالى ساعة فى ماء ساخن به شامبو او شاور جل وبعدين عملتها بالحجر الاسود ثم حجر القدم ثم دهنت الجل ده مع فازلين وحطيت رجلى بكيس ثم شراب ونمت بيها والنتيجة فعاالة راح قشف القدمين واصبحت بفضل الله ناعمة وطرية جزاها الله خير الاخت عباد الرحمن

 

 

 

 

وده حجر القدم

 

 

[omjana 6]

وده كمان منتج من اوريفليم حلو للقدمين وبيطريها وينعهما عليكى تدهنيه قبل النوم ثم كيس وشراب

 

ان شا ءالله نتيجة حلوة

 

 

[بنوته مسلمه مصريه 458]

السلام عليكــم ورحمـة الله وبركاتــة ،،

جزاك الله خير عبودة على هذا لموضوع الاكثر من رائع والله

بجد استفدت كتير جزاكم الله خيرا كثيرا

لى سؤال يا قمر لو سمحتى

اولا كريم تمارا نجيبه منين هو مجود في الصيدليات ولا فين بالظبط

وسؤال لأم جنا البيبي أويل جل ده لبشرة الوجه ولا قصدك الجسم لترطيبه

[omjana 6]

بنوتة مسلمة مصرية

 

ازيك حبيبتى

 

 

اى اويل جل

 

 

ان شاء الله هو لكل الاماكن الجافة لترطيبها وتنعيمها لكن جربتى الشخصية هى انسب للجسم

تم تعديل 30 أبريل, 2011 بواسطة omjana