(6) ملف عن معظم صوانى الفرن ☀ ☀لدورة الطبخ العبقرية لكل انثى ذكية☀ ☀

[صاحبه القلب الطيب 12]

 

ام ربعى

وضوع رائع حبيبتي وانا عاملة جلاش من قبل كده ومصوراه وان شاء الله اضع لكِ الطبق باذن الله

وعجبتنى كل انواع الصوانى دى وهجربها باذن الله اعدكِ بالصور

اتا بع المووضع لكن اكسل ارد او اضع صور بارك الله فيكِ يا حبيبتي

 

تسلمين حبيبتى مهو اول مرة تشرفينى ..لالا انا عايزاكى هنا على طول حتى نستفيد من خبراتك ههههه

بانتظار صورة الجلاش واكتبى عليها اسمك ضرورى

ومش عاوزين كسل بعد اليوم

 

 

 

محبه لربها

 

معذرة لام حبيبة وايه الجمال ده

 

معذرة ايه بس .وحشانى كتير سيابنا كده ومختفيه

ياستى ادخلى انتى بس على طول وعلقى بتعليقاتك السكر ديه

 

منوره ياغاليه

[صاحبه القلب الطيب 12]

رحيل القمر

لالالالا

ظلم والظلمه علي طره

هحيلك للنائب العام بتهمه انك بتجري ريق المواطنين

وده غلط وعد مراعا شعور الفجعانين

وطبعا 15 يوم علي ذمه التحقيقات

 

ملف قمه في الجمال تسلم يدك

 

 

 

ههههههههه ضحكتينى كتير ..دمك سكر

 

وبعدين ولا يهمك كلى كل الصور اللى تقابلك ولا هقولك حاجة ههههههههه

 

وبعدين عاوزنى اروح طرة .. اسفه .اخترتى الوقت الغلط ههههههه

 

سيبك من كل ده انتى اللى هتروحى سجن طرة 15 يوم على ذمة التحقيقات عشان حرميتنا من تطبيقاتك الجميله

[صاحبه القلب الطيب 12]

ماريا

عارفه انجي صينيه البطاطس البوريه بالحمه

انا بعملها بص بضيف للبطاطس بيضه وشويه بقصمات

وفي الاخر علي الوش بحط جبنه موتزاريلا

 

مش عارفه احس البيضه تتقلها شويه خليها خفيفه

انا ساعات بحط بقسماط تحت وفوق وش الصينيه بس فعلا لو هى مرمله مش بتحتاج غير التوابل وعلى الوش ممكن جبنه طبعا ..بس انا بفتت حتيت سمنه بلدى بتطلع حلوة اوووى

 

 

اه يا انجي لي سؤال

هو البشامل بعد ما تعمليه ويبرد بتحطي فيه بيض ولا مو شرط؟؟؟؟

 

قصدك البشاميل نفسه ..انا لا اضع عليه بيض

ممكن يكون فى ناس بتحط

 

منوررررررره ماريا

[امة الله حنان 0]

ما شاء الله مجهود رائع ام حبيبه

 

الصوانى اكثر من رائعه ومعلومات جديدة كنت بحاجه لها فى الجلاش والرقاق دايما يطلعوا نا شفين

 

لى سؤال لو سمحتى

 

فى صنية البطاطس نحط الفراخ معى البطاطس من غير ما نشوح الفراخ طب ما هى ممكن تنزل مايتها ودم فى البطاطس

 

والفراخ اللى فى البطاطس بنتبلها ولا لا

 

بارك الله فيك واثابك على هذة الدورة المباركه

[ساره أم حمزه 1040]

اللهم امين ..جعل الله لنا نصيب من دعواتكن

وفعلا هو طويل جدا رحمه بيكوا وبيا قلت يكون على مرتين

وطبعا لازم ترتاحى ..مش هم وانزاح هههههههه

 

بالنسبه لاسئلتك اجابه الغاليه ام ربعى كافيه ووافية بارك الله لها طبقيها راح تعجبكوا كتييير

بسيطه جدا ومكوناتها متوفرة

امين

ههههههههه الحمد لله نعم

بارك الله فيك وفيها

ماشى إن شاء الله اطبق بس اللى مكوناتها موجوده واللى مش محتاجه فرن

[صاحبه القلب الطيب 12]

امه الله حنان

ما شاء الله مجهود رائع ام حبيبه

 

 

 

الصوانى اكثر من رائعه ومعلومات جديدة كنت بحاجه لها فى الجلاش والرقاق دايما يطلعوا نا شفين

 

لى سؤال لو سمحتى

 

فى صنية البطاطس نحط الفراخ معى البطاطس من غير ما نشوح الفراخ طب ما هى ممكن تنزل مايتها ودم فى البطاطس

 

والفراخ اللى فى البطاطس بنتبلها ولا لا

 

بارك الله فيك واثابك على هذة الدورة المباركه

 

الله يخليكى حبيبتى ...بقالى خمس شهور بحضر فيها ههههه بس كله يهون عشان خاطر عيونكم

وطبعا انا استفدت كتييييييييير الحمد لله

 

اه والرقاق والجلاش زى ما قلنا ابقى حطى شويه شوربه على الوش وغطيها وهى هتطلع طريه جدااا

 

بالنسبه لسؤال البطاطس بالفراخ

 

ازاى الفراخ هتنزل دم ... انا بعملها كده احيانا وهى بتنزل شوربتها مش دم ولا حاجة لكن لو عاوزه تقطعيها وتشوحيها الاول عادى مش هيأثر

بالنسبه لصينيه البطاطس بالفراخ هى شويه صلصه على الفراخ مع ملح وفلفل وحته سمنه

اما الدجاج بالخضار يتبل وعلى فكرة ممكن تستخدمى نفس التتبليه بيبقا طعمها حلو اووى(بتاعت كوب الزبادى )

 

تسلمى على زوقك

 

 

سارة محمد

 

ماشى إن شاء الله اطبق بس اللى مكوناتها موجوده واللى مش محتاجه فرن

 

 

كله محتاج فرن ياسارة ..يلا ربنا ييسر امر الانابيب عندكوا

 

[ساره أم حمزه 1040]

كله محتاج فرن ياسارة ..يلا ربنا ييسر امر الانابيب عندكوا

الله المستعان ربنا ييسر الامور

[~ماريا~ 1340]

انا مثلا في البشامل بتاعت المكرونه بحط في البشامل بيض

لكن انا اقصد لو البشامل محتجاه لحاجه تانيه زي الازانيا او النجرسكو بنحط بيض

اظن علي جوابك لا

 

طيب معلش انا كثيره الاسئله

الكريمه

لما يقولك كوب كريمه

كانو البنات في الملتقي قالولي بس نسيت

ممكن تعمليها في البيت ازاي؟؟

بوش اللبن تضربيه بالمضرب ولا ايه؟؟؟؟؟؟

[عزتي نقابي 1]

لالالالا

ظلم والظلمه علي طره

هحيلك للنائب العام بتهمه انك بتجري ريق المواطنين

وده غلط وعد مراعا شعور الفجعانين

وطبعا 15 يوم علي ذمه التحقيقات

هههه

دمك زي العسل ييا رحيل القمر

وعموما انا معاكي وهمضي علي الشكوي المقدمه للنائب العام

ولو عاوزه تطلعي منها ياصاحبة القلب الطيب ممكن تبعتي لكل واحده فينا صينيه في رساله

هههه

جاري التطبيق ان شاء الله

[صاحبه القلب الطيب 12]

انا مثلا في البشامل بتاعت المكرونه بحط في البشامل بيض

لكن انا اقصد لو البشامل محتجاه لحاجه تانيه زي الازانيا او النجرسكو بنحط بيض

اظن علي جوابك لا

 

بصى ياماريا انا مش بحط بيض بالبشاميل خالص وبصراحة ساعات بريح نفسى واجيب بشاميل جاهز واضيف عليه اللبن بس

طيب معلش انا كثيره الاسئله

الكريمه

لما يقولك كوب كريمه

كانو البنات في الملتقي قالولي بس نسيت

ممكن تعمليها في البيت ازاي؟؟

بوش اللبن تضربيه بالمضرب ولا ايه؟؟؟؟؟؟

لا اسألى براحتك بس اى كريمة تقصدين كريمة الحلويات ؟؟؟؟

لو ديه اتفضلى

طريقة عمل الكريمة البيضاء التي توضع على وجه الجاتوه والتورت :

 

 

المقادير:

 

 

_ 7 بياض بيض

_ ربع كيلو سكر

_ نصف فنجان من عصير الليمون

_ فنجان قهوة صغير ماء بارد

_ معلقة فانيليا

_ ثمن 8 /1 كيلو جوز هند مبشور

 

 

الطريقة:

 

 

_ نحضر اناء ونضع فيه ماء ويرفع على النار ويتترك حتى يغلي

 

_ ثم في إناء أقل حجما من الإناء الموجود على النار نضع فيه البيض والسكر وعصير الليمون ونضعه داخل الوعاؤء الذي به الماء لعمل حمام بخار لهذا الخليط ثم بعد ذلك نخلط هذا الخليط بمضرب سلك ونضعه على النار مباشرة ونقلبه حتى يصير هذا الخليط سميكا ثم بعد ذلك نضيف إليه الفانيليا وجوز الهند المبشورة ثم نستعمله بعد ذلك في تغليف الجاتوهات والتورت من الخارج .

[صاحبه القلب الطيب 12]

لالالالا

ظلم والظلمه علي طره

هحيلك للنائب العام بتهمه انك بتجري ريق المواطنين

وده غلط وعد مراعا شعور الفجعانين

وطبعا 15 يوم علي ذمه التحقيقات

هههه

دمك زي العسل ييا رحيل القمر

وعموما انا معاكي وهمضي علي الشكوي المقدمه للنائب العام

ولو عاوزه تطلعي منها ياصاحبة القلب الطيب ممكن تبعتي لكل واحده فينا صينيه في رساله

هههه

جاري التطبيق ان شاء الله

 

اه والله دمها ما شاء الله

 

وانتوا كلكوا عليا ماااااشى

 

ويااااااا بس كده ..انا كان نفسى بس الرسايل ممنوعه بين العضوات :mrgreen: :mrgreen:

 

بانتظار التطبيق ياام المستقبل :icon15: :icon15:

[*أم رقية* 473]

ماشاء الله لاقوة الا بالله راااااااااااائع يا أم حبيبة جعل الله هذة الدورة فى ميزان حسناتك انت بجد تعبتى فيها وكان نفسك الاخوات يتعلموا وانا ماشاء الله شايفة استجابة ولون التطبيقات مش كتير

 

الهمة يا اخوات

 

وبجد نصيحة للاخوات غير المتزوجات فرصة انك تجربى فى بيت والدك كل شئ عشان مش تجربى فى زوج المستقبل

خليه يعرف انك ست بيت شاطرة من اولها

 

وحبى المطبخ يحبك

 

انا عن نفس لا احبه :blink:

[رحيل القمر 1]

رهيب علي فكره انا معاكم خطوه خطوه بس مكسله في التطبيقات

انا كده بقا اللي هتحال للنائب العام بتهمه اهدار المعلومات

 

بس فين درس التلاتاء

اين هوا ...

[شيرى وان 0]

تسلم ايديك ياقمر هى دى المواضيع ولا بلاش مشكوره على المجهود الرائع طبعا ومستنيين منك المزيد

[صاحبه القلب الطيب 12]

ام رقيه

ماشاء الله لاقوة الا بالله راااااااااااائع يا أم حبيبة جعل الله هذة الدورة فى ميزان حسناتك انت بجد تعبتى فيها وكان نفسك الاخوات يتعلموا وانا ماشاء الله شايفة استجابة ولون التطبيقات مش كتير

 

اهلا ياحبيبه قلبى ... اللهم امين ام روكا الله يخليكى والتعب كله يهون عشان خاطر الاخوات وفعلا ربنا يجعلها حجة لنا يوم القيامة

والتطبيقات الحمد لله انا مش عايزة اثقل عليهم المهم يستفيدوا واكيد لما واحدة تحب تعمل اكله هترجع للدورة

الهمة يا اخوات

 

وبجد نصيحة للاخوات غير المتزوجات فرصة انك تجربى فى بيت والدك كل شئ عشان مش تجربى فى زوج المستقبل

خليه يعرف انك ست بيت شاطرة من اولها

 

وحبى المطبخ يحبك

 

انا عن نفس لا احبه

 

يعنى بتنصحيهم يحبوا المطبخ وانتى كارهه بس معقووول ده انتى شطوورة خالص ياام روكا والدليل صور اكلاتك الجنان

 

احبك فى الله ياقمر

وعلى طول كده نورينا ..ابقى ادخلى الموضوع ده

 

إستشارة لامهات المنتدى

[بُشرة خير 3]

السلام عليكم ورحمة الله

 

جزاكى الله خيراً يا صحوبة

 

عندى أسئلة معلش

ايه البديل اللى يخلى وش الجلاش واليشاميل أصفر من غير ما أحط بيض ؟

 

كمان هى الفرخة اللى بتتحط زى ما هى دى بتستوى كويس من جوا ؟

كمان هى بتتنضف ازاى اذا كانت محطوطة كاملة كدة ؟

والحقيقة أنا كنت عايزاكى ترجعى معايا خطوتين تلاتة أربعة للخلف وتعرفينى بالتفصيلللللللللللللل ازاى أنضف اللحمة والفراخ ( وبالذات الفراخ )

لان للأسف أنا من ساعة ما اتجوزت أكاد أكون مش بأكل منهم كويس بسبب انى قرفانة

مع انى بنضفهم كويس بس برضه قرفانة لمجرد انى نضفتها بإيدى

بصى الحمد لله بطلت أجيب الفراخ البيضا المجمدة أو المبردة

وبقيت بجيب فراخ بلدى بتبقى كاملة مش متقطعة وجواها قلب وحاجات كدة تشبه الفاصوليا البيضا ودم أحمر زاهى :(

معلش قوليلى بالتفصيل أو بالصور ازاى أنضفها كويس أوى أوى

 

كمان الفرخة البلدى أصلاً بتبقى صغيرة وبعد ما بعملها بتصغر أكتر وأكتر ومش بنلاقى حاجة فيها تتأكل هههههه

مع انى عند ماما كنت بلاقى حاجة تتأكل عادى هههههه

فتفتكرى أنا بعمل إيه غلط يصغرها ولا هى صغيرة لوحدها فى السعودية ولا إيه ؟ :roll:

[omsagda 4]

تسلم ايدك يا صحوب

بس انا عندى طلب ....................

عرفينا نشترى ازاى الخضاروالفراخ ولحمة

اى هى المواصفات الصحية ليهم ؟

اة ومتنسيش السمك كمان ؟؟؟؟؟؟؟؟؟؟

[~ماريا~ 1340]

انجي حبيبتي

انا اقصد الكريمه الي بتتحط علي الاكلات وليس الحلويات

 

ومشكووووره يا غاليه

[صاحبه القلب الطيب 12]

تسلم ايدك يا صحوب

بس انا عندى طلب ....................

عرفينا نشترى ازاى الخضاروالفراخ ولحمة

اى هى المواصفات الصحية ليهم ؟

اة ومتنسيش السمك كمان ؟؟؟؟؟؟؟؟؟؟

 

ام سجدة اعدك بهذا قريبا ان شاء الله

فعلا ملف هيكون مفيد جداااااااااا

بس هخليه قبل ملف المخللات والحلويات

 

اعدك ان اقوم بتجمعيه وعمله باقرب وقت سيفيدنا جميعا عند شراء الخضار والفكهه واللحمه والدجاج

وليكن اسمة (كيف تشترى الخضار والفاكهه واللحمه والدجاج الصحى ؟؟؟؟؟؟؟؟؟؟

 

 

 

بشرة خير

 

حاضر حبيبتى فى اقرب وقت رد سارد عليكى ادخل الان على عجله

بس المشكله انى ماليش فى المجمد بس هسأل واقولك

 

ماريا

 

بصراحة ما عملت كريمة الاكلات قبل ذلك ..سابحث عنها وارد عليكى

 

لكن خالص حبى

 

غدا الجزء الثانى من الدرس بنفس الصفحة

[صاحبه القلب الطيب 12]

 

الجزء الثانى من ملف الصوانى

1-صينيه الرز المعمر بالدجاج

 

يمممممممممم

 

المقاديــر

 

2 كوب رز

4 كوب لبن ( حليب ) "يمكن اضافة 3كوب لبن + كوب ماء + مكعب مرقة

زيت و سمنه

ملح وفلفل

مستكه

حبهان ( هيل )

ورق لورا ( غار )

فراخ ( دجاج )

 

 

 

الطريقه

 

نضع زيت نباتي + السمنه + مستكه وورق لورا ( غار ) وحبهان ( هيل ) ومعاهم الفراخ وملح وفلفل طبعا .

تكون مقسمه اربعه ومنزوعة الجلد ( انا عملته بصدور الفراخ ) ونتركها اتتحمر وتشرب السائل الموجود بها .

 

 

نضع الرز في الصينيه مع الزيت والسمنه ونشوحه شويه لحد ما يفلفل .

 

 

نضع اللبن مع الملح والفلفل ومكعب المرقة علي النار حتي الغليان .

 

نشعل الفرن علي 180 .

 

 

 

****ملحوظة : كل الخطوات السابقة تتم في نفس الوقت .

 

 

 

ده طبعا شكل الفراخ لما اتحمرت .

 

 

نضع الفراخ على الرز

 

ونغطيها بالرز ثم نضيف باقي الزيت اللي تبقي من الفراخ

 

 

 

نضع اللبن عليهم .

ليكن بهذا الشكل

 

 

 

ندخله الفرن لحد ما يتحمر الوش ويبقا كده اتفضلواا

 

بصراحه يمممممممممممممممم

 

 

 

 

 

[صاحبه القلب الطيب 12]

 

صينية اللحمه بالبصل

 

 

المقادير

 

ك شرائح لحم " عرق فليتو "

بصل شرائح وملح وفلفل

 

الطريقه

 

نفردها بأيد الهون علشان تبقي رقيقه وماتخدش وقت في السوي

 

 

نقطع بصل حلقات ونتبله بالملح والفلفل والزعتر وورق اللورا " الغار " ونحط اللحمه ونوزع البصل من فوقها وتحتها .

 

ونسيبها علي النار بس كل شويه نقلبها علشان ما تقوسش لحد ما تنزل ميتها وتشربها ونبتدي نزود لها شوية ماء بشوية ماء .

 

المهم تسيبي فيها شويه من السائل الموجود فيها " لزوم التغميس بالعيش " وبعدين علي شواية الفرن لحد ما تتحمر

 

 

 

 

 

صينية اللحم بالمشروم ( الفطر)

(مشاركه ام سهيله )

 

المقادير :

كيلو لحم شرائح أو ستيك

بصلة كبيرة مقطعة

علبة فطر أو فطر طازج و مقطع شرائح

 

 

 

الطريقة:

 

يتم تقليب البصلة المقطعة في ملعقة زيت إلى أن يتغير لونها قليلاً

 

 

 

 

ثم نضيف شرائح اللحم و يتم تحميرها جيدًا على كلا الجانبين

 

ثم نضيف الفطر و نضيف الماء من حين لأخر إلى أن ينضج اللحم

 

لتقدم هكذا

 

 

[صاحبه القلب الطيب 12]

صنيه الكوسه بالباشاميل

 

المقادير

 

- اك كوسه مقطعه بالطول ومشوحه بملعقه سمن.

-نصف ك لحمة مفرومة عصاج

مقدار من الباشميل -

ملح فلفل بهارات -

معلقة زبد -

بيضة مخفوقة .

 

 

 

 

الطريقه

 

ادهنى الصينية بالزبد ثم غطيها بملعقة كبيرة من معجون الباشميل وضعى نصف الكوسة فى الصينية بعد دهنها

ببعض الباشميل ثم ضعى فوقها العصاج وضعى باقى الكوسة ورشى عليها الملح والفلفل والبهارات وضيفى باقى

الباشميل على الوجه وادهنى وجه الصينية بالبيضة المخفوقة ببعض الملح والفلفل وضعيها بالفرن حتى تنضج ويحمر الوجه وبالهناء

 

 

 

 

 

 

[صاحبه القلب الطيب 12]

طاجن الخضار باللحم (التورلى)

 

المقادير:

 

كيلو لحم - 1/4 كيلو فاصوليا خضرا -

1/4 كيلو بسلة- 1/4 كيلو جزر- 1/4 كيلو بطاطس -

2 بصلة كبيرة مفرومة- ملعقة صغيرة بهارات- فلفل اسمر - ملح- رشة زعتر-

رشة قرفة - كوب عصير طماطم - ورق فويل - طاجن فخار(لو معندكيش ممكن بايركس)

 

 

 

الطريقة :

 

اول حاجة اسلقي اللحمة نص تسوية- حطي كل التوابل علي البصل وقلبيهم كويس

وبعد اللحمة ما تدخل في السوا طلعيها في طبق وتبليها بنص كمية البصل -

هاتي بقي الخضار واخلطيه علي بعض وتبليه بالنص التاني من كمية البصل

وبعدين هاتي الطاجن وحطي نص كمية الخضار تحت وبعدين فوقه اللحمة

 

وغطيه بباقي الخضار

وحطي عليه عصير الطماطم ( وممكن تعمليه من غير الطماطم بيبقي روعة برضه)

وغطيه بالفويل وحطيه في الفرن علي درجة حرارة 250 لمدة ساعة او ساعة ونص

وبالهنا والشفا واوعي ترمي الشوربة اعملي بيها لسان عصفور او قدميها كده -

ويقدم الطبق ده مع رز ابيض او رز بشعرية

 

[صاحبه القلب الطيب 12]

 

 

الحواوشى المصرى

الحواوشى أكله مصريه ميه المية و صاحب فكرتها رجل مصرى يهوى الطبخ و ابتكار الاكلات فمن حوالى 80 عام ابتكر رغيف اللحمه بالخلطة الخاصه التى لا يعرفها أحد غيره و أطلق على الاكله أسم عائلته حواوشى

المقادير:

 

 

- نصف كيلو لحم مفروم نسبة الدهن بة 20%

- عدد 2 بصلة مقطعة ناعم

- بقدونس مفرى

- فلفل رومي أخضر

- بهارات ملح وفلفل اسمر

- زيت ذرة

- خبز حووشى (خبز غير كامل النضج )

 

 

 

الطريقة:

 

 

- توضع نصف كمية البصل على النار مع اضافة كمية زيت مناسبة الى ان يصفر لونها

- ترفع من على النار ثم توضع فى وعاء و يضاف اليها اللحم المفروم و باقى البصل و البهارات و البقدونس و الفلفل و الملح والفلفل الأخضر و يقلب جيدا

- يوضع مقدار من الخليط السابق فى رغيف من الخبز البلدى الاسمر ويفرد بة ومتكتريش عشان يستوى

 

 

 

- يمسح الوجه بقليل من الزيت ويلف فى ورق قصدير ويوضع فى الفرن الى تمام النضج مع ملاحظة تقليبة على الوجهيين

 

وبالهناء

 

 

[صاحبه القلب الطيب 12]

الحواوشى الاسكندرانى

 

اهم شئ به العجينه وهى كالاتى

 

مكونات العجينه ( الخبز ):

 

كيلو دقيق فاخر - ذرة ملح - سمسم - اربع ملاعق لبن بودرة - كوب لبن رايب - معلقتين خميرة مذوبه بمعلقتين سكر - كيس بيكنج بودر -

كوب ماء دافىء للعجن - كوب ونصف سمن على زيت

 

 

 

الطريقه

 

نقوم بخلط المكونات ببعضها ونعجنها جيد جدا ثم نضعها تخمر لمدة ساعتان.

 

ثم بعد الخمر نقوم بتكويرها وندهنها زيت من الخارج حتى لا تجف ونبدأ

 

بفرد العجينه ونضع بداخلها الخلطه"كما سبق " ونغلق عليها ثم نقوم بدهن الوجه

 

بيضه مربوبه و نرش السمسم ونضعها فى الفرن

 

 

 

 

 

 

والف هنا

 

 

 

انتظرونا مع ملف اخر ان شاء الله