اذهبي الى المحتوى
صاحبه القلب الطيب

(7) ملف عن طهى الخضروات واكلات منوعة فى ☀ ☀ دورة الطبخ العبقرية ☀ ☀

المشاركات التي تم ترشيحها

 

post-69031-1292350770.gif

 

 

post-33797-1293203716.gif

 

 

الان مع ملف جديد وهو الخضروات وطرقها

 

طهى الخضروات

اظن المصريين يموتون فى الاكل المسبك والخضروات معظمها ببساطه تحتاج

لصلصله مسبكه وسبق شرحها

ومرق لحمه او دجاج

وتوم مدقوق او بصل مفرى

post-69031-1292358520.gif

وحتى يطلع اكلك جميل لابد ان تعرفى الطريقه الصحيحه لسلق اللحمه او الفراخ لتحصلى على مرق لذيذه وهى كالاتى

مرق اللحم

 

لمقادير:

 

1 ك لحم كندوز أو بتلو

معلقة سمن بلدى

بصلة مقطعة قطع صغيرة ومدعوكه بالفلفل الاسود والبهارات

حبهان- مستكه-ورق لورى-ملح -فلفل

domain-f15f9cd6ea.jpg

 

الطريقة:

 

- نضع السمن فى وعاء الطبخ و نضيف اليه البصل و اللحم و جميع التوابل ما عدا الملح (كله على بعض)

- تقلب اللحم قليلا حتى يتغير لونه "تتشوح "ثم نضع بعد ذلك الماء وعندما يغلى الماء تهدىء النار ويترك حتى النضج

- من الممكن اضافة قليل من الماء اذا احتاج الامر

- عند تمام النضج نضيف الملح ويغلى لمدة دقائق ثم نغلق النار

 

domain-57b418e698.jpg

** هذه الوصفة تعطى مذاق اجمل للحم المسلوق والمرقه رائعة

 

 

ملحوظة:

إذا اردت سرعة سلق اللحم اضيفى على اللحم الماء المغلى فسوف يسرع فى سلق اللحم وبالطبع الملح يوضع بالنهايه لانه يبطئ من عمليه النضج (من الممكن اضافه طماطمه مقطعه اربع وقشره برتقاله تعطى لون وطعم جيد للمرقة )

- لا تغسلى اللحم قبل طهيها فهذا يفقدها قيمتها الغذائيه

- يمكن استخدام نفس المقادير مع الدجاج و بالهناء والشفاء

 

post-69031-1292358520.gif

ولمرق الدجاج

 

اولا تغسل الدجاجه جيدا بالماء والملح والفلفل ولودقيق وخل ياريت

 

اولا تشوحى بصله مفريه فى سمنه مقدوحه ثم تضعىقطع الدجاج وقلبي لحد ما تبدا يتغير لونه.."يتشوح "

ضيفي البهارات " ملح وفلفل ورق لورى وحبهان ومستكه وزعتر "وقلبي لحد ماتختلط بالدجاج ثم صبي الماي عليها وخليها تغلي اكثر من مرة لحد ما تستوي..وهذا ليس اقل من نصف ساعه وتتأكدى من تمام الاستواء حينما بنفصل الجناح عن الصدر

 

753.jpg

نصائح عند شراء الدجاج

 

- أن يكون الدجاج نظيفاً وخالياً من الريش والزغب والأحشاء غير الصالحة للأكل.

- أن يكون خالياً من الروائح الكريهة أو مظاهر الفساد المختلفة كتغير اللون غير الطبيعي.

- أن يكون اللحم متماسكاً وموزعاً بانتظام على جميع أجزاء الدجاج خاصة منطقة الصدر وحتى أعلى عظمة الصدر.

- بالنسبة للدجاج المبرد يجب أن يذكر تاريخ الذبح وتاريخ إنهاء الصلاحية بطريقة واضحة.

- أن يذكر عليها كلمة (مبرد) للدجاج المبرد (ومجمد) للدجاج المجمد.

- أن يكون الدجاج الكامل أو المقطع محفوظاً في البراد عند درجة حرارة (1ْ ـ 4ْ) درجات مئوية.

- يجب شراء الدجاج في آخر مطاف التسوق ووضعه في البراد بأسرع وقت ممكن وتجنب ترك الدجاج والمواد والأغذية السريعة التلف الأخرى سريعة التلف في السيارات لفترات طويلة.

- يجب و ضع الدجاج في أكياس بلاستيكية (عند توفرها) لحجز أية سوائل يمكن أن تتسرب وتلوث المأكولات والمنتجات الأخرى.

يمكن أن يتغير لون الأحشاء، وخاصة بالنسبة للكبد، من اللون البني إلى اللون الأصفر. وهذا التغير باللون هو نتيجة نوع طعام الدجاجة وصنفها وعملية التمثيل العضوي إلا أنه في حالة تغير لون الكبد الى ألأخضر فإنه يجب تجنب أكله، فهذا يعني أنه يحتوي على أحماض الصفراء (المرارة)، غير انه يمكن أكل لحم الدجاجة بدون ضرر

 

post-69031-1292365937.gif

 

شارك هذه المشاركه


رابط المشاركه
شارك

نبدأ بطبق مهم ((الباميه

))

 

الباميه باللحمه

 

المقادير :blush:

zyzoom-de7c83e7bc.jpg

 

1كيلو بامية خضراء

مرقه لحم

-ملح وفلفل

-عصير طماطم

ثوم مدقوق وسمن

 

الطريقه

 

اولا تقدحى السمن ثم تضعى التوم المدقوق مع قرن شطه مدقوق "حسب الرغبه "يصفر بس اوعى يتحرق

ثم تضيفى عصير الطماطم وتتركيها تتسبك كما سبق

 

تضيفى الباميه المقمعه (غسل البامية وتترك لتجف ثم ينزع الجزء العلوى على شكل هرم وكذلك جزء صغير من اسفل )

وتقلبى كويس وعليها شوربه اللحمه التمام وتسيبها تغلى غلوتين وتطفى عليها

 

وتأكل بجانب رز ابيض ومخلل ولو عايزه تعصرى ليمونه ياريت

bamia1_1.jpg

 

"مفيش اسهل من كده وبتطلع رووعه "

وفى ناس حابه تضيف التوم فى الاخر اذن (يفرم الثوم والفلفل ويضاف على البامية اثناء الغلي وتقدم)

 

post-69031-1292358520.gif

 

دقية الباميه

 

المقادير :closedeyes:

 

ا كيلو بامية خضراء

بصلة - فلفل - ملح

2/1 كيلو لحم احمر مكعبات

1 كوب عصير طماطم

2 ملعقة سمنه

1 كوب بهريز لحم

2 فص ثوم

ليمونه

 

الطريقة :-

 

تغسل الباميه وتوضع في مصفاة حتى يجف ماؤها ثم تقمع

تحمر البامية في السمن قليلا على ان تبقى على لونها الاخضر وتصفى من السمن

تحمر البصلة حتى يصير لونها اصفر ثم يضاف اليها اللحم ويقلب قليلا ثم يضاف الثوم المدقوق

يضاف عصير الطماطم ويقلب ويترك حتى يتسبك مع اضافه الملح والفلفل

يحضر برام فخار ويوضع اللحم في القاع وترص البامية فوقه ثم تضاف الصلصة ويضاف كوب بهريز وعصير ليمونة ويغطى بورقة زبدة مثقوبه من الوسط

توضع في فرن حار مع مراعاة اضافة قليل من البهريز اذا احتاجت حتى تتسبك ويظهر السمن على الوجه

توضع في طبق وتقدم ساخنة

 

post-69031-1292358520.gif

 

بامية بالخضرا"لمن يحبوها "

 

المقادير :-

 

1 كيلو بامية خضراء

2/1 كيلو لحم مكعبات

4 فصوص ثوم

بصلة

2 ملعقة سمن

حزمة سلق وحزمة كزبرة خضراء

لتر ونص بهريز لحم

 

 

الطريقة:-

 

تغسل البامية وتترك لتجف ثم تقمع وتحمر قليلا في السمن على ان يظل لونها اخضر وتنشل من السمن وتترك في مصفاة حتى تتخلص من السمن الزائد

تقطع البصلة مكعبات وتحمر قليلا في السمن حتى يصفر لونها ثم يضاف اليها مكعبات اللحم وتقلب قليلا ثم يضاف البهريز والملح والفلف ويترك يغلي ثم تضاف البامية وعصير الليمون ويغطى وتترك على نار هادئة

يفرم السلق والكزبرة الخضراء مع الثوم وتحمر في السمن حتى تصير جافة ثم تسحق في الهون او تضرب في الكبه

تضاف التقلية السابقه الى البامية وتترك لتغلي على النار لمدة 10 دقائق وتقدم.

 

 

 

 

post-69031-1292358520.gif

 

الويكا "الباميه بالصعيدى "

 

 

نصف كيلو من البامية الكبيرة

حبة طماطم مهروسة

خمس فصوص من الثوم الناعـم

3 اكواب مرق داج او مرقة لحم

نصف ملعقة كزبرة ناشفة

ملعقة سمن

 

اغلبية الناس ميعرفوهاش لانها مش اي حد ياكلها ولا اي حد يعملها هي اساسها وصفة صعيدي

 

اولاتجيبي البامية الكبيرة وتقطعيها ترنشات صغيرة

2-وبعدين تحطوا علي النار شربة لحمة مثلا

3- وتقشرى ثوم كمية كويسين كدة وبعدين تدقيةالثوم كويس

4-وبعدين وانتي بتحطي الشربة علي النار كمية الي انتي عايزها بس اهم حاجة تكون مناسبة علي كمية البامية وتضيفي عليها الثوم وطبعا التوابل م لحد الشربة متغلي

5- وبعدين تروحي حطة البامية وتسبيها لحد متقلب

6- تكوني محضرة التاشة

تقدحى السمنه وعليها التوم طبعا وكسبره ناشفه والتوابل وتحمريها

7- وبعد ماتتحمر تتفي عليها وتشوفي البامية استوت تروحي طفياهاوتحطي التاشة عليها وانتي وقفة هتشمي رحتها اية خرافة

وبالف هنا وشفا

 

post-69031-1292365937.gif

شارك هذه المشاركه


رابط المشاركه
شارك

البسله بالجزر

 

photos-91de35ac4d.jpg

المقادير

 

- ك بسلة متنضفة ومغسولة

ربع- ك او ازيد حاجة بسيطة جزر مغسول ومتخرط قطع مكعبات صغيرة

نص-ك طماطم حمراء مستوية مضروبة فى الخلاط

2- بصلة خرط صغيرة

2- ملعقة سمنة

ملح وفلفل وكمون

post-69031-1292358520.gif

 

الطريقه

 

نضع السمنة تسخن جيدا ثم نضع البصلة ونقلب لحد ما يصبح لونها ذهبى

ونرش علية قليلا من الفلفل الاسود

ثم نضع الطماطم عليها ونتركها تتسبك جيدااااااااااااا ومعها الملح والكمون

والكمون مهم خلى بالكم لان البسلة من البقوليات فحتى

لا تسبب لكم فى متاعب قولون او اى انتفاخ

 

ثم نضع البسله بالجزر "يفضل سلقها من قبل سلقه خفيفه وهناك من يضعون معها ملعقه سكر تعطيها طعم لذيذ او نشوحها فى قطعه سمنه مقدوحه لسرعه السواء وتلك حسب الرغبه " ثم المرق للحم افضل ونتركها تغلى غلوتين

ممكن تضيفى عليها اللحمة المسلوقة تاخد غلوة معاها فى الاخر كمان

 

photos-adbe68901d.jpg

post-69031-1292365937.gif

 

 

شارك هذه المشاركه


رابط المشاركه
شارك

الفاصوليا الخضرا

 

1152942796.jpg

 

 

المقادير:blush:

 

1 كيلو فاصوليا خضرا

بصله

2 فص ثوم

ملح -فلفل

2 كوب صلصه

مرقه اللحم

2 ملعقة سمن

 

post-69031-1292358520.gif

الطريقة :closedeyes:

 

تنظف الفاصوليا من العنق والخيط الجانبي وتقطع قطعا صغيرة بالورب

 

تبشر البصله وتدعك بالملح والفلفل وتوضع بالسمنه المقدوحه

 

ثم الطماطم المعصوره وعليها فصين توم مدقوقين وتترك تتسبك ثم نضيف الفاصوليا ومن بعدها المرق ونتركها تغلى غلوتين ثم نهدى النار لحين الاستواء وممكن بالخر تضعى اللحمه المسلوقه تاخد غلوه

والف هنا .

post-69031-1292365937.gif

شارك هذه المشاركه


رابط المشاركه
شارك

واليكن طريقه طهى القلقاس على الطريقه المصريه

 

post-51031-1268236474_thumb.jpg

 

 

ما وجدت افضل من طريقه الاخت سجده 55

 

القلقاس على الطريقه المصريه

شارك هذه المشاركه


رابط المشاركه
شارك

الكفته المصريه " كفته الارز "

 

DSC05008.JPG

 

كل كيلو لحم مفروم=نصف كيلو أرز مصري منقوع ومصفى

 

ثوم بصل ملح وفلفل وبهارات

 

كزبرة وبقدونس وشبت

 

طريقة التحضير:

 

كل المقادير توضع بالفرامه

 

ثم تكور أو تعمل أصابع وتقلى (( ولازم تدهني ايدك زيت عشان متلزقش في ايدك وادهني الصنية كمان))

 

140291_1287700353.jpg

 

140291_1287700512.jpg

 

يحمص ثوم ومن ثم توضع عليه طماطم معصوره وتترك حتى تتسبك وتزاد ماء ساخن

 

ضعي الكفته المكوره مع بطاطس مكعبات "حسب الرغبه " واتركيها تتسبك على نار هادئة وعندما تنضج توضع ملعقة بهارات ويراعى الملح

 

ممكن تقديمه بجانب الأرز بالشعيريه.

 

 

post-69031-1292358520.gif

 

 

 

الكفته المشويه بالفرن

 

item_142813.jpg

 

المقادير:

 

ـ كيلو لحم مفروم 'عجل أو ضأني'.

 

ـ 2بصلة مبشورة.

 

ـ 2 ربطه كزبرة خضراء مقطعه رفيع .

 

ـ ملح و فلفل اسود حسب الرغبة.

 

ـ نصف ملعقة كبيره زبده.

 

الطريقة:

 

ـ نضع البصل في وعاء و نضع عليه الفلفل و نقلب بأيدينا حتى يذبل البصل، ثم نضع عليهم اللحم المفروم و الكزبرة و الملح و نقلب جيدا.

 

ـ نحضر صينيه و نشكل بها الكفته أصابع، وبعد الانتهاء نضع عليها الزبد و نغطى الصينية وندخلها الفرن حتى تنضج وينشف ماؤها. او ممكن نسويها على البخار وبعدين نحمرها

 

ـ تقدم مع الخبز أو المكرونه والسلطات.

 

ولو عايزاها بطعم الفحم

 

نضع الفحم ليشتعل على النار ويجب أن يشتعل تماما

و أفضل انواع الفحم هو فحم شجر الفواكه

نقسم واحدة فلفل أخضر الى نصفين ونضعها بوسط الصينية بعد خروجها من الفرن ونضع بها قطعة الفحم المشتعلة ونسكب عليها السمن السايح أو الزيت

ونغطيها فورا ونتركها مغطاة الى قبل التقديم, 20 دقيقة أقل شىء

أو اذا كانت الصينية صورها عالى ممكن نضع فنجان قهوة وبه

زيت لنصفه ثم نضع الفحم المشتعل به

سيتصاعد دخان عند وضع السمن على الفحم , وهذا هو الذي يعطيها طعم المشوي فتغطى فورا

 

 

62624496237_576x324.jpg

 

 

post-69031-1292364130.gif

تم تعديل بواسطة صاحبه القلب الطيب

شارك هذه المشاركه


رابط المشاركه
شارك

الواجب العملى

 

اختارى لنا صنف او اثنين من الاصناف السابقه وقومى بتطبيقيها اما بتقرير كتابى او مصور

 

ننتظرك بصفحة التطبيقات حتى يوم الجمعه

 

والسبت درس جديد ان شاء الله

شارك هذه المشاركه


رابط المشاركه
شارك

وعليكم السلام ورحمة الله وبركاته

ما شاء الله جميل الدرس ده كمان

جزاك الله خيرا جعله فى ميزان حسناتكم

لسه هاكتبه ولو وقفت فى حاجه هسألك إن شاء الله

شارك هذه المشاركه


رابط المشاركه
شارك

1 كوب بهريز لحم

 

يعني ايه بهريز؟

اما عن الدرس المره دي فماشاء الله اللهم بارك

حاجه رااااائعه

بالذات الفاصوليا و الويكا

حاجه ما حصلتش

 

ـ كيلو لحم مفروم 'عجل أو ضأني'.

 

ـ نصف كيلو بصل مبشور.

طيب الكفته دي مجرباها بنفسك؟؟

اصل كمية البصل كبيره جدا

كان الشيف حسن كمال مره واحده سالته ان الكفته دايما بتتفتت منها قالها لانك بتزودي كميه البصل

كمان احنا لما بنعملها بنحط لكل كيلو لحم حوالي بصلتين متوسطتين

؟؟؟؟؟؟

وجزاك الله خير

شارك هذه المشاركه


رابط المشاركه
شارك
الباميه باللحمه

 

المقادير

 

 

1كيلو بامية خضراء

مرقه لحم

-ملح وفلفل

-عصير طماطم

ثوم مدقوق وسمن

 

الطريقه

 

اولا تقدحى السمن ثم تضعى التوم المدقوق مع قرن شطه مدقوق "حسب الرغبه "يصفر بس اوعى يتحرق

ثم تضيفى عصير الطماطم وتتركيها تتسبك كما سبق

 

تضيفى الباميه المقمعه (غسل البامية وتترك لتجف ثم ينزع الجزء العلوى على شكل هرم وكذلك جزء صغير من اسفل )

وتقلبى كويس وعليها شوربه اللحمه التمام وتسيبها تغلى غلوتين وتطفى عليها

 

وتأكل بجانب رز ابيض ومخلل ولو عايزه تعصرى ليمونه ياريت

 

 

"مفيش اسهل من كده وبتطلع رووعه "

وفى ناس حابه تضيف التوم فى الاخر اذن (يفرم الثوم والفلفل ويضاف على البامية اثناء الغلي وتقدم)

 

 

الله على الاكل اللى يفتح النفس

 

ملحوظه صغيره جدا

احنا بعد ما نقمع الباميه ونغسلها , نغلى ماء ونضعها فيه لتسلق نصف سلقه وبس

 

 

لى عوده لقراءة باقي الطرق

شارك هذه المشاركه


رابط المشاركه
شارك

تسلم ايديك يا صاحبة القلب الطيب

ولكن لى سؤال:

ما الفرق بين الدجاج المبرد و الدجاج المجمد؟

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

ياسلا م على الجمال

 

كيف الحال يا ام حبيبة

انا متابعة

وردى فى صفحة التطبيقات

شارك هذه المشاركه


رابط المشاركه
شارك

ما شالله عليك انجي

 

اقولك علي طريقه تانيه للبسله جميله والله

بتجيبلي بصله مبشوره وتحطي عليها البسله والجزر والملح والفلفل وشويه الزيت

وتحطيهم علي النار مع القليل من الماء وتتركيها علي النار حتي ينشف الماء الي فيها بعدين

تضيفي الطماطم المفرومه وبططسايه مقطعه مكعبات غيره

وتتركيها تتسبك مع بعض شويه وبعدين تضيفي شويه ماء او شوربه حسب رغبتك واتركيها لما تستوي

وبالف هنا

 

عزتي نقابي

الكفته الافضل انك تحطلها بصله واحده بتكون احسن

كل لما قللتي البصل يكون افضل

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

ما شاء الله

 

ربنا يهنيك و يسعدك و يجازيك خيرا في الدارين

 

فتحتي نفسي على الطبخ..

 

لكن على الأكل أكثر

 

بارك الله فيك و في مجهوداتك الطيبة يا صاحبة القلب الطيب

شارك هذه المشاركه


رابط المشاركه
شارك

سارة محمد

وعليكم السلام ورحمة الله وبركاته

ما شاء الله جميل الدرس ده كمان

جزاك الله خيرا جعله فى ميزان حسناتكم

لسه هاكتبه ولو وقفت فى حاجه هسألك إن شاء الله

 

انتى الاجمل حبيبتى

ماشى بانتظارك وانتظار اسئلتك الجميلة

 

رحولة

ياسلالالام الاكل المصري ولا بلاش

انتظروا تطبيقاتي بعد الامتحنااااات

 

منتظرينك ياقمر

ربنا ينحجك

بس ماهى دراستك ؟؟؟؟

شارك هذه المشاركه


رابط المشاركه
شارك

 

عزتى نقابى

يعني ايه بهريز؟

اما عن الدرس المره دي فماشاء الله اللهم بارك

حاجه رااااائعه

بالذات الفاصوليا و الويكا

حاجه ما حصلتش

 

هلا وغلا بام المستقبل

 

البهريز هو شوربه اللحمة ياحبيبتى (ماء سلق اللحم )بالفصحى

وطبعا اتفضلى كل الاكلات ليكى

طيب الكفته دي مجرباها بنفسك؟؟

اصل كمية البصل كبيره جدا

كان الشيف حسن كمال مره واحده سالته ان الكفته دايما بتتفتت منها قالها لانك بتزودي كميه البصل

كمان احنا لما بنعملها بنحط لكل كيلو لحم حوالي بصلتين متوسطتين

؟؟؟؟؟؟

وجزاك الله خير

امم تصدقى عندك حق ..برافو عليكى لا قللى البصل فعلا

راح اعدلها بالموضوع نفسة

تسلمين وكما قالت لكى ماريا

 

 

ننتظر التطبيقات

شارك هذه المشاركه


رابط المشاركه
شارك

بسمة العمر

 

الله على الاكل اللى يفتح النفس

 

ملحوظه صغيره جدا

احنا بعد ما نقمع الباميه ونغسلها , نغلى ماء ونضعها فيه لتسلق نصف سلقه وبس

 

 

لى عوده لقراءة باقي الطرق

 

اتفضلى حبيبتى

 

وبالنسبة لسلق البامية كلا على حسب زوقه بس انا فعلا مش بسلقها بحطها فى التسبيكة على طول لحد ما تستوى وبتطلع جميله

بسلق اللوبيا والفاصوليا (الحبوب )

 

وكله وزوقة

 

بانتظارك طبعاااااااااااااا

 

 

ام جومانا وجنى

تسلم ايديك يا صاحبة القلب الطيب

ولكن لى سؤال:

ما الفرق بين الدجاج المبرد و الدجاج المجمد؟

 

 

لهلا حبيبتى

بالنسبة لسؤالك

الدجاج المبرّد

 

1/عظامه بيضاء

 

2/اللحم الملاصق للعظم أبيض

 

3/ الفرق في السعر تقريباً ريالين

 

4/مدة صلاحيته 6أيام

 

الدجاج المجمد

1/عظامه سوداء

 

2/اللحم الملاصق للعظم أسود

 

3/أقل من المبرد بريالين

 

4/مدة صلاحيته أكثر من سنة

 

(بخصوص الفرق بين الدجاج المبرد والمجمد يتمثل الاختلاف الرئيسي في طول فترة الصلاحية، وعادة ما يتبع في إجراءات وتجهيز أي منهما خطوات مختلفة نوعا ما تجعل من مدة صلاحية المجمد تصل حتى تسعة شهور بينما تمتد فترة صلاحية المبرد إلى أيام قلائل (أسبوع أو أسبوعين) حسب الخطوات الفنية المتبعة في التجهيز ويتساويان في الأفضلية الصحية طالما تم تجهيزهما حسب الطرق العلمية الصحيحة)

شارك هذه المشاركه


رابط المشاركه
شارك

 

نهوووله

 

السلام عليكــم ورحمـة الله وبركاتــة ،،

 

ياسلا م على الجمال

 

كيف الحال يا ام حبيبة

انا متابعة

وردى فى صفحة التطبيقات

 

الجميل وجودك... رأيتة وبانتظارك ياغالية

 

ماريا

﴿ ﴾

 

شالله عليك انجي

 

اقولك علي طريقه تانيه للبسله جميله والله

بتجيبلي بصله مبشوره وتحطي عليها البسله والجزر والملح والفلفل وشويه الزيت

وتحطيهم علي النار مع القليل من الماء وتتركيها علي النار حتي ينشف الماء الي فيها بعدين

تضيفي الطماطم المفرومه وبططسايه مقطعه مكعبات غيره

وتتركيها تتسبك مع بعض شويه وبعدين تضيفي شويه ماء او شوربه حسب رغبتك واتركيها لما تستوي

وبالف هنا

 

اهلا بالغالية اللى بحسها كأنها اعده ادامى وبنتكلم سوا

 

طيوبه كتير انتى ماريا (اسمك الحقيقى ايه ؟)

حلوة طريقه البسله بتاعتك برضو

بس هو ينفع نحط مياة بدل الشوربه ؟؟ اظن لو بمكعب ماجى ممكن

 

تسلم ايدك

شارك هذه المشاركه


رابط المشاركه
شارك

قدوتى عائشة

 

السلام عليكــم ورحمـة الله وبركاتــة ،،

 

ما شاء الله

 

ربنا يهنيك و يسعدك و يجازيك خيرا في الدارين

 

فتحتي نفسي على الطبخ..

 

لكن على الأكل أكثر

 

بارك الله فيك و في مجهوداتك الطيبة يا صاحبة القلب الطيب

 

يااهلا يااهلا

 

والله منورة بجد

 

الله يكرمك

 

وطبعا اتفضلى كل الاكل عشانك وممكن يوصلك ديلفرى كمان ههههه

 

مبارك التميز حبيبتى

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

اللهم بارك موضوع متكامل ياريتني قرائتة قبل 11 سنة :mrgreen: كان نفسي حد يعلمني الطبخ لكن الحمدلله اتعلمت

 

مفيد جدا جدا جدا :icon15: :icon15:

شارك هذه المشاركه


رابط المشاركه
شارك

هههههههههه ياااااااا قبل 11 سنة

 

اهو تذكرى معنا .... وافيدنا بخبرتك

 

وفعلا احيانا يحتاج الانسان لمن يعلمة ويساندة حتى يتقن ما علية من مهام

 

الحمد لله ياغالية ..نوريتنا

شارك هذه المشاركه


رابط المشاركه
شارك

ام حبيبه الحمد لله خلصت كتابه

انا فى الكراسه الثالثه ( :

انتى عارفه وانا بكتب القطعه دى ؟

إذا اردت سرعة سلق اللحم

ببص كده لاقتنى كاتبه اذا اردت سرعه سرقة اللحم ههههههه

وعدلتها

 

فعلا الباميه باللحم طريقه سهله

لا تغسلى اللحم قبل طهيها فهذا يفقدها قيمتها الغذائيه

مش هى هتبقى مش نضيفه وهتوسخ الشربه ؟

1 كوب بهريز لحم

هو البهريز ده الشربه ؟

طب فى فرق بين المرق والبهريز ؟

 

فى طريقة دقية الباميه

هاحط ع اللحمه ميه ؟

 

وفى طريقة البامية الخضرا

مكعبات اللحم وتقلب قليلا ثم يضاف البهريز

اجيب منين البهريز ؟

طفياهاوتحطي التاشة عليها

هى التاشه دى الطاسه ؟

وتزاد ماء ساخن

فى كفتة الارز احط مايه اد ايه للكفته ؟

دى اللى بتبقى هتلزق فى زورى صح

انا بحب المتحمر احسن

يعنى احنا لما نعوز نقليها نقليها زى البطاطس عادى

لكن لما نعوزها مسلوقه ولا بيبقى اسمها ايه نعمل ثوم وميه صح؟

حتى يذبل البصل،

يذبل ازاى؟

ونضع بها قطعة الفحم المشتعلة ونسكب عليها السمن السايح أو الزيت

مش الفحم ده وحش

احنا لما نحط عليه سمنه ممكن تقع على الاكل صح

 

معلش اعمل ايه بتعلم منك ( :

انا حتى سألت امى فى اشياء عشان اخفف عليك

 

جزاكم الله خيرا

 

ممكن بس تبقى توضحيلى ان تجيبى حله تحطى فيها كذا وكذا

وتجيبى حلة تانيه تحطى فيها كذا وكذا

لانى ممكن بغلبط وافكر كله على بعضه

زى مالغبطت فى البيتفور حبحط كله على بعض وامى فهمتنى ان مش كله على بعض

الخلطه

شارك هذه المشاركه


رابط المشاركه
شارك

لى عودة ياغليه (سارة )للرد عليكى

 

نضع الدرس الجديد اولا ان شاء الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×