(7) ملف عن طهى الخضروات واكلات منوعة فى ☀ ☀ دورة الطبخ العبقرية ☀ ☀

[صاحبه القلب الطيب 12]

الدرس الجديد

 

اكلات منوعه

 

 

 

شوربه العدس

 

1/4 ك عدس أصفر متنقى ومغسول

 

بصلة متوسطة

6فصوص ثوم

2طماطم

2جزرة

ممكن مكعب مرقة دجاج

ملح_شطة _كمون

ماء للسلق

 

 

 

الطريقة

 

نضع كل المقادير السابقة فى الحلة ونتركها حتى تمام النضج

 

نتركة حتى يبرد ثم نضربة فى الخلاط جيدا ثم نضعة فى الحلة وومكن نصفيه فى حلة أخرى

 

ويسخن ونضيف معلقة زبدة ومممممممممممم لذيذ

 

يقدم مع عيش توست محمص أو عيش عادى محمص وطماطم مخللة أو بذنجان مخلل

 

 

 

لو عايزاه بشعرية

 

معلقة زبدة ونحمر الشعيرية ونضيف شوربة العدس مع ملحوظة خلي قوامة متوسط مائل للخففان عشان بيتقل

 

 

 

ولمحبى التوم بزياده

 

اعملى الطاشه بتاعت التوم وضيفها عليه فى الاخر وسيبه يغلى غلوه والف هنا

 

 

[صاحبه القلب الطيب 12]

 

شوربه لسان العصفور

 

شوربة لليالي الشتاء الباردة

المقادير:

 

ملعقة زبدة او سمن كبيرة- مرق دجاج او لحم حوالي 2كوب - حوالي 150 جرام لسان عصفور- ملح - فلفل اسود

 

 

 

الطريقة

 

تذاب السمن او الزبدة على النار ثم ضيفي اللسان عصفور مع التقليب المستمر حتى يصفر و يصبح لونه ذهبي و حاذري حتى لا يغمق لونه و يحترق ثم اضيفي المرق و الملح و الفلفل الاسود ثم دعيه يغلي على النار حوالي 10 دقائق بدون تغطية القدر حتى لا يفور و يطفىء النار ثم يرفع و يقدم شبه ساخن و من الممكن اضافة ليمون حسب الرغبة و بالهنا و الشفا

 

 

[صاحبه القلب الطيب 12]

شوربه الخضار

 

 

المقادير:

 

2 ملعقة زيت زيتون للتحمير -

بصلة متوسطة الحجم -

3فصوص ثوم -

1بطاطس متوسطة الحجم -

2جزرة متوسطة الحجم -

كوب من البسله -

كوب من الفاصولياء الخضراء -

ملعقة صغيرة من كمون + ملعقة صغيرة من فلفل اسود+ ملعقة صغيرة من البهارات المشكلة + ملح حسب الرغبة -

مكعب شوربة ماجي -

3-4 كوب ماء او مرق للطبخ أو حسب الحاجة -

 

 

 

 

الطريقة:

 

1) نضع في القدر زيت الزيتون ونحميه قليلا ثم نضع عليه البصل المفروم والثوم ونقلبه إلى أن يذبل(يصفر لونه).

2) نضيف كل من البطاطس المقطعه مكعبات والجزر المقطع مكعبات والبازيلا والفاصوليا الخضراء المقطعة ونتركها مغطاه على نار هادئة لمة 10 دقائق مع التحريك بين الحين والآخر.

3) نضيف البهارات جميعها والملح ومكعب الماجي ونحركها جيدا.

4) نضيف الماء حتى يغمر جميع الخضار ويكون أعلى منها بكمية مناسبة (لأن هذا طبق شوربة)

5) نتركها على النار الهادئة لمدة 20دقيقة حتى نتأكد من أن جميع المقادير ناضجة وبالهناء والشفاء

 

يمكن قلي قليلا من الكزبرة والشبت ووضعها على وجه القدر

 

 

[صاحبه القلب الطيب 12]

البصاره المصرية

 

 

المقادير:

 

ربع كيلو فول جاف بدون قشره

ربطتين كزبرة خضراء

بصلة متوسطة

عدد من فصوص الثوم حسب الرغبة

قليل من النعناع الجاف

ملح و فلفل حسب الذوق

- للتقلية عدد من فصوص الثوم مع كزبرة جافة

 

 

 

 

الطريقة:

 

- ينظف الفول و يضاف كمية من الماء كافية لسلقه , تضاف الكزبرة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .

- بعد تمام النضج , ندع المزيج يبرد قليلاً ثم يخلط بالخلاط .

- يعاد الخليط للنار قليلا و يتبل بالملح و الفلفل حسب الذوق .

- تتم عمل التقلية بالثوم و الكزبرة الجافة المدقوقين جيدا و يحمر فى القليل من الزيت و السمن ثم يزين بها وجه الطبق و تقدم

 

 

.

[صاحبه القلب الطيب 12]

وما يخص اللحوم والدواجن فمنتدانا عامر ما شاء الله

واليكن روابط مهمه ستفيدكم ان شاء الله

 

مع شاورما اللحم للغاليه ام الصبر الجميل

اطعم والذ شاورما لحمه

 

 

شاورما الفراخ للاخت السعاده فى طريق الالتزام

 

شااااااورما فراخ يممممم

 

 

والان مع الفراخ المقرمشه للحبيبه سندسه

 

فراخ مقرمشه الذ من كنتاكى

 

 

اما عن الكبسه فالغاليه ام الصبر الجميل كفت ووفت

 

اشهى كبسه دجاج يممممممممممم

 

 

ومن منا لا يحب الكبده واليكم الطريقه الاصليه للاخت شيماء حسانين

 

الكبده الاسكندرانى الاصلى

 

 

وهناك طريقه اخرى للكبده للحبيبه رضا الله مطلبى

 

كبده بالفلفل الاخضر والبصل والطماطم

 

 

ووصفه دجاج وضعتها الاخت الجميله سجده 55

 

دجاج بالبصل والطماطم والفلفل بالفرن

 

 

ومع الفراخ المندى للحبيبه بغداد الجريحه

 

المندى جميييييييييييل

 

وتلك طريقه اخرى للمندى وضعتها الحبيبه احزنتنى ذنوبى

 

طريقه مندى الدجاج

 

 

 

ومع البيف برجر للحبيبه سندسه

 

الذ بيف برجر

 

والسلام عليكم ورحمة الله وبركاتة

 

وانتظرونا فى الملف القادم (الاسماك بانواعها ) الثلاثاء ان شاء الله وبانتظار التطبيقات :wub:

تم تعديل 16 مايو, 2011 بواسطة مسلمة مجاهدة

[ساره أم حمزه 1041]

لى عودة ياغليه (سارة )للرد عليكى

 

نضع الدرس الجديد اولا ان شاء الله

ماشى إن شاء الله

وعليكم السلام ورحمة الله وبركاته

جزاك الله خيرا ام حبيبه

جعله الله فى ميزان حسناتك

بس بصى اول 3 طرق صورتهم مش ظاهره وانا عايزة اشوفهم

[ساره أم حمزه 1041]

ايه ده O_O

انا كنت مفكره الدرس قليل وفوجئت انك حطالنا روابط

) :

 

لسه هاكتب كل ده ، إن شاء الله

انا كتبت لحد ماوصلت للروابط الحمد لله

تم تعديل 14 مايو, 2011 بواسطة سَارّه مُحَمّد

[ساره أم حمزه 1041]

ام حبيبه

الطريقه دى

 

ومع الفراخ المندى للحبيبه بغداد الجريحه

 

المندى جميييييييييييل

لما بضغط عليها بتفتحلى الطريقه اللى قبل كده بتاعت ام الصبر الجميل

مش فراخ ندى بتاع بغداد الجريحه

ممكن تعدلى الرابط

جزاك الله خيرا

ودى كمان

وتلك طريقه اخرى للمندى وضعتها الحبيبه احزنتنى ذنوبى

 

طريقه مندى الدجاج

بتفتحلى الطريقه اللى فوقها بتاعت الاخت

تم تعديل 15 مايو, 2011 بواسطة سَارّه مُحَمّد

[ساره أم حمزه 1041]

الحمد لله خلصت كتابه

بصى ممكن تخليها كل سبت احسن لانى كنت مصدقت خلصت كتابه

وكتبت الدرس ده ولسه اكتب بتاع الثلاثاء لما تحطيه إن شاء الله

( : احنا فاضلنا اايه؟

 

اعملى الطاشه بتاعت التوم

ايه الطاشه دى ؟

 

هو هيل هو نفسه الحبهان ولاده حاجه وده حاجه؟

ايه شطة تباسكو؟

هو فى طريقة كبسة الدجاج ، اللومى يعنى ايه هو ؟

الليمون الاسود؟

جزاك الله خيرا ( :

 

انا عايزاه اعل محشى البصل وبطاطس باللحمه المفرومه ولسان العصفور إن شاء الله

[~ماريا~ 1340]

اهلا بالغالية اللى بحسها كأنها اعده ادامى وبنتكلم سوا

 

طيوبه كتير انتى ماريا (اسمك الحقيقى ايه ؟)

حلوة طريقه البسله بتاعتك برضو

بس هو ينفع نحط مياة بدل الشوربه ؟؟ اظن لو بمكعب ماجى ممكن

 

تسلم ايدك

اهلين انجي

اخجلتيني بكلامك يا حبيبه والله

الله يكرمك يارب

انا اسمي زيزي

وبالنسبه للشوربه في البسله

دا اختياري زي ما تحبي

عايزه تضيفي مايه او شوربه او ماجي

براحتك

وتسلم الايادي علي الوصفات الجديده

[صاحبه القلب الطيب 12]

سارة محمد

 

ام حبيبه الحمد لله خلصت كتابه

انا فى الكراسه الثالثه ( :

انتى عارفه وانا بكتب القطعه دى ؟

إقتباس

إذا اردت سرعة سلق اللحم

 

ببص كده لاقتنى كاتبه اذا اردت سرعه سرقة اللحم ههههههه

وعدلتها

 

ههههههههههههههههههه

فعلا الباميه باللحم طريقه سهله

إقتباس

لا تغسلى اللحم قبل طهيها فهذا يفقدها قيمتها الغذائيه

 

مش هى هتبقى مش نضيفه وهتوسخ الشربه ؟

 

لا ياحبيبتى غسليها يفقدها قيمتها واللحم ما يحتاج غسيل ابدا بالعكس الغسيل يجعلها ظفرة كما قلت للاخت ام المنذر

إقتباس

1 كوب بهريز لحم

 

هو البهريز ده الشربه ؟

طب فى فرق بين المرق والبهريز ؟

 

فى طريقة دقية الباميه

هاحط ع اللحمه ميه ؟

 

بصى البهريز هو المرق يعنى ولو فيه بصل وكلام من ده

الموجود حبيبتى

وفى طريقة البامية الخضرا

إقتباس

مكعبات اللحم وتقلب قليلا ثم يضاف البهريز

 

اجيب منين البهريز ؟

 

من اللحمه اللى لها شوربه (المرق )

إقتباس

طفياهاوتحطي التاشة عليها

 

هى التاشه دى الطاسه ؟

 

لا التاشه السمن مع التوم المدقوق

إقتباس

وتزاد ماء ساخن

 

فى كفتة الارز احط مايه اد ايه للكفته ؟

دى اللى بتبقى هتلزق فى زورى صح

انا بحب المتحمر احسن

يعنى احنا لما نعوز نقليها نقليها زى البطاطس عادى

لكن لما نعوزها مسلوقه ولا بيبقى اسمها ايه نعمل ثوم وميه صح؟

 

هههه اه بتتحمر فى الزيت لحد ما تاخد لون دهبى

إقتباس

حتى يذبل البصل،

 

يذبل ازاى؟

 

يصفر يعنى

 

إقتباس

ونضع بها قطعة الفحم المشتعلة ونسكب عليها السمن السايح أو الزيت

مش الفحم ده وحش

احنا لما نحط عليه سمنه ممكن تقع على الاكل صح

 

معلش اعمل ايه بتعلم منك ( :

انا حتى سألت امى فى اشياء عشان اخفف عليك

 

جزاكم الله خيرا

 

بيعطى رائحه الشواء

 

ممكن بس تبقى توضحيلى ان تجيبى حله تحطى فيها كذا وكذا

وتجيبى حلة تانيه تحطى فيها كذا وكذا

لانى ممكن بغلبط وافكر كله على بعضه

زى مالغبطت فى البيتفور حبحط كله على بعض وامى فهمتنى ان مش كله على بعض

الخلطه

 

ان شاء الله ..انتى عملتى بيتى فور ..وايه الاخبار !!

عامة امك لازم تكونى معاكى فى كل شئ لان مش الكتابه كل شئ فى حاجات لازم خبرة

[صاحبه القلب الطيب 12]

سارة

 

بس بصى اول 3 طرق صورتهم مش ظاهره وانا عايزة اشوفهم

 

هما ظاهرين عندى اعملى ريفرش للصفحة ولو برضو مظهرش هاتى الصور من جوجل ههه

حمد لله خلصت كتابه

بصى ممكن تخليها كل سبت احسن لانى كنت مصدقت خلصت كتابه

وكتبت الدرس ده ولسه اكتب بتاع الثلاثاء لما تحطيه إن شاء الله

( : احنا فاضلنا اايه؟

 

بصى ياسارة احنا فاضل لنا 4 ملفات

غدا ملف الاسماك

وبعده المخللات ثم المربات ثم الحلويات

يعنى لازم ننجز

فمعلشى اتعبى معانا شويه اليومين دوول

 

 

انا عايزاه اعل محشى البصل وبطاطس باللحمه المفرومه ولسان العصفور إن شاء الله [/

 

quote]

تمام بالانتظار

[صاحبه القلب الطيب 12]

ماريا

 

 

اهلين انجي

اخجلتيني بكلامك يا حبيبه والله

الله يكرمك يارب

انا اسمي زيزي

وبالنسبه للشوربه في البسله

دا اختياري زي ما تحبي

عايزه تضيفي مايه او شوربه او ماجي

براحتك

وتسلم الايادي علي الوصفات الجديده

 

اهلا زيزى

لا والله مش مجامله انتى طيوبه فعلا

وماشى ياستى لكل واحد طريقته

 

بس فين اكلاتك الجديدة

[~ماريا~ 1340]

الله يكرمك يا جميل

ان اء الله ابدا معاكو بس الي باكله ههههههههههههههه

اكتر الي بتعمليه م باكله

يعني الخضروات دي كلها مش باكل غير البسله بس

هههههههههههههههههه

 

بس شوفي دا

هننننننااااااااااااااا

[ساره أم حمزه 1041]

لا ياحبيبتى غسليها يفقدها قيمتها واللحم ما يحتاج غسيل ابدا بالعكس الغسيل يجعلها ظفرة كما قلت للاخت ام المنذر

اممم صعب شويه ( :

 

لا التاشه السمن مع التوم المدقوق

بجد ههههههههه كويس اتعلمت الحمد لله

 

ان شاء الله ..انتى عملتى بيتى فور ..وايه الاخبار !!

عامة امك لازم تكونى معاكى فى كل شئ لان مش الكتابه كل شئ فى حاجات لازم خبرة

ايوة الحمد لله عملته مرتين وطعمه جميل

لكن كنت بعمله بسكر مش ناعمم لان معنديش سكر ناعم بس طعمه حلو

نعم وانا بسألها وانا بعمل الطريقه ( :

هما ظاهرين عندى اعملى ريفرش للصفحة ولو برضو مظهرش هاتى الصور من جوجل ههه

مظهروش برضه ، لا مش مشكله بقى مش عايزة ابحث مكسله هههههههه

 

بصى ياسارة احنا فاضل لنا 4 ملفات

غدا ملف الاسماك

وبعده المخللات ثم المربات ثم الحلويات

يعنى لازم ننجز

فمعلشى اتعبى معانا شويه اليومين دوول

اه ... ربنا يقويك ويقوينى ( :

 

تمام بالانتظار

انا الحمد لله عملت امبارح محشى بالبصل والنهارده صينية بطاطس باللحمه المفرومه

وكتبت التقرير فى صفحة التطبيقات

 

 

انتى هتعملى تعديل الرابطين ؟

المشرفه صح

[صاحبه القلب الطيب 12]

لا بجد ياماريا ده معظم الاكلات بتاعتنا يعنى

 

وشوفت الرابط جميلل ورديت كمان تسلمى

 

 

وسارة ما شى ياسارة هعدل الروابط لانى انا اللى وضعه الموضوع بس صبرك عليا ما فى وقت ..

 

واليوم درس الاسماك حاجه جنان

والكل هيحبه ان شاء الله

[ساره أم حمزه 1041]

وسارة ما شى ياسارة هعدل الروابط لانى انا اللى وضعه الموضوع بس صبرك عليا ما فى وقت ..

 

واليوم درس الاسماك حاجه جنان

والكل هيحبه ان شاء الله

ماشى إن شاء الله ، هو انتوا بيبقى لكم خواص المشرفات ؟

تحرروا وتبعتوا رسائل؟

 

ربنا يقويك

[~ماريا~ 1340]

للرفع

[~ماريا~ 1340]

للرفع