اذهبي الى المحتوى
بنت ام عبد

أستفسار عن الفطير المشلتت

المشاركات التي تم ترشيحها

س: ما رأيك في وضع صينية بها ماء في الفرن مع صينية الفطير

 

أشعر انها تمتص السخونية ام انها تزيدها

 

هل هي عملية ام ليس لها داعي؟؟

شارك هذه المشاركه


رابط المشاركه
شارك
س: ما رأيك في وضع صينية بها ماء في الفرن مع صينية الفطير

 

أشعر انها تمتص السخونية ام انها تزيدها

 

هل هي عملية ام ليس لها داعي؟؟

بصي يا امة انا فرني حامي جدااااااااا وكان بيحرق الكيك وكنت بضع صينية تحت صينية الكيك ظنا مني انها تخفف من الحرارة ولا اعرف هل هذا صحيح ام خطأ

وبعد ذلك بقيت اعمل الكيك من غير الصينية دي واهدي النار جداااا ويكون ساخن قبل وضع الكيك فيه والحمد لله تغلبت علي المشكلة لكن مش بتاخذ اكثر من 15او 20 دقيقة

وده مش عادي بالنسبة للافران متوسطة الحرارة

وسمعت ان فرنك هادي جدااااا نصيحتي سخنيه جامد جدااااا قبل وضع الفطير وضعيه علي الرف الاخير مش المنتصف وتابعي كده لغاية ما يكون لون الطبقة السفلية دهبي

وشغلي عليه الشواية (ابعديه عن الشواية علشان مش يتحرق ويحمر بهدوء )

اعانك الله .

شارك هذه المشاركه


رابط المشاركه
شارك
س: هل يخرج زيت كثير في الخطوة الأخيرة ام انني اكثرت منه كما ذكرت احدى الاخوات؟؟

هي دي فائدة الكرة وخطوة الثلاجة تتصوري انا المرة الاخيرة بعد ما حولتها لكرة وضعتها في الفريزر لمدة دقائق ممكن 5 دقائق

وبعدين نزلتها تحت 10 دقائق لاني كنت مستعجلة وعايزة اخبزه قبل مجئ زوجي من العمل

لو نزل زيت كتير ممكن يطلع ناشف منك

الدهن بيكون ازاي تقريبا ثلاث ملاعق كبيرة من المادة الدهنية المنصهرة وزعيها علي اجزاء العجينة المفرودة وبعد ذلك ادهنيها بايدك او فرشاة حسب ما يتيسر واثني وادهني

وهكذا وطبعا الطبقة الثانية مثلا ملعقة ونصف وتقل الماده الدهنية كلما قلت المساحة

ضروري تبقيها اصغر مايمكن وخذيها علي كفك واقبضي عليها باصابعك لغاية ما تجمعي اطرافها العلويه مع بعض وحطيها في صينية الخبز وادهني الصينية مسحة زيت

ودقائق في الفريزر يسرع معاك عملية تجميد المادة الدهنية داخل الفطيرة 5 د فقط لحسن تجمد منك ونزليها الثلاجة وسخني فرنك جاااااامد علشان هو هادي

شارك هذه المشاركه


رابط المشاركه
شارك

ما شاء الله بنت ام عبد قامت بالواجب وزياده

 

 

امة .محسن الدقيق ده مش لاززم خالص ده بيتحط احيانا للكيك والارص .فى الفطير ما له لازمه

 

حاسه ان شاء الله الفطير راح يطلع معاكى تحفه لما تتقنيه

 

منتظرين التجربه القادمة .بشووق

 

بنت ام عبد ما شاء الله التجارب علمتك الكثير

 

جربتى تحشية ولا لاء ؟؟

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزاك الله خيرا انجي حبيبتي ... كل عام وانت وحبيبة بخير وصحة وعافية

جربتى تحشية ولا لاء ؟؟

الحمد لله جربت احشيه مرة حشيته سجق ومرة ثانية لحم مفروم .

شارك هذه المشاركه


رابط المشاركه
شارك

الله يبارك لك بنت ام عبد الحبيبه

اسم بنتك الكبيرة ايه عشان اناديكى بيه !

 

وهو فعلا وهو محشى له طعم تانى خااااالص تحفففففففففففة

 

الف هنا ياغالية

 

بقولك احنا بعد كده عاوزين نشوف ونستمع .ياريت تبقى تصورى ولو مرة

شارك هذه المشاركه


رابط المشاركه
شارك
السلام عليكم ورحمة الله وبركاته،،

تتصوري كنت ناسية متخفيش ربي ذكرني وقمت بسرعة عجنت متخفيش :)

اولاً : الدقيق العادي من القمح السعودي مكتوب عليه دقيق ابيض فاخربس اللي عندي الان معبأ خصيصا لبن داود فمكتوب عليه اسمه

اعتقد شبيهه في بنده اسمه الكروم تقريباً سعره الكيلو ريال ونصف او ريال وربع والخمسة كيلو اوفر مكتوب عليه بالاحمر

اما الابيض الكويتي (كيس ابيض ومكتوب عليه بالازرق ) ما جربته ... استخدمي الكروم ده حلو

عجنت 4مج اخذوا بالضبط 2مج مياه

ملاحظة : في الاول كده العجين بيلزق في اليد وبيكون فيه دقيق ناشف في الاناء من اسفل حاولي تجمعيه علي بعضه وان شاء الله يروح التلزيق من غير اي حاجة متتسرعيش في المياه والدقيق والعجن الكتير بيطري العجين ويخليلها تلم كل الدقيق اللي في الطبق وينظف الطبق تماما .

انا وضعت المياة علي اربع مرات كل مرة نصف مج (شوفي انت لو تحبي تعملي نصف المقدار )

ودهنتها بزيت خفيف بليت ايدي مرتين زيت وغطيتها عملتها من نصف ساعة ولسة متغطية ممكن علي الصباح باذن ربي اقولك علي الباقي او حسب ما اتمكن من الدخول ربنا ييسر

وعليكم السلام ورحمة الله وبركاته،

انا جربت الفطير تاني اليوم وفرق شاااااااااااسع بين العجينة السابقة وعجينة اليوم من حيث الملمس وكل شيء

عملت بنفس مقاديرك

كوب دقيق عليه نصف كوب ماء وعجنت كتير لكن برده ملزقة وسايحة خالص فرشيت عليها دقيق ثلاث مرات وصحيح مسكت نفسها شوية لكن برده ملزقة خفت ضع دقيق تاني فوضعت زيت مثل ملعقة طعام ومسحتها كلها وشلت اللي كان ملزق وخلاص سيبتها حولي ساعة وبعدها فردتها

 

شعرت انها سهلة خالص ومختلفة تماما عن العجينة السابقة بس خايفة تكون سايحة ورققتها قدر المستطاع ودهنتها على خفيف ولميتها مثل الكرة ووضعتها بالثلاجة وربي يستر المرة دي :)

شارك هذه المشاركه


رابط المشاركه
شارك

السلام عليكم ورحمة الله وبركاته،،

ان شاء تبقي حلوة المرة دي

مادام عرفت تفرديها يبقي العجية كويسة ومش سايحة

كل التجهيزات دي علشان سهولة الفرد

حاولي تبططيها بايدك كويس بعد ما تخرج من الثلاجة وتكوني دهني الصينية زيت

وشغلي الفرن كويس قبل وضعها وبالهنا والشفامقدما

مرة في مرة حيبقي جميل باذن الله

شارك هذه المشاركه


رابط المشاركه
شارك

حبيبتى امة الرحمن شوفى الرابط ده

https://akhawat.islamway.net/forum/index.php?showtopic=276979

عجبتنى الطريقه جداااا واعتقد انه مثل الفطير المشلتت عندنا لانه نفس طريقة العجن

ناويه اجربه باذن الله بعد العيد

شارك هذه المشاركه


رابط المشاركه
شارك

الحمدلله الفطير طلع جميل في طعمه ولونه وكل شيء وباعتراف زوجي

 

فقط كانت رفيعة وده لاني عملت كوب دقيق واحد وزوجي لم يحب طعم الزيت ويفضل لو كانت بسمنة والشكر اشتريته على انه ناعم بدل ما اشتريه بودرة ^_^

 

الشيء اللي نفسي اتعلمه انها تكون هشة وناعمة زي بتاعت بره لاني حاسة انها مش ناعمة

 

وزوجي عايزني اتعلم كيف احشيه فيا ريت تعرفوني اين اضع الحشوة وكيف اضعها؟؟

 

يسورة بارك الله فيكِ على الرابط بس ده يا غالية مختلف عن الفطير بالرغم من ان المكونات واحدة لكن طعمه شيء ثاني

ربما لانهم مش بيعملوه في الفرن وكمان ورقاته سميكة شوية

انا تذوقته من أيدي الأتراك والآرتريين وكان جميل

لكن ربما اعمله من باب التغيير للافطار ويكون محشي جبن

البعض يحشية لحمة مفرومة واحيانا سبانخ واحيانا بطاطس اللي بتكون مطبوخة بطماطم وبيكون طعمها خطيييييير

شارك هذه المشاركه


رابط المشاركه
شارك
الحمدلله الفطير طلع جميل في طعمه ولونه وكل شيء وباعتراف زوجي

 

فقط كانت رفيعة وده لاني عملت كوب دقيق واحد وزوجي لم يحب طعم الزيت ويفضل لو كانت بسمنة والشكر اشتريته على انه ناعم بدل ما اشتريه بودرة ^_^

 

الشيء اللي نفسي اتعلمه انها تكون هشة وناعمة زي بتاعت بره لاني حاسة انها مش ناعمة

 

وزوجي عايزني اتعلم كيف احشيه فيا ريت تعرفوني اين اضع الحشوة وكيف اضعها؟؟

 

امة الرحمن

 

مبروك ان الفطير طلع معاكى حلو ياغالية

ماهى مرة فى مرة هيطلع جميييييييييل

الف هنا وشفا

 

احيانا يكون طعم الزيت غير طيب ممكن تخلطى السمن بالزيت او تستعملى سمنه سايحة او زبده حتى

زوجك مثل زوجى لا يحبه الا بالسمن وخاصه السمن البلدى

 

هشه وناعمه تعود لكى وانتى بترقيقها تخليها رقيقه خااالص

 

وبالنسبه للحشو فهو سهل جداا جدا جدا جربته مرة مع امى وصورت الخطوات وهنزلها عشانك

 

انتى بتمشى كله عادى زى ما بتعملى لكن الاختلاف الوحيد انك لما تيجى تفرديها هتسيبى منتصف الفطيرة سميك والاطراف هترقيقها جدااااااااااا وتقفلى الفطيرة عادى زى ما انتى عارفه

 

 

وهنزلك الصور فى موضوع اخر لكى وللاخوات .ولا تنسينى من صالح دعائك

 

تعلمى احيانا اعملها وتصيب واحيان اخرى تخيب .... فالتكرار هو الذى يعطى خبرة

شارك هذه المشاركه


رابط المشاركه
شارك
الحمدلله الفطير طلع جميل في طعمه ولونه وكل شيء وباعتراف زوجي

 

فقط كانت رفيعة وده لاني عملت كوب دقيق واحد وزوجي لم يحب طعم الزيت ويفضل لو كانت بسمنة والشكر اشتريته على انه ناعم بدل ما اشتريه بودرة ^_^

والله جميل جدا انها وصلت معاكى للدرجه دى ومادام زوجك اعترف بجمالها يبقى وصلت فى الفطير لرقم قياسى

 

الشيء اللي نفسي اتعلمه انها تكون هشة وناعمة زي بتاعت بره لاني حاسة انها مش ناعمة

 

ااااااااايوه انا كمان نفسى فى الهشه دى

اعرف واحده جارة حماتى بتعمله مثل الجاهزه بالظبطططط هشه ومورقه ما شاء الله

والله اكلت منه ما صدقت انها اللى عملته

فعلا اروووبه

ان شاء الله حجيب منها الطريقه

 

وزوجي عايزني اتعلم كيف احشيه فيا ريت تعرفوني اين اضع الحشوة وكيف اضعها؟؟

بصراحه انا ما جربته محشى

 

يسورة بارك الله فيكِ على الرابط بس ده يا غالية مختلف عن الفطير بالرغم من ان المكونات واحدة لكن طعمه شيء ثاني

ربما لانهم مش بيعملوه في الفرن وكمان ورقاته سميكة شوية

انا تذوقته من أيدي الأتراك والآرتريين وكان جميل

لكن ربما اعمله من باب التغيير للافطار ويكون محشي جبن

البعض يحشية لحمة مفرومة واحيانا سبانخ واحيانا بطاطس اللي بتكون مطبوخة بطماطم وبيكون طعمها خطيييييير

 

مش عارفه ليه حسيت انه مثل الفطير المشلتت

انا حجرب اعمله واحطه فى الفرن لكن فى العيد باذن الله

كل عام وانت بخير حبيبتى

 

شارك هذه المشاركه


رابط المشاركه
شارك

حياكن الله يا غاليات

 

كنت اتكلم مع والدتي منذ قليل عن الفطير وأخبرتني عن جارتنا الفلاحة (متميزة جدا بالعجن والخبيز بأنواعه) وكيف رأتها في زيارتها السابقة تصنع الفطير

هي تقريبا نفس الطريقة التي طبقتها مع فرق بسيط:

- بعد العجن فهي لا تدهن العجينة بالزيت وانما تتركها كما هي وتترك العجينة قليلا (على ما اتذكر تقطعها كور صغيرة قبل تركها وليس بعد)

- عند الفرد فإنها تدهن الطبلية زيت وتفرد العجينة لكنها بعد ذلك تدهنها بالسمن ثم تثنيها

- بعد ان تنتهي من فرد وثني أول كرة فإنها تضعها جانبا ثم تفرد الكرة الثانية وتضع في وسطها الكرة الأولى التي تم ثنيها بالفعل ثم تبدأ بثني الكرة الثانية وتستمر هكذا مع جميع الكرات

- في النهاية تحضر قطع السمن المتبقية وتضرب فيها بيضة او اثنين ثم تدهن بها وش الفطيرة

- طبعا يكون الفرن البلدي سخن جدا فتضعها لمدة لا تزيد عن خمس دقائق وقالت انك كلما تركتيها فترة اطول كلما كانت ناشفة وغير لينة

بس خلاص

شارك هذه المشاركه


رابط المشاركه
شارك

السلام عليكم ورحمة الله وبركاته،،

مبااااااااارك يا امومة

بصي انا من زمان عايزة اقولك بلاش يكون زيت صافي فقط علشان طعم الزيت غير طعم السمن او الزبدة

حاولي تخلطي سمن او زبدة مع الزيت ونصيحة بلاش الزبدة الاماراتي

استخدمي نادك او المراعي او فيه سمن بقري بيكون عند بتاع الجبن بالكيلو (سايب يعني )اشتري الكمية اللي تناسبك وهو خفيف قوي مع الزيت

والمرة الجاية يكون افضل بإذن الله ويابنتي ليه عجنتي كوب واحد الفطيرة 2 مش اقل من كده الا اذاكنت حتعملي فطاير صغيرة

شارك هذه المشاركه


رابط المشاركه
شارك
حياكن الله يا غاليات

 

كنت اتكلم مع والدتي منذ قليل عن الفطير وأخبرتني عن جارتنا الفلاحة (متميزة جدا بالعجن والخبيز بأنواعه) وكيف رأتها في زيارتها السابقة تصنع الفطير

هي تقريبا نفس الطريقة التي طبقتها مع فرق بسيط:

- بعد العجن فهي لا تدهن العجينة بالزيت وانما تتركها كما هي وتترك العجينة قليلا (على ما اتذكر تقطعها كور صغيرة قبل تركها وليس بعد)

- عند الفرد فإنها تدهن الطبلية زيت وتفرد العجينة لكنها بعد ذلك تدهنها بالسمن ثم تثنيها

- بعد ان تنتهي من فرد وثني أول كرة فإنها تضعها جانبا ثم تفرد الكرة الثانية وتضع في وسطها الكرة الأولى التي تم ثنيها بالفعل ثم تبدأ بثني الكرة الثانية وتستمر هكذا مع جميع الكرات

- في النهاية تحضر قطع السمن المتبقية وتضرب فيها بيضة او اثنين ثم تدهن بها وش الفطيرة

- طبعا يكون الفرن البلدي سخن جدا فتضعها لمدة لا تزيد عن خمس دقائق وقالت انك كلما تركتيها فترة اطول كلما كانت ناشفة وغير لينة

بس خلاص

بصى انا باعملها ازاى

لما افرد كل كورة على ترابيزه مدهونه زيت اضعها فى صينيه كبيره وادهنها بالسمنه وبعدين افرد اللى بعدها واضعها فوقها وادهنها سمن وبعدين الثالثه واضعها فوقها وادهنها ايضا سمن وهكذا الى ان تنتهى الكور كلها ثم اثنيها واعملها على شكل سويسرول ثم اضغط عليها بايدى فى الصينيه المدهونه بزيت وابططها كويس اوى واتركها جانبا الى ان يسخن الفرن

المفاجاه انى بجدها اصبحت اكثر ليونه وارتفعت قليلا لما باتركها بعد فردها فى الفرن

وقبل ما ادخلها الفرن اضغط عليها بايدى مرة اخرى وابططها للمره الثانيه

وبعدين اتركها ربع ساعه فى الفرن وبعد كده اخرجها وادهن الوجه بالقشطه وادخلها تانى ربع ساعه

والله طلعت مورقه وطريه من جوه

لكن بذكائى تركتها من غير ما اغطيها ولذلك نشفت من الوجه والاسفل

على فكرة انا عملت نصف كيلو دقيق فقط عملت عشر كور وعملت فطيره واحده

ولو عايزه الطريقه بالظبط اكتبهالك

 

ام مريم كل عام وانت بخير حبيبتى

وحشتينى كتييييير

 

شارك هذه المشاركه


رابط المشاركه
شارك
اكتبيها :)

امومه الطريقه اللى انا عملتها فى الرابط ده

طبعا بعد فحص ومحص فى جوجل

http://www.ebnmaryam.com/vb/t27113.html

شارك هذه المشاركه


رابط المشاركه
شارك

السلام عليكم

بجد استفدت منكم كثييير جزاكم الله خيرا

قرات الموضوع للاخر و كذلك موضوعة صحوبة و اشرقت

ان شاء الله نفسي اعملها قريب ان شاء الله

عمري ما عملتها قبل كده..ان شاء الله شجعتوني اني اجربها ووضحتولي امور كثيرة جدا جزاكم الله خيرا

شارك هذه المشاركه


رابط المشاركه
شارك

أمة انصحك بشدة جدااااااااا بموضوع أشرقت

https://akhawat.islamway.net/forum/index.php?showtopic=277863

 

لاني اتقنتها فعلا منه

واقرأي خصوصا استفساراتي وردودها عليها

شارك هذه المشاركه


رابط المشاركه
شارك

الحمد لله عملته اليوم

وعملته صغير

تقدروا تتحكموا فيه أفضل من الكبير وتؤكل بسهوله

بارك الله فيكم وجزاكم خيرا

أحبكم فى الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×