أول برلمان بعد الثورة! // متابعة متجددة بمشيئة الله!

[حفصة أحمد 40]

حياكِ الله حبوبة :)

داخلة على طمع أنتِ.. ^^

شوفي عموما أنا قلت هذا لأن تعرفي جو الانتخابات وخصوصا في هذا الوقت بمصر

والأوضاع غير مستقرة، فهذا من باب الأمان..

إن لم تستطيعي ترتيب الأمر مع أحد الرجال، انتظري لنرى ماذا سيحدث باليوم الأول إن شاء الله

وكيف ستكون الأوضاع، وعندها قرري.. تعرفي هناك دعوات على النت للنزول اليوم الثاني خوفا من التزوير، موضوع اليومين عامل قلق للناس!

بالاستفتاء أذكر أنه الأمور بفضل الله كانت منظمة وطابور للنساء وطابور للرجال وكان الأمر يسير

هذه نقطة، وبالنسبة للمرشحين أنا نزلت مرشحين النور للمرحلة الأولى.. شوفيهم ^^

النقطة الأخيرة وهي الأهم: هو أنتِ عاوزة فتوى؟! ^^ هناك من العلماء من نصح بألا تذهب النساء فالأمر ليس به إثم إن شاء الله

خاصة مع ما تقولين.. القصة كمان أنه أكيد النصارى والعلمانيين سينزلوا وبكثافة! لو تتذكري الاستفتاء وما كان فيه!

والآن تحضيرات الكنيسة! لكن حسبنا الله ونعم الوكيل!

وحياكِ ياأختي الغالية :)

نعم الوقت الآن الله المستعان ، لكن انا مع ان الناس تنزل عادي اقصد الرجال فلازم ينزلوا عشان دا هيشجع البلطجية ، هتبقى صعبة لكن ربنا يستر عشان مش نديهم فرصة ويبقوا دولة جوا الدولة ..

وهنتظر زى ماقلتِ اشوف الاول وربنا يسترها يارب ..

موضوع اليومين كان موجود اعتقد من قبل اسمه الانتخاب واعادة الانتخاب باين !! عادي عادي هي جت على دي !

جزاكِ الله خيرا على وضع الاسماء لكن انا لسة محافظة الجيزة يعني ف ديسمبر ان شاء الله ، ياللا شفتِ الطمع ؟؟ ابقى اكتبيهم ^^

اما النقطة الاخيرة انا نفسي انزل لكن .. مش راضين ، واللي مخوفني فعلا اللي قولتيه نزول النصارى والعلمانين بكثافة ، وساعة الاستفتاء فعلا كانوا كتير جدااااا ، بس بفضل الله كانوا الاخوات برضو كتير ربنا يستر .

جزاكِ الله خيرا ..

أحبُكِ في الله :icon15:

[في جنة الله أحيا 103]

أنا نقلتها فعلا لموقع آخر بس نسيت أستاذن شهرزاد

 

معذره يا غالية

[بنت الاسلام السلفيه 110]

السلام عليكــم ورحمـة الله وبركاتــة ،،

جزاك الله خيرا اختي

وجعله الله في ميزان حسناتك

[أم عائشة المصرية 242]

يا حبيبات

شهر زاد لم تضع هذه الإرشادات إلا للفائدة والنفع فمن أرادت أن تنقلها فلتنقلها بالطبع ولكن جميعا الأجر بإذن الله

بل نتمنى النقل لزيادة التوعية عند الناس

 

أما بالنسبة لأختى حفصة أقول لكِ صوتك أمانة يا حبيبتى وحيفرق...نعم صدقيني حيفرق..صوت من هنا وصوت من هنا ممكن يرجحوا كفة واحد..فكونى فى كفة الخير يا حبيبتى

ولو فعلا الوضع مقلق عندكم اطلبي من أى أحد من محاؤمك أن ينزل معك حتى لو كان هو غير مقتنع بالانتخابات أصلا..يعني يوصلك فقط..

ده إذا لم تستطيعي إقناعهم بأن عليهم الإدلاء بأصواتهم لانتخاب الأصلح لبلدنا

وذكريهم يا حبيبتى أن هناك من ضحوا بأروااااااحهم ليأتى هذا اليوم ويتم اختيار الأصلح لبلدنا

استخيري وربي ييسر لك الأمر إن شاء الله

[وأشرقت السماء 1565]

السلام عليكــم ورحمـة الله وبركاتــة ،،

 

جزاكِ الله خيرا شهرزاد الحبيبة

 

وأيضا جزاكِ الله خيرا محبة الحبيبة كنت لسة بسأل زوجى هو إحنا هننتخب مين ؟

 

لأننا خارج مصر وما نعرف أسماء المرشحين فى دائرتنا وأهم حاجة إننا هنختار أى شخص من رمز الفانوس أى حزب النور

 

أسأل الله العظيم أن يُصلح بلادنا والأمة الإسلامية جميعا وأن يولى علينا خيارنا ولا يولها شرارنا

 

وعلى فكرة يا بنات وللعلم الإنتخابات خارج مصر بدأت قبل محافظتك بيومين يعنى إحنا هننتخب قبل دائرتنا بيومين وده تقريبا علشان الفرز والنتيجة تظهر مع بعضها

[ღشـــهـــرزادღ 19]

ماشاء الله

 

ما كنت أعرف أن في تحالف بينهم ربنا يوحد المسلمين

 

ان شاء الله يا حبيبة

 

يارب العالمين تسلمي يا غالية

 

 

الحمدلله :)

ربنا يوفقكم يا حبيبة ()

 

ما شاء الله

 

جزاكي الله خيرا شهرزاد وبارك فيكي

 

تسمحي لي ممكن انقل بعض الصور والمعلومات من موضوعك لنشهرا في الفيس بوك في بعض الصفحات ؟

 

آمين ولكِ بالمثل وزيادة يا حبيبة

النقل ولا شك على الرحب شرط أن يكون من تنقلين لهم سيتنخبوا المرشحين الإسلاميين أما نصارى وعلمانيين فنبرأ إلى الله من هذا ولا نجيز!

حياكِ الله، شاكرة لكِ :)

 

السلام عليكــم ورحمـة الله وبركاتــة ،،

جزاك الله خيرا اختي

وجعله الله في ميزان حسناتك

 

وعليكِ السلام ورحمة الله وبركاته

 

آمين ولكِ بالمثل وزيادة يا حبيبة..

 

السلام عليكــم ورحمـة الله وبركاتــة ،،

 

جزاكِ الله خير

وجعله فى ميزان حسناتك

 

وعليكِ السلام ورحمة الله وبركاته

 

آمين ولكِ بالمثل وزيادة يا حبيبة..

 

وحياكِ ياأختي الغالية :)

نعم الوقت الآن الله المستعان ، لكن انا مع ان الناس تنزل عادي اقصد الرجال فلازم ينزلوا عشان دا هيشجع البلطجية ، هتبقى صعبة لكن ربنا يستر عشان مش نديهم فرصة ويبقوا دولة جوا الدولة ..

وهنتظر زى ماقلتِ اشوف الاول وربنا يسترها يارب ..

موضوع اليومين كان موجود اعتقد من قبل اسمه الانتخاب واعادة الانتخاب باين !! عادي عادي هي جت على دي !

جزاكِ الله خيرا على وضع الاسماء لكن انا لسة محافظة الجيزة يعني ف ديسمبر ان شاء الله ، ياللا شفتِ الطمع ؟؟ ابقى اكتبيهم ^^

اما النقطة الاخيرة انا نفسي انزل لكن .. مش راضين ، واللي مخوفني فعلا اللي قولتيه نزول النصارى والعلمانين بكثافة ، وساعة الاستفتاء فعلا كانوا كتير جدااااا ، بس بفضل الله كانوا الاخوات برضو كتير ربنا يستر .

جزاكِ الله خيرا ..

أحبُكِ في الله :wub:

 

طبعا يا غالية إن لم ينزل الرجال إذًا فمن ^__*

على فكرة حتى الآن الأوضاع الحمدلله مستقرة، والإقبال كثيف

لا.. الانتخاب يومين والإعادة أيضا يومين إن شاء الله.. هنقضي السنة كلها انتخابات باين :))

من عيوني..^^ إن شاء الله سأفعل..

ربنا ييسر لكِ الخير، حاولي ترتبي الأمور

أحبكِ الله الذي أحببتيني فيه وأنا كذلك أحبكِ في الله ()

تم تعديل 28 نوفمبر, 2011 بواسطة ღشـــهـــرزادღ

[ساره أم حمزه 1041]

السلام عليكم

جزاكم الله خيرا

 

رحت الانتخابات وكان شعور جميل

امرأة هى اللى شافت وجهى الحمد لله

هما عاملين امرأة اللى تشوف وجه المنتقبات الحمد لله

[ساره أم حمزه 1041]

انا حتى لجنتى كانت مكان للحريم ومكان للرجال

بس اللى بيخلونى امضى على الورقه وكده رجال

والجيش موجود طبعا

[* المهـاجـرة * 2]

السلام عليكــم ورحمـة الله وبركاتــة ،،

 

الف مبرووووووووك

 

طبعا انا لست مصرية و لكني فرحاااااااااااااانة جدا بالانتخابات

 

يا رب اسلامية اسلامية

 

تابعت الاخبار ... الحمد لله المشاركة كبيرة و العملية تتم بانضباط و بدون مشاكل حتى في الصعيد ... فعلا شيء مفرح

 

 

[أم منو نه 8]

يا أخواتى يجب أن نشارك فى الانتخابات ، أعطى صوتك لمن إذا فاز سعى لتطبق شرع الله ،وانا أحسب أن الأقرب إلى ذلك حزب النور ، أحسبهم كذلك ولا أزكيهم على الله.

 

أختى الفاضلة صوتك ستسألين عنه يوم الحساب، لنرى الله من أنفسنا خيرا ،كل واحد بما يملك، نحن ضعفاء بأنفسنا لكن أقوياء بالله عز وجل،نتفائل خيرا ونعذر أنفسنا أمام الله .

 

1-من استطاعت أن تكلم الأهل والجيران وزملاء الدراسة فلتفعل.

2-نجهز رسائل للمحمول بالعربى والإنجليزى لمن لا يقرأ محمولها عربى ونرسل لكل الأرقام الممكنة.

3- الدعاء الدعاء الدعاء،فلا تغفلوا عنه بارك الله فيكن.

4- من استطاعت الوقوف بجاور لجنتها بعد الانتهاء لارشاد النساء وتعريفهن بحزب النور ومساعدتهن فلتفعل ويا حبذا لو هناك تنسيق حتى يتواجد الاخوات بجاور اللجان طوال اليوم.

[بنوته مسلمه مصريه 458]

يا أخواتى يجب أن نشارك فى الانتخابات ، أعطى صوتك لمن إذا فاز سعى لتطبق شرع الله ،وانا أحسب أن الأقرب إلى ذلك حزب النور ، أحسبهم كذلك ولا أزكيهم على الله.

 

أختى الفاضلة صوتك ستسألين عنه يوم الحساب، لنرى الله من أنفسنا خيرا ،كل واحد بما يملك، نحن ضعفاء بأنفسنا لكن أقوياء بالله عز وجل،نتفائل خيرا ونعذر أنفسنا أمام الله .

 

1-من استطاعت أن تكلم الأهل والجيران وزملاء الدراسة فلتفعل.

2-نجهز رسائل للمحمول بالعربى والإنجليزى لمن لا يقرأ محمولها عربى ونرسل لكل الأرقام الممكنة.

3- الدعاء الدعاء الدعاء،فلا تغفلوا عنه بارك الله فيكن.

4- من استطاعت الوقوف بجاور لجنتها بعد الانتهاء لارشاد النساء وتعريفهن بحزب النور ومساعدتهن فلتفعل ويا حبذا لو هناك تنسيق حتى يتواجد الاخوات بجاور اللجان طوال اليوم.

جزاكِ الله خيرا أم منونه

وياريت الاخوات اللى انتخبوا يقوللنا على اللى بيحصل

وهل فعلا المندوب بياخد الورقه هو اللى يحطها

والاوراق بتبقى مختومه ولا لا كما سمعنا

وجزاكن الله خيرا وعقبال مرحلتنا ان شاء الله

[سدرة المُنتهى 87 1317]

السلام عليكم ورحمة الله وبركاته،،

 

منظر حضاري ومنظم وجميل جدًا للانتخابات اليوم في محافظتي دمياط

ذهبت حوالي الساعة 2 ونصف ظهرًا

أفراد الجيش يقفون خارج اللجان لتأمين المنطقة وتنظيم الطابور

في الداخل لجان فرعية وهناك أخوات يرشدون كل ناخبة إلى مقر لجنتها

الشيء الجميل أنه لا يوجد اختلاط يعني هناك لجان للنساء فقط ولجان للرجال فقط .. شيء أفرحني كثيرًا

وطبعًا أخوات نساء من اللجنة للتحقق من شخصية المنقبات

 

وكان فيه بث مباشر من اللجنة لعدة قنوات مختلفة

ورأيت بعض المراقبين (شكله كده) كان ممسك بورق ويدون فيه ملاحظات ويسأل بعض الناس

 

الأمن مستتب بشكل كبير جدًا والحمد لله

والناس منظمة ومنضبطة

 

محدش يخاف من حاجة يا جماعة .. الأمن تمام روحوا وصوتكم هيفرق كتير لأن دي أمانة .. أنا رأيت نساء كبيرات جدًا في السن ومع ذلك جاءوا مستندين إلى عكاكيز ومع أحفادهم

ويارب يصلح حال البلد ويولي من يصلح ويقيم الشريعة

[سدرة المُنتهى 87 1317]

جزاكِ الله خيرا أم منونه

وياريت الاخوات اللى انتخبوا يقوللنا على اللى بيحصل

وهل فعلا المندوب بياخد الورقه هو اللى يحطها

والاوراق بتبقى مختومه ولا لا كما سمعنا

وجزاكن الله خيرا وعقبال مرحلتنا ان شاء الله

 

هلا بنوتة الحبيبة

لا لا أنتي بتاخدي الورقة هي عبارة عن ورقة كبيرة شبه الفلوسكاب المجوز وفيه أسماء المرشحين الفردي ورموزهم وانتي بتعلمي صح في الخانة قصاد اللي تحبيه

 

وورقة تانية صغيرة فيها أسماء الكتل والأحزاب وانتي تعلمي برضو قصاد اللي انتي عايزاه

 

وبعدين هتلاقي صندوقين صندوق تحطي فيه ورقة الفردي وصندوق تحطي فيه ورقة الأحزاب

 

والورق مختوم وممضي وكله تمام ما تقلقيش

[بنوته مسلمه مصريه 458]

السلام عليكم ورحمة الله وبركاته،،

 

منظر حضاري ومنظم وجميل جدًا للانتخابات اليوم في محافظتي دمياط

ذهبت حوالي الساعة 2 ونصف ظهرًا

أفراد الجيش يقفون خارج اللجان لتأمين المنطقة وتنظيم الطابور

في الداخل لجان فرعية وهناك أخوات يرشدون كل ناخبة إلى مقر لجنتها

الشيء الجميل أنه لا يوجد اختلاط يعني هناك لجان للنساء فقط ولجان للرجال فقط .. شيء أفرحني كثيرًا

وطبعًا أخوات نساء من اللجنة للتحقق من شخصية المنقبات

 

وكان فيه بث مباشر من اللجنة لعدة قنوات مختلفة

ورأيت بعض المراقبين (شكله كده) كان ممسك بورق ويدون فيه ملاحظات ويسأل بعض الناس

 

الأمن مستتب بشكل كبير جدًا والحمد لله

والناس منظمة ومنضبطة

 

محدش يخاف من حاجة يا جماعة .. الأمن تمام روحوا وصوتكم هيفرق كتير لأن دي أمانة .. أنا رأيت نساء كبيرات جدًا في السن ومع ذلك جاءوا مستندين إلى عكاكيز ومع أحفادهم

ويارب يصلح حال البلد ويولي من يصلح ويقيم الشريعة

أمين سدوره

شيء مفرح والله ربنا يتممها علينا على خير

اكتر حاجه بسطانى ان فيه اخت في اللجان لرؤية المنتقبات (مع انى مش منتقبه)

وكبار السن ما شاء الله ربنا يحفظهم ويديهم الصحه

يلا عقبالنا احنا كمان

المهاجره جزاكِ الله خيرا يا غاليه لاهتمامك واهتمام كل الاخوات وخصوصا في الظروف الاخيره التى مرت بها بلدنا

جزاكن الله خيرا يا حبيبات وكم تسعدنا مشاركتكن معنا وابداء ارائكم فكلنا بلد واحد ومسلمون الحمد لله

تم تعديل 28 نوفمبر, 2011 بواسطة بنوته مسلمه مصريه

[~ماريا~ 1340]

انا للاسف لم اذهب

بس سمعت ان الجو كويس جدااا

والجيش عامل واجبة وزيادة

موجودين من امس

وكنت عند والدتي امبارح وقدامها مدرسة

لقيتهم موجودين ومنتشرين

واليوم جوزي راح انتخب

وبيقول الجو حلو جدااااا هناك والمعاملة ايضا

[أم منو نه 8]

الحمد لله كله تمام والوضع بفضل الله أمان،وانت من تضعى الورقة فى الصندوق.

[وردة ياسمين 33]

حياكِ الله :)

 

الحال من بعضه، أنا نزلت الاستفتاء فقط الحمدلله ^^

جزانا الله وإياكِ يا حبيبة،

 

بالنسبة لموضوع التثبيت أرد أنا: قالوا حديثًا: إذا أردت أن تقتل موضوعا فثبته! *__^

علشان كده أنا بقول الطيب أحسن.. وخلوا الموضوع حي، أنا شخصيا كثيرا ما لا أنتبه للموضوعات المثبتة :)

 

نورتِ يا حبيبة

 

عندك حق فعلا

لكن أنا هنتخب في المرحلة الثالثة يعني بعد شهر تقريبا وأكيد على ما يعدي شهر هيكون الموضوع راح الصفحة التانية

يالله ، إن شاء الله نبقى ترفعه

وده نورك طبعا

أحسن حاجة الإنتخاب في المرحلة الثالثة عشان نتعلم من خبرة اللي انتخبوا في المرحلة الأولى والتانية

[حفصة أحمد 40]

وعليكم السلام ورحمة الله وبركاته،،

أم عائش الحبيبة

أما بالنسبة لأختى حفصة أقول لكِ صوتك أمانة يا حبيبتى وحيفرق...نعم صدقيني حيفرق..صوت من هنا وصوت من هنا ممكن يرجحوا كفة واحد..فكونى فى كفة الخير يا حبيبتى

ولو فعلا الوضع مقلق عندكم اطلبي من أى أحد من محاؤمك أن ينزل معك حتى لو كان هو غير مقتنع بالانتخابات أصلا..يعني يوصلك فقط..

ده إذا لم تستطيعي إقناعهم بأن عليهم الإدلاء بأصواتهم لانتخاب الأصلح لبلدنا

وذكريهم يا حبيبتى أن هناك من ضحوا بأروااااااحهم ليأتى هذا اليوم ويتم اختيار الأصلح لبلدنا

استخيري وربي ييسر لك الأمر إن شاء الله

والله انا عارفة ان صوتي امانة ولازم انزل خاصة وزى ماقالت الحبيبة شهرزاد النصارى نازلين كتير جدا ، وشفتهم انهاردة ف التليفزيون فعلا كانوا كتير ، لكن المشكلة عندي ان اهلي مش مقتنعين بالانتخابات مع الاسف ، حتى ساعة الاستفتاء انا نزلت لوحدي لان المدرسة اللي كان فيها مقر اللجان قريبة من بيتي جدا ، يارب المرة دي تكون فيها لجنة ساعتها هنزل بإذن الله رب العالمين حتى لو لوحدي ربنا يستر ..

جزاكِ الله خير ام عائش ادعيلي متنسيش :)

 

شهرزاد الحبيبة :)

طبعا يا غالية إن لم ينزل الرجال إذًا فمن ^__*

على فكرة حتى الآن الأوضاع الحمدلله مستقرة، والإقبال كثيف

لا.. الانتخاب يومين والإعادة أيضا يومين إن شاء الله.. هنقضي السنة كلها انتخابات باين :))

من عيوني..^^ إن شاء الله سأفعل..

ربنا ييسر لكِ الخير، حاولي ترتبي الأمور

الحمدلله ، اه فعلا شفتهم ف التليفزيون وفرحت ان الناس نزلت ومش خايفين من حاجة الحمدلله ..

ياستي مش مشكلة نقضي السنة كلها انتخابات ، مااحنا كنا بنحلم باليوم دا والحمدلله الذي بنعمته تتم الصالحات ..

ادعيلي يااختي بتيسير الامور ..

ف انتظاركِ تضعي الاسماء ^^ جزاكِ الله خيرا .

[في جنة الله أحيا 103]

الحمد لله رب العالمين

 

ربنا يعديها على خير يارب

[**حنين للجنة** 16]

الحمد لله واضح ان اليوم كان كويس بفضل الله

ربنا ينصر الاسلام والمسلمين

 

انا لسة مانتخبتش لانى مرحلة تانية

 

بس زوجى انتخب اليوم بس كان راجع متضايق جداااااااا

لانه فى دايرة مصر الجديدة اللى نازل فيها عمرو حمزاوى وبيقولى للاسف فى مسلمين كتيييرررررررر جدااااااااا معجبين بيه وهايرشحوه لانه متحرر !!!!! الله المستعان

هو حاول يفهم ويشرح لهم بس الله اعلم بقى ايه اللى هايعملوه

 

ربنا ينصر الاسلام ويذل كل من يحارب الاسلام

[ساره أم حمزه 1041]

حفصه المره دى مش زى الاستفتاء طى صوتك فى أى لجنة غلط

المره دى انتخابات كل لجنة فيها اسامى محدده

ومينفعش تحطى صوتك فى لجنة اسمك مش فيها

الموقع اللى شهر زاد حطاها كل واحده تدخله وتكتب فيه رقم القومى بتاعها

اللى فى البطاقة من ورا وهيظهرلها خريطه فيها اسم المدرسه اللى تروحيها

وبعدين تضغطى على معلومات هتلاقى رقم اللجنة الفرعيه

ورقمك فى الكشوف عندهم اكتبيهم فى ورقه

عشان لما يسألك لجنة كام قوليله

رقمك كام فى الكشوف تقوليله عشان تسهلى عمليه البحث عن اسمك

إن شاء الله

[*اريج الايمان* 46]

انا الحمد لله انتخبت فى بورسعيد

الانتخابات والطابور جمييييل جدا ومنظم بس المشكلة الزحمه

والحمد لله خلصت بعد 3 ساعات بس :tongue:

[*اريج الايمان* 46]

لانه فى دايرة مصر الجديدة اللى نازل فيها عمرو حمزاوى وبيقولى للاسف فى مسلمين كتيييرررررررر جدااااااااا معجبين بيه وهايرشحوه لانه متحرر !!!!! الله المستعان

هو حاول يفهم ويشرح لهم بس الله اعلم بقى ايه اللى هايعملوه

 

ربنا ينصر الاسلام ويذل كل من يحارب الاسلام

 

اللهم امين

تم تعديل 28 نوفمبر, 2011 بواسطة *اريج الايمان*

[توتى سمسم 8]

الحمدلله ماشاء الله اليوم يعتبر مقبول والاخطاء التى حدثت من الطبيعى لانها اول مرة على المسئولين يقوموا بتنظيم انتخابات فى الماضى لم تقم بمصر انتخابات بل ........

منتظرين منك الاسماء اختى الحبيبة للمرحلة التانيه

نفسى واحده من الاخوات تكتب مزايا حزب النور أنا مقتنعه بيه نصرة للاسلام

لكن زوجى مختلف معى ومش بعرف ارد ع كلامة

الله المستعان

[أم منو نه 8]

الحمدلله ماشاء الله اليوم يعتبر مقبول والاخطاء التى حدثت من الطبيعى لانها اول مرة على المسئولين يقوموا بتنظيم انتخابات فى الماضى لم تقم بمصر انتخابات بل ........

منتظرين منك الاسماء اختى الحبيبة للمرحلة التانيه

نفسى واحده من الاخوات تكتب مزايا حزب النور أنا مقتنعه بيه نصرة للاسلام

لكن زوجى مختلف معى ومش بعرف ارد ع كلامة

الله المستعان

 

موقع حزب النور

http://www.nour4egypt.com/

ستجدين فيه مميزاتهم ان شاء الله والرد على الأسئلة الشائعة