sagda2 0 أرسلي تقرير عن المشاركة قامت بالمشاركة 15 يناير, 2012 السلام عليكم و رحمة الله و بركاته إن شاء الله أنا ناوية أفرد شعري في الكوافير و كنت عايزة لو حد عنده معلومة أو نصيحة يقولي عليها عشان سمعت إن الفرد مضر للشعر هل كل أنواع الفرد؟ يعنى ممكن اقول للي هتعملي شعري على ملحوظة او حاجة أو شيء معين متحطهوش انا معنديش فكرة اوى لكن اعرف ان اسمه فرد إيطالي ياريت لو حد يفيدني ضروري و يقوللي ايه أحسن نوع للفرد و ميكونش مضر أنا دلوقتي عايزة حاجة سريعة يعني مش قدامي غير إني أفرده و بعدين ممكن اعمل وصفات للشعر في البيت و جزاكم الله خيرا شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 16 يناير, 2012 السلام عليكم و رحمة الله يا جماعة ياريت حد يفيدني شارك هذه المشاركه رابط المشاركه شارك
شذى الهمة 331 أرسلي تقرير عن المشاركة قامت بالمشاركة 16 يناير, 2012 لا أعرف في موضوع فرد الشعر لكن هنقله لقسم زينتك وجمالك وبإذن الله الأخوات هيفيدوكي هناك أكثر شارك هذه المشاركه رابط المشاركه شارك
سدرة المُنتهى 87 1317 أرسلي تقرير عن المشاركة قامت بالمشاركة 16 يناير, 2012 السلام عليكم ورحمة الله وبركاته،، .. كيفك حبوبتي؟ صراحة لا أنصحك بعمل هذا الفرد الإيطالي حبيبتي هذا باعتراف خبيرة تجميل مشهورة جدًا اسمه (مية نار) تخيلي لما تحطي مية نار على شعرك صحباتي عملوه أيام فرحهم والحمد لله شعرهم كله وقع وبيعانوا دلوقتي وراحوا لدكتور جلدية عشان يصلحوا فروة الرأس . ومفيش حاجة اسمها نوع غالي أحسن لو عملتي الفرد اللي بألفين جنيه هتلاقي نفس النتيجة اهتمي انتي بشعرك كويس ومهما كان حالته هتكون أحسن مليون مرة من لما تخسري شعرك .. بالتوفيق حبيبتي 1 شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 16 يناير, 2012 سدورة الحبيبة عاملة ايه يا ده كنت خلاص مقررة إني اعمله طيب ايه الحل دلوقتي ده انا شعري مش ممكن و معنديش صبر إني استمر على وصفة و اعملها طيب بقولك ينفع اعمله سشوار بس شارك هذه المشاركه رابط المشاركه شارك
سدرة المُنتهى 87 1317 أرسلي تقرير عن المشاركة قامت بالمشاركة 16 يناير, 2012 شوفي حبيبتي أنا عندي اقتناع تام بأن كل واحدة أكيد شعرها لايق عليها وممكن يكون بالنسبة لها مش جميل لكن بالنسبة لناس تانية تلاقيهم بيحسدوها عليه لكن هو الإنسان كده مش بيقتنع دايما بحاله .. حاولي تحافظي على شعرك بأقصى درجة حتى يوم زواجك هو انت متزوجة ولا ايه؟ مش عارفة صراحة معلش .. ولو كان شعرك حبيبتي خشن هتعمليله مثلا ترطيب مرة بالأسبوع وتلفيه كويس واستمري على لف الشعر هتلاقيه أحسن من السشوار حاولي تهتمي بيه بس مش لازم وصفات وحاجات من دي كتير .. لا لا بالعكس انتي بس اغسليه كويس واعملي تسريحات جميلة واستخدمي الاكسسوارات والفيونكات الحلوة وهتلاقيكي اتعاملتي معاه كويس وممكن تراجعي دورة الفتاة والزوجة المثالية https://akhawat.islamway.net/forum/index.php?showtopic=251765 جميلة جدًا وهتستفيدي منها كتير وفيها هذه النقطة التي لفتت نظري موضوع الشعر هذا في بعض الأحيان قد يسبب ازعاج بالنسبة لبعض الفتيات .....وخاصة إذا كن يمتلكن شعرا ليس على هواهن فمن لديها شعر ناعم مسترسل، ترغب في شعر متعرج ومن لديها شعر متعرج، ترغب في شعر ناعم والأغلبية هن من يتمنين في أنفسهن أن لو كان شعرهن ناعما مسترسلا جذابا وأقول حبيباتي .... هذه خلقة الله عزوجل ومهما فعلت له لن يتحول شعرك من شعر خشن إلى ناعم او العكس.... ولذلك أريد منك أختاه أن تتقلبي شعرك كما هو ... فإن كان الله عزوجل حرمك من الشعر الذي تتمنيه فقد أعطاك غيره من النعم الكثير ... فلا تتذمري أو تتضايقي وتقبلي نفسك كما أنت .... بل ولن أبالغ إذا قلت لك اجعلي هذا الشعر وبالأخص الخشن هو نقطة قوتك وجمالك .... أعرف أختا في الله رزقها الله عزوجل شعر ليس ناعما ولكنها مع ذلك لم تجري خلف الوصفات والخلطات لتنعم شعرها ... وإنما بدأت بالإهتمام به بعمل حمامات الكريم وغيرها ليس لتنعمه وإنما لتحافظ على رونقه وتمنعه من التقصف والتساقط ....وبدأت تتفن في تسريحه فتارة ترفعه كله وتترك بعض الخصلات المتناثرة هنا وهناك ...,ومرة تتركه طليقا كما هو فيتجعد ويكون شكله رائعا ...ودائما ما تضع فيه التوك وتزينه بالحلي فيصبح شكله جميلا بل أن أحدى صديقاتها سألتها يوما عن الكوافير الذي جعدت عنده شعرها ... هذه الأخت لم تتأزم ولم تجعل خشونة شعرها سبب في تعاستها وقلة ثقتها بنفسها بل جعلته مصدر قوتها وجمالها عندما تقبلت نفسها كما هي ما أريد قوله أن جمال الشعر ليس في نعومته أو خشونته وإنما في مظهرة ولمعانه وتألقه...فما فائدة شعر ناعم ولكنه باهت ومقصف ؟؟؟ .. السشوار مش مضر قوي ولكن بينشف الشعر لو كان شعرك ناشف اصلا يستحسن ماتسخدميهوش شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 16 يناير, 2012 جزاك الله خيرا سدورة الحبيبة و متشكرة جدا لردك أنا مش متزوجة لكن فرح أخي قرب و كنت عايزة اعمل شعري للبيت لنفسي يعني انا الحمد لله راضية لكن هاقولك أنا كان شعري كويس و أنا صغيرة و كان ماشاء الله طويل و تقيل و كاان يعتبر ناعم بس روحت خففته من زمان من وانا في أعدادي ولما بيكون في مناسبة بعمل فرد و مكواة و كده يعني بس ده كان مش كتير مثلا 4 مرات كده و باظ خالص و صحيا مش كويس و بصراحة مش بهتم بيه بس دي الحكاية يا سدورة ربنا يكرمك يارب و يفرحك شارك هذه المشاركه رابط المشاركه شارك
سدرة المُنتهى 87 1317 أرسلي تقرير عن المشاركة قامت بالمشاركة 16 يناير, 2012 طيب ياحبوبة ربنا يكرمك ويرزقك الزوج الصالح حافظي بقى على شعرك لغاية يوم زواجك أنا عمري ماكويت شعري ولا استشورته ولا حتى يوم فرحي لأني عارفة ان ده شيء مضر جدًا وأنت قلتي ان كان شعرك حلو بس المكوة هي اللي عملت كده وده حقيقي أختي الصغيرة كانت كوت شعرها في مناسبة وكان شعرها جميل جدًا وللأسف صار الآن مقصف وخشن .. حافظي عليه واهتمي بيه واعمليله ترطيب ولو مرة ف الشهر ياستي ماتبقيش بخيلة عليه كده :))) شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 18 يناير, 2012 حاضر يا سدورة يا جميلة جزاك الله كل خير شجعتيني بجد إن شاء الله هاهتم بيه متشكرة جدا جدا على النصيحة و على دعائك ربنا يحفظك و يسعدك يارب شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 18 يناير, 2012 سدورة كنت عايزة أسأل هل كريم بالمرز او اى كريم تقيل أو حتى خفيف او اى زيت للشعر ممكن يمنع الوضوء؟ يعني انا مكنتش بفكر خالص انه ممكن يمنع و اى وقت كنت ممكن احط كريم و اتوضأ عادى مش عارفة صح و لا لأ؟ و معلش سؤال كمان عن مسح الشعر هل ممكن مسح جوانب الشعر من ناحية الأذن فقط او من الخلف؟ شارك هذه المشاركه رابط المشاركه شارك
سدرة المُنتهى 87 1317 أرسلي تقرير عن المشاركة قامت بالمشاركة 20 يناير, 2012 لا يا حبوبة الكريمات والزيوت لا تؤثر في الوضوء طبعا حطي ما بدا لك والحاجة الوحيدة التي تؤثر هي الحناء عارفة لما تعملي حناء للشعر بتبقى عاملة طبقة غليظة كده فده هو اللي يأثر لكن الكريمات والزيوت لا ..\ http://www.islamweb.net/fatwa/index.php?page=showfatwa&Option=FatwaId&Id=60153 . هل يجوز في الوضوء أن أمسح أي جزء من الشعر أم مقدمة الشعر فقط حيث إني أتزين لزوجي وأصبغ شعري وكلما أتوضأ أغسل شعري من الأمام مما يؤدي إلى فساد الصبغة. و شكرا. . الإجابــة الحمد لله والصلاة والسلام على رسول الله وعلى آله وصحبه، أما بعـد: فقد تقدم في الفتوى رقم: 53696، بيان القدر المجزئ في مسح الرأس، وأن الراجح وجوب مسح الرأس كله, ونقول للأخت السائلة: إن مسح الرأس في الوضوء مبني على التخفيف ولا يراد به غسله، ولتنظر الفتوى رقم: 58308. ولبيان كيفية مسح رأس المرأة في الوضوء يرجى الاطلاع على الفتوى رقم: 60153، وللفائدة يرجى مراجعة الفتوى رقم: 6007، ولو مسحت بعض شعر رأسها سواء كان مقدمه أو غيرها أجزأ ذلك عند الشافعي وكثير من العلماء, لكن الراجح ما قدمناه وهو مسح الرأس كله, وهو الأولى والأحوط. والله أعلم. شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 20 يناير, 2012 جزاك الله خيرا سدورة العسولة شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 20 يناير, 2012 السلام عليكي يا حبيبتي سجوده كيف حالك يا رب اسمع عنك احلى الاخبار بصي يا سجودي الاخت سدوره لها حق فعلا في نصايحها الا تدمري شعرك بالمواد الكيماويه ولي اضافات بسيطه جربتها وعجبتني فيارب تستفيدي منها في موضوع اسرار المكياج والجمال هنا في المنتدى للاخت جويريه3 ربنا يجزيها خير قالت ان كل انواع الشامبوهات والبلسم كيماويه ومدمره للشعر مهما غلا ثمنها وقالت نجيب صابون الغار للشعر والجسم انا جبته بصراحه وجربته جميل جدا للشعر مش بينشفه خالص بالعكس وللبشره ايضا انتي من مصر ولا ايه انا مش عرفه بصراحه لو من مصر هتلاقيه في محلات العطاره المشهوره زي حراز واولاد رجب العطار وغيرهم كتير ومنتشرين في كل مكان صابون لمبادا بزيت الغار انا لقيت ملمس شعري اصبح جميل جدا وندمت اني معرفتوش من زمان بعد متغسلي شعرك استني ساعه أو ساعتين وادهنيه ببالمرز طبعا بالمرز انواع بس احسن نوع فيهم علبه صاج صفراء مكتوب عليه( للتحكم +الضبط ) ده تقيل وجميل جدا بيظبط الشعر ثم لفي شعرك طاقيه بس بعد غسله تسبيه مفرود ساعتين ثم تعمليه طاقيه لو لفتيه وهو لسا مغسول مش بيدي نتيجه حلوه خالص استني شويه احسن ساعه او ساعتين يعني يكون لسا مبلول بس يكون نزل الميه الفيه والله انا جربت الطاقيه دي مع البالمرز نتيجتها جميله جدا احسن من السشوار وعلا فكره هي مفيده للشعر وبتديله حيويه ونشاط وربنا يوفقك يا قمر ويرزقك زوجا صالحا :lol: :lol: :lol: :lol: :lol: :lol: 3 شارك هذه المشاركه رابط المشاركه شارك
sagda2 0 أرسلي تقرير عن المشاركة قامت بالمشاركة 21 يناير, 2012 جزاك الله كل خير حبيبتي درة بنقابي و متشكرة جدا لذوقك و اهتمامك و دعائك ربنا يسعدك و يحفظك و تكوني في أفضل حال و بإذن الله هاعمل اللي نصحتيني بيه انتي و سدورة و جزاكم الله كل خير شارك هذه المشاركه رابط المشاركه شارك
طامعه في رضا الله 0 أرسلي تقرير عن المشاركة قامت بالمشاركة 27 يناير, 2012 السلام عليكي يا حبيبتي سجوده كيف حالك يا رب اسمع عنك احلى الاخبار بصي يا سجودي الاخت سدوره لها حق فعلا في نصايحها الا تدمري شعرك بالمواد الكيماويه ولي اضافات بسيطه جربتها وعجبتني فيارب تستفيدي منها في موضوع اسرار المكياج والجمال هنا في المنتدى للاخت جويريه3 ربنا يجزيها خير قالت ان كل انواع الشامبوهات والبلسم كيماويه ومدمره للشعر مهما غلا ثمنها وقالت نجيب صابون الغار للشعر والجسم انا جبته بصراحه وجربته جميل جدا للشعر مش بينشفه خالص بالعكس وللبشره ايضا انتي من مصر ولا ايه انا مش عرفه بصراحه لو من مصر هتلاقيه في محلات العطاره المشهوره زي حراز واولاد رجب العطار وغيرهم كتير ومنتشرين في كل مكان صابون لمبادا بزيت الغار انا لقيت ملمس شعري اصبح جميل جدا وندمت اني معرفتوش من زمان بعد متغسلي شعرك استني ساعه أو ساعتين وادهنيه ببالمرز طبعا بالمرز انواع بس احسن نوع فيهم علبه صاج صفراء مكتوب عليه( للتحكم +الضبط ) ده تقيل وجميل جدا بيظبط الشعر ثم لفي شعرك طاقيه بس بعد غسله تسبيه مفرود ساعتين ثم تعمليه طاقيه لو لفتيه وهو لسا مغسول مش بيدي نتيجه حلوه خالص استني شويه احسن ساعه او ساعتين يعني يكون لسا مبلول بس يكون نزل الميه الفيه والله انا جربت الطاقيه دي مع البالمرز نتيجتها جميله جدا احسن من السشوار وعلا فكره هي مفيده للشعر وبتديله حيويه ونشاط وربنا يوفقك يا قمر ويرزقك زوجا صالحا :lol: :lol: :lol: :lol: :lol: :lol: شارك هذه المشاركه رابط المشاركه شارك
،،، نور ،،، 39 أرسلي تقرير عن المشاركة قامت بالمشاركة 28 يناير, 2012 ماشاء الله نصائح جميلة ومجربة فعلًا أضم صوتي للحبيبة سدرة المنتهى بلاش تفردي كريمات الفرد مدمرة إلا في حالة واحدة فقط - والحالة دي مكلفة جدًا - أنك تفردي وبعدها مباشرة تعملي كيراتين ومادمتي لسة بنوتة فمفيش داعي وكمان بضم صوتي لدرة بنقابي كل ملاحظاتها انا مجرباها وفعلا تنايجها ممتازة ربنا يجعلنا صحبة على الخير دايمًا ^_^ شارك هذه المشاركه رابط المشاركه شارك
،،، نور ،،، 39 أرسلي تقرير عن المشاركة قامت بالمشاركة 28 يناير, 2012 نسيت أقول ان أمينة شلباية -لو تعرفيها ، خبيرة تجميل - بتقول اعملي شعرك سشوار ومكوا كل يوم ولا إنك تفرديه مرة واحدة شارك هذه المشاركه رابط المشاركه شارك
