القرص الطرية من مطبخى

[موده واخاء 417]

جميلة يا اشروقة انا مفتقدة القرص ام طعم بيتي

 

ان شاء الله اجربها للاولاد واجيبلك طبق

[وأشرقت السماء 1565]

 

جميلة يا اشروقة انا مفتقدة القرص ام طعم بيتي

 

ان شاء الله اجربها للاولاد واجيبلك طبق

 

جمل الله أيامك بالطاعات حبيبتى

بانتظار تطبيقك وأكيد هيكون أروع بإذن الله

والأولاد هيحبوها بإذن الله بارك الله لكِ فيهم اللهم آمين

[هبة نور 2043]

بقولك ايه يا اشرقت ياحبيبتى عندى سؤال اهبل شوية ومكسوفة اسأله لكن هسأله

 

هو ممكن استعمل البيكنج بودر بدل الخميرة يا اختى

[موده واخاء 417]

بقولك ايه يا اشرقت ياحبيبتى عندى سؤال اهبل شوية ومكسوفة اسأله لكن هسأله

 

هو ممكن استعمل البيكنج بودر بدل الخميرة يا اختى

 

ههههههههههههه نفس سؤالي يابيبو

 

ياريت البيكنج اسهل لان الخميرة بعيد عننا هنا اوى

[محبة لربها، ادعوا لي بالثبات 72]

رحمها الله ابنة خالى ذكرت مرة أمامى اناللبن لما يقطع بيبقى فيه ضرر او بكتيريا كده الله اعلم

 

وبنت خالى كانت صيدلانيه

 

وعرفت منها رحمها الله وتجاوز عن سيئاتها اللهم آمين ان اللبن بيتهضم والزبادى بيمتص عشان كده الزبادى افضل

 

ممكن لو فيه صيدلانيه هنا تفيدنا..

 

اعتقد امة الله حنان صيدلانيه

[وأشرقت السماء 1565]

بقولك ايه يا اشرقت ياحبيبتى عندى سؤال اهبل شوية ومكسوفة اسأله لكن هسأله

 

هو ممكن استعمل البيكنج بودر بدل الخميرة يا اختى

 

هوبة حبيبتى كيفك يا غالية ؟

 

لا يا ذكية ( يوه قصدى يا هبة ) لاززززززززززم خميرة يا قمر

[وأشرقت السماء 1565]

بقولك ايه يا اشرقت ياحبيبتى عندى سؤال اهبل شوية ومكسوفة اسأله لكن هسأله

 

هو ممكن استعمل البيكنج بودر بدل الخميرة يا اختى

 

ههههههههههههه نفس سؤالي يابيبو

 

ياريت البيكنج اسهل لان الخميرة بعيد عننا هنا اوى

 

ليه حبيبتى طيب أبعتلكم دليفرى من هنا هههههه

لا لازم الخميرة وعلى فكرة والله أنا عملتها مرة بدون خميرة لكن ما كانت منفوشة أوى

ممكن تشترى باكيت خميرة فورية وتتركيه فى الثلاجة ما بيجرى له حاجة بإذن الله

[وأشرقت السماء 1565]

رحمها الله ابنة خالى ذكرت مرة أمامى اناللبن لما يقطع بيبقى فيه ضرر او بكتيريا كده الله اعلم

 

وبنت خالى كانت صيدلانيه

 

وعرفت منها رحمها الله وتجاوز عن سيئاتها اللهم آمين ان اللبن بيتهضم والزبادى بيمتص عشان كده الزبادى افضل

 

ممكن لو فيه صيدلانيه هنا تفيدنا..

 

اعتقد امة الله حنان صيدلانيه

 

رحمها الله رحمة واسعة وأسكنها فسيح جناته اللهم آمين

طيب ياريت حد يفيدنا علشان أقدر أقنع أمى بقلب جامد بإذن الله

ربنا ما يحرمني منك سمسمتى الجميلة

[هبة نور 2043]

لا أنا بسيبه مفتوح وبقعد أتدفى أمامه لغاية ما تتحمر القرص

.

وعلى فكرة أنا عندى العين الصغيرة ما بتفتح خالص والأكبر منها قليلا بتكون ضعيييييييفة جدا كأنك مهدياها على آخر درجة

.

ونار الفرن بتولع بعد فترة يعنى بنتظرها لما تحن عليا وتولع

.

وعلى العموم القرص بإذن الله ما هتنشف لأننا مش بنضع عليها زيت

ايه ده هو بجد بتسيبى الفرن مفتوح والقرص جواه بتستوى

 

ردى بسرعة يا اشروقة عشان عايزة اعمله النهاردة

[وأشرقت السماء 1565]

أيوة حبيبتى بسيبه مفتوح

ولو عايزة تقفليه بتقفليه لكن انتبهى حتى لا تحترق منك لأنى أضعها على الصاجة مباشرة فبتحتاج منى متابعة على طول كى لا تحترق وبعدين بقعد أسترجع الذكريات أمامه

وخلى بالك أنا بتكلم على فرن البوتاجاز

ممكن تقفليه مدة صغيرة لكن تتابعى

[هبة نور 2043]

افادك الله يا اختاه

 

عارفة لو باظ ولا جراله حاجة يا اشرقت هصلط عليكى ذكية تعملك عاهة مستديمة

 

اما اقوم افتح الفرن واقعد قدامه اتدفا واستعيد ذكرياتى انا كمان

 

بالإذن

[موده واخاء 417]

اشروقة انا جبت خميرة بيرة ومش فورية هتنفع؟

 

وهاطبق ياغاليه

بس بعد ردك

[وأشرقت السماء 1565]

 

اشروقة انا جبت خميرة بيرة ومش فورية هتنفع؟

 

وهاطبق ياغاليه

بس بعد ردك

 

أيوة حبيبتى تنفع ونص

ضعيها فى قليل من الماء الدافئ (وليس ساخن ) ومعها قليل من السكر واتركيها قليلا

هتلاقيه انتفخت كده واتخمرت ضعيها على العجين بعد ذلك

 

ولا تنسى تصوري التطبيق

أعانك الله حبيبتى

[وأشرقت السماء 1565]

افادك الله يا اختاه

 

عارفة لو باظ ولا جراله حاجة يا اشرقت هصلط عليكى ذكية تعملك عاهة مستديمة

 

اما اقوم افتح الفرن واقعد قدامه اتدفا واستعيد ذكرياتى انا كمان

 

بالإذن

 

ههههههههههههههه

أما ألحق أخرج قبل ما تيجي

وبعدين حتى لو باظ يكفي إنك هتسترجعي الذكريات الجميلة ودا أكيد هيهون موضوع القرص البايظة ههههههه

يارب يطلع حلو أوى أوى أوى

[هبة نور 2043]

يا شيخة قوليلى بس اعمل فيكى ايه وفى وصفاتك دى

 

 

القرص طلعت تحفة تسلم وصفاتك ياعسل

 

وعلى فكرة اى زيادة فى وزنى واى تهزيئ من جوزى بسبب الوزن انتى هتبقى السبب فيه

 

اصلى اخدت قرصتين واحدة بعسل اسود وواحدة بعسل ابيض

 

ولسة هقوم اقلى السمك عشان العشا عقبال عندك

 

بس بجد مستغربة ليه جوزى كل شوية يقولى وزنك بيزيد مع ان نفسى مسدودة زى ماانتى شايفة يااختى

[ام مريم وهاجر 16]

يا اهلا يا اهلا يا ريحانة زوجها وحشانى ياااااااااااه انتى لسه هتستنينى يبقى هتستانى كتتتتتتتتتتتتير بقيت عاملة زى السحلفة فى المطبخ من كثرة طلبات العيال ههههههههههههه أشرقت حبيبتى كيفك يا غالية أخبارك إيه ربنا يبارك فيكى وفى س ؤالك يا حبيبة كلك زوق والله بس انا غصب عنى ما صدقت سوفت موضوعك وقلت اسالك واسلم عليكى بالمرة وقولة لهبه نور طول ما انتى بتآكل آكلات المنتدى ان شاء الله رشاقة للابد ههههههههههههه تسلميلى يا جنه سكر تعبتك فى الرد بارك الله فيكى

[هبة نور 2043]

ماحدش شاف اشرقت يابنات

 

اللى يشوفها يقولها انها وحشتنى جدا

[ريحانة زوجي 63]

يا عيني ياعيني هوبه كمان رجعت

يالا بقي كل اللي تدخل لازم تدوقني وبالعسل زي هوبه خليني أتخن بأه

وأنا مرقباكو بعد إزنك يأشروقه

[هبة نور 2043]

يا عيني ياعيني هوبه كمان رجعت

يالا بقي كل اللي تدخل لازم تدوقني وبالعسل زي هوبه خليني أتخن بأه

وأنا مرقباكو بعد إزنك يأشروقه

 

يا عيني ياعيني هوبه كمان رجعت

يالا بقي كل اللي تدخل لازم تدوقني وبالعسل زي هوبه خليني أتخن بأه

وأنا مرقباكو بعد إزنك يأشروقه

انتى مين يا شابة

 

اوعى تكونى واحدة من اللى غيروا اساميهم

 

انطقى بسرعة ده تحقيق مش اى كلام

[~ماريا~ 1340]

انت بيا شابه

ههههههههههههههههههههههههههههههههههههه

انت منين يا هبه؟؟؟

[هبة نور 2043]

انت بيا شابه

ههههههههههههههههههههههههههههههههههههه

انت منين يا هبه؟؟؟

 

انا من القاهرة سابقا واتجوزت فى المنيا من حوالى سنة ونص

 

وانتى من دمياط يا ماريا

 

عشان تعرفى ان ملفاتك عندى

 

واى غلطة فى الوصفات اللى بتديهالنا هوديكى ورا الشمس

[~ماريا~ 1340]

هههههههههههههههههههههههههه

بريء يا بيه

اهلين فيك وفي اهل المنيا

عسل انت يا هبة

[ريحانة زوجي 63]

انتى مين يا شابة

 

اوعى تكونى واحدة من اللى غيروا اساميهم

 

 

انطقى بسرعة ده تحقيق مش اى كلام

هو دا تحقيق ولا أنتي ريا وسكينة مع بعض ههههههههه

والله العظيم هقول الحق

أنا يا هبة ياختي من ساعة ما بدئت أشارك في المنتدي وانتي سبتينا واتجوزتي

حتي بالأمارة قبلتك في موضوع أم مريومة صورة العضو اللي قبلك أفتكرتيني ولا لأ

والله هودا كل اللي حصل ههههههههه

بقولك أيه متهربيش فين طبق القرص بتاعي ولا أجيلك المنيا

[وأشرقت السماء 1565]

هوبة حبيبتى اشتاقت لكِ الجنان حبيبتى

أصل النت كان فصل عندى والحمد لله جددنا الإشتراك

الحمد لله إن القرص طلعت حلوة بألف هنا وشفا حبيبتى

وبعدين زوجك أكيد بيهزر معاكِ وبعدين قرصتين وكمااااااااان بعسل هههههه من ضمن الرجيييييم

 

أم مريم وهاجر

الحمد لله حبيبتى والله بخير ونعمة من الله

أعانكِ الله حبيبتى ومعذورة والله كان الله فى عونك وهدى لكِ أبنائك وبارك فيهم

[محبة لربها، ادعوا لي بالثبات 72]

شروقة حمدا لله على سلامتك يا جميلة

 

ربنا يبارك فيك يا رب

 

ويبارك فى كل حبيباتك

 

واخص بالذكر ماريا وسها وهوبة حبيبات قلبى

 

واحب اقول اللهم بارك فى حلاوة الصبر واهلها وابنتها وزوجها انوسة وحشتنى اوى

 

كنت كل لما اعمل اكله فى الطيبات

 

تقول لى ده بقى منتدى الكلابيظ :)