هبة نور 2043 أرسلي تقرير عن المشاركة قامت بالمشاركة 23 يونيو, 2012 طبعا ياولاد روحتو معاية دوار العمدة وكبير الكفر الحاج سليط وشوفته نساوينه الجوز الست نعسة القديمة والست غزالة الجديدة وبيناتهم طبعا خلافات ومشاكل ياما وياما ضراير بقى هنقول ايه اني رايحة اصلح بينهم واعمل اللي علية حكم ياولاد الصلح خير واني ما اكرهش في حياتي اد الهباب الخصام دي اديني وصلت دوار العمدة وداخلة برجلي اليمين أهو استهدي بالله يا ست غزالة خلينا نتفاهم يا حبة عيني نتفاهم في ايه بس يا خالة ستيتة اني مظلومة على طول الخط ومين ظلمك يا نضري العمدة هو اللي ظالمني وبيقوي نعسة علية وبينصفهي اكمنهي القديمي وما بيعدلش بيناتنا ما بيعدلش ازاي يا ست غزالة يرضيكي يجيبلها خلخال واني لأ لأ ما لوش حق يرضيكي يكتبلهي فدان ارض واني لأ لأ مالوش حق طب خدي دي كمان يرضيكي يجيبلهي جاموسي واني لأ لأ مالوش حق فين العدل يا خالة ستيتي مش المفروض هي خلخال واني خلخال وهي فدان واني فدان طبعا طبعا هو ده العدل وكمان هي جاموسي واني جاموسي . ولا ايه رأيك يا خالة . هي جاموسي واني جاموسي ولا لأ يختي ماتحزقيش كدي ليطقلك عرق اني مصدقاكي انتي جاموسي وهي جاموسي انا اقول الحق ولو على رقبتي الله يعز مقدارك يا خالة طيب وايه تاني مزعلك غير انه مابيعدلش بيناتكو بيدلعهي ويقولهي يا نعنوسي واني مش بيدلعني خالص وبيناديني باسمي ويشمتهي فيي لأ مالوش حق وايه كمان يا ست غزالة واخيرا وليس آخرا جاب للحمار بتاعهي ايس كاب وماجابش لحماري لالالا إلا كدي اني مايرضنيش هو عايز حمارك يتعقد ويكره الحياة ولا ايه . ال عشنا وشوفنا حمار يمشي في الكفر من غير الآيس كاب دي كانت الكفور الصديقة ياكلوا وشني على قولك يا خالة ستيتة اني هكلم العمدي لا يا حاج سليط لا الظلم وحش يا عمدة يا ابو العدل كلاته بصراحة يا خالة ستيتي اني بعز نعسة شويتين زيادة عشان دي بنت عمي برضو وعشرة طويلي طب ياخويي لما انت بتعزهي اوي كدي بتتجوز ليه عليهي دا شرع ربنا يا خالة وشرع ربنا انك تعدل بيناتهم عشان ربنا يصلح حالك وحالهم . واديك شوفت قلة العدل خلت النار ولعت في الدوار ودي ما يرضيش ربنا ولا انت عايز تيجي يوم القيامي وشقك مايل وتتفضح وسط الخلق انك ظالم ال يا جوز الاتنين اعدل بيناتهم لتتشوي ع الجنبين خلاص ياخالة ستيتة اني هجيب خلخال لغزالي وايس كاب لحمارهي وهكتبلها فدان طين وجاموسي وما تنساش تدلعهي هي كمان وتقولهي يا غزالزل شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 23 يونيو, 2012 أنعقاد أولى جلسات الجمعيي العموميي للتخلص من الزوجة المؤذيي شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 23 يونيو, 2012 الرجالة اخر ما زهقوا من النساوين وعمايلهم المطينة بطين عملوا جمعيي عموميي للتخلص من الزوجي المؤذيي وبصراحة عندهم حق تعالوا نشوف الاجتماع الرجالي دي ماشاء الله عليهم شايفة السادة الأعضاء الذكور داخلين قاعة الإجتماع في كامل زينتهم وشياكتهم كل واحد لابس جلابيي وعليهي كربوطة ولابس نضارة سودي وماسك في ايده شنطة سمسوميت وفي رجليه شبشب بشبابيك وداخلين المؤتمر حاسبي يختي انتي وهي ليكون جوزك في وسطيهم ورايح يعرف يخلص منك ازاي استنوا عشان الكامورات هتصور وابو نعجة تي في هيزيع لايف شارك هذه المشاركه رابط المشاركه شارك
شذا الريحان 35 أرسلي تقرير عن المشاركة قامت بالمشاركة 23 يونيو, 2012 حلوة النصحتين دول يا خالة فعلا العدل هو أساس الملك ...ربنا يكثر من أمثالك يا خالة حاكم المشاكل كثرت قوي هذه الايام ولا تجد من يحلها ولكن يوجد الكثير والكثير ممن يساعدون على اشتعالها...ربنا يهدى ويصلح الحال..ايه رأيك نعملك استنساخ يا خالة ونوزع النسخ على كل نجوع ومحافظات الجمهورية عشان البلد تعود وتبقى خضرا أمال ايه..فوتك بعافية يا خالة هروح اتصفح باقى مواضيع المنتدى ..لا تتأخرى علينا عايزين نشوفك على طول شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 23 يونيو, 2012 سكوت يا حضرات الاعضاء كلاتكو هتتكلمو بس بالدور الاول الكلمة مع السيد رئيس الجمعيي الحاج فرشوطي تسئيف غليظ الله اكبر سا الخير ايها الرجالي اللي فاض بيهم وطقوا من جنابهم من عمايل النساوين احني جيبنا جردل كبير عشان نحط فيه المفطرحات بتاعتني اللي عنده افطراح يقوله اني بقول نضحك عليهم ونقولهم اننا عازمينهم على قعدة حلوي في الغيط واول ما يتجمعوا كلاتهم ندلق عليهم جاز ونولع فيهم ونخلص ونرتاح ونعيش بقى انت ياواد يا اهطل انت عايزنا نولع فيهم في قلب الغيط ونخسر المحصول احنا عايزين نخلص منهم هما مش نخسر مالنا وحالنا اقعد يا اهطل طيب ايه رأيكو نقولهم احني عازمينكو على نزهي نيليي ونخرم المركب ونسيبهم يركبوهي وفي وسط النيل يغطسو ومايقبوش تاني يا واد حرام عليك انت عايز السمك الغلبان يدعي عليني من المكروبات اللي هتملا معدته اه والله عندك حق يا ابا فرشوطي اني بقول انني نعلمهم رياضة تسلق الجبال ولما يقربوا يوصلو لسفخ الجبل نقطع الحبال ونخليهم يقعوا على جدور رقابيهم ما يحطوش منطق يا واد اتقي الله فيني هما دول فكرك لو وقعوا من فوق الجبل هيجرالهم حاجي دول هينزلوا واقفين وبكامل عفيتهم وهيهجموا عليني بالشوم والنبابيت وياخدو بالتار طب وبعدين يعني نعمل ايه يا حاج فرشوطي نكمل المفترحات الجلسي القادمي رفعت الجلسي شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 23 يونيو, 2012 هههههههههههههههههههههههههههههههههههههههههه حلوة نصايح الخاله وحلو الجمعيه شارك هذه المشاركه رابط المشاركه شارك
إيماني عنواني 259 أرسلي تقرير عن المشاركة قامت بالمشاركة 23 يونيو, 2012 ^____________^ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 23 يونيو, 2012 العواف عليكم كلاتكوا الاهى فين خاله ستيته تكونشى لسه اعده عند المزغوده ام كدش وعايزه تعمل نولولوك عنديههه اه يا نسوين اخر زمن اهو كده الفلاح لما بيتمدن بيجيب لاهله نصيبه اللى ماكنوش بيعرفوا يغسلوا وشهم من كتر الاشف اللى عليه ال عايزين يلونوا عنيهم كمان اياك تحولى منك ليها ليها يامضروبه انتى وهيههه بلاذن بجيى لحسن لسه جايه من عند حلاقه جديده اسميههه ام كندوش هتلاقوهيهه جمب مصرف البهايم اللى عالترعيهه جمب الولا بتاع العصير اوعوا تشربوا من عنده لحسن لاقيته بيعصر زعازيع القصب وياخد القصب اخر النهار يمصه هو والمفجوعه مراته البت لبشه انا قلت اخلص ضميرى لحسن انى لسه عامله جلابيه كستور ومنطلونين بفتيهه وعايزه ربنا يهنينى عليهم لما اروح اتبخر لحسن تنقرونى عين اتمسوا بالخير انتي يابت ماحدش عارف يكلمك من ساعة ما بقيتي تغسلي وشك كل يوم الصبح ولا ايه الف بركة يختي ع الجلبية الكستور الجديدي عقبال ما تجيبي شبشب بوردة وافرح بيكي يا ضي عيني شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 23 يونيو, 2012 اسكتي يا خاليه ستيته ما اولكيش علي اني شوفتوه برا قلت يا اختي اخد العيال ونطلع نتهويه شوييه القيلك يا اختي في المحيلات الكبيرة شباشب اينمى شباشب بقي حطين عليهم عنب اه والله شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 23 يونيو, 2012 (معدل) دعوه لكل نساوين الكف اعلان عن جمعيهه عموميهه اسمها النساااااااااااااااااااء قادمون عشان انصاف النسوان الغلابيههه على الرجاله المفتريه اللى اخرتهيهه هتبقى سودا على ادينا باذن الله وقبل مايتغدوا بينا هنتعشى بيهم اللى تحب تشترك وتفش غليهه من راجلهيه تروح على دوار الخاله ست ابوها اللى حدا دوار ام اسماعيل فاشون الخياطيهه واما نشوف جمعية مين اللى هتخلص عالتانيه بلاذن بقى لحسن نعست وانا بتحدت معاكم اتمسوا بالخير تم تعديل 23 يونيو, 2012 بواسطة سماء الفردوس شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 24 يونيو, 2012 اللهم بارك هبهوب في ثوب جديد :) حلوة فكرة الكفر دي يا جميلة ... وجميلة نصائح الست ستيتة لكن يا هبهوب الريف فعلاً كان محتاج شيء من الانفتاح علي المدينة وعلي حياتها خاصة في مجالات التقدم والتعليم وغيرها لكن ما يؤخذ عليهم هو التخلص من اصولهم الطيبة الميزة التي تميزهم عن حياة المدينة لكن لا أري حرجاً يا خالة ستيتة في مزيد من التقدم أوعي تضربيني (الاختلاف في الرأي لا يفسد للود قضية ^___^) شارك هذه المشاركه رابط المشاركه شارك
(أم *سارة*) 994 أرسلي تقرير عن المشاركة قامت بالمشاركة 25 يونيو, 2012 هو انت يا خالة ستيتة بتختفي من غير إحم ولا داستور وتظهري فجأة وتعئدي جمعيات عموميي عكس بعضها انت في صف مين بالظبط مع الرجالة ولا مع النسوان حددي الموئف لكن شغل على الناحيتين زي أمريكا كدة مش ينفع أبدًا ديدي فتنة في الكفر كلاته وفي الآخر تفلي وتقولي عواف عاوزة أنام 2 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 يونيو, 2012 هو انت يا خالة ستيتة بتختفي من غير إحم ولا داستور وتظهري فجأة وتعئدي جمعيات عموميي عكس بعضها انت في صف مين بالظبط مع الرجالة ولا مع النسوان حددي الموئف لكن شغل على الناحيتين زي أمريكا كدة مش ينفع أبدًا ديدي فتنة في الكفر كلاته وفي الآخر تفلي وتقولي عواف عاوزة أنام واني مالي اني يا ست منال هو اني هاخد بالي من مين ولا من مين ومين قالك اني موافقي يا ضي عيني اني ماسكتش عن الحال المايل دي هحلب الجاموسي واروح اهد المؤتمر على دماغيتهم رجالة الهم دول شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 يونيو, 2012 بقولك ايه يا بت يا مستكي نعمين ياما اني يا بت عايزاكي تروحي تحلقي دقنك وتروشي كلونيي وتسرحي شعرك اللي واقف زي شواشي الدرة دي ليه ياما هو العيد بكرة لأ يا هبلة عايزة اخدك ونروح نزور خالتك كمونة عشان الواد مرزوق ابنهي يتهبل عليكي ويخطبك وافرح بيكي يا بت يا حليلة يا ولاد حاضر ياما اما اخش احلق دقني اني حلوي كدي يااما ولا حلوة ولا نيلي . شكلنا هنتوكس ونيجي . ناوليني القفص دي يا بت هو احني هنروح ناخد مرزوق ونحطه في القفص دي ياما ونجيبه ونيجي لأ يا مهطولة هنحط فيه زيت وسكر ورز ونوديه لخالتك عشان نطعم الفوم تقوم تستحي العين اه والله ياما عندك حق وحوطيلها كمان علبة حلاوة طحينية عشان نكسر عينهي خطوة عزيزة يا فلفلة يختي منورة انتي ومقصوفة الرقبة الله يعز مقدارك يا كمونة يختي ومالك يختي مكلفة خاطرك وجايبة شيء وشويات كدي يا كشي يتمر يختي . امال فين الولا مرزوق مرزوق راح يجيب الجلابية الجديدة من عند حسنين الخياط عشان عقبال مستكة خطبناله البت أمال بنت الحاج شلبي يا حومتي خطبتيله يعني ايه يا كموني انت اتهبلتني في حواجبك اهئ اهئ يا خسارة دقني اللي حلقتهي ياما ليه يختي بس ايه حصل مالك ومال بنتك بتعيط ليه بتعيط على بختهي ابن خالتهي سابهي وراح خطب واحدة تانيي يختي دي نصيب ومستكي بكرة يجيلها عدلها واحنا نستنى لبكرة ليه واحنا ابننا في حضننا يعني ايه يختي يعني تفضو الخطوبة المطينة دي وتاخده بنتي ضنايي وإلا لا انتي اختي ولا اعرفك ليوم الدين يختي مش اصول اللي انتي بتقوليه ديه وبعدين الواد ميال لعروسته اكمنهي بيضة وشعرها طويل وزي جدايل الدهب اللهي يجيلها قراع انجليزي وترتاحو من شعرهي قادر ياكريم . وبعدين هي بنتي وحشي ولا وحشي . مش عروسة زي الفل أهيه ولا شيفاهي شوال بطاطس قاعد جنبي . دي بنتي فلقة قمر يختي حرام عليكي تظلمي القمر وتزعليه مننا عشان لو سمع كلامك هيحس بالإهاني ومش هيرضى يطلع بالليل تاني . ال القرد في عين أمه غزال هي حصلت لكدي . طيب اني ماشيي . بت يا مستكة شيليني القفص على دماغي خسارة فيهم حاضر ياما . فوتناكي من غير عافية ياخالتي شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 25 يونيو, 2012 واحني هنسكت ياما على اللي عملته خالتي ديه مين قالك يابت اني هسكت اني ههد الدنيي على دماغيتهم ومش هسيب الجوازة دي تتم ابدا اقولك ياما اني عندي فكيرة قولي يابت على الفكيرة احني نستنا يوم الفرح واول ما نشوف المآذون داخل دارهم نطخه عيارين يا سلام يختي على النصاحي ماهم هيجيبوا مأذون تاني يا مهبولي امال هنعمل ايه ياما مافيش قدامني غير الحلول الملتويي وشغل حلق حوش ايوة ياما نروح نعمل للبت امال عمل ونسخطها قرد لا يا بت اني بخاف من ربنا ومااعملش حاجي تغضبه . اني بقول نطلع عليهي سمعة وحشيي ونخليه يشك في سلوكهي ماشاء الله عليكي وعلى الإيمان والورع ياما , طيب هنقول عليهي ايه اصبري لما افكر واشغل التفانين انتي بتقولي ايه يا فلفلة يختي ازاي تقولي الكلام دي اني يختي بخلص ضميري من ربنا وبقول الحق . معقولي امال بنت الاصول المتربية تعمل كدي استغفر الله العظيم . اقول ايه واعيد ايه بنات اخر زمن تلافنين يختي معقولي امال بتشرب ميسكوفيه اني مش قادري اصدق وداني لأ يختي صدقي دي عندهي برطمان في اوضيتهي وكل يوم تشرب صباحا ومساءا يا دي الحومي اللي مالهاش قومي اني يختي قولت لازم اخلص ضميري حكم دي نسب مش اي كلام واني مايرضنيش ان ابن اختي حبيبي مراته تشرب ميسكوفيه والناس تسرح بسيرته بطبلة وطار في الكفر طيب تعالي نواجه ام العروسيي لأ يختي اني مالي مالك ازاي انتي شاهدي عياني لأ يختي اني صحتي زي الفل ما ينفعش اشهد عواف عليكو سبحان الله ام العروسي جت اهيه يادي النيلي ايه اللي جابهيي مالك كدي ياام العريس مكشري في وشيي يعني مانتيش درياني بسمعت بنتك اللي زي الزفت بتاعة الميسكوفيه تلفانة الأمل اخص عليكي الف اخص اني بنتي بتشرب ميسكوفيه يا ظالميي . دي امال اسم الله عليهي ما بتشربش الا شاي وكركريه ويوم ما تخرج عن طوعي بتشرب عرق سوس امال ايه حكاية الميسكوفيي دي مين اللي عايزة حش رقبيتهي وطلعت على بنتي السمعة المطينة دي طب استأذن اني عشان سايبة الطبيخ في المدرسي والعيال ع النار استني يا وش السعد استني اختي فلفلي هي اللي قالت كدي كدة برضو يا فلفلي بتطلعي سمعة وحشيي على بنتي . اني بنتي بتشرب ميسكوفيه يللي بنتك بتشرب كاباشطينو طينو على دماغك ان شا الله قطع لسان اي واحدي تجيب سيرة بنتي بسوء خايفة على سمعة بنتك ومش خايفي على بنات الناس خلاص يختي ما تتحمقيش اوي اني كدابيي خلي ابنك يتجوز بنتهي ام جدايل دهب يا نساوين يا صفيح جاكو الهم 1 شارك هذه المشاركه رابط المشاركه شارك
كلمات سارة 11 أرسلي تقرير عن المشاركة قامت بالمشاركة 25 يونيو, 2012 ^ـــــــ^ أضحك الله سنــك هبــة الحبيبة بارك الله فيكِ غاليتي شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 25 يونيو, 2012 اضحك الله سنك يا غالية شارك هذه المشاركه رابط المشاركه شارك
(أم *سارة*) 994 أرسلي تقرير عن المشاركة قامت بالمشاركة 26 يونيو, 2012 يا خبر علشان تفركش الجوازة تطلع على البت سمعة زي دي لأ لأ ما لكيش حق طيب كنتي قلتي قهوة بدل المسكوفيه دي بس للأسف في زمنا ده ممكن الغيظ والحقد يخلي ضعيف الإيمان يسوأ سمعة إنسان لمجرد إنه ينوظ له شغلة أو جوازة أو غيره وناسي إن الله مطلع وعالم بالأسرار وإن من تتبع عورة مسلم فضحه الله ولو كان في عقر بيته فما بالنا باللي بيكذب ويقول على المسلم غير الحق نسأل الله العفو والهداية والستر للجميع تقعدوا بالعافية ورايا سفر وهرجع آخر النهار بإذن الله خدوا بالكم من بهايم ستيته شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 26 يونيو, 2012 عسل يا هوبة ما شاء الله . الواحد بيعيش مع القصة ويندمج سبحان الله . فعلا فيه ناس ممكن يعملوا أكتر من كده والله المستعان لكن توصل لدرجة إنهم يطلعوا عليها سمعة زي كدة دي حاجة ما يتسكت عليها أبدا :)))))))))) جزاكِ الله خيرا حبيبتي ولا حرمنا الله من قلمك الرائع . شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 26 يونيو, 2012 هههههههههههههههههههههههههههههههههههه عسل يا هبه فعلا الواحد بيندمج جداااااااااااا في قصصك يا هبه عندك اسلوب جميل ومو ممل خالص ربنا يزيدك شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 يونيو, 2012 بارك الله فيكِ يا هوبة علي الحلقة الأخيرة وللأسف هذا حال الكثير في الريف أو المدينة ,حتي لا نظلم الريف وحده :) واعتقد أنك أحببت لفت النظر إلي تعلق الأم بالأسباب وتركها التعلق بمسببها أهتمت بتجهيز البنت لينبهر بها العريس ولم تعطي نفسها فرصة أن تتوجه لله الذي بيده الارزاق ومفاتيح القلوب وأيضاً نقطة هامة ألا نعود أنفسنا علي الاختيار بل نترك الله أن يختار لنا فما يدريها أن هذا الشخص صالح لأبنتها فقد يدخر الله لها من هو اصلح وافضل نعلم بناتنا أن كل شيء رزق من الله وعلي الإنسان أن يتوجه دائماً لله بالدعاء والرجاء بكل ما يتمناه مادام حلالاً مباحاً ويكثر من الأستغفار فهو سبب من أسباب جلب الرزق ولا يكيد للغير إن حصل علي نعمة كان يتمناها لنفسه فعسي ربه ان يرزقه افضل منها إن تعلق به وهناك العديد من القصص التي تؤكد ذلك وطبعت علي النصيحة طبعة من المرح والفكاهة كعادتك يا حبيبة لا حرمناك ولا حرمنا قلمك المتميز يا هبهوب :) 4 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 27 يونيو, 2012 الحقوا يا ولاد البت صبحية العانس جاية هناك أهيه والله يا هنييي اني لما بشوفهيي قلبي بيتقطع عليهيي اه والله حالهيي يصعب ع الكافر يا نحمده يختي وتصعب عليكو ليه يا نحمده انتي وهنيي وانتي زعلانيي ليه يا فتحيي اهي قربت اهيه ما تيجو ننده عليههي ننكد عليهي شويتين اندهيلهيي يا فوزيي بت يا صبحيي يا صبحيي نعمين يا فوزيي كنت بسأل يعني لو فيه عريس كدي ولا كدي وهنفرح بيكي ولا هتفضلي معنسة كدي على طول عرساني كتير يختي بس النفس لا والله يا شيخة . ما شوفناش يعني حد هوب ناحية داركو وعبركو ال على رأي المثل بنات يتلم عليهي العرسان وبنات يتلم عليهيي الدبان هيييييييي هههيييييي الله ينكد عليكو يا بوعدا زي مانتو منكدين عليي في الروحة والجايي بت يا صبحية نعمين يا خالة أم الخلول انتي يابت لسة لحد دلوقتي ما جلكيش العدل لأ والله لسة يا خالة يا كبد أمك يا ضنايي . يكونش يابت حد عاملك عمل اسود ومنيل عشان تبوري وتقعدي في ارابيز امك ومين بس يا خالة اللي هيعمليي عمل اكيد واحدة بتكرهك انتي وامك . بقولك ايه يابت نعمين انتي عليكي وعلى الشيخ أبو طرطور اللي يلحق الصبيي قبل ماتبور ابو طرطور ايه بس يا خالة يا بت اسمعي كلامي ديه سره باتع . طب داني اعرف واحدي كانت معنسة وحالها بلبلا زيك كدي وراحتله وعقبال عندك هو اسبوع كانت متجوزي وعلى كتفهيي عيلين لا إله إلا الله . طب اتجوزت في اسبوع ماشي هصدق لكن جولها منين العيلين دول يابت بقولك شيخ سره باتع ومتصل اني بقى متصلة بالله وعارفي انه معايي وهيعوضني خير طب يختي سلمي على امك وباركيلها على خيبتك يا لهوي مين اللي جايي هناك ديي . دي البت صبحيي بت يا سعديي نعمين ياما خشي يابت انتي وعيالك جوا الدار بسرعة قبل البت المعنسة دي ماتشوفكو وتحسدك انتي وعيالك يالهوي اجروا ياولاد جوا الدار ازيك يا شلبيي وازي العيال عيانين يختي عيانين يا عيني مالهم بعد الشر هما على طول كدي واني كمان عياني ورجلي وجعاني ليه يختي بعد الشر من الجواز وهم الجواز الله يكفيكي شره بيجيب كساح يا حفيظ يارب الطف بينا امال ايه دانتي قاعدة عند امك متهنيي وملكة زمانك بلا جواز بلا طين هو حد جاب سيرة الجواز دلوقتي يا شلبيي بصراحيي اني بخاف لما بشوفك هلة عليي عشان العوانس بيحسدو المتجوزين يا شيخة اتنيلي دانتي جوزك ساقيكي المر في أزايز وحاله حال الشوم واللوم أهو اسمه راجل يا عديمة الراجل والله حرام عليكو يا ناس يعني اهج من الكفر عشان ترتاحو منيي ياريت يختيي ياريت شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 28 يونيو, 2012 جئت علي جرح الكثيرات للأسف :(( والناس في ذلك أحوال منهم من يحاول تنغيص عيش من حرم من نعمة معينة وخاصة الزواج وتذكيره بها في كل وقت ... اذكر منذ سنوات سمعت عبارة للأستاذ وجدي غنيم قال لمن تتألم من كثرة سؤال الناس عن عدم زواجها إلي الأن أن تباغتهم بسؤال أخر وأنت يا فلانة لماذا لم تموتين إلي الأن ؟ لعلها تنتبه أن كل شيء رزق وفضل من الله يؤتيه من يشاء وكل شيء بقدر الله . ومنهم من يحاول دائماً أن يلصق كل عثرة يتعرض لها الإنسان في السحر والأعمال حتي جاء وقت علي الناس ظنوا جميعهم أنهم مسحورون ولجأ البعض للأسف من الجهلة والعوام إلي أمثال الشيخ (ابو طرطور ) ولله المشتكي والفئة الثالثة والتي انتشرت هذة الأيام من يخافون الحسد ويعتقدوا ان كل من حرم نعمة وأعطاها الله لهم سوف يعينهم ويحسدهم ولله المشتكي وتناسي كل هؤلاء أن كل شيء بيد الله والأذكار جعلها الله سبب لحفظ العبد من العين ومن رأت عثرات في حياتها فتلزم قراءة سورة البقرة علي يقين بأن الله كاشف كل كرب وتكثر من الدعاء أسأل الله العظيم رب العرش العظيم أن يرزق جميع بنات المسلمين الازواج الصالحين جزيت خيرا يا هوبة 1 شارك هذه المشاركه رابط المشاركه شارك
راماس 860 أرسلي تقرير عن المشاركة قامت بالمشاركة 28 يونيو, 2012 :)))) اول مرة ادخل الموضوع بجد توووووووحفي من قلبي ضحكت اضحك الله سنك حريم كفر ابو نعجة توووووحفة حاتباع شوفوا اخر الحريم جاية تتابع في الاخر شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 28 يونيو, 2012 ^ـــــــــــــــــــ^ فعلا سبحان الله هذا حال الكثير من الناس إلا من رحم ربي من لم تتزوج يظلوا يتساءلون لماذا ؟ ولا يرحموها من النظرات والتساؤلات وأيضا التي لم تنجب بعد لا تسلم من الأذى والسؤال وكأن الأمر بيد البشر والله المستعان . شارك هذه المشاركه رابط المشاركه شارك
