هبة نور 2043 أرسلي تقرير عن المشاركة قامت بالمشاركة 8 مايو, 2013 فرج يا عيون فرج انا هروح اتابع الحمل عند دكتور كويس اوي قالتلي عليه صاحبتي نعم نعم نعم بتقولي ايه يا نوسمة داكتور . راجل . ليه . شايفة نفسك متجوزة مقطف عدم الامؤاخذة وفيها ايه يا فرج . الناس كلها بتشكر فيه انا ماليش دعوة بالكلام البايظ ده . انا الحورمة بتاعتي ماتتكشفش على راجل غيري راجل ايه بس . دا دكتور . وانا بالنسبة له حالة مش واحدة ست مافيش الكلام ده . عايزة تتابعي شوفي دكتورة بنت حلال حورمة زيك وروحيلها والا خالتي ام خلف في الخدمة اربعة وعشرين ساعة يا فرج مافيش دكتورة نسا واحدة بتفهم في البلد دي . انا مااثقش فيهم انا قولت الكلام ده . اومال هما بيحكدوا على خالتي ام خلف ليه استغفر الله العظيم . انت معقد اوي بقولك ايه يا فرج نعمين يا عيون فرج مش هنعزل من هنا بقى انا اتخنقت من ريحة الطيور بتاعتك دي وبعدين بقى . يا صباح البيض الممشش ع الصبح يا صباح انفلونزا الطيور ياخويا . انت مش خايف علية انا والبيبي بيبي ! ايه البيبي ده يعني ابنك . ابني انا بقى بيبي !!!!! ماعاش ولا كان اللي يقول على ابني كدة . انا ابني راجل . سامعة . راجل من وهو في بطن امه .داابن المعلم فرج . عمره مايبقى بيبي ابدا طب عشان خاطري . يرضيك ابنك يتولد في المنطقة دي . نبيع العمارة ونشتري فيلا صغيرة كدة على قدنا افكر وارد عليكي . بس شغلي مش هغيره . انا بتاع فراخ وهعيش واموت بتاع فراخ طب انا عندي حل يا فروجي نعم يا عيون فروجي يا حرمنا المصون خلي المحل ياسيدي واشتغل فيه براحتك ونفتح مطعم شيك في منطقة راقية وتباشره بالليل بعد ماتقفل المحل اذا كان كدة ممكن الله عليك ايوة كدة يا فروجي . طب عايزين اسم للمطعم يكون شاعري ورومانسي رومانزي . اسم رومانزي . نسميه فراخ الغرام ييييييييييييييييييييييييييييييييي ابعد عن الفراخ خلاص . كتاكيت القلب الدايب ياربي ارحمني اومال هنسميه ايه يا نوسمة حيرتيني اقولك .أمممممممممممممم نسميه رد روز . ايه رأيك . يعني الوردة الحمرا انا مالي سميه زي ماتسميه وردة ولا فجلة نسوان عقلها مفوت 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 مايو, 2013 فرج يا عيون فرج انا هروح اتابع الحمل عند دكتور كويس اوي قالتلي عليه صاحبتي نعم نعم نعم بتقولي ايه يا نوسمة داكتور . راجل . ليه . شايفة نفسك متجوزة مقطف عدم الامؤاخذة وفيها ايه يا فرج . الناس كلها بتشكر فيه انا ماليش دعوة بالكلام البايظ ده . انا الحورمة بتاعتي ماتتكشفش على راجل غيري راجل ايه بس . دا دكتور . وانا بالنسبة له حالة مش واحدة ست مافيش الكلام ده . عايزة تتابعي شوفي دكتورة بنت حلال حورمة زيك وروحيلها والا خالتي ام خلف في الخدمة اربعة وعشرين ساعة يا فرج مافيش دكتورة نسا واحدة بتفهم في البلد دي . انا مااثقش فيهم انا قولت الكلام ده . اومال هما بيحكدوا على خالتي ام خلف ليه استغفر الله العظيم . انت معقد اوي بقولك ايه يا فرج نعمين يا عيون فرج مش هنعزل من هنا بقى انا اتخنقت من ريحة الطيور بتاعتك دي وبعدين بقى . يا صباح البيض الممشش ع الصبح يا صباح انفلونزا الطيور ياخويا . انت مش خايف علية انا والبيبي بيبي ! ايه البيبي ده يعني ابنك . ابني انا بقى بيبي !!!!! ماعاش ولا كان اللي يقول على ابني كدة . انا ابني راجل . سامعة . راجل من وهو في بطن امه .داابن المعلم فرج . عمره مايبقى بيبي ابدا طب عشان خاطري . يرضيك ابنك يتولد في المنطقة دي . نبيع العمارة ونشتري فيلا صغيرة كدة على قدنا افكر وارد عليكي . بس شغلي مش هغيره . انا بتاع فراخ وهعيش واموت بتاع فراخ طب انا عندي حل يا فروجي نعم يا عيون فروجي يا حرمنا المصون خلي المحل ياسيدي واشتغل فيه براحتك ونفتح مطعم شيك في منطقة راقية وتباشره بالليل بعد ماتقفل المحل اذا كان كدة ممكن الله عليك ايوة كدة يا فروجي . طب عايزين اسم للمطعم يكون شاعري ورومانسي رومانزي . اسم رومانزي . نسميه فراخ الغرام ييييييييييييييييييييييييييييييييي ابعد عن الفراخ خلاص . كتاكيت القلب الدايب ياربي ارحمني اومال هنسميه ايه يا نوسمة حيرتيني اقولك .أمممممممممممممم نسميه رد روز . ايه رأيك . يعني الوردة الحمرا انا مالي سميه زي ماتسميه وردة ولا فجلة نسوان عقلها مفوت شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 8 مايو, 2013 :)) كلام ام نسمه صح الطلاق مش سهل خالص وخصوصا ان الواحده معاها عيال ولو مشكله نسمه انه جاهل وغير متعلم والله بااسلوبها الكويس وهو اصلا مش بيرفضلها طلب وبيتمنها الرضى ممكن تعدل من جهله وتعلمه وتثقفه لو فرغت نفسها له شويه واهتمت بيه كزوج حقيقي مش مستحيل وخصوصا ان الراجل معدنه اصيل وقلبه طب شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 8 مايو, 2013 هههههههههههههههههههههههههههههه انا برضو من النوع الي ما احب اكشف عند دكاتره لازم دكتوره مع انه ممكن عند دكتور اذا اضطريتي لكدا ويكون جوزك معاك بس برضو ما بحب عجبني فرج في النقطه دي مش قلتلكو باسلوبها ممكن تعدل منه زي ما هي عايزه الراجل كل الي يحتاجه اسلوب وفن في التعامل يا جماعه :) شارك هذه المشاركه رابط المشاركه شارك
المقتدية بأخلاق النبي الحبيب 164 أرسلي تقرير عن المشاركة قامت بالمشاركة 8 مايو, 2013 متابعة يا مبدعة شارك هذه المشاركه رابط المشاركه شارك
أمّ عبد الله 2371 أرسلي تقرير عن المشاركة قامت بالمشاركة 8 مايو, 2013 بارك الله فيكِ هبة الحبيبة حلقات ساخنة : ) هذه الفتوى حول حكم كشف المرأة عند الطبيب بشكل عام ، بالتالي أمر الكشف عند متابعة الحمل اخطر طبعا لما فيه من الكشف على العورة المغلظة . http://ar.islamway.net/fatwa/31786 السؤال: هل يجوز الكشف على النساء بواسطة طبيب رجل؟ كيف يكون الحكم في حالة وجود محرم؟ الإجابة: الحمد لله رب العالمين، والصلاة والسلام على أشرف المرسلين، وبعد: فالواجب على المرأة المسلمة ستر عورتها والتزام حيائها، قال الله تعالى: {ولا تبرجن تبرج الجاهلية الأولى}، وقال سبحانه: {ولا يبدين زينتهن إلا لبعولتهن أو آبائهن .. الآية}، كما أن الواجب على الرجل المسلم غضُّ بصره وحفظ نفسه من كل حرام أو شبهة. وعليه فلا يجوز للمرأة المسلمة عرض نفسها للكشف بواسطة الطبيب - ولو في وجود محرمها - مع إمكان ذلك الكشف من الطبيبة الحاذقة التي تؤدي العمل نفسه، ولا يجوز للطبيب المسلم فعل ذلك مع إمكان تحويل المريضة - بغير مشقة شديدة أو خوف تلف نفس - إلى الطبيبة. أما في حال الضرورة فلا بأس؛ استدلالاً بحديث الرُبيِّع بنت معوِّذ بن عفراء رضي الله عنهما قالت: "كنا نغزو مع رسول الله صلى الله عليه وسلم نسقي القوم ونخدمهم ونرد القتلى والجرحى إلى المدينة" (رواه البخاري تحت عنوان: باب هل يداوي الرجل المرأة أو المرأة الرجل)، قال ابن حجر رحمه الله: "تجوز مداواة الأجانب عند الضرورة، وتُقَدّر بقدرها فيما يتعلق بالنظر والجسِّ باليد وغير ذلك". ـــــــــــــــــــــــــــــــــــــــــــــــــــــــــــ 2 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 مايو, 2013 العشا يا ماما اتفضلي تسلمي يا مروة تعباكي معايا يا حبيتي تعباني معاكي في ايه بس . انتي زي ماما بالظبط ربنا يخليكي يا حبيبتي طب استني هقطعلك الفراخ كمان هتقطعيلي الفراخ وأأكلهالك كمان بإيدي عشان ماتتعبيش ايديكي ربنا يكرمك يا ام صهيب ويخليلك ابنك يارب ويخليكي يا ماما . ايه رأيك انيم فتحي وصهيب واجي اسهر معاكي نحكي مع بعض شوية ياريت والله يا مروة , انا امبارح فضلت سهرانة مش جايلي نوم ومالقيتش حاجة تسليني . حتى البلاكونة مش قادرة ادخلها لا يا حبيبتي انا بقى هعمل اتنين نيسكافيه حلوين كدة واجي اسهر معاكي للصبح والله يا مروة انتي طيبة وحنينة . بس الشيطان منه لله هو اللي بيقلب الناس على بعضيها نعوذ بالله منه يا ماما . ها احكيلي بقى عن ذكريات زمان وايام زمان الحلوة . تعرفي والله ياماما كتير كنت بتمنى لو كنت عايشة ايام زمان . ايام ماكانت القلوب صافية والناس بتحب بعض وماكان في زيف وكره بالشكل ده ولا كان في زحمة يا مروة كانت الناس قليلة وكانوا بيسألوا على بعض ويودوا بعض . دلوقتي الكل بيتحجج انه مش فاضي وكل واحد مشغول ببيته ومش فاضي لحد عارفة اول ما اتجوزت ابو فتحي كنا ساكنين في منطقة تانية وشقة كانت صغيرة اوي وحتى ممدوح اتولد فيها هو وغادة بقيت العيال اتولدوا في الشقة دي ههههههههههه قوليلي بقى اتعرفتي ازاي على عم ابو فتحي . اعترفي هههههههههه هههههههههههه يابنتي هو احنا زمانا زي زمانكو . احنا كانت الواحدة ماتتكشفش ع الرجالة ولا تخرج زي ايامكو المطينة دي البنات في الشوارع ويرجعوا نص الليل ومافيش اهل تلم ولا تقول عيب . ماكانش عندنا بنت تتجرأ وتقف في بلكونة حتى اومال اتعرفتي على عمي ازاي احنا كنا جيران وامه صاحبة امي وحبيبتها . واول ماكبرت كدة وبقيت عروسة لقيتهم بيقولولي كبرتي يا مديحة وخلاص هنجوزك لفرغلي فرحت بصراحة مع اني ماشفتوش قبل كدة ماشفتيهوش ازاي قبل كدة اذا كنتي بتقولي كنتو جيران يابنتي كان في حياء مافيش واحدة تقف تتأمل في شاب وتبص في عنيه وتتنهد زي بنات الايام دي احنا كنا لو لمحنا خيال راجل نجري نستخبى .كان ابويا يجيب صحابه ويقعدو في الدور الارضي في المضيفة عشان يبقوا بعيد عن حريم البيت . البيوت يابنتي كان ليها حورمة والبنات كانت جواهر متصانة . دول هما اللي بيعاكسوا الشباب دلوقتي الله يهديهم مش كل البنات ياماما الحمدلله طبعا مش كلهم . الدين والتربية الصالحة بتحفظ البنات يا مروة يابنتي . المهم اتجوزت من غير عفش ولا كلام فاضي يادوب حتة سرير بعمودين ودولاب وكنبة يقعدوا عليها الضيوف ياااااااااااااه معقول واهلك رضيوا يابنتي كانوا الناس بيرضو بأي حاجة مش زي الناس دلوقتي . البنت من دول عايزة فيلا وعايزة عربية وعايزة رصيد في البنك ولا بيدوروا على دين ولا اخلاق ربنا يهدي الجميع يا ماما . اسمع ان كل حاجة زمان كانت رخيصة ايوة . والله يا مروة كانت كل حاجة رخيصة والعيشة فيها بركة . لما بعدنا عن الدين الدنيا اتنزعت منها البركة ربنا يردنا لدينا واسلامنا يارب آمين يابنتي آمين انا مبسوطة اوي يا ماما اني بتكلم وبحكي معاكي وخدتيني لايام زمان الجميلة يا جميلة انتي يجمل دنيتك يا حبيبتي طب اسيبك تنامي بقى دلوقتي .واجيلك الصبح عشان الفطار تصبحي على خير وانتي من اهل الخير يا ام صهيب صلي الفجر قبل ماتنامي يا ام صهيب وانا هصلي ان شاء الله ان شاء الله يا ماما 4 شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 مايو, 2013 وختامه مسك وعنبر ههههه القصة الأخيرة تحفة يا هبة وانا فرحانة بأم فتحي يارب تبقى هكذا دوما وصدق الله تعالى في قوله: "وعسى أن تكرهوا شيئا وهو خير لكم " شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 8 مايو, 2013 ياسلالالالالالالالالام ايه اللي بسمعوا دا من ام فتحي سبحان مغير الاحوال ام فتحي فعلا طيبه بس الناس مبيسبوش حد فحالوا ليله جميله مابين ام فتحي ومروة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 مايو, 2013 منورين يا بنات انتظروني بكرة ان شاء الله مع الحلقات الاخيرة يمكن ام فتحي تقلب تاني ما تطمنوش اوي ههههههههههههههههه نشوف نسمة وفرج وصلوا لحد فين مع بعض وهينفع يكملوا ولا لأ شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 مايو, 2013 لالالالالالا اوعي تغيري المسلسل هو كذه حلو ههههه وحاولي تغيري نسومة هي كمان عشان تبقى مع جوزها =) احنا عايزين نهاية سعيدة زي كل المسلسلات ههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 مايو, 2013 لالالالالالا اوعي تغيري المسلسل هو كذه حلو ههههه وحاولي تغيري نسومة هي كمان عشان تبقى مع جوزها =) احنا عايزين نهاية سعيدة زي كل المسلسلات ههههههه ههههههههههههههههههههههههههههههههههههه ماتيجي تكتبي بدالي احسن ههههههههههههههههههه لازم النهاية تبقى مفاجأة يا ام هالة اعمل ايه في خيالي اللي موديني في داهية هههههههههههههههههههه 1 شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 مايو, 2013 ههههههه كلامك ده بيخوف يا هوبة نعمل ايه نسكت ونشوف أخرتها ايه هههههه انا كنت اظن ان صهيب حيكبر وحيبقى هو البطل ههههههههه شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 8 مايو, 2013 اهئ اهئ اهئ هيا قربت تخلص دي مسلياني فوحدتي بس لسه احداثها مكملتش خلينا نشوف الكتكوت اللي هيتولد من الفروج وبعدين صهيب لسه صغير مكبرش تااااااااااااني هتتغير ام فتحي طب يلا خلينا نشوف يامبدعه ياهوبه شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 8 مايو, 2013 اهئ اهئ اهئ هيا قربت تخلص دي مسلياني فوحدتي بس لسه احداثها مكملتش خلينا نشوف الكتكوت اللي هيتولد من الفروج وبعدين صهيب لسه صغير مكبرش تااااااااااااني هتتغير ام فتحي طب يلا خلينا نشوف يامبدعه ياهوبه شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 8 مايو, 2013 ربنا يستر ^^ شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 8 مايو, 2013 : ) الظاهر البنات عايزين مسلسل بأجزاء تتابع فيه الأجيال بارك الله فيك هبة الغالية ويسر الله لك شارك هذه المشاركه رابط المشاركه شارك
ساجدة للمجيب 6 أرسلي تقرير عن المشاركة قامت بالمشاركة 8 مايو, 2013 السلام عليكم و رحمة الله متابعة القصة ما شاء الله عليك اختي مبدعة كنت اتابع بصمت ما كنت فاضية ارد و اناقش بس الحلقة الاخيرة اثرت فيا كثيــــــــــــــــــــــــــــر لما اتحدثو عن زمان صحيح زمان والدينا و اجدادنا حلو كثير مقارنة بزماننا و الحمد لله كانت فيه حياء و بركة و كانت الناس بتسال عن بعض و تزور بعضها البعض رغم الفقر و الاستعمار (في بعض الدول) و كان الوقت فيه بركة انا دايما اقول زماننا فيه كثيرا من طرق الاتصال (موبايل انترنيت و وسائل النقل و المواصلات كثيرة و متوفرة ) بس احس ان كل هذا لم يزدنا الا بعد عن بعضنا البعض لا ادري ما هو السبب بالضبط و ربما هناك عدة اسباب مجمتعة كذلك بارك الله فيك اختي شارك هذه المشاركه رابط المشاركه شارك
المتضرعة لرب الكون 115 أرسلي تقرير عن المشاركة قامت بالمشاركة 8 مايو, 2013 الفصل دا جميل اعجبني تغير طريقة كلام نسمة مع زوجها وتعامل مروة مع ام فتحي والجلسة لي دار فيها حديث كثير بينهم والتفاهم الي بان عليهم اللهم دومها ساعة بصراحة مش حقدر ادخل المنتدى وملاقيش ام فتحي شارك هذه المشاركه رابط المشاركه شارك
أم عبدالرحمن وجنة 14 أرسلي تقرير عن المشاركة قامت بالمشاركة 9 مايو, 2013 اخييييييييييييرا ربناهدى ام فتحى وصفت لمروة وقعدوا قعدة صفا ونسمة غيرت من طريقة كلامها مع جوزها. اراها نهاية سعيده ان لم تحدث مفاجاة....جوزيت خيرا هبة الحبيبه على ابداعك ولوانى زعلانه ان المسلسل هينتهى بس اكيد هتتحفينا بعمل جديد فيه الفائده ان شاء الله شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 9 مايو, 2013 سؤال دائما ما يخطر في بالي الجدة لو تصرفت مثل أم فتحي، سنتقبل تصرفاتها ونصبر عليها ونحاول التقرب إليها بما يرضاها وكذلك الأم ولو أن الصبر على الأم سيكون أقل لكن عند الحماة لا يوجد صبر رغم أن تصرفاتها هي نفس تصرفات الجدة هل المشكلة هي في المسميات (أم، جدة، حماة) أليس جميعا نفس الشخصية ونفس العقلية والتفكير؟ فلما نتعامل مع الناس على أساس المسميات بدلا من التعامل على أساس الأشخاص؟ أليسوا جميعا كبار في السن والله المستعان 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 مايو, 2013 تررررررررررررررررررن تررررررررررررررررررررررررن الو ايوة يا ماما ازيك يا مروة يا حبيبتي الحمدلله يا ماما بخير ازيك انتي وازي بابا وسارة الحمدلله كلنا بخير . متصلة افرحك خير يا ماما سارة جالها عريس بجد . ماشاء الله . ودا مين بقى اخو رانيا صاحبتها اللي كانت معاها في الكلية وهي وافقت وبابا وافق وافقت وطايرة من الفرحة كمان واتفقنا على الخطوبة الشهر الجاي الحمدلله والله فرحتيني يا ماما . كنت شايلة هم سارة اوي عريسها بيشتغل ايه هو خريج تربية رياضية ومدرب كاراتيه فتحي يا فتحيييييييييي فتحي نعم يا مورا سارة اختي جالها عريس عريس ! ودا مين اللي امه داعية عليه في ساعة غضب ده اخص عليك يا فتحي هي سارة مش كويسة لا . اختك دي بصراحة منتهى قلة الادب وبعدين خسارة باباكي يدفع فلوس عفش وجهاز وهي اساسا مش هتعمر اكتر من تلات تيام وهترجع بورقة طلاقها ليه بس كدة يا فتحي يا حبيبتي مافيش راجل عنده طاقة احتمال للصبر على واحدة زي اختك .ياإما بقى يكون راجل ابن راجل ويعلمها الادب ويكسر شوكتها هو بيشتغل ايه مدرب كاراتيه ههههههههههههههههههههههههههههههههههههههههههه احسن . ربنا كبير . ابقي خليها بقى تقل ادبها عليه عشان نروح نصلي عليها في عمر مكرم تاني يوم هههههههههههه فتحي اعمل حسابك بكرة خطوبة سارة واحنا مالنا يعني ايه واحنا مالنا يعني زي مافهمتي كدة مش هنحضر خطوبتها ايه الكلام اللي بتقوله ده يا فتحي . ازاي ماحضرش خطوبة اختي انتي ناسية اختك وقلة ادبها وطولة لسانها علية . نسيتي يا ست هانم . ولا كرامة جوزك دي مالهاش اعتبار عندك يا حبيبي اللي حصل حصل انسى بقى يا هانم دي حتى مااعتذرتش وكأنها مش غلطانة . ولا على بالها يا فتحي عشان خاطري . بابا وماما هيزعلوا لا مش هيزعلوا . هما عارفين الموقف اللي انا واخده منها استغفر الله العظيم في ايه يا مروة مافيش حاجة يا ماما بتخبي علية ليه يا مروة فتحي متعصب ليه مش عايزنا نحضر فرح سارة بصراحة اختك قليلة الادب والواحد المفروض مايعبرهاش . يا فتحي نعم يا امي خلاص يا حبيبي ماتروحش انت بس خلي مروة تروح زي بعضه دي مهما كان اختها يا امي ماينفعش . المفروض مروة يكون موقفها نفس موقفي يابني دي صلة رحم اوعى تعين مراتك على قطعها ابدا .بس انت ماتروحش وانا اللي بقولك عشان البت دي ماتستاهلش . مش طيبة زي مروة وزمزم يا ماما اختي الصغيرة اسمها هاجر والله مش زمزم يختي بقى بتلخبط اعمل ايه مبروك يا سارة يا حبيبتي الله يبارك فيكي يا ماما مبروك يا سارة يا قمر الله يبارك فيكي يا مورا عقبال صهيب ان شاء الله هههههههههه سارة نعم يا ماما انتي يا حبيبتي كلها تلات شهور وتتجوزي ولازم انصحك انك تعاملي جوزك بما يرضي الله عشان تحافظي على بيتك يا حبيبتي لا بقولك ايه يا ماما انا مش محتاجة نصايح . انا بقى همشي جوزي ع العجين ما يلخبطوش . ويا وله يا سواد ليله لو لخبطه لا حول ولا قوة الا بالله ربنا يهديكي يابنتي 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 مايو, 2013 هاجر جهزتي ولا لسة يا هاجر عايزين ننزل اتأخرنا خلاص أهو يا حبيبي هحط النقاب والبس الجزمة ماقولتليش هنروح فين هشتري شوية هدايا لامي واخواتي وعايزك معايا عشان ذوقك بيعجبني اوي يا حبيبتي ربنا يخليك ليا يا حبيبي ها ايه رأيك في الشنطة دي لمريم لا يا حبيبي دي احلى وأقيم بس دي غالية اوي نشوف حاجة ارخص لا مش خسارة في اختك . دي البنوتة الوحيدة اللي فيكو ولازم تدلعها شوية هههههههههه ايوة يختي مانتي بتعملي لبعيد عشان لما تختاري لنفسك شنطة غالية واقولك لأ تقوليلي اشمعنى جبت لاختك شنطة غالية هههههههههههه ههههههههههههههه اه يا فاهمني انت . فعلا انا كمان هاخد شنطة ايوة يختي بالمرة .وانتي غرمانة حاجة تعيش وتجيب يا احمد يا حبيبي طيب تعالي نجيب عبايتين حلوين كدة لامي وازازتين برفان لابويا واشوف هجيب ايه لاخواتي الله . بص يا احمد . حتة عباية خرافة دي هتليق على ماما اوي اااااااااااااه قلبي . بصي السعر . انت عايزة تخربي بيتي ههههههههههههه خلاص بدل مانجيب عبايتين سعرهم متوسط ناخد دي الغالية الحلوة عشان هتعجب مامتك اوي خلاص يا حبيبتي . شوفي بقى هتجيبي ايه لمامتك واخواتك لا يا حبيبي مافيش داعي مش عايزة اكلفك انتي بتهرجي ولا ايه .دا واجب يا حبيبتي اهلك هما اهلي ربنا يخليك ليا يا احلى واغلى زوج في الدنيا . بحبك يا احمد بحبك اوي بنت . عيب كدة . احنا قدام الناس هههههههههه انا كمان بحبك وبموت فيكي يا احلى واجمل زوجة في الدنيا تررررررررررررررررررررن تررررررررررررررررررررررررررررن الو ايوة يا هاجر يا عيون ماما وحشتيني يا ماما وحشتيني هتيجي امتى يا بنتي هتجنن عليكي نفسي اشوفك احنا حجزنا خلاص ونازلين الاجازة هكون عندك كمان اسبوعين تيجي بالسلامة يا نور عيني شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 مايو, 2013 يا نوسمة عايز ايه يا فرج النهاردة عندنا ضيف هيجي يتغدا معانا ان شاء الله ضيف ! ضيف مين ده . وبعدين احنا مش فاضين احنا عايزين ننزل نشوف الفيلا المعروضة للبيع اللي قولتلي هنروح نشوفها معلش يا نوسمة نروح بعد الغدا ان شاء الله . انا مش هتعبك انا جايب معايا فرختين وهدخل اعملهم على صنية بطاطس بس تعالي ساعديني قشريلي البصل نعم نعم بصل ايه اللي عايزني اقشره . انت عايز ضوافري تتكسر لا بعد الشر على ضوافرك اللي عاملة زي ضوافر امنا الغولة . تررررررررررررررررررن ترررررررررررررررررررررررررررررررن مين مين مين انا ضياء عايز مين يا ولد انت عايز عمو فرج وايه الهدوم القذرة اللي انت لابسها دي . ايه المنظر المؤرف ده . ابقى روحلو المحل امشي امشي ماتجيش هنا تاني يا طنط هو قالي تعالى اتغدا معايا يا ضياء بقولك امشي من هنا واياك اشوفك هنا تاني بلاش قذارة دبببببببببببببببببببببببب مين يا نوسمة ايه الولد القذر اللي انت جايبهولي البيت ده ضياء! يا حبيبي يا ضياء . هو جه ؟ جه وطردته برا . ازاي هدخل الاشكال دي الشقة طردتيه يا شيخة الله ينتقم منك دا عيل يتيم غلبان .كسرتي بخاطره الله يكسر بخاطرك . اما الحقه ع السلم ضيييييييييييييييييييييييييييياء يا ضيااااااااااااااااااااااااااااااااااااااااااااااااااااااااااااء استنى يا حبيبي ماتعيطش معلش تعالى في حضني حقك عليا حقك عليا يابني تعالى اطلع معايا لا مش عايز . انا عايز اروح عند ماما لا يا حبيبي تعالى عشان خاطري انا مستنيك من بدري ومش هتغدا من غيرك طنط هتزعقلي وتطردني لا ماتخافش يا حبيبي ماحدش يقدر يمسك وانت معايا ادخل يا حبيبي اقعد هنا ع السفرا هجيب الغدا واجيلك شكرا يا عمو فرج انا اسفة والله اسفة . انا ماعرفش انه يتيم . بجد والله زعلانة من نفسي اوي فرج يا فرج رد عليا كل يا ضياء كل يا حبيبي ما تتكسفش طيب ممكن أأكلك انا يا ضياء شكرا انت لسة زعلان مني يا ضياء . حقك عليا يا حبيبي انا اسفة . خليني أأكلك بقى عشان خاطري . تعالى هنا جنبي متزعلش وادي بوسة صلح اهيه من طنط نسمة وايدك هبوسها كمان حقك عليا يا حبيبي . ها لسة زعلان الله . ابتسامتك جميلة اوي . انا فرحانة انك بتتغدا معانا . ممكن تيجي كل يوم تتغدا معانا انا بتغدا مع ماما واخواتي الصغيرين تعالي انتي يا طنط اتغدي معانا كل يا ضياء يا حبيبي .هنا بيت عمك فرج ماتتكسفش . اخواتك اتغدوا ولا لسة يا حبيبي ماما عملتلهم الفراخ اللي بعتهالنا وبتقولك ربنا يجعله في ميزان حسناتك يا عمو لو عزت اي حاجة يا حبيبي انت واخواتك تيجي تطلبها مني على طول فرج رايح فين يا فرج مخنوق عايز انزل من البيت مخنوق مني انا عارفة . انا اسفة والله . ضياء غير فيا حاجات كتير صدقني انا حاسة اني اتهزيت من جوايا يافرج يافرج بقولك ايه انا مش راجع البيت انا رايح عند امي والبيت بيتك مش هطلعك منه ولحد كدة وكفاية انا استحملت كبرك وعنادك وبصتك على الناس من فوق كتير اوي وكنت بقول لنفسي معلش يا واد شابة وبتتدلع عليك بكرة لما تبقى ام تتغير وتعقل بس اللي شوفته منك النهاردة حسسني اني غلطت يوم ما اختارتك واننا ماننفعش لبعض انتي انسانة قاسية ومافيش في قلبك رحمة حقوقك كلها هتوصلك ومش هعمل زي ابوكي ماعمل وارميلك ابني لا . ابني هاخده وهيتربى في حضني ومش هطلقك الا بعد ماتولدي فرج ارجوك طيب نتكلم نتفاهم ارجوك شوفتي يا ماما .شوفتي فرج . فرج عايز يطلقني يا ماما . انا حاسة اني في كابوس اهئ اهئ اهئ مش قادرة يا ماما يطلقك ! يا مصيبتي . دا روحه فيكي . ازاي . انتي عملتي ايه يا شيخة خليتي الراجل يكرهك حرام عليكي 9 شارك هذه المشاركه رابط المشاركه شارك
oum meryouma 41 أرسلي تقرير عن المشاركة قامت بالمشاركة 9 مايو, 2013 السلام عليكم ورحمة الله يا ام فتحي الغالية اتركي ابنك يسعد في حياته مع من يحب واتركي سعادته تزداد بالعيش وحده مع رفيقة دربه زوجته الحبيبه :) وابتكسبي ثواب :) شارك هذه المشاركه رابط المشاركه شارك
