اذهبي الى المحتوى

المشاركات التي تم ترشيحها

السلام عليكم ورحمة الله وبركاته

: )

أكبر خطأ أن يخرج الطبيب مريضته قبل أن تفيق من البنج ..

ولكن الحق أنني زعلت من مروة ...

ما فعلته في البنج دليل على أنها تضمر لحماتها وبناتها وأيضا لزوجها مشاعر غير طيبة _ حتى ولو كان معها حق

وكان الأفضل أن تفصح عن هذه المشاعر ولو بشكل عتاب بسيط أو حتى بالممازحة حتى لا يحصل ما حصل

شارك هذه المشاركه


رابط المشاركه
شارك

@@ساجدة للرحمن

وعليكم السلام ورحمة الله وبركاته

مشرفتى طب انا حصل معايه مواقف ضايقتنى وبكتم فى نفسى وخلاص

لان مينفعش اكلم اللى اتضايقت منه او كده

خايفه بقى لو كنت فى بنج اعمل زى مروه هتبقى فضيحه جامده هههههههه

شارك هذه المشاركه


رابط المشاركه
شارك

متهيألى هى مش حامل والله أعلم

بس اللى فى الموضوع كانت كاتبه اسامى وقالت من بينهم حوامل يعنى مش كلهم :)

  • معجبة 1

شارك هذه المشاركه


رابط المشاركه
شارك

موقف البنج ده

حصل بردو مع واحده لما كنت في المستشفي

كانت بتولد وطلعت كلللل ايلي جواها عن حماتها وزوجها

وحماتها كمان كانت بتسجلها:))

أما أنا الحمد لله كنت بفوق علي طول مخرفتش:)

  • معجبة 1

شارك هذه المشاركه


رابط المشاركه
شارك

كدة يا هوبه أغيب كدا يوم تنزلي كل دة بس الحلقات تحفه زيك يا عسل،

نسمه مادام أنها قبلت بفرج لازم تتقلم معاه وتقبله كجزوج ما حد ضربها على يدها وقال لها اتزوجيه غصب بعدين الراجل صراحه باين عليه طيب صحيح مش متعلم بس يمكن هي تغيره لو استعملت عقلها بدل ما هي خجلانه ايش الناس رح تقول. وكمان ما عجبني كيف أغاتبت مراتات أبوه حرام ولازم كمان أمه تفهمهها أنه ما يصحش تاخذ حبوب منع الحمل.

 

ما شاء الله على أم مروه عجبني كتير كيف حكت مع هاجر وفهمتها بعدين هي هاجر ايش دخلها إذ أرسل إلى أهله فلوس مش حلو الافتراء سبحان الله ربني يهدي الجميع. بس نعم الأم أم مروه ربنا يكملها على عقلها وتمنى كل أم تكون زيها تنصح بنتها كدا بدال ما تزودها حريقه

 

مبروك لخلفة مروة وعقبال ما تولد انتي كمان بسلامه إن شاء الله ^_^ aمع أني ما كنت بعرف أنك حامل وأكنت أدعيلك قريب أن ربي يرزقك بذريه الصالحه شايفه قد ايش أحبك ^_^ . أسم فرغلي مضحك فرطت ضحك لما قرات الأسم ، بس ايش غير أم فتحي على بالي اتغيرت وأحسنت معاملتها مع مروه بس حليمه رجعت لعادتها القديمه.

 

ههههههههههههههههههههههههههههه

 

كدة برضو

 

بقى تعرفي اني حامل وماتقوليليش عشان افرح ههههههههههههههه

 

لا مش حامل

 

استمري في الدعاء بقى هتعبك معايا شوية يا بنوتة هههههههههههههه

 

ربنا يكرمك يا حبيبتي

شارك هذه المشاركه


رابط المشاركه
شارك

كدة يا هوبه أغيب كدا يوم تنزلي كل دة بس الحلقات تحفه زيك يا عسل،

نسمه مادام أنها قبلت بفرج لازم تتقلم معاه وتقبله كجزوج ما حد ضربها على يدها وقال لها اتزوجيه غصب بعدين الراجل صراحه باين عليه طيب صحيح مش متعلم بس يمكن هي تغيره لو استعملت عقلها بدل ما هي خجلانه ايش الناس رح تقول. وكمان ما عجبني كيف أغاتبت مراتات أبوه حرام ولازم كمان أمه تفهمهها أنه ما يصحش تاخذ حبوب منع الحمل.

 

ما شاء الله على أم مروه عجبني كتير كيف حكت مع هاجر وفهمتها بعدين هي هاجر ايش دخلها إذ أرسل إلى أهله فلوس مش حلو الافتراء سبحان الله ربني يهدي الجميع. بس نعم الأم أم مروه ربنا يكملها على عقلها وتمنى كل أم تكون زيها تنصح بنتها كدا بدال ما تزودها حريقه

 

مبروك لخلفة مروة وعقبال ما تولد انتي كمان بسلامه إن شاء الله ^_^ aمع أني ما كنت بعرف أنك حامل وأكنت أدعيلك قريب أن ربي يرزقك بذريه الصالحه شايفه قد ايش أحبك ^_^ . أسم فرغلي مضحك فرطت ضحك لما قرات الأسم ، بس ايش غير أم فتحي على بالي اتغيرت وأحسنت معاملتها مع مروه بس حليمه رجعت لعادتها القديمه.

:D :D

يعني هوبتي حامل وانا مش عارفة؟

مبروك يا هوبي <3

وأنا غضبانة لأنك مخبرتينيش -_-

 

 

ظلمتيني يا ام ابراهيم اهئ اهئ اهئ

 

انا اتفاجأت بالخبر زيك كدة هههههههههههههههههههههههه

 

على العموم بشرى خير ليا وليكي ان شاء الله

شارك هذه المشاركه


رابط المشاركه
شارك

مبروك يا مروة حمدالله ع السلامة

 

الله يسلمك يا ايناس

 

ومالك بتقوليها من غير نفس كدة

 

يعني متهيألي انتي شيفاني قايمة من ولادة ولسة تعبانة

 

تعبانة من ايه يا حبيبتي . دانتي حتى والدة طبيعي . اومال لو بتولدي قيصري زيي كنتي عملتي ايه

 

الله اكبر في عنتينك المدورين دول يا ايناس . اعوذ بالله

 

وانا هحسدك على ايه يا حبيبتي . ناقصة عيال ولا ناقصة عيال . معايا الصبيان ومعايا البنات . هحسدك على حتة برص جايباه

 

بقولك ايه يا ايناس

 

نعم يا مروة

 

اشربي كوباية الموغات بتاعتك واتوكلي على الله عشان عايزة ارضع الولد ومابحبش ارضعه قدام حد

 

وعلى ايه يا حبيبتي . سيبالك كوباية الموغات اهي عندك اشبعي بيها

 

المركب اللي تودي . ال مركب الضراير سارت ومركب السلايف غارت

 

تعالى صهيب حبيب ماما عشان ارضعك . الست الوحشة مشيت خلاص يا حبيبي

شارك هذه المشاركه


رابط المشاركه
شارك

وبعدين في مراتك دي يا فرج اللي عمالين نعلف فيها من غير ما ترمي انتاج

 

ياما كله بأوانه ياما الصبر حلو

 

انا بصراحة ما عجبنيش حالها واديتلها كلمتين في جنابها

 

ايه ياما . مالك ومال نوسمة ياما . خفي عليها شوية دي مش حملك

 

وانت مالك زعلان اوي كدة

 

ياما دي مراتي ياما . ولما تزعليها تبقي بتزعليني

 

طيب يا ابو قلب حنين . اما اشوف هنصبر عليها لإمتى

 

الصابرين بخير ياما . بالإذن . عايزة حاجة

 

عايزاك طيب يا حبيبي . بالسلامة

 

 

 

 

 

 

 

 

 

صباخ الخير يا معلم فرج

 

صباح النور اهلا يا مودام فاتن .طلباتك ؟

 

عايزة فرختين حلوين كدة الفرخة ما تقلش عن كيلو ونص

 

شوف طلبات المودام يا مرزوق ونضفلها الفراخ كويس

 

بصراحة يا معلم مابحبش اخد فراخ غير من عندك . كفاية امانتك في الميزان

 

حد الله بينا وبين الحرام يا مودام

 

ربنا يكرمك ويخلف عليك بالحلال دايما يا معلم . دانا كنت بجيب فراخ من عند واحد تاني كان دايما يغشني وينقص في الميزان . اصل انا عندي ميزان في البيت

 

وبصراحة بطلت اجيب من عنده . وواحدة جارتي قالتلي اجي اخد من عندك وشكرتلي فيك اوي

 

الله يخليكي ويخليها يا مودام . خلصت طلبات المودام يا مرزوق

 

قربت اخلص يا معلمي

 

بصراحة مرزوق ماشاء الله عليه بينضف الفراخ ويغسلها وبيديهاني زي الفل . انا من نضافة الفراخ ببقى عايزة اخدها من ايده احطها في الحلة على طول

 

لا دي تبقى نتانة منك عدم الامؤاخذة . لازم تغسليها تاني بالملح والخل

 

ماانا بعمل كدة

 

اتفضلي يا مودام الفراخ اهيه

 

 

 

 

 

 

 

 

واد يا مرزوق

 

روح يابني جيبلي علبة كشري ولا اي حاجة اكلها

 

ليه يا معلمي . هو مافيش اكل في بيتكو

 

لا ازاي . المودام عليها طبق سلامون ماحصلش ولا هيحصل وبتسلق بيض ما شوفتوش على حد . بس النفس طماعة بعيد عنك

 

يا عيني عليك يا معلمي . طب ماتروح تتغدا عند الحاجة والدتك

 

ما انا لو روحت عند امي وقولتليها اكليني عندك هتقولي يبقى مراتك خايبة ومابتعرفش تطبخ . وانا مابحبش حد يغلط في مراتي ولا يعرف عيوبها

 

طب خلاص يا معلم تعالى كل معانا . امي طابخة شوية بامية يستاهلوا بقك

 

بامية ! ولا زمان يا بامية . ابقي سلملي عليها

 

امي ؟

 

لأ البامية

 

 

 

 

 

 

 

 

مساء الخير يا جوز بنتي

 

اهلا اهلا يا مرحب بالغالية أم الغالية . ازيك يا حوماتي

 

ازيك يا فرج يابني وازي نسمة

 

نوسمة زي الفل الحمدلله . كرسي لحوماتي يا واد يا مرزوق

 

اتفضلي يا مودام

 

شكرا يا مرزوق

 

تشربي شاي ولا شيشة يا حوماتي

 

لا يا حبيبي لا ده ولا ده كتر خيرك

 

بصراحة يابني انا كنت جايالك في طلب كدة ومكسوفة . ومش عارفة ابتدي ازاي

 

انتي تؤمري يا حوماتي . انا زي ابنك ومافيش بينا كسوف احنا اهل

 

والله يابني انت بتحرجني بذوقك . اصل بصراحة كنت عايزة منك مبلغ صغير كدة كنت محتاجاه . يادي الكسوف

 

تحت امرك يا حوماتي عايزة كام

 

خمسوميت جنيه بس وهرجعهوملك لما ربنا يفرجها

 

ترجعي ايه بس يا حوماتي . والله ماهم راجعين . وبعدين انتي ماكنتيش تتعبي رجليكي وتيجي . كنتي عدم الامؤاخذة رنيتي علية وانا اجيبهوملك لحد عندك

 

يا حبيبي يابني . ربنا يباركلي فيك ويوسع عليك يارب

 

الحمدلله خير ربنا كتير يا حوماتي الف حمد والف شكر . اتفضلي يا حوماتي ولو عايزة اكتر قولي

 

ربنا يزيدك يابني كتر خيرك . كدة كويس اوي . طب سلملي على نسمة

 

بقولك ايه يا حوماتي

 

نعم ياخويا

 

اصل يعني عدم الامؤاخذة كنت عايز اقولك كلمتين ولساني مش قادر ينطقهم

 

قول يا حبيبي . هي نسمة مزعلاك في حاجة

 

يعني عايزك توصيها علية شوية . اصلها يعني بتديني حقوقي الشرعية بالعافية وانا بصراحة ماكنتش عايز اقولك بس الكيل فاض

 

معقول ! هي بتمنع نفسها عنك ولا ايه

 

لا يعني هي مرة توافق وعشرين لأ . وانا بصراحة بيصعب عليا منها

 

اخص عليها . والله ما هسكتلها . انا همشي من عندك واروحلها على طول

 

لا يا حوماتي بالراحة عليها دي مهما كان نوسمة برضو

شارك هذه المشاركه


رابط المشاركه
شارك

حبيبتي هوبه ربنا يرزقك بالذريه الصالحة ويرزقك ياهدى

 

 

وكل المحرومات من الذريه

 

 

اللهم امين

 

 

 

نوسمه دي انا بجد بديت اتضايق من معاملتها هي اللي رضيت بالاول يبقى مينفعش تعامل جوزها بالطريقه دي

شارك هذه المشاركه


رابط المشاركه
شارك

بصراحه الحاج فرج ده طيب اوى بس نسمه مش عارفه تحتويه

 

بصراحه هو كويس

شارك هذه المشاركه


رابط المشاركه
شارك

فرج قلبه طيب جدا جدا..

الله يهديكِ يا نوسمة وتخلي الراجل يفرح بعياله

شارك هذه المشاركه


رابط المشاركه
شارك

قفشتك يا نوسمة . ايه البورشام اللي بتبلبعيه ده كل يوم

 

دددددا دا دا . اصل انا عندي صداع

 

صوداع . كل يوم صوداع

 

طب هعمل ايه بيجيني صداع كتير

 

اعترفي يا نوسمة البورشام ده بتاع ايه ولا اقولك انا

 

هو انت . انت . انت عارف

 

ايوة طبعا عارف ومراقبك من زمان ومارضيتش ابلغ عنك

 

تبلغ عني !!!!!!!! تبلغ عني ليه ان شاء الله

 

عشان مودمنة عدم الامؤاخذة وكل يوم اقول ياواد بكرة تبطل الاودمان بلاش تحرجها . بس خلاص كان لازم اعرفك ان انا عارف عشان اوديكي

 

المصحة بتاعة المهافيف يظبطولك مخك اللي فوت

 

 

يا اخي ادمان ايه وكلام فاضي ايه قولتلك برشام صداع

 

يا هيبتك اللي ضاعت وسط المعلمين يا فرج . بقى نوسمة حرمنا المصون بتضرب بورشام وبتعمل دماغ

 

بقولك ايه يا فرج انا مش طايقة اشوف وشك اصلا وماتغيرش الموضوع . انت ازاي تروح تشتكيني لماما

 

اعملك ايه يا نسوم . عمايلك لا تسر عدو ولا حبيب . اشتكي لمين غير لامك . اهي ستر وغطا عليكي ومش هتطلع الكلام برا

 

يا اخي الحاجات دي تبع الحالة النفسية وانا حالتي النفسية من يوم ما اتجوزتك طين في طين اعملك ايه

 

لي بس كدة يا نسوم . انا قصرت معاكي في ايه .دانا لو علية اجيب نجمة من السما واحطها بين ايديكي . وفرحتي هتكمل لما يبقالي حتة عيل منك يقولي يابا

 

ياربي ياربي . اهو عشان انت عايزه يقولك يابا مش هجيبهولك . ايه رأيك بقى

 

ربنا اللي بيجيب مش العبد

 

مش عاجبك ابقى روح هاته من واحدة تانية

 

لا انا مش عايز عيال الامنك انتي وعندي امل ومش هقطعه

 

خليك عايش في الوهم بقى

 

قصدك ايه يا نسوم

 

قصدي ان انا مش هخلف طول ماانا قاعدة في المنطقة دي . انا كرهتها . مش معقول هتولد واعيش واموت فيها . دا عذاب

 

مالها بس المنتكة . اهلنا وحبايبنا حوالين مننا وتجارتنا وحالنا ومالنا فيها وزباينا الحلوين منها

 

بقولك ايه يا فرج . تعالى نبيع العمارة دي ونشتري فيلا شيك كدة في منطقة هاي كلاس

 

ايه يا نسوم هو الصوداع جامد اوي كدة عدم الامؤاخذة . نبيع ايه ونشتري ايه يا بنت الناس

 

يا فرج . يافرج انت عندك فلوس كتير وممكن تغير نشاطك ممكن نغير حياتنا كلها . لكن ما ينفعش نكمل بالطريقة دي

 

نشاط ايه . طب ماانا طول عمري نشيط وبصحى من بدري اعمل ايه تاني

 

تغير نشاط شغلك يعني تبطل شغلانة الفراخ والطيور دي

 

واتاجر في ايه عدم الامؤاخذة . انا مابفهمش غير في الشغلانة دي

 

ممكن تصفي شغلك هنا كله ونبيبع العمارة ونشتري فيلا وتعمل ريستورانت شيك كدة في منطقة راقية ونبقى حاجة تانية

 

تبقى فرج بيه وانا نسمة هانم . مش المعلم فرج وحرمه المصون اللي هتشلني بيها دي

 

انا مش موافق ع الكلام ده ومش داخل دماغي من الاخر . انا ايه يخليني اسيب شغلي وطيوري اللي بحبهم واروح افتح صالون حلاقة

 

 

صالون حلاقة ايه بس يابني ادم . ريستورانت يعني مطعم

 

ايوة ايوة . مطعم فول وطعمية يعني . طب ماتقولي كدة يا نسوم

 

لااااااااااااااااااااااااااااااااااااااااااااااا انت بجد صعب التفاهم معاك . انا عايزة انام

 

تنامي ! نوم العوافي يختي . انا نازل أأكل الطيور يا احلى من شوربة لسان العصفور . ال ابيع طيوري ال . جايلكو يا حبايبي

شارك هذه المشاركه


رابط المشاركه
شارك

ترررررررررررررررررررن ترررررررررررررررررررررررررررررن

 

 

مين

 

منال صاحبة مروة

 

وبعدين بقى في المقاطيع اللي بيتحدفوا علينا كل شوية دول . افندم

 

السلام عليكم

 

وعليكم السلام

 

حضرتك حماة مروة

 

مع الالم والأسف والشكوى لله ايوة . انتي مين

 

انا منال صاحبتها

 

انتي مش كنتي هنا امبارح

 

انا ! لا والله انا اول مرة ازورها في بيتها

 

بيتها دا ايه يختي . هي ورثتني بالحياة ولا ايه . البيت ده بيتي وهي ضيفة عندي

 

طيب طيب حضرتك زعلانة ليه . ممكن اشوف مروة

 

أهي عندك متلئحة في اوضتها

 

طيب هي فين اوضتها

 

يادي الغولب . كل اللي يجي يقولي فين اوضتها . يعني اعمل سهم احمر واكتب تحتيه الى اوضة مروة ولا اعلق يفطة على باب الاوضة واكتب عليها مرحب بالزوار

 

معلش يا طنط انا اسفة ممكن تشاوريلي ع الاوضة

 

شايفة يا حبيبتي البرواز الكبير اللي هناك

 

ايوة يا طنط

 

اول ماتوصليله اكسري شمال . اول اوضة تقابلك ع الناصية . بس بصي يمين وشمال وانتي بتعدي الشارع

 

شكرا يا طنط

 

ربنا يتوب علينا من اشكالكو . الواحد رجله وجعته من فتح الباب كل شوية . ايه الناس اللي جايين يباركولها دول كلهم . زي مايكون ماحدش ولد زيها قبل كدة . اااااااااه يارجلي ياني

 

 

 

 

تن تن تن

 

مين

 

انا منال يا مروة

 

لا مش ممكن منووووووووووووووولة ادخلي يا حبيبتي

 

 

السلام عليكم

 

وعليكم السلام منولة حبيبتي ازيك وحشتيني

 

والله وحشتيني اكتر يا مروة ازيك حمدالله ع السلامة

 

اموووووووووووووووووووووووووووه امووووووووووووووووووووووووووووه

 

الله يسلمك يا حبيبتي . عقبال ما افرح بيكي وانتي متجوزة ومتهنية في بيتك ومعاكي البيبي بتاعك

 

يارب يا مروة يارب . يابنتي ادعيلي بضمير شوية ههههههههههههه

 

هههههههههههه والله بدعيلك انتي وسارة اختي دايما

 

فين الاستاذ صهيب

 

دانتي عرفتي اسمه كمان ههههههههه

 

اومال يابنتي . انا سألت مامتك وقالتلي واستأذنت من ماما وقولتيلها هروح ابارك لمروة واجي على طول . فين استاذ صهيب

 

نايم في سريره المجرم بعد ماسهرني طول الليل

 

تعيشي وتسهري يا ماما مروة هههههههههه بس حماتك دي صعبة اوي . كانت هتضربني هههههههههه

 

اومال انا اعمل ايه في الارف الي عايشة فيه

 

ايه ده . هي حماتك مطلعة عنيكي ولا ايه

 

اه والله يا شيخة كانت غلطة عمري اني وافقت اسكن معاها

 

بس يامروة انا عندي بنت خالتي وعايشة مع حماتها كويسين خالص

 

مش كل الناس زي بعضها . الحموات دي حظوظ . ربنا مايكتب عليكي حماة زي حماتي ولا اخواته البنات واللي كل مايجوا مافيش واحدة تتحرك من مكانها وانا اللي اقف اخدمهم

 

والله يا منولة كنت حامل وتعبانة وبرضو بخدمهم وهما عاملين هوانم

 

معلش يامروة يبقى انتي اللي غلطانة

 

غلطانة في ايه

 

يا حبيبتي المفروض من الاول كنتي وقفتي كل واحد عند حده . مش تبقي ضعيفة ومستسلمة بالشكل ده

 

خلاص بقى يا منولة أهو عرفوا اني ضعيفة وغلبانة ومقدور علية

 

جتك خيبة . عرفوا دا ايه . غيري طبعك . وريهم الوش التاني وعرفيهم حدودهم . تعالي شوفي نسرين اختي واللي عملاه في حماتها واخوات جوزها .دول بيخافوا منها اوي

 

اززززززززززززاي فهميني

 

اسمعي ياستي

شارك هذه المشاركه


رابط المشاركه
شارك

ياعينى فرج ده طلع طيب اوووووووووى

بصراحة راجل محترم جداااااااا

هوه صحيح مستواه التعليمى مش قد كده بس هى وافقت على كده

وبعدين قولى لنسمة تتلم شويه اللى بتعمله غلط كبيييييييير

 

 

 

 

على فكرة انا زعلانه من مروة اسلوبها فى الكلام مع ايناس مش كويس

المفروض يكون احسن من كده

كملى يامبدعة

شارك هذه المشاركه


رابط المشاركه
شارك

جزاك الله خيرا سارة ممكن تعدليها لي انت عشان انا منفعش معايا

فرج دا ابن حلال وطيب بس نسمة مش عرفة تتعامل معاها لو عيزة تغيرو تصبر شوية وتوضحلو مش تتركو زي الاطرش في الزفة

اما مروة فغلطت كثيرا في التعامل مع ايناس حتى لو كانت سيئة عليها التعامل معها بلطف كي لا تزيد العداوة والكره الدي يولد الحقد

شارك هذه المشاركه


رابط المشاركه
شارك

مروة أخلاقها مش عاجباني الأيام دول ك5

يعني أولًا طريقة كلامها مع إيناس،

ثانيًا شكواها من حماتها وأخوات زوجها للرايح والجاي!!

أم فتحي طيبة القلب فقط عليها أن تكسب قلبها، في بداية الزواج كانت معاملتها لها أفضل!

والآنسة نوسمة لا تعليق، فقط فرج ممكن يتزوج المرأة اللي جاته عالمحل أمال طلعت في المشهد ليه؟ ت1

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

أتفق مع الأخوات ..

أسلوب مرة في الحديث أصبح سيئا جدا

وأشعر أنها تقترب وبدون أن تشعر من اسلوب أم فتحي وإيناس ...

المثل القائل " من عاشر قوم 40 يوم اصبح مثلهم " وهي عاشرتهم أكثر من سنة

..

وأيضا الشكوى من الزوج والحماة لصديقاتها أمر غير مقبول

وأخشى ما أخشاه أن تستمع لنصيحة من هنا أو هناك فتضرها ولا تنفعها

شارك هذه المشاركه


رابط المشاركه
شارك
جزاك الله خيرا سارة ممكن تعدليها لي انت عشان انا منفعش معايا

امين واياك ^^

انا مش هينفع

المشرفه هى اللى تعمله إن شاء الله

شارك هذه المشاركه


رابط المشاركه
شارك

وانا كمااااااااااااااااااااااااااااااااااااااااااااااااااااااااااااااان

شارك هذه المشاركه


رابط المشاركه
شارك

السلام عليكم ورحمة الله وبركاته

جزاك الله خيرا يا غالية

واللهم بارك على ابداعك

انا من المتابعات لك بصمت , ولا تفوتني حلقاتك الشيقة

 

لي تعليق عن الحلقة الاخيرة و هو عن تصرف ابغضه جدا و هو اخراج عيوب اهل البيت و ما يدور فيه من مشاكل , وراي من راي الاخوات

وليس من الحكمة ما فعلته مروة

 

فان كانت تصبر وتتحمل فلا تاتي في المقابل وتتكلم من وراء ظهورهن ..

وان كانت تريد نصحا او تروح عن نفسها بالفضفضة فمن الافضل ان يكون لامها فقط لا غير

 

سبحان الله لا احب ذلك التصرف ولا اقبله وابغض صاحبه ايضا

 

واخشى ان اكره مروة بسبب ذاك التصرف

شارك هذه المشاركه


رابط المشاركه
شارك

حياتي يا هوبه أنا أدع لك من غير ما تطلبي حبيبتي ، ربي يرزقك بذريه الصالحه أنتي و جميع المسلمات إن شاء الله ، وسامحني عن جد كنت مفكره هيك لما قرات عندي ديسلكسيا ^___^

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×