اذهبي الى المحتوى

المشاركات التي تم ترشيحها

لاااااااااااااااااااااااااااااااااااااااااااااااااااااااااااااااااااااااااااااااااااااااا تعليق غير

 

الاحداث بتطور بشكل سريع ومعظمها بيقطع القلب :( :!

 

يا ترى المعلم فروجي ^_^ ولا بلاااااااش ما هو باين من اولها -_-

 

نجوى ازيك يا نوجا

 

قوليلي يا اختي ايه الموقف اللي قولتي عليه قبل كدة خلاكي بكيتي

 

عشان اروح احذفه

 

الناس مش ناقصة نكد ههههههههههههه

 

منوراني يا نوجا

 

ربنا ينجحك ان شاء الله في امتحاناتك آمين

شارك هذه المشاركه


رابط المشاركه
شارك

لاااااااااااااااااااااااااااااااااااااااااااااااااااااااااااااااااااااااااااااااااااااااا تعليق غير

 

الاحداث بتطور بشكل سريع ومعظمها بيقطع القلب :( :!

 

يا ترى المعلم فروجي ^_^ ولا بلاااااااش ما هو باين من اولها -_-

 

نجوى ازيك يا نوجا

 

قوليلي يا اختي ايه الموقف اللي قولتي عليه قبل كدة خلاكي بكيتي

 

عشان اروح احذفه

 

الناس مش ناقصة نكد ههههههههههههه

 

منوراني يا نوجا

 

ربنا ينجحك ان شاء الله في امتحاناتك آمين

شارك هذه المشاركه


رابط المشاركه
شارك

هههههههههههههههههههههههه

 

نسمة دي تستاهل والله لأنها مش بتتعلم من أخطاء أمها

عموما خدي يا حبيبتي أسماء بنات اخواتي

آية، منة، حنين، جنا

بس خلي بالك أكبر واحدة فيهم عندها 4 سنين شوفي بقى هتستفيدي ازاي منهم

شارك هذه المشاركه


رابط المشاركه
شارك

 

أنا غير متفقة معك على ان لا ننادي حماتنا بأمي

 

فهي من باب المودة والاحترام ومهما فعلت تبقى في مكانة الأم حتى وإن لم تكن تستاهل

 

اهلا حبيبتى حواء

 

عند ذكرك انها فى مكانه الام ........ لا اعتقد .....فمن باب اولى هى فى نظرها انتى ابنتها

وساضرب مثال صغير ......لو فرضا قدر الله ان حدث حادث لعائلة ما والوقت ينفذ ومطلوب من ام الابن ان تحدد من تختار لتنقذه "من تعتقدين انها ستختار ....ستختار ابنها ...مهما كانت تحب زوجته ....ومهما تعاملت معها بالحب والمودة .....ومهما تفانت فى خدمتها

ولن تنقذ حتى احفادها ....فقط ستنقذ ابنها مادامت هناك فرصه واحدة

 

 

 

 

فأنا انادي حماتي ماما حفيظة عادي بالعكس فأنت لا تعرفين ان لهذه الكلمة تغيير إيجابي على الحماة

 

انتى حرة حبيبتى فى منادتك لحماتك بما تحبين .......ولكن اى كلمه او اى لقب فيه من الاحترام والمودة لاام الزوج ....سيكون له تأثير ايجابى عليها

 

 

واقول لك شيئا هناك أمهات والله الحموات أحسن منهن في طيبتهن وأنا أعرف بعضهن

 

مهما كانت قسوة الام ...فهى تبقى ام ......مهما فعلت

ولا تنسى حبيبتى ان لكل قاعدة شواذ .....ولكن ليس الاصل ان نبنى افكارنا على هؤلاء القلة ...وانما الاكثرية

وانا اعتقد ان الاكثريه من الامهات ...تتفانى فى خدمه اولادها ....وتتضحى بنفسها وشبابها ......وتتضحى بكل ما هو ثمين فى سبيل اسعادهم

 

حبيبتى حواء ....لا تعتقدى اننى ضدد امهات الازواج ...فانا انادى حماتى .....بطنط فلانه......وادللها ...واضحك معها .......بل ونتخابث معا ضد ابنها وزوجها ...........ولا تستطيع ان تخرج نهائى بدونى .........وهى تعلم اننى احبها ......وانا اعلم انها تحبنى ......وانا اخدمهم بعيونى هى وزوجها ......ولكنى مهما فعلت ....فانا ابقى زوجه الابن يا عزيزتى ....وتبقى هى ام زوجى الفاضلة

 

^_____^ احببت فقط ان اادافع عن وجهه نظرى ...لليس الا حبيبتى ....وكل واحدة لها الحق فى ان تعتقد ما تشاء ويكون لها وجهه نظر مخالفه .....فهذا لا يعيبنا........فهى مهما اكنت امور دنيوية

 

جزاك الله خيرا يا غاليتى

^_____^

تم تعديل بواسطة اتمنى رضاه

شارك هذه المشاركه


رابط المشاركه
شارك

الأحداث تطورت بشكل رهيب..

 

اما أم فتحي اللي صارت زي العسل.. ياريت تبقى هكذا على طول : )

 

أما فرج دا.. فدا حكاية لوحده

الله يعينك يا نوسمة قطعتي قلبي :/.. بس دا جزاءك يا بنتي لأنك كل مرة عايزة تقهري مروة ولكن هي لكِ بالمرصاد.. اللهم بارك!

 

هوبة اكتبي لنا حلقة أخرى اليوم لأني مشتوقة لأعرف ما الذي سيحصل مع الحرم المصون..

 

تعليقات الأخوات وإضافاتهن رائعة.. فجزاهن الله خيرا

بارك الله فيكِ وجزاكِ الله خيرا يا هبة وزادكِ الله من فضله.

شارك هذه المشاركه


رابط المشاركه
شارك

هههههههههههههههههههههههههههههههههههههههههه

مش مصدقه الي ام فتحي عملته والمقابله

ربنا يستر وما تقلب تاني

بس اكيد هتقلب

 

 

معلش يا نسمه يا حبيبتي استحملي يا اختي

شارك هذه المشاركه


رابط المشاركه
شارك

 

 

زينب

منورة يا زوزو عقبال فرحك بس يبقى على عريس استايل ههههههههههه

 

 

 

نورك يا جميل

ان شاء الله

هههههههههههههه لأ ملتزم ان شاء الله ههههههههههههه

شارك هذه المشاركه


رابط المشاركه
شارك

كااااااااااااااااااااااك

 

بق بق بق كااااااااااااااااااااااااااااااااااااك

 

كاااااااااااااااااااااااااااااااااااااااااااااااك

 

 

ايه ده . ايه الفراخ اللي مالية اوضة النوم دي

 

انت يا فرج يا فرررررررررررررررررررررررررررررررررج انت يا بني ادم

 

انتي صحيتي . صباحية مباركة يا مودام

 

الله لايبارك فيك يا شيخ . ايه الفراخ اللي مالية اوضة النوم دي

 

جاين يباركلولك يا حرمنا المصون

 

طلعهم برا بررررررررررررررررررررررا

 

لا اصل انتي مش فاهمة دول جايين يبيضوا وينزلوا شقتهم ما تخافيش

 

يعني ايه

 

جاهلة يا عالم جاهلة هنقول ايه . الفراخ يا مودام لما تتعود تبيض في مكان لازم تبيض فيه كل يوم ربنا ما يقطعلهم عادة ولا يحرمنا من بيضهم

 

يا سلالالالالالالالالالالالالالالام ! ودول هيبيضوا فين

 

تحت السرير

 

يعني كل يوم يطلعلوا يبيضوا في اوضة نومي

 

شوفي السعد اللي اتكتبلك

 

طلع الفراخ دي من هنا لحسن والله اسمهوملك . انا مجنونة واعملها

 

اعوذ بالله . حد يكره الخير يا نوسمة

 

يا بني ادم السجاد اتبهدل حرام عليك مشيهم مشيهم

 

طب استني نص ساعة هيبيضوا ويمشوا وبكرة ابقى اتصرف معاهم . انا نازل وانتي ابقي لمي البيض . اياك بيضة تتكسر . هيطير فيها رقاب والدم هيبقى للركب

 

انت بتهددني

 

مش انا والله . بس الفراخ دي شرانية وبيضهم غالي عليهم وهما اللي هيبهدلوكي ويبهدلولك عفشك

 

 

 

 

 

 

 

 

يا فرج

 

نعمين

 

هموت من الريحة

 

ريحة ايه

 

ريحة فراخك وبطك ومعيزك . مش طايقة حراااااااااااااااااااااام

 

بكرة تتعودي عليها وتدمنيها

 

والله حرام عليك حد يسكن وسط الفراخ والبط والارانب برضو

 

دول احلى جيران . ولا تلاقي فرخة قليلة ادب ولا بطة تطول لسانها عليكي . هما في حالهم وانتي في حالك

 

 

 

 

 

 

 

 

 

 

تررررررررررررررررررررررررررن تررررررررررررررررررررررررررن

 

مين

 

انا امك يا فرج ومعايا اخواتك

 

امي جت افرحي

 

يوووووووووووووووووووووووه

  • معجبة 3

شارك هذه المشاركه


رابط المشاركه
شارك

ترررررررررررررررررررررررن تررررررررررررررررررررررررررن

 

الو ايوة يا مروة

 

فتحي تعالى شوفلك صرفة في مامتك واخواتك تعالى بسرعة ارجوك

 

اسلوب مروة سىء جدا فى الكلام عن ام زوجها .....فهى لا تعلم ان الزوج يسجل هذا فى ذهنه وعند اول محاولة فى اظهار غضبها من امه ....ٍينقلب عليها هو ....ان كان الزوج بار بامه ولا يرضى لها المهانه

 

يا مروة اجي فين . انا عندي شغل كتير ما ينفعش اسيبه واجي

 

طبيعى جدا ان اى زوج مش ممكن هيسيب شغله لمجرد خناقة او تهاوش بين اطراف من عائلته وزوجته ....دائما يحب الزوج ان يأتى فى الاخر ...لان من طبيعه الرجال انهم لا يحبون التفاصيل ....فقط المختصر المفيد

 

يا فتحي اهلك مبهديلني اخر بهدلة . انا مش قادرة استحمل ارجوك تعالى بأي شكل

 

برضوا نفس الاسلوب من مروة ....فى حاجة اسمها تقول لزوجها اهللك مبهدلنى .......قبل ان تسأل زوجها ان ينقذها ...كانت هى هى من نفسها عندما بدأت الاهانات وهى تحتمل دون اتخاذ موقف من البداية ...هى من جلبت هذا لنفسها

 

مروة بلاش دلع بقى . وبعدين هما مش عندنا كل يوم مافيهاش حاجة لما تتعبي شوية

 

اسلوب سلبى من فتحى ......حتى لو هو مش عايز يشوف المشكلة اية ...المفروض يعتذر لها بلباقة .....مثلا ...معلشى يا حبيبتى والله انا عارف انك تعبانه ...استتحملى بس لحد ما اجى ...وانا نفسى هساعدك فى كل حاجة

 

الزوجة لو كانت تحمل على رأسها جبل .....وججدت من زوجها تقدير وشكر لما تبذله من مجهود.......فكأنما حمل عنها الجبل ورماه بعيدا

 

كدة برضو يا فتحي .

 

مع السلامة يا مروة دلوقتي عشان مش فاضي

 

واضح جدا الاختلاف بين المرأة والرجل ......فهى تريد ححنان وتقدير دون ان تتضع خطوات لذللك فطبيعه المرأة انها عشوائية ...وهو يريد خطوات عملية محددة ....وليس فقط ...تعال وتصرف انت

 

 

 

 

 

 

 

 

ها يا بنات ايه رأيكو في الغدا . كل طلباتك اتنفذت يا دينا . انا ماقدرش اشوف نفسك في حاجة وما اكلهالكيش

 

ربنا يخليكي يا ماما . الاكل يجنن . بصراحة مرات فتحي نفسها حلو في الاكل اوي

 

مش اوي يعني يا دينا . المكرونة مش عجباني ولا عاجبة ولادي

 

لا تعليق ......فقط ....من لا يشكر الناس لا يشكر الله

 

هما العيال فين

اهم بيطنططوا في كل حتة شوية . هما العيال بيقعدوا في حتة

 

اسوء شىء فى التربية ......انك ترى ابنك يفعل خطأ ما ولا ترده عنه .....فهذا يذم فى تربيتك انتى ...وليس طفللك .....فتصرفات الاطفال عادة تكون كما تعودا من امهاتهم وكما ربتهم

 

اذا عودتهم الام على احترام البيت سواء بنظام او نظافه ......فيكونوا كدة فى كل مكان .... انما لو العكس ....فستكون هناك فوضى

واسوء ما تفعله بعض الامهات ...عندما ترى ابنها يفعل خطأ ولا تنهره ولو فى اذنه عندما تكون عند احد

فمن باب الاولى ان تنهريه هو فى اذنه او سرا بينك وبينه ...قبل ان يهينه احد وتصبح مشكله بين الكبار ...بدل اصلاح الصغار

 

 

 

دشششششششششششش دددشششششششششششششششششششششششششششش

 

ايه ده . صوت حاجة اتكسرت

 

انتوا يا ولاد . يا مازن يا طارق يا سما يا هدير . كسرتوا ايه

 

دي فازة

 

يا ماما مش احنا دول ولاد خالتو هالة

 

لا مس احنا دول ولاد خالتو دينا

 

مازن وهدير هاديين مش بيكسروا حاجة . اكيد ولادك يا دينا

 

لأ بقى طارق وسما مؤدبين واكيد ولادك هما اللي كسروا الفازة يا هالة

 

لو كان الاطفال مهذبين ....وتربوا على عدم الكذب ....لااعترفوا فورا بمن فعلها .....حتى وان كان يعلم انه يعاقب

ولكنى احيانا مع اولادى ...اذا لاحظت ان احدهم سيحاول الكذب ...اعلمه ....ان الصدق منجاه ....ولو صدق ...فان الله سينجيه من العقاب

وان فعل وكذ واعترف بعد ذللك .......فاطلب منه الاستغفار من ذنبه

 

 

انتو هتتخانقوا ولا ايه . يا مروة تعالي لمي الازاز اللي اتكسر ده لحسن حد من العيال يتعور ولا حاجة

 

يا ام فتحى ...من المفروض ....بدل ان تطلبى ممكن تخدمكم ووتفضل عليكم بذللك ان تأتى وتنظف فوضى ابناء ابنائك ...كان الاولى ان تجعلى احدى بناتك تتحرك من مكانها وتنظف مكان اولادها ....وليس من تتضيفكم فى بيتها

 

 

حاضر الخدامة جاية حاضر تحت امركو

 

اسلوب سلبى من مروة ....ورد سلبى جدا .......وهى السبب فى الاول والاخير ...

فهى من خلال ردودها عليهم .....قد اظهرت انهها بالفعل خادمه عندهم وليست زوجه

 

 

 

 

 

 

 

 

مروة

 

 

يا مروة حبيبتي

 

مروة مابترديش علية ليه

 

لو سمحت يا فتحي مش عايزة اتكلم

 

غلط واكبر غلط ...كان المفروض تتكلمىى......وتفكرى كمان قبل ما يجى ...وتنقى كل كلمه هتقوليها ...علشان يكون فى صالحك ومش ضدك

 

حصل ايه بس

 

هو ايه اللي حصل ايه . ادخل المطبخ وشوف الحوض اللي مليان اطباق وكل ماغسل شوية الاقيهم زادوا تاني

 

ادخل الصالون وشوف الورق والزبالة اللي مرمية في الارض من ولاد اخواتك ومافيش واحدة في اخواتك تقول لولادها عيب

 

شوف سيراميك الحمام اللي دخلوا عليه بجزمهم واثار الطين اللي عليه

 

ولا تحب احكيلك على الالم اللي هيموتني في ضهري وبطني .

 

يا حبيبتي حصل خير معلش المفروض نستحمل شوية

 

لا تعليق على قمه السلبية وعدم الاحساس بالمسؤلية

 

اليست زوجتك تللك جعلها الله تحصين للك من الفتن

اليست من تخدمك بعينيها وقلبها

ليس له اى حق ان يطلب منها ان تحتمل

ان كان يتكلم عن الاحتمال ...فليجرب هو كيف سيكون حاله ان توقفت عن خدمه امه واخواته .....وتركت التفضل .....وتحصنت بحقها الشرعى فى رفض الخدمه لااهله

 

ابوس ايدك مش عايزة اسمع منك ولا كلمة انا تعبانة وعايزة انام ومعلش ابقى اعتذر للهانم مامتك اني مش هقدر اغسل الاطباق ولا انضف البيت عشان خلاص ما عنديش ادنى طاقة اعمل بيها اي حاجة وشكرا ليكو جدا

 

 

كلمه للهانم مامتك دى فيها سوء ادب من مروة ......ولا يجب ان تتكلم عن ام زوجها وجدة احفادها بتللك الطريقة

 

مروة حبيبتي

 

تصبح على خير يا فتحي

 

 

 

 

 

 

 

 

 

 

ااااااااااااااااااااااااااااااااااااااااااه ااااااااااااااااااااااااااااااااااااااااااااااااااااااااااااااااه فتحي الحقني ااااااااااااااااااااااااااااااااااااااااااااااه

 

ايه يا مروة في ايه يا حبيبتي مالك

 

الم رهيب رهيب مش قادرة اتحمله ااااااااااااااااااااااااااااااااااااااااااااااه

 

ايه ده ايه الدم ده في ايه انتي جرالك ايه يا مروة

 

ااااااااااااااااااااااااااااااااااااه اتصلي بماما انا تعبانة حاسة روحي بتطلع هاتلي ماما هاتلي ماما ارجوك

 

يا حبيبتي احنا الساعة تلاتة بعد نص الليل ماينفعش اتصل بيها . انا هاخدك اوديكي مستشفى حالا

 

اتصلي بماما اااااااااااااااااااااااااااااه اتصلي بماما بقولك

 

 

طبيعى جدا انها تتطلب امها ......لانها اصبحت مصدر الحنان والاحساس بمدى المها ....وليس زوجها الذى تنازل عن حقوقها ...وتركها وحيدة

 

هبه لو سمحتى براحة شوية فى كتابه الحلقات ^_____^ مش ملاحقة ارد على حلقاتك يابنتى ....ارحمينى

  • معجبة 1

شارك هذه المشاركه


رابط المشاركه
شارك

اهي مالها كدة بتسلم علينا من بعيد

 

معلش يا اما اصل ريحتها وحشة وخايفة لتأرفوا منها

 

ازيك يا مرات ابني

 

هاي طنط بطة

 

هي مراتك بتشتمني يا واد ولا ايه

 

لا يا ما دي بترحب بيكي بالخواجاتي . اصلها بنت مدارس

 

والله ياخويا انا ماعرفة المدارس دي لزومها ايه . والناس بتدفع دم قلبهم فيها ليه دي حتى بتعلم العيال قلة الادب والقراية . مانا عندي ست عيال أهو طلعطهم من المدارس وقعدتهم جنبي . وطلعوا زي الفل أهو . ولا ايه رايك في جوزك يا نسمة

 

فل فل اوي حاجة تشرح القلب

 

شوفتي مراتي بتدوب فيا دوب ازاي ياما . اصل ابنك يتحب

 

من يومك يا حبيبي والبنات بتجري وراك . مش هنشرب حاجة ولا نقوم نروح

 

 

 

نسمة

 

نعم

 

شوفي الهانم امي تشرب ايه

 

 

بس خدي الاول السبتين دول فضيهم وهاتيهم عشان عايزاهم

 

دخلوهم المطبخ يا باتعة انتي وست ابوها

 

وليه التعب دا ياما

 

حاجة بسيطة يا حبيبي عشرين كيلو زبدة وعشرين سكر وعشرين رز وباكو شاي

 

كان كفاية باكو الشاي ياما

 

معلش يا حبيبي كلوا واتهنوا انتو عرسان . كنت هجيبلكو فراخ بس قولت انتو مش محتاجينها . الخير عندكو زايد وفايض ومش عارفين تودوه فين

 

ارحميني من عنيكي ياما .ابوس ايدك

 

اخص عليك هو انا هحسدك ياواد . انا بدعيلك يزودهوملك ويكترهوملك قادر كريم

 

لا ارجوكي يا طنط مش عايزين الدعوة دي انا اتخنقت من الريحة ياناس حرام عليكو

  • معجبة 3

شارك هذه المشاركه


رابط المشاركه
شارك

ربنا يكون في عون الأنوسة نوسمة سابقا ومودام نوسمة حاليا :/

 

بصوا بصوا شوفوا عريس نسمة

بس يا هالة انتي ودينا عيب عليكو

هههههههههههههههههههههه مش قادرة يا ماما شكله يفطس من الضحك هههههههههههههههههههه

وبعدين بقى سكت اخواتك يا فتحي

بس عيب بقى احترموا نفسكو شوية

 

!!! أنا مش فاهمة هو الفرح مختلط ولا ايه ؟؟ : ))

  • معجبة 2

شارك هذه المشاركه


رابط المشاركه
شارك

 

انا احترم وجهة نظرك يا حبيبة

 

لكن لما زوجة الإبن تنادي حماتها بأمي ليس بالضروري ان تكون في مكانة امها فهمت قصدي؟

بل مجرد لقب للتقرب اليها لا أكثر وبصراحة انا حماتي تستاهل هذا اللقب فهي تعاملني وكأنني ابنتها ولا ابالغ إن قلت لك احيانا اكثر من ابنتها =)

وكل وحدة ادرى بحماتها طبعا

 

@هبةنور

 

يا نهارك من غير الوان مش شايفة اسمي في ترحيبك يا بت -_-

 

مسكينة نسومة ظنت ان المال كل شيء لكن لا فالسعادة لا تشترى بالمال

الله يكون في عونها :D :D

 

وما شاء الله على ام فتحي اخاف اكون انا اللي احلم هههههه

يارب تبقى كدة لأن ام فتحي من النوع الذي يتأثر بكلام بناتها وتقدر تقلب في يوم وليلة ههههههه

 

:D :D :D

شارك هذه المشاركه


رابط المشاركه
شارك

^ـــــــــــــــــــــــــــــــــــــــــ^

رهيبة

تستاهلي يا نسمة

شارك هذه المشاركه


رابط المشاركه
شارك

 

انا احترم وجهة نظرك يا حبيبة

 

لكن لما زوجة الإبن تنادي حماتها بأمي ليس بالضروري ان تكون في مكانة امها فهمت قصدي؟

بل مجرد لقب للتقرب اليها لا أكثر وبصراحة انا حماتي تستاهل هذا اللقب فهي تعاملني وكأنني ابنتها ولا ابالغ إن قلت لك احيانا اكثر من ابنتها =)

وكل وحدة ادرى بحماتها طبعا

 

@هبةنور

 

يا نهارك من غير الوان مش شايفة اسمي في ترحيبك يا بت -_-

 

مسكينة نسومة ظنت ان المال كل شيء لكن لا فالسعادة لا تشترى بالمال

الله يكون في عونها :D :D

 

وما شاء الله على ام فتحي اخاف اكون انا اللي احلم هههههه

يارب تبقى كدة لأن ام فتحي من النوع الذي يتأثر بكلام بناتها وتقدر تقلب في يوم وليلة ههههههه

 

:D :D :D

 

 

 

ههههههههههههههههههههه

 

والله يا ام هالة غصب عني سا محيني

 

حقك عليا

 

خلاص صافية لبن بقى

 

 

انا بقول لحماتي يا ماما برضو

 

وانا الوحيدة في سلايفي اللي بقولها يا ماما

 

سلفتي اللي في السعودية بتقولها يا طنط والعلاقة بينهم كويسة جدا اللقب ما قللش من العلاقة الطيبة

 

باقي سلايفي لا بيقولوا يا ماما ولا يا طنط بيقولوها يا حاجة ومريحين دماغهم ههههههههههههههه

  • معجبة 2

شارك هذه المشاركه


رابط المشاركه
شارك

قبل ما اكمل الحلقات عندي اعتذار واجب

 

بعتذر لحماتي جدا اللي انا كنت السبب في سوء معاملتها ليا وإعراضها عني من غير ما اقصد

 

حماتي كل اللي كانت محتاجاه مني هو مجرد السؤال عليها

 

وانا ما كنتش بهتم بالأمر ده

 

عايشة حياتي زي ماكنت عايشاها في القاهرة بالظبط . يعني قافلة بابي علية وماليش اختلاط بحد

 

اول جوازي كانت هي تخبط عليا وهي مبتسمة وتقولي ازيك عاملة ايه . مش محتاجة اي حاجة ؟

 

لكن انا عمري ما خبطت عليها اشوفها عاملة ايه ولا اذا كانت محتاجة حاجة

 

ابتدت تشتكي لزوجي من عدم اهتمامي بيها لكن دون جدوى . دايما اتحجج ان يومي مشحون ومش فاضية

 

افتكر اني عمري ما خبطت عليها الا اذا كان جوزي طالب مني ابعتلها حاجة . وحتى لو كنت ساعات بعمل حاجة حلوة وانزلها منها فبنزل بس عشان زوجي ما يلومنيش مش اكتر

 

مش هنسى لما مرة طلبت من زوجي يشتريلي حاجة ورفض وهي قالتلي ماتزعليش لو هو قصر في حاجة اطلبيها مني وانا اجيبهالك

 

كل مواقفها الكريمة دي عدت مرت عليا مرور الكرام دون وقفة مع نفسي

 

ورغم اعراضها عني وزعلها بسبب افعالي كانت اول ما تعرف ان اهلي جايين لزيارتي لازم تعلمهم عزومة وتحتفل بيهم وتقابلهم احسن مقابلة كأنهم جايين لزيارتها هي

 

وحتى لما اجي مسافرة القاهرة لازم تبعت معايا هدايا ليهم . وبالتالي هما بيردوا الهدايا وبيقدروا جميلها لدرجة ان مرات اخويا راحت اشترت لحماتي عباية شيك جدا وبعتتها معايا

 

وحماتي انبسطت جدا باهتمام زوجة اخويا . لكن انا عمري ما فكرت اشتريلها هدية الا لما زوجي يلفت نظري وساعات كان هو يجيب الهدية ويقولها هبة اللي اشتريتها لكن هي قلبها بيحس انها مش مني

 

 

مواقفها النبيلة دي مع كل سلايفي . مش هنسى لما سلفتي كانت زعلانة مع زوجها وراحت بيت اهلها . وحماتي اتحايلت على ابنها يروح يصالحها ومارضيش

 

راحت هي جابتها وصالحتها بنفسها ورجعتها البيت

 

سلفتي اللي في السعودية مرة اتصلت بحماتي وكانت حماتي عندي وكانت سلفتي بتعيط ومنهارة بسبب موقف حصل من زوجها

 

وحماتي قعدت تهدي فيها وتقولها حقك عليا يا حبيبتي انا عارفة انتي مستحملة كتير عشان انتي اصلك طيب . انا هتصرف ما تخافيش

 

سلفتي طلبت منها ما تقولش لجوزها انها اشتكت منه وفعلا اتصلت بابنها كأنها بتسأل عليه عادي

 

وقالتله ازي مراتك وبنتك راح هو حكالها وقالها انا نزلت وسيبتيلها البيت وهتغدا برا ومش راجع الا لما تنام

 

راحت قالته عشان خاطري لو انا غالية عندك روح صالح مراتك واتغدا معاها ما تسيبهاش زعلانة . مراتك طيبة وبنت حلال ما تستاهلش كدة

 

 

وحتى انا ورغم انها واخدة مني موقف . مرة كان زوجي بيزعقلي راحت قالتله انت ليه بتزعقلها بالشكل ده وقلبت عليه هو ههههههههههههه

 

 

 

 

انا غيرت من نفسي وبقيت اهتم بيها وكل يوم دلوقتي لازم انزل الصبح اطمن عليها واقولها انا جاية اصبح عليكي يا ماما

 

بجد بقت تفرح اوي وتبتسم وتقولي جزاك الله خيرا وفي الفترة الاخيرة بقت دايما تقولي يا هبة يا بنتي

 

بجد بعتذرلها بعتذرلها من قلبي واطلب من ربنا انه يسامحني لاني اسأت الظن بيها كتير

  • معجبة 24

شارك هذه المشاركه


رابط المشاركه
شارك

ياااااااااااااااه يا هبة

 

بتعرفي أحيانا الواحد منا بيكون غلطان في حق نفسه وفي حق أقرب الناس ليه ولما بيحصل موقف <<<<< من مواقفنا الخطأ اللي بنكررها باستمرار >>>>

 

أمامنا من شخص آخرنقوم نعطيه مناشيت نصاااائح ولا كأنه الموقف مر علي وأخطأت فيه

 

لعل كتااابة القصص كان ليها دور خفي في تعديل موقفك

 

والحمد لله رب العالمين الذي أعانك ع هذا التغيييير الحمد لله

 

احترامي واعجابي بك يا غالية زاد قدره <<<< أحبك في الله

 

سلاااااامي لحماتك و الله يديم المعروف بينكم

شارك هذه المشاركه


رابط المشاركه
شارك

ترررررررررررررررررررررررررررررن تررررررررررررررررررررررررررررررررررن

 

مين

 

 

انا سعاد افتحي يا ام فتحي

 

سعاد مين

 

سعاد بنت خالتك . هو حد بيعبرك غيري

 

 

اهلا اهلا يا مرحب ازيك يا سعاد عاش من شافك اتفضلي

 

يزيد فضلك يا ام فتحي

 

والله زمان يا سعاد . ايه الغيبة الطويلة دي

 

مشاغل يا ام فتحي . اللي عليها بيقاسي يختي

 

وحشني كلامك اللي بيجيب اكتئاب . ازيك يا سعاد وازي العيال

 

عيال ايه . العيال كبرت وكبرنا معاهم يلا حسن الختام بقى . هناخد زمنا وزمن غيرنا

 

يا لهوي . كل ده عشان بقولك العيال عاملين ايه

 

مش عماد اتجوز

 

عماد مين

 

يوه . عماد ابني الصغير

 

ماشاء الله . وماعزمتوناش ع الفرح ليه

 

كان فرح الشوم واللوم بعيد عنك . اتخانقت مع ام العروسة والفرح كان هيبوظ

 

واتخانقتوا ليه

 

داست على رجلي . اسكتها ولا اسكتلها

 

لا ودي تيجي . لازم تاخدي حقك وتفتحي دماغها

 

اديكي قولتي يا ام فتحي

 

والفرح تم ولا باظ على كدة

 

تم يختي هنعمل ايه .هو حد يقدر يمنع قضاء ربنا

 

إنا لله وإنا إليه راجعون . زعلتيني . تشربي ايه

اشرب عصير قصب

 

واجيبهولك من انهي مصيبة دا

 

خلاص اي حاجة ساقعة

 

عن اذنك هروح اجيبلك

 

ليه . هي مش مرات ابنك عايشة معاكي

 

ايوة

 

وانتي اللي هتقومي تجيبي بنفسك

 

اصلها حامل وتعبانة

 

يختي عليكي وعلى حنية فلبك . هو احنا هنديهم رجالة يستتوهم وهنشتغل عندهم خدامين كمان . ايه الخيبة اللي انتي فيها دي . انشفي يا ام فتحي مش كدة لنشطب اسمك من سجل الحموات وناخد منك النياشين والأوسمة

 

يختي برضو الواحد يبقى عنده شوية رحمة يا سعاد

 

وهما كانوا رحمونا لما خدوا فلاذات أكبادنا جهارا نهارا على رؤوس الأشهاد ظلما وعدوانا

 

اي والله عندك حق يا سعاد .خلاص انا هستنى لما تولد وابعدين استعيد نشاطي

 

يختي وهي تعبانة في ايه . هو شغل البيوت دلوقتي بقى يتعب ولا يهد حيل . دا كل حاجة بالكهربا

 

الغسيل يحطوه في الغسالة الاتوماتيك ويطلعوه ينشروه . تعبوا في ايه دول قوليلي . ياما الطشوت خدت مننا رقات يا ام فتحي يختي ولا نسيتي قطمة وسطنا واحنا بندعك الهدوم

 

اهئ اهئ اهئ بتفكريني ليه يختي خليني ناسية

 

ولا المكنسة ام كهربا اللي بتشفط لوحديها واللي ماسكاها تستهبل وتقول دانا كنست واتهد حيلي . فين دول من المقشة الليف اللي كنا نوطي ونكنس بيها لما جالنا كساح

 

اهئ اهئ اهئ فاكراها . الله لا يرجعها

 

تقومي تقوليلي بيتعبوا . ال بيتعبوا ال . اندهي عليها تعملنا حاجة نشربها بلا دلع ستات فارغ . دانا مرات ابني بتشوفني تقوم تقف وتديلي التحية العسكرية . انتو حموات انتوا

 

مرووووووووووووووووووووووووووووووووووووووووووووووووووووووووووووووووووووووووووووووووووووة

  • معجبة 1

شارك هذه المشاركه


رابط المشاركه
شارك

هههههههههههههههههههه شكل ريمه هترجع لعادتها القديمة .....الست كان ربنا هاديها ليه كده ياسعاد ؟....."قال ياقاعدين يكفيكوا شر الجايين"مبدعه ياهوبه كعادتك تسلم ايدك ياغاليه

شارك هذه المشاركه


رابط المشاركه
شارك

كنت فين يا فرج

 

بتفقد احوال الرعية

 

رعية ايه اللي بتتفقد احوالها دي ان شاء الله

 

روحت اشوف الجيران بكونوا محتاجين حاجة . لقيت الانارب شكلهم مش عاجبني

 

ازاي يعني

 

زي ما يكونوا نفسويتهم تعبانة وسرحانين

 

يا سلام ! هي الارانب نفسيتها بتتعب كمان

 

اومال ايه . الحاجات دي ما يعرفهاش الا اللي عنده قلب واحساس زي حالاتي . اوعي تكوني بتعامليهم وحش يا نوسمة عشان كدة واخدين على خاطرهم

 

وانا مالي ومالهم يا بني ادم انت . انا بفتح باب الشقة لقيت كذا ارنب واقفين عند الباب خوفت وقفلت بسرعة قبل ما يدخلوا

 

ايوة ايوة قولتيلي عشان كدة . انتي جرحتي مشاعرهم . الله يسامحك يا شيخة . اهم لا راضين ياكلوا ولا يشربوا

 

يااخي ان شالله ما طفحوا . هو احنا ماورناش غير سيرة الطيور بتاعتك

 

اومال هنتكلم عن ايه يعني

 

نتكلم عن اي حاجة . اتكلم في السياسة مثلا

 

اهو انا ما اكرهش في حياتي اد السياسة دي عدم الامؤاخذة . الجماعة بتوع السياسة دول عملين زي الديوك طول النهار ياكلوا في بعض وبيتخانقوا بغباوة وناقص يمسكوا مطاوي ويغزوا بعض . ربنا يكفينا شر السياسة . خلينا في عالم الحيوان احسن

 

بقولك ايه . انا عايزة اخرج اتفسح خرجني من هنا على الاقل ارتاح من الريحة

 

ودي معقولة . نخرج ونسيب الجيران لوحديهم

 

بقولك ايه . عايزة اخرج يابني ادم انا مخنوقة

 

طب خلاص انا هاخدك بالعربية ونطلع امريكاني على سوق العبور نجيب قفصين برتقان ونقعد في اي جونينة نقشرهم وناكلهم . واهو نغير جو

 

سوق العبور ! اتقي الله فيا . عايزة اتفسح يا بني ادم عايزة اتفسح

 

طب ماتقولي عايزة تروحي فين وانا اوديكي يا نوسمة

 

احنا ناخد العربية ونطلع ع المقطم

 

طب خدي معاكي قسيمة الجواز ليقفشونا هناك

 

يييييييييييييييييييييييي ياربي ارحمني . ولا اقولك تعالى نتعشا برا

 

ونتعشا برا ليه . هو احنا ما فيش اكل في بيوتنا . وبعدين هنتعشى عند مين .الناس كلها بقت بخلا ومايتعاشروش

 

يابني ادم هو احنا هنروح ناكل عند حد نعرفه

 

اومال يعني هنخبط ع الناس الغورب نقولهم عشونا . انتي جرا لمخك حاجة يا حرمنا المصون

 

يا فرج يا فرج الناس بتتعشى برا في مطاعم . مطاعم شيك . مطاعم كبيرة

 

طب ماتقولي كدة . شوفي عايزة تروحي فين . عيوني ليك يا باشا يا احلى من البوغاشة

  • معجبة 1

شارك هذه المشاركه


رابط المشاركه
شارك

ماشاء الله عليكِ يا هوبة

 

الله يديم عليكِ السعادة

 

أحيانًا مش بنأخد بالنا من حاجات أحنا بنعملها ونعود نشتكي وندور هو اية اللي حصل

 

 

تعرفي بجد انا بكون مبسوطة لما بنزل عند حماتي واقعد معاها

 

 

ولما كنت بعملها حاجة وتدعيلي كنت ببقى فرحانة اوي

شارك هذه المشاركه


رابط المشاركه
شارك

لا حول ولا قوة الا بالله :!

ايه يا حاجه سعاد يعنى الحكاية كانت ناقصاكى :(

ما صدقنا ام فتحى ربنا هداها

 

..

 

 

وبعدين يا انوسه نوسمه المعلم فرج راجل محترم ما بيكسرش ليكى كلمة عايزة ايه تانى :P

شارك هذه المشاركه


رابط المشاركه
شارك

هبه

احترام وتقدير ليكي على اعترافك دا

الاعتراف بالحق ليس عيب ولن ينقص منا شيء

ربنا يزيدك عقل على عقلك ^^

 

 

ام فتحي

من النوع الي الكلام بيأثر فيها جداا يعني لو ما تسمعش لكلام حد

او بناتها اظن انها ومروة هيكونوا شيء تاني خالص

 

كمان الستات الي بتقعد تشحن في الي قدامها تلاقيها اصلا بتاخد على دماغها

ويا ريت لو كل واحد يخليه في حاله اظن ما هيكون في مشاكل

 

 

 

 

فرج ونسمه

مشكله كبيره وهي عدم التوافق الثقافي بينهم الموضوع دا مشكله كبيره وهيسبب مشاكل نفسيه

اكتر ودي غلطه الي تدور علي الفلوس بس

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×